Արարատ Միրզոյան

ՀՀ արտաքին գործերի նախարար։ Այս պաշտոնին նա նշանակվել է 2021թ․ օգոստոսի 19-ին։

7-րդ գումարման Ազգային ժողովի նախագահն է։ «Քաղաքացիական պայմանագիր» կուսակցության վարչության անդամ։ Ծնվել է 1979թ․ նոյեմբերի 23-ին։ Մասնագիտությամբ պատմաբան է եւ պետական կառավարման, տեղական ինքնակառավարման մասնագետ։

2003-2005 թվականներին աշխատել է ՀՀ ԳԱԱ Հայոց ցեղասպանության թանգարան-ինստիտուտում՝ որպես կրտսեր գիտաշխատող: 2005-2007 թվականներին աշխատել է Հայաստանի ազգային արխիվում՝ որպես հասարակական-քաղաքական փաստաթղթերի բաժնի գլխավոր արխիվագետ։ 2007-2010 թվականներին աշխատել է «Էյչ-Էս-Բի-ՍԻ Բանկ Հայաստան» ՓԲԸ-ում: 2011-2012 թվականներին որպես վերլուծաբան՝ աշխատել է «Ռեգնում» միջազգային լրատվական գործակալությունում: 2012-2013 թվականներին աշխատել է Ընտրական համակարգերի միջազգային հիմնադրամում (IFES)՝ որպես ընտրողների իրազեկման ծրագրի համակարգող: 2012 թվականի հոկտեմբերից 2013 թվականի փետրվարն ընկած ժամանակահատվածում դասավանդել է ԵՊՀ-ում: 2013-2015 թվականներին եղել է «Հայաստանի զարգացման նախաձեռնություններ» (IDEA) հիմնադրամի «Ավրորա մրցանակ եւ 100 կյանք» նախաձեռնության հետազոտական խմբի ղեկավարը։ 2014-2017 թվականներին աշխատել է որպես Բազմակուսակցական ժողովրդավարության նիդեռլանդական ինստիտուտի (NIMD) քաղաքական կուսակցությունների եւ ռազմավարական պլանավորման փորձագետ։

Արարատ Միրզոյանը «Քաղաքացիական պայմանագիր» կուսակցության հիմնադիր անդամ է: 2016 թվականից հանդիսանում է «Քաղաքացիական պայմանագիր» կուսակցության վարչության անդամ: 2017 թվականի ապրիլի 2-ին «Ելք» կուսակցությունների դաշինքի թիվ 3 ընտրատարածքի տարածքային ընտրական ցուցակով ընտրվել է ՀՀ 6-րդ գումարման Ազգային ժողովի պատգամավոր: 2018 թվականին եղել է «Իմ քայլը» շարժումը նախաձեռնող խմբի անդամ: 2018 թվականի մայիսի 11-ին նշանակվել է ՀՀ առաջին փոխվարչապետ: 2018 թվականի դեկտեմբերի 9-ին կայացած արտահերթ խորհրդարանական ընտրություններում Երեւան քաղաքի Մալաթիա-Սեբաստիա եւ Շենգավիթ վարչական շրջաններն ընդգրկող թիվ 3 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 25 550 ձայն: 2019 թվականի հունվարի 10-ին ստացել է պատգամավորական մանդատը։

2019 թվականի հունվարի 14-ին տեղի ունեցած ՀՀ 7-րդ գումարման Ազգային ժողովի առաջին նիստի ժամանակ ընտրվել է ԱԺ նախագահ՝ 131 կողմ ձայնով: 

Արարատ Միրզոյանն ու Բելառուսի ԱԳ նախարարը հանդիպման ընթացքում անդրադարձել են տարածաշրջանային անվտանգության հարցերին

Արարատ Միրզոյանն ու Բելառուսի ԱԳ նախարարը հանդիպման ընթացքում անդրադարձել են տարածաշրջանային անվտանգության հարցերին

