Փետրվարին մրցույթ կհայտարարվի Երևանի համար նոր ավտոբուսներ գնելու համար |lragir.am|
10:36 - 25 դեկտեմբերի, 2019

Փետրվարին մրցույթ կհայտարարվի Երևանի համար նոր ավտոբուսներ գնելու համար |lragir.am|

lragir.am: Ամենաուշը 2020 թվականի փետրվար ամսին մրցույթ կհայտարարվի՝ Երևանի համար նոր ավտոբուսներ ներկրելու համար: Այս մասին Երևանի ավագանու այսօրվա նիստում ասաց քաղաքապետի առաջին տեղակալ Հրաչյա Սարգսյանը՝ անդրադառնալով հարցին, թե ի՞նչ նորություններ կան նոր տրանսպորտային ցանցի ներդրման ուղղությամբ:

«Աշխատանքները տարվում են: Կարող ենք ասել, որ արդեն երկու օր է, ինչ մենք ընդհանուր հանձնարարություն ունենք և կառավարության, և դոնոր կազմակերպությունների հետ: Արդեն իրենք նախապատրաստական աշխատանքներ են իրականացնում, որպեսզի համապատասխան մասնագետներ ներգրավվեն, որպեսզի կարողանանք ավտոբուսների ձեռք բերման համար մրցութային փաթեթ պատրաստել:

Այս պահի դրությամբ արդեն նախնական տեղեկատվությամբ երևի ամենաուշը փետրվար ամսի վերջ մենք մրցույթ կհայտարարենք, որը հնարավորություն կտա արդեն ձեռք բերել ավտոբուսներ: Դուք գիտեք, որ ավտոբուսների քանակը նոր ցանցի համար բավական մեծ է, և միանգամից այդ ավտոբուսների արտադրությունը դժվար կլինի: Ինչ-որ չափաքանակ ակնկալում ենք, որ կունենանք 2020 թվականին, այնուհետև կկատարվեն համալրումներ»,- ասաց նա: Ըստ Սարգսյանի՝ աշխատանքները մեծ տեմպով առաջ են գնում:

Ըստ նրա՝ տրանսպորտային ցանցի նախանկան բյուջեն 120-150 մլն դոլար է: Այդքան ներդրում անելը բավական մեծ պատասխանատվություն է, և ժամանակ է հարկավոր, որպեսզի տարբեր քնարկումներ լինեն, ճիշտ հաշվարկներ իրականացվեն:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել