ԱՄՆ Ներկայացուցիչների պալատն ընդունեց Ադրբեջանին հատկացվող ռազմական օգնությունը դադարեցնելու մասին որոշում |amerikayidzayn.com|
00:13 - 29 հուլիսի,2021

ԱՄՆ Ներկայացուցիչների պալատն ընդունեց Ադրբեջանին հատկացվող ռազմական օգնությունը դադարեցնելու մասին որոշում |amerikayidzayn.com|

amerikayidzayn.com: ԱՄՆ Ներկայացուցիչների պալատն ընդունեց կոնգրեսական Փալոնի ներկայացրած փոփոխությունը, որը դադարեցնում է ԱՄՆ-ի ռազմական ֆինանսական օգնությունը Ադրբեջանին:

Փալոնի ներկայացրած փոփոխության մեջ ասված է, որ «Միջազգային ռազմական կրթություն և ուսուցում», ինչպես նաեւ «Արտաքին ռազմական ֆինանսավորման ծրագրի» միջոցով հատկացվող որեւէ ֆինանսավորում չի տրամադրվելու Ադրբեջանին:

Դրույթը չի արգելափակում հայեցողական ռազմական տեխնիկայի տրամադրումը, որը կարող է փոխանցվել Պաշտպանության դեպարտամենտի կողմից՝ ԱՄՆ-ի օրենքների 333-րդ հոդվածի համաձայն:

Ինչպես տեղեկացրին Ամերիկայի հայ դատի հանձնախմբի վաշինգտոնյան գրասենյակից, այժմ աշխատանքներ են տարվում նաեւ այդ ուղղությամբ:

Կոնգրեսի՝ հայկական հարցերով հանձնախմբի համանախագահ Ֆրենկ Փալոնը ողջունել է փոփոխությունների մասին հուլիսի 28-ին Պալատի կայացրած որոշումը:



Կարդալ նաև


comment.count (0)

Մեկնաբանել