armtimes.com։ Ազգային ժողովի քառօրյան շարունակվում է:
Այսօր խորհրդարանը առաջին ընթերցմամբ ընդունեց ՀՀ Քրեական դատավարության օրենսգրքի նախագիծը, որի հեղինակը կառավարությունն էր։
Նախագծով, հիշեցնենք, նախատեսվում է վարույթի ամրագրումը դարձնել էլեկտրոնային:
Առաջարկվում է ներդնել պահեստային դատավորի գաղափարը, այսինքն՝ գործերի ծավալի բարդության դեպքում դատարանի նախագահին հնարավորություն է տրվում ընտրել դատավորի, որը մասնակցում է գործի քննությանը պասիվ դերում և բուն դատավորի փոփոխության դեպքում ստիպված չի լինում գործը նորից սկսել:
Նախատեսվում է նաև ներդնել փաստերի իրավական կանխավարկածի ինստիտուտը, վերացնել քրեական գործի հարցման ձևական փուլը: Նախաքննության փուլում առաջարկվում է մեծացնել պաշտպանի դերակատարումը. վերջինիս կողմից ներկայացված տեղեկությունները ապացույցի կարգավիճակ կունենան:
Նախագիծն առաջին ընթերցմամբ ընդունվեց 85 կողմ, 2 դեմ 2, 4 ձեռնպահ ձայների հարաբերակցությամբ:
comment.count (0)