10:05 - 24 հունվարի, 2021
Հանդիպում ունեցանք Արցախի քաղաքաշինության նախարար Արամ Սարգսյանի հետ. Մեսրոպ Առաքելյան
Հայաստանի և Արցախի գործընկերներիս հետ հանդիպում ունեցանք Արցախի քաղաքաշինության նախարար Արամ Սարգսյանի հետ՝ տեղում բնակարանաշինական աշխատանքներին ծանոթանալու, այդ գործում Հայաստանի և Սփյուռքի արդյունավետ ներգրավման տարբերակները քննարկելու համար։ Այս մասին Ֆեյսբուքի էջում գրել է ՀՀ աշխատանքի և սոցիալական հարցերի նախարար Մեսրոպ Առաքելյանը։
«Արցախցի շուրջ 10 հազար ընտանիքի կացարանով ապահովելու համար քննարկեցինք առկա բնակարանային ծրագրերը, պայմանավորվեցինք շարունակել համագործակցությունը և Արցախի գյուղերի ու քաղաքների վերաշինման աշխատանքներում ներգրավել նաև սփյուռքի տարբեր համայնքների»,- գրել է նախարարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)