Թուրքիան աջակցում է ադրբեջանական բանակի արդիականացման ջանքերին, ասել է Թուրքիայի նախագահ Ռեջեփ Թայիփ Էրդողանն Իզմիրում «Efes-2022» զորավարժությունների ժամանակ ունեցած իր ելույթում, գրում է «Անադոլու» գործակալությունը։
«Մենք համապատասխան քայլեր ենք ձեռնարկում լայն տարածքում՝ Ադրբեջանից մինչև Լիբիա, Բալկաններից մինչև Կենտրոնական Ասիա։ Հենց այս մոտեցումների շրջանակում մենք 2020 թ-ին սատարեցինք մեր ադրբեջանցի եղբայրներին Ղարաբաղում տեղի ունեցած իրադարձությունների ժամանակ», - ասել է նա։
Այդ գործընթացում, նշել է Էրդողանը, Թուրքիան գործել է «մեկ ազգ և երկու պետություն» սկզբունքի հիման վրա։
«Այժմ Մշտադիտարկման կենտրոնում Ռուսաստանի և Թուրքիայի զինված ուժերը համատեղ ջանքեր են գործադրում հրադադարի ռեժիմի պահպանման համար», - ասել է նա։
Բացի այդ, նրա խոսքով, երկու երկրները «սերտորեն համագործակցում են ռազմական պատրաստության և ադրբեջանական բանակի արդիականացման, ինչպես նաև ականների որոնման և ականազերծման հարցերի շուրջ»։
Նորա Վանյան
comment.count (0)