Փոփոխություն՝ «ՀՀ տոների և հիշատակի օրերի մասին» օրենքում |1lurer.am|
14:54 - 09 հունիսի, 2021

Փոփոխություն՝ «ՀՀ տոների և հիշատակի օրերի մասին» օրենքում |1lurer.am|

1lurer.am: Հունիսի 9-ին Վլադիմիր Վարդանյանի նախագահությամբ կայացավ ԱԺ պետական-իրավական հարցերի մշտական հանձնաժողովի հերթական նիստը:

ԱԺ պատգամավոր Հերիքնազ Տիգրանյանը հանդես է եկել օրենսդրական նախաձեռնությամբ և առաջարկում է փոփոխություն կատարել «ՀՀ տոների և հիշատակի օրերի մասին» օրենքում:

Հիմնական զեկուցողը նշեց, որ այն իրականում խմբագրական բնույթ է կրում:

Նշվեց, որ առաջին անգամ Քաղաքացու օրը նշվել 2019 թվականի ապրիլի 27-ին: Քանի որ այն ֆիքսված օր չէ, այլ շարժական է, գործնականում լինում են համընկնումներ օրենքով սահմանված այլ տոնական կամ հիշատակի օրերի հետ, մասնավորապես` Ապրիլի 24-ի: Դրանից խուսափելու համար առաջարկվում է համընկնելու դեպքում ՀՀ քաղաքացու օրը նշել ապրիլի վերջին կիրակի օրը:

ՀՀ արդարադատության նախարարի տեղակալ Սուրեն Գրիգորյանը տեղեկացրեց, որ Կառավարությունն օրենքի նախագծի վերաբերյալ առարկություններ չունի:

Օրենքի նախագիծը ստացավ դրական եզրակացություն:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել