Հովհաննես Իգիթյան

Հովհաննես Հենզիկի Իգիթյանը (ապրիլի 14, 1960ՀադրութԼՂԻՄ) ՀՀ ԱԺ 7-րդ գումարման պատգամավոր է «Իմ քայլը» խմբակցությունից, ճարտարագետ, Արտաքին հարաբերությունների մշտական հանձնաժողովի նախագահի տեղակալը։ Անկուսակցական է։ 1982թ. ավարտել է Երեւանի պոլիտեխնիկական ինստիտուտի ռադիոէլեկտրոնիկայի ֆակուլտետը, 1980-1982թթ.՝ ԵրՊԻ ռազմական ամբիոնը՝ ստանալով լեյտենանտի սպայական կոչում: 1981-1984թթ. աշխատել է Երեւանի պոլիտեխնիկական ինստիտուտի գիտահետազոտական աշխատանքների բաժնի լաբորանտ, ճարտարագետ, կրտսեր գիտաշխատող: 1984-1988թթ.՝  ԵրՊԻ գիտահետազոտական աշխատանքների բաժնի «Էլեկտրական մեքենաների դիագնոստիկայի» գիտահետազոտական լաբորատորիայի վարիչ, ավագ գիտաշխատող, 1988-1990թթ.՝  ԵրՊԻ «Վերգետնյա արագընթաց տրանսպորտ» գիտահետազոտական լաբորատորիայի ավագ գիտաշխատող: 1999-2002թթ. եղել է Երեւանի «Կենտրոն» համայնքի թաղապետարանի իրավախորհրդատու: 2003-2018թթ.՝ Հայաստանում Եվրամիության առեւտրի պալատի գործադիր տնօրեն, 2003-2008թթ.՝ Եվրամիության «ՏԱՍԻՍ» ծրագրի մի շարք նախագծերի փորձագետ, 2004-2005թթ.՝  «Ֆրանս-հայկական զարգացման» հիմնադրամի գործադիր տնօրեն: 2006-2012թթ.՝ «107 Պրոմենադ» (Ֆրանսիա) անշարժ գույքի գործակալության միջազգային նախագծերի մենեջեր: 2007-2011թթ.՝ «Եվրոպոլիս» ՍՊԸ (Ղազախստան) միջազգային նախագծերի մենեջեր: 2012-2017թթ.՝ «Վինսի Գրուպ»-ի (Ֆրանսիա) խորհրդական: 2014-2015թթ.՝ «ՖԻԱԲՍԻ» (Համաշխարհային անշարժ գույքի ֆեդերացիա, Ֆրանսիա) նախագահի խորհրդական, 2015-2016թթ.՝ «ՀԱՐՔՈ Գրուպ»-ի (Բելգիա) ներկայացուցիչ: 1990-ից Ֆրանսիայի  «ՍՈՍ ԱՐՄԵՆԻ ԿՈՏ Դ'ԱԶՈւՐ» բարեգործական կազմակերպության խորհրդի անդամ է: 1990-1995թթ.՝ ՀՀ Գերագույն խորհրդի պատգամավոր: ԳԽ արտաքին հարաբերությունների մշտական հանձնաժողովի անդամ, ԱՊՀ խորհրդարանական վեհաժողովի արտաքին հարաբերությունների հանձնաժողովի փոխնախագահ: 1995-1999թթ.՝ ՀՀ ԱԺ պատգամավոր: ԱԺ արտաքին հարաբերությունների մշտական հանձնաժողովի նախագահ, ԵԽԽՎ-ում ՀՀ ԱԺ պատվիրակության ղեկավար, ԵԱՀԿ ԽՎ ՀՀ ԱԺ պատվիրակության ղեկավար: «Հանրապետություն» խմբակցության անդամ:

ՀՀ նախագահը համատեղության կարգով դեսպաններ է նշանակել

ՀՀ նախագահը համատեղության կարգով դեսպաններ է նշանակել

ՀՀ նախագահի պաշտոնական կայքից տեղեկանում ենք, որ նախագահ Վահագն Խաչատուրյանը համատեղության կարգով դեսպաններ է նշանակել Մակեդոնիայում, Լիխտենշտեյնում, Լատվիայում։ Մասնավորապես, Բուլղարիայի Հանրապետությունում Հայաստանի Հանրապետության արտակարգ և լիազոր դեսպան Արմեն Եդիգարյանին  համատեղության կարգով նշանակել է Հյուսիսային Մակեդոնիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Սոֆիա)։ Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Վիկտոր Ենգիբարյանին համատեղության կարգով նշանակել է Լիխտենշտայնի Իշխանապետությունում Հայաստանի Հանրապետության արտակարգ և լիազոր դեսպան (նստավայրը՝ Բեռլին)։ Իսկ Լիտվայի Հանրապետությունում Հայաստանի Հանրապետության արտա-կարգ և լիազոր դեսպան Հովհաննես Իգիթյանին համատեղության կարգով նշանակել է Լատվիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիլնյուս)։
13:52 - 11 հունիսի, 2022
ԵԽԽՎ-ի քաղաքական հանձնաժողովում բարձրաձայնվել է ադրբեջանցիների՝ հայկական տարածքներ ներխուժելու մասին հարցը. Իգիթյան |armtimes.com|

ԵԽԽՎ-ի քաղաքական հանձնաժողովում բարձրաձայնվել է ադրբեջանցիների՝ հայկական տարածքներ ներխուժելու մասին հարցը. Իգիթյան |armtimes.com|

armtimes.com: ԵԽԽՎ ԱԺ պատվիրակությունն այսօր ամփոփիչ մամուլի ասուլիսով հանդես եկավ, որի ընթացքում պատվիրակության անդամները ներկայացրեցին հիմնական այն թեմաները որոնք քննարկվել են ԵԽԽՎ-ի այս նստաշրջանում: «Իմ քայլը» խմբակցության պատգամավոր Տաթևիկ Հայրապետյանը նշեց, որ իրենք ներկայացրել են այն հարցերը, որոնք շատ կարևոր են ՀՀ-ի համար: «Մասնավորապես առաջին հերթին խոսել ենք ռազմագերիների խնդրից և դրա լուծման ուղղիներից, վերջին արտահերթ ընտրություններից, ակտիվ քննարկումներ ենք ունեցել հանձնաժողովներում, ազատ մամուլի մասին զեկույցում խոսել ենք Ադրբեջանում ընթացող բազմաթիվ սահմանափակումների մասին, որի հետևանքով այդ երկրում գեներացվում է ատելություն Հայաստանի և հայ ժողովրդի նկատմամբ»: ՀՀ-ի պատվիրակության մյուս անդամ, «Իմ քայլը» խմբակցության պատգամավոր Հովհաննես Իգիթյանն իր խոսքում ընդգծեց՝ ԵԽԽՎ-ում ընդհանուր մթնոլորտն ուղղված է այն խնդիրներին, որոնք հուզում են Հայաստանին: «Բոլոր զեկուցողները և բոլոր անդամները, բացառությամբ մեկ-երկու երկրների ներկայացուցիչների, գտնում են, որ առանց գերիների վերադարձի անհնար է առաջ շարժվել»: Իգթյանը նշեց, որ ԵԽԽՎ-ի քաղաքական հանձնաժողովում բարձրաձայնել է ադրբեջանցիների՝ հայկական տարածքներ ներխուժելու մասին հարցը. «Շատ կարևոր է, որ թե մեր, թե մեր այլ երկների գործընկերների ելույթներում բոլոր այն հարցերը, որոնք հուզում են մեր հասարակությանը, բարձրացվում են»: «Իմ քայլի» մեկ այլ պատգամավոր Սոս Ավետիսյանը, որը նույնպես ԵԽԽՎ պատվիրակության անդամ է, նշեց, որ զեկույցներից մեկը կորոնավիրուսին էր նվիրված: «Զեկույցում նշել ենք, որ կորոնավիրուսի համավարակով պայմանավորված Ադրբեջանի կողմից խախտվել է հրադադարը, պատերազմի հետևանքով խախտվել է երեխաների կրթության իրավունքը, քանի որ տասնյակ դպրոցներ են վնասվել, որոշները մնացել են օկուպացված տարածքներում»,-ասաց Ավետիսյանը:
14:29 - 30 հունիսի, 2021
7-րդ գումարման ԱԺ խմբակցությունների օրենսդրական գործունեությունը

