«Առանց Թրեյսի Հայաստան». ցուցարարները կոչ են անում հետ կանչել Հայաստանում ԱՄՆ դեսպանին
12:22 - 20 մայիսի, 2022

«Առանց Թրեյսի Հայաստան». ցուցարարները կոչ են անում հետ կանչել Հայաստանում ԱՄՆ դեսպանին

Ինչպես ավելի վաղ հայտնել ենք Նիկոլ Փաշինյանի հրաժարականը պահանջող քաղաքացիները այսօր Ֆրանսիայի հրապարակից քայլերթով շարժվեցի դեպի Բաղրամյան 26՝ ՀՀ նախագահի նստավայր, ապա դեպի Հանրապետության հրապարակում:

Նրանք հրապարակում են՝ Marriott Armenia Hotel-ի դիմաց, որտեղ «Իրազեկ քաղաքացիների միավորում» ՀԿ-ի ու Freedom House միջազգային կազմակերպության նախաձեռնությամբ տեղի է ունենում «Ժողովրդավարության հայկական ֆորումը»:

Այս պահին ֆորումում ելույթ է ունենում ՀՀ վարչապետ Նիկոլ Փաշինյանը: Ներկա են նաև Հայաստանում ԵՄ ու ԱՄՆ դեսպանները:

Ակցիա իրականացնող քաղաքացիներից մեկը խոսեց ՀՀ-ում ԱՄՆ դեսպան Լին Թրեյսիի մասին՝ նշելով, թե «նա ինչպես կարող է գնալ Ադրբեջան, հանդիպել բռնակալ Ալիևի հետ, հետո գալ, Հայաստանում ժողովրդավարության դասեր տալ»: Նա նշեց, որ պետք է հետ կանչել Հայաստանում ԱՄՆ դեսպանին:

Նրա ելույթից հետո հավաքվածները սկսեցին վանկարկել «առանց Թրեյսի Հայաստան»:


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել