Արմեն Գեւորգյան

ՀՀ 8-րդ գումարման Ազգային ժողովի «Հայաստան» խմբակցության պատգամավոր։

ՀՀ նախկին փոխվարչապետ, Ազգային անվտանգության խորհրդի նախկին քարտուղար, 2008-ին՝ Հայաստանի նախագահի աշխատակազմի ղեկավար։ Այժմ մեղադրվում է սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու մեջ:

Ծնվել է 1973 թվականի հուլիսի 8-ին, Երեւանում։ 

1990 թվականին ընդունվել է Օրենբուրգի պետական մանկավարժական ինստիտուտի պատմության ֆակուլտետ։

1991 թվականին տեղափոխվել և 1993 թվականին գերազանցությամբ ավարտել է Սանկտ-Պետերբուրգի պետական ծառայության ինստիտուտը։ 1993-1996 թթ. - Սանկտ-Պետերբուրգի Գերցենի անվան ռուսաստանյան մանկավարժական համալսարանի ասպիրանտ, որն ավարտելիս պաշտպանել է գիտությունների թեկնածուի ատենախոսություն։

1995-1996 թթ. համատեղությամբ ավարտել է Տվենտեի (Նիդերլանդներ) համալսարանի մագիստրատուրան «Կրթության և վերապատրաստման համակարգերի ծրագրավորում» մասնագիտությամբ։

1997-1998 թթ. զբաղեցրել է ՀՀ վարչապետի օգնականի պաշտոնը։

1998 թվականի ապրիլի 13-ից եղել է ՀՀ նախագահի օգնական, օգոստոսից՝ ՀՀ Նախագահի առաջին օգնական, աշխատակազմի ղեկավարի առաջին տեղակալ։ 2000-2006 թթ. - ՀՀ Նախագահի առաջին օգնական։ 2006 թվականի փետրվարին նշանակվել է ՀՀ Նախագահի աշխատակազմի ղեկավար։

2007 թվականի հունիսից մինչև 2008 թ ապրիլը զբաղեցրել է նաև Ազգային անվտանգության խորհրդի քարտուղարի պաշտոնը։ 2008 թվականի ապրիլի 21-ին ՀՀ Նախագահի հրամանագրով նշանակվել է ՀՀ տարածքային կառավարման նախարար։

2008 թվականի ապրիլի 21-ին ՀՀ Նախագահի հրամանագրով նշանակվել է ՀՀ փոխվարչապետ։ 

2008 թվականի մայիսի 6-ին ՀՀ Նախագահի հրամանագրով նշանակվել է ԱՊՀ տնտեսական խորհրդի անդամ։ 2009 թվականի հոկտեմբերի 8-ին ՀՀ Նախագահի հրամանագրով նշանակվել է Անկախ պետությունների համագործակցության հարցերով Հայաստանի Հանրապետության ազգային համակարգող։

2013 թ. մայիսի 8-ին ՀՀ Նախագահի հրամանագրով վերանշանակվել է ՀՀ տարածքային կառավարման նախարարի պաշտոնում։ 2013 թ. մայիսի 8-ին ՀՀ Նախագահի հրամանագրով վերանշանակվել է ՀՀ փոխվարչապետի պաշտոնում։ 2014 թ. ապրիլի 26-ին ՀՀ Նախագահի հրամանագրով վերանշանակվել է ՀՀ տարածքային կառավարման նախարարի պաշտոնում։

2014 թվականի ապրիլի 27-ին ՀՀ Նախագահի հրամանագրով վերանշանակվել է ՀՀ փոխվարչապետի պաշտոնում։

2016 թվականի հունիսի 6-ին ՀՀ Նախագահի հրամանագրով նշանակվել է ՀՀ ազգային անվտանգության խորհրդի քարտուղար:

2016 թվականի հոկտեմբերի 3-ին ՀՀ Նախագահի հրամանագրով նշանակվել է Հայաստանի Հանրապետության Նախագահի աշխատակազմի ղեկավար, 2018 թվականի ապրիլի 18-ին ազատվել է զբաղեցրած պաշտոնից:

2018 թվականի ապրիլի 18-ին նշանակվել է ՀՀ փոխվարչապետ։

2018 թվականին որպես մեղադրյալ է ներգրավվել Մարտի 1-ի գործով։

Դատախազը միջնորդեց բեկանել Քոչարյանին և մյուսներին արդարացնելու որոշումը |armenpress.am|

Դատախազը միջնորդեց բեկանել Քոչարյանին և մյուսներին արդարացնելու որոշումը |armenpress.am|

armenpress.am: Վերաքննիչ քրեական դատարանում Ռոբերտ Քոչարյանի և մյուսների գործով շարունակվում է առաջին ատյանի դատարանի որոշման դեմ բողոքի քննությունը: Գլխավոր դատախազի տեղակալ Գևորգ Բաղդասարյանը ներկայացրեց դատախազության բողոքը և Վերաքննիչ դատարանին միջնորդեց բեկանել առաջին ատյանի դատարանի` ՀՀ երկրորդ նախագահ Ռոբերտ Քոչարյանին, 2008-ին Զինված ուժերի գլխավոր շտաբի պետ Սեյրան Օհանյանին, 2008-ին ՀՀ պաշտպանության նախարարի տեղակալ Յուրի Խաչատուրովին և 2008-ին Հայաստանի նախագահի աշխատակազմի ղեկավար, Անվտանգության խորհրդի քարտուղար Արմեն Գևորգյանին արդարացնելու որոշումը և քրեական գործն ուղարկել դատարան` նոր քննության: «Սահմանադրական դատարանի որոշմամբ` քրեական հոդվածը, որով մեղսագրվում էր ամբաստանյալների արարքը, դադարեց գոյություն ունենալ, բայց չդադարեց գոյություն ունենալ այն արարքը, որը կատարվել է և որը նկարագրված է իրենց մեղադրանքներում: Այդ արարքները այդ նկարագրությամբ կարող են որակվել Քրեական օրենսգրքի 309 հոդվածի 3-րդ մասով (պաշտոնեական լիազորություններն անցնելը, որը անզգուշությամբ առաջացրել է ծանր հետևանքներ- խմբ.)»,- ասաց Բաղդասարյանը:
13:02 - 30 օգոստոսի,2021
Հայաստանը հյուսիս-հարավ հաղորդակցման միջանցքին մաս դառնալու պատմական հնարավորություն ունի. Արմեն Գևորգյան |armenpress.am|

Հայաստանը հյուսիս-հարավ հաղորդակցման միջանցքին մաս դառնալու պատմական հնարավորություն ունի. Արմեն Գևորգյան |armenpress.am|

armenpress.am: Տարածաշրջանում խաղաղությունը պետք է լինի երկարատև և արժանապատիվ, զարգացման հնարավորությունները բոլոր երկրների համար պետք է լինեն շահավետ, իսկ տարածաշրջանի բոլոր դերակատարների շահերը պետք է լինեն համարժեք, պատմականորեն հիմնավորված և դրական: Ազգային ժողովի ամբիոնից այս մասին հայտարարեց «Հայաստան» խմբակցության պատգամավոր, Տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու Արմեն Գևորգյանը: «Այսօր Հայաստանը գտնվում է ուժեղ ճնշման ներքո տարածաշրջանային հաղորդակցության ուղիները բացելու համար: Եթե ներկայում առկա միտումները շարունակվեն, ապա Հայաստանի տարածքում բախվելու են բազմաթիվ արտաքին խաղացողների շահեր: Սա է իրականությունը, որը մեզ համար ձևավորում է նոր, ռեգիոնալ ռիսկեր: Այս իրավիճակն էլ ավելի չբարդացնելու համար մենք պետք է գործենք բաց և թափանցիկ, պետք է պարզենք՝ արդյո՞ք ռեգիոնալ ապաշրջափակման հարցով արտաքին ուժերի հետ դեռևս կան չհրապարակված պարտավորություններ կամ խոստումներ»,-ասաց Գևորգյանը: Պատգամավորի խոսքով` անգամ ճանապարհների ապաշրջափակման դեպքում կարելի է ձևավորել Արցախի և Հայաստանի շահերի համար նպաստավոր օրակարգ՝ օրինակ, խնդիր դնել Հայաստանը դարձնել տարանցիկ երկիր: «Եթե վերոնշյալի շուրջ գործող իշխանություններն արդեն իսկ ունեն պարտավորություններ և գնալու են այդ ճանապարհով, ապա խորհրդարանի խնդիրն է օգտագործել առկա ողջ գործիքակազմը՝ այդ գործընթացի հետևանքները մեղմելու և հայ ժողովրդի համար բարենպաստ դարձնելու, իսկ անհրաժեշտության դեպքում վտանգավոր միտումները կանխելու համար»,- ընդգծեց Արմեն Գևորգյանը: Պատգամավորի համոզմամբ` Հայաստանը պատմական հնարավորություն ունի հյուսիս-հարավ հաղորդակցման միջանցքին մաս դառնալու` Քաջարանի թունելի կառուցման ճանապարհով, ինչպես նաև ուժերի լարումով անցնել  գործնական քայլերի ՝ Իրանի հետ ազատ առևտրի ռեժիմն ակտիվացնելու ուղղությամբ:
17:04 - 11 օգոստոսի,2021
«Հայաստան»-ը տարածաշրջանային և եվրասիական ինտեգրման հարցերի հանձնաժողովի նախագահի թեկնածու է առաջադրել Արմեն Գևորգյանին |armenpress.am|

«Հայաստան»-ը տարածաշրջանային և եվրասիական ինտեգրման հարցերի հանձնաժողովի նախագահի թեկնածու է առաջադրել Արմեն Գևորգյանին |armenpress.am|

armenpress.am: «Հայաստան» խմբակցությունը Ազգային ժողովի տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու է առաջադրել Արմեն Գևորգյանին: Արմեն Գևորգյանի կենսագրությունը ներկայացրեց «Հայաստան» խմբակցության պատգամավոր Արմեն Ռուստամյանը: Արմեն Գևորգյանն իր ելույթում նշեց, որ խորհրդարանական կառավարման համակարգում չափազանց մեծ է Ազգային ժողովի մշտական հանձնաժողների դերը` օրենսդրական մշակման հարցերից, մինչև արտաքին կապեր և խորհրդարանական վերահսկողություն: Պատգամավորը ներկայացրեց տարածաշրջանային համագործակցության և եվրասիական ինտեգրման հարցերի առնչությամբ իր պատկերացումները: « 44-օրյա պատերազմը փոխել է Հարավային Կովկասի անվտանգային դիմագիծը և աշխարհաքաղաքականությունը: Պատերազմի հետևանքները փոխել են Հայաստանի ու Արցախի տեղն ու դերը այս ճարտարապետության մեջ: Զգալիորեն թուլացած ու անվտանգային լրջագույն խնդիրների շեմին գտնվելով, հայ ժողովրդին, այնուամենայնիվ, պատմականորեն վիճարկված է ապրել այս հողի վրա ու այս տարածաշրջանում: Հարևաններին ընտրելու հնարավորություն տրված չէ: Մենք այստեղ ապրում ենք դարերով և պետք է շարունակենք ապրել և արարել: Դրա համար անհրաժեշտ է արժանապատիվ խաղաղություն և գրագետ տարածաշրջանային համագործակցություն, որի միջավայրը, նոր իրողություններից ելնելով, պետք է մեր պետությունը կառուցի իր ազգային անվտանգության շահերի խորը գիտակցմամբ»,- ասաց Գևորգյանը:
16:34 - 11 օգոստոսի,2021
Ռոբերտ Քոչարյանի և Արմեն Գևորգյանի գործով դատական նիստը հետաձգվեց. Գևորգյանին բերման կենթարկեն դատարան |armenpress.am|

Ռոբերտ Քոչարյանի և Արմեն Գևորգյանի գործով դատական նիստը հետաձգվեց. Գևորգյանին բերման կենթարկեն դատարան |armenpress.am|

armenpress.am: Երևանի ընդհանուր իրավասության դատարանը (Շենգավիթի նստավայր), նախագահությամբ դատավոր Աննա Դանիբեկյանի, մեկ շաբաթով հետաձգեց ՀՀ երկրորդ նախագահ Ռոբերտ Քոչարյանի և նախկին փոխվարչապետ, ներկայումս ՀՀ ԱԺ պատգամավոր Արմեն Գևորգյանի գործով դատական նիստը։ Արմեն Գևորգյանի պաշտպան Էրիկ Ալեքսանյանը միջնորդեց հետաձգել նիստը՝ հաշվի առնելով այն հանգամանքը, որ իր պաշտպանյալ Արմեն Գևորգյանն ընտրվել է ԱԺ պատգամավոր և այժմ մասնակցում է խորհրդարանի աշխատանքներին։ «Իմ պաշտպանյալը նաև առաջադրվել է Տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու: Հանձնաժողովների նախագահների ընտրության գործընթացը սկսել է օգոստոսի 9-ից և դեռ ընթացքի մեջ է: Խնդրում եմ բացակայությունը համարել հարգելի»,- ասաց Ալեքսանյանը: Նա նաև նշեց, որ «Հայաստան» խմբակցությունը դիմում է ներկայացրել Սահմանադրական դատարան՝ պատգամավորի անձեռնմխելիության հարցով: Ռոբերտ Քոչարյանի պաշտպան Հովհաննես Խուդոյանը դիմելով դատարանին՝ ասաց, որ համաձայն է նիստը հետաձգելուն: «Ունեմ նաև մեկ վերապահում՝ կա 1 միջնորդություն, որը գործընկերս է ներկայացրել՝ Սեդրակ Քոչարյանի իրավունքների հարցը քննարկելու համար: Կարծում եմ, որ պարոն Գևորգյանի բացակայությունը չի խոչընդոտում այդ հարցը քննարկելուն, որովհետև առնչություն չունի իր շահերի և իրավունքների հետ»,- ասաց Խուդոյանը: Ի պատասխան դատավոր Աննա Դանիբեկյանը նշեց, որ ամբաստանյալի բացակայությամբ դատարանը հնարավոր չի համարում որևէ այլ հարցի քննարկում, բացի  նրա բացակայության հետ կապված հարցերից:  «Նախորդ նիստի ժամանակ դատարանը չի արձանագրել Արմեն Գևորգյանի անհարգելի բացակայության հանգամանքը՝ հաշվի առնելով, որ նոր ձևավորված ԱԺ-ի առաջին նիստն էր: Հաշվի առնելով, որ նման վարքագիծը կրկնվում է, դատարանն այստեղ անբարեխղճություն է տեսնում Արմեն Գևորգյանի կողմից: Դատարանը համարում է, որ Գևորգյանը դատարան չի ներկայացել անհարգելի պատճառի:   Դատախազ Գևորգ Բաղդասարյանը դատարանին առաջարկեց հաջորդ դատական նիստին բերման ենթարկել Արմեն Գևորգյանին:   «Արմեն Գևորգյանն ունի նոր կարգավիճակ, նա անձեռնմխելի է և որևէ հարկադրանքի միջոց, առանց ԱԺ-ի թույլտվության չի կարող կիրառվել: Դատախազի նման որոշումը չի բխում քրեական դատավարության և Սահմանադրության պահանջներից»,- դատախազի նման առաջարկին հակադարձեց Էրիկ Ալեքսանյանը: Դանիբեկյանն ընդգծեց, որ հաշվի առնելով հանգամանքը, որ Արմեն Գևորգյանը նիստին չի ներկայացել անհարգելի պատճառով, անհրաժեշտ է միջոցներ կիրառել հաջորդ նիստին Գևորգյանի ներկայությունն ապահովելու համար: «Դատարանն այդ պատճառաբանությամբ, ղեկավարվելով ՀՀ քրեական դատավարության օրենսգրքի 153-րդ հոդվածով, որոշեց հաջորդ նիստին բերման ենթարկել Արմեն Գևորգյանին»,- ասաց Դանիբեկյանը: Հաշվի առնելով, որ դատական նիստը չի կարող շարունակվել առանց դատավարության մասնակիցներից որևէ մեկի, դատարանը հետաձգեց գործի քննությունը մինչև օգոստոսի 17-ը, ժամը 13:00-ն:
14:26 - 10 օգոստոսի,2021
Չսխալվել ամենակարևոր պահին, չանել որևէ անօրինական հրահանգ. հրաժարվե´ք կիրառել վարչական լծակները, նժարին մեր պետությունն է․ վաղվա մեր զղջումը կարող է արժեք չունենալ․ Արմեն Գևորգյանը՝ համայնքապետերին

Չսխալվել ամենակարևոր պահին, չանել որևէ անօրինական հրահանգ. հրաժարվե´ք կիրառել վարչական լծակները, նժարին մեր պետությունն է․ վաղվա մեր զղջումը կարող է արժեք չունենալ․ Արմեն Գևորգյանը՝ համայնքապետերին

Former RA Deputy Prime Minister, former Minister of Territorial Administration, Chief of Staff of the "Armenia" alliance Armen Gevorgyan has issued a statement appealing to the leaders of all communities in Armenia.  "Dear community leaders. I appeal to you because I am confident in your patriotism and state consciousness. I address you as a person who has worked for many years as the Minister of Territorial Administration and is well acquainted with the problems of the communities of Armenia. I appeal to you with the conviction that many of you are aware of my approaches to justice and principle. They have not changed. Today we are facing a very important choice. I would not like to make this statement, but yes, we are in a situation where tomorrow may be really late. Tomorrow our regrets may not have any value, as they will not change the course of our history. We can turn this process in our favor only with the right choice on June 20. Only good wishes will not insure us from anything. This choice is as simple as it is complicated. The choice is about Armenia's existence, it is either in our unceasing humiliation or in our dignified peace. Please, do not give in to the pressures of the current authorities. We have a lot of work to do together, our country is wounded, they want to humiliate our people. Let's not allow it together. If we make a mistake today, if we give in today, if we break today, tomorrow may be too late. Let's turn the page of defeat together," Gevorgyan wrote.  
12:45 - 17 հունիսի,2021
Ստույգ տեղեկություն չի լինի մեղադրյալների կարգավիճակի մասին. Քոչարյանի և Գևորգյանի նիստը կլինի ընտրություններից հետո |armtimes.com|

Ստույգ տեղեկություն չի լինի մեղադրյալների կարգավիճակի մասին. Քոչարյանի և Գևորգյանի նիստը կլինի ընտրություններից հետո |armtimes.com|

