«Հայրենիքի փրկության շարժում»

Դատախազը պահանջեց տուգանել Վազգեն Մանուկյանին |armeniasputnik.am|

Դատախազը պահանջեց տուգանել Վազգեն Մանուկյանին |armeniasputnik.am|

armeniasputnik.am: Հայրենիքի փրկության շարժման վարչապետի թեկնածու Վազգեն Մանուկյանի դեմ հարուցված քրգործով դատախազ Ալիկ Ստեփանյանը քիչ առաջ կարդաց մեղադրական ճառը։ Նշենք, որ նիստն ընթանում է Երևանի ընդհանուր իրավասության դատարանում` դատավոր Վահե Միսակյանի նախագահությամբ։ Մանուկյանը ներկա է նիստին։ Ստեփանյանն ասաց` Մանուկյանի նկատմամբ քրեական հետապնդումը ենթակա է շարունակման ՀՀ նախկին քրեական օրենսգրքի 301-րդ հոդվածով, որը համապատասխանում է գործող քրեական օրենսգրքի 422-րդ հոդվածին։ «Այսպիսով, դատաքննությամբ ապացուցվեց Մանուկյանին առաջադրված մեղադրանքը։ Պահանջում եմ Մանուկյանին մեղավոր ճանաչել 301-րդ հոդվածով, դատապարտել տուգանքի նվազագույն աշխատավարձի 500-ապատիկի չափով` 500 000 դրամ»,-ասաց Ստեփանյանը։ Մեղադրող դատախազը հավելեց` Մանուկյանը հանդիսացել է ՀՀ 3-րդ վարչապետը, Արցախյան առաջին պատերազմի ժամանակ զբաղեցրել է պետական նախարարի, ապա պաշտպանության նախարարի պաշտոնները, իսկ հետագայում ԱԺ պատգամավոր է եղել, Հանրային խորհրդի նախագահ։ Սրանք պատիժը մեղմացնող հանգամանքներ են։ «Պահանջում եմ Մանուկյանի դեմ ընտրված խափանման միջոց ստորագրությունը թողնել անփոփոխ` մինչև դատարանի որոշումը մտնի ուժի մեջ»,-ասաց դատախազը։ Հիշեցնենք, որ Վազգեն Մանուկյանին մեղադրանք է առաջադրվել ՀՀ քրեական օրենսգրքի 301-րդ հոդվածի հատկանիշներով, այն է՝ իշխանությունը զավթելու, սահմանադրական կարգը բռնի տապալելու, բռնություն գործադրելու հրապարակային կոչեր կատարելը։ Ըստ գործի նյութերի՝ Մանուկյանը ՀՀ-ում սահմանադրական կարգը տապալելու կոչեր է հնչեցրել 2021 թ. փետրվարի 12-ի, 20-ի, 26-ի հանրահավաքների ժամանակ։ Փետրվարի 20-ի հանրահավաքի ժամանակ Մանուկյանը հրապարակել էր ընդդիմության մշակած երկու պլան, որոնցից առաջինը ենթադրում էր բացատրական աշխատանքներ քաղաքացիների, ուժայինների, պատգամավորների հետ, իսկ երկրորդը (կամ «պլան Բ»-ն) իշխանության արագ զավթումն էր։
16:40 - 17 ապրիլի, 2023
Փաշինյանի այցերը տարբեր վայրերում ուղեկցվել են դիպուկահարների տեղակայմամբ․ նրա անվտանգության ապահովման մակարդակը պատերազմից հետո էականորեն փոխվել է

Փաշինյանի այցերը տարբեր վայրերում ուղեկցվել են դիպուկահարների տեղակայմամբ․ նրա անվտանգության ապահովման մակարդակը պատերազմից հետո էականորեն փոխվել է

Փետրվարի 9-ին՝ Ազգային ժողով-կառավարություն հարցուպատասխանի ընթացքում, «Քաղաքացիական պայմանագիր» խմբակցության պատգամավոր Սերգեյ Բագրատյանը վարչապետ Նիկոլ Փաշինյանին խնդրեց արձագանքել քննադատություններին, որոնց համաձայն՝ ընդդիմադիր գործունեության ընթացքում Փաշինյանը որոշ խնդիրների վերաբերյալ ունեցել է այլ կարծիք, իսկ այժմ ունի այլ կարծիք։ Փաշինյանն էլ, պատասխանելով Բագրատյանի հարցին, ասաց, որ առիթ ունեցել է խոսել ՀԱՊԿ-ի վերաբերյալ նախկինում արտահայտած տեսակետների, բուհերի՝ կուսակցական չլինելու խոստման մասին․ «Այո՛, ասել եմ, բայց արդյունքում պարզվեց, որ բուհերում կուսակցական թաքնված բջիջներ են ծվարել, և մեկ էլ մի իքս պահի բուհերը դարձել էին ընդդիմադիր բջիջներ։ Ասում են՝ ասել եք, որ քաղաքական նշանակումներ դիվանագիտական ծառայության մեջ մաքսիմալ սահմանափակ են լինելու, չենք ասել՝ չենք անելու, ասել ենք՝ սահմանափակ ենք անելու, բայց ես հիմա ասում եմ՝ ոչ, սահմանափակ չենք անելու։ Ինչո՞ւ։ Ձեզ հայտնի պատճառներով»։ Փաշինյանի կարծիքով՝ ընդդիմությունը վերը նշված հանգամանքները համարում է միջազգային գործընկերների բացասական արձագանքի պատճառ։ Նրա խոսքով, սակայն,  միջազգային գործընկերներից արձագանք են ստանում ՀՀ-ի՝ ժողովրդավարական պետություն լինելու մասին․ «Հարց չեն տալիս,  հարցազրույցներում ասում են, կառավարությանը հարց չեն տալիս դատական համակարգի մասին․ արձանագրում ենք, որ Արևելյան գործընկերության քաղաքացիական ֆորումը արձանագրում է, որ Արևելյան գործընկերության մեջ ՀՀ-ն անկախ դատական համակարգի առումով առաջատար երկիր է, կոռուպցիայի դեմ պայքարի առումով առաջատար երկիր է, և այլն, և այպես շարունակ։ Երբ ՀՀ-ին հրավիրում են ժողովրդավարության սամմիթին («Հանուն ժողովրդավարության» գագաթաժողով,- խմբ․) մասնակցելու, այլ երկրների չեն հրավիրում, այդ երկրները նեղվում են: Երբ ՀՀ-ին համարում են ժողովրդավար երկիր, ուրիշ երկրների չեն համարում այդ երկրները նեղվում են, երբ ասում են, որ ՀՀ-ում իշխանությունները լեգիտիմ են, ուրիշ երկրներում լեգիտիմ չեն։ ՀՀ-ում իրադարձություններ են տեղի ունեցել, գիտեք՝ ինչ, դուք ինձ ավտոմատով տեսե՞լ եք փողոցներով քայլելիս»։ 44-օրյա պատերազմից հետո, սակայն, վարչապետ Նիկոլ Փաշինյանի անվտանգությունն ավելի է խստացվել։ Վարչապետի այցերը տարբեր վայրեր հաճախ ուղեկցվել են մոտակա շենքերում դիպուկահարների տեղակայմամբ, նա փողոցով քայլել է բազմաթիվ թիկնապահներով շրջապատված։ Այսպես․ 2020 թ․-ի նոյեմբերի 18-ին մի խումբ քաղաքացիներ հաջակցություն Փաշինյանի ակցիա էին իրականացնում կառավարության շենքի մոտ։ Ակցիայի ընթացքում քաղաքացիներին մոտեցավ վարչապետ Նիկոլ Փաշինյանը՝ խնդրելով դադարեցնել հավաքը։ Կառավարության շենքից Փաշինյանը դուրս էր եկել՝ չորս կողմից շրջապատված Պետական պահպանության ծառայության աշխատակիցներով, որոնք զենք էին կրում։ Նիկոլ Փաշինյանը՝ ակցիայի ժամանակ Ավելի ուշ՝ դեկտեմբերի 9-ին, երբ ընդդիմադիր «Հայրենիքի փրկության շարժում»-ը ակցիաներ էր իրականացնում՝ պահանջելով վարչապետ Նիկոլ Փաշինյանի հրաժարականը, համացանցում հայտնվեց Փաշինյանի ավտոշարասյան տեսանյութը, որում դիմակավորված և զինված թիկնապահների զենքերն ուղղված են դեպի դուրս։ Այդ օրը սպասվում էր Փաշինյանի այցը խորհրդարան՝ ԱԺ-կառավարություն հարցուպատասխանի նպատակով։  2021-ի փետրվարի 23-ին, երբ Փաշինյանը պետք է գնար կառավարության երրորդ մասնաշենք, իսկ «Հայրենիքի փրկության շարժում»-ն ընդդեմ Փաշինյանի ակցիա էր իրականացնում, լրատվամիջոցները կառավարության շենքում դիպուկահարների էին ֆիքսել։ 2021 թ․-ի մարտի 3-ին, երբ ԱԺ-ում տեղի էր ունենալու կառավարության հետ հարցուպատասխան, և սպասվում էր Փաշինյանի այցը խորհրդարան, ԱԺ շենքում լրատվամիջոցները դիպուկահարների էին նկատել։ Այդ օրը նույնպես «Հայրենիքի փրկության շարժումը» հանրահավաք էր անցկացնում Բաղրամյան պողոտայում։ Ի դեպ, դիպուկահարների առկայությանը նաև Մարդու իրավունքների պաշտպան Արման Թաթոյանն էր անդրադարձել՝ նշելով, որ խորհրդարանի շենքում դիպուկահարների բացահայտ ցուցադրությունը խաղաղ հավաքին պետության կողմից գործադրված անվտանգության անհամարժեք միջոց է։ Իսկ 2021 թ․-ի խորհրդարանական արտահերթ ընտրությունների նախընտրական քարոզարշավի ընթացքում լրատվամիջոցները դիպուկահարների էին նկատել այն շենքերի տանիքներին, որոնց մոտակայքում  Նիկոլ Փաշինյանի գլխավորած «Քաղաքացիական պայմանագիր» կուսակցությունը քարոզարշավ էր իրականացնում։ Այդպիսի դեպքեր արձանագրվել էին, օրինակ, Վանաձորում, Գորիսում։  Այսպիսով, 2020 թ․-ի 44-օրյա պատերազմից հետո Նիկոլ Փաշինյանի անվտանգության ապահովման մակարդակը էականորեն փոխվել է, հանրային քննարկման թեմա են դարձել Փաշինյանի անվտանգության աշխատակիցների՝ զենքը մեքենայից դեպի դուրս պահելը, ԱԺ, կառավարության շենքերում ժամանակ առ ժամանակ տեղակայված դիպուկահարները։ Նանե Ավետիսյան
18:04 - 11 փետրվարի, 2022
Եթե բանակն իր վրա չվերցնի իր պարտականությունը, պարտավոր ենք նախաձեռնել աշխարհազորայինների հավաքագրման գործընթաց. ՀՓՇ

Եթե բանակն իր վրա չվերցնի իր պարտականությունը, պարտավոր ենք նախաձեռնել աշխարհազորայինների հավաքագրման գործընթաց. ՀՓՇ

Արդեն մի քանի օր է՝ Ադրբեջանի զինված ուժերը շարունակում են օկուպացված պահել ռազմավարական նշանակության տարածքներ ՀՀ Սյունիքի և Գեղարքունիքի մարզերում: Այս մասին ասված է «Հայրենիքի փրկության շարժման» խորհրդի տարածած հայտարարության մեջ: «Հայաստանի իշխանությունները ոչ միայն ի զորու չեն եղել կանխել մեր տարածքների զավթումը թշնամու կողմից, այլև մինչ այս պահը չեն կարողացել մեր տարածքներն ազատել ադրբեջանական զինուժից: Այս ամենը 2020 թ. նոյեմբերի 10-ի կապիտուլյացիայի շարունակությունն է: Կապիտուլյացիոն փաստաթղթի ստորագրումից և դրա իրագործումն ուժի մեջ մտնելուց անմիջապես հետո Հայաստանի իշխանությունները, խախտելով նույնիսկ մեզ համար անընդունելի այդ փաստաթուղթը, շարունակեցին զիջել նոր տարածքներ: Դուրս հանելով ՀՀ Զինված ուժերը Զանգելանից և Որոտանից (Կուբաթլու)՝ Հայաստանի իշխանությունները Ադրբեջանի հետ սկսեցին սահմանները գծել GPS-ով՝ ի վնաս մեզ: Հետագայում պարզվեց, որ Հայաստանի ու Ադրբեջանի միջև կան ստորագրված նաև գաղտնի փաստաթղթեր, որոնցից մեկը պատահաբար բացահայտվեց 2020 թ. դեկտեմբերին: Այժմ, ըստ հավաստի տեղեկությունների,  կան այլ փաստաթղթեր ևս՝ ստորագրված 2021 թ. հունվարի 11-ին: Մայիսի 12-ին Ադրբեջանի զինված ուժերը, առանց հայկական կողմից որևէ դիմադրության, խախտելով նույնիսկ GPS-ով ապօրինի գծած սահմանները, ներխուժում և գրավում են ՀՀ ռազմավարական նշանակություն ունեցող նոր տարածքներ: Եվ ո՛չ մի համարժեք պատասխան Հայաստանի իշխանությունների կողմից: Նիկոլ Փաշինյանի դրդապատճառները՝ հանցավոր ձևով շարունակելու կապիտուլյացիան, ոչ մի տրամաբանական բացատրություն չունեն, ինչպես բացատրելի չէ ՀՀ նախագահի վարքագիծը, որն ի պաշտոնե մեր պետության գլուխն է և մեր երկրի շահերի պաշտպանն ու երաշխավորը: Մեր տարածք ներխուժած թշնամուն համարժեք պատասխան չտալը իշխանությունների կողմից բացատրվում է նրանով, որ դա կարող էր դառնալ նոր լայնածավալ պատերազմի բռնկման պատճառ: Սակայն մեր բանակը պարտավոր է կատարել իր ուղիղ պարտականությունը՝ պաշտպանել ՀՀ տարածքային ամբողջականությունը: Միջազգային փորձը ցույց է տալիս, որ փոքր ընդհարումներից խուսափելու նպատակով զիջումների քաղաքականությունն ամենակարճ ճանապարհն է դեպի լայնածավալ պատերազմ (հիշենք 1938 թ. Մյունխենի համաձայնագիրը): Բանակն ունի պարտականություններ՝ ենթարկվել իշխանության հրամաններին և պաշտպանել երկիրը: Սակայն այս երկու պարտականությունների միջև հակասության դեպքում պարտավոր է ընտրել հայրենիքի պաշտպանությունը, ինչը չանելու դեպքում մեղավորները վաղ թե ուշ ենթարկվելու են պատասխանատվության: Եթե բանակն իր վրա չվերցնի Հայաստանի Հանրապետության տարածքային ամբողջականությունը թշնամու ոտնձգություններից պաշտպանելու իր պարտականությունը, ապա մենք պարտավոր ենք նախաձեռնել աշխարհազորայինների հավաքագրման գործընթաց, որպեսզի ժողովուրդն իր վրա վերցնի երկրի պաշտպանության գործը»,- ասված է հաղորդագրության մեջ։
15:27 - 15 մայիսի, 2021
ՀՅԴ-ն դեռ որոշում չի կայացրել Ռոբերտ Քոչարյանի հետ արտահերթ ընտրություններին մասնակցելու վերաբերյալ |armenpress.am|

ՀՅԴ-ն դեռ որոշում չի կայացրել Ռոբերտ Քոչարյանի հետ արտահերթ ընտրություններին մասնակցելու վերաբերյալ |armenpress.am|

armenpress.am:  «Հայրենիքի փրկության շարժում» նախաձեռնության համակարգող, ՀՅԴ ԳՄ անդամ Իշխան Սաղաթելյանը լրագրողների հետ զրույցում անդրադարձավ արտահերթ խորհրդարանական ընտրություններին ՀՀ երկրորդ նախագահ Ռոբերտ Քոչարյանի հետ կուսակցությունների դաշինք կազմելու մասին լուրերին: Սաղաթելյանը շեշտեց, որ «Հայ հեղափոխական դաշնակցություն» կուսակցությունը դեռևս որոշում չի կայացրել, թե ընտրություններին ինչ ֆորմատով է մասնակցելու: «Քանի դեռ ՀՅԴ գերագույն մարմինն այդ մասին հայտարարություն չի արել, ուրեմն մինչ այդ պահը մենք որոշում չունենք: Նման հարցերը մեզ մոտ որոշվում են ժողովների ժամանակ: Եթե մենք մասնակցենք ընտրություններին, ապա ՀՀ վարչապետ Նիկոլ Փաշինյանը դրանից հետո չի լինի»,- նշեց Սաղաթելյանը:
15:58 - 06 ապրիլի, 2021
Այս իշխանությունը ոչ թե պետք է արտահերթ ընտրություններով փոխել, այլ ժողովուրդը պետք է վտարի նրանց. Վազգեն Մանուկյան |tert.am|

Այս իշխանությունը ոչ թե պետք է արտահերթ ընտրություններով փոխել, այլ ժողովուրդը պետք է վտարի նրանց. Վազգեն Մանուկյան |tert.am|