ԱՊՀ ԱԳ նախարարների խորհրդի նիստին մասնակցելու նպատակով հոկտեմբերի 15-ին Մինսկում գտնվող ՀՀ ԱԳ նախարար Արարատ Միրզոյանը հանդիպում է ունեցել Բելառուսի ԱԳ նախարար Վլադիմիր Մակեյի հետ:Այս մասին հայտնում են ՀՀ ԱԳՆ-ից, նշելով, որ նախարարները մանրամասն անդրադարձել են հայ-բելառուսական համագործակցության օրակարգին` ինչպես երկկողմ, այնպես էլ` բազմակողմ ձևաչափերի, այդ թվում՝ ՀԱՊԿ, ԵԱՏՄ, ԱՊՀ շրջանակներում։ Հարաբերությունների հետագա զարգացման առումով երկուստեք կարևորվել է բարձր և բարձրագույն մակարդակներում փոխայցելությունների իրականացումը։Նախարարները գոհունակություն են հայտնել վերջերս երկու երկրների արտաքին գործերի նախարարությունների միջև Մինսկում անցկացված քաղաքական խորհրդակցությունների արդյունքների կապակցությամբ։ Նշվում է, որ երկուստեք ընդգծվել է տնտեսական կապերի ու ապրանքաշրջանառության ծավալների ընդլայնմանն ուղղված քայլերի անհրաժեշտությունը, և այդ համատեքստում կարևորվել է Տնտեuական համագործակցության հարցերով հայ-բելառուuական միջկառավարական համատեղ հանձնաժողովի դերը: Որպես հետաքրքրություն ներկայացնող ուղղություններ, առանձնացվել են բարձր ու տեղեկատվական տեխնոլոգիաները, գյուղատնտեսությունը, սննդի արդյունաբերությունը և այլն։ Հանդիպման ընթացքում անդրադարձ է կատարվել նաև միջազգային և տարածաշրջանային անվտանգության հարցերի: Անդրադառնալով Լեռնային Ղարաբաղի հակամարտությանը՝ Արարատ Միրզոյանն ընդգծել է ԵԱՀԿ Մինսկի խմբի համանախագահության մանդատի ներքո տևական և համապարփակ կարգավորման կարևորությունը։
14:53 - 15 հոկտեմբերի, 2021
Համանախագահների հետ նախ հումանիտար հարցերը լուծելու պայմանավորվածություն է ձեռք բերվել. Միրզոյան |armenpress.am|

Համանախագահների հետ նախ հումանիտար հարցերը լուծելու պայմանավորվածություն է ձեռք բերվել. Միրզոյան |armenpress.am|

armenpress.am: Armenian Foreign Minister Ararat Mirzoyan announced that there is an agreement to hold a new meeting with his Azerbaijani counterpart to continue negotiations on the Nagorno-Karabakh conflict settlement. Speaking about the latest OSCE Minsk Group-mediated meeting with Azeri FM Jeyhun Bayramov in New York during the 76th UNGA , Mirzoyan said that during these talks an agreement was reached to solve humanitarian issues and return of the Armenian POWs. He said that Armenia welcomes the resumption of the peace talks within the framework of the OSCE Minsk Group Co-Chairmanship, stressing that Yerevan sees the settlement of the NK conflict only in this format. "We’ve reached concrete agreements during the meeting, first of all to discuss and try to solve humanitarian issues such as the release of Armenian prisoners of war, further determination of the fate of missing soldiers and civilians, works in this direction, accessibility of Armenian cultural monuments that have appeared under Azerbaijani control and several other issues, and then to engage in the main component of the co-chairmanship mandate – discussions over the NK status," Mirzoyan said. The OSCE Minsk Group Co-Chairs’ preparations of a regional visit were also discussed in New York, and clarifications over this matter will take place soon, he said. Asked whether or not a new OSCE Minsk Group-mediated meeting with the Azeri FM is expected, Mirzoyan said they have at least reached an agreement to continue the process and organize a new meeting.
13:55 - 13 հոկտեմբերի, 2021
Նոր հանդիպում կազմակերպելու պայմանավորվածություն ձեռք է բերվել. Միրզոյանը՝ ԵԱՀԿ ՄԽ համանախագահների և Ադրբեջանի ԱԳ նախարարի հետ հանդիպման մասին |1lurer.am|

Նոր հանդիպում կազմակերպելու պայմանավորվածություն ձեռք է բերվել. Միրզոյանը՝ ԵԱՀԿ ՄԽ համանախագահների և Ադրբեջանի ԱԳ նախարարի հետ հանդիպման մասին |1lurer.am|

1lurer.am: Armenia welcomes the resumption of peace talks within the framework of OSCE Minsk Group Co-Chairs. Armenia’s Foreign Minister Ararat Mirzoyan stated this today during a joint press conference with Indian Foreign Minister Subramanyam Jaishankar. "I must express our satisfaction with the fact that within the framework of the regular session of the UN General Assembly in New York or in parallel with its work, a meeting was held between a separate Armenia’s Foreign Minister with Co-Chairs and the Azerbaijani Foreign Minister, which was followed by a joint meeting. We see the settlement of the Nagorno-Karabakh conflict through negotiations within the framework of the mandate of the OSCE Minsk Group Co-Chairs. We reached concrete agreements during the meeting. We discussed and tried to resolve humanitarian issues, such as the release of Armenian prisoners of war, further clarification of the fate of missing soldiers and civilians, access to Armenian cultural monuments now under the control of the Azerbaijani Armed Forces, a number of other issues; and later to start discussions on Nagorno-Karabakh status, key component of OSCE Minsk Group co-chairing mandate. It was stated that the co-chairs are scheduled to visit the region," Mirzoyan said. Armenia’s Foreign Minister also answered the question of one of the journalists whether a meeting with OSCE Minsk Group Co-Chairs, as well as with the Foreign Minister of Azerbaijan, is planned as a continuation of the meetings in New York. "Meetings are planned, at least an agreement has been reached to continue the process, to organize a new meeting," Mirzoyan said.
13:28 - 13 հոկտեմբերի, 2021
ՀՀ-ն բարձր է գնահատում ԼՂ հակամարտության խաղաղ կարգավորմանը Հնդկաստանի աջակցությունը. Միրզոյան |armenpress.am|

