18:04 - 16 մայիսի, 2022
Վիզաների ազատականացման հեռանկարները կքննարկվեն ԵՄ-Հայաստան Գործընկերության խորհրդի նիստին |factor.am|
factor.am: Բրյուսելում տեղի կունենա ԵՄ- Հայաստան Գործընկերության խորհրդի չորրորդ հանդիպումը, որի ընթացքում կքննարկվեն երկկողմ հարաբերությունները և քաղաքական հարցերը, այդ թվում՝ վիզաների ազատականացման երկխոսության մեկնարկի հեռանկարները: Նիստը տեղի կունենա մայիսի 18-ին։
ԵՄ խորհրդի կայքէջում հրապարակված հաղորդագրությունում նշվում է, որ ԵՄ անդամ երկրները և Հայաստանը մտքեր կփոխանակեն ԵՄ-Հայաստան Համապարփակ և ընդլայնված գործընկերության համաձայնագրի և տնտեսական և ներդրումային ծրագրի իրականացման վիճակի շուրջ։
Նշվում է, որ մասնակիցները կարծիքներ կփոխանակեն տարածաշրջանային (Ռուսաստան, Ուկրաինա, Թուրքիա, Իրան) և Լեռնային Ղարաբաղի հարցերի շուրջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)