Ադրբեջանի Կենտրոնական ընտրական հանձնաժողովի դիմաց նոր բողոքի ակցիա է սկսվել |tert.am|
18:09 - 17 փետրվարի, 2020

Ադրբեջանի Կենտրոնական ընտրական հանձնաժողովի դիմաց նոր բողոքի ակցիա է սկսվել |tert.am|

tert.am: Փետրվարի 17-ին Ադրբեջանի Կենտրոնական ընտրական հանձնաժողովի դիմաց մարդկանց նոր բազմություն է հավաքվել և պահանջում է չեղյալ հայտարարել փետրվարի 9-ին կայացած արտահերթ խորհրդարանական ընտրությունների արդյունքները: 

Պատգամավորության թեկնածուներ Խալիդ Բագիրովը, Բախտիար Հաջիևը, Նուրլանա Ջալիլը և այլ թեկնածուներ եկել են կենտրոնական ընտրական հանձնաժողովի շենքի մոտ և պահանջում են պատասխանել ընտրախախտումների մասին իրենց բողոքներին:

«Մեզահիր Փեհանով (Ադրբեջանի ԿԸՀ նախագահն է), ականջներիցդ հանիր խցանները և լսիր մեր պահանջները, պատասխանիր մեր բողոքներին»,-գոռացել է պատգամավորության թեկնածու Խալիդ Բագիրովը` կանգնած ԿԸՀ շենքի մուտքի մոտ:

Արագորեն ակցիայի վայր են ժամանել ոստիկանության օպերատիվ արձագանքման գնդի աշխատակիցները և հավաքվածներին կոչ են արել ցրվել: Սակայն, հակառակ ոստիկանների կոչին, կենտրոնական ընտրական հանձնաժողովի դիմաց մարդկանց քանակը շատացել է, ժամանել են բազմաթիվ լրագրողներ:

Ժամը 16:00-ին սկսվել է ԿԸՀ հերթական նիստը, որը պետք է ուսումնասիրի ստացված բողոքները:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

comment.count (0)

Մեկնաբանել