Լիբանանի հայահոծ թաղամասերում, ինչպես ողջ Բեյրութում, ավերածությունները զգալի են։ Այս պահի դրությամբ նախնական տեղեկություն կա ազգությամբ մեկ հայի մահվան և մի քանիսի՝ տարբեր աստիճանի վնասվածքներ ունենալու մասին՝ հիմնականում տներում՝ ապակիների փշրվելուց։ Պայթյունից մասնակիորեն վնասվել է նաև Լիբանանում ՀՀ դեսպանության շենքը: Հնարավոր զոհերի, վիրավորների և պայթյունի պատճառած ավերածությունների վերաբերյալ տվյալները ճշտվում են։ [ՀՀ ԱԳՆ խոսնակ]
Ցուցարարներին մոտեցավ Վայոց Ձորի ոստիկանապետ Գևորգ Ազիզյանը և տեղեկացրեց, որ իրենք իրավիճակի հանգուցալուծման համար քննարկումներ են ունեցել․ «Չնայած սա այսօրվա լուծվելիք հարց չի, բայց փորձեցի մաքսիմալ լուծում գտնել: Այս պահին հարցը դեռ քննարկման փուլում է, վերջնական որոշված չէ, քննարկման փուլում է տեղաշարժման հարցը, բայց խոսք չեմ տալիս, որ դա կարող է այս պահին լինել: Վաղը կարող է ձեր խումբը գնալ կառավարություն և կոնստրուկտիվ քննարկում ունենալ այս հարցի հետ կապված, այնտեղ պարզաբանվելու է, որ իրականում այս պահին շահագործման մասին խոսք չկա։ Կա հարուցված քրեական գործ, բայց իրավասություն չունեմ գործի մանրամասների վերաբերյալ բարձրաձայնելու»։
Այսօր երեկոյան Բեյրութում տեղի է ունեցել մեծ պայթյուն, որի հետևանքով բազմաթիվ մարդիկ են վիրավորվել, առնվազն տասը մարդ՝ մահացել։ Լիբանանի NNA պետական լրատվական գործակալությունը և անվտանգության ոլորտի պատասխանատու երկու աղբյուր հայտնում են, որ պայթյունը տեղի է ունեցել նավահանգստի տարածքում, որտեղ առկա են պայթուցիկ նյութերով պահեստներ: Դեռևս պարզ չէր, թե ինչն է պայթյունի պատճառը կամ ինչ տեսակի պայթուցիկ նյութեր են եղել պահեստներում: |Reuters|
Վարչական իրավախախտումների վերաբերյալ օրենսգրքի 182-րդ հոդվածով (ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը) նախատեսված արարք կատարելու համար Ամուլսարի տարածքից 10 անձ բերվել է ոստիկանություն: [ՀՀ ոստիկանության լրատվության վարչության պետի տեղակալ Էդգար Ջանոյան]
Ես ժամանակ եմ խնդրել, որպեսզի լիարժեքորեն տիրապետեմ թեմային և իմ գնահատականները հնչեցնեմ ավելի ուշ, քանի որ շուրջ երկու տարվա ընթացքում ես կոմպետենտ չեմ եղել այդ խնդրին։ Եթե հանքը շահագործվի, ապա պետք է բոլոր երաշխիքներն ունենանք՝ մտահոգությունների փարատման առումով: Ես աշխատելու եմ բաց, շիտակ և թափանցիկ և չի կարող մի մտահոգություն լինել, որը հաշվի չի առնվի, որևէ փաստարկ, որը քննարկելի չի լինի, ես դա երաշխովորում եմ և՛ անձամբ և՛ ի պաշտոնե։ [Շրջակա միջավայրի նախարար Ռոմանոս Պետրոսյանը՝ Ամուլսարի մասին] |tert.am|
