Ադրբեջանն ու Պակիստանը ՀԱՊԿ Խորհրդարանական վեհաժողովում հնարավոր է ունենան խորհրդակցական ձայնի իրավունք |hetq.am|
21:43 - 01 հուլիսի, 2021

Ադրբեջանն ու Պակիստանը ՀԱՊԿ Խորհրդարանական վեհաժողովում հնարավոր է ունենան խորհրդակցական ձայնի իրավունք |hetq.am|

hetq.am: Հավաքական անվտանգության պայմանագրի կազմակերպության Խորհրդարանական վեհաժողովը նախատեսում է ստեղծել գործընկեր երկրների ինստիտուտ, որոնք ՀԱՊԿ ԽՎ-ում կունենան խորհրդակցական ձայնի իրավունք։ Այս մասին հինգշաբթի օրը՝ հուլիսի 1-ին, հայտարարել է ՀԱՊԿ ԽՎ նախագահ, Ռուսաստանի Պետական դումայի խոսնակ Վյաչելսավ Վոլոդինը։ 

«Առաջարկվում է քննարկել ՀԱՊԿ Խորհրդարանական վեհաժողովի համար գործընկերության նոր ինստիտուտի ստեղծման հարցը։ Նրանք կստանան խորհրդակցական ձայնի, փաստաթղթերի պատրաստման և հավաքական որոշումների մշակման իրավունք»,- հայտարարել է Վոլոդինը՝ կազմակերպության Խորհրդի նիստին։

Վերջինիս խոսքերով՝ նոր կարգավիճակի ի հայտ գալն ունի մեծ նշանակություն՝ խորհրդաժողովի աշխատանքների արդյունավետության բարձրացման և թափանցիկության համար։

«Առավել ևս, որ ՀԱՊԿ Խորհրդարանական վեհաժողովի շրջանակներում համագործակցության նկատմամբ հետաքրքրություն են ցուցաբերում մի շարք պետություններ։ Այդ կապակցությամբ ՀԱՊԿ-ում դիտորդների և գործընկերների կարգավիճակների տրամադրումը լրացուցիչ հնարավորություններ է ընձեռում միջխորհրդարանական փոխգործակցությունն ակտիվացնելու այն երկրների և միջազգային կազմակերպությունների հետ, որոնք աշխատանքում կիսում են մեր սկզբունքներն»,- հավելել է Պետդումայի խոսնակը։ 

Ավելի վաղ, լրագրողների հետ ճեպազրույցի ժամանակ, ՌԴ Պետդումայի ԱՊՀ հարցերով հանձնաժողովի նախագահ Լեոնիդ Կալաշնիկովը ևս նշել էր, որ նոր ֆորմատով հետաքրքրված են մի շարք երկրներ, սակայն տվել էր միայն երկուսի անունը. Ադրբեջան և Պակիստան։ 


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել