19:52 - 15 ապրիլի, 2021
ՀՀ նախագահի այցից հետո մեր հարաբերությունները որակապես նոր մակարդակ կտեղափոխվեն. Վրաստանի ԱԳ նախարար |armenpress.am|
armenpress.am: Արտաքին գործերի նախարար Դավիթ Զալկալիանին Հայաստանի նախագահի այցը Վրաստան կարևոր իրադարձություն է հարամում երկկողմ հարաբերություններում: Ինչպես հաղորդում է Վրաստանի առաջին ալիքը, Զալկալիանին նշել է, որ այս այցը լավ առիթ է երկկողմ հարաբերությունների բոլոր հիմնական ուղղությունները և տարածաշրջանում առկա իրավիճակը քննարկելու համար:
«Այցն անցկացվում է շատ կարևոր ժամանակահատվածում, և, բնականաբար, շատ լավ հնարավորություն կա երկկողմ հարաբերությունների բոլոր հիմնական ուղղությունները, ինչպես նաև տարածաշրջանում իրավիճակը քննարկելու համար: Այս այցի ընթացքում մենք հնարավորություն կունենանք խոսել վերջին տարիներին վրաց-հայկական հարաբերությունների դինամիկայի, ինչպես նաև ապագա հեռանկարների մասին: Անհրաժեշտ է փոխանակել դիրքորոշումները տարածաշրջանում տիրող իրավիճակի և այն ամենի վերաբերյալ, ինչը պետք է արվի տարածաշրջանի երկարաժամկետ կայունության և զարգացման համար: Համոզված եմ, որ այս այցից հետո մեր հարաբերությունները որակապես նոր մակարդակ կտեղափոխվեն», – ասաց Դավիթ Զալկալիանին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)