11:42 - 04 սեպտեմբերի, 2020
Մանե Թանդիլյանի պատգամավորական մանդատը ստացած Ստեփան Ստեփանյանը երդվեց ԱԺ-ում |tert.am|
tert.am: Այսօր Ազգային ժողովի արտահերթ նիստին ԱԺ նախագահ Արարատ Միրզոյանը հիշեցրեց «Լուսավոր Հայաստան» խմբակցության պատգամավոր Մանե Թանդիլյանի՝ մանդատի վայր դնելու մասին:
«Նախ շնորհակալություն հայտնենք համագործակցության համար և լավագույն մաղթանքները հղենք նրան»,-ասաց նա:
Արարատ Միրզոյանը հայտնեց, որ մանդատը տրամադրվում է «Լուսավոր Հայաստան» կուսակցության թիվ չորս տարածքային ընտրական ցուցակի առավելագույն ձայներն ստացած թեկնածուին՝ Ստեփան Ստեփանյանին: Պատգամավորը ողջունեց բոլորին և երդվեց:
Մանե Թանդիլյանը մանդատը վայր է դրել առողջական խնդիրների պատճառով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)