Գեմաֆին Գասպարյան

Աշխատանքի և սոցիալական հարցերի նախարարի նախկին տեղակալ

Ծնվել է 1984 թվականի օգոստոսի 14-ին: Կրթությունը՝ 2001-2005թթ. Հայաստանի պետական ճարտարագիտական համալսարանում (Կոմպյուտերային համակարգեր և ցանցեր): 2005-2007թթ․ ծառայել է Արցախի ՊԲ կազմում:

2007-2009թթ․գերազանցությամբ ավարտել է ՀՀ գիտությունների ազգային ակադեմիայի Գիտակրթական միջազգային կենտրոնը (կառավարման մագիստրոս):  2009-2010թթ. աշխատել է ՀՀ էկոնոմիկայի նախարարությունում որպես կառավարման փորձագետ, այնուհետ (մինչև 2013 թվականը) նաև վերապատրաստման և զարգացման թիմի ղեկավար:

2013-2019թթ. հիմնադրել և ղեկավարել է «Բուն» գիտամշակութային հիմնադրամը, որի ներքո մինչ օրս էլ գործում են «Բուն TV» գիտամասնագիտական առցանց ալիքը, «Բունուս» վիրտուալ կրթական հարթակը, ինչպես նաև «Դետեկտոր» վերլուծական կայքը։  Անկուսակցական է։ 

ԵՄ-ն Հայաստանին և Ադրբեջանին հորդորում է ձեռնպահ մնալ ռազմական ուժի հետագա տեղակայումից և գործողություններից |armenpress.am|

ԵՄ-ն Հայաստանին և Ադրբեջանին հորդորում է ձեռնպահ մնալ ռազմական ուժի հետագա տեղակայումից և գործողություններից |armenpress.am|

armenpress.am: Եվրոպական միությունը Հայաստանին և Ադրբեջանին հորդորում է ձեռնպահ մնալ  հետագա ռազմական ուժի տեղակայումից և գործողություններից։ Այս մասին հայտարարել է ԵՄ արտաքին գործերի և անվտանգության քաղաքականության գլխավոր խոսնակ Պիտեր Ստանոն։  «Հայ-ադրբեջանական սահմանում տեղի ունեցող վերջին զարգացումները վտանգավոր և մտահոգիչ են։ Պետք է անհապաղ թուլացնել լարվածությունը։ Եվրոպական միությունը երկու կողմին հորդորում է ձեռնպահ մնալ  հետագա ռազմական ուժի տեղակայումից և գործողություններից։ Բոլոր կողմերը պետք է ետ քաշվեն դեպի մայիսի 12-ից առաջ իրենց զբաղեցրած դիրքերը և երկու կողմերը պետք է ներգրավվեն սահմանի սահմանագծման և սահմանազատման շուրջ բանակցություններում։ Մենք շարունակում ենք հորդորել Ադրբեջանին առանց հետաձգելու ազատել բոլոր ռազմագերիներին և անազատության մեջ պահվող անձանց։ Մենք ողջունում ենք լարվածությունների թուլացմանը միտված բոլոր ջանքերը, այդ թվում՝ հնարավոր միջազգային դիտորդական առաքելության վերաբերյալ առաջարկները»,- ասվում է ԵՄ գլխավոր խոսնակի հայտարարության մեջ։ Նրա խոսքով՝ ԵՄ պատրաստ է տրամադրել փորձագիտական ներուժ և օգնել սահմանի սահմանագծման և սահմանազատման աշխատանքների իրականացմանը, ինչպես նաև աջակցել անհրաժեշտ վստահության ամրապնդման մեխանիզմներին՝ առաջ շարժվելու դեպի հարատև խաղաղություն ու բարեկեցություն Հարավային Կովկասում։
20:51 - 28 մայիսի, 2021
Գեմաֆին Գասպարյանը թողնում է Աշխատանքի և սոցիալական հարցերի նախարարի տեղակալի պաշտոնը սեփական դիմումի համաձայն

Գեմաֆին Գասպարյանը թողնում է Աշխատանքի և սոցիալական հարցերի նախարարի տեղակալի պաշտոնը սեփական դիմումի համաձայն

Աշխատանքի և սոցիալական հարցերի նախարարի տեղակալ Գեմաֆին Գասպարյանը ֆեյսբուքյան էջում գրում է․ «Սեփական դիմումի համաձայն թողնում եմ ՀՀ աշխատանքի և սոցիալական հարցերի նախարարի առաջին տեղակալի պաշտոնը: Հաշվետվությամբ հանդես չեմ գա. մեր թիմային աշխատանքն արտացոլված է ինչպես 2019 թվականի նախարարության հաշվետվությունում, այնպես էլ իր տեղն է գտնելու 2020, 2021 և 2022 թվականների հաշվետվություններում:Կարծում եմ այս ընթացքում ստեղծվել են բոլոր հիմքերը, ինչպես նաև կառուցակարգերն ու գործիքները ոլորտը ամբողջությամբ մարդակենտրոն և արդյունավետ դարձնելու համար, նաև ունեցել ենք շոշափելի ապացույցներ մեր ընտրած ուղղու իրավացիության: Այս ամբողջ ընթացքում աշխատել եմ առավելագույնս նվիրված, առավելագույնս ազնիվ, առավելագույնս պատասխանատու և հնարավորինս արդյունավետ: Շնորհակալ եմ բոլորից ով վստահեց: Առողջ եղեք, ապագայի մասին կխոսեմ մոտ ապագայում»։
16:46 - 15 մայիսի, 2020
1-ին, 2-րդ, 3-րդ կարգի փոխարեն ունենալու ենք, թույլ, միջին և ծանր հաշմանդամության կարգեր․ Գեմաֆին Գասպարյան |factor.am|

1-ին, 2-րդ, 3-րդ կարգի փոխարեն ունենալու ենք, թույլ, միջին և ծանր հաշմանդամության կարգեր․ Գեմաֆին Գասպարյան |factor.am|

factor.am: «Ունենալու ենք հաշմանդամության ոչ թե առաջին, երկրորդ, երրորդ կարգ ունեցող անձինք, այլ թույլ, միջին, ծանր և խորը ֆունկցիոնալ սահմանափակում ունեցող։ Սա ենթադրում է, որ մեր յուրաքանչյուր քաղաքացու փորձելու ենք մաքսիմում օժադակել՝ ծառայությունների միջոցով, որպեսզի հաղթահարեն իրենց ֆունկցիոնալ սահմանափակումները»,- «Ինչպե՞ս են պաշտպանվելու հաշմանդամություն ունեցող անձանց իրավունքները. նոր օրենքի նախագիծ» թեմայով քննարկմանը նշեց ՀՀ աշխատանքի և սոցիալական հարցերի փոխնախարար Գեմաֆին Գասպարյանը: «Վստահ եմ՝ այս ներառական մոտեցումը շատ կարևոր է, որ հնարավորինս ամբողջական դիտարկենք բոլոր կարծիքները և բաց չթողնենք որևէ խնդիր։ «Հաշմանդամություն ունեցող անձանց իրավունքների մասին» օրենքի նախագծում տալիս ենք տարբեր հասկացությունների ձևափոխումներ․ օրինակ՝ անձնական օգնականի ինստիտուտի, ունիվեսալ դիզայնի, անկախ կյանքի և խելամիտ հարմարեցման վերաբերյալ հասկացությունները։ Այս օրենքով նաև Մատչելիության հանձնաժողով ենք նախատեսում, որի անդամները Ազգային ժողովի կողմից 6 տարի ժամկետով են ընտրվելու և ապահովելու մատչելիության վերաբերյալ մոնիթորինգը։ Նրանք ունենալու են այնպիսի գործառույթներ, որ մատչելիության հետ կապված հիմնախնդիրները կարողանանք հնարավորինս կարճ ժամկետում լուծել»,- ասաց Աշխատանքի և սոցիալական հարցերի փոխնախարարը։ Շարունակությունը՝ factor.am-ում։
16:23 - 03 մարտի, 2020
Նվազագույն աշխատավարձի բարձրացումը բիզնեսի համար մեծ բեռ չէ. Գեմաֆին Գասպարյան |armenpress.am|

Նվազագույն աշխատավարձի բարձրացումը բիզնեսի համար մեծ բեռ չէ. Գեմաֆին Գասպարյան |armenpress.am|

armenpress.am։ Հայաստանում նվազագույն աշխատավարձի չափի բարձրացման գործընթացում պետությունը հավասարակշռված մոտեցում է կիրառում: ՀՀ աշխատանքի և սոցիալական հարցերի փոխնախարար Գեմաֆին Գասպարյանը Երևանում կազմակերպված քննարկման ժամանակ նշեց, որ աշխատավարձի բարձրացման հարցում հաշվի է առնվել նաև բիզնեսի կարծիքը: «Այն, որ ասում են նվազագույն աշխատավարձի չափը 68 հազար դարձնելը մեծ բեռ է բիզնեսի համար, այդպես չէ: Մենք հետազոտություն ենք իրականացրել 1580 գործատուի շրջանում: Գործատուները նշում են, որ 70 հազար 142 դրամը իրենց համար նորմալ է: Հիմա մենք սահմանել ենք 68 հազար:Մենք փորձել ենք հավասարակշռված մոտեցում ցուցաբերել»,-  այս մասին ասաց փոխնախարարը: Հայաստանում աշխատող մարդը պետք է նվազագույն սպառողական զամբյուղից ավելի աշխատավարձ ստանա: Փոխնախարարն ընդգծեց, որ դա քաղաքական դիրքորոշում է:Նվազագույն աշխատավարձի բարձրացումը պետական ոլորտում կվերաբերի շուրջ 35 հազար մարդու, իսկ մասնավոր ոլորտում՝ շուրջ 45 հազար:
09:16 - 04 հուլիսի, 2019