7-րդ գումարման ԱԺ խմբակցությունների օրենսդրական գործունեությունը

Նկարը՝ Iravaban.net-ի ՀՀ 7-րդ գումարման Ազգային ժողովը ձևավորվել էր 2018 թվականի դեկտեմբերի 9-ին կայացած խորհրդարանական արտահերթ ընտրությունների արդյունքում։ Այս խորհրդարանը գործունեություն ծավալեց 2 տարի 5 ամիս, և այս տարվա մայիսի 10-ին արձակվեց իրավունքի ուժով՝ Նիկոլ Փաշինյանին երկու անգամ վարչապետ չընտրելու մեթոդով, որպեսզի հունիսին տեղի ունենան խորհրդարանական արտահերթ նոր ընտրություններ։ 2 տարի 5 ամիս օրենսդիր մարմնում գործունեություն են ծավալել երեք խմբակցություններ՝ «Իմ քայլը», «Բարգավաճ Հայաստան» և «Լուսավոր Հայաստան»։ Ազգային ժողովը վերահսկողություն է իրականացնում գործադիր իշխանության նկատմամբ, ընդունում է պետական բյուջեն և իրականացնում  Սահմանադրությամբ սահմանված այլ գործառույթներ, մշակում, նաև փոփոխում է օրենքներ և այլն: Հետևաբար օրենսդիր մարմնում գործունեություն ծավալած երեք ուժերի աշխատանքի գնահատման մեթոդներից մեկն էլ նրանց ներկայացրած և ընդունած օրենսդրական նախագծերն են։ Օրենսդրական նախագծերի ուսումնասիրության համար հիմք է հանդիսացել Ազգային ժողովի պաշտոնական Parliament.am կայքը, որտեղ հրապարակվում են պատգամավորների ներկայացրած բոլոր օրենսդրական նախաձեռնությունները, որոնք դրվել են շրջանառության մեջ և դեռևս չեն քննարկվել, կամ ընդգրկվել են ԱԺ օրակարգում, բայց դեռ չեն ընդունվել, կամ էլ ընդունվել են ամբողջությամբ։ «Իմ քայլը» խմբակցություն Այսպես, 7-րդ գումարման խորհրդարանի «Իմ քայլը» խմբակցությունն ունի 81 պատգամավոր, որոնցից 15-ը այս գումարման Ազգային ժողովում չունեն ընդունված նախագծեր, իսկ նրանց մի մասը պարզապես չեն էլ ներկայացրել որևէ օրենսդրական նախագիծ։ Այս պատգամավորներից ոմանք միայն վերջերս են ստանձնել պատգամավորական մանդատը, սակայն կան նաև պատգամավորներ, որոնք արդեն 2 տարի 5 ամիս է՝ օրենսդիրում են։ Օրինակ՝ Մաթևոս Ասատրյանը խորհրդարանում 2 տարի 5 ամիս աշխատելու ընթացքում համահեղինակության կարգով նախաձեռնել է 2 օրենքում փոփոխություն կատարելու նախագիծ, սակայն դրանցից մեկը հեղինակը հետ է վերցրել, իսկ մյուսը հանվել է շրջանառությունից։ Այսինքն՝ պատգամավորը 7-րդ գումարման Ազգային ժողովում աշխատել է 2 օրենքի փոփոխության նախագծերի վրա, որոնք չեն ընդունվել։ Պատգամավոր Միքայել Զոլյանը 7-րդ գումարման Ազգային ժողովում չի ներկայացրել ոչ մի նախագիծ։ Օրենսդիր մարմնի ներկայացուցիչը չունի ո՛չ ընդունված, ո՛չ օրակագում ընդգրկված և ո՛չ էլ շրջանառության մեջ դրած նախագծեր։ Պատգամավոր Սեդրակ Թևոնյանը նույնպես 7-րդ գումարման Ազգային ժողովում որևէ նախագիծ չի ներկայացրել։ Վերջինիս որպես հանձնաժողովի անդամ ներգրավված է եղել «ՀՀ ցամաքային ուղևորափոխադրումների կազմակերպման գործընթացը և 2016-2019թթ. ոլորտը սպասարկող, համակարգող և վերահսկող լիազոր մարմինների գործունեությունն ուսումնասիրող քննիչ հանձնաժողովի գործունեության ժամկետը երկարաձգելու մասին» նախագծի կազմում։ Պատգամավոր Կնյազ Հասանովը Ազգային ժողովում քրդական համայնքը ներկայացնող պատգամավոր է։ Վերջինս այս 2,5 տարիների ընթացքում Ազգային ժողովին չի ներկայացրել և չի համահեղինակել որևէ օրենսդրական նախագիծ։ Պատգամավոր Սասուն Միքայելյանը 7-րդ գումարման Ազգային ժողովում չի ներկայացրել որևէ օրենսդրական նախագիծ։ Վերջինիս ներգրավված է եղել մետաղական հանքարդյունաբերության վերաբերյալ քննիչ հանձնաժողովի աշխատանքներում։ Պատգամավոր Արտաշես Թևոսյանը մանդատը ստանձնել է խորհրդարանի ձևավորման հենց սկզբից։ Վերջինս այս 2,5 տարիների ընթացքում ներկայացրել է միայն մեկ նախագիծ, սակայն հետագայում հետ է կանչել այն։ Պատգամավորը չունի ընդունված ոչ մի նախագիծ, սակայն մեկ նախագիծ ընդգրկված է օրակարգում, որն ընդունվել է առաջին ընթերցմամբ։ Սա վերջին 2,5 տարիների ընթացքում միակ նախագիծն է, որը դեռևս ամբողջությամբ ընդունված չէ։  Արման Եղոյանը չունի ընդունված օրենսդրական նախագիծ։ Վերջինս մի քանի օրենսդրական նախագծերի համահեղինակ է եղել, որոնք, սակայն, հեղինակը հետ է կանչել։ Նախագծերից մեկը, որի համահեղինակ է եղել Արման Եղոյանը, «Մաքսային կարգավորման մասին» ՀՀ օրենքում փոփոխություններ կատարելու մասին է․ նախագիծն ընդունվել է առաջին ընթերցմամբ, որից հետո հեղինակը նախագիծը հետ է վերցրել։ Մեկ այլ նախագիծ էլ ՀՀ հարկային օրենսգրքում լրացումներ կատարելու մասին է, որը նույնպես առաջին ընթերցմամբ ընդունվելուց հետո հետ է վերցվել։ Այս նախագիծը նորից ներկայացվել է ԱԺ․ ընդունվել առաջին ընթերցմամբ։ Վարչական իրավախախտումների վերաբերյալ ՀՀ օրենսգրքում լրացումներ կատարելու մասին նախագծում Եղոյանը նույնպես ներառված է եղել․ այս դեպքում էլ առաջին ընթերցմամբ ընդունվելուց հետո հեղինակը նախագիծը հետ է վերցրել։ Երկրորդ անգամ ներկայացվել է ԱԺ և ընդունվել առաջին ընթերցմամբ։ Կինեմատոգրաֆիայի մասին մշակված նախագիծը արժանացել է նույն ճակատագրին, ինչ նախորդ երեք նախագծերը։ Այս անգամ ևս ներկայացվել է ԱԺ և ընդունվել առաջին ընթերցմամբ։ Այսինքն՝ այս պահին Եղոյանը օրակարգում ընդգրկված 3 նախագծերի համահեղինակ է։ Նարեկ Ղահրամանյանը պատգամավորական մանդատը ստանձնել է 2020 թվականի սեպտեմբերի 23-ին, որից օրեր անց սկսվեց 44-օրյա պատերազմը։ Սա կարող է պատճառ լինել օրենսդրական բնականոն գործունեության խաթարման, բայց, այնուամենայնիվ, պատգամավորը դեռևս չունի ընդունված օրենսդրական նախագծեր։ Սակայն նա համահեղինակ է օրենսդրական 2 նախագծի, որոնք ընգրկված են օրակարգում, իսկ մեկ նախագիծ էլ դեռ օրակարգում չէ։ Նախագծերից մեկը վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին է, մյուսը՝ ՀՀ քրեական դատավարության օրենսգրքում փոփոխություններ և լրացումներ կատարելու մասին։ Պատգամավորը նույն օրենսգրքում մեկ այլ փոփոխություն էլ է նախաձեռնել, որը շրջանառության մեջ է։ Պատգամավորներ Գոռ Երանյանը և Կարապետ Մխչյանը պատգամավորական մանդատ են ստանձնել