tert.am: Այսօր ինձ մոտեցավ մի պապիկ և հարցրեց՝ ի՞նչ արեցիք այս երկրի հետ, այս ամենը ինչ տեսնում եք, կառուցվել է կոմունիստների ժամանակ, երբ մենք աշխատում էինք, արարում, ստեղծում ու հանգիստ ապրում, ես 2 տարի առաջ կարող էի նրան պատասխանել, իսկ հիմա քաղաքացիներին պատասխան չեմ կարողանում տալ։ Այս մասին Սևանում տեղի ունեցող հանրահավաքի ժամանակ ասաց «Հայրենիքի փրկության շարժման» ղեկավար Վազգեն Մանուկյանը։ «Երկրում շատ թերություններ են եղել, բայց մենք նաև հաղթանակներ ունեցանք։ 5000 ժողովուրդ աշխարհի երեսին ուզում է անկախություն ունենալ, բայց գոյություն ունի ընդամենը  200 անկախ պետություն, որոնցից մեկը մենք ենք, մենք կառուցեցինք մի բանակ, որը ամենամարտունակն է Անդրկովկասում, մենք կարողացանք հետ վերցնել մեր հայրենիքը այն  հատվածը, որը կոչվում է Արցախ, բայց պատերազմի 44 օրից հետո ես քաղաքացիների պատասխան չունեմ. այն ինչ կատարվեց 44 օրերի ընթացքում պատերազմ չէր»,- ասաց Վազգեն Մանուկյանը։ Նա նաև ընդգծեց՝ ամիսներ շարունակ հայ ժողովրդին խաբում էին, հիմա ժողովուրդը այլ ճանապարհով պետք է առաջնորդվի, արտահերթ ընտրություններ չպետք է լինեն։ «Մենք մտածում էինք՝ հաղթում ենք, բայց այնինչ մենք անընդհատ պարտվում էինք, իսկ հազարավոր երիտասարդներ գնում էին։ Այս իշխանությունը ոչ թե պետք է արտահերթ ընտրություններով փոխել, այլ ժողովուրդը պետք է վտարի նրանց: Ես ընտրությունները չեմ ընդունում, քանի որ դա իրենից ենթադրում է՝ վատ իշխանություն է լինում, փոխում ենք, բայց սա դավաճանություն է, իսկ սերունդներին պետք է ցույց տալ՝ չենք ներում դավաճանություն»,- ասաց Վազգեն Մանուկյանը։
15:49 - 06 ապրիլի, 2021
Այսօրվանից ազատում ենք Դեմիրճյան փողոցը. Հայրենիքի փրկության շարժումը մարզային այցելություններ է սկսում

Այսօրվանից ազատում ենք Դեմիրճյան փողոցը. Հայրենիքի փրկության շարժումը մարզային այցելություններ է սկսում

«Հայրենիքի փրկության շարժումը» հայտարարություն է տարածել, որում ասվում է. Մարտի 28-ին կայացած հանրահավաքի ժամանակ Հայրենիքի փրկության շարժումը հայտարարել է պայքարի նոր փուլի մեկնարկի մասին։  Պայքարի հիմնական գործողություններն առաջիկա օրերին տեղափոխվելու են Հայաստանի տարբեր բնակավայրեր։ Արդեն հայտարարվել է մարզային հանդիպումների ու հանրահավաքների և դրանց վայրերի մասին։  Մեկ անգամ ևս արձանագրում ենք, որ Ազգային ժողովի իշխանական խմբակցությունը դադարել է կատարել ՀՀ Սահմանադրությամբ և օրենքներով սահմանված իր պարտականությունները՝ դառնալով ամուլ, անսկզբունքային, սեփական քաղաքական, քաղաքացիական դիրքորոշում չունեցող մարդկանց հավաքականություն, որն ուղղակի վերածվել է հայրենադավ իշխանության ու անձամբ վարչապետի աթոռը զբաղեցնողի ձեռքում լոկ քվեարկության կոճակ սեղմողի: Այսօրվանից ազատում ենք Դեմիրճյան փողոցը՝ հայտարարելով, որ մարզային այցելություններից հետո արժանապատիվ քաղաքացիները վերստին կվերադառնան Բաղրամյան-Դեմիրճյան փողոցներ:   Կոչ ենք անում մեր հայրենակիցներին ինքնակազմակերպվել բոլոր համայնքներում, ոտքի ելնել և ակտիվորեն մասնակցել Հայրենիքի փրկության շարժման հանդիպումներին ու հավաքներին։  Դավաճանի հեռացման համաժողովրդական պահանջը պետք է միասնաբար վերածենք համաժողովրդական պայքարի՝ կանխելով նորանոր զիջումներն ու թրքահաճո քաղաքականությունը:  Առաջին հանդիպման վայրն ու ժամը՝ Ապրիլի 6 (երեքշաբթի), ժամը 14։00, Սևան քաղաք, Սուրեն Զաքարյանի անվան մշակութային պալատի հարակից հրապարակ»։
13:34 - 03 ապրիլի, 2021
Ես էլ եմ հիասթափված ընդդիմությունից եւ ինձնից. Վազգեն Մանուկյան
 |news.am|

Ես էլ եմ հիասթափված ընդդիմությունից եւ ինձնից. Վազգեն Մանուկյան |news.am|

news.am: Ես էլ եմ հիասթափված ընդդիմությունից եւ ինձնից, որովհետեւ կարծում եմ, որ ավելի արդյունավետ կարելի էր աշխատել։ Այս մասին այսօր՝ մարտի 26–ին, Հայաստանի մի քանի լրատվամիջոցների հետ զրույցում ասել է Հայրենիքի փրկության շարժման վարչապետի թեկնածու Վազգեն Մանուկյանը։ «Ժողովուրդը սպասում էր, որ ընդդիմությունը պետք է վարչապետի հրաժարականի խնդիրը լուծի, մյուս կողմից էլ շատ մարդիկ տանը նստած ուզում են, որ ուրիշները հարցը լուծեն, դա այդքան էլ ճիշտ չէ, բայց դա չի արդարացնում ընդդիմությանը։ Ինձ առաջարկում էին նաեւ, որ ես էլ ասեմ, թե աշխատավարձերը բարձրացնելու եմ եւ այլն, որովհետեւ ժողովրդի մի զգալի մասը ոչ թե ազգային մոտիվացիայով է առաջնորդվում, այլ սոցիալականով, միգուցե իմ սխալն էր, բայց ես ասում էի, որ պետք է ազգային մոտիվացիայով առաջնորդվել»,– նշել է Վազգեն Մանուկյանը՝ հավելելով, որ ինքը հանրությանը չի ուզում ստել եւ ասել, որ միանգամից փայլուն է լինելու,  բայց ինքը վստահեցնում է, որ մարդկանց աշխատանքը գնահատվելու է։ Հայրենիքի փրկության շարժման վարչապետի թեկնածուն ապա պարզաբանել է, որ իրենց պլաններում էր Հայաստանի ամբողջ տարածքով հանդիպումներ անցկացնել, ֆորում հրավիրել մարզահամերգային համալիրում, որտեղ հրավիրված կլինեին այն մարդիկ, որոնք հրապարակային պահանջել էին Նիկոլ Փաշինյանի հրաժարականը եւ ինքն այդտեղ կներկայացներ Կառավարության ծրագիր, սակայն պլանները խախտվել են ԶՈՒ ԳՇ–ի հայտարարությամբ պայմանավորված։      
22:39 - 26 մարտի, 2021
Շարժման բոլոր կուսակցությունները մի հարցում միասնական են՝ Նիկոլ Փաշինյանը պետք է հեռանա. Վազգեն Մանուկյան
 |tert.am|

Շարժման բոլոր կուսակցությունները մի հարցում միասնական են՝ Նիկոլ Փաշինյանը պետք է հեռանա. Վազգեն Մանուկյան |tert.am|

tert.am: Երբ շարժմանն անդամակցող կուսակցություններից որոշները պատրաստվում են արտահերթ ընտրությունների, դա խնդիրներ է առաջացնում, բայց անգամ նրանց համար այս շարժման պահպանումը անհրաժեշտ է: Այս մասին լրագրողների հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը: «17 կուսակցություններից ֆորմալ կերպով դուրս է եկել միայն մեկ կուսակցություն, այսինքն՝ հիմա շարժման մեջ կա 16 կուսակցություն: Իհարկե, երբ որոշ կուսակցություններ պատրաստվում են արտահերթ ընտրությունների դա արդեն խնդրահարույց է, բայց նույնիսկ այն կուսակցությունները, որոնք գնալու են ընտրությունների նրանց ևս անհրաժեշտ է, որ այս ալիքը պահպանվի, քանի որ բոլորս ունենք մեկ նպատակ՝ Նիկոլ Փաշինյանը պետք է հեռանա»,- ասաց Վազգեն Մանուկյանը: Նա նաև նշեց, որ եթե շարժման գործողությունները շարունակական լինեն, նա կներկայացնի 6 թեկնածուների, որոնք կաշխատեն կառավարության կազմում:  
20:54 - 26 մարտի, 2021
«Հայրենիքի փրկության շարժումն» իր ծրագրերից չի հրաժարվել․ շարժումը շարունակում է իր գործողությունները՝ իր հիմնական պահանջով՝ Նիկոլ Փաշինյանի հրաժարական․ Գեղամ Մանուկյան |tert.am|

«Հայրենիքի փրկության շարժումն» իր ծրագրերից չի հրաժարվել․ շարժումը շարունակում է իր գործողությունները՝ իր հիմնական պահանջով՝ Նիկոլ Փաշինյանի հրաժարական․ Գեղամ Մանուկյան |tert.am|

tert.am: «Հայրենիքի փրկության շարժումն» իր ծրագրերից չի հրաժարվել։ Այս մասին  ասաց շարժման ներկայացուցիչ, ՀՅԴ անդամ Գեղամ Մանուկյանը՝ անդրադառնալով դիտարկմանը, որ հայտարարվել է ԱԺ արտահերթ ընտրությունների մասին, և հարցին՝ այդ դեպքում շարժման պահանջներում կա՞ն փոփոխություններ։ «Նիկոլ Փաշինյանի մի գրառմամբ, որն ամեն րոպե կարող է ջնջվել, խմբագրվել, ինչպես շատ հաճախ է եղել, չի կարող ՀՀ-ում նման կարևոր քաղաքական գործընթաց լինել, ինչպիսին համապետական ընտրություններն են։ «Հայրենիքի փրկության շարժումն» ասել է այն հստակ քայլերն ու գործողությունները, որոնք իրականացնելու է»,-ասաց Մանուկյանը։ Դիտարկմանը, որ շարժման անդամներից «Բարգավաճ Հայաստան» և «Հայրենիք» կուսակցությունները հայտարարել են խորհրդարանական ընտրություններին մասնակցելու պատրաստակամության մասին, Մանուկյանն արձագանքեց, որ դա չի նշանակում, թե շարժման օրակարգում փոփոխություն է տեղի ունեցել։ ««Հայրենիքի փրկության շարժումը» շարունակում է պայքարը, որևէ կուսակցություն չի հայտարարել «Հայրենիքի փրկության շարժումը» լքելու մասին։ ՀՅԴ-ն հայտարարել է, որ ընտրության օրակարգ ՀՀ-ում այսօր չկա։ ԲՀԿ-ի, «Հայրենիք»-ի կողմից արտահերթ ընտրություններին մասնակցելու պատրաստակամության մասին հայտարարելը չի նշանակում հրաժարվել Նիկոլ Փաշինյանի հրաժարականի պահանջից։ Շարժումը շարունակում է իր գործողությունները՝ իր հիմնական օրակարգային պահանջով՝ Նիկոլ Փաշինյանի հրաժարական»։
12:57 - 24 մարտի, 2021
Մարտի 28-ին, ժամը 15:00-ին տեղի կունենա Հայրենիքի փրկության շարժման համապետական հանրահավաքը

Մարտի 28-ին, ժամը 15:00-ին տեղի կունենա Հայրենիքի փրկության շարժման համապետական հանրահավաքը

Մարտի 28-ին, ժամը 15:00-ին Բաղրամյան-Դեմիրճյան փողոցներում տեղի կունենա Հայրենիքի փրկության շարժման համապետական հանրահավաքը: Այս մասին ասված է Շարժման տարածած հայտարարության մեջ: «Հայրենակիցնե՛ր, Արդեն տևական ժամանակ է՝ Հայրենիքի փրկության շարժումը տարատեսակ բողոքների և  քաղաքացիական անհնազանդության ակցիաների, հանրահավաքների, իրավական և քաղաքական այլ միջոցներով պայքարում է մեր երկիրն աղետի հասցրած իշխանությունների դեմ։ Այս ընթացքում մեզ հաջողվել է ձևավորել  հանրային լայն համախմբում վարչապետի աթոռին կառչած անձի հեռացման պահանջի շուրջ։ Վարչախումբը թեև դանդաղ, սակայն հանրային լայն ճնշման ազդեցության տակ տեղի է տալիս: Հասարկության և քաղաքական բոլոր ուժերի համար արդեն ակհայտ է, որ առանց առկա ճգնաժամի հանգուցալուծման հնարավոր չէ Հայաստանի զարգացումը, ավելին՝ վտանգի տակ են երկրի ինքնիշխանությունն ու տարածքային ամբողջականությունը: Միաժամանակ ակնհայտ է, որ շարունակական պայքարի գործելաոճը որոշակի անհարմարություններ է ստեղծում քաղաքացիների համար, որն ամենևին Շարժման նպատակը չէ: Ելնելով վերը նշվածից՝ Հայրենիքի փրկության շարժման խորհուրդը պայքարի ներկա շրջափուլում որոշել է. 1.    Սկսել քաղաքական ակցիաների նոր ալիք՝ ընդլայնելով գործողությունների աշխարհագրությունն ու մարզերի բնակչության ընդգրկվածությունը: 2.    Հանրային ճնշման պահպանման և Շարժման հետագա գործողությունների համակարգման նպատակով Դեմիրճյան փողոցում տեղակայված վրանային ճամբարը հայտարարել Շարժման շտաբ: 3.    Վերականգնել Բաղրամյան պողոտայով ազատ տեղաշարժը՝ վերացնելով քաղաքացիների համար ստեղծված անհարամարությունը: Շարժման հետագա անելիքները ներկայացնելու համար մարտի 28-ին՝ ժամը 15։00-ին, Բաղրամյան-Դեմիրճյան փողոցներում հրավիրվում է համապետական հանրահավաք: Հայրենակիցնե՛ր, Մեր նպատակն ու օրակարգն անփոփոխ են: Պայքարելու ենք և հաղթենք»:
16:14 - 23 մարտի, 2021
Ինչ օրակարգով է շարունակելու պայքարը ՀՅԴ-ն. ներկայացրել է Իշխան Սաղաթելյանը |armenpress.am|

