factor.am: Խորհրդարանական ընդդիմությունը շարունակում է փողոցային պայքարը՝ նպատակ ունենալով հասնել իշխանության հեռացմանը։ Ապակենտրոն բողոքի ակցիաներ են տեղի ունենում մայրաքաղաք Երևանում։
Ազգային ժողովի «Հայաստան» խմբակցության պատգամավոր Գեղամ Մանուկյանն այսօր ֆեյսբուքյան ուղիղ եթերով հայտնեց, որ Արմավիրի մարզի Սարդարապատ գյուղից սկսված երթը հասել է Մեծամոր։ Հաջորդ կանգառն Էջմիածինն է լինելու։
«Վերջնակետը մայիսի 1-ն է։ Այդ օրը՝ ժամը 16.00-ին, Ազատության հրապարակում լինելու է վճռորոշ հանրահավաք՝ հանուն մեր ապագայի, հանուն Արցախի, հանուն Հայաստանի, հանուն մեր անվտանգության, որպեսզի այս իշխանությունն օր առաջ հեռանա»,-ասաց Մանուկյանը։
comment.count (0)