համապատասխանաբար 2020 թվականի հոկտեմբերի 1-ին և 13-ին, սակայն նրանցից մեկն ընդհանրապես չունի նեկայացրած նախաձեռնություն, մյուսն ունի ներկայացրած, սակայն դեռ չեն ընդունվել։ Մասնավորապես Գոռ Երանյանը ընդհանրապես չունի ներկայացրած նախագիծ։ Կարապետ Մխչյանը օրենսդրական երկու [1,2] նախագծերի մշակման աշխատանքներում մասնակցություն է ունեցել, որոնք, սակայն, հեղինակը հետ է վերցրել։ Երկու նախագծերն էլ «Հաշվեքննիչ պալատի մասին» օրենքում փոփոխություններ և լրացումներ կատարելու մասին են։ Պատգամավոր Հայկ Ցիրունյանը մանդատը ստանձնել է 2020 թվականի նոյեմբերի 27-ին։ Պատգամավորը համահեղինակ է երկու նախագծերի, որոնք այժմ ընդգրկված են օրակարգում։ Դրանցից մեկը «Քաղաքաշինության մասին» ՀՀ օրենքում փոփոխություններ և լրացումներ կատարելու մասին է, մյուսը՝ վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին։ Պատգամավորը մինչ օրս չունի ընդունված օրենսդրական նախագիծ։ Պատգամավորներ Նարեկ Գրիգորյանը, Կարեն Գրիգորյանը և Հակոբ Ասլանյանը պատգամավորական մանդատը ստանձնել են համապատասխանաբար 2020 թվականի դեկտեմբերի 4-ին, 14-ին և 24-ին։ Մանդատը ստանձնելուց ի վեր Նարեկ Գրիգորյանը չի ներկայացրել և համահեղինակության կարգով ներգրավված չի եղել որևէ օրենսդրական նախագծում։ Կարեն Գրիգորյանը մասնակցություն ունի 2 օրենսդրական նախագծում, որոնք հեղինակը հետ է վերցրել։ Նախագծերից երկուսն էլ «Հաշվեքննիչ պալատի մասին» օրենքում փոփոխություններ և լրացումներ կատարելու մասին են։ Երկուսի դեպքում էլ նախատեսված են եղել գրեթե նույն փոփոխություններ, սակայն ինչ-ինչ պատճառներով երկու անգամ էլ հեղինակը նախագիծը հետ է վերցրել։ Հակոբ Ասլանյանը պատգամավորական մանդատը ստանձնելուց հետո մինչ օրս չի համահեղինակել և չունի որևէ ներկայացրած նախագիծ։  Պատգամավորներ Էմմա Պալյանը և Վահագն Ալեքսանյանը մանդատը ստանձնել են համապատասխանաբար 2021 թվականի մարտի 22-ին և ապրիլի 6-ին։ Վերջիններս նույնպես օրենսդրական նախագծեր չեն հեղինակել կամ համահեղինակել։ Կան պատգամավորներ, որոնք ընդունված միայն մեկ օրենսդրական նախագիծ ունեն, սակայն նրանցից շատերինը նույն օրենսդրական նախագիծն է, որը մշակվել է շուրջ 55 պատգամավորների համատեղ ջանքերով։ Այսպես՝ պատգամավորներ Սոս Ավետիսյանը, Արման Բոշյանը, Մերի Գալստյանը, Հռիփսիմե Գրիգորյանը, Հովհաննես Իգիթյանը, Արեն Մկրտչյանը, Սերգեյ Մովսիսյանը, Հայկ Սարգսյանը և Լիլիթ Ստեփանյանը սահմանադրական բարեփոխումների վերաբերյալ օրենքի նախագծի համահեղինակ են։ Այս շարքի պատգամավորներից Սոս Ավետիսյանը, Արման Բոշյանը, Հռիփսիմե Գրիգորյանը, Հովհաննես Իգիթյանը և Արեն Մկրտչյանը չունեն հեղինակած կամ համահեղինակած օրենսդրական նախագծեր։ Վերջիններս չունեն նույնիսկ ներկայացրած օրենսդրական նախագծեր, բացի այս մեկից, որի կազմում իրենք նույնպես ընդգրկված են եղել։ Սերգեյ Մովսիսյանը համահեղինակ է 2 օրենսդրական նախագծի, որոնք դրվել են շրջանառության, սակայն դեռ չեն ընդգրկվել օրակարգում։ Հայկ Սարգսյանը 7-րդ գումարման ԱԺ-ում ներկայացրել է 4 նախագիծ, սակայն բոլորի դեպքում էլ հեղինակը ընթացքից հետ է վերցրել։ Սարգսյանն այս պահին ունի 1 նախագիծ, որը դրվել է շրջանառության, սակայն դեռ ընգրկված չէ օրակարգում։ Մերի Գալստյանը ներկայացված է եղել 15 օրենսդրական նախագծերում․ բոլորի դեպքում հեղինակը ընթացքից հետ է վերցրել նախագիծը։ Այժմ պատգամավորը ներկայացված է 3 նախագծում, որոնք դրվել են շրջանառության, բայց դեռ ընդգրկված չեն օրակարգում։ Պատգամավոր Լիլիթ Ստեփանյան 1 նախագծի հեղինակ է, սակայն ընթացքում այն հետ է վերցրել։ Այժմ կան 6 նախագծեր, որոնք շրջանառության մեջ են, սակայն դեռ օրակարգում չեն ընդգրկվել։ Պատգամավորներ Ալեքսանդր Ավետիսյանը, Տաթևիկ Գասպարյանը և Արթուր Մանուկյանը համահեղինակ են ընդունված միայն մեկ օրենսդրական նախագծի՝ ««Սահմանադրության փոփոխությունների նախագիծը հանրաքվեի դնելու մասին» որոշումը ուժը կորցրած ճանաչելու մասին»։ Սակայն, բացի այս երեք պատգամավորներից, նախագծի համահեղինակ են ևս 35 պատգամավորներ։ Այս պատգամավորներից Ալեքսանդր Ավետիսյանը և Տաթևիկ Գասպարյանը բացի այս նախագծում ներգրավված լինելուց, չեն ներկայացրել որևէ այլ օրենսդրական նախագիծ։ Արթուր Մանուկյանը ներգրավված է 2 օրենսդրական նախագրեծում, որոնք ընդգրկված են օրակարգում։ 1 օրենսդրական նախագծի համահեղինակ է նաև պատգամավոր Կարեն Համբարձումյանը։ Բացի այս մեկ ընդունված օրենսդրական նախագծից, պատգամավորը ներգրավված չի եղել որևէ այլ օրենսդրական նախագծում։ «Բարգավաճ Հայաստան» խմբակցություն Ընդդիմադիր ուժերի պարագան մի փոքր այլ է։ Վերջիններս հնարավոր է չունենան ընդունված օրենսդրական նախագծեր իշխանության ներկայացուցիչների՝ խորհրդարանում մեծ թվով ներկայացված լինելու պատճառով։ Այսինքն՝ լինում են դեպքեր, երբ ընդդիմության ներկայացրած օրենսդրական նախագծերը չեն ընդունվում իշխանության ներկայացուցիչների դեմ քվեարկելու պատճառով, ինչը սովորաբար չի լինում «Իմ քայլի» ներկայացրած նախագծերի պարագայում։ Այնուամենայնիվ ստորև ներկայացնում ենք այս խմբակցության պատգամավորների ներկայացրած, ընդունված և չընդունված նախագծերի մի մասի վերաբերյալ ամփոփ տվյալներ։ «Բարգավաճ Հայաստան» խմբակցության պատգամավորներ Գագիկ Ծառուկյանը, Նորա Առուստամյանը, Վարդևան Գրիգորյանը, Վարդան Ղուկասյանը, Կարինե Պողոսյանը և Սողոմոն Սողոմոնյանը 7-րդ գումարման Ազգային ժողովում ունեն ընդունված միայն մեկ օրենսդրական նախագիծ, սակայն այս նախագծի վրա համահեղինակության կարգով աշխատել են շուրջ 38 պատգամավորներ, որոնց թվում էին նաև հիշյալ անձինք։ Նախագիծը COVID 19-ի տարածումը կանխելու, կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում մարդու իրավունքների և հիմնարար ազատությունների սահմանափակումների արդյունավետությունն ու իրավաչափությունն ուսումնասիրող քննիչ հանձնաժողովի անդամների թիվը սահմանելու մասին է։ Վերոնշյալ պատգամավորներից Գագիկ Ծառուկյանը և Սողոմոն Սողոմոնյանը բացի այս ընդունված նախագծիչ չեն ներկայացրել որևէ այլ նախագիծ։ Պատգամավոր Նորա Առուստամյանը ներկայացրել է 2 օրենսդրական նախագիծ, սակայն դրանք մերժվել են։ Վերջինս ունի նաև օրակարգում ընդգրկված 1 նախագիծ։ Վարդևան Գրիգորյանը համահեղինակել է 5 նախագիծ, որոնցից 1-ը մերժվել է, 4-ը  հետ է վերցվել։ պատգամավոր Կարինե Պողոսյան ներկայացված է 2 օրեսնդրական նախագծում, որոնք սակայն հետ են վերցվել։ Պատգամավորներ Արայիկ Աղաբաբյանը, Քաջիկ Գևորգյանը, Ջանիբեկ Հայրապետյանը, Հրանտ Մադաթյանը, Տիգրան Ստեփանյանը, Վարդան Վարդանյանը և Իվետա Տոնոյանն ունեն ընդունված 2 օրենսդրական նախագիծ, որից մեկը հիշյալ նախագիծն է։ Այս պատգամավորներից Արայիկ Աղաբաբյանը, Տիգրան Ստեփանյանը և Վարդան Վարդանյանը չունեն ներկայացրած օրենսդրական այլ նախագծեր։ Քաջիկ Գևորգյան համահեղինակ է մի նախագծի, որը դրվել է շրջանառության, սական ընդգրված չէ օրակարգում։ Ջանիբեկ Հայրապետյանը ներկայացրել է 5 օրենսդրական նախագիծ, որոնցից 3-ը հեղինակը հետ է վերցրել, 2-ը՝ մերժվել։ Հրանտ Մադաթյան ներկայացված է 10 օրենսդրական նախագծում, որոնցից 9-ը հետ է վերցվել, 1-ը՝ մերժվել։ Իվետա Տոնոյանը ներկայացրել է 4 օրենսդրական նախագիծ, որոնցից 3-ը հետ է վերցվել, 1-ը՝ մերժվել։ «Լուսավոր Հայաստան» խմբակցություն Ինչպես արդեն նշեցինք ընդդիմադիր պատգամավորների պարագայում մի փոքր այլ է։ «Լուսավոր Հայաստան» խմբակցությունը մի քանի անգամ ասել է, որ իրենց խմբակցության ներկայացրած նախագծերը իշխանության ներկայացուցիչները չեն ընդունում՝ դեմ քվեարկելով, որից հետո, ամիսներ անց, որոշակի փոփոխության ենթարկելով իրենց անվան տակ ներկայացնում են նույն նախագծերը և ընդունում։ Հետևաբար ընդդիմադիր պատգամավորների մոտ հաճախակի են դեպքերը, երբ ներկայացվել են նախագծեր, որոնք չեն ընդունվել։ Այսպես, օրինակ, պատգամավորներ Հրանտ Այվազյանը, Սրբուհի Գրիգորյանը, Սարիկ Մինասյանը և Ստեփան Ստեփանյանը չունեն ընդունված օրենսդրական նախագծեր։ Սակայն վերջիններս ունեն ներկայացրած նախագծեր, որոնց մի մասը հենց հեղինակներն են հետ կանչել, մի մասն էլ մերժվել է։ Նշված պատգամավորներից Հրանտ Այվազյանը և Ստեփան Ստեփանյանը չունեն ներկայացված օրենսդրական այլ նախագծեր։ Սրբուհի Գրիգորյանը ներկայացրել է 4 նախագիծ, որոնցից 2-ը հետ է վերցվել, 2-ը՝ մերժվել։ Սարիկ Մինասյանը ներկայացրել է 1 նախագիծ, որը հետագայում հետ է վերցրել։ Սարգիս Ալեքսանյանը, Գուրգեն Բաղդասարյանը, Արմեն Եղիազարյանը, Աննա Կոստանյանը, Անի Սամսոնյանը, Կարեն Սիմոնյանը, Տարոն Սիմոնյանը և Ռուբիկ Ստեփանյանն ունեն միայն մեկ ընդունված օրենսդրական նախագիծ, որը այն նույն նախագիծն է, որի մասին արդեն խոսեցինք «Բարգավաճ Հայաստան» խմբակցության պատգամավորների գործունեությունը ներկայացնելիս։ Այս պատգամավորներից Սարգիս Ալեքսանյանը, Արմեն Եղիազարյանը, Անի Սամսոնյանը, Կարեն Սիմոնյանը, Տարոն Սիմոնյանը, Գուրգեն Բաղդասարյանը և Ռուբիկ Ստեփանյանը չունեն ներկայացրած օրենսդրական այլ նախագծեր, բացի վերոնշյալից։ Պատգամավոր Աննա Կոստանյան ներկայացրել է 8 օրենսդրական նախագիծ, որոնցից 5-ը հեղինակը հետ է վերցրել, 3-ը՝ մերժվել է։ Նշենք, որ «Լուսավոր Հայաստան» խմբակցությունը հիմնականում նախաձեռնությունները ներկայացնում է խմբակցության և ոչ անհատ պատգամավորների անունից։ Ընդհանուր առմամբ խմբակցությունը ներկայացրել է մի շարք օրենսդրական նախագծեր, որոնցից ընդունվել են 39-ը։  Խմբակցություններում չընդգրկված պատգամավորներ 7-րդ գումարման խորհրդարանում կան 3 խմբակցություններում չընդգրկված 9 պատգամավորներ։ Նրանցից Աննա Գրիգորյանը և Թագուհի Թովմասյանը համահեղինակել են միայն 1 օրենսդրական նախագիծ։ Այս նախագծի համահեղինակ է նաև մեկ այլ անկախ պատգամավոր՝ Վարդան Աթաբեկյանը։ Վերջինս համահեղինակել է նաև մեկ այլ օրենսդրական նախագիծ։ Աննա Գրիգորյանը բացի այս նախագծից համահեղինակության կարգով ընդգրկված է նաև երկու այլ նախագծերում, որոնք դրվել են շրջանառության, սական դեռ չեն մտել օրակարգ։ Թագուհի Թովմասյանը ներկայացրել է 4 այլ նախագիծ, որոնք դրվել են շրջանառության, սակայն ընդգրկված չեն օրակարգում։ Պատգամավոր Վարդան Աթաբեկյանը, բացի 2 ընդունված օրենսդրական նախագծերից, համահեղինակել է մեկ օրենսդրական նախագիծ, որը հետագայում հեղինակը հետ է վերցրել 2 ընդունված օրենսդրական նախագիծ ներկայացնողների շարքում են նաև անկախ պատգամավորներ Գոռ Գևորգյանը, Տիգրան Ուրիխանյանը և Գևորգ Պետրոսյանը։ Գոռ Գևորգյանը, բացի 2 ընդունված նախագծերից, ներկայացրել է նաև 1 այլ նախագիծ, որը դրվել է շրջանառության մեջ, սակայն դեռևս ընդգրկված չէ օրակարգում։ Տիգրան Ուրիխանյանը և Գևորգ Պետրոսյանը ներկայացրել են մի շարք օրենսդրական նախագծեր, որոնց մի մասը հեղինակներն են հետ վերցրել, մի մասն էլ մերժվել է խորհրդարանի կողմից։ Ընդհանուր պատկերը դիտարկելիս տեսնում ենք, որ իշխանության ներկայացուցիչների՝ խորհրդարանին ներկայացված օրենսդրական նախագծերը հիմնականում ընդունվել են առանց խնդիրների, իսկ ընդդիմության ներկայացրած նախագծերի պարագայում կան մերժված շատ նախագծեր։ Ամփոփելով՝ կարող ենք փաստել, որ 7-րդ գումարման Ազգային ժողովի պատգամավորներից ոմանք չեն ներկայացրել և չունեն գեթ մեկ ներկայացված օրենսդրական նախագիծ, ոմանք էլ ունեն ներկայացված նախագծեր, սակայն միայն մեկ կամ երկուսն են ընդունվել խորհրդարանի կողմից։ Քանի որ օրենսդիր մարմնի գործառույթներից մեկն էլ օրենքներ մշակել, լրացնել և հեղինակելն է, հետևաբար, սա ակնառու ապացույց է, որի միջոցով էլ կարող ենք պատկերացում կազմել օրենսդիր մարմնում գործունեություն ծավալած պատգամավորների աշխատանքի մասին՝ այս խորհրդարանի արձակման պահին և նոր արտահերթ խորհրդարանական ընտրությունների շեմին։ Նարեկ Մարտիրոսյան
15:40 - 21 մայիսի, 2021
ԵԽԽՎ բյուրոյի անդամները շատ անհարմար էին զգում, որ չեն կարող ռազմագերիների հարցն օրակարգ մտցնել. Իգիթյան |1lurer.am|

ԵԽԽՎ բյուրոյի անդամները շատ անհարմար էին զգում, որ չեն կարող ռազմագերիների հարցն օրակարգ մտցնել. Իգիթյան |1lurer.am|

1lurer.am:  Ես ուղիղ կապի մեջ էի ԵԽԽՎ բյուրոյի մի քանի անդամների հետ, ու իրենք շատ անհարմար էին զգում, որ չեն կարող այդ հարցն օրակարգ մտցնել մի քանի պատճառներով՝ հայտարարեց ԵԽԽՎ-ում ՀՀ ԱԺ պատվիրակության անդամ Հովհաննես Իգիթյանը՝ անդրադառնալով հարցին, թե ինչու ռազմագերիների հարցը չդարձավ ԵԽԽՎ նստաշրջանի ընթացիկ քննարկման թեմա: «Պարոն Մարուքյանի հետ նաև քաղաքական խմբում ենք մասնակցել, այնտեղ կատեգորիկ ենք դրել այդ հարցը: Մենք դեմ չենք որևէ քաղաքական կամ ոչ քաղաքական մարդու ազատ արձակմանը, բայց ես այնտեղ ներկայացրեցի, որ Նավալնին ընդամենը մեկ բանտարկյալ է, և ինքը իր Ֆեյսբուքում նշել է, որ իր պայմանները այդքան էլ վատը չեն, իսկ մենք ասում էինք՝ այնտեղ կան հարյուրավոր երիտասարդներ՝ իրենց պարտքը կատարած մարդիկ, որոնց ճակատագիրն անհայտ է. սա է պատճառը, որ այս հարցն անպայման ուշադրության տակ լինի: Խոսքը գնում է գերիների մասին. բոլորը համաձայն էին»,- ասաց Իգիթյանը: Պատգամավորի խոսքով՝ ԵԽԽՎ-ում մթնոլորտը ստեղծվում է նաև Հայաստանից եկած տեղեկությունների հիման վրա: Իգիթյանը, դիմելով լրագրողներին, ասաց, որ նրանք են ստեղծում այստեղի մթնոլորտը: Իգիթյանի խոսքով՝ Հայաստանից գալիս էր ապատեղեկատվական ցունամի, արդյունքում՝ գերիների հարցն այդ աղմուկի մեջ կորչում էր: Ասաց՝ մարդիկ իրենց ուրիշ հարցեր էին տալիս, հարցնում էին քաղաքական իրավիճակից, նոր ընտրություններից: «Նավալնիի հարցը մտավ օրակարգ, քանի որ այն տեղեկատվությունը, որ Ռուսաստանից դուրս էր գալիս, ավելի մեծ էր, քան այն, ինչ Հայաստանից էր գալիս»,- ասաց Իգիթյանը: Հարցին՝ արդյոք ԵԽԽՎ-ում ՀՀ ԱԺ պատվիրակության աշխատանքն արդյունավե՞տ է գնահատում, Իգիթյանը նշեց. «Նման կազմակերպություններում հաջողությունն ու անհաջողությունը գնահատվում են ստեղծված մթնոլորտով: Բացի մեկ-երկու երկրների փոքրաթիվ պատվիրակություններից, մյուսներն այս հարցում հակաադրբեջանական են տրամադրված: Այսինքն՝ նրանք կարծում են, որ Ադրբեջանը խախտել է իր պայմանավորվածությունները, օգտագործել է ռազմական ուժ: Այս մթնոլորտը կարևոր է, որը մենք պետք է հասցնենք կապիտալիզացիայի»:
07:37 - 02 փետրվարի, 2021
Հովհաննես Իգիթյանը հանդիպել է Հայաստանում Ուկրաինայի արտակարգ եւ լիազոր դեսպանի հետ

Հովհաննես Իգիթյանը հանդիպել է Հայաստանում Ուկրաինայի արտակարգ եւ լիազոր դեսպանի հետ

Հոկտեմբերի 9-ին ԱԺ Հայաստան-Ուկրաինա բարեկամական խմբի ղեկավար Հովհաննես Իգիթյանը հանդիպել է Հայաստանում Ուկրաինայի արտակարգ եւ լիազոր դեսպան Իվան Կուլեբայի հետ: Հանդիպման ընթացքում կողմերն անդրադարձել են հայ-ուկրաինական հարաբերությունների օրակարգին առնչվող հարցերի լայն շրջանակի: Առանձնահատուկ կարեւորվել են միջխորհրդարանական գործընկերության զարգացման հեռանկարները: Զրուցակիցները երկու ժողովուրդների միջեւ ավանդաբար բարեկամական կապերի ամրապնդման գործում ընդգծել են Հայաստանում եւ Ուկրաինայում ազգային համայնքների կարեւոր դերակատարումը: Հատուկ ուշադրություն է դարձվել տարածաշրջանում աշխարհաքաղաքական բարդ իրավիճակին եւ վերջինիս կարգավորմանը: Դեսպանն ընդգծել է Լեռնային Ղարաբաղի հակամարտության շուտափույթ եւ խաղաղ ճանապարհով կարգավորման հարցում ուկրաինական կողմի շահագրգռվածությունը: 
22:06 - 10 հոկտեմբերի, 2020
Պատերազմում մեր հաղթանակը կլինի հակառակորդին զինադադար եւ երկարատեւ ու երաշխավորված խաղաղություն պարտադրելը․ Հովհաննես Իգիթյան

Պատերազմում մեր հաղթանակը կլինի հակառակորդին զինադադար եւ երկարատեւ ու երաշխավորված խաղաղություն պարտադրելը․ Հովհաննես Իգիթյան

Արցախա-ադրեջանական սահմանին լայնածավալ պատերազմական այս գործողությունների ընթացքում ե՛ւ Արցախի Հանրապետության նախագահի, ե՛ւ ՀՀ վարչապետի մակարդակով հայտարարվել է՝ կանգնելու ենք մինչեւ վերջ, մինչեւ վերջնական հաղթանակ։ Այս ողջ ընթացքում քաղաքական բոլոր ուժերի ներկայացուցիչները, հայաստանցիներն ու արցախցիները, աշխարհի տարբեր անկյուններում ապրող հայերը եւս կասկած անգամ չեն հայտնել այս առնչությամբ։ Ռազմական իմաստով հաղթանակն, ըստ էության, ձեւակերպում ու վերջնակետ ունի՝ չթողնել, որ հակառակորդը հասնի իր առջեւ դրված նպատակին՝ ընդհուպ ուղղակի ջախջախելով թշնամու բանակը, հնարավորության դեպքում տարածքային առաջխաղացում ունենալ։ Քաղաքական տարբեր ուժերի ներկայացուցիչներ քաղաքական հաղթանակի վերջնակետը տեսնում են Արցախ-Հայաստան միացմամբ եւ գալիք ժամանկների համար պատերազմի բացառմամբ։ Ազգային ժողովի «Իմ քայլը» խմբակցության պատգամավոր Հովհաննես Իգիթյանի կարծիքով՝ մենք նախ պետք է հասկանանք՝ որ կողմը ինչ է ուզում այս պատերազմի վերջում։ Infocom-ի հետ զրույցում Իգիթյանը նկատեց՝ մենք պարզ գիտենք, որ Ադրբեջանն ու Թուրքիան միասին որպես հաղթանակ տեսնում են հայության բնաջնջումը՝ առնվազն Արցախի ամբողջ տարածքում։  Իսկ ահա մեզ համար, պատգամավորի խոսքով, պատերազմի համար մեկ հաղթանակը կլինի մնալը, պաշտպանվելը եւ մեր գոյությունը շարունակելը, երկրորդը՝ հակառակորդին ստիպել հաստատել զինադադար եւ երկարատեւ ու երաշխավորված խաղաղություն պարտադրել․ «Այդ ուղղությամբ դիվանագիտական մակարդակով արդեն արվում են քայլեր։ Հիմա ավելի շատ են խոսում Արցախի ճանաչման մասին։ Ես համոզված եմ, որ ԼՂՀ հարցի լուծման հետ կապված փոխվելու է նաեւ Մինսկի խմբի գործընթացը»,- ասաց մեր զրուցակիցը՝ նշելով, որ արդեն քանի տարի է՝ աշխարհը եւ Մինսի խումբը փորձում են լուծել ԼՂՀ հարցը, քանի որ Ադրբեջանն ամեն ինչ խճճել է։ Բայց, Իգիթյանի խոսքով, մենք չպետք է մոռանանք, որ Մինսկի խումբը պետք է խաղաղություն հաստատի․ «Հիմա, պարզվում է, Մինսկի խմբի ջանքերը արդյունքի չեն բերում։ Աշխարհը ունի տարբեր օրինակներ, երբ եթե չեն գործում խաղաղության պահպանման բոլոր միջոցները, օրինակ, համաձայնագրերը կամ այլ հորդորները, ապա այդ պարագայում միջազգային պրակտիկան չի բացառում կարգավիճակի ճանաչում՝ որպես միջազգային իրավունքի լիարժեք անդամ, որպես խաղաղության եւ ժողովրդի անվտանգության երաշխիք։ Արցախի Հանրապետության ճանաչումը դիտարկվում է որպես այնտեղ ապրող ժողովրդի խաղաղ ապրելու երաշխիք եւ որպես ռեգիոնալ խաղաղության հարց։ Վերջերս Ֆրանսիայի խորհրդարանի պատգամավորների եւ քաղաքական գործիչների ստորագրած հայտարարության մեջ ասված էր, որ եթե Ադրբեջանը շարունակի այս ագրեսիվ քաղաքականությունը, ապա Ֆրանսիան պետք է դուրս գա նեյտրալիտետից եւ ճանաչի ԼՂՀ-ի իշխանությունների լիարժեք լեգիտիումթյունը»,- ասաց ԱԺ պատգամավոր Հովհաննես Իգիթյանը՝ հավելելով, որ այս գործընթացը կարող է բերել Արցախի վերջնական ճանաչմանը։ Սեդա Առաքելյան
21:46 - 09 հոկտեմբերի, 2020
Ադրբեջանը տապալում է Մինսկի խմբի բանակցային գործընթացը |hhpress.am|

Ադրբեջանը տապալում է Մինսկի խմբի բանակցային գործընթացը |hhpress.am|

hhpress.am: Միջազգային հանրությունը հետեւողականորեն արձագանքում է հայ-ադրբեջանական սահմանին Ադրբեջանի կողմից հրադադարի ռեժիմի պարբերական խախտումների եւ կրակոցների առնչությամբ։ԵԱՀԿ Մինսկի խումբը դատապարտում է հրադադարի ռեժիմի խախտումները եւ կողմերին կոչ անում ձեռնարկել բոլոր անհրաժեշտ քայլերը՝ հետագա լարվածությունը կանխելու համար։Առարկայական բանակցությունների վերսկսման կոչ են անում եւ կարեւորում են ԵԱՀԿ դիտորդների վերադարձը տարածաշրջան Ռուսաստանը, ԱՄՆ-ն եւ Ֆրանսիան ներկայացնող համանախագահները։ Վերջիններս կապի մեջ են կողմերի հետ, հորդորում են կիրառել հաղորդակցության ուղիղ միջոցները։ Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը «Ֆեյսբուքյան» իր էջում հայտարարել է, որ ՆԱՏՕ-ն ԵԱՀԿ Մինսկի խմբի համանախագահներին կոչ է անում կանխել Հայաստանի եւ Ադրբեջանի սահմանին հակամարտության հետագա սրացումը։ԱԺ «Իմ քայլը» խմբակցության անդամ, ԵԽ Խորհրդարանական վեհաժողովի պատվիրակության անդամ Հովհաննես Իգիթյանը «Հայաստանի Հանրապետություն» օրաթերթի հետ զրույցում շեշտում է՝ միջազգային հանրությունը հնարավորինս շուտ հորդորում է Տավուշում՝ հայ-ադրբեջանական սահմանին իրադրությունը տանել զինադադարի։ Հարցին, թե ինչո՞ւ ԵԽԽՎ-ն չի արձագանքում ադրբեջանական ագրեսորների գործողություններին, նա ասաց, որ ԵԽԽՎ-ն այն մարմինը չէ, որը քաղաքական հրատապ հարցեր է լուծում։ Բայց համոզված է, որ Ադրբեջանի այսպիսի վարվելակերպը՝ իր ագրեսիայի դրսեւորման համար խաղաղ բնակչությանը թիրախավորելը, անպատասխան չի մնա. «Մենք մեր գործընկերներին հայտնել ենք, որ ներկա իրավիճակում Ադրբեջանը տապալում է համավարակի դեմ պայքարը։ Խոսքը վերաբերում է «Տավուշ տեքստիլի» ուղղությամբ արձակված կրակոցներին, այն զբաղվում է համավարակի պայքարի համար անհրաժեշտ իրերի արտադրությամբ, որտեղ աշխատում են հարյուրավոր կանայք»։Ինչպես գիտենք, որ Ադրբեջանը հուլիսի 14-ին ժամը 11։00-ին 120 մմ ականանետերից կրակել է Բերդի տարածաշրջանի Չորաթան համայնքում գտնվող «Տավուշ տեքստիլի» ուղղությամբ։ Գործարանը կորոնավիրուսի շրջանում արտադրում է նաեւ պաշտպանիչ դիմակներ. «Այսպիսի դեպքերը, հույս ունենք, տեղ կգտնեն Ադրբեջանի վարքագիծը գնահատող զեկույցներում։ Միջազգային հանրության արձագանքներից, ընդհանուր մտահոգություններից զատ կան նաեւ այլ հայտարարություններ, օրինակ՝ Թուրքիայինը, երբ վերջինս հայտարարում է, որ արդարացնում է Ադրբեջանի վարվելակերպը եւ պատրաստ է աջակցել։ Սա միանշանակ տանում է Ադրբեջանի ռազմական ագրեսիայի շարունակմանը։ Շատ կարեւոր է Մինսկի խմբի հայտարարությունը, որը եւս ուղղված է ռազմական գործողությունների հնարավորինս շուտ, հրատապ դադարեցմանը»։Չնայած միջազգային հանրության՝ հրադադարի կոչերին, Ադրբեջանը շարունակում է լարված պահել հայ-ադրբեջանական սահմանը։ Հովհ. Իգիթյանը նկատում է՝ միջազգային հանրությունը նման իրավիճակները միշտ ուշացումով է դատապարտում կամ փորձում արձագանքել. «Ուստի Ադրբեջանի գործողություններին, ագրեսիային դիմակայելու միակ եւ արդյունավետ տարբերակը մեր բանակն է, մեր ժողովրդի պատրաստակամությունը։ Հայկական բանակը անում է իր գործը։Հույս ունեմ, որ Ադրբեջանի գործողությունների առնչությամբ հետագայում կունենանք համապատասխան գնահատականներ։ Ադրբեջանը տապալում է ոչ միայն Մինսկի խմբի բանակցային գործընթացը, այլեւ տարածաշրջանի խաղաղության ընդհանուր իրավիճակն ու պայմանավորվածությունները»։Չնայած Թուրքիան հայտարարում է ռազմական գործողություններում Ադրբեջանին ցուցաբերվող հնարավոր աջակցության մասին, բայց, ինչպես կարծում է պատգամավորը, նա ուղղակի ձեւով այդ քայլին դիմել չի համարձակվի։ Ինչ վերաբերում է Ադրբեջանի՝ տարբեր երկրներից ձեռք բերած զենքին, ապա, ըստ Իգիթյանի, իրավիճակը ցույց է տալիս, որ զենք ունենալը դեռեւս բավարար պայման չէ՝ ծնկի բերելու որեւէ երկրի, ժողովրդի. «Մենք այս օրերին ցույց ենք տվել, որ մեր ունեցած զինատեսակով հայկական զորքերը խոցում են տասնյակ միլիոնավոր դոլարների արժողությամբ զինտեխնիկա։ Մեր զինվորները կարողանում են հաջողությամբ լռեցնել այն կետերը, որտեղից Ադրբեջանը անհարմարություն եւ անհանգստություն է պատճառում հայկական բնակավայրերի բնակչությանը»։Պատգամավորն Ադրբեջանի գործողությունների մեջ աբսուրդային տրամաբանություն է տեսնում։ Իրավիճակի պատկերը դիտարկում է Իլհամ Ալիեւի՝ վերջին շրջանում արված հայտարարությունների համատեքստում։ «Ալիեւը հայտարարում էր, թե Հայաստանը գոյություն չի ունեցել, եւ հայերը ապրում են Ադրբեջանի պատմական հողերի վրա։ Երկրորդ հայտարարությունը՝ Ադրբեջանը հզոր երկիր է, ունի համապատասխան գումար եւ զենք՝ Հայաստանը ոչնչացնելու համար։Ալիեւը դժգոհ էր նաեւ Մինսկի խմբի գործունեությունից, եւ, ինչպես իրենք էին ասում, Ադրբեջանը պատրաստ է պատժել օկուպանտին։ Անհեթեթությունը հասել է այն մակարդակի, որ նրանք հայտարարում են, թե Հայաստանը օկուպացրել է Լեռնային Ղարաբաղը։ Այս հայտարարությունն աբսուրդ է։Միջազգային լուրջ կազմակերպությունների մոտ գոյություն չունի որեւէ փաստաթուղթ, որտեղ նշված լինի, թե Ադրբեջանի որեւէ տարածք օկուպացվել է Հայաստանի կողմից։ Լեռնային Ղարաբաղը ապացուցել է, որ ինքնուրույն հանրապետություն է, ունի իր տարածքը, գործում է իր Սահմանադրությամբ եւ օրենքների շրջանակներում,–շեշտեց պատգամավորը՝ ընդգծելով՝ Ալիեւի հիշյալ հայտարարությունները բերեցին հայ-ադրբեջանական սահմանի ագրեսային։–Պատահական չէ, որ դա արվում է Հայաստանի դեմ, ոչ թե Արցախի։ Սրանով Ադրբեջանը փորձում է միջազգային հանրությանը ցույց տալ, որ Հայաստանն է ագրեսորն ու գործողությունների հեղինակը»։
15:22 - 16 հուլիսի, 2020
Ապօրինի ծագում ունեցող գույքի բռնագանձման մասին» օրինագիծն ուղղված չէ «նախկիններին». Հովհաննես Իգիթյան |tert.am|

Ապօրինի ծագում ունեցող գույքի բռնագանձման մասին» օրինագիծն ուղղված չէ «նախկիններին». Հովհաննես Իգիթյան |tert.am|

tert.am: «Ապօրինի ծագում ունեցող գույքի բռնագանձման մասին» օրենքի նախագիծն ուղղված չէ «նախկիններին». այն կոռուպցիայի դեմ պայքարի ամենօրյա և սիստեմատիկ աշխատանքի համար է արված: Այս մասին լրագրողների հետ ճեպազրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը:«Նույնիսկ մեղադրանքներ են եղել, թե օրենքն ինչու «նախկիններին» ուղղված չէ: Բայց մինչև նրանց ուղղված որևէ գործընթացը՝ մենք պետք է ստեղծենք իրավական դաշտ, որը կբացառի այսօր գործող որևէ պաշտոնյայի նույնիսկ մտածել, որ հնարավոր է ապրել՝ ապօրինի եկամուտ ունենալու ձևով»,-ասաց պատգամավորը: Նա ընդգծեց՝ օրենքի նախագիծը կարողությունը վերադարձնելու մասին չէ, այլպաշտոնյաների և մեծ կարողություններ ունեցող անձանց գույքի և հաշիվների մասին է: «Երբ պաշտոնյան ներկայացնում է իր գույքը, կարողությունը, և իրականից 25 մլն դրամի տարբերություն է տալիս, ապա այս դեպքում սկսում են ուսումնասիրություններ»,-նշեց նա:Հարցին՝ ինչպե՞ս պետք է անել, որ օրենքը սեփականության իրավունքին չբախվի, պատգամավորն ասաց. «Երբ պաշտոնյան անցնում է աշխատանքի, լրացնում է հայտարարագիր, որում ներկայացնում է բոլոր կարողությունները, և հետագայում ամեն տարի ներկայացնում է իր ստացած օրինական եկամուտներն ու ձեռք բերած գույքը: Եթե այդ մեկ տարվա ընթացքում հանկարծ եկամուտների տարբերություն տվեց, ապա կգործի այն մեխանիզմը, որը հնարավորություն կտա անձին նաև հիմնավորել տարբերությունը, հակառակ դեպքում ապօրինի ձեռք բերված գույքը կբռնագանձվի»,-ասաց Իգիթյանը:
19:10 - 04 մարտի, 2020