Ինչ օրակարգով է շարունակելու պայքարը ՀՅԴ-ն. ներկայացրել է Իշխան Սաղաթելյանը |armenpress.am|

armenpress.am: ՀՅԴ Գերագույն մարմնի ներկայացուցիչ, Հայրենիքի փրկության շարժման համակարգող Իշխան Սաղաթելյանը նորմալ է ընդունում ԲՀԿ առաջնորդ Գագիկ Ծառուկյանի հայտարարությունն արտահերթ ընտրությունների մասնակցելու մասին: Իշխան Սաղաթելյանը լրագրողների հետ հանդիպմանը նշեց, որ Գագիկ Ծառուկյանը ՀՀ վարչապետի հետ հանդիպումից առաջ և հետո տեղյակ է պահել զարգացումների մասին և շարժման համար անակնկալ չի եղել: «Գագիկ Ծառուկյանը բազմիցս ասել է, որ արտահերթ ընտրությունների դեպքում կմասնակցի: Դա ԲՀԿ-ի իրավունքն է ու դա նոր չէ, հրապարակային ասվել է այդ մասին: «Հայրենիք» կուսակցության նախագահ Արթուր Վանեցյանը ևս հայտարարել է, որ եթե լինեն ընտրություններ, ապա կմասնակցեն: Այստեղ կա մի կարևոր բան, մենք Նիկոլ Փաշինյանի հեռացման հարցում շարժման մեջ ունենք 100 տոկոս կոնսենսուս: Պարզապես, ուժերի մի մասը գտնում է, որ դրա արագ ճանապարհը ընտրությունն է, մյուս մասն էլ կարծում է, որ պետք չէ իր հետ գնալ ընտրության»,-ասաց Իշխան Սաղաթելյանը: Հարցին, թե Դաշնակցությունն ինչ դիրքորոշում ունի, Իշխան Սաղաթելյանը նշեց, որ իրենք պայքարելու են առաջ քաշած օրակարգի համար: Նույնիսկ եթե մենակ էլ մնան, միևնույն է պայքարելու են, որ Նիկոլ Փաշինյանն օր առաջ հեռացվի: Իշխան Սաղաթելյանը նշեց, որ եթե ամեն դեպքում տեղի ունենան ընտրություններ, ապա Դաշնակցությունը կքննարկի մասնակցում է, թե ոչ:
15:51 - 19 մարտի, 2021
Արտահերթ ընտրություն անցկացնելով բավարարվում է Հայրենիքի փրկության շարժման պահանջի մի մասը. Իշխան Սաղաթելյան |armenpress.am|

Արտահերթ ընտրություն անցկացնելով բավարարվում է Հայրենիքի փրկության շարժման պահանջի մի մասը. Իշխան Սաղաթելյան |armenpress.am|

armenpress.am: Հայրենիքի փրկության շարժումը շարունակում է պնդել, որ երկրում ստեղծված իրավիճակից դուրս գալու իր առաջարկած ճանապարհային քարտեզը ճիշտ ուղին է: Այս մասին լրագրողների հետ հանդիպմանը նշեց ՀՅԴ Գերագույն մարմնի ներկայացուցիչ, Հայրենիքի փրկության շարժման համակարգող Իշխան Սաղաթելյանը: «Գրառումն այն մասին, որ հունիսին տեղի են ունենալու ընտրություններ, մեզ մոտ հավատ չի ներշնչում: Այս ընթացքում մի քանի անգամ խոսել են արտահերթ ընտրությունների մասին, սակայն շատ արագ հրաժարվել են: Ասեմ, որ խորհրդարանական ընտրությունների կազմակերպումը եղել է Հայրենիքի փրկության շարժման պահանջներից մեկը: Եվ եթե նույնիսկ տեղի ունենան ընտրություններ, ապա կբավարարվի մեր պահանջների մի մասը: Մենք գտնում ենք, որ արտահերթ ընտրությունները կարևոր են ստեղծված իրավիճակից դուրս գալու համար, բայց ընտրությունները Նիկոլ Փաշինյանի ժամանակավոր պաշտոնակատար լինելու դեպքում անցկացնելու պարագայում կա մեծ վտանգ, որ դրանք չեն լինելու մրցակցային հավասար պայմաններով»,-նշեց Իշխան Սաղաթելյանը: Հարցին, թե Բաղրամյան փողոցը շարունակելո՞ւ են փակ պահել, Իշխան Սաղաթելյանը տեղեկացրեց, որ անհնազանդության ակցիաները շարունակվելու են, կարող են լինել մարտավարական փոփոխություններ:
15:12 - 19 մարտի, 2021