ՀՀ նախագահ Վահագն Խաչատուրյանը հուլիսի 1-ի հրամանագրով Վճռաբեկ դատարանի պալատներում 9 դատավորների է նշանակել։
Հիշեցնենք, որ այս շաբաթվա ընթացքում այդ դատավորներին ընտրել է Ազգային ժողովը։ Ըստ այդմ՝ Վճռաբեկ դատարանի վարչական պալատի դատավորներ են նշանակվել Արծրուն Միրզոյանը, Լիանա Հակոբյանը և Քրիստինե Մկոյանը։ Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորներ են նշանակվել Արթուր Դավթյանը, Լիպարիտ Մելիքջանյանը և Գևորգ Գյոզալյանը։
Իսկ Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորներ են նշանակվել Արտակ Կրկյաշարյանը, Սերգեյ Չիչոյանը և Կարեն Բիշարյանը։
comment.count (0)