11:21 - 18 մայիսի, 2021
«Զվարթնոց» օդանավակայանից ձերբակալվել է Գագիկ Բեգլարյանը. նա ներկայացվել է ԱԱԾ
Երեկ ՀՀ ոստիկանության քրեական ոստիկանության գլխավոր վարչության ծառայողները Մոսկվա-Երևան չվերթի ինքնաթիռի ժամանումից հետո ձերբակալել և ԱԱԾ են ներկայացրել Հայաստան ժամանած ՀՀ տրանսպորտի և կապի նախկին նախարար Գագիկ Բեգլարյանին:
Այս մասին հայտնեցին ՀՀ ոստիկանությունից՝ նշելով, որ ոստիկանության ՔՈ գլխավոր վարչության և «Զվարթնոց» օդանավակայանի գծային բաժնի ՔՀԲ ծառայողների ձեռնարկած օպերատիվ-հետախուզական միջոցառումների շնորհիվ մայիսի 17-ին Մոսկվա-Երևան չվերթի ինքնաթիռի ժամանումից հետո ազգային անվտանգության ծառայությանն է հանձնվել 57-ամյա Գագիկ Բ.-ն:
Նա 2020 թ. մարտի 23-ից ոստիկանության ՔՈԳՎ կողմից հետախուզվում էր ՀՀ քրեական օրենսգրքի 179-րդ (Յուրացնելը կամ վատնելը) և 308-րդ (Պաշտոնեական լիազորությունները չարաշահելը) հոդվածների մեղադրանքով: Խափանման միջոցը՝ կալանք:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)