Այսօր տեղեկատվական անվտանգության փորձագետ Սամվել Մարտիրոսյանը տեղեկացրել էր, թե ադրբեջանական հաքերները հայտնում են ՀՀ կառավարական ներքին ցանց ներթափանցելու և 55 տերաբայթ տեղեկություն տանելու մասին։ ՀՀ վարչապետի խոսնակի խոսքով՝ ադրբեջանցի հաքերների հարձակման մասին տեղեկությունը չի համապատասխանում իրականությանը։ |factor.am|
Ոչ բռնի պայքարի միջոցներով իշխանության եկած պաշտոնյաները զարմանալիորեն չեն խոսում ու գրում, որ Ամուլսարում տեղի ունեցողը անընդունելի է ժողովրդավարական հասարակությունում։ Ավելին, կան նաև օրենքի խախտումներ՝ պահնորդների և ընկերության անունները չկային համազգեստների վրա, նրանց վկայականների առկայությունը և հարկային թափանցիկ գործունեությունը դեռ հարցականի տակ են. այս ամենի մասին բողոք է գրվել ոստիկանությանը։ [«Ձախ դիմադրություն»]
2011թ. մարտի 25-ին Աբովյան համայնքի նախկին ղեկավարի օգնականը անցկացրել է կեղծ աճուրդ՝ իբրև թե աճուրդի հայտ ներկայացնելուն և անցկացմանը մասնակցել են մեկից ավելի անձինք: Այդ մասին կազմվել են կեղծ պաշտոնական պաստաթղթեր, մինչդեռ իրականում միայն շահագրգիռ անձի մասնակցությամբ և առանց երկրոդ անձի իրականացվել է աճուրդ, ինչի հետևանքով համայնքը զրկվել է կանաչապատ գոտի տնօրինելու հնարավորությունից։
Ռուբեն Հայրապետյանը 2003թ. հունիսի 20-ից ՌԴ քաղաքացի է: ՌԴ գլխավոր դատախազությունից դեռևս չեն ստացվել նրա նկատմամբ հետախուզումը ՌԴ տարածքում դադարեցնելու և դրա հնարավոր հիմքերի վերաբերյալ ակնկալվող պարզաբանումները, և այս պահին դեռևս չենք կարող ասել՝ արդյո՞ք Ռ. Հայրապետյանի՝ ՌԴ քաղաքացի հանդիսանալը հիմք է եղել հետախուզումը դադարեցնելու որոշում կայացնելու համար։ [ՀՀ գլխավոր դատախազի տեղակալ] |azatutyun.am|
Ներդրողը, որի մասին նախկինում հայտարարվել էր և որը պետք է կառուցեր Երևանի մետրոպոլիտենի Աջափնյակի կայարանը, այլևս չի ներգրավվի։ Փոխարենը կայարանը կկառուցվի պետական միջոցներով: Նման որոշման հանգել են այն բանից հետո, երբ հասկացել են, որ կարող է գումարի մեջ կորուստ ունենան, սակայն ժամանակի մեջ շահեն, եթե կայարանը կառուցի կառավարությունը: Այս մասին հայտնել է Հայկ Մարությանը։ |hetq.am|
«Հայոց պատմություն», «Համաշխարհային պատմություն», «Հասարակագիտութուն» առարկաների չափորոշիչները կազմող աշխատանքային թիմի ղեկավարը նշում է, որ ինքը չի մասնակցել Թուրքիայի կողմից կազմակերպված ծրագրի: Նա մասնակցել է ծրագրի, որին նաև թուրք մասնագետներ են ներգրավված եղել: Այս մասին նա ասել է այսօր հրավիրված ասուլիսի ժամանակ։ |armenpress.am|
Արթուր Մեսչյանը դեռևս պաշտոնավարում է, սակայն իր գործունեությունը սկսելուց առաջ նա հայտնել էր, որ պաշտոնավարելու է մոտ 2 տարի: Ես նրանից դեռ ոչ մի դիմում չեմ ստացել, նա ազատման դիմում չի գրել, բայց նա իր խոստմանը հավատարիմ է մնալու։ [Հայկ Մարության] |armenpress.am|
Արմեն Սարգսյանը ստորագրել է Արթուր Վաղարշյանի՝ Սահմանադրական դատարանի դատավորի թեկնածուի առաջադրման գրությունը: [ՀՀ նախագահի աշխատակազմ]
Հայկական կողմը միջոցներ է ձեռնարկում ռուս-վրացական սահմանի չեզոք գոտում մնացած բեռնատարների մուտքը Վրաստան, այնուհետև Հայաստան ապահովելու ուղղությամբ։ Այս մասին ասաց Ռուսաստանում Հայաստանի դեսպանության մաքսային կցորդը։ Ռուս-վրացական սահմանի չեզոք գոտում են մնացել դեպի Հայաստան ուղևորվող գյուղատնտեսական տեխնիկա և հանքարդյունաբերության ոլորտում կիրառվող պայթուցիկ սարքեր տեղափոխող բեռնատարները։ Մեքենաները կանգնեցրել են վրացական Կազբեկի մաքսակետում և թույլ չեն տվել մտնել Վրաստան՝ հստակ չնշելով այդ արգելքի պատճառները։ |lragir.am|
Ոստիկանությունից չմեկնաբանեցին, սակայն, մեր դիտարկումը, որ այդպիսով, փաստորեն, Ընկերությունը խախտել է Ջերմուկի ոստիկանության բաժնի պետ, ոստիկանության մայոր Ա․ Արմենակյանի տրամադրած փաստաթղթի այն հիմունքը, ըստ որի՝ շարժական տնակները չեն գտնվում Ընկերությանը պատկանող անշարժ գույքային միավորների տարածքում։
ԿՄԳՍՆ-ն ՄԻՊ-ին հայտնել է, որ բուհերի ընդունելության կարգի վերաբերյալ իրականացվել են իրազեկման աշխատանքներ: Սակայն Պաշտպանի աշխատակազմի դիտարկումները վկայում են, որ նախ՝ կարգին վերաբերող Կառավարության որոշման դրույթները ներկայացված չեն եղել դիմորդների համար նախատեսված մատչելի տարբերակով, և երկրորդ՝ ժամանակային սղությամբ պայմանավորված դիմորդները չեն ունեցել ընդունելության նոր կարգին լիարժեք ծանոթանալու հնարավորություն։
Օգոստոսի 4-ի դրությամբ հաստատվել է կորոնավիրուսային հիվանդության ընդհանուր 39298 դեպք, որոնցից 30372-ն` առողջացած, 768-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 7930 պացիենտ: Ընդհանուր առմամբ կատարվել է 168164 թեստավորում: Այսպիսով` ունենք կորոնավիրուսային հիվանդությամբ հաստատված 196 նոր դեպք և 511 առողջացած։ Մեկ օրում իրականացվել է 1069 թեստավորում։
Կալիֆոռնիայի նահանգապետը դատապարտել է Սան Ֆրանցիսկոյի հայկական Քրուզյան-Զեքարյան-Վասպուրական դպրոցի և հարակից հայկական համայնքային կենտրոնի նկատմամբ տեղի ունեցած վանդալիզմի ակտը: Միջադեպին անդրադարձել է նաև Կալիֆոռնիայի փոխնահանգապետը՝ նշելով, որ հայկական դպրոցի նկատմամբ հարձակումն ատելության հիմքով իրականացված հանցագործություն է, որի դրդապատճառն Ադրբեջանի ագրեսիան է ընդդեմ Հայաստանի: |tert.am|
«Լիդիան Արմենիա» ընկերության կողմից վարձված պահնորդական ծառայությունը գիշերը հանել է Ամուլսար տանող ճանապարհի մոտ բնակիչների կողմից տեղադրված տնակները և տեղադրել սեփական տնակները։ [Ջերմուկի բնակիչ Շիրակ Բունիաթյան]
