Ուկրաինան ու ես անձամբ շահագրգռված ենք տեսնելու Բելառուսը՝ որպես իսկապես ազատ ու ժողովրդավար պետություն․ Զելենսկի
13:08 - 10 օգոստոսի, 2020

Ուկրաինան ու ես անձամբ շահագրգռված ենք տեսնելու Բելառուսը՝ որպես իսկապես ազատ ու ժողովրդավար պետություն․ Զելենսկի

Ուկրաինայի նախագահ Վլադիմիր Զելենսկին ֆեյսբուքյան իր էջում գրում է․

«Մեր հարևան բելառուսները հիմա ծանր ժամանակներ են ապրում: Նրանք փորձում են որոշել իրենց զարգացման ապագա ուղղությունը, ու դա հեշտ չէ: Արդեն ակնհայտ է, որ երկրում ոչ բոլորն են համաձայն ընտրությունների նախնական տվյալների հետ: Իսկ, ինչպես հայտնի է, ցանկացած լեգիտիմություն ծնվում է բացառապես հանրային վստահությունից: 

Մենք կոչ ենք անում մեր հարևաններին ցուցաբերել առավելագույն հանդուրժողականություն ու մերժել փողոցային բռնությունը: Մենք կոչ ենք անում բաց երկխոսության, որովհետև միայն երկխոսությունը թույլ կտա Բելառուսի ժողովրդին դուրս գալ այս դժվարին ճգնաժամից, բաց քննարկել հետագա քայլերը ու հանրային շփումների ձևաչափերը:

Միայն երկկողմանի ըմբռնումը կարող է պահպանել Բելառուսի Հանրապետության անկախությունը ու ապահովել երկրի հետագա զարգացումն ազատության և ժողովրդավարության ճանապարհով: Հակառակ դեպքում բռնությունները կդառնան ավելի ուժգին, ինչը կունենա ծայրահեղ ծանր հետևանքներ: Իմ կարծիքով, երկու կողմն էլ պետք է շահագրգռված լինի նման երկխոսության համար: 

Բելառուսն իր քայլերում պետք է հավտարիմ մնա քաղաքակիրթ աշխարհի ժողովրդավարական չափորոշիչներին: Ու պետք է ամբղջությամբ ապահովի իր սեփական ժողովրդի իրավունքներն ու ազատությունները: Սա միակ ճանապարհն է՝ պահպանելու հույսն առ այն, որ այս ճգնաժամից ելք կա: 

Ուկրաինան ու ես անձամբ շահագրգռված ենք՝ տեսնելու Բելառուսն իսկապես ազատ ու ժողովրդավար պետություն, որն ունի ուժեղ տնտեսություն ու կայուն հասարակական հարաբերությույններ»:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել