Գնել Սանոսյան

ՀՀ տարածքային կառավարման և ենթակառուցվածքների նախարարն է։

Եղել է Գեղարքունիքի մարզպետը, «Քաղաքացիական պայմանագիր» կուսակցության հիմնադիր անդամ է։ «Հայկական աշխարհագրական ընկերություն» գիտական-հասարակական կազմակերպության անդամ։ Ծնվել է 1983թ․ հոկտեմբերի 7-ին Գեղարքունիքի մարզի Ծակքար գյուղում։ 2000-2006 թթ․ սովորել է ԵՊՀ աշխարհագրության ֆակուլտետում՝ ստանալով բակալվրի, այնուհետև՝ բնօգտագործում և բնապահպանություն մագիստրոսի աստիճան։

2004-2010թթ. եղել է ուսուցիչ «Մակսեդան» օտար լեզուների վարժարանում։ 2007-2010 թթ․ դասավանդել է Երևանի Հյուսիսային համալսարանում, այնուհետև՝ 2006-2018թթ․՝ Արտաքին տնտեսական կապերի համալսարանում։ 2014-2015թթ. «Կարդինալ Ինթերնեյշնլ» ՍՊԸ-ում աշխատել է որպես վաճառքի պատասխանատու։ 2018թ. մայիս- հոկտեմբեր եղել է ՀՀ բնապահպանության նախարարի տեղակալ։ Նույն թվականի հոկտեմբերի 10-ին նշանակվել է ՀՀ Գեղարքունիքի մարզպետ։

Բեռնատարների վարորդները փակել էին Գորիս–Սիսիան ճանապարհը. նրանք դժգոհ են ճանապարհներին տեղադրված կշեռքներից |news.am|

Բեռնատարների վարորդները փակել էին Գորիս–Սիսիան ճանապարհը. նրանք դժգոհ են ճանապարհներին տեղադրված կշեռքներից |news.am|

news.am: Բեռնատար մեքենաների վարորդներն այսօր՝ օգոստոսի 16–ին, փակել են Գորիս–Սիսիան ճանապարհը, ապա որոշ ժամանակ անց` Տարածքային կառավարման եւ ենթակառուցվածքների նախարար  Գնել Սանոսյանի հետ քննարկումից հետո, բացել այն։ Նախարարի մամուլի քարտուղար Սոնա Հարությունյանն ասաց, որ վարորդները դժգոհել են ճանապարհներին տեղադրված կշեռքներից, որոնք այդ ճանապարհահատվածում տեղադրվել են մի քանի օր առաջ։ Եթե բեռնատարների բեռը սահմանված չափից ավելի է, ապա վարորդները տուգանվում են։ «Նախարարը աշխատանքային այցով Կոռնիձորի եւ Տաթեւ–Աղվան ճանապարհների աշխատանքներին հետեւելու համար էր գտնվում Սյունիքի մարզում, Գնել Սանոսյանը հանդիպել է նաեւ Գորիս–Սիսիան ճանապարհահատվածըփակած վարորդների հետ, որոնք դժգոհել են ճանապարհներին տեղադրված կշեռքներից։ Մի քանի օր է՝ Հայաստանի տարածք մտնելիս բեռնատարները կշռվում են, գերբեռնված բեռնատարները տուգանվում են, ու պարտավորվում են բեռը հասցնել սահմանված չափի։ Վարորդները պահանջում են սահմանված  թույլատրելի առավելագույն 26 տոննա զանգվածը դարձնել 28 տոննա։ Նրանք 4 կետից բաղկացած պահանջներ են ներկայացրել նախարարին։ Պայմանավորվածություն է ձեռքբերվել ճանապարհը բացել եւ Երեւանում նախարարի, վարորդների եւ Քաղաքաշինության, տեխնիկական եւ հրդեհային անվտանգության տեսչական մարմնի ներկայացուցիչների մասնակցությամբ քննարկում անցկացնել, որից հետո պարզ կլինի որքանով են վարորդների առաջարկներն ընդունելի»,– ասաց Սոնա Հարությունյանը։ Ըստ նախարարի մամուլի քարտուղարի՝ վերջին շրջանի ուսումնասիրությունները ցույց են տվել, որ ճանապարհները, այդ թվում՝ Տաթեւ–Աղվանը, հիմնականում վնասվում են հենց գեռծանրաբեռնված բեռնատարների պատճառով։ «Կառավարության մակարդակով շատ խիստ պահանջ էր դրված ապահովել այդ նորմերի պահպանումը»,– ասաց Սոնա Հարությունյանը։ Հիշեցնենք՝ դեռ մայիսի 17–ին, Քաղաքաշինության, տեխնիկական եւ հրդեհային անվտանգության տեսչական մարմինը իրազեկել էր, որ  տրանսպորտային միջոցների թույլատրելի առավելագույն զանգվածի կամ մեկ սռնու վրա ընկնող բեռնվածքը, ինչպես նաեւ մեծ եզրաչափերի առավելագույն չափերը փոխվել են։ Ըստ այդմ՝ երկու սռնի ունեցող մեխանիկական տրանսպորտային միջոցների թույլատրելի առավելագույն զանգվածը պետք է լինի 18 տոննա, 3 սռնի ունեցող մեխանիկական տրանսպորտային միջոցների դեպքում՝  25 տոննա, 3 սռնի ունեցող մեխանիկական տրանսպորտային միջոցը, որի տանող սռնու վրա տեղադրված են զույգ անվադողեր եւ օդաճնշական կամ նմանատիպ այլ կախոց,  կամ երբ յուրաքանչյուր տանող սռնու վրա տեղադրված են զույգ անվադողեր եւ յուրաքանչյուր սռնու առավելագույն բեռնվածությունը չի գերազանցում 9,5 տոննան, ուստի տրանսպորտային միջոցների թույլատրելի առավելագույն զանգվածը պետք է լինի 26 տոննա։ 4 սռնի ունեցող մեխանիկական տրանսպորտային միջոց, 2 ուղղորդող սռնիներով եւ որի տանող սռնու վրա տեղադրված են զույգ անվադողեր եւ օդաճնշական կամ նմանատիպ այլ կախոց, կամ երբ յուրաքանչյուր ռնու վրա տեղադրված են զույգ անվադողեր եւ յուրաքանչյուր սռնու առավելագույն բեռնվածությունը չի գերազանցում 9,5 տոննան, ուստի տրանսպորտային միջոցների թույլատրելի առավելագույն զանգվածը պետք է լինի 32 տոննա։ 3 սռնի ունեցող մեխանիկական տրանսպորտային միջոց, 3 սռնի ունեցող կցորդով թույլատրելի առավելագույն զանգվածը պետք է լինի 40 տոննա, 3 սռնի ունեցող մեխանիկական տրանսպորտային միջոց, 2 կամ 3 սռնի ունեցող կիսակցորդով թույլատրելի առավելագույն զանգվածը պետք է լինի 40 տոննա։
17:17 - 16 օգոստոսի, 2022
Ստեփանավանի ճանապարհի կամուրջը մի պահ երևում է, հետո անցնում ծառերի հետևը, ծառերը պետք է կտրել, այլ տեղ տնկել. Նիկոլ Փաշինյան
 |tert.am|

Ստեփանավանի ճանապարհի կամուրջը մի պահ երևում է, հետո անցնում ծառերի հետևը, ծառերը պետք է կտրել, այլ տեղ տնկել. Նիկոլ Փաշինյան |tert.am|

tert.am: Ստեփանավանից Օձուն տանող ճանապարհին նկատեցի, որ ճանապարհին կա բավական հին կամուրջ, որը երթևեկելիս մի պահ երևում է, հետո անցնում ծառերի հետևը, մտածեցի ծառերը պետք է կտրել և այլ տեղում տնկել։ Այս մասին Կառավարության այսօրվա նիստում ասաց վարչապետ Նիկոլ Փաշինյանը։ «Վերջերս այդ ճանապարհով անցում էի, նկատեցի, որ ճանապարհին կա բավականին հին կամուրջ կա։ Երթևեկելիս այդ կամուրջը մի պահ երևում է, հաջորդ պահին անցնում է ծառերի հետևը։ Ես այդ ժամանակ մտածեցի, որ սա էն դեպքն է, որ պետք է չխնայել և ծառերը կտրել, հետո այլ տեղում կրկնակի, եռակի չափով ծառեր տնկել, այդ կամուրջը մի քիչ կարգի բերել, լուսավորություն իրականացնել, որովհետև այդ ճարտարապետական հուշարձան է»,- ասաց Նիկոլ Փաշինյանը։ Ի պատասխան ՀՀ տարածքային կառավարման և ենթակառուցվածքների նախարար Գնել Սանոսյանը խոստացավ զբաղվել այդ հարցով։  
14:03 - 11 օգոստոսի, 2022
Տաթև-Աղվանի ճանապարհահատվածի խնդիրները գրեթե լուծվել են, տեղադրվում է ասֆալտի երրորդ շերտը․ Սանոսյան

Տաթև-Աղվանի ճանապարհահատվածի խնդիրները գրեթե լուծվել են, տեղադրվում է ասֆալտի երրորդ շերտը․ Սանոսյան

Վարչապետ Նիկոլ Փաշինյանը այսօր՝ կառավարության նիստի ընթացքում, անդրադարձավ Տաթև-Աղվանի ճանապարհին՝ նշելով, որ այն մի փոքր ֆորսմաժորային իրավիճակում է շահագործման հանձնվել․  «Նախորդ տարվա վերջին այդ ճանապարհը մի փոքր ֆորսմաժորային իրավիճակում շահագործման հանձնվեց․ ի սկզբանե ճանապարհը նախատեսված էր որպես միջհամայանքային նշանակության ճանապարհ և շահագործման հանձնվեց, բայց հետագայում մենք տեսանք, որ ճանապարհը շատ լուջ պրոբլեմներ ունի, փոսեր էին գոյացել և այլն։ Մենք, ըստ էության, տարվա սկզբից սկսեցինք աշխատել այդ ուղղությամբ, և հիմա, իմ ունեցած վերջին տեղեկություններով, մեծ խնդիրները լուծվել է, և մնացել է վերջին 500 մետրանոց մի հատված, որտեղ այդ փոսերի հարցը պետք է լուծենք»,-ասաց վարչապետ Նիկոլ Փաշինյանը։ Տարածքային կառավարման և ենթակառուցվածքների նախարար Գնել Սանոսյանն էլ ասաց՝  արդեն վաղը հավանաբար եղած փոսերն էլ չեն լինի, այդ հատվածները ամբողջությամբ ասֆալտապատ կլինեն։ «Երրորդ շերտի ասֆալտապատման գործընթացը սկսվել է, մոտ 5,8 կիլոմետր արդեն արվել է։ Եթե հասցնենք կառավարության հաջորդ նիստում մյուս շինարարական ընկերությանը գումար կհատկացնենք այնտեղի վերջին շերտի համար»,- ասաց Սանոսյանը։ Փաշինյանը նաև հիշեցրեց, որ ընթացքի մեջ են Տաթևի ոլորանները շրջանցող և, ըստ էության,  Տաթև գյուղը շրջանցող ճանապարհի շինարարությունը․ «Տաթև Լծեն, հետո Լծեն Շամբ, Լծենից Նորավան, որը արդեն կմիանա մայրուղուն»։ Փաշինյանը ՏԿԵ նախարար Գնել Սանոսյանից հետաքրքրվեց, թե ինչ վիճակում են այդ ճանապարհների շինարարական աշխատանքները․ Նախարարն էլ ասաց՝ Նորավանից Շամբ գնացող ճանապարհը նախատեսված չէ ծանր բեռնատարների համար․ «Քանի որ միջազգային ծրագրով է արվել, իրենց հետ բանակցում ենք հենց այդ ծրագրի շրջանակում ևս մեկ շերտ տեղադրելու։ Ինքը ամբողջողվին նոր ասֆալտապատված է, բայց նոր շերտ տեղադրենք, որպեսզի ծառայի բեռնատարներին։ Մենք Շամբ-Լծեն հատվածում ունենք վեց կիլոմետր, որը բավական ժամանակ է՝ մրցույթ շահող ընկերություն կա, և որոշակի աշխատանքներ է անում, բայց մենք դժգոհություն ունենք տեմպի հետ կապված»։ Լծեն-Տաթև հատվածում էլ, ըստ Սանոսյանի, 2 շինարարական ընկերություն կա, որոնցից մեկը 4 կիլոմետրից ավելի ասֆալտապատում իրականացրել է, և հավանաբար սեպտեմբեր ամսին իր 10 կիլոմետրը կավարտի՝ երկու շերտ ասֆալտապատումով․ «Նույնիսկ շինարարի մոտ կա միտք, որ երկրորդն էլ անի, այսինքն՝ ամբողջությամբ իր հատվածը ավարտի։ Եթե կանի, մենք իրենցից մինչև նոյեմբեր ուզում ենք երկու շերտը, եթե ավելի արագ կանեն, շատ ավելի ցանկալի է։ Երկրորդ շինարարի հետ դանդաղություն կար, բայց վերջին քսան օրերին բավական լավ տեմպ կա, այսինքն՝ այդ հատվածում մեր գլխավոր պրոբլեմը շարունակում է մնալ Լծենից Շամբ հատվածը, որտեղ գործող ճանապարհ կա, բայց բեռնատարների համար անցանելի չեն եղել»։ Փաշինյանն ասաց՝ նախատեսված է, որ այդ կտորն էլ նոյեմբերին պետք է շահագործման հանձնվի, բայց մտավախություն կա, որ այդտեղ էլ կարող են պրոբլեմբեր ի հայտ գալ, ինչը խնդրահարույց է։ «Դա շատ կարևոր նշանակության ճանապարհ է, և պետք է այդտեղ կարողանանք խնդիրներ կարգավորել»։
11:44 - 11 օգոստոսի, 2022
«Կյանքի պուրակի» գաղափարն օգտագործելով պետք է վերակենդանացնենք ամբողջ Բուսաբանական այգին. ՀՀ վարչապետ
 |1lurer.am|

«Կյանքի պուրակի» գաղափարն օգտագործելով պետք է վերակենդանացնենք ամբողջ Բուսաբանական այգին. ՀՀ վարչապետ |1lurer.am|

1lurer.am: Կառավարությունը 122 մլն դրամ կուղղի Երևանի Բուսաբանական այգու տարածքում «Կյանքի պուրակ» նախագծի համար Սարկավագի փողոցի ջրանցքից մինչև Բուսաբանական այգու պարսպի հատվածը ոռոգման ջրագծի կառուցման նպատակով: ՀՀ տարածքային կառավարման և ենթակառուցվածքների նախարար Գնել Սանոսյանը նշեց, որ «Կյանքի պուրակ» նախագծի քննարկման ժամանակ հանձնարարական եղավ ոչ միայն «Կյանքի պուրակի» 35 հա ընդգրկող, այլև ամբողջ Բուսաբանական այգու 80 հա տարածքն ապահովել ոռոգման ջրով: «Մոտ մեկուկես կմ երկարությամբ ջրագծի մասին է խոսքը, որը պետք է հասնի Բուսաբանական այգի: Ամբողջ ծրագրի արժեքը 245 մլն դրամ է: Քանի որ նախագծով նախատեսված է մոտ 200 օր իրականացման համար, մենք քննարկումների արդյունքում հանգել ենք նրան, որ հիմա կարելի է դեռ կեսը պլանավորել այս տարվա համար, գումարի մյուս մասը հաջորդ տարի նոր կնախատեսենք: Բյուջեից գումար տրամադրելու կարիք չկա. ոռոգման ցանցի առողջացման ծրագիր ունենք մեզ մոտ, որտեղ որոշակի խնայված գումարներ կան, և այս տարի 122 մլն դրամ այդ ծրագրին կուղղենք»,- ասաց Գնել Սանոսյանը: ՀՀ վարչապետ Նիկոլ Փաշինյանը նշեց, որ իրականում «Կյանքի պուրակի» գաղափարն օգտագործելով՝ պետք է վերակենդանացնենք ամբողջ Բուսաբանական այգին և ծրագրի մասշտաբներն ընդլայնենք: «Դա երևան քաղաքի համար շատ մեծ էկոլոգիական նշանակություն կունենա. և՛ համայնքային կյանքի կազմակերպման համար շատ մեծ նշանակություն կունենա, և՛ մեր նահատակների՝ մեր ընկած զինվորների, եղբայրների, սպաների հիշատակի ընդգծման մի նոր մեթոդ կդառնա»,- ասաց վարչապետը:
12:49 - 04 օգոստոսի, 2022
Գնել Սանոսյանը դիտարկել է Կապան-Տաթև ճանապարհի տարբեր հատվածներում ընթացող աշխատանքները

Գնել Սանոսյանը դիտարկել է Կապան-Տաթև ճանապարհի տարբեր հատվածներում ընթացող աշխատանքները

ՀՀ տարածքային կառավարման եւ ենթակառուցվածքների նախարար Գնել Սանոսյանը աշխատանքային այցով այսօր Սյունիքի մարզում էր։ Նախարարը մարզպետ Ռոբերտ Ղուկասյանի ու «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանի հետ անցել է Կապան-Տաթեւ  ճանապարհով, դիտարկել նրա տարբեր հատվածներում այժմ ընթացող բարեկարգման, վերանորոգման ու թերությունների վերացման աշխատանքները, ճանապարհաշինական ընկերությունների պատասխանատուների հետ քննարկել շինարարության ընթացքը, առկա թերությունների վերաբերյալ հանձնարարականներ տվել։ Գնել Սանոսյանը դիտարկել է նաեւ նոր կառուցվող Տանձավեր-Բարձրավան, Տաթեւ-Լծեն ճանապարհները։ Սիսիան համայնքում մարզային ու համայնքային իշխանությունների հետ ՀՀ ՏԿԵ նախարարը  ծանոթացել  է կառավարություն-համայնք համաներդրմամբ իրականացված սուբվենցիոն ծրագրերի արդյունքներին։
11:14 - 21 հուլիսի, 2022
Գնել Սանոսյանը ՌԴ տրանսպորտի նախարարի հետ քննարկել է «Վերին Լարս»-ի անցակետերի բեռնաթափմանն առնչվող հարցեր

Գնել Սանոսյանը ՌԴ տրանսպորտի նախարարի հետ քննարկել է «Վերին Լարս»-ի անցակետերի բեռնաթափմանն առնչվող հարցեր

ՀՀ  տարածքային կառավարման և ենթակառուցվածքների նախարարությունից հայտնում են, որ նախարար Գնել Սանոսյանն ընդունել է ՌԴ տրանսպորտի նախարար Վիտալի Սավելևի գլխավորած պատվիրակությանը։ «Նախարարը ողջունել է հյուրերին, կարևորել Վիտալի Սավելևի այցը Հայաստան։ Նախարարն ընդգծել է, որ Հայաստանն ու Ռուսաստանը կապված են բարեկամական հարաբերություններով, հատկապես տրանսպորտային ոլորտում առկա է բազմաշերտ փոխգործակցություն, ինչպես նաև չօգտագործված մեծ պոտենցիալ, որի ուղղությամբ պետք է աշխատանք տանել։ Նախարար Սանոսյանը շնորհակալություն է հայտնել Վիտալի Սավելևին ակտիվ համագործակցության, հատկապես «Վերին լարսի» հարցով մշտական աջակցության համար։ Վիտալի Սավելևն իր հերթին կարևորել է Հայաստանի ու Ռուսաստանի բարեկամական հարաբերությունները և նկատել, որ Ռուսաստանը հետաքրքրված է զարգացնելու Հայաստանի հետ այդ բարեկամական, եղբայրական հարաբերությունները։ Հանդիպման ընթացքում քննարկվել են օդային և ցամաքային տրանսպորտին առնչվող հարցեր։ Քննարկվել են միջազգային ավտոմոբիլային բեռնափոխադրումների, «Վերին Լարս»-ի անցակետերի բեռնաթափման, ինչպես նաև երկաթուղային փոխադրումներին առնչվող հարցերը։ Քննարկվել է նաև ճանապարհաշինության ոլորտում համագործակցության հնարավորությունները։ Հանդիպումից հետո ՌԴ պատվիրակությունը, ՏԿԵ նախարար Գնել Սանոսյանի ուղեկցությամբ, այցելել է Ծիծեռնակաբերդի հուշահամալիր, Հայոց ցեղասպանության թանգարան-ինստիտուտ, ապա նաև՝ Սերգեյ Փարաջանովի թանգարան»,-նշված է նախարարության տարածած հաղորդագրությունում։
10:11 - 16 հուլիսի, 2022
Գնել Սանոսյանը Նուր-Սուլթանում մասնակցել է ԱՊՀ էլեկտրաէներգետիկական խորհրդի նիստին

Գնել Սանոսյանը Նուր-Սուլթանում մասնակցել է ԱՊՀ էլեկտրաէներգետիկական խորհրդի նիստին

ՀՀ տարածքային կառավարման և ենթակառուցվածքների նախարար Գնել Սանոսյանն այսօր Նուր-Սուլթանում մասնակցել է ԱՊՀ էլեկտրաէներգետիկական խորհրդի 60-րդ նիստին:   Քննարկվել են ԱՊՀ երկրների էներգետիկայի բնագավառում համագործակցության պլանով նախատեսված միջոցառումների ընթացքը, ինչպես նաև Վերականգնվող էներգետիկային և էներգաարդյունավետությանը վերաբերող արդիական հարցեր։   Նիստի ընթացքում ներկայացվել են էլեկտրաէներգետիկական խորհրդի գործադիր կոմիտեի տարեկան հաշվետվությունը, կառույցի գործունեությանն առնչվող այլ հարցեր։ ԱՊՀ երկրների էլեկտրաէներգետիկական խորհրդի 60-րդ նիստին մասնակցել են Հայաստանի, Ռուսաստանի, Ղազախստանի, Ուզբեկստանի, Ադրբեջանի, Ղրղզստանի ու Տաջիկստանի էներգետիկայի ոլորտի լիազոր մարմինների ներկայացուցիչները:   Հայկական կողմից պատվիրակության կազմում է նաև ՏԿԵՆ էներգետիկայի վարչության պետ Տիգրան Մելքոնյանը։   
16:42 - 14 հուլիսի, 2022
Համայնքներին տրվող սուբվենցիաները կկազմեն 22 մլրդ դրամ. ԱԺ հանձնաժողովները սկսել են 2023-ի պետբյուջեի նախնական քննարկումները

Համայնքներին տրվող սուբվենցիաները կկազմեն 22 մլրդ դրամ. ԱԺ հանձնաժողովները սկսել են 2023-ի պետբյուջեի նախնական քննարկումները

ՀՀ Ազգային ժողովի տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի եւ ֆինանսավարկային եւ բյուջետային հարցերի մշտական հանձնաժողովները Վահե Ղալումյանի եւ Գեւորգ Պապոյանի նախագահությամբ հուլիսի 8-ին կայացած համատեղ նիստում քննարկել են 2023 թ. պետական բյուջեի նախնական տարբերակը` համապատասխան մասով: Այս մասին հայտնում են ՀՀ ազգային ժողովից: Տարածքային կառավարման եւ ենթակառուցվածքների նախարար Գնել Սանոսյանի խոսքով` 2023-2025 թթ. միջնաժամկետ ծախսային ծրագրերով նախարարությունը նախատեսել է իրականացնել 23 ծրագիր` 135 միջոցառումով, ինչի համար 2023 թ. հատկացվելու է 322,3 մլրդ, 2024-ին` 369,2 մլրդ, 2025-ին` 444,1 մլրդ դրամ: Համեմատելով` նախարարը նշել է, որ 2023 թ. համար նախատեսված գումարը 17,5 տոկոսով ավելի է 2022 թ. հատկացումից: Ոլորտում ամենախոշորը «Տարածքային զարգացում» ծրագիրն է, որի շրջանակում նախատեսված է 69,8 մլրդ դրամ դոտացիա տալ համայնքներին, ինչը 8 տոկոսով ավելի է ընթացիկ տարվա հատկացումից: Գալիք տարում համայնքներին տրվող սուբվենցիաները կկազմեն 22 մլրդ դրամ: 2022 թ. սուբվենցիաները կազմել են 18 մլրդ դրամ: Գնել Սանոսյանը հայտնել է, որ 2023 թ. սուբվենցիոն հայտները համայնքներից արդեն ընդունվում են: Ակնկալվում է, որ մինչեւ ընթացիկ ամսվա 15-ը 2023 թ. հայտերն ամբողջությամբ կընդունվեն: «Պետական աջակցություն սահմանամերձ համայնքներին» ծրագրով սահմանամերձ համայնքներին նախատեսված է հատկացնել 973 մլն դրամ, ինչն այս տարվա հատկացումից մի փոքր քիչ է: Նախարարն անդրադարձել է նաեւ մյուս ծրագրերին: Մասնավորապես, եկող տարի հանրապետությունում շարունակվելու է դպրոցների սեյսմիկ անվտանգության ապահովման ծրագիրը: Այդ նպատակի համար կհատկացվի 11 մլրդ դրամ: 8,1 մլրդ դրամի չափով էլ Կառավարությունն աջակցություն կցուցաբերի խոշորացված համայնքներին: Եկող տարում նախատեսվել է մոտ 10 մլրդ դրամի պետական գույք վաճառել: «Քաղաքացիական պայմանագիր» խմբակցության  պատգամավոր Սերգեյ Բագրատյանը նախարարին առաջարկել է դիտարկել  սահմանամերձ համայնքներում հայտնի ընկերությունների մասնաճյուղեր բացելու հարցը: «Մենք գիտենք, որ Կառավարությունը ոչ թե աշխատատեղ, այլ աշխատատեղի պայման ստեղծող է: Եվ մեր հարկային արտոնություններն ու միջոցառումներն ուղղված են դրա ապահովմանը: Մենք եւ դուք չպե՞տք է գտնենք հնարավորություն, որ մեր հայտնի արտադրող ընկերությունների հետ քննարկումների արդյունքում փորձենք սահմանամերձ համայնքներում այդ ընկերությունների մասնաճյուղեր ունենալ եւ լուծել զբաղվածության խնդիրը»,- հարցրել է պատգամավորը: Ըստ նրա` որոշ հայտնի ընկերություններ կարող են դրական արձագանքել այս առաջարկին: Համաձայնելով  պատգամավորի բարձրացրած մտահոգությունների հետ` Գնել Սանոսյանը նշել է, որ սահմանամերձ համայնքներից մարդիկ երբեմն հեռանում են ոչ թե այն պատճառով, որ բնակավայրը սահմանամերձ է, վտանգ կա եւ այլն, այլ այն պատճառով, որ սակավ են աշխատատեղերը, դպրոցներն ու մանկապարտեզները, ենթակառուցվածքները եւ այլն: «Այս մտքերն են մեզ հանգեցրել նրան, որ համայնքներում լրջագույն ուշադրություն դարձնենք միջավայրի բարեփոխմանն ու ենթակառուցվածքների զարգացմանը: Եվ պատահական չէ, որ սուբվենցիոն ծրագրերում հսկայական, մեծ տեղ է թողնված սահմանամերձ համայնքներին»,- նշել է նախարարը: Նա պարզաբանել է, որ ամիսներ առաջ Կառավարությունն իրարից առանձնացրել է «բարձրլեռնային» եւ «սահմանամերձ բնակավայրեր» հասկացությունները, ինչի արդյունքում սահմանամերձ համայնքներում իրականացվող ծրագրերին Կառավարության աջակցության չափն ավելացվել է: «Գրեթե չկա ծրագիր, որ 70 եւ ավելի տոկոս չէ»,- հստակեցրել է նախարարը: Գնել Սանոսյանը ներկայացրել է նաեւ մյուս արտոնությունները, որոնք նպատակ ունեն նպաստելու սահմանամերձ համայնքների զարգացմանը: Ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը նախարարին առաջարկել է ուշադրություն դարձնել ջրային համակարգի զարգացման հարցին եւ որակական ցուցանիշներին: «Օրինակ` կառուցում ենք ջրամբարներ, ինչը շատ լավ է, տրամադրում ենք գումար, բայց կուզեինք իմանալ, թե դրա կառուցման արդյունքում որքա՞ն հողատարածք կջրվի, ինչքա՞ն կավելանա գյուղատնտեսության արդյունավետությունը: Այսինքն` խոսքը նման որակական ցուցանիշներին է վերաբերում»,- ասել է նա: Գեւորգ Պապոյանը նախարարին առաջարկել է աշնանային քննարկումների ժամանակ վերոնշյալ ցուցանիշներն ավելի մանրամասն ներկայացնել խորհրդարանին:
15:58 - 08 հուլիսի, 2022
Դիլիջանում երկու թունելների վերականգնման աշխատանքների համար միջազգային մրցույթ է հայտարարված․ Փաշինյան

Դիլիջանում երկու թունելների վերականգնման աշխատանքների համար միջազգային մրցույթ է հայտարարված․ Փաշինյան

Կառավարության այսօրվա նիստի ընթացքում կառավարությունը ընդունեց նախագիծը, որով առաջարկվում է բյուջեում վերաբաշխում իրականացնել և մոտ 13.3 միլիարդ գումար տրամադրել «երեք խոշոր բլոկներով ծրագրեր իրականացնելու համար»։ Տարածքային կառավարման և ենթակառուցվածքների նախարար Գնել Սանոսյանի խոսքով՝ բլոներից մեկը ջրամբարաշինությանն է վերաբերվում, մասնավորապես՝ Կապսի ջրամբարին․ «Որոշակի գործընթաց կա, հիմա փաստաթղթերի ուսումնասիրման փուլում ենք և անհրաժեշտություն կառաջանա (եթե ամեն ինչ նորմալ գնա, իսկ կարծես ամեն ինչ նորմալ է գնում) կանխավճար տրամադրել շինարարին և 3.5 միլիարդ դրամ լրացուցիչ գումար հատկացնելու անհրաժեշտություն կա»։ Մյուս հատվածը, ըստ Սանոսյանի, վերաբերում է Երևանում իրականացվող երկու ծրագրերի․ «Արգավանդ-Շիրակ և Բաբաջանյան-Աշտարակ ուղղություններով իրականացվում են աշխատանքներ և այնտեղ նույնպես աշխատանքները ակտիվ ընթացքի մեջ են։ Ավանադական տեսքի բերելու կարիք կա և 4.1 միլիարդ գումարի անհրաժեշտություն կա, այս որոշմամբ առաջարկում ենք 4.1 միլարդ դրամ հատկացնել Երևան քաղաքին այդ վճարումների համար»։ Երրորդ ծրագիրն էլ վերաբերում է միջին նորգման աշխատանքներին․ Այս աշխատանքները անընդհատ ուսումնասիրման փուլում են։ Մենք դրանց մի մասը բյուջեով նախապես հատկացնում ենք, իսկ մի մասը գարնան բացվելուն պես, ճանապարհները ուսումնասիրում ենք, որտեղ տեսնում ենք, որ հնարավոր է միջին նորոգում անել, ընդգրկում ենք այդ ցանկի մեջ և որոշակի գործընթաց ենք անում։ Հիմա այդպիսի 10 հատված ունենք՝ ընդհանուր 135 կիլոմետր երկարությամբ, և այս որոշմամբ  5.7 միլիարդ դրամ կհատկացնենք, դրանց մրցութային գործընթացները կավարտենք և կսկսենք շինարարական աշխատանքները»։ Վարչապետ Նիկոլ Փաշինյանն էլ հավելեց, որ Դիլիջանում երկու թունելների վերականգնման աշխատանքների համար միջազգային մրցույթ է հայտարարված: «Ես խնդիր եմ դրել, որ Ստեփանավանի և Դիլիջանի թունելները պատշաճ տեսքի բերվեն և միջազգային ստանդարտներին համապատասխանեցվեն»,-ասաց վարչապետը: Վարչապետ Նիկոլ Փաշինյանն էլ հավելեց, որ Դիլիջանում երկու թունելների վերականգնման աշխատանքների համար միջազգային մրցույթ է հայտարարված: «Ես խնդիր եմ դրել, որ Ստեփանավանի և Դիլիջանի թունելները պատշաճ տեսքի բերվեն և միջազգային ստանդարտներին համապատասխանեցվեն»,-ասաց վարչապետը:
11:55 - 07 հուլիսի, 2022
ՏԿԵ նախարարը ծանոթացել է Լծեն-Տաթև ավտոճանապարհի վերակառուցման աշխատանքներին

ՏԿԵ նախարարը ծանոթացել է Լծեն-Տաթև ավտոճանապարհի վերակառուցման աշխատանքներին

ՀՀ տարածքային կառավարման և ենթակառուցվածքների նախարար Գնել Սանոսյանն աշխատանքային այցով Սյունիքի մարզում է։ Այս մասին հայտնում են ՀՀ ՏԿԵ նախարարությունից: «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանի հետ ծանոթացել է Լծեն-Տաթև ավտոճանապարհի վերակառուցման աշխատանքներին։ Այս ճանապարհահատվածի երկարությունը 19.9կմ է։ Աշխատանքներն իրականցնում են «Քարավան» և «Ա․Ա․Բ․ Պրոեկտ» ՍՊ ընկերությունները։ «Քարավան» ՍՊԸ-ն իրականացրել է 9.5 կմ հատվածում հողային պաստառի կառուցման աշխատանքներ։ Այս պահին կատարում է ճանապարհի պրոֆիլավորման, արհեստական կառուցվածքների կառուցման, ավազակոպճային շերտի տեղադրման աշխատանքներ։ «Ա․Ա․Բ․Պրոեկտ» ՍՊԸ-ն իրականացրել է 6.7 կմ հատվածում հողային պաստառի կառուցման աշխատանքներ։ Նախարար Սանոսյանն ու Գոռ Ավետիսյանը զրուցել են շինարարների, տեխհսկողի հետ, քննարկել որակի, ժամկետների հետ կապված հարցեր։  
10:15 - 01 հուլիսի, 2022
Կառավարությունը 4 միլիարդ 267 միլիոն դրամ հատկացրեց ճանապարհների հիմնանորոգումն ավարտելու համար

Կառավարությունը 4 միլիարդ 267 միլիոն դրամ հատկացրեց ճանապարհների հիմնանորոգումն ավարտելու համար

Կառավարությունը այսօրվա նիստի ընթացքում  որոշեց 4 միլիարդ 267 միլիոն դրամ հատկացնել  2020 և 2021 թվականներին սկսած որոշ ճանապարհների հիմնանորոգման աշխատանքները ավարտին հասցնելու համար։  «Դրանք մեր տարբեր մարզերում միջպետական, հանրապետական և տեղական նշանակության տարբեր ճանապարհներ են։ Ընդհանուր առմամբ, 53.1 կիլոմետրի մասին է խոսքը, որից 35.4 կիլոմետրը նախորդ՝ 2021 թ․-ից անավարտ մնացած ճանապարհներն են, որոնք հիմա ավարտում ենք և պետք է վճարենք շինարարներին, իսկ 17.7 կիլոմետրը հիմա ենք սկսում, նոր ծրագրերը այս տարի կանենք, կավարտենք։ Ճանապարհի 8 կիլոմետրը միջպետական նշանակության են, 1.4-ը՝ հանրապետական, 8.3-ը՝ տեղական նշանակության»,- նախագծի քննարկման ընթացքում ասաց Տարածքային կառավարման և ենթակառուցվածքների նախարար Գնել Սանոսյանը։  Վարչապետ Նիկոլ Փաշինյանն էլ ընդգծեց՝ կառավարությունը չպետք է անորակ աշխատանքը հանդուրժի․ «Նաև կարգ պետք է ունենանք, եթե ընկերություններ կան, որ շարունակաբար թերություններ են ունենում, պետք է համապատասխան վերաբերմունք  ձևավորենք այդ ընկերությունների նկատմամբ։ Ճիշտ է, մենք պարտադրում ենք, թերությունը վերացնում են, բայց ժամանակը, որ մենք կորցրել ենք, դա էլ եկեք հաշվի առնենք, որը ոչ մի գնանշումով սահմանված չի, բայց շատ կարևոր է»։
12:41 - 17 հունիսի, 2022
Գնել Սանոսյանը և KFW բանկի ներկայացուցիչները անդրադարձել են Կապսի ջրամբարի կառուցման մրցութային գործընթացին

Գնել Սանոսյանը և KFW բանկի ներկայացուցիչները անդրադարձել են Կապսի ջրամբարի կառուցման մրցութային գործընթացին

ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է KFW գերմանական բանկի ներկայացուցիչներին։ Պատվիրակության կազմում էին KFW բանկի կոմունալ ենթակառուցվածքների ծրագրերի ղեկավար Ենս Հագենը, կոմունալ ենթակառուցվածքների ծրագրերի պորտֆոլիոյի համակարգող Ռոբերտ Ռոթը և KFW բանկի հայաստանյան ներկայացուցիչ Զառա Չատինյանը։ Երկուստեք արձանագրվել է, որ համագործակցության բոլոր ուղղություններով աշխատանքները բավարար ընթացք ունեն, դժվարությունները հաղթահարված են և հույս է հայտնվել, որ ծրագրերը ժամանակին և ամբողջ ծավալով առաջ կընթանան։ KFW բանկի ներկայացուցիչները գոհունակություն են հայտնել ՏԿԵ նախարարության, Տարածքային զարգացման հիմնադրամի, Ջրային կոմիտեի հետ աշխատանքներից։ Նախարար Սանոսյանը ևս նկատել է, որ KFW բանկի հետ համագործակցության ուղղություններով առկա է դրական դինամիկա և իր հերթին ընդգծել բանկի մասնագիտական թիմի շահագրգիռ և արդյունավետ համագործակցությունը ՀՀ պետական կառույցների հետ։ Հանդիպման ժամանակ քննարկվել է համատեղ իրականացվող ծրագրերի ընթացքը, հատկապես շեշտադրվել է Համայնքային ենթակառուցվածքների զարգացման ծրագիրը։ Արձանագրվել է ջրամատակարարման և ջրահեռացման աշխատանքների ավարտից հետո խրամուղիների և ճանապարհների պատշաճ և ամբողջական ծավալով վերականգնման կարևորությունը։ Անդրադարձ է կատարվել նաև Կապսի ջրամբարի կառուցման մրցութային գործընթացին։ Կարևորվել են ընթացակարգերը հնարավորինս արագ ավարտելն ու բուն շինարարական աշխատանքների մեկնարկը։
19:36 - 16 հունիսի, 2022
Մեծամորի ատոմակայանը առաջին անգամ սկսել է աշխատել հնարավորությունների 98 տոկոսի չափով․ Սանոսյան

 |armenpress.am|

Մեծամորի ատոմակայանը առաջին անգամ սկսել է աշխատել հնարավորությունների 98 տոկոսի չափով․ Սանոսյան |armenpress.am|

armenpress.am: Տարածքային կառավարման և ենթակառուցվածքների նախարար Գնել Սանոսյանը կարևոր ձեռքբերում է համարում 2040 թվականի համար էներգետիկ ոլորտի ռազմավարության ընդունումը։ ԱԺ-ում Հայաստանի Հանրապետության 2021 թվականի պետական բյուջեի կատարման տարեկան հաշվետվության քննարկման ժամանակ Սանոսյանը ընդգծեց, որ Կառավարության բոլոր գործողությունները բխում են հենց այդ ռազմավարությունից: «Նախորդ տարի կարևոր էր «Արմփաուեր» 254 մեգավատ հզորությամբ ջերմային էլեկտրակայանների շահագործման հանձնելը, որը մեր էներգետիկ համակարգում կարևոր դեր ունի, խոշոր ներդրում եղավ՝ շուրջ 250 միլիոն դոլարի չափով, բազմաթիվ աշխատատեղեր ստեղծվեցին, իսկ այդ ջերմակայանի օգտակար գործողության գործակիցը բարձր է»,-ասաց Սանոսյանը: Նախարարը նաև անդրադարձավ Մեծամորի ատոմակայանի աշխատանքին։  «Ամեն տարի որոշակի պարբերականությամբ ատոմակայանը կանգնում է , որոշակի վերանորոգման փուլ է անցնում։ Նախորդ տարի բավական ծավալուն փուլ էր, կարևոր հատվածներում փոփոխություններ տեղի ունեցան, վերջում մի կարևոր ձեռքբերում ունեցանք՝ 1995 թվականից սկսած՝ ատոմակայանն աշխատել է իր հզորության 92 տոկոսի չափով, իսկ անցած տարի կապիտալ փոփոխություններից հետո առաջին անգամ սկսել է աշխատել հնարավորության 98 տոկոսի չափով»,-հայտարարեց Գնել Սանոսյանը:   Հետևե՛ք մեզ նաև Telegram -ում
13:44 - 15 հունիսի, 2022