armtimes.com: Այսօր Երեւան քաղաքի ընդհանուր իրավասության դատարանում՝ դատավոր Աննա Դանիբեկյանի նախագահությամբ, սկսվեց Ռոբերտ Քոչարյանի և Արմեն Գևորգյանի գործով դատական նիստը: Դանիբեկյանը հայտնեց, որ Քոչարյանի պաշտպան Հայկ Ալումյանից ստացել է գրություն, ըստ որի, վերջինս վատառողջ է, ինչի հետևանքով չի կարողացել ներկայանալ այսօրվա դատական նիստին: Ռոբերտ Քոչարյանի մյուս պաշտպան Արամ Վարդևանյանից էլ դատարանը ստացել է գրություն, որով Վարդևանյանը տեղեկացրել է, որ նախընտրական քարոզարշավի շրջանակներում Ռոբերտ Քոչարյանը և Արմեն Գևորգյանը պետք է մասնակցեն միջոցառումների Արարատի մարզի մի շարք քաղաքներում, ինչի արդյունքում նրանք չեն կարող ներկայանալ այսօրվա դատական նիստին: Նշենք, սակայն, որ Գևորգյանը նիստերի դահլիճում էր: Դանիբեկյանը հայտնեց, որ ստացել է դիմում նաև մյուս պաշտպան՝ Արամ Օրբելյանի կողմից, ով նշում է, որ այլ գործի շրջանակներում դատական նիստի մասնակցելու պատճառով չի կարող ներկայանալ սույն գործով նիստին: Գործով դատախազ Պետրոս Պետրոսյանն ի պատասխան այս դիմումների նշեց, որ պատասխանող կողմի չներկայանալն անարգանք է դատարանի և գործին մասնակից անձանց նկատմամբ, քանի որ դատարանը նախորդ նիստին կայացրել էր որոշում, որ քարոզարշավը չի կարող հանդիսանալ խոչընդոտ այսօրվա դատական նիստի կայանալու հարցում: Գործով մյուս դատախազ Գևորգ Բաղդասարյանն էլ ասաց, որ ներկայացված դիմումներից և ոչ մեկը վստահություն չի ներշնչում. «Ինչ է նշանակում փաստաբանի օգնականի կողմից դիմում ներկայացնել դատարանին, «խաբար» են էլի ուղարկել, կամ ինչ է նշանակում՝ ես հիվանդ եմ, չեմ գալիս դատական նիստին: Վարդևանյանի ներկայացած դիմումն էլ հակասում է իրականությանը, քանի որ Արմեն Գևորգյանը հիմա ներկա է նիստին: Սրանք միջոցներ են դատական նիստերին հայեցողականորեն մոտենալու»,-ասաց Բաղդասարյանը: Աննա Դանիբեկյանը որոշեց նիստը հետաձգել եւ այն նշանակել ընտրություններից հետո՝ հունիսի 29-ին, ժամը՝ 13:00-ին, քանի որ հաջորդ երեքշաբթի՝ հունիսի 22-ին, դատավորի խոսքով դեռևս պաշտոնական տեղեկատվություն ընտրությունների արդյունքների վերաբերյալ հնարավոր է չլինեն. «Եվ դատարանը հնարավոր է ստույգ տեղեկություններ չունենա ամբաստնյալների կարգավիճակի մասին»,-եզրափակեց Դանիբեկյանը:
14:10 - 15 հունիսի,2021
Հանրության մոտ սկսում է հետաքրքրություն ձևավորվել ոչ միայն ընտրական գործընթացի այլ նաև մեր՝ «Հայաստան» դաշինքի նկատմամբ․ Արմեն Գեւորգյան

Հանրության մոտ սկսում է հետաքրքրություն ձևավորվել ոչ միայն ընտրական գործընթացի այլ նաև մեր՝ «Հայաստան» դաշինքի նկատմամբ․ Արմեն Գեւորգյան

Առաջին հերթին ուզում եմ կիսվել ձեզ հետ կարճ, հիմնական, ներածական մտքերով։ Առաջինը ուզում եմ նշել, որ հունիսի  7-ին սկսվում է քարոզարշավը և «Հայաստան» դաշինքը բավականին կազմակերպված և հնարավոր բոլոր ռեսուրսները մոբիլիզացված կազմակերպված մտնում ենք այդ գործընթացի մեջ։ Այս մասին «Հայաստան» դաշինքի կենտրոնական շտաբի անդամների ճեպազրույցի ընթացքում ասաց «Հայաստան» դաշինքի կենտրոնական շտաբի ղեկավար Արմեն Գևորգյանը։ «Այս պահի դրությամբ մենք քիչ թե շատ ունենք մեր անելիքների հստակ պատկերացումները քարոզարշավի կազմակերպման ձևաչափով  ։ Ուզում եմ ձեզ տեղեկացնել, որ ամբողջ հանրապետությունով բացել ենք տարածքային շտաբեր։ Մենք առաջնորդվել ենք ոչ թե մարզային, այլ խորհրդային նախկին շրջանների բաժանումով։ Երևանում ունենք ըստ համայնքների կենտրոնական շտաբեր և նաև բազմաթիվ ենթաշտաբեր են բացվել ամբողջ հանրապետությունում ։ Այս պահի դրությամբ 800-ից ավելի ենթաշտաբեր ունենք բացված, և այդ գործընթացը այս պահին էլ շարունակվում է»։ Նա հավելեց, որ իրենց շատ է ոգևորում այն հանգամանքը, որ վերջին 15 օրվա ընթացքում այցելությունները, հոսքը դեպի իրենց շտաբեր ակտիվացել է, դա նշանակում է, որ   հանրության մոտ սկսում է հետաքրքրություն ձևավորվել ոչ միայն ընտրական գործընթացի այլ նաև մեր դաշինքի նկատմամբ։ «Մենք բավականին վճռական ենք տրամադրված , որպեսզի օգնենք մեր տեղի գործընկերներին և քարոզչական և կազմակերպչական աշխատանքները արվեն բարձր մակարդակով, որպեսզի որևէ խնդիր չունենանք, և անախորժություններ չլինեն։ Մենք փորձում ենք առանց ուրիշների համար խնդիրներ առաջացնելու տանել մեր աշխատանքը և փորձել մեր բնակչությանը առաջին հերթին համոզել, քարոզել, հորդորել, որ անպայման մասնակցեն գալիք ընտրություններին և երկրորդը ընտրեն մեր դաշինքին։ Երկրորդը՝ ուզում եմ ձեզ տեղեկացենել, որ բավականին հետաքրքիր աշխատանք է սկսվել այս պահի դրությամբ մեր ներկայացված ծրագրի քննարկման շուրջ»,- ասաց Գեւորգյանը՝ ավելացնելով, որ բազմաթիվ առաջարկություններ են ստացել և սկսելու են մասնագիտական համայնքների հետ առանձին-առանձին հանդիպումներ, քննարկումներ։ Նա նշեց, որ փորձելու են նաև հայտնաբերել այն մարդկանց ում հետ կկարողանան առաջիկայում համատեղ աշխատել և համագործակցել։ «Պրոցեսները ամսի 20-ով չեն ավարտվելու, ես կարծում եմ, որ մենք երկար ճանապարհ ունենք անցնելու՝ երկիրը այս խորը ճահիճից հանելու համար»։
15:13 - 04 հունիսի,2021
«Հայաստան» դաշինքը ներկայացրեց իր նախընտրական ծրագիրը |armenpress.am|

«Հայաստան» դաշինքը ներկայացրեց իր նախընտրական ծրագիրը |armenpress.am|

armenpress.am: Առաջիկա արտահերթ խորհրդարանական ընտրություններին մասնակցելու հայտ ներկայացրած «Հայաստան»  դաշինքը մայիսի 29-ին ներկայացրեց իր թիմը և ծրագիրը: «Հայաստան» դաշինքի անդամ, ՀՀ  նախկին փոխվարչապետ Արմեն Գևորգյանը, ներկայացնելով իրենց նախընտրական ծրագիրը, նշեց, որ այն անվանել են «365 օր. Ապագան սկսվում է հիմա»: «Այս ծրագիրը մենք չենք համարում ավարտուն փաստաթուղթ, սա մեր սկզբունքային դիրքորոշումն է: Մեր նպատակն է հետադարձ կապի միջոցով ստանալ առաջարկներ, նոր գաղափարներ, ինչու չէ նաև առարկություններ: Մենք կոչով դիմում ենք հանրությանը, մասնագիտական համայնքներին․ ձեր կարծիքները չափազանց կարևոր են մեզ համար: Դրանով ընդգծում ենք մեր թիմի կարևոր սկբունքներից մեկը՝ մասնակցային կառավարում»,-ասաց Արմեն Գևորգյանը: Նրա խոսքով՝ ծրագիրը ներկայացվելու է բոլոր գյուղերում ու քաղաքներում՝ սպասելով առաջարկությունների  ու դիտողությունների, որպեսզի այն համալրվի ու դառնա ավելի աբողջական: Դրանով քաղաքացիներն ավելի մեծ արդյունքներ կտեսնեն: Արմեն Գևորգյանը նշեց, որ փաստաթղթում ներկայացրել են առաջընթացի հիմնական գաղափարները, որոշ հարցերում՝ կոնկրետ քայլեր: Այս  իմաստով սա տեսլականների, գաղափարների ու կոնկրետ գործողությունների համատեղում է: «Մենք ելնում ենք Հայաստանի այսօրվա իրողություններից, մենք առաջնորդվում ենք պետության զարգացման վերելքի հեռանկարով: Այս փաստաթուղթը քննարկումների, շտկումների արդյունքում կարող  է դառնալ ապագա կառավարության գործունեության իրատեսական ծրագիր: Մեր թիմն առաջարկում է աշխատող երկրի կոնցեպցիան»,-ասաց Արմեն Գևորգյանն՝ ընդգծելով, որ դա վերաբերվում է պետական համակարգին, որը պետք է աշխատի արդյունավետ ու լավ վարձատրվի, դա վերաբերվում է անհատին, որը պետք է ունենա իր կյանքը կառուցելու լայն հնարավորություններ, դա վերաբերվում է մասնավոր հատվածին, որը պետք է ունենա աշխատելու բարենպաստ պայմաններ: Արմեն Գևորգյանը շեշտեց, որ աշխատող երկիր կոնցեպցիայի հիմքում մարդն է, ու դա չպետք է լինի զուտ կարգախոս, այլ՝ հեռանկարի հիմնաքարը:  ՀՅԴ ԳՄ ներկայացուցիչ, դաշինքի անդամ Իշխան Սաղաթելյանը նշեց, որ ծանոթ են երկրում առկա խնդիրներին, գիտեն դրանք լուծելու ճանապարհները, ունեն թիմ, փորձառություն՝ դրանք լուծելու համար: «Ստեղծված իրավիճակում արմատական փոփոխությունների անհրաժեշտություն կա, մեր պետականության, ինքնիշանության հետագա կորուստները հնարավոր է հաղթահարել միայն միասնական ազգային պետական քաղաքականության ու դա իրականացնելու վճռականությամբ: Մեր բոլոր քայլերի հիմքում, իբրև առաջնահերթություն, ներազգային պառակտվածության հաղթարահումն ու ատելության մթնոլորտի բացառումն է լինելու: Վերականգնելու ենք համերաշխության, երկխոսության կենսական մթնոլորտը: Դա ազգային միասնականության օրվա հրամայականն է: Միայն այդպես է հնարավոր ապահովել Հայաստանի բնականոն զարգացումը»,-ասաց Իշխան Սաղաթելյանը: Նրա խոսքով՝ Հայաստանի և Սփյուռքի քաղաքական, ֆինանսական և մտավոր ներուժի համախմբումը բացառիկ անհրաժեշտություն է: Այն պետք է արդյունավետ իրականացվի տնտեսական, սոցիալական, մշակութային, կրթական առհասարակ զարգացման բոլոր ուղղություններին համապատասխան: «Հայաստան-Արցախ-Սփյուռք եռամիասնության շրջանակում ձևավորելու ենք ամբողջական օրակարգ: Կասեցնելու ենք սպասվող արտագաղթի նոր ալիքը, խթանելու ենք հայրենադարձությունը, վերանայելու ենք երկքաղաքացիներին երկրի պետական կառավարման մեջ ներգրավելու  սահմանափակումները: Վերականգնելու ենք Հայաստանի հանդեպ Սփյուռքի վստահությունը»,-ասաց Իշխան Սաղաթելյանը: Նախատեսվում են հատուկ նպատակային ծրագրեր արտերկրյա մասնագետների համար: Պատասխանատու քաղաքացի, ներառական հասարակություն, ազգային ուժեղ պետություն, ըստ Իշխան Սաղաթելյանի՝ սա է լինելու համազգային ներուժի համախմբման ուղենիշը: «Հայաստան դաշինք»-ի առաջնորդ, ՀՀ երկրորդ նախագահ Ռոբերտ Քոչարյանը, անդրադառնալով անվտանգության ու արտաքին քաղաքական հարցերին, նշեց, որ այդ ոլորտներում առկա է ձախողում: Առաջին աշխատանքը, որ կատարելու են, զինված ուժերի մատունակության վերականգնումն է: Նրա խոսքով՝ արժանապատիվ խաղաղություն ապահովելու համար, այլ ճանապարհ չկա: Բանակը երկրի անվտանգության ողնաշարն է, այն պետք է լինի ժամանակակից, պրոֆեսիոնալ ու մարտունակ: «Մեր բանակը աջակցության ու լուրջ բարեփոխման կարիք ունի: ԱԱԾ-ն պետք է կրկին երկրի անվտանգության հարցերով զբաղվի: Ոստիկանությունը ստեղծված չէ մեկ պաշտոնիայի անվտանգ տեղաշարժն ապահովելու համար: Մենք կվերադարձնենք ոստիկանությունը ՀՀ օրենքներով գործառույթների դաշտ»,-ասաց Ռոբերտ Քոչարյանը: Արտաքին քաղաքականության ոլորտում, ըստ Ռոբերտ Քոչարյանի, կվերականգնեն վստահությունը երկրի հանդեպ՝ որպես կանխատեսելի ու հասկանալի գործընկերոջ: Երկկողմանի մակարդակով բարեկամ պետություններին կառաջարկվի նոր ու հասկանալի օրակարգ: «Մենք ունենք արագ վերականգնման ներուժ: Մենք կանենք ամեն ինչ, որ դա հետաքրքիր և կենսական կարևոր հարց դառնա նաև մեր դաշնակիցների ու առաջին հերթին Ռուսաստանի համար: Չափազանց կարևոր է նոր օրակարգ ձևավորելը: Մենք չենք կարող նոր գաղափարներ առաջ չբերել: Մենք ի վիճակի ենք մեր բարեկամների հետ ապահովել ու պաշտպանել ՀՀ-ի շահերը: Մենք կվերականգնենք մեր կորցրած դիրքերը միջազգային կառույցներում»,-հավելեց Ռոբերտ Քոչարյանն՝ ընդգծելով, որ պետք է շարժվել դեպի ուժեղ Հայաստան:  
20:55 - 29 մայիսի,2021
Քոչարյանի և Արմեն Գևորգյանի կաշառքի գործով դատական նիստը կրկին հետաձգվեց |armtimes.com|

Քոչարյանի և Արմեն Գևորգյանի կաշառքի գործով դատական նիստը կրկին հետաձգվեց |armtimes.com|

armtimes.com: Այսօր Երեւան քաղաքի ընդհանուր իրավասության դատարանում՝ դատավոր Աննա Դանիբեկյանի նախագահությամբ, սկսվեց Ռոբերտ Քոչարյանի և Արմեն Գևորգյանի գործով դատական նիստը: Դանիբեկյանը նշեց, որ միջնորդություն է ստացել Գևորգյանի պաշտպան Էրիկ Ալեքսանյանից՝ նիստը հետաձգելու մասին, քանի որ վերջինս գտնվում է արձակուրդում: Դիմելով Գևորգյանին՝ դատավորը նշեց, որ նրա մյուս պաշտպանը՝ Վարդգես Գևորգյանը նույնպես ներգրավված է այս գործում, և հետաքրքրվեց, թե ինչու ասյօր նա չի ներկայացել դատական նիստին: Արմեն Գևորգյանն էլ նշեց, որ այն ժամանակ դեռ ՍԴ-ի որոշումը չկար ՀՀ ՔՕ 300.1 հոդվածով, իսկ հիմա այլ գործ է քննվում, և նա նպատակահարմար չի գտնում, որ Վարդգես Գևորգյանը ներկայանա այս նիստերին: Գործով դատախազ Գևորգ Բաղդասարյանն էլ նշեց, որ նորմալ չէ, երբ նախօրոք օր է դատարանը որոշում, իսկ պաշտպանական կողմի պաշտպանը արձակուրդ է գնում այդ օրերին. «Բացակայությունը հարգելի չէ և խոսում է դատարանի նկատմամբ անհարգալից վերաբերմունք ունենալու մասին»: Գործով մյուս ամբաստանյալ Ռոբերտ Քոչարյանի պաշտպան Արամ Վարդևանյանն էլ հիշեցրեց, որ ՍԴ-ի դիմումի հրապարակումից հետո հրավիրված դատական նիստին էլ ներկա չէին դատախազները. Վարդևանյանը նշեց, որ արձակուրդ գնալու մեջ ոչ մի արտառոց չկա, բոլորն էլ իրավունք ունեն արձակուրդ գնալու: Շարունակությունը՝ armtimes.com-ում
13:54 - 25 մայիսի,2021
Արմեն Գևորգյանը մանիպուլյատիվ էֆեկտով փորձում է ստեղծել տոտալ վախի մթնոլորտի առկայության պատրանք. գլխավոր դատախազի խորհրդական

Արմեն Գևորգյանը մանիպուլյատիվ էֆեկտով փորձում է ստեղծել տոտալ վախի մթնոլորտի առկայության պատրանք. գլխավոր դատախազի խորհրդական

ՀՀ գլխավոր դատախազի խորհրդական Գոռ Աբրահամյանը Ֆեյսբուքի էջում անդրադարձել է նախկին փոխվարչապետ Արմեն Գևորգյանի գրառմանը:    «ՀՀ նախկին փոխվարչապետ Արմեն Գևորգյանը գրառում է կատարել սոցիալական ցանցերից մեկում, որը տարածվել է նաև հայրենի մեդիամիջավայրում։   Ի թիվս մի շարք պնդումների, պարոն Գևորգյանը նաև նշել է, թե «Իշխանությունները բացահայտ շանտաժի են ենթարկում համայնքների ղեկավարներին և բիզնեսի ներկայացուցիչներին: Նոր քրեական գործեր են հարուցվում: Բոլորից պահանջվում է ենթարկվել իշխանությունների կամքին: Սա կոչվում է՝ իրական ժողովրդավարություն գործողության մեջ …»։   Հատկանշական և ակնառու է այն հանգամանքը, որ ակնհայտ հանցակազմ պարունակող «համայնքի ղեկավարներին և բիզնեսի ներկայացուցիչներին բացահայտ շանտաժի ենթարկելու», այդ համատեքստում նոր, թերևս ապօրինի քրեական գործեր հարուցելու, «իշխանության կամքին ենթարկվելու պահանջներ ներկայացնելու» մասին պնդումներ անելիս բազմափորձ Ա․ Գևորգյանը դրանք հաստատող որևէ կոնկրետ դեպք, փաստ, անգամ տվյալ չի վկայակոչում՝ մանիպուլյատիվ էֆեկտով փորձելով ստեղծել տոտալ վախի մթնոլորտի առկայության պատրանք։   Հարկ ենք համարում հիշեցնել, որ քրեական գործերը հարուցվում են կոնկրետ հանցագործության դեպքերի առթիվ՝ համապատասխան կոնկերտ օրինական առիթների և հիմքերի առկայությամբ։ Քրեական վարույթները հարուցումը քմահաճույք չէ, որպեսզի օգտագործվի քաղաքական, հանցավոր նպատակներով։ Իսկ եթե առկա են նմանատիպ երևույթների վերաբերյալ կոնկրետ տեղեկություններ, մարդկանց շանտաժի ենթարկելու, նրանց նկատմամբ ապօրինի քրեական գործեր հարուցելու կամ թեկուզ այդպիսի սպառնալիք հնչեցվելու մասին հավաստող տվյալներ, յուրաքանչյուրի պարտքն է, անկախ դրանց մասին հանրայնացնելու հանգամանքից, նախևառաջ բոլորին հայտնի իրավական ընթացակարգով դիմելու իրավապահ մարմիններին։ Եվ պարոն Գևորգյանը հիմա էլ կաշկանդված չէ իրեն հայտնի տվյալները (եթե հայտնի են, իհարկե) իրավապահ մարմիններին տրամադրելու հնարավորությունից։   Հակառակ դեպքում նմանատիպ ընդհանրական հայտարարությունները, պնդումները ոչ այլ ինչ են, քան քարոզչական մոտիվներով հանրային տրամադրությունների վրա ներգործելու, իսկ նախընտրական շրջանում՝ ընտրողների մոտ անպաշտպանվածության զգացումներ սերմանելու փորձեր։   Իրավապահ մարմիններն ունեն քաղաքական զսպվածության օրենսդրական պահանջ և այդ պահանջի խախտումն ինքնին արդեն հանցավոր դրսևորում է։   ՀՀ դատախազությունը հստակ հայտարարել է, որ խստագույնս և մեծ պատասխանատվությամբ է մոտենալու առաջիկա ընտրությունների ողջ ընթացքում ընտրական առերևույթ հանցագործությունների վերաբերյալ ստացվող տեղեկություններին՝ յուրաքանչյուր կոնկրետ դեպքում, բավարար հիմքերի առկայության պարագայում, ապահովելով դրանց իսկության պարզմանը, քրեական գնահատականներ տալուն ուղղված համապատասխան իրավական, քրեադատավարական ընթացակարգեր՝ անկախ նրանից, թե քաղաքական դաշտի որ բևեռին դրանք կվերաբերեն, հասարակական, պաշտոնեական ինչպիսի դիրք զբաղեցնող անձանց կառնչվեն։   Կրկին հիշեցնում ենք, որ այդ նպատակով ՀՀ գլխավոր դատախազությունում ձևավորված է աշխատանքային խումբ, որը պատրաստ է արագ արձագանքելու բոլոր կոնկրետ ահազանգերին։   Ուստի հատկապես ընտրական գործընթացներում ներգրավված բոլոր սուբյեկտներին, բոլոր անձանց հորդորում ենք ցուցաբերել պատասխանատու վարքագիծ, ձեռնպահ մնալ ցանկացած տիպի անհիմն, չփաստարկված նման հայտարարություններ հնչեցնելու, դրանցով առանց այն էլ լարված մթնոլորտն արհեստականորեն ավելի լարելու գայթակղությունից»,- գրել է Աբրահամյանը։
13:40 - 23 մայիսի,2021
Արմեն Գևորգյանը չի ընդունում ՀՀ հատուկ քննչական ծառայության իրեն առաջադրած մեղադրանքը |armenpress.am|

Արմեն Գևորգյանը չի ընդունում ՀՀ հատուկ քննչական ծառայության իրեն առաջադրած մեղադրանքը |armenpress.am|

armenpress.am: «Հայաստան» դաշինքի շտաբի պետ Արմեն Գևորգյանը չի ընդունում ՀՀ հատուկ քննչական ծառայության՝ իրեն առաջադրած մեղադրանքը: Գևորգյանի փաստաբան Էրիկ Ալեքսանյանն ասաց, որ ՀՔԾ-ն մեղադրանք է առաջադրել ՀՀ քրեական օրենսգրքի 190-րդ հոդվածով (Հանցավոր ճանապարհով ստացված եկամուտներն օրինականացնելը (փողերի լվացումը)) և հավելեց, որ իր պաշտպանյալը չի ընդունում իր մեղքը և ոչ մի թուղթ չի ստորագրել: Գևորգյանը ՀՔԾ-ից դուրս գալուց հետո լրագրողների հետ զրույցում ասաց, որ երկու օր առաջ է ծանուցագիր ստացել և առավոտյան ժամը 9-ից այնտեղ է:  «Դեռ անցած տարի ապրիլի 16-ին ՀՔԾ-ն քրեական գործ էր հարուցել ինչ-ինչ փաստերի կապակցությամբ, որտեղ նկարագրվում են հանգամանքներ և վերջում ասվում է, որ Արմեն Գևորգյանն այդ ամենի հետ առնչություն ունի: Մասնավորապես, ասվում է, որ իմ հարազատների, բարեկամների մի շարք գույքեր փաստացի պատկանում են ինձ, ու ես «լվացել եմ» այդ ամենը: Այն ժամանակ, ըստ էության, մեղադրանք չէր առաջադրվել, սակայն կալանք է դրվել բոլոր այդ գույքերի վրա: Մենք էլ փորձել էինք պաշտպանել մեր դիրքերն ու դիմել դատական ատյաններ»,- նշեց Գևորգյանը և հավելեց, որ բոլոր դատական ատյաններում այս պահի դրությամբ քննիչի որոշումը ճանաչվել է ապօրինի և բեկանվել է: Նրա խոսքով, այժմ, որոշել են իրեն մեղադրանք առաջադրել, որպեսզի այդ գույքերի վրա դրված կալանքը հիմնավորված լինի և խափանման որևէ միջոց ընտրեն, որպեսզի խաթարեն իմ գործունեությունը որպես «Հայաստան» դաշինքի շտաբի պետ: «Ես հրաժարվել եմ ՀՔԾ-ի հետ որևէ գործ ունենալ, ես անգամ չեմ ցանկանում նրանց հետ որևէ հարց քննարկել և ծանոթանալ մեղադրանքին»,- ասաց Գևորգյանը:   Նրա փաստաբան Էրիկ Ալեքսանյանն էլ նշեց, որ ինքն ու մեկ այլ փաստաբան՝ Լուսինե Սահակյանը, ծանոթացել են մեղադրանքին և համարում են, որ այն քաղաքական երանգներ է պարունակում իր մեջ: «Դատական ատյանների այն որոշումներից հետո, երբ Գևորգյանի և իր բարեկամների գույքերի վրա դրված կալանքը ճանաչվել էր ապօրինի, ՀՔԾ-ն որոշում էր կայացրել իրավունքի խախտումը վերացնելու մասին: Ստացվում է, որ փաստացի Վերաքննիչ դատարանի կողմից որոշումը կայացնելուց հետո անգամ Վճռաբեկ դատարան բողոք չէին տարել և իրավունքի խախտումն ինքնուրույն վերացրել էին: Այն, ինչ կատարվում է, ապօրինի է: Այս գործը հարուցվել է դեռ 1 տարի առաջ, և մեզ այսօր կանչել են ու դատաիրավական նման կարգավիճակ են շնորհել միայն քաղաքական նկատառումներից ելնելով»,- նշեց Ալեքսանյանը: Ներկայում գույքի վրա կալանք դրված չէ, քանի որ կա օրինական ուժի մեջ մտած դատական ակտ: Փաստաբանն ասաց, որ այս պահին Գևորգյանն ունի մեղադրյալի կարգավիճակ: «Այս գործի հետ կապված բացառապես բոլոր փաստաթղթերը բողոքարկելու ենք»,- ասաց Էրիկ Ալեքսանյանը:
16:15 - 20 մայիսի,2021
Արմեն Գևորգյանին մեղադրանք է առաջադրվել հանցավոր ճանապարհով ստացված շուրջ 5 միլիարդ ՀՀ դրամ եկամուտն օրինականացնելու համար

