#armVote

2021 թվականի հունիսի 20-ին Հայաստանում կանխատեսվում են խորհրդարանական արտահերթ ընտրություններ: 

2021 թվականի մարտի 18-ին ՀՀ վարչապետ Նիկոլ Փաշինյանը հայտարարեց, որ այս որոշումը կայացվել է ՀՀ նախագահի, «Իմ քայլը» խմբակցության, «Լուսավոր Հայաստան» խմբակցության ղեկավար Էդմոն Մարուքյանի ու «Բարգավաճ Հայաստան» խմբակցության ղեկավար Գագիկ Ծառուկյանի հետ քննարկումներից հետո։

ՀՀ Սահմանադրությունը սահմանում է, որ խորհրդարանական արտահերթ ընտրություններ անցկացնելու համար Ազգային ժողովը պետք է արձակվի, դրա համար վարչապետը պետք է հրաժարական ներկայացնի, որից հետո 2 շաբաթում 2 անգամ անընդմեջ չընտրվի նոր վարչապետ, այնուհետեւ ոչ շուտ, քան 30 եւ ոչ ուշ, քան 45 օր հետո նշանակվեն նոր ընտրություններ։

Այս գործընթացի համար վարչապետը հրաժարական է ներկայացրել 2021 թվականի ապրիլի 25-ին, եւ արդեն մեկ անգամ չի ընտրվել։ Վարչապետի ընտրության հարցով հաջորդ նիստը կգումարվի մայիսի 10-ին։

Քաղաքական մի շարք ուժեր կարեւորում են նախքան ընտրությունները Ընտրական օրենսգրքի փոփոխությունների ընդունումը։ Խորհրդարանական մեծամասնությունը հայտարարել էր, որ Օրենսգրքում փոփոխություններ անելու որոշում ունեն, դրանցից որոշներն արդեն ընդունվել են, մասնավորապես, ռեյտինգային ընտրակարգը վերացվել է։ ԸՕ փոփոխությունների մեծ փաթեթը դեռեւս ընդունված չէ։

Կարող եք կատարել նվիրատվություն հետևյալ հղումով՝

Նվիրաբերել
Ե՞րբ կբարեկարգվեն Գյումրու փողոցները․ պատասխանում են ՏԻՄ ընտրություններին մասնակցող քաղաքական ուժերի առաջին համարները

Ե՞րբ կբարեկարգվեն Գյումրու փողոցները․ պատասխանում են ՏԻՄ ընտրություններին մասնակցող քաղաքական ուժերի առաջին համարները

Հանրային հեռուստաընկերության եթերում շարունակվում է «Գյումրին ընտրում է» նախընտրական բանավեճը։ Հաղորդման ձևաչափի համաձայն թեկնածուներին հարցեր են տալիս ոչ միայն հաղորդավարները, այլ նաև գյումրեցիները՝ «Առաջին ալիք»-ի պաշտոնական էջի միջոցով։  Բնակիչները թեկնածուներին հարցեր են ուղղել նաև Գյումրիում «Հանրայինի» կատարած հարցումների միջոցով։ Գյումրեցիների հարցերից մեկը վերաբերում էր փողոցների բարեկարգման խնդրին, այդ թվում՝ կայարանամերձ հրապարակի բարեկարգմանը։ «Հայրաքաղաք» դաշինքի ցուցակի առաջին համար Լևոն Բարսեղյանը նշում է, որ իրենց ծրագրում նախատեսում են քաղաքի համաչափ զարգացում․ «Ոչ թե փողերը կուտակել կենտրոնում, ծախսել կենտրոնում, թաղամասերը թողնել անխնամ, այլ համաչափ։ Որևէ անտեսված կամ արտոնյալ թաղամաս չի լինելու։ Փողոցների կարգի բերելու հետ կապված ՎԶԵԲ-ի, Համաշխարհային բանկի ու համայնքի միջոցներով ահագին գործ արվում է ու դրանք շարունակվելու են՝ անկախ այս ընտրությունների արդյունքից»։ «Ապրելու երկիր» կուսակցության ցուցակը գլխավորող Կարեն Մալխասյանը նույնպես կիսում է այն գաղափարը, որ Գյումրին պետք է զարգանա համաչափ․ «Փողոցները կարգի կբերվեն, եթե որակյալ աշխատանքներ կատարվեն։ Եթե նույն փողոցը մի քանի անգամ վերանորոգման կարիք չունենա, եթե փողոցը վերականգնվի ամբողջությամբ և ոչ թե հատվածաբար»։ «Քաղաքացիական պայմանագիր» կուսակցության քաղաքապետի թեկնածու Հովհաննես Հարությունյանն էլ հիշեցնում է՝  ծրագրի մեջ հստակ նշել են, որ ապահովելու են քաղաքի թաղամասերի համաչափ զարգացումը․ «Անկախ նրանից, քաղաքացին բնակվում է ծայրամասում, թե բնակվում է կենտրոնում, նա չպետք է բարեկարգ լինելու հետ կապված ունենա խնդիր։ Ինչ վերաբերում է Կայարանամերձ հրապարակին, այն այս պահին վերակառուցման փուլում է, բայց ես գիտեմ, որ շինարարը ունի աշխատողների խնդիր։ Խոսքը կոնկրետ բազալտ շարողների հետ կապված խնդիրն է։ Կարծում եմ՝ այդ խնդիրը լուծելուց հետո շատ արագ կկարգավորվի այդ հարցը»։ «Զարթոնք»-ի թեկնածուն էլ կարծում է, որ փողոցների բարեկարգումը սխալ է արվել․ «Առաջին պետք է թվայնացվի և քարտեզագրվի բոլոր ենթակառուցվածքները,  կոմունիկացիաները, հոսանաքատարեր, որ հետո չքանդվի։ Միջազգային կազմակերպություններ կան, մի քանի միլիոն եվրոյի ներդրում է կատարվելու, որ հետո անենք ու չքանդենք»,-ասում է նա՝ կարծիք հայտնելով, որ երկրորդական փողոցների հարցը շատ արագ կարող է լուծվել։ Հայաստանի կոմունիստական կուսակցությունից Կոնստանտին Ղավազյանն էլ ասում է, որ Գյումրու փողոցների բարեկարգման համար մեծ աշխատանք է կատարվել՝ հավելելով, որ դեռ անելու շատ աշխատանք կա։ «Արժանապատիվ ուղի» կուսակցությունից Հովհաննես Մարգարյանն ասում է՝ 23  միլիոն եվրոյի վարկ է հատկացվել Գյումրիին, այդ միջոցները արդյունավետ ծախսելու դեպքում հնարավոր կլիներ ասֆալտապատել երկրորդային, երրորդային փողոցները։ «Թասիբով» դաշինքի առաջնորդ Կարապետ Պողոսյանի խոսքով էլ՝ միայն համայնքի միջոցներով հնարավոր չէ լուծել փողոցների բարեկարգման հարցը։ Հարցը, ըստ նրա,  հնարավոր է լուծել միջազգային կազմակերպությունների, ինչպես նաև կառավարության աջակցությամբ։
23:53 - 15 հոկտեմբերի, 2021
Մեկնարկել է Գյումրու ՏԻՄ ընտրություններին մասնակցող քաղաքական ուժերի առաջին համարների նախընտրական բանավեճը

Մեկնարկել է Գյումրու ՏԻՄ ընտրություններին մասնակցող քաղաքական ուժերի առաջին համարների նախընտրական բանավեճը

Հանրային հեռուստաընկերության ուղիղ եթերում մեկնարկել է Գյումրու ՏԻՄ ընտրություններին մասնակցող քաղաքական ուժերի առաջին համարների բանավեճը․ 10 քաղաքական ուժերից 8-ը մասնակցում են այսօրվա բանավեճին։    Բանավեճին ներկա է «Հայրաքաղաք» դաշինքի քաղաքապետի թեկնածու Լևոն Բարսեղյանը, «Արժանապատիվ ուղի» կուսակցության առաջին համար Հովհաննես Մարգարյանը։ Նախընտրական բանավեճին մասնակցում են նաև  «Քաղաքացիական պայմանագիր» կուսակցության առաջին համար, Շիրակի ներկայիս մարզպետ Հովհաննես Հարությունյանը, «Զարթոնք» ազգային-քրիստոնեական կուսակցության առաջին համար Վարդևան Հակոբյանը Հայաստանի կոմունիստական կուսակցության առաջին համար Կոնստանտին Ղավազյանը, «Գյումրին կռնա՛» դաշինքը գլխավորող Վարդան Սրտաշյանը։ «Թասիբով» դաշինքը և «Ապրելու երկիր» կուսակցության ներկայացուցիչները նույնպես ներկա են։   ՀՀԿ ցուցակը գլխավորող Արտյոմ Ղուկասյանը հրաժարվել է մասնակցել բանավեճին՝ այլ զբաղվածություն ունենալու պատճառով, իսկ «Բալասանյան դաշինք» սոցիալական կուսակցությունը գլխավորող Վարդգես Սամսոնյանը չի մասնակցում բանավեճին, քանի որ վարակվել է կորոնավիրուսով և հոսպիտալացվել է։    Նշենք, որ այսօր քարոզարշավի վերջին օրն է։ Գյումրում ՏԻՄ ընտրությունները կանցկացվեն հոկտեմբերի 17-ին՝ համամասնական ընտրակարգով։    
22:15 - 15 հոկտեմբերի, 2021
Գյումրու ՏԻՄ ընտրություններին ՔՊ ցուցակում հիմնականում երիտասարդներ են, որոնք մեծ եռանդ են ներդնելու՝ փոխելու կարծրացած վիճակը․ Աստղիկ Բեյբության

Գյումրու ՏԻՄ ընտրություններին ՔՊ ցուցակում հիմնականում երիտասարդներ են, որոնք մեծ եռանդ են ներդնելու՝ փոխելու կարծրացած վիճակը․ Աստղիկ Բեյբության

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններին կառավարող «Քաղաքացիական պայմանագիր» կուսակցությունը 40 հոգանոց ցուցակ է ներկայացրել, որը գլխավորում է Շիրակի մարզպետ Հովհաննես Հարությունյանը։ Հովհաննես Հարությունյանի հետ կապ հաստատել չհաջողվեց․ Infocom-ը զրուցեց նախընտրական ցուցակի երրորդ համար, Գյումրու ինֆեկցիոն բաժանմունքի տնօրեն Աստղիկ Բեյբությանի հետ։ Վերջինիս գնահատմամբ՝ քարոզարշավը բնականոն հունով է ընթանում։ ՔՊ-ականներն այցելում են Գյումրու թաղամասեր, զրուցում բնակիչների հետ։ Այդ հանդիպումների ընթացքում Բեյբությանն ու իր թիմակիցներն արձանագրել են, որ քաղաքում բամաթիվ խնդիրներ կան, որոնց մասին բարձրաձայնում են քաղաքացիները՝ ընդգծելով, որ դրանք երկար տարիներ անուշադրության են մատնվել։ Մեր զրուցակցի խոսքով՝  բնակիչները հիմնականում առանձնացնում են թափառող շների, տրանսպորտի խնդիրները․ «Շների մասով նախատեսում ենք ապաստարաններ կառուցել, որպեսզի կարողանանք խնդիրը լուծել։ Բազմիցս նկատել ենք, որ ականջներին դակած է, որ ստերջացված են, բայց մարդիկ բողոքում են, որ շները մեծ խմբերով քայլում են փողոցում»։ Խոսելով տրանսպորտի խնդրի մասին՝ Բեյբությանն ասում է, որ հարցը կարող է լուծվել կառավարության աջակցությամբ. «Տրանսպորտի մասով նախատեսվում է, որ հավանաբար շուրջօրյա կլինի, կանգառները կլինեն կոնկրետ ժամանակացույցով։ Մեր համայնքում կարծեմ 64 նոր ավտոբուսներ կան, և ակնկալում ենք, որ պետության աջակցությամբ դրանք կհամալրվեն»։ Գյումրու անօթևանության խնդիրը, Բեյբությանի կարծիքով, հնարավոր կլինի լուծել համայնքի բյուջեով ու կառավարության աջակցությամբ․ «30 տարվա ընթացքում, իհարկե, անօթևանության մասով խնդիրները լուծվել են որոշակի չափով, բայց հիմա էլ առկա է այդ խնդիրը։ Կարծում եմ՝ կառավարության շնորհիվ ու համայնքի բյուջեի շնորհիվ հնարավոր կլինի վերջապես այս կարծրացած խնդիրը լուծել։ Երբ շրջում ես, տեսնում ես մարդկանց ծանր սոցիալական վիճակը, թե ինչ պայմաններում են ապրում 21-րդ դարում, հոգիդ տակնուվրա է լինում»։ Բեյբությանը հերքում է այլ քաղաքական ուժերի ներկայացուցիչների հայտարարությունները, ըստ որոնց «Քաղաքացիական պայմանագիր» կուսակցության քարոզարշավն ընթանում է նախկին արատավոր երևույթների ուղեկցությամբ, վարչական ռեսուրսի կիրառմամբ, թաղային հեղինակությունների ներգրավմամբ։ «Մենք ոչ մի անօրինական գործունեություն չենք իրականացնում, ես դա ձեզ վստահեցնում եմ։ Ինչպես նախատեսված է, նույն կարգով և օրենքով շարժվում ենք։ Շատ մարդիկ շատ բան կարող են ասել։ Ամեն խոսք չի, որ հիմնավորում ունի և իրականությանը համապատասխանում է»։ Նրա խոսքով՝ իրենց նախընտրական ցուցակում հիմնականում երիտասարդներ են, որոնք մեծ եռանդ են ներդնելու՝ փոխելու կարծրացած վիճակը․ «Մենք իշխանություն ենք, և եթե համայնքում ևս կենտրոնացած լինի նույն կուսակցությունը, ավելի հեշտ կլինի համագործակցել, ավելի էֆֆեկտիվ կլինեն աշխատանքները։ Այս պահին եթե կոնկրետ իշխանությունն է առաջադրված և ղեկավարում է մեր քաղաքը, համագործակցությունը կարծես ոչ լիարժեք է ստացվում՝ ինչ-ինչ պատճառներից ելնելով։ Իսկ հետագայում ավելի հեշտ կլինի համագործակցել, և ի շահ մեր քաղաքի ավելի արդյունավետ կլինեն աշխատանքները»։ Ավագանու թեկնածուն ասում է, որ չի թերագնահատում  նախկինում քաղաքը կառավարած մարդկանց․ «Ամեն դեպքում մենք ավելի եռանդով և ավելի մեծ ոգևորությամբ սպասում ենք, որ փոխելու ենք և օգնելու ենք մեր ժողովրդին։ Կոնկրետ ես  հաճույք եմ զգում, երբ կարողանում եմ ինչ-որ հարցով աջակից լինել և օգտակար լինել։ Դա, իհարկե, իմ մասնագիտությունից էլ է կախված՝ որպես բժիշկ»,- եզրափակեց Աստղիկ Բեյբությանը։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու արդեն նախկին քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։   Լուսանկարը՝ «Գյումրի՛, ապագա կա՛» ֆեյսբուքյան էջից, ձախից՝ Աստղիկ Բեյբությանը, խոսափողի մոտ՝ համայնքապետի թեկնածու Հովհաննես Հարությունյանը Նանե Ավետիսյան
09:15 - 15 հոկտեմբերի, 2021
Որևէ տեղական իշխանություն Գյումրու խնդիրները առանց արտաքին օժանդակության չի կարող լուծել․ Լևոն Բարսեղյան

Որևէ տեղական իշխանություն Գյումրու խնդիրները առանց արտաքին օժանդակության չի կարող լուծել․ Լևոն Բարսեղյան

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններին մասնակցում է նաև «Ռամկավար Ազատական» և «Ժառանգություն» կուսակցություններից կազմված «Հայրաքաղաք» դաշինքը։ Դաշինքը 28 հոգանոց ցուցակ է ներկայացրել, որի առաջին համարը Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանն է։ Վերջինս, մեր զրույցում անդրադառնալով քարոզարշավին, նշեց, որ այն հանգիստ է ընթանում․ «Առայժմ ոչ մի կոնֆլիկտ ու վեճ չկա։ Մեր ակնկալիքը ժողովրդի կամքի ազատ արտահայտումն է։ Ակնկալում ենք ունենալ ազդեցիկ ներկայություն Գյումրու ավագանու կազմում»։ Ինչ վերաբերում է մեր զրույցներում որոշ քաղաքական ուժերի ներկայացուցիչների հնչեցրած այն պնդումներին, ըստ որոնց՝ Գյումրիում քարոզարշավն ընթանում է նախկին երևույթների ուղեկցությամբ՝ թաղային հեղինակությունների ներգրավում, վարչական ռեսուրսի կիրառում, Բարսեղյանն ասաց՝ նման տեղեկություններ չունեն, ունենալու դեպքում կհրապարակեն․ «Չեմ նկատել այդպիսի բան․ արատավոր երևույթների մասին ես ձեզ ասեմ, դուք փորձեք պատկերացնել․ «բոլոր բնակարաններում գազի զեղչի կտրոն բաժանել, տավարը մորթել, մեկ կիլոգրամը մեկ քվեի դիմաց քվեարկության օրը բաժանել, կգաք այսպես կքվեարկեք, թե չէ վատ կլինի», նման բաներ առայժմ չենք լսել, նախկինում լսել ենք։ Եթե մենք նման որևէ տեղեկություն ունենանք, անմիջապես կհրապարակենք, առայժմ չունենք նման ահազանգ։ Մենք ուշադիր հետևում ենք, որ վարչական ռեսուրսի չարաշահում, աշխատողների վրա ճնշումներ չլինեն, աշխատատեղում քարոզչությամբ չզբաղվեն»: Լևոն Բարսեղյանի խոսքով՝ Գյումրին բազմաթիվ խնդիրներ ունի․ մինչ օրս չեն վերացել երկրաշարժի խորքային հետևանքները․ «3000 ընտանիքներ ապրում են անօթևանության պայմաններում։ Գյումրի տեղափոխված ընտանիքներ կան, տուն ստացած, բայց տնակ վերադարձած ընտանիքներ կան։ Կան մարդիկ, որոնք տուն չեն կորցրել երկրաշարժին, բայց տարբեր պատճառներով, աղքատության բերումով վաճառել են իրենց գույքը և տնակում են ապրում․ այդ ընտանիքները քայքայվում են տարբեր իմաստներով։ Դրա հետ փոխկապակցված են գործազրկությունը և աղքատությունը։ Սա մի ծանր եռանկյունի է, որով Գյումրին խոցված է»։ Բարսեղյանն ասաց, որ որևէ տեղական իշխանություն առանց արտաքին օժանդակության՝ միայն համայնքի բյուջեով այս խնդիրները հնարավոր չէ լուծել․ «Պետական, կառավարական միջամտություն է պետք այս խնդիրը հաղթահարելու համար։ Փողոցների 70%-ը, բակերի 70%-ը ավերակ են, սա էլ է մեծ խնդիր, 50 միլիոն դոլար է պետք, որ վերականգնվի, իսկ քաղաքի բյուջեն 10 միլիոն դոլար է, քաղաքն իր միջոցներով այդ խնդիրը լուծել չի կարող։  Այստեղ նույնպես միջազգային գործընկերների, դոնորական կազմակերպությունների, բանկերի, վարկերի, պետական օժանդակության կարիք կա»։ Մեր զրուցակիցը վստահեցրեց՝ իրենց քաղաքական ուժը ունի բավականաչափ կարողություն, գիտելիք ու հմտություն՝ քաղաքը արդյունավետ կառավարելու համար․ «Մեր քաղաքական ուժը մաքուր է, արատավոր չէ հանցավոր կառավարմամբ, թալանչիությամբ, կաշառակերությամբ։ Բոլորը աշխատավոր մարդիկ են։ Գյումրեցիները ինձ շատ լավ գիտեն, նոր չեն ծանոթանում, գիտեն իմ անցած աշխատանքային փորձն ու կենսագրությունը։ 9 տարի ավագանու անդամ եմ եղել, կուզեն՝ կընտրեն, կկառավարենք, չեն ընտրի՝ կկառավարեն նրանք, որոնց կընտրի ժողովուրդը», եզրափակեց Լևոն Բարսեղյանը։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու արդեն նախկին քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Նանե Ավետիսյան
18:34 - 14 հոկտեմբերի, 2021
Գյումրեցիները լավ են հասկանում, որ այս ընտրությունների դեպքում չկա հնի ու նորի խնդիր, կա միայն քաղաքը ճիշտ կառավարելու խնդիր․ Կարապետ Պողոսյան

Գյումրեցիները լավ են հասկանում, որ այս ընտրությունների դեպքում չկա հնի ու նորի խնդիր, կա միայն քաղաքը ճիշտ կառավարելու խնդիր․ Կարապետ Պողոսյան

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններին մասնակցում է նաև «Թասիբով» դաշինքը, որը կազմված է Հրանտ Բագրատյանի գլխավորած «Ազատություն» և Սարգիս Ավետիսյանի գլխավորած «Համերաշխություն» կուսակցություններից։ «Թասիբով» դաշինքը ներկայացրել է 22 հոգանոց նախընտրական ցուցակ, որը գլխավորում է «ՄԻՀԿ» ՀԿ-ի իրավապաշտպան Կարապետ Պողոսյանը։  Պողոսյանի խոսքով՝ քարոզարշավն ընթանում է բավականին պասիվ, չկա բանավեճ, չկա հստակ ծրագրերի ներկայացում․ «Նույնիսկ մեր հրապարակային տված հարցերին չեն պատասխանում, կամ պատասխանում են շատ վատ։ Այսօր գյումրեցիների համար այնպիսի իրավիճակ է, որ իրենք չկարողանան թացը չորից տարբերել։ Այս ամենը պայմանավորված է իշխանության որդեգրած քաղաքականությամբ, որ գյումրեցիները ընտրություններից պետք է ունենան հնարավորինս քիչ ակնկալիքներ։ Հետևաբար, քաղաքական դաշտում մեր հայտնվելը՝ որպես ՏԻՄ ընտրությունների մասնակից, խառնեց իշխանության բոլոր ծրագրերը։ Ի դեմս մեզ՝ հայտնվեցին մարդիկ, ովքեր կռվող են, պայքարող են և ովքեր միանշանակ թույլ չեն տալու, որ Գյումրին իշխանությունների համար երկրորդ պլան մղվի»։ Արմատական ընդդիմություն ներկայացող դաշինքի առաջին համարն ընդգծում է, ՔՊ-ի նախընտրական ցուցակում կան մարդիկ, որոնք կապ ունեն քրեական հեղինակությունների հետ, թեև այսօր այդ երևույթը, նրա խոսքով, այդքան էլ ազդեցիկ չէ․ «Կան մարդիկ, ովքեր նախկին հանրապետականներ են եղել, այսպես ասած Հանրապետականի տասովշիկներ են եղել, օրինակ Մարտիրոսյան Արտակը, որը այսօր դպրոցի տնօրենի ժ/պ է։ Չեմ ուզում ոչ մեկին վիրավորել, բայց գոյություն ուներ ընտրությունների տասովշիկ արտահայտությունը, իրենք իրենց հույսը դրել են նրանց վրա։ Ամենուրեք բազմահազար նկարներ փակցնելու հույսին են մնացել։ Սա խոսում է նրա մասին, որ իրենք ճանաչված չեն, ընկալելի չեն, և երկորրդ իրենք չեն կարող գաղափարական, քաղաքական բանավեճ վարել, ծրագիր ներկայացնել»։ Անդրադառնալով Գյումրիում առկա խնդիրներին՝ Պողոսյանն ասում է՝ դրանք բազմազան են։ Քաղաքապետի թեկնածուն պատմում է, որ նախատեսում են քաղաքապետարանի ներսում ռեսուրսային կենտրոն ստեղծել․ «Գյումրուն պետք է շատ մեծ հոգատարություն։ Այդ հոգատարությունը արտահայտելու համար ստեղծելու ենք ռեսուրսային կենտրոն քաղաքապետարանի ներսում, որը պետք է հավաքագրի Գյումրիի և՛ ներսում, և՛ դրսում գտնվող բոլոր ռեսուրսները և կարողանա մարդկանց համախմբելով միավորել բիզնես միջավայրը»։ Նա նաև հավելում է, որ Գյումրում չի կանոնակարգվում երթևեկությունը։ Պողոսյանը կարևորում է դպրոցական ավտոբուսների առկայությունը, որպեսզի երեխաները կարողանան անվտանգ դպրոց գնալ։ Մեր զրուցակցի խոսքով՝ ընտրվելու պարագայում փորձելու են լուծել հարցը՝ մյուս պետական մարմինների հետ համագործակցելով։ Կարապետ Պողոսյանը Գյումրու տնակների խնդիրն է առանձնացնում՝ նշելով, որ առաջարկելու են այնպիսի լուծումներ, որոնք կբխեն պետության շահերից․ «Բնակարանաշինության մասով բավականաչափ լավ ուսումնասիրել ենք տնակային թաղամասերը․ յուրաքանչյուր դեպքում պետք է ցուցաբերել անհատական մոտեցում, որպեսզի կարողանանք այդ մարդկանց խնդիրները ճիշտ լուծել և ամենակարևորը՝ լուծել նաև պետության շահերից ելնելով։ Այստեղ խնդիրները կապված են նրա հետ, որ մարդիկ բնակարան են ստացել, չեն տեղափոխվել բնակարան կամ մի մասը տեղափոխվել է, մյուս մասը մնացել է տնակում»։ Նա հավելում է, որ ներդրողների համար առանձին փաթեթներ են նախատեսել, որով քաղաքապետարանը իր վրա է վերցնելու պետական վարչարարության մեծ մասը՝ քաղաքացու ու ներդրողին պետական քաշքշուկներից հնարավորինս հեռու պահելու համար։ Պողոսյանը կարևորում է նաև Գյումրին որպես մշակութային կենտրոն պահելն ու զարգացնելը․ «Մենք պետք է հասնենք այնպիսի իրավիճակի, որ ցանկացած մարդ, որը կայցելի Գյումրի, հնարավորինս շատ հայկականություն իր հետ տանի։ Այստեղ տարատեսակ միջոցառումների շարք ունենք, որոնք շատ փոքր գումարով կարելի է իրականացնել և ստանալ բավականին մեծ էֆֆեկտներ»։ Պողոսյանի խոսքով՝ գյումրեցիները լավ են հասկանում, որ այս ընտրությունների պարագայում չկա հնի ու նորի խնդիր, կա միայն քաղաքը ճիշտ կառավարելու խնդիր․ «Սա ՏԻՄ ընտրություն է, վարչապետ չեն ընտրում, ԱԺ չեն ընտրում։ Գյումրեցիները ուզում են առաջին հերթին ընտրել գյումրեցի քաղաքապետ։ Գյումրին հասկացող, Գյումրին իմացող, Գյումրու հետ մեծացած, Գյումրու դարդ ու ցավը տեսած մարդ պետք է լինի մեր քաղաքապետը, և միանշանակ պետք է լինեն մարդիկ, ովքեր կարող են պայքարել, կռիվ տալ, անձնազոհաբար ամեն ինչ անել, որ Գյումրին առաջ գնա։ Գյումրեցին շատ լավ հասկանում է, որ այստեղ հնի ու նորի կռիվ չկա, այստեղ Նիկոլի ու ՀՀԿ-ի կռիվ չկա, այստեղ կա ընդամենը քաղաքը կառավարելու, ճիշտ առաջ տանելու խնդիր, և ամենակարևորը այդ ամեն ինչը պետք է լինի թասիբով։ Մենք ստեղծեցինք «Թասիբով» դաշինքը և այնտեղ ներգրավեցինք այնպիսի մարդկանց, ովքեր ի վիճակի են Գյումրու խնդիրները կառավարել և առաջ տանել»,- եզրափակեց մեր զրուցակիցը։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու արդեն նախկին քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Նանե Ավետիսյան
14:47 - 13 հոկտեմբերի, 2021
Ընտրվելու դեպքում «Հայրենիքը» ստեղծելու է «Դիլիջան՝ իմ հայրենիք» հիմնադրամ, որով կօգնեն 200 առանձնատներ եւ հյուրատներ կառուցել․ Արմեն Օրդինյան

Ընտրվելու դեպքում «Հայրենիքը» ստեղծելու է «Դիլիջան՝ իմ հայրենիք» հիմնադրամ, որով կօգնեն 200 առանձնատներ եւ հյուրատներ կառուցել․ Արմեն Օրդինյան

Տավուշի մարզի Դիլիջան համայնքում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Դիլիջանում առաջադրվել է հինգ քաղաքական ուժ․ «Ապրելու երկիր» կուսակցությունը՝ համայնքապետի պաշտոնում Արմինե Հովհաննիսյանի թեկնածությամբ, «Հայրենիք» կուսակցությունը՝ Արմեն Օրդինյանի թեկնածությամբ, «Հանրապետություն» կուսակցությունը՝ Արմեն Ուլիխանյանի թեկնածությամբ, «Քաղաքացու որոշում» կուսակցությունը՝ Արա Մարտիրոսյանի թեկնածությամբ, եւ «Քաղաքացիական պայմանագիր» կուսակցությունը՝ Դավիթ Սարգսյանի թեկնածությամբ։ Արմեն Օրդինյանը, որ գլխավորում է «Հայրենիք» կուսակցության ցուցակը, այս պահին չի աշխատում, կենսաթոշակառու է։ Դիլիջանում Օրդինյանի թիմը քարոզարշավը մեկնարկել է «Դիլիջան՝ Իմ Հայրենիք» կարգախոսով։ Մեր զրույցում համայնքապետի թեկնածուն կարծիք հայտնեց, որ քարոզարշավն ընթանում է քաղաքակիրթ ձեւով՝ առանց այլեւայլությունների։ Միայն թե, ինչպես արձանագրեց նա, եւ ինչպես ավելի վաղ մեր զրույցում նշել էին «Քաղաքացու որոշում» եւ «Ապրելու երկիր» կուսակցությունների թեկնածուները, երբեմն նախընտրական պաստառներ պատռելու դեպքեր են եղել։ «Հայրենիքը» քարոզարշավն իրականացնում է Դիլիջանի բնակավայրեր այցելելով եւ բնակիչների հետ զրույցներով։ Infocom-ի հետ զրույցում Արմեն Օրդինյանը նշեց, որ համայնքում ամենատարբեր խնդիրներ կան, որ առաջնահերթ լուծում են պահանջում։ Նա հատկապես առանձնացրեց իրենց ծրագրային այն դրույթը, ըստ որի՝ պատրաստվում են իրականացնել վթարային շենքերի եւ կամուրջների քարտեզագրում, սողանքային հատվածների ամրակայում, վերանորոգման աշխատանքներ, եւ այլն։ «Դիլիջանում 100-ից ավելի բազմաբնակարան շենքեր կան, որոնց շահագործման ժամկետները մոտենում են ավարտին։ 8200-ից ավելի առանձնատների մոտ 20%-ը հիմնանորոգման կարիք ունի․ դրանք դեռ երկրաշարժի ժամանակ են վնասվածքներ ստացել։ Վերջին 30 տարվա մեջ համայնքում բնակարանաշինություն չի իրականացվել։ Այսօր ավելի քան 500 ընտանիք նոր բնակարանի կարիք ունի»,- թվարկեց մեր զրուցակիցը՝ վստահեցնելով, որ ընտրվելու պարագայում պատրաստվում են այս հարցերին լուծում տալ։ Նա նշեց նաև, որ որոշել են՝ ընտրվելու դեպքում բացելու են «Դիլիջան՝ իմ հայրենիք» հիմնադրամ, որով կօգնեն 200 առանձնատուն, հյուրատներ սարքել։ Հիմնադրամի միջոցները պետք է գոյանան բարերաների, քաղաքացիների ջանքերով․ «Ես ինքս արտերկրում շատ ընկերներ ունեմ, որոնք պատրաստ են գալ, ներդրումներ անել։ Մեր կուսակցության ղեկավարն էլ շատ մեծ կապեր ունի։ Բոլորիս էլ պարզ է, որ բյուջեի միջոցներով այս ծրագրերը հնարավոր չէ իրագործել։ Դրա համար ներդրումներ են պետք»,- ասաց Օրդինյանը՝ նշելով, որ Դիլիջանը զբոսաշրջային քաղաք է, եւ այն բնակիչները, որոնք իրենց տան մի հատվածն են զբաղեցնում, կարող են մյուս մասն էլ որպես հյուրատուն ծառայեցնել՝ այդպիսով լուծելով նաեւ իրենց հանապազօրյա հացի խնդիրը։ Մեր զրուցակիցը խոսեց նաեւ ջրահեռացման համակարգի վերանորոգման եւ արդիականացման իրենց նպատակների մասին՝ նշելով, որ Հովքում նախատեսում են ջրահավաք ավազանի կառուցում, Աղավնավանքում՝ ջրահավաք հզորությունների ավելացում, համայնքի գյուղերում՝ կոյուղու համակարգի անցկացում։  Օրդինյանի դիտարկմամբ՝ խնդիրներ կան նաեւ ճանապարհաշինության ոլորտում։ Նրա խոսքով, մասնավորապես, Դիլիջանի կենտրոնական եւ երկրորդական փողոցներն իրականում անմխիթար վիճակում են, դրանց պլանային վերանորոգում են նախատեսում եւ միջհամայնքային ու ներհամայնքային ճանապարհների բարեկարգում եւ ասֆալտապատում։  «Հայրենիք» կուսակցության համայնքապետի թեկնածուն մեր զրույցում խոսեց նաեւ գործազրկության բարձր մակարդակի եւ դրանով պայմանավորված արտագաղթի խնդրի մասին։ Այս առնչությամբ նախատեսում են ավելացնել Դիլիջանի առողջարանային եւ հյուրանոցային ծառայությունների տրամադրման հնարավորությունները, կրկնապատկել գյուղատնտեսությամբ զբաղվող գյուղացիական տնտեսությունները եւ այլն։ «Երիտասարդությունն էլ ընդհանրապես զբաղմունքի տեղ չունի, որ մարդիկ գնան, ժամանակ անցկացնեն, լրիվ հեռախոսների մեջ են, ոչ մի ակտիվություն չկա։ Քաղաքում ժամը մեկից հետո մարդ չես տեսնի։ Սրճարաններ կան, որոնք տեղացիների համար ոչ մատչելի են։ Շատ հարցեր կան»,- ասաց Օրդինյանը։ Վերջինս իրենց շանսերը 100 տոկոս է գնահատում եւ ակնկալում բնակիչների քվեն՝ վստահեցնելով իրականացնել իրենց ծրագրերը։ Լուսանկարը՝ «Դիլիջան՝ Իմ Հայրենիք» ֆեյսբուքյան էջից Հայարփի Բաղդասարյան
13:09 - 13 հոկտեմբերի, 2021
ՏԻՄ ընտրությունների նախաշեմին Դիլիջանում ժողովուրդը որոշակի զգուշավորություն է ցուցաբերում․ այդպիսի մթնոլորտ երբեւիցե չենք ունեցել․ Արա Մարտիրոսյան

ՏԻՄ ընտրությունների նախաշեմին Դիլիջանում ժողովուրդը որոշակի զգուշավորություն է ցուցաբերում․ այդպիսի մթնոլորտ երբեւիցե չենք ունեցել․ Արա Մարտիրոսյան

Տավուշի մարզի Դիլիջան համայնքում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Դիլիջանում առաջադրվել է հինգ քաղաքական ուժ․ «Ապրելու երկիր» կուսակցությունը՝ համայնքապետի պաշտոնում Արմինե Հովհաննիսյանի թեկնածությամբ, «Հայրենիք» կուսակցությունը՝ Արմեն Օրդինյանի թեկնածությամբ, «Հանրապետություն» կուսակցությունը՝ Արմեն Ուլիխանյանի թեկնածությամբ, «Քաղաքացու որոշում» կուսակցությունը՝ Արա Մարտիրոսյանի թեկնածությամբ, եւ «Քաղաքացիական պայմանագիր» կուսակցությունը՝ Դավիթ Սարգսյանի թեկնածությամբ։ «Քաղաքացու որոշում» կուսակցության ցուցակը գլխավորող Արա Մարտիրոսյանը 2005-2019 թվականներին զբաղեցրել է Դիլիջանի համայնքապետարանի աշխատակազմի քարտուղարի պաշտոնը՝ ՀԾ առաջին դասի խորհրդականի դասային աստիճանով, 2019-2021 թվականներին եղել է Դիլիջան համայնքի ղեկավարի տեղակալ, հիմա չի աշխատում։  Վերջինս մեր զրույցում ասաց, որ ընտրություններին ընդառաջ վախի մթնոլորտ է նկատում Դիլիջանում․ նրա կարծիքով՝ ժողովուրդը որոշակի զգուշավորություն է ցուցաբերում․ «Մեր ժողովուրդը դեռ չի հաղթահարել նախկինում եղած այն վախերը, որ եթե դու կամ քո հարազատներն աշխատում են ինչ-որ տեղ, դու վախենում ես, թե տվյալ պահին ով է իշխանության կամ հետագայում ով կգա։ Ես մասնակցել եմ շատ ընտրությունների, բայց երբեւիցե նման մթնոլորտ չենք ունեցել Դիլիջանում»,- ասաց մեր զրուցակիցը՝ չմանրամասնելով, թե հատկապես որ քաղաքական ուժն է վախի մթնոլորտ ստեղծում։ Մարտիրոսյանն ասաց, որ որոշ քաղաքական ուժեր իրենց ծրագրերում արտագրել են ՏԻՄ մասին օրենքը, որով սահմանվում են համայնքի ղեկավարի լիազորությունները․ «Մենք փորձել ենք այդ ֆորմատով չգնալ, որովհետեւ ծանոթ ենք քաղաքի խնդիրներին։ Մենք ունենք առողջ թիմ, ու երբ նայում եմ մեր թիմի ու մնացած քաղաքական ուժերի առաջին տասնյակը, մեր մոտ ոչ թե լավ է, այլ շատ լավ է»։ Մարտիրոսյանը նաեւ նշեց՝ խնդիրներ կան, որ ոչ թե ֆինանսական միջոցներ ներդնելու հետ են կապված, այլ կազմակերպչական բնույթի են։ Նրա խոսքով՝ իրենց վերջնական նպատակն է Դիլիջանը գրավիչ դարձնել զբոսաշրջիկների համար, խթանել ու զարգացնել զբոսաշրջությունը։ Մարտիրոսյանը որպես առաջնահերթություն առանձնացրեց կրթության ոլորտը․ «Մինչեւ 2012 թվականը մենք Դիլիջանում ունեցել ենք բուհի մասնաճյուղ, որը չի գործում, բայց այդ հնարավորությունը կա։ Եթե այն սկսի գործել, դա նաեւ կբերի երիտասարդների աշխուժացմանը։ Կամ, օրինակ, նախադպրոցական եւ արտադպրոցական կրթության մասով․ մենք փորձելու ենք երեխաների ազատ ժամանակը մշակութային եւ սպորտային խմբակների միջոցով լրացնել։ Փորձելու ենք դրա վրա ավելի շատ շեշտ դնել, որովհետեւ իրենք են մեր ապագան, իրենք են որոշելու, թե հետո ինչպիսին է լինելու մեր քաղաքի վիճակը, ինչպիսին է լինելու մեր քաղաքացին»։ Մարտիրոսյանը հավելեց, որ մեծահասակների համար նախատեսում են զբոսաշրջության վերաբերյալ վերապատրաստման դասընթացներ անցկացնել․ «Այսդպես մարդիկ պատրաստ կլինեն եկող մարտահրավերներին։ Մենք սպասարկման ոլորտում ունենք շատ քաղաքացիներ, որոնք Դիլիջանից չեն։ Չեմ ասում, որ բոլոր տեղերում դիլիջանցիները պիտի աշխատեն, բայց Դիլիջանից կան մարդիկ, որ տեղյակ չեն, աշխատած չեն, ծանոթ չեն։ Փորձելու ենք դա ինչ-որ ձեւով կարգավորել»։ Մեր զրուցակիցը նշեց, որ մեր օրենսդրությունը Դիլիջանին հարկային արտոնություններից օգտվելու հնարավորություն է տալիս․ «2 միլիարդ եւ ավելի ներդրման դեպքում որոշակի հարկատեսակներ հանվում են, տրվում են որոշակի արտոնություններ։ Դրա մասին պետք է գովազդի տեսքով կամ այլ եղանակներով մարդկանց իրազեկել։ Մենք փորձելու ենք դրա վրա հիմնվել, մասնավոր համագործակցությունը ես այսպես եմ տեսնում»,- ասաց Արա Մարտիրոսյանը՝ հավելելով, որ դրա շնորհիվ Դիլիջանում կարող են ներդրումներ արվել, ինչն էլ կբերի աշխատատեղերի ստեղծմանը, սոցիալական խնդիրների կարգավորմանը։  Լուսանկարը՝ «ՔՈ Դիլիջան» ֆեյսբուքյան էջից
12:58 - 13 հոկտեմբերի, 2021
21-րդ դարում ենք ապրում, բայց Դիլիջանում կան տնային տնտեսություններ, որտեղ ջուր առհասարակ չկա․ բոլոր խնդիրները մեր ուշադրության կենտրոնում են լինելու․ Արմինե Հովհաննիսյան

21-րդ դարում ենք ապրում, բայց Դիլիջանում կան տնային տնտեսություններ, որտեղ ջուր առհասարակ չկա․ բոլոր խնդիրները մեր ուշադրության կենտրոնում են լինելու․ Արմինե Հովհաննիսյան

Տավուշի մարզի Դիլիջան համայնքում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Դիլիջանում առաջադրվել է հինգ քաղաքական ուժ․ «Ապրելու երկիր» կուսակցությունը՝ համայնքապետի պաշտոնում Արմինե Հովհաննիսյանի թեկնածությամբ, «Հայրենիք» կուսակցությունը՝ Արմեն Օրդինյանի թեկնածությամբ, «Հանրապետություն» կուսակցությունը՝ Արմեն Ուլիխանյանի թեկնածությամբ, «Քաղաքացու որոշում» կուսակցությունը՝ Արա Մարտիրոսյանի թեկնածությամբ, եւ «Քաղաքացիական պայմանագիր» կուսակցությունը՝ Դավիթ Սարգսյանի թեկնածությամբ։ «Ապրելու երկիր» կուսակցության ցուցակը գլխավորող Արմինե Հովհաննիսյանը Դիլիջանի համայնքային կենտրոնի ՀԿ նախագահն է։  Հովհաննիսյանն այն թեկնածուներից է, որ քարոզարշավն իրականացնում է բնակիչների հետ ակտիվ շփումներով․ այցելում է Դիլիջանի տարբեր բնակավայրեր, զրուցում տեղացիների հետ, լսում նրանց խնդիրները։ Վաղն արդեն այցելելու են Թեղուտ եւ Հաղարծին։ Infocom-ի հետ զրույցում Հովհաննիսյանն ասաց, որ քարոզարշավն, ըստ էության, ընթանում է բնականոն հունով, որպես այդպիսին՝ խոչընդոտների չեն հանդիպել։ Նա իր հերթին ընտրապայքարին մասնակցող բոլոր քաղաքական ուժերի ներկայացուցիչներին կոչ արեց հաշտության ու համերաշխության մթնոլորտում շարունակել քարոզարշավը։ Infocom-ի հարցին, թե ինչպիսի տրամադրություններ ունեն տեղացիները, արդյոք ինչ-որ լարվածություն կա՞, Արմինե Հովհաննիսյանը պատասխանեց, որ որոշակի լարվածություն կամ վախվորածություն նկատել է․ «Գուցե մտածում են, որ եթե իրենց ցանկացած թեկնածուին կամ քաղաքական ուժին ընտրեն, մյուսները կիմանան, եւ այլն, եւ այլն։ Սակայն քանի որ փաստեր չունեմ, հիմնավորել չեմ կարող։ Բայց այն, որ պաստառներ են պոկում քաղաքում, ակնհայտ է։ Դա, իհարկե, իրենց ոչինչ չի տալու, ավելի լավ է՝ իրենց ռեսուրսներն օգտագործեն ավելի լավ աշխատանք անելու համար»,- ասաց մեր զրուցակիցը։ Իսկ ինչ վերաբերում է քարոզարշավի ընթացքում բնակիչների բարձրացրած հարցերին, դրանց լուծման տարբերակներին, Հովհաննիսյանն ասաց, որ իրականում խնդիրները շատ-շատ են․ «Իմ աշխատանքի բերումով ես այսպես թե այնպես քաջատեղյակ էի այդ խնդիրներին, դրանք վերաբերում են ամենատարրական կենսական պայմաններին, որ բնակիչները չունեն՝ սկսած ջրամատակարարումից։ 21-րդ դարում ենք ապրում, բայց կան տնային տնտեսություններ, որտեղ ջուր առհասարակ չկա, եւ արդեն երկար տարիներ։ Համայնքային փողոցներն են շատ վատ վիճակում, փողոցային լուսավորություն չկա, ժամանացի վայրեր չկան, հանդիսությունների սրահ չկա»,- ասաց համայնքապետի թեկնածուն՝ չմոռանալով նաեւ, որ համայնքում երեխաների զարգացման, կրթական ու մշակութային կենտրոններն էլ են բացակայում․  «Մենք հնարավորինս փորձում ենք մեր գործունեության մեջ ներգրավել մեր գյուղական բնակավայրերի բնակիչներին․ զգում ենք, որ կարիք կա հենց տեղերում այդպիսի կենտրոններ հիմնել։ Առաջին հերթին ձեռնամուխ ենք լինելու հենց այդպիսի կրթական-մշակութային օջախների ստեղծմանը՝ հենց գյուղական բնակավայրերում»։ Պատասխանելով հարցին, թե, ի վերջո, համայնքային բյուջեն թվարկված այս բոլոր խնդիրների լուծման համար բավարար է, Արմինե Հովհաննիսյանն առանձնացրեց կամավոր եւ պարտադիր խնդիրներ։ Պարտադիր խնդիրները, մեր զրուցակցի վստահեցմամբ, մշտապես իրենց ուշադրության կենտրոնում են եւ լինելու են։ Նրա կարծիքով՝ ողջամիտ կառավարման եւ ռեսուրսների ճիշտ օգտագործման պարագայում այդ խնդիրներին հնարավոր է համապարփակ լուծումներ տալ․ «Ուզում եմ ընդգծել, որ մենք եւ մեր թիմը ունենք շատ լավ գործընկերներ ու կապեր, որոնք կարող ենք օգտագործել խոշոր ներդրողների ներգարվելու հարցում»։ Հովհաննիսյանը առանձնակի ուշադրություն հրավիրեց հատկապես զբաղվածության խնդրին․ սա նաեւ «Ապրելու երկիր» կուսակցության ծրագրի  առանցքային դրույթն է․ «Շատ կարեւոր է, որ մենք մասնավոր հատվածի եւ պետության հետ ամրապնդելու ենք համագործակցությունը եւ ստեղծելու ենք նոր գործընկերություններ։ Մասնավոր-պետություն համագործակցությունը պետք է անպայման ամրապնդել, դրա արդյունքում կբերենք նոր արտադրություններ, կունենանք գյուղմթերքների շուկա, վերամշակման արտադրություններ, կստեղծենք արվեստի գործերի վաճառքի հարթակ, առողջարան ու լողավազն կունենանք, սա էլ իր հետ կբերի նաեւ աշխատատեղեր»,- ասաց մեր զրուցակիցը։ Նրա դիտարկմամբ՝ համայնքների խոշորացման գործընթացը (Դիլիջանը եւս խոշորացված համայնք է,- հեղ․) դրական է նաեւ այն առումով, որ համայնքի բյուջեի համար ճիշտ առաջնահերթություններ սահմանելու հնարավորություն կա, ինչը թույլ կտա համայնքային բյուջեն համամասնորեն բաշխել․  «Այս առնչությամբ պետք է շեշտել, որ գյուղական բոլոր բնակավայրերը լինելու են մեր ուշադրության կենտրոնում․ որեւէ գյուղ չի ունենալու առավելություն։ Մեր թիմում ավագանու թեկնածուներ են ներգրավված նաեւ գյուղական բնակավայրերից․ նրանց եւ վարչական ներկայացուցիչների հետ միասին (խոշորացված համայնքների գյուղական բնակավայրերն ունենալու են վարչական ներկայացուցիչներ,- հեղ․) պետք է ճիշտ առաջնահերություններ սահմանենք՝ ֆինանսական միջոցները բաշխելով համամասնորեն, եւ ռեսուրսների արդյունավետ կառավարման միջոցով գրանցենք հնարավոր դրական արդյունք»,- նշեց մեր զրուցակիցը։ Վերջինիս համոզմամբ՝ Դիլիջանի բնակիչները պետք է ընտրեն հենց իրենց քաղաքական ուժին, քանի որ «Ապրելու երկիր» կուսակցությունը ներկայանում է այնպիսի թիմով, որն ամենօրյա աշխատանքով հաջողություններ է գրանցում եւ նպաստում Դիլիջան համայնքի զարգացմանը․  «Մենք համախոհների եւ գաղափարակիցների մի թիմ ենք, որը նվիրված, անշահախնդիր սիրում է համայնքը եւ սրտացավ է Դիլիջանի նկատմամբ»,- ասաց  «Ապրելու երկիր» կուսակցության համայնքապետի թեկնածու Արմինե Հովհաննիսյանը՝ բնակիչներին կոչ անելով հոկտեմբերի 17-ին անպայման մասնակցել ընտրություններին, քանի որ այն բացառիկ հնարավորություն է, որից պետք է օգտվի դիլիջանցին՝ իրենց թիմին էլ հնարավորություն տալով փոփոխել եւ զարգացնել համայնքը։ Լուսանկարները՝ Արմինե Հովհաննիսյանի ֆեյսբուքյան էջից Հայարփի Բաղդասարյան
19:06 - 12 հոկտեմբերի, 2021
Գյումրիում ՀՀԿ ցուցակը գլխավորող Արտյոմ Ղուկասյանը վստահ է՝ ՏԻՄ ընտրություններում լավ արդյունք են գրանցելու

Գյումրիում ՀՀԿ ցուցակը գլխավորող Արտյոմ Ղուկասյանը վստահ է՝ ՏԻՄ ընտրություններում լավ արդյունք են գրանցելու

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ:  Գյումրու ՏԻՄ ընտրություններում Հայաստանի Հանրապետական Կուսակցությունը 33 հոգուց բաղկացած նախընտրական ցուցակ է ներկայացրել, կուսակցության քաղաքապետի թեկնածուն Արտյոմ Ղուկասյանն է, որը գլխավորում է ցուցակը։ Մեր զրույցում Ղուկասյանը պատմեց, որ քարոզարշավն ընթանում է հանգիստ, առանց այլևայլությունների։ Քաղաքապետի թեկնածուն վստահ է, որ լավ արդյունք են գրանցելու․ «Մենք վստահ ենք մեր ունեցած հնարավորությունների վրա։ Վստահությունը առաջին հերթին պայմանավորված է մեր կուսակից ընկերների ակտիվությամբ, ժողովրդի՝ ներկայիս իշխանությունների նկատմամբ ունեցած դժգոհությամբ, և այդպես շարունակ»։ Նրա դիտարկմամբ՝ Գյումրիում առաջնահերթ լուծում պահանջող խնդիրներն են անօթևանների հարցը, աշխատատեղերի ստեղծումը և քաղաքի բարեկարգումը։ Ղուկասյանի խոսքով՝ անօթևանության խնդրի վերաբերյալ Հայաստանի Հանրապետական կուսակցությունը մեծ ծրագրեր է իրականացրել, կառավարության օգնությամբ 5000 բնակարան են կառուցել Գյումրի քաղաքում, նույնն էլ այսօր են փորձելու անել․ «Դիմելու ենք կառավարության օգնությանը, տարբեր բարերարների, դոնոր կազմակերպությունների օգնությանը, որպեսզի կարգավորենք, կամաց-կամաց այս խնդիրը լուծենք։ Կփորձենք ամեն ինչ անել, որ վերջնական լուծում տանք խնդրին»։ Ղուկասյանը վստահ է, որ գյումրեցին մինչև այսօր վայելում է Հանրապետական կուսակցության օրոք ստեղծված բարիքները․ «Նայեք, թե Գյումրին ինչ է եղել մեր կուսակցության կառավարման տարիներին։ Գումարները, որոնք հատկացվում են ասֆալտապատման, բարեկարգման համար, այդ ամբողջը առ այսօր կատարվում է մեր կառավարության ժամանակահատվածում հատկացրած գումարներով։ Իմ կարծիքով՝ գյումրեցին չի մոռանում այդ ամեն ինչը, պարզապես միառժամանակ մոռացել էր, բայց այսօր աստիճանաբար վերհիշում է, հասկանում է, որ այստեղ Հանրապետական կուսակցությունը մեծ աշխատանք ունի կատարած»։ Նա նաև նշում է, որ քարոզարշավի ընթացքում անցկացնում են երթեր, հանդիպում են բնակիչների հետ։ «Մենք մեզ չենք ֆետիշացնում, պարզապես ծանոթանում ենք մարդկանց խնդիրների, բողոքների, առաջարկությունների հետ»։ Նշենք, որ Արտյոմ Ղուկասյանը չորրորդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հորեղբոր որդին է։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու գործող քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ սեպտեմբերի 29-ին դաշինքը  դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Նանե Ավետիսյան
18:35 - 12 հոկտեմբերի, 2021
Համայնքի միջոցներով Գյումրու տնակների խնդիրը չի լուծվի․ դա ավելի բարձր մակարդակի լուծվելիք հարց է․ Լուսինե Սանոյան

Համայնքի միջոցներով Գյումրու տնակների խնդիրը չի լուծվի․ դա ավելի բարձր մակարդակի լուծվելիք հարց է․ Լուսինե Սանոյան

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններին մասնակցում է նաև Գյումրու արդեն նախկին քաղաքապետ Սամվել Բալասանյանի աջակիցների կուսակցությունը՝ «Բալասանյան դաշինքը»։  Սամվել Բալասանյանը, սակայն, նախընտրական ցուցակում չկա։ Կուսակցության քաղաքապետի թեկնածուն Վարդգես Սամսոնյանն է, որի հետ զրուցել չհաջողվեց, քանի որ վերջինս վարակվել է կորոնավիրուսով և հիվանդանոցում է։ Infocom-ը զրուցեց «Բալասանյան դաշինք» սոցիալական կուսակցության ավագանու անդամի թեկնածու Լուսինե Սանոյանի հետ։ Վերջինս, անդրադառնալով քարոզարշավին, նշեց, որ այն ընթանում է հանգիստ ու արդյունավետ։ Սանոյանի գնահատմամբ՝ իրենց ուժը ֆավորիտ է․ «Սպասում ենք արդար ընտրությունների, որի արդյունքում կձևավորվի ավագանի, և կունենանք համայնքապետ, որը կստանձնի քաղաքի արդյունավետ կառավարումը։ Կարծում եմ՝ մեր ուժը ֆավորիտ է։ Այդ մասին են փաստում բնակչության արձագանքները,  հանդիպումների ժամանակ մարդկանց հետաքրքրությունը։ Նաև հարցումների արդյունքում էլ է մեր ուժը համարվում ֆավորիտ»։ Ավագանու թեկնածուի խոսքով՝ իրենք շարունակելու են Սամվել Բալասանյանի գործը․ «Սամվել Բալասանյանը վստահել է մեզ, որ շարունակենք իր գործը, բայց ավելի թարմ կազմով,  ավելի երիտասարդներով։ Շարունակելու ենք իր գործը իր կուրսին համաձայն։ Մեր ուժը կարողացել է ապացուցել, որ մենք անում ենք այն, ինչ խոստանում ենք։ Մեր ծրագիրը, որը եղել է 5 տարի առաջ, լիովին գերազանց ձևով կատարել ենք, որի վկայությունն են քաղաքում բազմազան ծրագրերը, ասֆալտապատումը, լուսավորությունը, աղբատար մեքենաները, աղբամանները,  զբոսաշրջիկների հոսքը»։ Սանոյանն ասում է, որ բնակիչները իրենց հետ հանդիպումների ընթացքում երեք հարցեր են առանձնացրել՝ թափառող շների խնդիրը, տրանսպորտի խնդիրը, ինչպես նաև երկրորդային, երրորդային նշանակության փողոցների բարեկարգման հարցը․ «Թափառող շների խնդիրը բոլոր համայնքներում էլ կա։ Կենդանիներին սպանելու, վերացնելու տարբերակը բացառվում է։ Հարցը կարող է լուծվել տնակների միջոցով, որտեղ շները կհավաքվեն և կպահվեն, բայց դա մեծ գումարների հետ է կապված, և համայնքը իր միջոցներով չի կարող դա իրեն թույլ տալ։ Ուրեմն պետք են դոնոր կազմակերպություններ, որ թեկուզ համայնքապետարանի հետ համաֆինանսավորմամբ հարցը լուծվի։ Ըստ ինձ՝ միակ ընդունելի տարբերակը դա է։ Ճիշտն ասած, կոնկրետ ինձ՝ որպես ավագանու անդամի, մի շարք կազմակերպություններ գրել են, որ գան, պիլոտային ծրագրեր ներկայացնեն, և համայնքի հետ համաֆինանսավորմամբ կատարվի այդ ծրագիրը։ Ինձ թվում է՝ եթե մեր քաղաքական ուժը ընտրվի, ամեն դեպքում մենք հետամուտ կլինենք, որ խնդիրը այդ կերպ լուծվի»։ Գյումրու բնակիչները, Սանոյանի խոսքով, բողոքում են, որ երեկոյան ժամերին տրանսպորտ քիչ է աշխատում կամ չվացուցակները հստակ չեն․ «Մեր քաղաքական ուժի օրոք սուբվենցիոն ծրագրով մենք արդեն գնել ենք 63 գազելներ, պատրաստվում ենք գնել ավտոբուսներ և սմարթ ավտոբուսներ, ունենալու ենք նաև սմարթ կանգառներ։ Մի կանգառ արդեն տեղադրվել է Գյումրիում, որը պիլոտային ծրագիր է եղել։ Մենք սմարթ կանգառի միջոցով ունենալու ենք էլեկտրոնային տաբլոներ, որոնց վրա լինելու են չվացուցակներ։ Դա էլ կարգավորվող խնդիր է, 3-4 ամսում այդ ամենը կլուծվի, կունենանք հստակ տրանսպորտային երթուղիներ և մարդիկ կիմանան՝ որ ժամերին, երբ, որից կարող են օգտվել»։ Սանոյանը ասում է, որ իրենց ծրագրի մեջ ներառված է նաև երկրորդային ու երրորդային փողոցների բարեկարգման հարցը․ «Դա կատարվում է ոչ միայն համայնքի միջոցներով, այլև եվրոպական բանկի կողմից համաֆինանսավորմամբ, կառավարության կողմից հատկացված սուբվենցիոն ծրագրերով»։ Անդրադառնալով անօթևանության հարցին՝ Սանոյանն ասում է՝ համայնքի միջոցներով այդ հարցը չի լուծվի։ «Համայնքը ուղղակի կարող է հաշվառել այն տնակները ու մարդկանց թիվը, որոնք անօթևան են համարվում։ Դրանից ավելի չեմ պատկերացնում, որ կարելի է այդ հարցին լուծում տալ։  Դա ավելի բարձր մակարդակի լուծվելիք հարց է»։ Հավելենք, որ Գյումրու ՏԻՄ ընտրություններում  «Բալասանյան դաշինքը» 42 հոգուց բաղկացած նախընտրական ցուցակ է ներկայացրել։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու գործող քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը  սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Լուսանկարն infocom.am-ին տրամադրել է Լուսինե Սանոյանը Նանե Ավետիսյան
16:44 - 12 հոկտեմբերի, 2021
Ներդրողներին պետք է համոզել, որ Դիլիջանը իրենց բիզնեսի համար լուրջ կենտրոն կարող է լինել․ Արմեն Ուլիխանյան

Ներդրողներին պետք է համոզել, որ Դիլիջանը իրենց բիզնեսի համար լուրջ կենտրոն կարող է լինել․ Արմեն Ուլիխանյան

Տավուշի մարզի Դիլիջան համայնքում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Դիլիջանում առաջադրվել է հինգ քաղաքական ուժ․ «Ապրելու երկիր» կուսակցությունը՝ համայնքապետի պաշտոնում Արմինե Հովհաննիսյանի թեկնածությամբ, «Հայրենիք» կուսակցությունը՝ Արմեն Օրդինյանի թեկնածությամբ, «Հանրապետություն» կուսակցությունը՝ Արմեն Ուլիխանյանի թեկնածությամբ, «Քաղաքացու որոշում» կուսակցությունը՝ Արա Մարտիրոսյանի թեկնածությամբ, եւ «Քաղաքացիական պայմանագիր» կուսակցությունը՝ Դավիթ Սարգսյանի թեկնածությամբ։ «Հանրապետություն» կուսակցության ցուցակը գլխավորող Արմեն Ուլիխանյանը զինվորական թոշակառու է։ Վերջինս ակտիվ քարոզարշավի փուլում է, բնակիչների հետ քննարկումներ է իրականացնում, զրուցում նրանց հետ, լսում բարձրացրած խնդիրները՝ դրանց համար լուծումներ առաջարկելով։ «Խնդիրները, որ բարձրաձայնում են բնակիչները, ես տարիներ առաջ փորձել եմ լուծել, բայց նախկին ղեկավարությունն անհասկանալի մոտեցում ցուցաբերեց․ ընդամենը պետք էր իրենց «հա՛» ասելը, աջակցությունը եւ ցանկությունը, որը չեղավ»,- Infocom-ի հետ զրույցում ասաց Ուլիխանյանը։ Մեր հարցին, թե, մասնավորապես, ինչ խնդիրներ էին, որ այդպես էլ լուծում չստացան, մեր զրուցակիցն առանձնացրեց համայնքային տրանսպորտի, լուսավորության խնդիրները․  «Սրանք քաղաքապետի ամենօրյա խնդիրներն են․ երբ ասում են մաքրություն, տրանսպորտ, լուսավորություն, այս հարցերով պետք է մշտապես զբաղվել։ Ոնց որ մարդն իր տունը մաքրի, հետո գլուխ գովա, որ իր տունը ավլել-մաքրել է։ Կենսական նշանակության հարցեր են դրանք։ Բացի դրանից՝ քաղաքում հանրային միջոցառումներ գրեթե չէին կազմակերպվում․ մարդիկ 30 տարի կինո չէին կարողանում գնալ։ Որոշ ժամանակ առաջ ինձ գտան մասնագետներ, ու ստացվեց այնպես, որ կինոթատրոնը սկսեց գործել»,- ասաց Ուլիխանյանը։ Խոսքը Դիլիջան քաղաքի միակ «Մանուշակ» կինոթատրոնի մասին է, որ վերաբացվել է և կրկին գործում է՝ նաեւ Ուլիխանյանի՝ մշակութային կյանքը զարգացնելու և վերականգնելու ծրագրերի շրջանակներում։ Մեր զրուցակիցը վստահեցրեց, որ այս քայլը շարունակական է լինելու, բնակիչները տեղեկացված են լինելու կինոթատրոնում ժամանակ առ ժամանակ թարմացվող ֆիլմացանկի մասին։ Նա նշեց, որ ծրագրերի մեջ է մտնում կինոթատրոնի գործունեությունը ընդլայնելն և զարգացնելը՝ այն վերածելով մշակութային կենտրոնի։ «Առանձնակի ուշադրություն ենք դարձնելու կրթական-մշակութային կյանքին։ Դիլիջանը եղել է ինտիլիգենտ, մշակութային, տուրիստական կենտրոն։ Հիմա բացարձակ վերացել է նաեւ առողջարանային բուժումը։ Դա անպայման, պարտադիր վերականգնելու ենք»,- վստահեցրեց համայնքապետի թեկնածուն։ Նրա դիտարկմամբ՝ միջին մասնագիտական կրթական հաստատությունների անհրաժեշտություն կա․ «Մասնագետ չունենք, եռակցող ենք փորձում գտնել, մեկ-երկուսը կան, ու եթե զբաղված են, պետք է հերթագրվես։ Երիտասարդներն էլ, կարծես, սովորելու ցանկությունը կորցրել են, որովհետեւ կենտրոններ չկան, զբաղվածության խնդիր է առաջացել։ Իսկ եթե ուսումնարաններ լինեն, մարդիկ մասնագիտություն ձեռք կբերեն, կտոր հաց կվաստակեն»,- ասաց մեր զրուցակիցը՝ հավելելով, որ ինքը հանդիպումներ է ունեցել տարբեր մասնագետների հետ՝ Դիլիջանի պրոֆտեխուսումնարանը վերականգնելու մտադրությամբ։ Ուլիխանյանը նաեւ նշեց, որ հարցումներ են արել բնակիչների շրջանում՝ հասկանալու՝ աշխատանք չունեցող քանի քաղաքացի կա, ինչ աշխատանքի եւ ինչ մասնագիտությունների պահանջ կա, որպեսզի ընտրվելու պարագայում աշխատատեղեր ստեղծելու գործընթացին անցնեն։ Առաջնահերթ լուծում պահանջող խնդիրների շարքում Ուլիխանյանն առանձնացրեց նաեւ ճանապարհների նորոգման հարցը․ «Դրա մասին անգամ խոսելն է ավելորդ։ Այդ ի՞նչ զրույց է, թե՝ ես Դիլիջանում ասֆալտ կանեմ։ Ինչի՞ մասին է խոսքը, դա պարտադիր է, Դիլիջանը պետք է բարեկարգ լինի։ Բնակիչների, տուրիստների համար պետք է հաճելի լինի, ժամանցի պայմաններ, կենտրոններ լինեն։ Դիլիջանը՝ որպես ժամանցի կենտրոն, վերացել է։ Իմ ընկերները, որ գալիս են, ինձ մտահոգություն են հայտնում, որ զբաղմունքի, ժամանցի կետեր չկան։ Դիլիջանն անտեսվել է, հիմա թողնված է ինքնահոսի, դրա համար անհատները ինչ կարողանում՝ անում են, մեկը՝ հյուրանոց է սարքում, մեկը՝ մի այլ բան, բայց համընդհանուր զարգացում չկա․ քաղաքի զարգացման ծրագիր է պետք»,- մանրամասնեց Ուլիխանյանը։ Վերջինս նշեց, որ համայնքային միջոցներն, իրականում բավարար չեն՝ բոլոր խնդիրները լուծելու համար, դրա համար պետք է ներդրումային ծրագրեր ներգրավեն․ «Համայնքային բյուջեն շատ փոքր է, բավարար չէ։ Պետք է շահագրգռել ներդրողներին։ Շատ մարդիկ էլ իմ խաթր, ինձ վստահելով են գալու, ներդրումներ անեն։ Իսկ մյուսներին պետք է համոզել, հասկացնել, որ քաղաքն իրենց համար բիզնեսի լուրջ կենտրոն կարող է լինել։ Դիլիջանն Աստծո տված անկյուն է, պետք է զարգացնել»,- եզրափակեց Դիլիջանում «Հանրապետություն» կուսակցության համայնքապետի թեկնածու Արմեն Ուլիխանյանը։ Լուսանկարը՝ Արմեն Ուլիխանյանի ֆեյսբուքյան էջից Հայարփի Բաղդասարյան
16:15 - 12 հոկտեմբերի, 2021
Հայտնի է՝ որ համայնքներում դեկտեմբերի 5-ին կանցկացվեն ՏԻՄ ընտրություններ |armtimes.com|

Հայտնի է՝ որ համայնքներում դեկտեմբերի 5-ին կանցկացվեն ՏԻՄ ընտրություններ |armtimes.com|

armtimes.com:  Դեկտեմբերի 5-ին Հայաստանի Հանրապետության մի շարք մարզերի համայնքներում սպասվում են ՏԻՄ ընտրություններ: Այս մասին տեղեկանում ենք ԿԸՀ կայքից:  Ներկայացնում ենք այն համայնքները, որտեղ դեկտեմբերին 5-ին կանցկացվեն ՏԻՄ ընտրություններ: Արագածոտնի մարզում ընտրությունները կայանալու են Աշտարակ, Ապարան և Թալին համայնքներում: Արարատի մարզում ընտրություններ կլինեն Արարատ, Արտաշատ, Մասիս և Վեդի համայնքներում:  ՏԻՄ ընտրությունների թվով ամենամեծը Արմավիրի մարզն է: Այստեղ ընտրություններ կկայանան Արաքս, Արմավիր, Բաղրամյան, Խոյ, Մեծամոր, Վաղարշապատ, Փարաքար համայնքներում:  Գեղարքունիքի մարզում համայնքները հետևյալն են՝ Վարդենիս, Գավառ, Մարտունի և Սևան:  Լոռիի 4 համայնքներում նույնպես կկայանան ՏԻՄ ընտրություններ, դրանք են՝ Թումանյան, Սպիտակ, Վանաձոր, Փամբակ:  Կոտայքի մարզում համայնքները 6-ն են՝ Աբովյան, Հրազդան, Նոր Հաճն, Ծաղկաձոր, Նաիրի, Գառնի:  Դեկտեմբերի 4-ին Շիրակի մարզի Ախուրյան, Ամասիա, Աշոցք և Արթիկ համայքներում ևս տեղի կունենան ՏԻՄ ընտրություններ: Վայոց ձորում համայնքները 3-ն են՝ Ջերմուկ, Եղեգնաձոր և Վայք, իսկ Տավուշում ընդամենը 1-ը՝ Նոյեմբերյան: 
12:14 - 12 հոկտեմբերի, 2021
Գյումրու ՏԻՄ ընտրությունների քարոզարշավում հիմնական շեշտը դրված է ծանոթ-բարեկամի, թաղային հեղինակությունների և նախկին այլ արատավոր երևույթների վրա․ Վարդան Սրտաշյան

Գյումրու ՏԻՄ ընտրությունների քարոզարշավում հիմնական շեշտը դրված է ծանոթ-բարեկամի, թաղային հեղինակությունների և նախկին այլ արատավոր երևույթների վրա․ Վարդան Սրտաշյան

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններին մասնակցում է նաև «Գյումրին կռնա՛» դաշինքը․ այն կազմվել է «Ազգային արժեք» ակումբի, «Նժդեհյան Ցեղակրոն», «Հայք» (Հայկազուններ), «Քրիստոնեա-ժողովրդական վերածնունդ» կուսակցությունների միջև այս տարվա սեպտեմբերին կնքված հուշագրով։  Դաշինքը 20 հոգանոց նախընտրական ցուցակ է ներկայացրել։ Թեեւ ցուցակը գլխավորում է «Ազգային արժեք» ակումբի անդամ, «Արաքս 95» ՍՊԸ-ի տնօրեն Վարդան Սրտաշյանը, սակայն դաշինքի քաղաքապետի թեկնածուն Շիրակի նախկին փոխմարզպետ Վարդան Գրիգորյանն է։ Նախընտրական ցուցակը գլխավորող Վարդան Սրտաշյանը մեր զրույցում ասաց, որ այս որոշումը պայմանավորված է քաղաքական նոր մշակույթով․ «Մենք որոշել ենք քաղաքական դաշտում անձերի պաշտամունքը թուլացնել ու կարևորությունը չտալ անձերին ու անհատներին։ Ով էլ լինի մեր քաղաքապետի թեկնածուն, ով էլ լինի մեր քաղաքապետը, պահելու է քաղաքական գիծը»։ Սրտաշյանը, անդրադառնալով քարոզարշավին, նշեց, որ այն ընթանում է սպասվածից ավելի պասիվ և նախկինում եղած արատավոր երևույթների ուղեցկությամբ․ «Առայժմ քարոզարշավն ընթանում է սպասվածից ավելի պասիվ, գաղափարական բանավեճեր, կարծես թե, չեն ընթանում։ Հեռուստաեթերը լցված է անբովանդակ, ոչինչ չասող տեսահոլովակներով։ Հիմնական շեշտը դրված է ծանոթ-բարեկամի, վարչական լծակի, թաղային հեղինակությունների և նախկինում օգտագործվող այլ արատավոր երևույթների վրա։ Տեղի է ունենում այն, ինչը տեսել եք մինչև 2018 թվականը՝ Հանրապետականի օրոք։ Եթե նայեք ավագանիների թեկնածուների մյուս ցուցակները, կտեսնեք, որ այնտեղ առանձնապես հանրային դեմքեր չկան, ու առանձնապես իր որակական կազմով աչքի չի ընկնում։ Հենց դա է պատճառը, որ քարոզարշավի հիմնական մեխերը՝ բանավեճեր և այլն, տեղի չեն ունենում, աժիոտաժը շատ թույլ է ու, կարծես, ստվերային աշխատանք է տարվում»,- ասաց Վարդան Սրտաշյանը՝ նշելով, որ հիմնականում «Քաղաքացիական պայմանագիր» ու «Բալասանյան դաշինք» կուսակցություններն են քարոզարշավի ընթացքում օգտագործում նախկին մեթոդները։ Նրա խոսքով՝ ընտրությունների ընթացքում կաշառք բաժանելու երևույթն էլ, կարծես, օրինականացել է․ «Լայն տարածում է ստացել վստահված անձերի միջոցով օրինական կաշառք բաժանելու սկզբունքը, մարդիկ ասում են՝ դուք մեր վստահված անձն եք, վստահված անձ լինելու դիմաց մենք ձեզ կվճարենք իքս գումար, բայց այդ իքս գումարը վճարելու դիմաց ոչ պայմանագիր է կնքվում, ոչ Աշխատանքային օրենսգրքով է երևում, կարելի է որակում տալ նաև որպես վիրտուալ ընտրակաշառք»։ Անդրադառնալով Գյումրիում եղած խնդիրներին՝ մեր զրուցակիցն առանձնացրեց աշխատատեղերի հարցը․ «Միշտ տպավորություն է եղել, որ ՏԻՄ-երը աշխատատեղեր ստեղծելու գործառույթ չպետք է իրականացնեն։ Մենք կոտրել ենք այդ կարծրատիպը։ Ունենք հստակ ծրագիր․ «Ներդրումային շրջանառու Գյումրի» հիմնադրամ ենք հիմնելու, որի միջոցով նախնական կապիտալի կուտակման և այդ կապիտալի միջոցով ստարտափերի, նոր ձեռնարկությունների և այլ բիզնես պրոյեկտների հիմնման միջոցով այդ հիմնադրամը ավելացնելու է իր կապիտալը՝ արդյունքում ստեղծելով աշխատատեղեր։ Սա եզակի հեղափոխական մոտեցում է, որը Գյումրիում իրականացվելու դեպքում կարող է վարակիչ լինել մյուս մարզերի համար։ Մարզերը այդպիսով կկարողանան կտրվել երկրի իշխանություններից ունեցած կախումից։ Բոլորս էլ գիտենք, որ սեփական բյուջեով, սեփական հավաքագրումներով ՏԻՄ-երում սեփական խնդիրները լուծել հնարավոր չէ, բոլորը նայում են երկրի ղեկավարության ձեռքին։ Մեր առաջարկած այս մեթոդով մենք կկարողանանք ՏԻՄ-երին ավելի անկախացնել»։ Վարդան Սրտաշյանն ասաց, որ այդ հիմնադրամի միոջոցով հնարավոր է նաև Գյումրու տնակների հարցը լուծել․ «Տնակների դեպքում հիմնականը այն մարդկանց խնդիրն է, որոնք տունը ստացել են, բայց մնացել են տնակներում։ Այսօր կա կարծիք, որ այդ մարդիկ են մեղավոր, տնակները պետք է քանդել։ Մենք չենք կիսում այդ տեսակետը, լավ օրից չէ, որ մարդիկ գնացել են տնակների մեջ ապրելու։ Մարդ ինչքան անելանելի վիճակում պետք է լինի, որ գնա, տնակներում ապրի։ Այդ մարդիկ ունեն սոցիալական խնդիր, իսկ այդ սոցիալական խնդիրները լուծելու համար մենք առաջարկել ենք ներդրումային շրջանառու հիմնադրամի մեթոդը, որի կուտակված գումարով նաև նախատեսում ենք շինարարություն անցկացնել և սոցիալական բնակարաններ հիմնել, որոնք չեն լինի այդ մարդկանց սեփականությունը, բայց մարդիկ հնարավորություն կունենան ապրելու այդ բնակարաններում ու այդ խնդիրը, կարելի է ասել, այսքանով կլուծվի»։ Նա նաև վստահեցրեց՝ իրենց ուժը չի լինելու սևի ու սպիտակի բաժանման մեջ, և դառնալու է իրական այլընտրանք, որին, ըստ Սրտաշյանի, գյումեցիները երկար են սպասել․ «Ինքներս գյումրեցի ենք, ապրել ենք այս քաղաքի դարդ ու ցավով, մարդկանց ցույց ենք տվել, որ կարելի է զրոյից, անգամ մինուսային կետից ստեղծել աշխատատեղեր, մեր շարքերում կան քաղաքը շենացրած բազմաթիվ ձեռնարկատերեր, որոնց ոչ միայն խոսքով, այլ գործով այս երկար տարիների ընթացքում քաղաքը շենացրել են, քարը քարի վրա են դրել, հետերկրաշարժյան Գյումրին վերածել են այն Գյումրիին, որն այսօր կա։ Մենք մեր գործով ցույց ենք տվել, որ կարող ենք քաղաքի ամենամեծ հարկատուները լինել։ Այսօր, տեսնելով երկրի աղետալի իրավիճակը, նաև որոշել ենք զերծ չմնալ քաղաքական պրոցեսներից։ Մեր ակումբը, որը նախաձեռնել է «Գյումրին կռնա՛» պրոցեսը, քաղաքական թեմաների մեջ թաթախված չի եղել։ Այսօր, սակայն, հավաքվել  է մի թիմ, որը գիտակցում է, որ նաև քաղաքական գործունեության միջոցով պետք է լուծել երկրի խնդիրները և առանց քաղաքական լծակների փոփոխությունների հասնել հնարավոր չէ»։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու գործող քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը  սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Նանե Ավետիսյան
18:31 - 11 հոկտեմբերի, 2021
Գյումրու տնտեսական զարգացումը պետք է կապված լինի հարկային որոշակի արտոնությունների հետ․ Հովհաննես Մարգարյան

Գյումրու տնտեսական զարգացումը պետք է կապված լինի հարկային որոշակի արտոնությունների հետ․ Հովհաննես Մարգարյան

Շիրակի մարզկենտրոն Գյումրիում այս տարվա հոկտեմբերի 17-ին նախատեսված են ավագանու ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, կավարտվի հոկտեմբերի 15-ին։ Գյումրիում ընտրություններին մասնակցելու է 10 քաղաքական ուժ։ Գյումրու ՏԻՄ ընտրություններում «Արժանապատիվ ուղի» կուսակցության նախընտրական ցուցակը գլխավորում է կուսակցության նախագահ Հովհաննես Մարգարյանը, որը 3-րդ, 4-րդ և 5-րդ գումարման ԱԺ-ում պատգամավոր է ընտրվել «Օրինաց երկիր» կուսակցությունից։ Վերջինս Infocom-ի հետ զրույցում նշեց, որ քարոզարշավը համեստ են անցկացնում․ «Համեստ ենք անցկացնում՝ կապված հազարավոր զոհերի և այն ամենի հետ, ինչ տեղի ունեցավ մեր երկրում։ Բացարձակապես ոչ մի երթ, ոչ մի հանդիպում չենք անցկացնում, ես չեմ ընտրել այդ ֆորմատը»։ Նա հիշեցնում է, որ 15 տարի մեծ քաղաքականության մեջ է եղել, եւ վստահեցնում, որ գյումրեցիները տեսել են իր կատարած հետևողական և նվիրված աշխատանքը, ինչը ներկայացնելու կարիք չի տեսնում․ «Ես ընդամենը ուզում եմ ասել, որ որոշողը գյումրեցիներն են, գյումրեցին իմաստուն է։ Գյումրեցիները ինձ լավ գիտեն, լավ են ճանաչում, ես իրենց ցավը տանեմ, միշտ ինձ ձայն են տվել, իմ թիկունքին են կանգնել, ես էլ իրենց թիկունքին եմ կանգնել։ Ինչ կլինեն ընտրությունները՝ ցույց կտան ընտրության արդյունքները»։ Հովհաննես Մարգարյանը երեք անկյունաքարային խնդիր է առանձնացնում Գյումրու, և, առհասարակ, Հայաստանի համար․ «Դա համախմբումն է, որպեսզի մենք ունենանք համախմբված Գյումրի,  արժանապատվությունն է, որ արժանապատվորեն կարողանանք ոչ միայն համախմբվել, այլ տեր կանգնենք արդարությանը, այսինքն՝ համախմբում, արժանապատվություն և արդարություն։ Սրանք այն երեք առանցքներն են, որոնց վրա կազմվում է իմ ծրագիրը։ Առանց սրա հնարավոր չի որևէ ծրագիր իրականացնել»։ Մեր զրուցակիցը նաև նշում է, որ Գյումրին մի շարք խնդիրներ ունի. «Գյումրու տնտեսությունը և տնտեսական զարգացումը օրգանապես պետք է կապված լինի հարկային որոշակի արտոնությունների հետ։ Շիրակի մարզը սահմանամերձ շրջան է, աղետի գոտի է։ Միջազգային պրակտիկան ասում է՝ մինչև աղետի գոտուն հարկային արտոնություն չտաս, նա չի կարող զարգանալ։ Պետք են որոշակի իրավական ակտեր, որոնք ուղղված կլինեն հարկային արտոնություններին՝ աշխատատեղերի խնդիրը լուծելու համար»,- ասում է նա ու հիշեցնում, որ պատգամավորական գործունեության ընթացքում ի նպաստ Գյումրիի մի շարք օրենսդրական նախաձեռնություններով է հանդես եկել։ Գյումրու կարևոր խնդիրներից մեկն էլ, մեր զրուցակցի կարծիքով, արտագաղթն է. «Արտագաղթը կանխելու, աղքատությունը մեղմելու համար պետք են աշխատատեղեր, գյումրեցիները արտագաղթի ցուցանիշով առաջին հորիզոնականն են զբաղեցնում։ Մենք խոսում ենք արտաքին արտագաղթի մասին՝ չխոսելով ներքին արտագաղթի մասին։ Գիտեմ ընտանիքներ, որ տեղախոխվել են գյուղական վայրեր, որպեսզի կարողանան հող մշակել»։ Մարգարյանի խոսքով՝ Գյումրիում ռազմաարդյունաբերությունը զարգացնելու պոտենցիալ կա. «Այսօր լավագույն շանսն է ստեղծված Գյումրիի համար, քանի որ 102-րդ ռազմաբազան, որը ավելի քանի 3000 զինծառայող ունի, գտնվում է Գյումրիում։ Մենք պետք է այդ ռեսուրսն օգտագործենք։ Կարող ենք ռուս-հայկական ռազմաարդյունաբերական դուստր ձեռնարկություններ ստեղծել։ Մենք դա կարող ենք հեշտությամբ կյանքի կոչել, այդ փորձը ես ունեմ, բազմաթիվ անգամ օգտագործել եմ»,- ասում է նա՝ նկատի ունենալով, որ եղել է հայ-ռուսական բարեկամական խմբի անդամ։ Մեր զրուցակիցն այն համոզմունքն ունի, որ խորհրդարանական վերջին ընտրությունները ազատ ու արդար են անցկացվել։ Ըստ նրա՝ այս տարվա ՏԻՄ ընտրությունները նույնպես բացառիկ հնարավորություն են՝ խղճով եւ մտքով քվեարկություն կատարելու․ «Հույս ունեմ, որ Գյումրին՝ որպես հայրաքաղաք, ակտիվ մասնակցությամբ և արդար քվեարկությամբ կձևավորի իր տեղական ինքնակառավարման մարմինները․ դա շատ կարեւոր է և դրական ազդեցություն կունենա մայրաքաղաքի վրա, իսկ եթե հայրաքաղաքը համախմբված է, իմ պատկերացմամբ մեր ամբողջ երկիրը ու ազգը կհամախմբվի»։ Գյումրու ավագանու ընտրություններին առաջադրվել է «Հայրաքաղաք» դաշինքը, որի ցուցակը գլխավորում է Ժուռնալիստների «Ասպարեզ» ակումբ ՀԿ-ի ծրագրերի համակարգող Լևոն Բարսեղյանը, «Արժանապատիվ ուղի» կուսակցությունը՝ կուսակցության նախագահ Հովհաննես Մարգարյանի գլխավորությամբ։ ՀՀԿ-ն նույնպես մասնակցելու է ընտրություններին․ ցուցակը գլխավորում է Արտյոմ Ղուկասյանը։ Վերջինս 4-րդ գումարման Ազգային ժողովի ՀՀԿ-ական պատգամավոր է եղել, նա Գյումրու նախկին քաղաքապետ Վարդան Ղուկասյանի հարազատ հորեղբոր որդին է։ Իշխող «Քաղաքացիական պայմանագիր» կուսակցությունը ընտրություններին կմասնակցի Շիրակի ներկայիս մարզպետ Հովհաննես Հարությունյանի գլխավորությամբ։ Ավագանու ընտրություններին կմասնակցեն նաև «Զարթոնք» ազգային-քրիստոնեական կուսակցությունը՝ Վարդևան Հակոբյանի գլխավորությամբ, Հայաստանի կոմունիստական կուսակցությունը՝ Կոնստանտին Ղավազյանի գլխավորությամբ, «Գյումրին կռնա» դաշինքը՝ Վարդան Սրտաշյանի գլխավորությամբ։ Ավագանու ընտրություններին մասնակցելու է նաև «Բալասանյան դաշինք» սոցիալական կուսակցությունը, որը Գյումրու գործող քաղաքապետ Սամվել Բալասանյանի աջակիցների կուսակցությունն է։ Սամվել Բալասանյանը, սակայն, չի առաջադրվել նախընտրական ցուցակում․ ցուցակը գլխավորում է Վարդգես Սամսոնյանը, ով «Գյումրու կոմունալ ծառայություն» համայնքային բյուջետային հիմնարկի տնօրենն է։ Ընտրություններին մասնակցելու հայտ է ներկայացրել նաև «Ապրելու երկիր» կուսակցությունը՝ Կարեն Մալխասյանի գլխավորությամբ։ «Թասիբով» դաշինքը նույնպես նախատեսում է մասնակցել ընտրություններին՝ Կարապետ Պողոսյանի գլխավորությամբ․ դաշինքը  սեպտեմբերի 29-ին դադարեցրել էր քարոզարշավը՝ ավագանու անդամության թեկնածուներից Միշա Չոմարյանի անժամանակ մահվան կապակցությամբ։ Նանե Ավետիսյան  
18:05 - 10 հոկտեմբերի, 2021
Տեղ համայնքում բնակիչները սերմացուի ու վառելիքի խնդիր ունեն․ լավ կլիներ՝ կառավարությունն այս տարի անվճար հատկացներ․ Արգամ Հովսեփյան

Տեղ համայնքում բնակիչները սերմացուի ու վառելիքի խնդիր ունեն․ լավ կլիներ՝ կառավարությունն այս տարի անվճար հատկացներ․ Արգամ Հովսեփյան

Սյունիքի մարզի Գորիս, Մեղրի, Տաթեւ, Տեղ համայնքներում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Սյունիքի մարզի Տեղ համայնքում առաջադրվել է երկու քաղաքական ուժ՝ «Ապրելու երկիր» կուսակցությունը՝ համայնքապետի պաշտոնում Արգամ Հովսեփյանի թեկնածությամբ, «Քաղաքացիական պայմանագիր» կուսակցությունը՝ Դավիթ Ղուլունցի թեկնածությամբ։ Վերջինս, ի դեպ, հրաժարվեց հարցազրույց տալ՝ մինչեւ քարոզարշավի ավարտը զբաղված լինելու մեկնաբանությամբ։ «Ապրելու երկիր» կուսակցության ցուցակի առաջին համարը՝ Արգամ Հովսեփյանը, մեր զրույցում ասաց, որ քարոզարշավը հանդարտ է ընթանում, ինքն այն անցկացնում է բակային հանդիպումների ձեւաչափով՝ զրուցելով Տեղի բնակիչների հետ։ Տեղ համայնքում խնդիրները քիչ չեն․ կա ոռոգման ջրի, խմելու ջրի խնդիր, բնակիչները դժվարությունների են հանդիպում գյուղատնտեսական արտադրանքի իրացման հարցում։ Հովսեփյանը, խոսելով այս խնդիրների մասին, նշեց, որ կուսակցության համահիմնադիրները՝ ի դեմս Մեսրոպ Առաքելյանի, ծանոթ են այս հարցերին, ինքն էլ խնդրել է դրանց լուծում տալու հարցում աջակցել իրեն։ Բանն այն է, որ համայնքային բյուջեն խիստ սահմանափակ է, եւ նման լուրջ խնդիրների լուծման համար այլ միջոցներ են հարկավոր։ Այդ միջոցները հայթայթելու համար Հովսեփյանը պատրաստվում է քննարկումներ ունենալ կառավարության հետ՝ սուբվենցիոն ծրագրեր բերելու մտադրությամբ, գտնել նաեւ բարերաների, որոնք պատրաստ կլինեն աջակցել։ Որպես առաջնային լուծում պահանջող հարց՝ մեր զրուցակիցն ընդգծեց նաեւ ճանապարհների անմխիթար վիճակը․ «Էս հարցն էլ միայն համայնքային բյուջեով հնարավոր չէ լուծել, պետք է բարերների գտնենք»,- ասաց Հովսեփյանը։ Տեղում այսօր սպանդանոց չկա․ սա դժվարացնում է բնակիչների գործը, բայց համայնքապետի թեկնածուն հարցը լուծելի է համարում՝ հավելելով, որ ինքը նաեւ մտադիր է խթանել գյուղացիների արտադրանքի արտահանմանը՝ ոչ միայն ներքին, այլեւ արտաքին շուկայում։ Տեղ համայնքի վարելահողերի որոշ մասը պատերազմից հետո հայտնվել է հակառակորդի վերահսկողության տակ․ այս հարցը տեղացիների համար ամենամտահոգիչն է։ Արգամ Հովսեփյանի խոսքով՝ լավ կլիներ, եթե կառավարությունն աջակցեր գյուղացիներին՝ վառելիք եւ սերմացու տրամադրելով․ «Վարած, ցանած հողերը մնացել են Ադրբեջանի հսկողության տակ, էս պահին ես պետությունից խնդրում եմ Տեղ համայնքի, եւ ոչ միայն, մնացած սահմանամերձ գյուղերի բնակիչներին օգնեն սերմացուով, վառելիքով, օգնեն՝ մարդիկ էս տարի ոտքի կանգնեն, հետո իրենց հունով կաշխատեն։ Եթե սերմացուն անվճար տան, էս տարի ժողովուրդը մի քիչ ոտի կկանգնի»,- ասաց Հովսեփյանը՝ նշելով, որ այդպիսի որոշում պետք է շուտափույթ կայացվի, քանի դեռ կարելի է ցանք անել։ Մեր զրուցակիցը խոսեց նաեւ մանկապարտեզների նորոգման անհրաժեշտության մասին, կրթական կենտրոններ ունենալու։ Այս հարցերի լուծման համար եւս Արգամ Հովսեփյանը անհրաժեշտ համարեց համագործակցել կառավարության հետ։ Հոկտեմբերի 17-ին տեղի ունենալիք ընտրություններում Գորիսում առաջադրվել են «Առուշ Առուշանյան» դաշինքը, որի ցուցակը գլխավորում է Գորիսի գործող համայնքապետ (այժմ կալանավորված է) Առուշ Առուշանյանը, «Հայ ազգային կոնգրես» կուսակցությունը՝ համայնքապետի պաշտոնում ՀԱԿ անդամ, Գորիսի պետական քոլեջի տնօրեն, Գորիսի գործող ավագանու անդամ Կարեն Լազարյանի թեկնածությամբ, «Քաղաքացիական պայմանագիր» կուսակցությունը՝ Վլադիմիր Աբունցի թեկնածությամբ։ Առաջադրվել էր նաեւ «Հայաստանի կոմունիստական կուսակցությունը»՝ Ալվարդ Իսախանյանի թեկնածությամբ, սական տարածքային ընտրական հանձնաժողովը չի գրանցել կուսակցության ցուցակը՝ օրենքին անհամապատասխանության պատճառով։  Մեղրիում առաջադրվել է չորս քաղաքական ուժ․ «Ազատական» կուսակցությունը՝ համայնքապետի պաշտոնում Խաչատուր Անդրեասյանի թեկնածությամբ, «Ապրելու երկիր» կուսակցությունը՝ Արմեն Հայրապետյանի թեկնածությամբ, «Հանրապետություն» կուսակցությունը՝ Բագրատ Զաքարյանի թեկնածությամբ, «Քաղաքացիական պայմանագիր» կուսակցությունը՝ Մեղրի համայնքի ղեկավարի պաշտոնակատար Արարատ Թումանյանի թեկնածությամբ։  Սյունիքի մարզի Տաթեւ համայնքում առաջադրվել է երեք քաղաքական ուժ․ «Շանթ դաշինք» կուսակցությունը՝ համայնքապետի պաշտոնում Սամվել Լալայանի թեկնածությամբ, «Ապրելու երկիր» կուսակցությունը՝ Տաթեւի նախկին փոխհամայնքապետ Մարատ Գերասիմյանի թեկնածությամբ, եւ «Քաղաքացիական պայմանագիր» կուսակցությունը՝ Տաթեւի համայնքի ղեկավարի պաշտոնակատար Արթուր Մաթեւոսյանի թեկնածությամբ։ Վերջինս, ինչպես Տեղ համայնքում ՔՊ ցուցակը գլխավորող Դավիթ Ղուլունցը, հրաժարվեց հարցազրույցից՝ դարձյալ զբաղված լինելու պատճառաբանությամբ։ Լուսանկարում՝ Արգամ Հովսեփյանը զրուցում է Տեղի բնակիչների հետ, աղբյուրը՝ «Ապրելու երկիր» կուսակցության ֆեյսբուքյան էջ Հայարփի Բաղդասարյան
18:49 - 08 հոկտեմբերի, 2021