ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Բլինկենը պատրաստակամություն է հայտնել աջակցել Հարավային Կովկասում տևական խաղաղության հաստատմանը |armenpress.am|

Բլինկենը պատրաստակամություն է հայտնել աջակցել Հարավային Կովկասում տևական խաղաղության հաստատմանը |armenpress.am|

armenpress.am: Միացյալ Նահանգները հանձնառու են՝ աջակցելու Հարավային Կովկասի տարածաշրջանում խաղաղության հաստատմանը: Այս մասին ասվում է Ադրբեջանի Անկախության օրվա առթիվ ԱՄՆ պետքարտուղար Էնթոնի Բլինկենի շնորհավորական ուղերձում: «Մենք հանձնառու են՝ խթանելու խաղաղ, ժողովրդավարական ու բարեկեցիկ ապագան Ադրբեջանի և Հարավային Կովկասի տարածաշրջանի համար: Մենք պատրաստ ենք աջակցելու՝ ինչպես երկկողմ, այնպես էլ համախոհ գործընկերների հետ փոխգործակցության միջոցով՝ օգնելու տարածաշրջանին գտնելու երկարատև համապարփակ խաղաղություն»,- ասվում է պետքարտուղարի ուղերձում: Բլինկենը կոչ է արել նաև իրականացնել բարեփոխումներ, որոնք կպաշտպանեն մարդու իրավունքներն ու հիմնարար ազատությունները, որոնք նախատեսված են Ադրբեջանի սահմանադրությամբ: Պետքարտուղարը հայտարարել է նաև, որ ԱՄՆ-ն բարձր է գնահատում Ուկրաինայի հարցում Ադրբեջանի ցուցաբերած աջակցությունը:
21:13 - 28 մայիսի, 2022
Վաշինգտոնն ինքն է պարենային ճգնաժամ հրահրում Ուկրաինայում, ապա մեղադրում Ռուսաստանին. Զախարովա |1lurer.am|

Վաշինգտոնն ինքն է պարենային ճգնաժամ հրահրում Ուկրաինայում, ապա մեղադրում Ռուսաստանին. Զախարովա |1lurer.am|

1lurer.am: Վաշինգտոնն ինքն է պարենային ճգնաժամ հրահրում Ուկրաինայում՝ զրկելով վերջինիս հացահատիկի պաշարներից։ Այդ մասին ասված է Ռուսաստանի ԱԳՆ պաշտոնական ներկայացուցիչ Մարիա Զախարովայի տարածած մեկնաբանության մեջ։ «ԱՄՆ նախագահ Ջո Բայդենի՝ մայիսի 10-ի հայտարարությունը Ուկրաինայից 20 մլն տոննա հացահատիկի արտահանման հնարավորությունների որոնման անհրաժեշտության մասին, համընկավ ուկրաինական «լենդ լիզի» մասին օրենքի ստորագրման հետ։ Ստացվում է, որ Կիևը զենքի համար պետք է վճարի ցորենով։ Ըստ էության, ամերիկացիներն իրենք են Ուկրաինայում պարենային ճգնաժամ հրահրում՝ զրկելով վերջինիս հացահատիկի պաշարներից»,- նշել է դիվանագետը՝ մեկնաբանելով Արևմուտքի հայտարարությունները Սև ծովի ջրային տարածքի արգելափակման մասին: Արևմուտքից Մոսկվայի հասցեին հնչող մեղադրանքները, որ վերջինս արգելափակում է օտարերկրյա նավերը Սև և Ազովի ծովերի նավահանգիստներում, Զախարովան համարել է անհիմն:
17:34 - 28 մայիսի, 2022
ԱՄՆ-ը, Հարավային Կորեան և Ճապոնիան կուժեղացնեն համագործակցությունը Հյուսիսային Կորեայի կողմից հրթիռների արձակման պայմաններում |armenpress.am|

ԱՄՆ-ը, Հարավային Կորեան և Ճապոնիան կուժեղացնեն համագործակցությունը Հյուսիսային Կորեայի կողմից հրթիռների արձակման պայմաններում |armenpress.am|

armenpress.am: Միացյալ Նահանգները, Հարավային Կորեան և Ճապոնիան դատապարտում են Հյուսիսային Կորեայի կողմից իրականացվող հրթիռների արձակումը և այդ պայմաններում կամրապնդեն եռակողմ համագործակցությունը։ Այս մասին հայտարարել է ԱՄՆ Պետդեպարտամենտը:  «Միացյալ Նահանգները, Կորեայի Հանրապետությունը և Ճապոնիան խստորեն դատապարտում են Հյուսիսային Կորեայի կողմից բալիստիկ հրթիռների արձակումը և խոստանում են ամրապնդել եռակողմ համագործակցությունը Կորեական թերակղզու ամբողջական ապամիջուկայնացման և ՄԱԿ-ի անվտանգության խորհդի համապատասխան բանաձևերի լիարժեք իրականացման համար»,- ասվում է փաստաթղթում։ Կողմերն ընդգծել են, որ լուրջ և կայուն երկխոսության ճանապարհը մնում է բաց, և «խստորեն կոչ են արել ԿԺԴՀ-ին վերադառնալ բանակցությունների՝ առանց նախապայմանների։ Նրանք խորը մտահոգություն» են հայտնել մայիսի 25-ին Հյուսիսային Կորեայի կողմից միջմայրցամաքային բալիստիկ հրթիռի և ավելի կարճ հեռահարության բալիստիկ հրթիռների արձակման կապակցությամբ: «Այս արձակումներից յուրաքանչյուրը խախտում է ՄԱԿ-ի Անվտանգության խորհրդի բազմաթիվ բանաձևեր և լուրջ վտանգ է ներկայացնում տարածաշրջանի և միջազգային հանրության համար»,- նշել են երեք երկրները։ «Ի պատասխան ԿԺԴՀ-ի անօրինական և ապակայունացնող գործողությունների՝ մեր երկրները համակարգված զորավարժություններ անցկացրին՝ ցույց տալով մեր ընդհանուր, միանշանակ հավատարմությունը տարածաշրջանային անվտանգությանն ու կայունությանը»,- ասվում է հայտարարության մեջ։
13:49 - 28 մայիսի, 2022
Ադրբեջանում ԱՄՆ նոր դեսպանի պաշտոնում առաջադրվել է Մարկ Լեբիի թեկնածությունը |azatutyun.am|

Ադրբեջանում ԱՄՆ նոր դեսպանի պաշտոնում առաջադրվել է Մարկ Լեբիի թեկնածությունը |azatutyun.am|

azatutyun.am: ԱՄՆ նախագահ Ջո Բայդենը Բաքվում Վաշինգտոնի նոր դեսպանի պաշտոնում առաջադրել է Մարկ Լեբիի թեկնածությունը, հաղորդում է Սպիտակ տունը: Ներկայումս Լեբին Վաշինգտոնում Ազգային ռազմական վարժարանի պետքարտուղարության ֆակուլտետի խորհրդականի պաշտոնն է զբաղեցնում: Նախկինում նա աշխատել է Բրյուսելում որպես Եվրամիությունում ԱՄՆ առաքելության ղեկավարի օգնական և գործերի ժամանակավոր հավատարմատար, խորհրդական է եղել նաև Վարշավայի, Նասաուի, Նիկոսիայի և Բաղդադի ամերիկյան դեսպանություններում: Լեբին մի շարք բարձր պաշտոններ է զբաղեցրել ԱՄՆ պետքարտուղարությունում, մասնավորապես աշխատել է Կենտրոնական և Հարավային Եվրոպայի հարցերով վարչություններում: 1994-1997 թվականներին Ադրբեջանում ԱՄՆ դեսպան Ռիչարդ Կոզլարիչը ադրբեջանական «Թուրան» գործակալության հետ զրույցում, մեկնաբանելով նոր դեսպանի թեկնածուի ընտրությունը, ասել է, որ Լեբին բավական փորձառու դիվանագետ է, և նրա առաջադրումը վկայում է, որ Վաշինգտոնը մեծ ուշադրություն է դարձնում Ադրբեջանին և ուզում է «փորձառու ձեռք» ունենալ այնտեղ: Ադրբեջանում ներկայիս դեսպան Լի Լիցենբերգերի պաշտոնավարման ժամկետն ավարտվում է այս տարվա հուլիսին:
17:34 - 26 մայիսի, 2022
Մոսկվան Կիևից սպասում է իր պահանջների ընդունում․ Պեսկով

Մոսկվան Կիևից սպասում է իր պահանջների ընդունում․ Պեսկով

Ուկրաինան պետք է գիտակցի դե ֆակտո իրավիճակը, հայտարարել է Ռուսաստանի նախագահի մամուլի քարտուղար Դմիտրի Պեսկովը։ Այդպես է նա պատասխանել լրագրողների այն հարցին, թե ինչպես է գնահատում ԱՄՆ նախկին պետքարտուղար Հենրի Քիսինջերի խոսքերն այն մասին, որ Ուկրաինան պետք է Ռուսաստանին զիջումներ անի, գրում է «Կոմերսանտը»։ «Մոսկվան Կիևից սպասում է Մոսկվայի պահանջների ընդունում և դե ֆակտո՝ առկա իրավիճակի գիտակցում», - ասել է Պեսկովը։ Նա, սակայն հավելել է․ «Դա տարածքային զիջումը չէ։ Կիևը պետք է ընդունի դե ֆակտո իրավիճակն ու պարզապես սթափ գնահատի այն»։ Ավելի վաղ ԱՄՆ նախկին պետքարտուղար Հենրի Քիսինջերը կոչ էր արել դադարեցնելու Ուկրաինայում ռուսական զորքերին «ջախջախիչ պարտության մատնելու» փորձերը։ Նրա խոսքով՝ Արևմուտքը պետք է Ուկրաինայի վրա ազդի՝ խաղաղ բանակցությունների վերսկսման համար։ Ուկրաինայի նախագահ Վլադիմիր Զելենսկին բացասաբար է արձագանքել Քիսինջերի հայտարարությանը՝ նշելով, որ նա կոչ է անում «Ուկրաինայից մի կտոր հանձնել Ռուսաստանին»։ Նա ասել է, որ այդ դիրքորոշումը հիշեցնում է Երկրորդ աշխարհամարտի նախաշեմին ստեղծված իրավիճակը։ Նորա Վանյան
15:45 - 26 մայիսի, 2022
Հայ-ամերիկյան հարաբերությունների օրակարգի շուրջ քննարկում են ունեցել ՀՀ վարչապետն ու ԱՄՆ-ի դեսպանը

Հայ-ամերիկյան հարաբերությունների օրակարգի շուրջ քննարկում են ունեցել ՀՀ վարչապետն ու ԱՄՆ-ի դեսպանը

Վարչապետ Նիկոլ Փաշինյանն ընդունել է Հայաստանի Հանրապետությունում Ամերիկայի Միացյալ Նահանգների արտակարգ և լիազոր դեսպան Լին Թրեյսիին: Վարչապետն ընդգծել է հայ-ամերիկյան համագործակցության, ռազմավարական երկխոսության ակտիվացումը և կարևորել ԱՄՆ-ի՝ որպես ԵԱՀԿ Մինսկի խմբի համանախագահող երկրի հստակ դիրքորոշումը Լեռնային Ղարաբաղի հիմնախնդրի կարգավորման հարցում, որը նպաստում է տարածաշրջանային կայունությանը: Նիկոլ Փաշինյանը նշել է, որ ՀՀ կառավարությունն առաջնորդվում է խաղաղության հաստատման օրակարգով և բարձր է գնահատում միջազգային գործընկերների, այդ թվում՝ Միացյալ Նահանգների շարունակական օժանդակությունն այդ գործընթացին: Լին Թրեյսին շնորհակալություն է հայտնել վարչապետին գնահատականի համար և վերահաստատել ԱՄՆ պատրաստակամությունը՝ շարունակելու աջակցությունը մեր երկրի ժողովրդավարական բարեփոխումներին, ԼՂ հիմնախնդրի կարգավորմանը, տարածաշրջանային կայունության հաստատմանը: Այս համատեքստում Լին Թրեյսին հիշատակել է օրեր առաջ ՀՀ վարչապետի՝ ԱՄՆ պետքարտուղար Էնթոնի Բլինքենի հետ ունեցած հեռախոսազրույցը, ինչպես նաև ամերիկյան կողմի գոհունակությունը հայտնել երկկողմ հարաբերությունների ակտիվացման գործում ԱՄՆ-ում ՀՀ դեսպան Լիլիթ Մակունցի ջանքերի կապակցությամբ: Զրուցակիցները մտքեր են փոխանակել հայ-ամերիկյան հարաբերությունների օրակարգի շուրջ:
13:36 - 26 մայիսի, 2022
Ռուսաստանը պետպարտքի վճարումները ռուբլով կկատարի

Ռուսաստանը պետպարտքի վճարումները ռուբլով կկատարի

Ռուսաստանը շարունակելու է սպասարկել իր պետական պարտքը նույնիսկ այն բանից հետո, երբ ԱՄՆ ֆինանսների նախարարությունը չի երկարաձգել դրա սպասարկման արտոնագիրը, «Կոմերսանտի» փոխանցմամբ՝ ասել է ՌԴ ֆինանսների նախարարությունը։ Գերատեսչությունը ներդրողներին վճարելու է ռուբլով։ ՌԴ ֆինանսների նախարար Անտոն Սիլուանովը նշել է, որ ներկայիս իրավիճակը նման չէ նրան, ինչ եղել է 1998 թ-ի դեֆոլտից առաջ, քանի որ երկիրն այժմ փող ունի։ «Հիմա փող կա, և վճարելու պատրաստակամություն նույնպես կա։ Ռուսաստանցիների կյանքի որակի վրա ոչ բարեկամ երկրի կողմից արհեստականորեն ստեղծված իրավիճակը չի ազդի»,- ասել է նախարարը։ ԱՄՆ արտոնագրի բացակայությունը նշանակում է, որ Ռուսաստանը չի կարող դոլարով վճարել իր արժեթղթերի սեփականատերերին ողջ աշխարհում, այլ արժույթով՝ գոնե ԱՄՆ տարածքում։ Նորա Վանյան
18:06 - 25 մայիսի, 2022
Հրաձգություն Թեքսասի տարրական դպրոցում. զոհվել է 19 աշակերտ |1lurer.am|

Հրաձգություն Թեքսասի տարրական դպրոցում. զոհվել է 19 աշակերտ |1lurer.am|

1lurer.am: Թեքսասի նահանգի Յուվալդի շրջանի տարրական դպրոցում կրակոցներ են տեղի ունեցել, որի հետևանքով 19 երեխա է մահացել, 3 մեծահասակ: Այս մասին հայտնել է սենատոր Ռոլանդ Գուտերեսը: Չարագործը դպրոց այցելելուց առաջ կրակել է իր տատիկի ուղղությամբ. նա ողջ է, սակայն ծայրահեղ ծանր վիճակում է: Հանրային անվտանգության դեպարտամենտի տվյալներով` կրակոցներին զոհ են դարձել 19 սաներ և 2 մեծահասակ: ԱՄՆ նախագահ Ջո Բայդենը, այս ողբերգությունից հետո դիմելով Կոնգրեսին, նշել է` ամերիկյան իշխանությունները պետք է պայքարեն զենքի լոբբիի դեմ և զենքի օրենսդրության մեջ անհրաժեշտ է լրացուցիչ սահմանափակումներ մտցնել: «Այս հարցում ավելի խիստ օրենքներ ընդունելու անկարողությունը զայրույթ է առաջացնում»,- նշել է Բայդենը: Վերջինս ընդգծել է. «Իբրև երկիր` մենք պետք է հարցնենք` երբ ենք, ի վերջո, մենք պատրաստվում հակազդել զենքի լոբբիին: Ես հոգնել եմ դրանից: Մենք պետք է գործենք: Ու չասեք, թե մենք այս կոտորածի վրա չենք կարող ազդել»:
09:45 - 25 մայիսի, 2022
Վարչապետ Փաշինյանը հեռախոսազրույց է ունեցել Էնթոնի Բլինքենի հետ

Վարչապետ Փաշինյանը հեռախոսազրույց է ունեցել Էնթոնի Բլինքենի հետ

Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ: Պետքարտուղարը բարձր է գնահատել տարածաշրջանում խաղաղություն և կայունություն հաստատելուն ուղղված ՀՀ կառավարության ջանքերը, ինչպես նաև Հայաստանում ժողովրդավարական բարեփոխումների ընթացքը: Զրուցակիցները մտքեր են փոխանակել Լեռնային Ղարաբաղի հիմնախնդրի կարգավորման, տարածաշրջանային կոմունիկացիաների բացման, տարածաշրջանային անվտանգության հարցերի վերաբերյալ: Վարչապետ Փաշինյանը տպավորություններն է կիսել մայիսի 22-ին Բրյուսելում տեղի ունեցած եռակողմ հանդիպման վերաբերյալ, ընդգծելով, որ թեև հանդիպումը, ընդհանուր առմամբ, դրական է գնահատում, հանդիպումից հետո ցավոք հնչել են քննարկումների բովանդակության հետ կապ չունեցող մեկնաբանություններ: Պետաքարտուղարը վերահաստատել է ԱՄՆ պատրաստակամությունը՝ շարունակել աջակցությունը Հայաստանի ժողովրդավարական բարեփոխումներին, Լեռնային Ղարաբաղի հիմնախնդրի կարգավորմանը, Հայաստան-Ադրբեջան սահմանների դեմարկացիային, տարածաշրջանային կոմունիկացիաների բացմանը և տարածաշրջանային կայունության հաստատմանը: Անդրադարձ է կատարվել նաև հատուկ ներկայացուցիչների մակարդակով Հայաստան-Թուրքիա քննարկումների ընթացքին: Զրուցակիցները պայմանավորվել են շարունակել Հայաստան-ԱՄՆ բարձր մակարդակի շփումները:
17:29 - 24 մայիսի, 2022
G7-ի բոլոր երկրները հավանություն են տվել հաջորդ գագաթնաժողովը Հիրոսիմայում անցկացնելու գաղափարին |armenpress.am|

G7-ի բոլոր երկրները հավանություն են տվել հաջորդ գագաթնաժողովը Հիրոսիմայում անցկացնելու գաղափարին |armenpress.am|

armenpress.am: «Մեծ յոթնյակի» (G7) բոլոր երկրները հավանություն են տալիս հաջորդ գագաթնաժողովը Ճապոնիայի Հիրոսիմայում անցկացնելու գաղափարին: Մայիսի 23-ին այդ մասին լրագրողներին հայտնել է Ճապոնիայի նախարարների կաբինետի գլխավոր քարտուղար Հիրոկաձու Մացունոն: «Մենք նախապես ստացել ենք G7-ի բոլոր երկրների հավանությունը»,- նշել է նա: Ավելի վաղ եկող տարի «յոթնյակի» գագաթնաժողովը Հիրոսիմայում անցկացնելու մտադրության մասին հայտարարել է Ճապոնիայի վարչապետ Ֆումիո Կիսիդան: Նա ընդգծել է, որ առաջիկա գագաթնաժողովի կարեւոր թեմա կդառնա միջուկային զենքի կիրառման սպառնալիքների անթյուլատրելիությունը: «Չկա ավելի հարմար վայր նման քննարկման համար, քան Հիրոսիման»,- հայտարարել է վարչապետը ԱՄՆ-ի նախագահ Ջո Բայդենի հետ կայացած համատեղ մամուլի ասուլիսում, որը նույնպես հավանություն է տվել Կիսիդայի ընտրությանը: Հիրոսիմայի եւ Նագասակիի ատոմային ռմբակոծումներն իրականացվել են ԱՄՆ-ի զինված ուժերի կողմից Երկրորդ համաշխարհային պատերազմի ամենավերջում: Դրանց պաշտոնական նպատակն է հարապարակվել Ճապոնիայի կայսրության կապիտուլացման արագացումը: Այդ գրոհները դարձել են մարդկության պատմության մեջ միջուկային զենքի մարտական կիրառման միակ օրինակը: Միացյալ Նահանգնեը մինչեւ հիմա չի ընդունում իր բարոյական պատասխանատվությունը ատոմային ռմբակոծումների համար՝ դրանք արդարացնելով ռազմական անհրաժեշտությամբ: 2016 թվականին Հիրոսիմայում տեղի է ունեցել G7-ի ԱԳՆ ղեկավարների հանդիպումը: Նույն տարում քաղաք է ժամանել Բարաք Օբաման՝ դառնալով ԱՄՆ-ի առաջին գործող նախագահը, որն այցելել է Հիրոսիմա: Այնտեղ նա, մասնավորապես, եղել է Խաղաղության թանգարանում եւ հանդիպել ատոմային ռմբակոծումը տեսած ճապոնացիների հետ, հաղորդել է ՏԱՍՍ-ը:
15:26 - 23 մայիսի, 2022
Չինաստանի ռազմական ներխուժման դեպքում ԱՄՆ զինված ուժերը կպաշտպանեն Թայվանը․ Ջո Բայդեն |factor.am|

Չինաստանի ռազմական ներխուժման դեպքում ԱՄՆ զինված ուժերը կպաշտպանեն Թայվանը․ Ջո Բայդեն |factor.am|

factor.am: ԱՄՆ նախագահ Ջո Բայդենը հայտարարել է, որ ԱՄՆ-ը ռազմական միջամտության կդիմի Թայվանը պաշտպանելու համար, եթե այն ենթարկվի Չինաստանի հարձակման, փոխանցում է The Guardian-ը։ Ելույթ ունենալով Տոկիոյում՝ Ճապոնիա կատարած այցի երկրորդ օրը, Բայդենն ասել է, որ ԱՄՆ-ի պատասխանատվությունը՝ պաշտպանելու ինքնավար կղզին, որը Չինաստանը համարում է անջատողական նահանգ, է՛լ «ավելի ուժեղացել է» Ուկրաինա ռուսական ներխուժումից հետո։ Պարբերականը նշում է, որ սա վերջին տասնամյակների ընթացքում ԱՄՆ-ի կողմից Թայվանին աջակցող ամենահզոր հայտարարություններից մեկն է։ «Իրավիճակը հետևյալն է՝ մենք համաձայնել ենք «Մեկ Չինաստանի» քաղաքականությանը, մենք հավատարիմ ենք դրան, և բոլոր պայմանավորվածությունները ձեռք են բերվել հենց այդ քաղաքականության շրջանակում։ Բայց այն գաղափարը, որ Թայվանը հնարավոր է ուժով գրավել, ուղղակի տեղին չի լինի», – հայտարարել է ԱՄՆ նախագահը։
14:21 - 23 մայիսի, 2022
«Դավոսը» վերադառնում է․ արդյո՞ք համաշխարհային էլիտան նկատել է, որ աշխարհը փոխվել է․ CNN

«Դավոսը» վերադառնում է․ արդյո՞ք համաշխարհային էլիտան նկատել է, որ աշխարհը փոխվել է․ CNN

Շվեյցարական Դավոս քաղաքում անցկացվում է Համաշխարհային տնտեսական համաժողովը։ Դրա շրջանակում քննարկվելու են իրավիճակն Ուկրաինայում, անհետաձգելի հումանիտար հարցերն ու անվտանգության խնդիրները, համավարակից հետո տնտեսության վերականգնումը և կլիմայական փոփոխությունների դեմ պայքարը։ Համաժողովին ներկա չի լինի ռուսական պատվիրակությունը, քանի որ Ուկրաինա ներխուժման պատճառով Ռուսաստանի դեմ ԱՄՆ և ԵՄ պատժամիջոցների ֆոնին համաժողովը կասեցրել է ՌԴ հետ հարաբերությունները։ CNN-ը գրում է Դավոսում քննարկվելիք խնդիրների մասին։ Հոդվածը ներկայացնում ենք կրճատումներով։ «Վերջին անգամ, երբ առաջատար քաղաքական գործիչները, ընկերությունների ղեկավարներն ու միլիարդատերերը հավաքվել էին շվեյցարական այս լեռնային քաղաքում՝ քննարկելու հասարակության ամենամեծ խնդիրներն ու ներկայացնելու իրենց լուծումները, Չինաստանում կորոնավիրուսի բռնկումը ոչ այլ ինչ էր, քան հեռավոր սպառնալիք։ Տնտեսությունը եռում էր, իսկ ամենախոշոր հակամարտությունը Եվրոպայում ներառված չէր որևէ մեկի՝ լուրջ ռիսկերի ցանկում։ Ավելի քան երկու տարի անց աշխարհը գլխիվայր շուռ եկավ Covid-19-ի համավարակի և Ուկրաինա Ռուսաստանի ներխուժման պատճառով։ Սակայն շվեյցարական Դավոս ժամանած հարուստ և ազդեցիկ անձանց համար քիչ բան է փոխվել։ Համաժողովը կոչված է միավորելու կարևոր մարդկանց՝ արդիական խնդիրերի համար լուծում գտնելու։ Այդ խնդիրներից են անհավասարությունը, կլիմայի փոփոխությունները, տեխնոլոգիաների ապագան և աշխարհաքաղաքական կոնֆլիկտը։ Սակայն, խնդիրների լուծման համար աշխարհի ամենահարուստ մարդկանցից ոմանց այս համաժողովին հրավիրելու տրամաբանությունը մեր օրերում էլ ավելի անկատար է։ Oxfam-ի՝ հունվարին հրապարակած հաշվետվության համաձայն՝ համավարակի ընթացքում միլիարդատերերն իրենց կարողությունն ավելացրել են 5 տրլն դոլարով։ Իսկ տասնյակ միլիոնավոր մարդիկ ողջ աշխարհում հայտնվել են ծայրահեղ աղքատության մեջ համաշխարհային տնտեսության կանգի պատճառով։ Ֆինանսական շուկայում այս տարվա զեղչված գներով վաճառքները հարվածել են գերհարուստների գրպանին։ Սակայն սա չի սփոփի զարգացած և զարգացող երկրների այն մարդկանց, որոնք վերջին տասնամյակներում կենսաապահովման վատթարագույն ճգնաժամին են բախվել։ Սննդամթերքի և վառելիքի գների սրընթաց աճն արդեն հանգեցնում է սովի և զրկանքների, անկայունություն բերում, ցույցեր առաջացնում։ 2022 թ․-ի համաժողովը պլանվորվում էր անցկացնել հունվարին, սակայն այն հետաձգվել էր կորոնավիրուսի «օմիկրոն» շտամի տարածման պատճառով։ Մինչ կազմակերպիչները նախապատրաստում էին գարնանային հանդիպումը, ծանրաքաշ մասնակիցներից շատերի մոտ ժամանակացույցի խնդիրներ էին առաջանում, ոմանք էլ հրաժարվում էին մասնակցությունից։ ԱՄՆ խոշորագույն JPMorgan Chase բանկի գլխավոր տնօրեն Ջեյմի Դայմոնը չի մասնակցելու միջոցառմանը գրաֆիկի պատճառով, իսկ ԱՄՆ նախագահ Ջո Բայդենը, որը մեծ ելույթ էր ունեցել Դավոսի 2017 թ․-ի համաժողովում, այցով գտնվելու է Հարավային Կորեայում և Ճապոնիայում։ Չինաստանի ներկայությունը զգալիորեն կրճատվել է․ նրա խոշոր քաղաքները դեռևս համակված են կորոնավիրուսով: Գլխավոր իրադարձությունն, ըստ ամենայնի, լինելու է Ուկրաինայի նախագահ Վլադիմիր Զելենսկիի ելույթը երկուշաբթի օրը, որի ներկայությունն ակնկալվում է տեսակապի միջոցով։ Գերմանիայի կանցլեր Օլաֆ Շոլցն ու Եվրահանձնաժողովի նախագահ Ուրսուլա ֆոն դեր Լյայենը նույնպես ելույթ կունենան եկող շաբաթվա վերջում․ դրանցում բարձրացված հարցերը մանրամասն կքննարկվեն, քանի որ Եվրամիության երկրները փորձում են պայմանավորվածության գալ ռուսական նավթի էմբարգոյի շուրջ։ Նախկինում ռուսաստանցի քաղաքական գործիչներն ու օլիգարխները Դավոսի անքակտելի մասն էին։ Ռուսաստանի նախագահ Վլադիմիր Պուտինը դեռ անցյալ տարի է ելույթ ունեցել առցանց ձևաչափով անցկացված Համաշխարհային տնտեսական համաժողովում, նա հրավիրվել էր նաև համաժողովի մասնակիցների առջև ելույթ ունենալու 2015 թ․-ին՝ այն բանից հետո, երբ Ռուսաստանը բռնակցել էր Ղրիմը։ 2020 թ․-ին մասնակիցների թվում էին «Լուկոյլի», «Սբերբանկի» և «Յանդեքսի» ղեկավարներն, ինչպես նաև ՌԴ էներգետիկայի նախարարը։ Այս տարի Պուտինը չի մասնակցելու համաժողովին, ինչպես նաև ռուսաստանցի ոչ մի պաշտոնյա, մագնատ կամ ղեկավար։ Մինչդեռ ծրագրով նախատեսվում է այնպիսի հարցերի քննարկում, ինչպիսիք են «Սառը պատերազմ 2.0»-ն և «Վերադարձը պատերազմին»»։   Նորա Վանյան
21:01 - 22 մայիսի, 2022