07:00 - 06 դեկտեմբերի, 2019
Խորհրդարանն ամբողջությամբ ընդունեց Սեւանա լճից լրացուցիչ ջրառը բացառող օրենքի նախագիծը |armtimes.com|
armtimes.com: Ազգային ժողովը երկրորդ ընթերցմամբ եւ ամբողջությամբ ընդունեց Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահ, «Իմ քայլը» խմբակցության պատգամավոր Վարազդատ Կարապետյանի հեղինակած օրենքի նախագիծը, որով առաջարկում է Սեւան լճից տարեկան սահմանված 170 մլն խոր. մետր ջրառից ավելի ջրառի հնարավորությունը բացառել:
Առաջին ընթերցմամբ ընդունումից հետո օրենքի նախագծում փոփոխություն է կատարվել, ըստ որի՝ եթե Կառավարությունը երաշտ կհայտարարի, ապա կկարողանա նշված քանակից ավելի ջրառ կատարել Սեւանա լճից:
Հարցի քննարկման ժամանակ նախագծի հեղինակը նշել էր, որ եթե Սեւանի մակարդակը տարեկան մոտ 20-30 սմ չկարողանանք բարձրացնել, լճի որակի խնդիրը կխորանա։
Նախագիծն ընդունվեց պատգամավորների ձայների 101 կողմ եւ 2 ձեռնպահ հարաբերակցությամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)