Արմեն Գևորգյանին մեղադրանք է առաջադրվել հանցավոր ճանապարհով ստացված շուրջ 5 միլիարդ ՀՀ դրամ եկամուտն օրինականացնելու համար

ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցությամբ պարզվել է, որ ՀՀ նախկին փոխվարչապետ Արմեն Գևորգյանը, պաշտոնեական դիրքն օգտագործելով, 2004-2018 թվականների ընթացքում օրինականացրել է հանցավոր ճանապարհով ստացված առանձնապես խոշոր չափերով` ընդհանուր 4.921.302.379 ՀՀ դրամի եկամուտները։ Այսպես, 2002-2018 թվականների ընթացքում Արմեն Գևորգյանի և նրա հետ փոխկապակցված անձանց օրինական եկամուտների հանրագումարը կազմել է ընդհանուր 743.458.821 ՀՀ դրամ, մինչդեռ վերջիններիս անվամբ նույն ժամանակահատվածում գրանցվել է Արմեն Գևորգյանին փաստացի պատկանող` Երևան քաղաքում և ՀՀ մարզերում գտնվող` վերը նշված գումարը բազմակի գերազանցող արժեքի 39 միավոր անշարժ գույքերի նկատմամբ սեփականության իրավունք։ Արմեն Գևորգյանը, պաշտոնեական դիրքը չարաշահելով, ներգործել է մի շարք մարզերի համայնքների ղեկավարների վրա՝ վերջիններիս դրդելով գործող օրենսդրության խախտմամբ` ձևական աճուրդներ անցկացնելու եղանակով, համայնքներին պատկանող որոշ հողատարածքների նկատմամբ սեփականության իրավունքը գրանցել իր հետ փոխկապակցված անձանց անվամբ։ Նախաքննությամբ պարզվել է, որ Երևան քաղաքում և ՀՀ մարզերում գտնվող հիշյալ անշարժ գույքերի պայմանագրային արժեքը կազմել է 751.268.208 ՀՀ դրամ, մինչդեռ նույն անշարժ գույքերի միջին շուկայական արժեքը գործարքի կատարման ժամանակ կազմել է նշված արժեքի ավելի քան վեցապատիկը` 4.843.530.000 ՀՀ դրամից ավելի, իսկ Արմեն Գևորգյանի հետ փոխկապակցված անձանց անվամբ Չեխիայի Հանրապետությունում գտնվող ընդհանուր 10 միավոր անշարժ գույքերի շուկայական արժեքը կազմել է 391.920.000 ՀՀ դրամին համարժեք 920.000 ԱՄՆ դոլար։ Պարզվել է նաև, որ ինչպես Հայաստանի Հանրապետությունում, այնպես էլ Չեխիայի Հանրապետությունում, Արմեն Գևորգյանի հետ փոխկապակցված անձինք հիմնադրել են մի շարք ընկերություններ, որոնց անվամբ գրանցվել են անշարժ գույքեր: Բացի դրանից՝ նշված անձինք բանկային գործարքների եղանակով շրջանառել են դրամական միջոցներ, սակայն ինչպես գնված անշարժ գույքերի շուկայական արժեքների, այնպես էլ շրջանառված դրամական միջոցների հարաբերակցությունն էականորեն տարբերվել է իրենց կողմից ստացված օրինական եկամուտներից։ Այսպիսով, քրեական գործով հիմնավորվել է, որ վերը նշված բոլոր անշարժ գույքերի շուկայական արժեքի հանրագումարը գերազանցում է Արմեն Գևորգյանի և նրա հետ փոխկապակցված անձանց կողմից ստացված օրինական եկամուտները, որպիսի պայմաններում Արմեն Գևորգյանը պետական պաշտոնները զբաղեցնելու ընթացքում իրականացրած անօրինական գործունեության արդյունքում ստացված եկամուտների հանցավոր ծագումը թաքցնելու, դրանց օրինական տեսք տալու նպատակով ձեռք է բերել և փոխկապակցված անձանց անուններով գրանցել հիշյալ անշարժ գույքերը, ինչպես նաև դրանց գնման դիմաց վճարված իրական արժեքները թաքցնելու եղանակով օրինականացրել (լվացել) է 4.100.071.179 ՀՀ դրամ և 391.920.000 ՀՀ դրամին համարժեք 920.000 ԱՄՆ դոլար։ Բացի դրանից՝ Արմեն Գևորգյանը, նպատակ ունենալով թաքցնել և խեղաթյուրել հանցավոր ճանապարհով ստացված կանխիկ գումարների ծագումը, ինչպես նաև դրանք տարբեր բանկային գործարքների արդյունքում շրջանառելուց հետո ներկայացնել որպես օրինական ստացված եկամուտներ, դրանք շրջանառել է փոխկապակցված անձանց անձնական և նրանց անվամբ գրանցված տարբեր կազմակերպությունների բանկային հաշիվներով: Վերոգրյալ պայմաններում Արմեն Գևորգյանը հանցավոր ճանապարհով ստացել և օրինականացրել է ընդհանուր 4.921.302.379 ՀՀ դրամ, որի համար վերջինիս մեղադրանք է առաջադրվել ՀՀ քրեական օրենսգրքի 190-րդ հոդվածի 3-րդ մասի 1-ին և 3-րդ կետերով: Քրեական գործի նախաքննությունը շարունակվում է՝ տեղեկացնում է ՀՔԾ-ն:
12:40 - 20 մայիսի,2021