21:19 - 07 դեկտեմբերի, 2021
Հայաստանը Նիդերլանդներ ճամփորդելու ընթացակարգում նարնջագույն գոտուց կտեղափոխվի դեղին գոտու երկրների ցանկ
Նիդերլանդների առողջապահության նախարարության նոր որոշմամբ փոփոխություններ են տեղի ունեցել համավարակով պայմանավորված Հայաստանից Նիդերլանդներ ճամփորդելու ընթացակարգում, տեղեկացնում է Նիդեռլանդներում ՀՀ դեսպանատան ֆեյսբուքյան էջը։
Համաձայն նոր որոշման՝ դեկտեմբերի 8-ին Հայաստանը Նիդերլանդների ԱԳՆ «ճամփորդական խորհուրդներ» բաժնում նարնջագույն գոտուց կտեղափոխվի դեղին գոտու երկրների ցանկ։
Հայաստանից Նիդերլանդներ ճամփորդողները կազատվեն պարտադիր ինքնամեկուսացման պահանջից, պատվաստման վկայականը կամ Covid-19 ՊՇՌ բացասական թեստի արդյունքը բավարար կլինի երկիր մուտք գործելու համար։
Նոր որոշման մասին ամբողջական տեղեկատվությունը ստորև ներկայացվող հղումով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)