ՀՀ-ն բարձր է գնահատում ԼՂ հակամարտության խաղաղ կարգավորմանը Հնդկաստանի աջակցությունը. Միրզոյան |armenpress.am|

armenpress.am: Armenia highly appreciates India’s principled position and continuous support for the peaceful and comprehensive resolution of the Nagorno Karabakh conflict within the framework of the OSCE Minsk Group Co-Chairmanship mandate, Minister of Foreign Affairs Ararat Mirzoyan said during a joint press conference with India’s Minister of Foreign Affairs Subrahmanyam Jaishankar after their meeting in Yerevan. "India, as the world’s largest democracy, major and rapidly developing economy, as well as a country engaged in peace-loving policy, can have its contribution in stability, development and peace in South Caucasus," FM Mirzoyan said. In this context FM Mirzoyan once again reiterated Armenia’s position that the use of force cannot be the basis for conflict resolution, and that the Nagorno Karabakh conflict must receive its comprehensive resolution through peaceful negotiations within the framework of the OSCE Minsk Group Co-Chairmanship and based on the well-known principles. FM Mirzoyan stressed that Armenia highly appreciates the Indian Foreign Ministry’s statement in May calling for the Azerbaijani military’s withdrawal from sovereign Armenian territory. In turn, Armenia reiterated its position in supporting India over the Jammu and Kashmir issue, he said. "Our positions also coincide in the issues of fighting against terrorism, extremism and the inadmissibly and condemnation of transfer of mercenary terrorists into conflict zones," he added.
12:05 - 13 հոկտեմբերի, 2021
Արարատ Միրզոյանն ընդունել է Հայաստանում Բելառուսի դեսպանին

Արարատ Միրզոյանն ընդունել է Հայաստանում Բելառուսի դեսպանին

ՀՀ ԱԳ նախարար Արարատ Միրզոյանը հոկտեմբերի 11-ին ընդունել է Հայաստանում Բելառուսի դեսպան Ալեքսանդր Կոնյուկին: «Նախարար Միրզոյանը և դեսպան Կոնյուկն անդրադարձ են կատարել երկկողմ հարաբերություններին առնչվող հարցերի՝ ընդգծելով բարձր մակարդակի փոխայցելությունների, երկու երկրների արտաքին քաղաքական գերատեսչությունների միջև խորհրդակցությունների, ինչպես նաև՝ երկու երկրների միջև գոյություն ունեցող իրավապայմանագրային բազայի ընդլայնման կարևորությունը»,- տեղեկացնում են ՀՀ ԱԳՆ-ից: Առևտրատնտեսական կապերի ակտիվացման համատեքստում քննարկվել է Տնտեuական համագործակցության հարցերով հայ-բելառուuական միջկառավարական համատեղ հանձնաժողովի գործունեությունը: Զրուցակիցները մտքեր են փոխանակել նաև տարածաշրջանային նշանակության հարցերի վերաբերյալ:
12:58 - 11 հոկտեմբերի, 2021
ՀՀ ԱԳ նախարարն ընդունել է ՀՀ-ում Շվեդիայի դեսպանին․ զրուցակիցները բարձր են գնահատել երկկողմ և բազմակողմ ձևաչափերում հայ-շվեդական հարաբերությունների զարգացման դրական դինամիկան

ՀՀ ԱԳ նախարարն ընդունել է ՀՀ-ում Շվեդիայի դեսպանին․ զրուցակիցները բարձր են գնահատել երկկողմ և բազմակողմ ձևաչափերում հայ-շվեդական հարաբերությունների զարգացման դրական դինամիկան

Հոկտեմբերի 8-ին ՀՀ ԱԳ նախարար Արարատ Միրզոյանը ընդունել է Հայաստանի Հանրապետությունում Շվեդիայի դեսպան Պատրիկ Սվենսոնին։ Այս մասին հայտնում են ԱԳՆ-ից։ Զրուցակիցները բարձր են գնահատել երկկողմ և բազմակողմ ձևաչափերում հայ-շվեդական հարաբերությունների զարգացման դրական դինամիկան` ընդգծելով տարբեր մակարդակներում փոխայցելությունների ակտիվացման կարևորությունը և փոխադարձ հետաքրքրություն ներկայացնող ոլորտներում համագործակցության ընդլայնումը։ Նախարար Միրզոյանն իր գոհունակությունն է հայտնել շվեդական կողմին՝ ՀՀ կառավարության կողմից իրականացվող բարեփոխումներին ցուցաբերվող շարունակական աջակցության առնչությամբ, ինչը նպաստում է Հայաստանում ժողովրդավարական ինստիտուտների, մարդու իրավունքների և օրենքի գերակայության ամրապնդմանը։ Կարևորվել է նաև Հայաստանի և Շվեդիայի միջև զարգացման համագործակցության ամրապնդումը և Շվեդական զարգացման գործակալության կողմից իրականացվող ծրագրերը: Անդրադառնալով տարածաշրջանային անվտանգությանը վերաբերող հարցերի՝ Արարատ Միրզոյանը շեշտել է ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության տևական ու համապարփակ կարգավորման անհրաժեշտությունը: Ադրբեջանաթուրքական ագրեսիայի հետևանքով առաջացած հումանիտար խնդիրների հասցեագրման համատեքստում նախարար Միրզոյանն առանձնահատուկ շեշտել է Ադրբեջանում ապօրինաբար պահվող հայ ռազմագերիների և քաղաքացիական պատանդների շուտափույթ և անվերապահ հայրենադարձման, ինչպես նաև ադրբեջանական վերահսկողության տակ անցած Արցախի տարածքներում հայկական պատմամշակութային և կրոնական ժառանգության պահպանման կարևորությունը։
12:51 - 08 հոկտեմբերի, 2021
ԼՂ տարածքների օկուպացիայի մասին անընդհատ բարձրաձայնելը չի ստեղծի այն նպաստավոր պայմանները, որոնցում հնարավոր կլինի բովանդակային լուրջ քննարկում ունենալ եւ մոտեցնել հարցի լուծումը․ Արարատ Միրզոյան

ԼՂ տարածքների օկուպացիայի մասին անընդհատ բարձրաձայնելը չի ստեղծի այն նպաստավոր պայմանները, որոնցում հնարավոր կլինի բովանդակային լուրջ քննարկում ունենալ եւ մոտեցնել հարցի լուծումը․ Արարատ Միրզոյան

Ազգային ժողովի «Պատիվ ունեմ» խմբակցության պատգամավոր Հայկ Մամիջանյանը կառավարության հետ հարց ու պատասխանի ժամանակ նշեց, որ ինքը գործադիրի ներկայացուցիչներից որեւէ մեկից չի լսել որեւէ միջազգային հարթակում Արցախի հայկական տարածքների օկուպացիայի մասին փոքրիշատե ամուր հիշատակում․ «Բացարձակ որեւէ ռեւանշիզմի մոտեցման մասին խոսք չի գնում, խոսքը միջազգային հարթակներում մեր հայրենիքի շահերը պաշտպանելու մասին է եւ բարձրաձայնելու, որ մեր հայրենիքի որոշ հատված օկուպացված է թշնամու կողմից։ Հարցս՝ Ձեր կառավարության կազմում կա՞ գոնե մի հոգի, որ պատրաստ է գոնե սկզբի համար էս ամբիոնից պնդել, որ մեր հայրենիքի որոշակի հատված օկուպացված է»,- հարցրեց Մամիջանյանը։ Նրան պատասխանեց արտաքին գործերի նախարար Արարատ Միրզոյանը՝ նշելով, որ նախկին Լեռնային Ղարաբաղի ինքնավար մարզի մաս հանդիսացած եւ այժմ Ադրբեջանի վերահսկողության տակ հայտնված տարածքների վերաբերյալ խոսակցություն առկա է, օրակարգում կա․ «Այդ խոսակցությունը մեր կողմից մատնանշվում է զանազան միջազգային հարթակներում եւ միջազգային գործընկերների հետ խոսակցության ժամանակ, եւ, ենթադրաբար, դա, ինչպես նաեւ ԼՂ վերջնական կարգավիճակի վերաբերյալ խոսակցությունը եւ համաձայնությունն ինչ-որ պահի բանակցային փուլում պիտի տեղի ունենա, բայց կարծում եմ կհամաձայնեք, որ այդ մասին անընդհատ բարձրաձայնելը չի ստեղծի այն նպաստավոր պայմանները, որոնցում հնարավոր կլինի էականորեն բովանդակային լուրջ քննարկում ունենալ եւ մոտեցնել հարցի լուծումը։ Էլ չասած, որ ճիշտ հակառակը՝ նոր վտանգներ կարող է առաջացնել հայ ժողովրդի համար»։  Մամիջանյանը Միրզոյանի հետ չհամաձայնեց․ «Թշնամի երկրի վարած արտաքին քաղաքականությունը տեւական ժամանակ կառուցված էր ստահոդ եւ կեղծ շղարշ ստեղծել աշխարհում, թե իբր Հայաստանն իր հայրենիքն ազատագրելիս ներկայացել է որպես օկուպանտ, եւ խորապես համոզված եմ, որ միջազգային բոլոր հարթակներում մեր երկիրը պիտի ներկայացնի այն փաստը, որ մեր հայրենիքի որոշ հատված օկուպացված է»,- ասաց Հայկ Մամիջանյանը։
18:13 - 06 հոկտեմբերի, 2021
Իրանի ԱԳ նախարարի հետ խոսել ենք այսպես կոչված Զանգեզուրի միջանցքի վերաբերյալ, փաստել ենք, որ չկա այդպիսի թեմա և չի կարող լինել այդպիսի թեմա․ Արարատ Միրզոյան

Իրանի ԱԳ նախարարի հետ խոսել ենք այսպես կոչված Զանգեզուրի միջանցքի վերաբերյալ, փաստել ենք, որ չկա այդպիսի թեմա և չի կարող լինել այդպիսի թեմա․ Արարատ Միրզոյան

Հայաստանի արտաքին գործերի նախարար Արարատ Միրզոյանը այսօր՝ Կառավարության հետ հարցուպատասխանի ընթացքում մանրամասներ ներկայացրեց Իրան կատարած այցի վերաբերյալ՝ պատասխանելով «Քաղաքացիական պայմանագիր» խմբակցության պատգամավոր Մարիա Կարապետյանի հարցին։ «Այս այցը, իհարկե, շատ լավ առիթ էր քննարկելու երկկողմ հարաբերություններում առկա բոլոր հարցերը, իսկ մեր երկկողմ օրակարգը իսկապես շատ հարուստ է․ կան իրականացվող իրականացված, և նաև առայժմ ընթացքի մեջ գտնվող կամ գուցե նաև կիսատ ծրագրեր։ Եվ ահա մենք հնարավորություն ենք ունեցել կոնկրետ խոսակցություն ծավալելու այդ ծրագրերի շարունակության, նորերը սկսելու ուղղությամբ։ Դա և՛ նոր բարձրավոլտի կառուցման ծրագիրն է, և՛ գազի և էլեկտրաէներգիայի փոխանակման մեր ծրագրի ժամկետի ընդլայնման վերաբերյալ պայմանագրի կնքումն է, և Մեղրու ՀԷԿ-ի վերաբերյալ բանակցությունն է։ Բազմաթիվ այլ տրանսպորտային ուղիների հետ կապված լուրջ ծրագրեր ենք քննարկել, այդ թվում՝ իրանական ընկերությունների ներգրավմամբ ուղիների ենթակառուցվածքների զարգացման»։ Միրզոյանն ընդգծեց, որ Իրան կատարած այցը վերաբերել է ոչ միայն երկկողմ հարաբերություններին, այլ ունեցել է տարածաշրջանային նշանակություն և շատ կոնկրետ համատեքստ։ «Այս առումով ես ողջունել եմ և այս առիթը ուզում եմ օգտագործել, կրկին ողջունել Իրանի Իսլամական Հանրապետության դիրքորոշումը մեր սահմանների անձեռնմխելիության վերաբերյալ, և ընդհանրապես այն բոլոր դրական ազդակների, որ մենք ստանում ենք այս առնչությամբ։ Անշուշտ, խոսել ենք այսպես կոչված Զանգեզուրի միջանցքի վերաբերյալ, այսինքն, ըստ էության, այդ խոսակցության բացակայության վերաբերյալ, փաստել ենք, որ չկա այդպիսի թեմա և չի կարող լինել այդպիսի թեմա»։ Արտաքին գործերի նախարարի խոսքով Իրանը տարածաշրջանային և գլոբալ դերակատարում ունի։  «Քննարկում ենք նաև Պարսից ծոց Սև ծով միջանցքի վերաբերյալ թեման, և այստեղ նաև մեծ հետաքրքրություն ունի Հնդկաստանը։ Ի դեպ, առաջ անցնելով ասեմ, որ օրեր անց մենք այստեղ կհյուրընկալենք Հնդկաստանի արտաքին գործերի նախարարին։ Առավել մեծ տարածաշրջանային տնտեսական և ոչ միայն համատեքստ կա, և այստեղ մեր և Իրանի պատկերացումները մեծապես համընկնում են և մենք կրկին ողջունում ենք Իրանի ներգարվվածությունը այս բոլոր հարցերում»։ Հիշեցնենք, որ հոկտեմբերի 4-ին Արարատ Միրզոյանը աշխատանքային այցով մեկնել էր Իրանի Իսլամական Հանրապետություն։ Այցի շրջանակներում նա հանդիպել էր Իրանի ԱԳ նախարար Հոսսեյն Ամիր Աբդոլլահիանի հետ, ինչից հետո երկու երկրիների ԱԳ նախարարները հանդես էին եկել համատեղ մամուլի ասուլիսով։ 
17:29 - 06 հոկտեմբերի, 2021
ԱԳ նախարարն ընդունել է Հարավային Կովկասում ԵԱՀԿ գործող նախագահի հատուկ ներկայացուցչին

ԱԳ նախարարն ընդունել է Հարավային Կովկասում ԵԱՀԿ գործող նախագահի հատուկ ներկայացուցչին

Հոկտեմբերի 5-ին ՀՀ ԱԳ նախարար Արարատ Միրզոյանը ընդունել է Հարավային Կովկասում ԵԱՀԿ գործող նախագահի հատուկ ներկայացուցիչ Անիկա Սյոդերին: Այս մասին տեղեկացնում է ԱԳՆ մամուլի ծառայությունը:Արարատ Միրզոյանն ընդգծել է ԵԱՀԿ դերը՝ որպես համապարփակ և համագործակցային անվտանգության հայեցակարգի վրա հիմնված տարածաշրջանային կազմակերպություն։ Այս համատեքստում նախարարը կարևորել է ԵԱՀԿ Մինսկի խմբի համանախագահության, ԵԱՀԿ գործող նախագահի և նրա անձնական ներկայացուցչի գործունեությունը:44-օրյա պատերազմի հետևանքով առաջացած հումանիտար խնդիրների հասցեագրման համատեքստում հատկապես շեշտվել է Ադրբեջանում պահվող հայ ռազմագերիների և քաղաքացիական պատանդների շուտափույթ հայրենադարձման անհրաժեշտությունը:ՀՀ ԱԳ նախարարը ընդգծել է, որ տարածաշրջանում տևական խաղաղության հնարավոր է հասնել ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության համապարփակ կարգավորման միջոցով:
19:45 - 05 հոկտեմբերի, 2021
Հայաստանը շարունակում է իր ջանքերը տարածաշրջանում տևական կայունություն հաստատելու ուղղությամբ. ՀՀ ԱԳ նախարարը հարցազրույց է տվել ԻՌՆԱ-ին

Հայաստանը շարունակում է իր ջանքերը տարածաշրջանում տևական կայունություն հաստատելու ուղղությամբ. ՀՀ ԱԳ նախարարը հարցազրույց է տվել ԻՌՆԱ-ին

ՀՀ ԱԳ նախարար Արարատ Միրզոյանը հարցազրույց է տվել «ԻՌՆԱ» իրանական լրատվական գործակալությանը:  - Ինչպե՞ս է Հայաստանը գնահատում  Հարավային Կովկասի ներկա իրավիճակը և ինչպե՞ս է տեսնում տարածաշրջանի ապագան։ - Նախորդ տարի աշնանը Լեռնային Ղարաբաղի և նրա բնակչության դեմ Ադրբեջանի սանձազերծած ագրեսիան և դրա քաղաքական, տնտեսական, հումանիտար հետևանքները շարունակում են ազդեցություն ունենալ տարածաշրջանում կայունության և անվտանգության վրա:  Թեև նոյեմբերի 9-ի Հայաստան-Ռուսաստան-Ադրբեջան եռակողմ հայտարարությունով դադարեցվեցին ռազմական գործողությունները, իրավիճակը շարունակում է փխրուն մնալ: Դա պայմանավորված է Ադրբեջանի կողմից վերոնշյալ հայտարարությամբ ստանձնած որոշ հանձնառությունների չկատարմամբ, որոշ դրույթների աղավաղմամբ, ռազմագերիների և քաղաքացիական անձանց շարունակվող պատանդառությամբ, ռազմատենչ ու ծավալապաշտական հռետորաբանությամբ, Հայաստանի ինքնիշխան տարածքների նկատմամբ նկրտումներով և ուժի կիրառման նոր սպառնալիքով: Ադրբեջանական կողմի սադրիչ վարքագիծն իր ազդեցությունն է ունենում ոչ միայն Հայաստանի, այլև տարածաշրջանի մյուս երկրների վրա, ինչին մենք առերեսվեցինք, օրինակ, տարանցիկ փոխադրումների նկատմամբ իրականացվող անթույլատրելի քայլերով: Ցավոք, երրորդ երկրների կողմից այս վարքագծի, ինչպես նաև հայատյաց և ռազմատենչ հռետորաբանության խրախուսումը հավելյալ խոչընդոտներ է ստեղծում տարածաշրջանի կայունության համար։ Այնուամենայնիվ, Հայաստանը շարունակում է իր ջանքերը տարածաշրջանում տևական կայունություն հաստատելու ուղղությամբ։ Մեր երկրի  կառավարության ծրագրում հստակ արձանագրված է տարածաշրջանի համար խաղաղ զարգացման դարաշրջան բացելու ուղղությամբ ներդրում ունենալու պատրաստակամությունը: Վստահ եմ, որ մյուս երկրների կողմից  համապատասխան քաղաքական կամքի դրսևորման և կառուցողական քայլերի իրականացման պարագայում կստեղծվեն բոլոր անհրաժեշտ նախադրյալները այդ դարաշրջանի համար։  - Ի՞նչ տեսակետ ունեք տարածաշրջանում կայունության պահպանման գործում  Իրանի դերի մասին։ - Տարածաշրջանում լարվածության նվազեցման և կայունության հաստատման հարցում Իրանի դերակատարումը և ներուժն ակնհայտ են, և դրա վառ օրինակ է Հայաստանի Հանրապետության սահմանների անձեռնմխելիության վերաբերյալ Իրանի արտահայտած հստակ դիրքորոշումը: Մենք հավատացած ենք, որ Իրանի ներգրավվածության ընդլայնումը դրական ազդեցություն կունենա ոչ միայն մեր երկու երկրների բարեկամության և փոխշահավետ գործընկերության համատեքստում, այլև կծառայի ի շահ տարածաշրջանի խաղաղ, անվտանգ և բարեկեցիկ ապագայի:  - Իրանի մոտեցումը Հարավային Կովկասի նկատմամբ հենված է տարածաշրջանի աշխարհաքաղաքական և աշխարհագրական կարևորության, այլ ոչ տարածաշրջանի էթնիկական և կրոնական հարցերի վրա։ Հայաստանը ինչպե՞ս է գնահատում Իրանի այս մոտեցումը։ - Հայաստանը բարձր է գնահատում Իրանի հետ երկկողմ բարիդրացիական հարաբերությունները: Հայաստանի և Իրանի համագործակցությունը կարող է լավ օրինակ ծառայել խաղաղության, զարգացման, քաղաքակրթությունների միջև երկխոսության օրակարգով առաջնորդվող երկրների համար: Հնագույն քաղաքակրթությունների կրողներին՝ ինչպիսին են Հայաստանը և Իրանը, բնորոշ է կրոնական և ազգային հանդուրժողականությունը, փոխադարձ հարգանքը և փոխվստահությունը, ինչպես նաև ապագայի հանդեպ փոխադարձ պատասխանատվությունը: - Ինչպիսի՞ն է Հայաստանի մոտեցումը  «3+3» նախաձեռնության մասին։ - Հայաստանը ելնում է այն դիտակետից, որ ցանկացած տարածաշրջանային համագործակցության ձևաչափ կարող է արդյունավետ լինել, եթե այն բավարարում է հետևյալ պայմաններին. ձևաչափը պետք է լինի ամբողջական և ներառական.  այն պետք է հիմնվի դրանում ներգրավված բոլոր պետությունների միջև փոխհարաբերություններում դրական միտումներ մատնանշող զարգացումների վրա: Հակառակ պարագայում դա կարող է հանգեցնել պետությունների երկկողմ հարաբերություններում առկա խնդիրների տեղափոխմանը բազմակողմ ձևաչափ, ինչն էլ կարող է հանգեցնել թե՛ այդ բազմակողմ ձևաչափի, թե՛ երկկողմ երկխոսության խաթարմանը: - Հայաստանը ինչպե՞ս է գնահատում Ռուսաստանի դերը վերջին զարգացումների խնդրում: - Հայաստանին և Ռուսաստանին  կապում են դաշնակցային փոխհարաբերությունները՝ փոխաջակցության և փոխադարձ պարտավորությունների լայն շրջանակներով:  Ռուսաստանը կարևոր դերակատարում ունեցավ Լեռնային Ղարաբաղի դեմ 44 օր տևած ռազմական գործողությունները դադարեցնելու հարցում, և ներկայումս ռուս խաղաղապահներն իրենց առաքելությունն են իրականացնում Լեռնային Ղարաբաղում՝ աջակցելով Արցախի բնակչության ֆիզիկական անվտանգության ապահովմանը և բնականոն կյանքի վերականգնմանը: Ռուսաստանի միջնորդությամբ է ընթանում տարածաշրջանի լարվածության նվազեցմանը, հումանիտար խնդիրների լուծմանը և տարածաշրջանի ենթակառուցվածքների ապաշրջափակմանն ուղղված աշխատանքները։ Ի դեպ, խոսելով ենթակառուցվածքների մասին՝ պետք է փաստել, որ ո՛չ որևէ փաստաթղթում, ո՛չ ենթակառուցվածքների բացման համատեքստում երբևէ խոսք չի գնացել և չի կարող գնալ Հայաստանի տարածքով որևէ միջանցքի տրամադրման մասին, և սա հստակ արձանագրվում է ոչ միայն հայկական, այլև միջնորդ կողմի՝ Ռուսաստանի կողմից։ Միևնույն ժամանակ որպես ԵԱՀԿ Մինսկի խմբի համանախագահ երկիր՝ Ռուսաստանը միջնորդական առաքելությամբ ներգրավված է Լեռնային Ղարաբաղի հակամարտության համապարփակ և տևական կարգավորման գործընթացում:
17:35 - 05 հոկտեմբերի, 2021
Հայաստանի և Իրանի ԱԳ նախարարներն ընդգծել են տարածաշրջանային կայունությունը վտանգող գործողությունների անթույլատրելիությունը

Հայաստանի և Իրանի ԱԳ նախարարներն ընդգծել են տարածաշրջանային կայունությունը վտանգող գործողությունների անթույլատրելիությունը

Աշխատանքային այցով Թեհրանում գտնվող Հայաստանի Հանրապետության ԱԳ նախարար Արարատ Միրզոյանը հոկտեմբերի 4-ին հանդիպել է Իրանի Իսլամական Հանրապետության ԱԳ նախարար Հոսսեյն Ամիր Աբդոլլահիանի հետ։ Երկու երկրների ԱԳ նախարարներն ընդգծել են տարածաշրջանային կայունությունը վտանգող գործողությունների անթույլատրելիությունը և կարևորել տարածաշրջանային նոր մարտահրավերների հասցեագրման ուղղությամբ համագործակցությունը։ Հանդիպմանը հանգամանորեն քննարկվել են երկկողմ և բազմակողմ ձևաչափերում երկու երկրների միջև համագործակցությանը, ինչպես նաև տարածաշրջանային զարգացումներին առնչվող հարցերի լայն շրջանակ։ Նախարարները գոհունակություն են հայտնել դարերի խորքից եկող հայ-իրանական բարեկամական հարաբերությունների բարձր մակարդակի կապակցությամբ՝ երկուստեք պատրաստակամություն հայտնելով ջանքեր ներդնել փոխվստահության վրա հիմնված փոխգործակցության ընդլայնման ու խորացման ուղղությամբ: Զրուցակիցներն անդրադարձ են կատարել տնտեսական կապերի ակտիվացման հեռանկարներին՝ ընդգծելով նպատակային քայլերի իրականացման կարևորությունը՝ առևտրաշրջանառության ծավալների ավելացման ուղղությամբ, այդ թվում՝ կողմերի միջև համաձայնեցված կոնկրետ ծրագրերի իրականացման միջոցով։ Քննարկվել է նաև զբոսաշրջության ու մշակութային ոլորտներում համագործակցության ակտիվացումը։ Այս համատեքստում, նախարարները կարևորել են Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի գործունեությունը։ ՀՀ ԱԳՆ-ի տեղեկացմամբ՝ կարևորվել է նաև «Պարսից ծոց – Սև ծով» միջազգային տրանսպորտային միջանցք ստեղծելու մասին բազմակողմ hամաձայնագրի ստորագրումը և արդյունավետ կիրարկումը։ ՀՀ և Իրանի ԱԳ նախարարները քննարկել են Եվրասիական Միություն-Իրան համագործակցությանը վերաբերող հարցեր։ Հանդիպման ընթացքում անդրադարձ է կատարվել էներգետիկ և տրանսպորտային ենթակառուցվածքների ոլորտում համագործակցությանը։ Արարատ Միրզոյանն իրազեկել է Գորիս-Կապան ճանապարհահատվածին այլընտրանք հանդիսացող ճանապարհի կառուցման ընթացքի և արդյունքների, ինչպես նաև «Հյուսիս-հարավ» մայրուղու շինարարության վերաբերյալ։ Կողմերը մտքեր են փոխանակել նաև գազ՝ էլեկտրաէներգիայի դիմաց ծրագրի հեռանկարների շուրջ: «Արարատ Միրզոյանն ու Հոսսեյն Ամիր Աբդոլլահիանի քննարկման առանցքային թեմաներից էին տարածաշրջանում տեղի ունեցող զարգացումները, տարածաշրջանային անվտանգության և կայունության հարցերը։ ՀՀ ԱԳ նախարարը զրուցակցին է ներկայացրել Արցախի դեմ ադրբեջանաթուրքական ագրեսիայի հետևանքով Լեռնային Ղարաբաղի հակամարտության գոտում ստեղծված իրավիճակը և ծառացած հումանիտար խնդիրները։ Արարատ Միրզոյանն առանձնահատուկ ընդգծել է Ադրբեջանում պահվող հայ ռազմագերիների և քաղաքացիական պատանդների՝ շուտափույթ և անվերապահ հայրենադարձման անհրաժեշտությունը։ Անդրադառնալով նաև ադրբեջանական զինված ուժերի՝ Հայաստանի ինքիշխան տարածք ներթափանցման և շարունակական սադրիչ գործողությունների արդյունքում ստեղծված իրադրությանը՝ Արարատ Միրզոյանը բարձր է գնահատել Հայաստանի տարածքային ամբողջականության վերաբերյալ Իրանի դիրքորոշումը։ Երկու երկրների ԱԳ նախարարներն ընդգծել են տարածաշրջանային կայունությունը վտանգող գործողությունների անթույլատրելիությունը և կարևորել տարածաշրջանային նոր մարտահրավերների հասցեագրման ուղղությամբ համագործակցությունը»,- հայտնում են ՀՀ ԱԳ նախարարությունից, որի համաձայն, հանդիպման ավարտին Արարատ Միրզոյանն ու Հոսսեյն Ամիր Աբդոլլահիանը հանդես են եկել մամուլի համար համատեղ հայտարարությամբ։
20:20 - 04 հոկտեմբերի, 2021