11:02 - 26 հունվարի, 2022
ՀՀ և ԵՄ միջև բաց սահմաններն ավելի կզարգացնեն կողմերի գործընկերությունը. Արարատ Միրզոյան |armenpress.am|
armenpress.am: Հայաստանի և Եվրամիության միջև բաց սահմաններն էլ ավելի կզարգացնեն կողմերի միջև գործընկերությունը: Այս մասին «Թվիթեր»-ի իր միկրոբլոգում նշել է ՀՀ արտգործնախարար Արարատ Միրզոյանը՝ կից տեղադրելով նաև լուսանկար:
«Այսօր ես անհատական կողպեք կախեցի «Շենգենյան համաձայնություն» հուշարձանի վրա, որը խորհրդանշում է բաց սահմանների գաղափարը։ Համոզված եմ, որ Հայաստանի և Եվրոպական միության միջև բաց սահմաններն էլ ավելի կզարգացնեն մեր գործընկերությունը և կխթանեն մարդկանց միջև շփումները»,-նշել է Միրզոյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)