Միքայել Մելքումյան

Միքայել Սերգեյի Մելքումյանը (ապրիլի 1, 1962Երեւան) 5-րդ, 6-րդ եւ 7-րդ գումարման Ազգային ժողովների պատգամավոր է, ԲՀԿ խորհրդարանական խմբակցության անդամ։ Եղել է 6-րդ գումարման ԱԺ փոխնախագահ։ ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողով նախագահն է։

1983-1985թթ. ծառայել է խորհրդային բանակում: 1983թ. ավարտել է Երեւանի ժողովրդական տնտեսության ինստիտուտի (ԵԺՏԻ) պլանատնտեսագիտական ֆակուլտետը: Տնտեսագետ: 1987թ. ավարտել է ԵԺՏԻ ասպիրանտուրան: 1994, 1997-1998թթ. վերապատրաստվել է Լիոնի առեւտրաարդյունաբերական պալատում եւ «Փարիզ-12» համալսարանում (Ֆրանսիա): Տնտեսագիտության դոկտոր, պրոֆեսոր:

1987-1990թթ. աշխատել է ԵԺՏԻ արդյունաբերության էկոնոմիկայի ամբիոնի դասախոս: 1994-1995թթ. եղել է ՀՀ Գերագույն խորհրդի տեղական ինքնակառավարման հարցերի մշտական հանձնաժողովի փորձագետ: 1998-1999թթ.՝ ՀՀ փոստի եւ հեռահաղորդակցության նախարարի խորհրդական: 1999-2000թթ.` ՀՀ սոցիալական ապահովության նախարարության աշխատակազմի ղեկավար: 2000թ. Հայաստանի պետական տնտեսագիտական համալսարանի (ՀՊՏՀ) միկրոէկոնոմիկայի եւ ձեռնարկատիրական գործունեության կազմակերպման ամբիոնի պրոֆեսոր է: 2000-2003թթ. եղել է ՀՀ պետական գույքի կառավարման նախարարի տեղակալ: 2003-2004թթ.` ՀՀ ԿԱ պետական գույքի կառավարման վարչության պետի տեղակալ: 2009-2012թթ.` ՀՊՏՀ միկրոէկոնոմիկայի եւ ձեռնարկատիրական գործունեության կազմակերպման ամբիոնի վարիչ:

2012-2017թթ.՝ ԱԺ պատգամավոր (համամասնական ընտրակարգ, ԲՀԿ): 2017-2019թթ.՝ ԱԺ պատգամավոր («Ծառուկյան» կուսակցությունների դաշինք) եւ ԱԺ նախագահի տեղակալ:

2018թ. դեկտեմբերի 9-ին ԱԺ պատգամավոր է ընտրվել «Բարգավաճ Հայաստան» կուսակցության համապետական ընտրական ցուցակով: 2019թ. հունվարի 18-ին ընտրվել է ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահ:

Ի՞նչ ակնկալել Ադրբեջանից, որն այսօր էլ ոտնձգություններ է կատարում  ՀՀ սուվերեն տարածքի նկատմամբ․ այդ ինչպե՞ս է ստացվում,  որ այս ամենից հետո այդ պետությունը մնում է անպատիժ․ Մ․ Մելքումյանը՝ ԵԽԽՎ-ում

Ի՞նչ ակնկալել Ադրբեջանից, որն այսօր էլ ոտնձգություններ է կատարում ՀՀ սուվերեն տարածքի նկատմամբ․ այդ ինչպե՞ս է ստացվում, որ այս ամենից հետո այդ պետությունը մնում է անպատիժ․ Մ․ Մելքումյանը՝ ԵԽԽՎ-ում

ԵԽ Խորհրդարանական վեհաժողովում ՀՀ պատվիրակության ներկայացուցիչ Միքայել Մելքումյանը ելույթ է ունեցել ԵԽԽՎ ամառային նստաշրջանի լիագումարնիստում: Ելույթում, մասնավորապես, ասված է․ «Սիրելի' գործընկերներ, Covid-19 համավարակը լուրջ մարտահրավեր է աշխարհի բոլոր երկրների համար։ Շուրջ երկու տարի շարունակվող այս աղետը խարխլել է համաշխարհային տնտեսության հիմքերը, լուրջ հարվածներ հասցրել ոչ միայն առողջապահական համակարգին և բիզնեսին, այլև՝ հասարակության խոցելի խմբերին, խորացրել անհավասարությունները։   Համավարակի ընթացքում ի հայտ են եկել բազմաթիվ խնդիրներ, որոնց հետ պետությունները նախկինում չէին առերեսվել։ Եվ այժմ, երբ երկրների մեծամասնությունը հաղթահարել է խիստ սահմանափակումների փուլը,  պետք է մտածել ոչ միայն մեր  տնտեսությունները վերականգնելու, այլև՝ դրանք վերակառուցելու մասին, որպեսզի ապագա մարտահրավերներին կարողանանք ավելի արդյունավետ դիմակայել։ Համավարակի հետևանքով ստեղծված սոցիալ-տնտեսական ճգնաժամը հաղթահարելու համար պետք է մշակել հստակ ռազմավարություն՝ խուսափելով անցյալի սխալներից։ Միջնաժամկետ և երկարաժամկետ ծրագրերը պետք է նպաստեն մարդկանց սոցիալական իրավունքների իրացմանը, վերացնեն անհավասարությունները, պաշտպանեն խոցելի խմբերի շահերը և կանխեն հետագա հնարավոր ճգնաժամերի ժամանակ իրավիճակի սրացումները։ Քննարկվող նախագիծը կարևոր  հատկապես նրանով, որ կոչ է անում միավորել մեր ջանքերն ու հնարավորությունները, միասին հաղթահարել  կյանքի բնականոն ընթացքը խաթարած այս ճգնաժամը։ Ցավալի է սակայն արձանագրել այն փաստը, որ մեր կառույցին անդամակցող որոշ երկրներ  հակառակն են անում՝ իրավիճակն օգտագործելով իրենց ռազմատենչ նկրտումներն իրագործելու համար։ Ի՞նչ աջակցություն կարելի է ակնկալել Ադրբեջանի և Թուրքիայի պես երկրներից, որոնք   համավարակի օրերին սանձազերծեցին 44-օրյա արցախյան պատերազմը՝ ներգրավելով վարձկանների, խաղաղ հայ բնակչության դեմ օգտագործելով արգելված զինատեսակներ։ Ի՞նչ ակնկալել Ադրբեջանից, որն այսօր էլ ոտնձգություններ է կատարում  ՀՀ սուվերեն տարածքի նկատմամբ։ Եվ հարց եմ տալիս՝ այդ ինչպե՞ս է ստացվում,  որ այս ամենից հետո այդ պետությունները մնում են անպատժելի։ Իսկ այժմ, նոյեմբերի 10-ից սկսած, անցել է ավելի քան 7 ամիս, իսկ Ադրբեջանն իր մոտ է պահում ավելի քան 200 հայ ռազմագերի: Հիմա ո՞ր դարն է: Եվ ժամանակակից աշխարհում ցուցաբերել այս որակի հանցագործություն, կարծում եմ՝ վեր է բոլոր, բոլոր ընդունված և չընդունված նորմերից: Երևի նրանք ուզում են, որ մեր սուվերեն տարածք ներխուժած ադրբեջանցի զինվորներին էլ մենք գերի վերցնենք և հետո փոխանակենք: Եթե դա եք ուզում, ասե՛ք: Հիմա, Եվրոպա, նրանք ներխուժել են Եվրոպայի խորհրդի անդամ պետության սուվերեն տարածք: Ի՞նչ կասեք: Կամ ի՞նչ կանեք: Մի՛ ուշացրեք ձեր առաջարկը: Գործեք տղամարդավարի, եթե կարող եք: Եվրոպա, որոշումները պետք է լինեն դիպուկ, օպերատիվ և հասցեական: Ձեր գործող ընթացակարգերն այլևս չեն սպասարկում էքստրեմալ իրադրությունները, որոնցից մեկն էլ հայ-ադրբեջանական սահմանին կատարվողն է: Արագ դա փոխեք»:
11:59 - 23 հունիսի, 2021
Մելքումյանը դժգոհեց, որ ԱԳ փոխնախարարները չեն ներկայացել. «Իմ քայլը» հակադարձեց՝ ԲՀԿ-ն չի մասնակցում նիստերին |armenpress.am|

Մելքումյանը դժգոհեց, որ ԱԳ փոխնախարարները չեն ներկայացել. «Իմ քայլը» հակադարձեց՝ ԲՀԿ-ն չի մասնակցում նիստերին |armenpress.am|

armenpress.am: ՀՀ ազգային ժողովի «Իմ քայլը» և «Բարգավաճ Հայաստան» խմբակցությունների պատգամավորներն ԱԺ արտահերթ նիստում բանավիճեցին՝ միմյանց մեղադրելով իրավիճակին չպատասխանող օրակարգեր բերելու, հանձնաժողովների, խորհրդի նիստերի չներկայանալու, Արտգործնախարարությունից բյուջետային քննարկումներում պատշաճ ներկայություն չապահովելու համար: «Բարգավաճ Հայաստան»-ից Միքայել Մելքումյանը դժգոհեց, որ նախորդ օրը բյուջեի կատարողականի քննարկմանը ԱԺ հանձնաժողովների համատեղ նիստին չէր ներկայացրել Արտաքին գործերի որևէ փոխնախարար, նիստին ներկայացրել է ֆինանսական վարչության պետը: «Ես կարծում եմ, որ եթե ԱԺ-ն աշխատում է, որոշումներ, օրենքներ է ընդունում, մենք պետք է ինքներս մեզ հարգենք և այս հարցը աննկատ չթողնենք: Հարց ենք տալիս, ասում են, որ զբաղվածության պատճառով ԱԳ նախարարի որևէ տեղակալ չի ներկայացրել: Մենք մեզ հարգո՞ւմ ենք, թե՞ չենք հարգում, սա ինստիտուտ է, եթե քննարկումներ ենք անում, ուզում ենք օրենքներ ընդունել, ուրեմն գործադիրից պետք է պահանջել»,-ասաց նա ու հավելեց, որ երեկվանից չգիտեն, թե արտգործնախարարի պարտականություններն ով է կատարում, տեղակալներն ովքեր են: Ըստ նրա՝ դա անհետևանք չպետք է թողնել, պետք է պահանջել, որ հանձնաժողովների նիստերին չներկայացած գերատեսչությունից որևէ բացատրություն տան: Մելքումյանի ելույթին անդրադարձավ «Իմ քայլից» Վլադիմիր Վարդանյանը: «Վերջին անգամ «Բարգավաճ Հայաստան» խմբակցության ներկայացուցիչները ե՞րբ են մասնակցել Պետաիրավական հարցերի մշտական հանձնաժողովի նիստին, խորհրդի նիստերին ե՞րբ եք մասնակցել»,-նշեց նա ու կարևորեց, որ ժողովուրդը հասկանա, թե ով է աշխատում ԱԺ-ում, ով՝ պարզապես ժամանցով զբաղվում: Ինչ վերաբերում է պետական պաշտոնատար անձանց ներկայանալ-չներկայանալուն՝ Վարդանյանն ասաց. «Ձեզ պետք են ինստիտուտնե՞ր, թե՞ անձինք: Ինստիտուտները ներկայացված են, հարցերը քննարկվում են, բյուջետային քննարկումները շարունակվում են»: Դրանից հետո «Բարգավաճ Հայաստան»-ից Արման Աբովյանն ասաց. «Այն օրակարգերը, որոնք դուք բերում եք պատերազմից հետո, հիմնականում չեն համապատասխանում այն իրավիճակին, որ տիրում է Հայաստանում: Գայինք արտադրական կանեփի նախագիծը քննարկեի՞նք ձեզ հետ»: Նա հորդորեց Վարդանյանին «Բարգավաճ Հայաստան»-ին ցուցում չանել, թե երբ գան, որտեղ մասնակցեն, ինչ քվեարկեն: «Եվ մեծ հարց է, թե ով ինչ ժամանց է անցկացնում»,-նշեց Աբովյանը: Մելքումյանը կրկին խոսեց այս թեմայով, որից հետո Վարդանյանը հիշեցրեց, որ իրենք ԱԺ-ում բոլորը ստանում են աշխատավարձ հարկատուներից: «Մեր քաղաքացիները ծանր եղանակով աշխատելով վճարում են հարկեր՝ մեզ համար: Յուրաքանչյուրս ունենք նույն լիազորությունները, յուրաքանչյուրս պարտավոր ենք հավասար աշխատել: Եվ, եթե մեկն առավոտից երեկո աշխատում է, մյուսը չկա, չի մասնակցում ոչ խորհրդի, ոչ հանձնաժողովի, ոչ էլ լիագումար նիստերին, արդյոք դա նորմա՞լ է, արդյոք դա համապատասխանո՞ւմ է ՀՀ շահերին և արդյոք այդ բացակայությունները չեն հանգեցնո՞ւմ այն քննադատությանը, որ ԱԺ-ն ստանում է ամեն օր»,-ասաց նա: Այս թեմայով ելույթներ ունեցան նաև Ռուբեն Ռուբինյանն ու Լիլիթ Մակունցը:
13:53 - 04 հունիսի, 2021
Ովքեր են լինելու ընտրություններին մասնակցող քաղաքական ուժերի ընտրացուցակների առաջին համարները |armtimes.com|

Ովքեր են լինելու ընտրություններին մասնակցող քաղաքական ուժերի ընտրացուցակների առաջին համարները |armtimes.com|

armtimes.com: Մի շարք քաղաքական ուժեր արդեն վերջնական որոշում են կայացրել՝ մասնակցելու հունիսի 20-ի խորհրդարանական արտահերթ ընտրություններին: Չնայած քաղաքական ուժերի ցուցակները դեռ չեն հրապարակվել, բայց առաջին համարների մասով արդեն կողմնորոշվածություն նկատվում է: «Բարգավաճ Հայաստան»-ը և «Շիրինյան-Բաբաջանյան ժողովրդավարների դաշինք»-ը միակն են, որոնք հայտարարել են ընտրացուցակի առաջին երեք համարների անունները: Այսպես՝ ԲՀԿ ընտրացուցակը գլխավորում է կուսակցության ղեկավար Գագիկ Ծառուկյանը, հաջորդը Միքայել Մելքումյանն է, երրորդը՝ Իվետա Տոնոյանը: «Շիրինյան-Բաբաջանյան ժողովրդավարների դաշինք»-ը գլխավորելու է անկախ պատգամավոր, «Հանուն Հանրապետության» կուսակցության ղեկավար Արման Բաբաջանյանը, երկրորդը «Քրիստոնեա-ժողովրդավարական» կուսակցության առաջնորդ Լևոն Շիրինյանն է, եռյակը եզրափակում է փաստաբան Սեդա Սաֆարյանը: Իշխող «Քաղաքացիական պայմանագիր» կուսակցությունը, ի տարբերություն 2018-ի արտահերթ ընտրությունների, այս տարի մասնակցում է միայնակ՝ առանց դաշինքի, կուսակցության ցուցակի առաջին համարը վարչապետի պաշտոնակատար Նիկոլ Փաշինյանն է: ՀՀԿ-«Հայրենիք» կուսակցությունների ստեղծած «Պատիվ ունեմ» դաշինքի ցուցակում առաջինը «Հայրենիք» կուսակցության ղեկավար Արթուր Վանեցյանն է: «Լուսավոր Հայաստան» կուսակցության ընտրացուցակը գլխավորելու է Էդմոն Մարուքյանը: Ռոբերտ Քոչարյան, ՀՅԴ, «Վերածնվող Հայաստան» ուժերի ստեղծած «Հայաստան» քաղաքական դաշինքի առաջին համարը Ռոբերտ Քոչարյանն է: «Հանրապետություն» կուսակցության վարչապետի թեկնածուն կուսակցության հիմնադիր Արամ Սարգսյանն է: «Հայ ազգային կոնգրես»-ի առաջին համարն էլ ՀՀ առաջին նախագահ Լևոն Տեր-Պետրոսյանն է: «Քաղաքացու որոշում» կուսակցության ընտրացուցակը կգլխավորի Սուրեն Սահակյանը: Տիգրան Խզմալյանի գլխավորած «Հայաստանի Եվրոպական» կուսակցությունը պատրաստվում է մասնակցել խորհրդարանական ընտրություններին: Կուսակցության նախընտրական ցուցակում երկրորդ համարը երգիչ, երգահան Ռուբեն Հախվերդյանն է: «Հայաստանի դեմոկրատական կուսակցության» առաջնորդ Արամ Սարգսյանն ու նախկին պատգամավոր, գործարար Տիգրան Արզաքանցյանն էլ երեկ համագործակցության ու առաջիկա խորհրդարանական ընտրություններին մասնակցելու հուշագիր ստորագրեցին, ցուցակը կգլխավորի Արզաքանցյանը: Ընտրություններին իր մասնակցության մասին հայտարարել է նաև փաստաբան Նորայր Նորիկյանի հիմնադրած «Արդար Հայաստան» կուսակցությունը, ընտրացուցակի առաջին համարն էլ հենց Նորիկյանն է լինելու: Նշենք, որ կուսակցությունները եւ դաշինքները գրանցման համար փաստաթղթերը ԿԸՀ պետք է ներկայացնեն մինչեւ մայիսի 26-ը՝ ժամը 18:00-ն: Կուսակցությունների ու դաշինքների ցուցակները պետք է գրանցվեն մայիսի 26-30-ը:
17:26 - 19 մայիսի, 2021
ԲՀԿ-ի՝ որևէ քաղաքական ուժի միանալու մասին խոսակցությունները հիմք չունեն. Մելքումյան |armenpress.am|

ԲՀԿ-ի՝ որևէ քաղաքական ուժի միանալու մասին խոսակցությունները հիմք չունեն. Մելքումյան |armenpress.am|

armenpress.am: Խոսակցությունները, որ «Բարգավաճ Հայաստան» կուսակցությունը կարող է միանալ որևէ քաղաքական ուժի, որևէ հիմք չունեն: Այս մասին հայտնել է «Բարգավաճ Հայաստան» խմբակցության պատգամավոր Միքայել Մելքումյանը, որը ԲՀԿ նախընտրական ցուցակի երկրորդ համարն է:  «Բարգավաճ Հայաստան» կուսակցությունը Գագիկ Ծառուկյանի գլխավորությամբ գնում է հունիսի 20-ի ընտրություններին հաղթելու, միանշանակ հաղթանակ տանելու, և այն խոսակցությունները, որ մենք կարող ենք միանալ այս կամ այն քաղաքական ուժին, որևէ հիմք չեն պարունակում»,-նշել է Մելքումյանը: Նրա վստահեցմամբ՝ եթե հաղթանակ տանեն, ապա իրենք են որոշելու, թե ով պետք է իրենց քաղաքական ուժին միանա, և արդյոք պե՞տք է միանա, թե՞ ոչ: Մելքումյանը հավելել է, որ իրենք գնում են իրականություն դարձնելու իրենց ծրագիրը, 30 կետերը, որոնք կհրապարակվեն նախընտրական շրջանում: «Սա իրական հաղթանակի և երկիրն այս վիճակից հանելու լրջագույն ծրագիր է իրենից ներկայացնելու»,-վստահեցրել է ԲՀԿ-ական պատգամավորը:
17:03 - 19 մայիսի, 2021
Մենք կողմ չենք նոր պատերազմի, բայց մեզ անհրաժեշտ է արժանապատիվ խաղաղություն․ Միքայել Մելքումյանը՝ ՌԴ պետդումայի ղեկավար պաշտոնյաների հետ հանդիպմանը

Մենք կողմ չենք նոր պատերազմի, բայց մեզ անհրաժեշտ է արժանապատիվ խաղաղություն․ Միքայել Մելքումյանը՝ ՌԴ պետդումայի ղեկավար պաշտոնյաների հետ հանդիպմանը

Այսօր Ռուսաստանի Դաշնության Պետական Դումայում կայացել է Հայաստանի Հանրապետության Ազգային ժողովի պատվիրակության հանդիպումը ՌԴ Պետական Դումայի նախագահ պարոն Վ. Վոլոդինի և Դումայի ղեկավար այլ պաշտոնյաների հետ։ Այս մասին ֆեյսբուքյան իր էջում գրել է ԱԺ պատգամավոր Միքայել Մելքումյանը։Քննարկվել են հայ-ռուսական հարաբերությունների ներկա փուլում ամենամեծ հրատապություն ունեցող բազմաթիվ հարցեր։ Մասնավորապես, Միքայել Մելքումյանը բարձրացրել է Ադրբեջանի կողմից Սյունիքի մարզում և այլ սահմանամերձ տարածքներում Հայաստանի Հանրապետության սուվերեն տարածք ադրբեջանական զինուժի և տեխնիկայի ապօրինի ներխուժման հարցը և ռազմավարական գործընկերոջ առջև խնդիր բաձրացրեց հրատապ կերպով միջամտել՝ ՀՀ տարածքային ամբողջականությունը պահպանելու համար։ Մ. Մելքումյանը նշել է՝ «Մենք կողմ չենք նոր պատերազմի, բայց մեզ անհրաժեշտ է արժանապատիվ խաղաղություն»։ Միքայել Մելքումյանը նշել է նաև, որ ըստ ստացված տեղեկությունների` 19 հայ ռազմագերիներ խոշտանգվել և սպանվել են Ադրբեջանում։ Բարձրացվել է նաև ռազմագերիների անհապաղ ազատման հարցը՝ «բոլոր բոլորի դիմաց» սկզբունքով, համաձայն 2020թ. նոյեմբերի 9-ի եռակողմ հայտարարության 8-րդ կետի։ ՌԴ Պետական Դումայի նախագահ Պարոն Վ. Վոլոդինը հանձնարարել է ՌԴ Պետական Դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ պարոն Լ. Կալաշնիկովին, որպեսզի ՀԱՊԿ առաջիկա խորհրդաժողովին նախապատրաստվի համապատասխան փաստաթուղթ։ Պարոն Լ. Կալաշնիկովին հանձնարարվել է այդ ուղությամբ աշխատել Հայաստանի Հանրապետության, ՀԱՊԿ անդամ մյուս երկրների պառլամենտների, ինչպես նաև նաև՝ Ադրբեջանի Միլլի Մեջլիսի հետ։ Պարոն Վ. Վոլոդինի կողմից բարձրացվել է նաև ռուսական դպրոցների և ռուսերեն լեզվի հարցը։ Մ.Մելքումյանը հատուկ ընդգծել է, որ «Բարգավաճ Հայաստան» կուսակցության նախագահ Գագիկ Ծառուկյանն այն խոստումը, որ տվել էր դեռևս տարիներ առաջ, կատարել է. Աբովյանում կառուցվում է բնակելի թաղամաս, դրված են նաև ռուսական դպրոցի շենքի հիմքերը, սակայն ինչ-ինչ անհասկանալի պատճառներով կասեցված է այս ամենի շինարարությունը, որը որևէ լուրջ բացատրություն չունի։ Այդ մասին բավականին լուրջ խոսակցություն է ընթացել ամենաբարձր մակարդակով։ Ռուսական կողմը լրջորեն կարևորում է ռուսական դպրոցների ընդլայնման հարցը Հայաստանում։ Այնուհետև Միքայել Մելքումյանը հանդիպում է ունեցել ՌԴ Պետական Դումայի իր գործընկեր՝ ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ պարոն Լ. Կալաշնիկովի հետ։ Քննարկվել են հայ ռազմագերիների հարցը, Հայաստանի պետական սահմանին տեղի ունեցած միջադեպերը և ստեղծված իրավիճակը։ Պարոն Լ. Կալաշնիկովը խոստացել է ակտիվ միջամտել այդ հարցերի լուծմանը»։
16:36 - 17 մայիսի, 2021
ԲՀԿ-ն Փաշինյանի հրաժարականից հետո վարչապետի թեկնածու չի առաջադրի, մենք գնում ենք արտահերթ ընտրությունների. Միքայել Մելքումյան |tert.am|

ԲՀԿ-ն Փաշինյանի հրաժարականից հետո վարչապետի թեկնածու չի առաջադրի, մենք գնում ենք արտահերթ ընտրությունների. Միքայել Մելքումյան |tert.am|

tert.am: Նախնական նպատակն այն էր, որ մենք հասնեինք վարչապետի հրաժարականին, որը եղավ և որով իսկ պայմանավորված է արտահերթ ընտրություններ լինելու հանգամանքը: Այս մասին ԱԺ-ում ճեպազրույցի ժամանակ ասաց ԲՀԿ խմբակցության պատգամավոր Միքայել Մելքումյանը` անդրադառնալով դիտարկմանը, որ տարբեր շրջանակներ այժմ ակնկալում են, որ ընդդիմությունը վարչապետի թեկնածու կառաջադրի առաջիկա նիստերին, քանի որ հայտնի է, որ մայիսի 3-ին վարչապետի ընտրության  հարցն է քննարկվելու: Նրա խոսքով՝ այդ առումով, պետք է գնան հունիսի 20-ին արտահերթ ընտրությունների իրականացմանը: Դիտարկմանը՝ սա նշանակում է, որ Փաշինյանի հրաժարականից հետո 2 անգամ էլ ԲՀԿ-ն չի առաջադրի վարչապետի թեկնածու, Մելքումյանը պատասխանեց.  «Ես ասացի այն, ինչ ասացի, այսինքն՝ մենք գնում ենք արտահերթ ընտրությունների, որը լինելու է հունիսի 20-ին, թե ոնց, ինչ, ընթացակարգերն արդեն թելադրում են: ԲՀԿ-ն ցուցակի հարց չի քննարկում, դեռ վաղ է: Մենք արդեն քննարկել ենք, և վերահաստատում ենք, որ ԲՀԿ-ն ընտրություններին մասնակցելու է միայնակ և դրան գնալն էլ ինքնանպատակ չի: Նախորդիվ հաստատել ենք, և հիմա պնդում ենք, որ վերջին 15 տարվա ընթացքում, լինելով  մշտապես պառլամենտում ներկայացված քաղաքական ուժ, միշտ լինելով 2-րդ քաղաքական ուժը, մի շարք ուժեր գնացին ու եկան, բայց մենք մնացինք մեր տեղում»,- ասաց Մելքումյանը՝ կարևորելով, թե թիմն ում հետ և ինչ ծրագրով է գնում ընտրությունների։  «Այս փաստը վերահաստատում է, որ մենք պետք է գնանք հաղթելու, դա լինելու է, և ես հավատում եմ, որ մենք հաղթելու ենք: Այդ հաղթելու հանգամանքը չի ենթադրում, որ որևէ քաղաքական ուժ 50+1 տոկոս ձայն ստանալու է: Լինելու է բալանսավորված իշխանություն, բայց նորից վերահաստատում եմ, որ Գագիկ Ծառուկյանը լինելու է պետության ղեկավար»,- ասաց Մելքումյանը:
13:11 - 27 ապրիլի, 2021
Ի՞նչ կանեիք, եթե այդ գերիները ֆրանսիացի կամ գերմանացի լինեին. Մելքումյանը՝ ԵԽԽՎ նիստին

 |armenpress.am|

Ի՞նչ կանեիք, եթե այդ գերիները ֆրանսիացի կամ գերմանացի լինեին. Մելքումյանը՝ ԵԽԽՎ նիստին |armenpress.am|

armenpress.am: Եվրոպայի խորհրդի խորհրդարանական վեհաժողովը (ԵԽԽՎ) պետք է կոնկրետ գործողություններ ձեռնարկի, որպեսզի Ադրբեջանում պահվող 200 հայ գերիները վերադարձվեն Հայաստան։ Այդ մասին Եվրոպայի խորհրդի խորհրդարանական վեհաժողովի լիագումար նիստում մեկնարկած «Հայ ռազմագերիների, այլ գերիների և տեղահանվածների վերաբերյալ» քննարկմանը հայտարարեց Հայաստանի ներկայացուցիչ, պատգամավոր Միքայել Մելքումյանը։ «Գործընկերներ, մենք ի՞նչ ենք քննարկում։ Հայաստանը վերադարձրել է Ադրբեջանին բոլոր գերիներին, բայց Բաքվում դեռ հայ գերիներ են մնում։ Ես բազմիցս դիմել եմ ձեզ՝ ասելով, որ պետք է այցեր կազմակերպվեն Երևան և Բաքու։ Բայց ինձ ասել եք, որ դա ձեր լիազորությունների մեջ չի մտնում։ Ի՞նչ կանեիք, եթե այդ գերիները ֆրանսիացի կամ գերմանացի լինեին։ Ես ուզում եմ կոնկրետ քայլեր տեսնել, մեր գերիների ծնողները ուզում են կոնկրետ քայլեր տեսնել», - ասաց Մելքումյանը՝ ևս մեկ անգամ ընդգծելով, որ Ադրբեջանի և Թուրքիայի կողմից հրահրված պատերազմը ցեղասպանության շարունակությունն է եղել։
20:46 - 20 ապրիլի, 2021
Նրանք ռազմագերիներ են, բայց պատանդի կարգավիճակում են․ այն խայտառակ վիճակը, որ մոտ 200 անձ կա գերեվարված, արագ պետք է կարգավորվի․ Մելքումյանը հայ ռազմագերիների հարցը բարձրացրել է ԵԽԽՎ-ում

Նրանք ռազմագերիներ են, բայց պատանդի կարգավիճակում են․ այն խայտառակ վիճակը, որ մոտ 200 անձ կա գերեվարված, արագ պետք է կարգավորվի․ Մելքումյանը հայ ռազմագերիների հարցը բարձրացրել է ԵԽԽՎ-ում

Այսօր առավոտյան Եվրոպայի խորհրդի խորհրդարանական վեհաժողովի պահպանողականների և ռեֆորմիստների քաղաքական խմբի առավոտյան նիստում քննարկվեց հայ ռազմագերիների հարցը, որտեղ կային նաև ադրբեջանցիներ։ Այդ խմբում նրանց թիվը մեծ է։ Այս մասին ֆեյսբուքյան իր էջում գրել է ԲՀԿ խմբակցության պատգամավոր Միքայել Մելքումյանը։ «Մենք ներկայացրինք ստեղծված իրավիճակը. նրանք ռազմագերիներ են, բայց, ըստ էության, պատանդի կարգավիճակում են գտնվում, և այն խայտառակ իրավիճակը, որ մոտավորապես երկու հարյուրի մոտ գերիներ կան գերեվարված, արագ պետք է կարգավորվի։ Այսինքն՝ այն խնդիրը, որ Մարդու իրավունքների Եվրոպական դատարանն ընդունել է այն փաստը, որ դա չի կատարվում, հստակ ներկայացվեց քննարկման ժամանակ։ Ընդամենը նրանց հակափաստարկն այն էր, որ նրանք ռազմագերիներ չեն, այլ ահաբեկիչներ։ Այսինքն՝ այս քաղաքական խմբում իմ կողմից հստակ դրվեց այս հարցադրումը։ Վաղը երեկոյան, երբ պետք է լիագումար նիստում քննարկվի այս հարցը, մեզ համար ակնհայտ է, որ ադրբեջանցիների միակ թեզն այն է, որ նրանք ընդամենը ռազմագերիներ չեն, այլ ահաբեկիչներ»,-գրել է Մելքումյանը։
12:58 - 19 ապրիլի, 2021
Ցավալի պարտությունից հետո դրված է ոչ թե վերջակետ, այլ ստորակետ. Միքայել Մելքումյան |armenpress.am|

Ցավալի պարտությունից հետո դրված է ոչ թե վերջակետ, այլ ստորակետ. Միքայել Մելքումյան |armenpress.am|

armenpress.am: ՀՀ ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանի կարծիքով՝ Արցախի պատերազմից հետո պետք է առաջ նայել ու պատրաստվել հաղթանակների: Մելքումյանը նման տեսակետ հայտնեց ԱԺ հայտարարությունների ժամին: «Ես ուզում եմ հավատալ և բոլորս պետք է հավատանք, որ այս ցավալի պարտությունից հետո, այս հակամարտությունից հետո դրված է ոչ թե վերջակետ, այլ դրված է ընդամենը ստորակետ: Եվ մենք բոլորս պետք է ապրենք նոր օրակարգով, որպեսզի մեր ողնաշարն ուղղենք և պատրաստվենք մենք հաջորդ հաղթանակին՝ թեկուզ փոքր-փոքր քայլերով, հաղթանակներով, որը կարող է մեր ազգային արժանապատվությունը վերականգնել»,-ասաց Մելքումյանը: Պատգամավորը շեշտեց, որ ամեն ինչ պետք է ներդնել ռազմագերիների վերադարձի համար: Մելքումյանը նշեց, որ մի քանի օրից Ստրասբուրգում ԵԽԽՎ նիստում շատ կոշտ են արտահայտվելու այդ հարցով: Նա նկատեց, որ Եվրոպական խորհրդի մի անդամ պետություն մյուս անդամ պետության քաղաքացիներին գերեվարում է: «Սա աբսուրդ է, մենք այդ կառույցներից պետք է շատ հստակ պահանջենք, թե ինչ պետք է լինի»,-նշեց պատգամավորը:
17:46 - 13 ապրիլի, 2021
Չեմ պատկերացնում Հայաստանն առանց ատոմակայանի, որովհետև ՀՀ էներգետիկ անվտանգությունը նշանակում է նաև տնտեսական և այլ անվտանգություն․ Միքայել Մելքումյան |tert.am|

Չեմ պատկերացնում Հայաստանն առանց ատոմակայանի, որովհետև ՀՀ էներգետիկ անվտանգությունը նշանակում է նաև տնտեսական և այլ անվտանգություն․ Միքայել Մելքումյան |tert.am|

tert.am: Ես չեմ պատկերացնում Հայաստանն առանց ատոմակայանի, որովհետև Հայաստանի էներգետիկ անվտանգությունը նշանակում է նաև տնտեսական և այլ անվտանգություն, դա շաղկապված են այդ կայանի իրողության հետ: Այս մասին այսօր լրագրողների հետ հանդիպման ժամանակ ասաց ԲՀԿ-ական պատգամավոր Միքայել Մելքումյանը՝ադնդարադառնալով Հայաստանում ՌԴ-ի կողմից նոր ատոմակայանի կառուցմանը: Մելքումյանը նշեց, որ 2013-2014 թվականին ջանքեր էին գործադրվում, որպեսզի Հայաստանում նոր ատոմակայան կառուցվի, սակայն չի հաջողվել, ֆինանսավորում չի գտնվել. «Արդյունքում եկել են եզրակացության՝ դիմել «Ռուսատոմ Սերվիս» կազմակերպությանը, որպեսզի տրամադրի 270 մլն դոլար միջպետական վարկ և 30 մլն դրամ դրամաշնորհ, որպեսզի էլեկտրաբլոկի ռեսուրսը 10 տարով երկարացվի, սակայն այդ աշխատանքներում առաջացել են խնդիրներ, մոտ 195 մլն դոլարը լրացնելուց հետո այն կարևորագույն ծախսերը, որ պետք է արվեին 80-90 մլն դոլարով, չի ստացվել ստանալ»:   ԲՀԿ-ական պատգամավորը նշեց՝ բանակցություններում խնդիրներ են առաջացել և հայերը հրաժարվել են ու որոշել մեր բյուջեից ֆինասավորել: «Այսինքն այդ ոլորտում ոչ արդյունավետ կառավարման արդյունքում մենք պրոբլեմներ ունեցանք: Հիմա նոր ատոմակայանի գաղափար է առաջանում, որովհետև մինչև 2016-2026 թվականն է ժամանակը, հիմա հարցական է 2026-2031 թվականը կտա՞ն լիցենզիա, թե ոչ: Այսինքն, եթե 2026 թվականին լրանա, չգիտենք՝ մինչև 2031 թվականը ինչ կլինի, օրախնդիր է լինելու: Մենք որոշ ժամանակ հետո կանգնելու ենք նոր ատոմակայանի կառուցման խնդրի հետ»: Հարցին, թե այս իշխանությունների պայմաններում կարո՞ղ է նոր ատոմակայանի ծրագիրը կյանքի կոչվել, Մելքումյանն ասաց. «Հաշվի առնելով, թե այս երեք տարիների ընթացքում ինչ են արել, ես շատ խիստ կասկածներ ունեմ, որ կարող է հաջողությամբ մի բան ստացվել, եթե լիներ երեք տարի առաջ, կլիներ»: Դիտարկմանը՝ ռուական տարբեր շրջանակներից հարց է բարձրացվում, որ եթե Փաշինյանը խուսոմ է նոր ատոմակայանի կառուցման մասին խոսելուց, ապա պետք է նաև միութենական պետության հարցը բարձրացվեր, և հարցին՝ այդ երկուսը իրար հետ փոխկապակցվա՞ծ են, Մելքումյանը ընդգծեց, որ միութենական պետության խնդիրը ամբողջ ժողովուրդը պետք է որոշի և միայն հանրաքվեով պետք է լինի. «Ատոմակայանի տարածքում կան 40 տարում առաջացած ռադիոակտիվ թափոններ, այդ թափոնների վերաբերյալ տարբեր տեխնոլոգիաներ կիրառելը նորից միայն ռուսի հետ համագործակցելով պետքէ արվի»: Անդրադառնալով գերիների խնդրին՝ Մելքումյանը նշեց, որ իրենց պատվիրակությունն ուրբաթ օրը մեկնում է Ստրասբուրգ և այնտեղ պետք է այդ հարցը բարձրացնեն:
14:08 - 12 ապրիլի, 2021
ՀՔԾ-ն հերքել է տարածված լուրը, թե Միքայել Մինասյանի գործով քննիչն առաջիկայում ազատման դիմում է գրելու

ՀՔԾ-ն հերքել է տարածված լուրը, թե Միքայել Մինասյանի գործով քննիչն առաջիկայում ազատման դիմում է գրելու

Հայաստանի Հանրապետության հատուկ քննչական ծառայությունը հերքել է մամուլում տարածված տեղեկատվությունը, թե Միքայել Մինասյանի գործով քննիչն առաջիկայում ազատման դիմում է գրելու նոր մեղադրանք առաջադրելու հրահանգը չկատարելու պատճառով: Ներկայացնում ենք ՀՀ հատուկ քննչական ծառայության տարածած հաղորդագրությունը: «Անհրաժեշտ ենք համարում հայտնել, որ «Ձորա ՀԷԿ» ՓԲ ընկերության գույքի օտարման գործընթացում պաշտոնեական լիազորությունների չարաշահման փաստի առթիվ հարուցված քրեական գործով քննչական խմբի ղեկավար, ՀՀ հատուկ քննչական ծառայության ՀԿԳ ավագ քննիչ Բորյա Չիլինգարյանի կողմից աշխատանքից ազատվելու դիմում գրելու և գործով ՀՔԾ պետի հետ տարաձայնություններ ունենալու վերաբերյալ «Ժողովուրդ» օրաթերթի հրապարակումը բացահայտ ապատեղեկատվություն է, և դրա տարածումն ընդամենը պայմանավորված է հիշյալ քրեական գործով մեղադրյալներ Սեյրան Օհանյանի, Ռոբերտ Նազարյանի, Նիկոլայ Գրիգորյանի, Շիրազ Կիրակոսյանի, Մուշեղ Կոշեցյանի վերաբերյալ անջատված մասով նախաքննության ավարտ հայտնելու քննիչի` 09.04.2021 թ.-ին կայացրած որոշմամբ: Այդուհանդերձ, նպատակ ունենալով հանրությանը զերծ պահել վերը նշված քրեական գործով իրականացված նախաքննության վերաբերյալ կատարվող անհիմն շահարկումներից, ինչպես նաև կարևորելով հասարակության կողմից անաչառ և ամբողջական տեղեկատվություն ստանալու իրավունքը` անհրաժեշտ ենք համարում որոշ մանրամասներ ներկայացնել դրա վերաբերյալ: Այսպես, քրեական գործի նախաքննությամբ պարզվել է, որ 2010 թվականի ընթացքում ՀՀ պաշտպանության նախարարության կողմից մշակված ՀՀ կառավարության գաղտնի որոշման նախագծով, առանց օրենքի մի շարք պահանջների պահպանման, մասնավորապես` առանց օտարման անհրաժեշտության հիմնավորման և գույքի պարտադիր գնահատման, առաջարկվել է թույլատրել ՀՀ ՊՆ-ին՝ որպես «Ձորա ՀԷԿ» ՓԲԸ պետական սեփականություն հանդիսացող բաժնետոմսերի փաթեթի կառավարման լիազորություններն իրականացնող մարմնի, հավանություն տալ 3,600,000,000 ՀՀ դրամ գումարով ընկերության գույքի օտարմանը «Ձորագետ Հիդրո» ՍՊ ընկերությանը: Այնուհետև ՀՀ պաշտպանության նախարար Սեյրան Օհանյանի անունից 2010 թվականի դեկտեմբերի 16-ին կազմվել է ՀՀ կառավարության որոշման նախագծի առաքման վերաբերյալ գաղտնի գրություն, որը Սեյրան Օհանյանի հանձնարարությամբ նույն օրն ուղարկվել է ՀՀ կառավարության աշխատակազմ: Որոշման նախագիծը գաղտնի ընթացակարգով քննարկվել է ՀՀ կառավարության նիստում և ընդունվել 16.12.2010թ. թիվ 1660-Ն որոշումը, որի հիման վրա կնքված գույքի առուվաճառքի պայմանագրով «Ձորա ՀԷԿ» ՓԲ ընկերության՝ պետական սեփականություն հանդիսացող, պարտադիր գնահատման ենթակա՝ 4,646,400,000 ՀՀ դրամ շուկայական արժեքով ողջ գույքը, առանց պատշաճ գնահատման միջոցով շուկայական արժեքի սահմանման, «Ձորագետ Հիդրո» ՍՊ ընկերությանն է իրացվել իրական արժեքից 1,046,400,000 ՀՀ դրամ պակաս գումարով: Վերը նշված արարքի կատարման համար Սեյրան Օհանյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով:   Քրեական գործով պարզվել է նաև, որ «Ձորա ՀԷԿ» ՓԲ ընկերության գույքի օտարումից հետո, ՀՀ-ում հիդրոէներգետիկայի զարգացումը խրախուսելու պատրվակով, սակայն փաստացի «Ձորագետ Հիդրո» ՍՊ ընկերության համար արտոնություններ սահմանելու անձնական շահագրգռվածությունից և խմբային շահերից ելնելով, ՀՀ էներգետիկայի և բնական պաշարների նախարար Արմեն Մովսիսյանի կողմից ՀՀ կառավարության 08.09.2011թ. նիստում, առանց պատշաճ հիմնավորման, որպես լրացուցիչ հարց ներկայացվել է «Փոքր հիդրոէլեկտրակայանների համար առավելագույն հզորություն սահմանելու վերաբերյալ առաջարկության մասին» ՀՀ կառավարության որոշման նախագիծը, որով առաջարկվել է ՀՀ հանրային ծառայությունները կարգավորող հանձնաժողովին փոքր ՀԷԿ-երի համար սահմանված 10 Մվտ հզորության փոխարեն առավելագույն հզորություն սահմանել մինչև 30 Մվտ հզորությունը: Ներկայացված նախագիծը քննարկվել և ընդունվել է ՀՀ կառավարության 08.09.2011թ. թիվ N 1300-Ա որոշումը: Այնուհետև, ՀՀ հանրային ծառայությունները կարգավորող հանձնաժողովի նախագահի պաշտոնը զբաղեցրած Ռ. Նազարյանը, 2011 թվականի սեպտեմբերի 16-ին ստանալով ՀՀ-ում հիդրոէներգետիկայի զարգացումը խրախուսելու պատրվակով, սակայն փաստացի ՀՀ նախկին նախագահի փեսա Միքայել Մինասյանի հետ փոխկապակցված անձանց պատկանող «Ձորագետ Հիդրո» ՍՊ ընկերության համար արտոնություններ սահմանելու նպատակով ընդունված՝ «Փոքր հիդրոէլեկտրակայանների համար առավելագույն հզորություն սահմանելու վերաբերյալ առաջարկության մասին» ՀՀ կառավարության  որոշումը, առանց առաջարկվող փոփոխության շուրջ մասնագիտական պատշաճ ուսումնասիրություններ և վերլուծություններ կատարելու, անտեսելով ՀՀ-ում առկա ջրային ռեսուրսների հնարավորություններն ու դրա արդյունքում հիդրոէլեկտրակայանների կառուցման վիճակագրությունը՝ հանձնարարել և համապատասխան մեթոդիկայում բացառապես թվային փոփոխություն կատարելով` հանձնաժողովի իրավասու վարչության միջոցով մշակել, ապա հանձնաժողովի 2011 թվականի սեպտեմբերի 28-ի նիստում հանձնաժողովի անդամների հետ միաձայն կողմ քվեարկելու միջոցով ընդունել է հանձնաժողովի թիվ 207-Ն մեթոդիկայում փոփոխություն կատարելու մասին որոշումը, որով բնական ջրահոսքերի, ոռոգման համակարգերի և խմելու ջրատարների վրա կառուցված փոքր հիդրոէլեկտրակայանների համար մինչ այդ սահմանված 10 Մվտ տեղակայված հզորության փոխարեն առավելագույն հզորություն է սահմանվել մինչև 30 ՄՎտ տեղակայված հզորությունը: Հիշյալ որոշման ընդունումից հետո, սակայն, թեև ՀՀ տարածքում էլեկտրական էներգիայի արտադրության թույլտվություններ են ստացել մինչ 10 Մվտ հզորության մի քանի տասնյակ փոքր ՀԷԿ-եր, սակայն 10-30 Մվտ հզորության նոր հիդրոէլեկտրակայաններ չեն կառուցվել, միաժամանակ, փաստացի խոշոր ՀԷԿ հանդիսացող միակ՝ 26,4 Մվտ տեղակայված հզորության «Ձորագետ Հիդրո» ՍՊ ընկերության հիդրոէլեկտրակայանն, առանց հիմնավորման, ընդգրկվել է փոքր հիդրոէլեկտրակայանների ցանկում՝ օգտվելով հիշյալ տեսակի կայանների համար ՀՀ օրենսդրությամբ սահմանված առավել բարձր և կայուն սակագներով էլեկտրաէներգիա վաճառելու հնարավորությունից: Մասնավորապես` «Ձորագետ Հիդրո» ՍՊ ընկերության հիդրոէլեկտրակայանից արտադրված և առաքված էլեկտրական էներգիայի վաճառքի համար 2012-2019թթ. ընթացքում սահմանվելիք սակագների փոխարեն նույն ժամանակահատվածների համար սահմանվել են կրկնակին գերազանցող սակագներ, որի հետևանքով «Ձորագետ Հիդրո» ՍՊ ընկերության կողմից ՀՀ-ում էլեկտրաէներգիա սպառող ֆիզիկական և իրավաբանական անձանցից հավելյալ ստացվել է առանձնապես խոշոր չափերի՝ 7,052,065,099 ՀՀ դրամ գումար: Նկարագրված արարքների համար Արմեն Մովսիսյանի վերաբերյալ որոշում է կայացվել մահվան հիմքով քրեական հետապնդում չիրականացնելու մասին, իսկ Ռոբերտ Նազարյանին, Նիկոլայ Գրիգորյանին, Շիրազ Կիրակոսյանին և Մուշեղ Կոշեցյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով: Նկատի ունենալով, որ մեղադրյալներ Սեյրան Օհանյանին, Ռոբերտ Նազարյանին, Նիկոլայ Գրիգորյանին, Շիրազ Կիրակոսյանին և Մուշեղ Կոշեցյանին վերագրվող առերևույթ հանցագործությունների վերաբերյալ ձեռք է բերվել ապացույցների համակցություն, որը բավարար է նրանց մասով մեղադրական եզրակացություն կազմելու համար, միաժամանակ հաշվի առնելով, որ «Ձորա ՀԷԿ» ՓԲ ընկերության գույքի օտարման, այդ թվում՝ ձեռքբերման գործընթացին այլ պաշտոնատար անձանց առնչության, ինչպես նաև առանց մեղադրյալների մասնակցության կատարված՝ հանցավոր ճանապարհով ստացված եկամուտներն օրինականացնելու (փողերի լվացման) առերևույթ հանցագործության նոր դեպքի հանգամանքները պարզելու նպատակով անհրաժեշտ է շարունակել քրեական գործի նախաքննությունը, ուստի քրեական վարույթն իրականացնող մարմնի որոշմամբ քրեական գործից անջատվել է վերը նշված մեղադրյալների վերաբերյալ գործը, որով նախաքննությունը 09.04.2021թ. ավարտվել և այդ մասին հայտարարվել է կողմերին: Մնացած մասով քրեական գործի նախաքննությունը շարունակվում է»:  
17:06 - 10 ապրիլի, 2021
«Բարգավաճ Հայաստանի» ընտրական ցուցակը կգլխավորի Գագիկ Ծառուկյանը. Մելքումյան |1lurer.am|

«Բարգավաճ Հայաստանի» ընտրական ցուցակը կգլխավորի Գագիկ Ծառուկյանը. Մելքումյան |1lurer.am|

1lurer.am: Բաղրամյան պողոտան բացվեց, հասկանալի է, որ առաջին փուլը, այսպես ասած՝ մեծ ընդդիմադիր շարժման, այն է՝ հրաժարականի պահանջի ձևակերպում և արտահերթ ընտրություններ, քաղաքական պայմանավորվածությունների տեսքով արդեն իրողություն է, եթե կտրուկ այլ բաներ չփոխվեն: Ինչ վերաբերում է շտաբին, ապա շտաբի կարիք չկա, որովհետև «17-ի» ձևաչափը գործում է, այն չի վերացել: «Հայրենիքիի փրկության շարժման» խորհրդի, որտեղ նաև մեր կուսակցությունն է մասնակցում, ծրագրերը, որոնք կնախատեսվեն, կիրականացվեն: Այս մասին, պատասխանելով «Լուրեր»-ի թղթակցի հարցին, թե ինչպես է գործելու և ինչ ձևաչափով ընդդիմության շտաբը, ասաց ԱԺ «Բարգավաճ Հայաստան» խմբակցության պատգամավոր Միքայել Մելքումյանը: Ինչ վերաբերում է հարցին՝ ով է գլխավորելու «Բարգավաճ Հայաստանի» ցուցակը, պատգամավորը հայտնեց՝ «ցուցակը միանշանակ կգլխավորի Գագիկ Ծառուկյանը»: «Ինչպես ասվել է, «Բարգավաճը» կգնա միայնակ, առանց որևէ դաշինքի: Եվ մենք նաև պատրաստ ենք, եթե այդպիսի հարց լինի, և՛ ռեյտինգային, և՛ համամասնական ցուցակով գնալ ընտրության, այսինքն՝ պատրաստ ենք ցանկացած պարագայում մասնակցել»,- ասաց Մելքումյանը: Ինչ վերաբերում է դաշինքով ընտրություններին գնալուն, ապա պատգամավորն ասաց, որ ինքը այդքան էլ «պոզիտիվ չի նայում նախընտրական դաշինքներին, ինչքան հետընտրականին»:
14:52 - 24 մարտի, 2021
ԲՀԿ–ն պատրաստ է ընտրություններին բոլոր տիպի ընտրակարգերով, կլինի դա համամասնական, թե վարկանիշային․ Միքայել Մելքումյան |tert.am|

ԲՀԿ–ն պատրաստ է ընտրություններին բոլոր տիպի ընտրակարգերով, կլինի դա համամասնական, թե վարկանիշային․ Միքայել Մելքումյան |tert.am|

tert.am: ԲՀԿ-ն ինչպես ասել էր, աշնանն էլ, դեկտեմբերին էլ, մենք բոլոր պարագաներում պատրաստ ենք ընտրությունների: Այս մասին լրագրողների հետ ԱԺ-ում ճեպազրույցի ժամանակ ասաց «Բարգավաճ Հայաստան» խմբակցության պատգամավոր Միքայել Մելքումյանը: «Բոլոր տիպի ընտրակարգերով, կլինի դա համամասնական, թե վարկանիշային, մենք միշտ պատրաստ ենք: Մեր կառույցների հետ արդյունավետ կապ ենք պահում և աշխատում ենք: Մենք մեր թիմերով, նաև անձամբ լինում ենք մարզերում, վաղն էլ ենք գնալու, այնպես որ, որևէ խնդիր չենք տեսնում: Այսօր հիմնականում պիտի արձանագրենք, որ հանգուցալուծումը մոտ է և մնում է արժանապատիվ գնալ այդ ընտրություններին»,- ասաց պատգամավորը: Նրա խոսքով՝ մեր ժողովուրդը լուրջ հնարավորություն ունի ձևավորել իշխանություն և կառուցելու այն Հայաստանը, որի մասին մենք միշտ երազել ենք:   Հարցին, թե արդյոք ինքը տեղյակ էր, որ Գագիկ Ծառուկյանը հանդիպելու է Նիկոլ Փաշինյանին, Մելքումյանը դրական արձագանքեց: «Այո, իհարկե մենք տեղյակ ենք եղել, բայց կոնկրետ ժամով չգիտեինք: Կուսակցության ներսում մենք միշտ խորհրդակցություններ ենք անում: Ամեն ինչ քաղաքական խորհրդի շրջանակում է: Հիմա կարող է այդ օրը մարզերի մարդիկ մի քանիսը մասնակցել են կամ չեն մասնակցել, դա այլ հարց է»,- ասաց Մելքումյանը: Շարունակությունը՝ tert.am-ում։
14:13 - 19 մարտի, 2021
Մելքումյանը խոսեց քաղաքական ճգնաժամի և տնտեսական խնդիրների կապի մասին |armenpress.am|

Մելքումյանը խոսեց քաղաքական ճգնաժամի և տնտեսական խնդիրների կապի մասին |armenpress.am|

armenpress.am: ՀՀ ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանը կարևորում է քաղաքական ճգնաժամի արագ հանգուցալուծումը, որպեսզի տնտեսական խնդիրներն էլ ավելի չխորանան: Պատգամավորն այս մասին ասաց ԱԺ-ում լրագրողների հետ զրույցում: Ըստ Մելքումյանի՝ երկրում տնտեսական, ֆինանսական, սոցիալական խնդիրները գնալով խորանում են: «Բնական է, այսօր անվտանգության հարցն է շատ կարևորվում, բայց նաև չպետք է մոռանանք, որ անվտանգության բաղադրիչ է հանդիսանում նաև տնտեսական անվտանգությունը»,- նշեց պատգամավորը: Նա հիշեցրեց, որ թե 2020-ին, թե 2021-ի հունվարին տնտեսական անկում է գրանցվել: «Իմ հաշվարկներով՝ օրական 5-7 մլն դոլար համախառն ներքին արդյունք ենք կորցնում, որովհետև բոլորը սպասողական վիճակում են, կա քաղաքական ճգնաժամ, կա տոտալ ճգնաժամ, բիզնես-ծրագրերը չեն իրականացվում: Մարդիկ սպասում են, թե ինչ է լինելու»,-ասաց Մելքումյանը: Ըստ նրա՝ նույնիսկ եթե հայտարարվում է արտահերթ ընտրությունների անցկացման մասին, ապա մինչև այդ ընտրությունների ավարտը և նոր կառավարության ձևավորումը մարդիկ որևէ լուրջ բիզնես-ծրագիր չեն իրականացնելու. դա այդպես է ամբողջ աշխարհում:  Նա ձախողված է համարում տնտեսական հեղափոխությունը՝ դրա պատճառը համարելով պետական կառավարման համակարգի աշխատանքը: Ըստ նրա՝ պետական կառավարման համակարգում, օրինակ, ներդրումների հետ կապված հարցերն ամիսներով չեն լուծվում, ձգձգվում են: Անդրադառնալով հարցին, թե արդյոք տնտեսական խնդիրների լուծման ճանապարհներից մեկը համարու՞մ է արտահերթ ընտրությունների անցկացումը՝ Մելքումյանն ասաց. «Կա ճգնաժամ, այդ ճգնաժամը պետք է լուծվի: Մեր օրակարգում կան արտահերթ ընտրություններ, սակայն դրանց անցկացման ձևը, պայմանները դեռևս պետք է քննարկվեն: Դա ինչ-որ պահի պետք է հանգուցալուծվի»,- ասաց նա ու կարևորեց, որ հանգուցալուծումը շուտ լինի:
12:55 - 04 մարտի, 2021
Կարող է հանդիպման և քննարկման մեկ պահանջ լինել՝ անհապաղ Նիկոլ Փաշինյանի հրաժարական․ Միքայել Մելքումյան |tert.am|

Կարող է հանդիպման և քննարկման մեկ պահանջ լինել՝ անհապաղ Նիկոլ Փաշինյանի հրաժարական․ Միքայել Մելքումյան |tert.am|

tert.am: ԳՇ կորպուսների հրամանատարների հայտնի հայտարարությունից հետո բազմաթիվ գեներալներ՝ ԱԱԾ-ի և Ոստիկանության, դիմում են գրել, որ միանան այդ հայտարարությանը, դրա համար նախաձեռնեցինք արտահերթ նիստ հետևյալ օրակարգով՝ ռազմական դրության չեղարկում և ստեղծված իրավիճակի քննարկում: Փաստաթղթերը ժամանակին ուղարկվել Է ԱԺ քարտուղարություն, աշխատակազմն ասել է, որ ընթացքի մեջ է 17:30 նշանակված էր նիստը եկանք դուռը փակ է, սա նշանակում է, որ իշխանությունը հոգեվարքի մեջ է. լրագրողների հետ ճեպազրույցի ժամանակ ասաց «Բարգավաճ Հայաստան» խոսակցության անդամ Միքայել Մելքումյանը: Հարցին, եթե այս նիստը չկայանա ի՞նչ պետք է լինի, ի՞նչ են պատրաստում անել, Մելքումյանը պատասխանեց՝ ինչ պատրաստվում են անել, չեն ասում, անում են: Նա նշեց, որ 17-ի ձևաչափով հայտարարվել է, որ այսօր վճռական օր է ժողովուրդը չի հեռանա և կսպասեն դեպքերի ընթացքին. «Բազմաթիվ այլ կառույցների ներկայացուցիչներ միանում են հրաժարականի պահանջին դեպքերը պետք է հանգուցալուծվեն, եթե այս երկիրը այս ճգնաժամում մնա դա նշանակում է, որ մենք պետականություն ենք կորցնում»:Միքայել Մելքումյանը նշեց, որ ընդդիմության պահանջն ավելի գերարդիական է դառնում, որովհետև չի կարող ճգնաժամ առաջացրած անձը՝ բարձրագույն պաշտոնյան, անցումային փուլում մնա վարչապետ. «Ասում են՝ թող աշխատի Սահմանադրության դրույթը, հրաժարական տուր, թող երկու յոթնօրյակում կառաջադրեն, չեն առաջադրի, թող Սահմանադրությունը աշխատի, ինչի՞ ենք ուզում շրջանցել այն և պայման դնել: Այսօր հրապարակում մենք առաջարկեցինք, որ կարող է հանդիպման և քննարկման մեկ պահանջ լինել՝ անհապաղ Նիկոլ Փաշինյանի հրաժարականն, այսինքն՝ քննարկում ենք հրաժարականի և հումանիտար միջանցք տրամադրելու խնդիրը:Հարցին, թե ԳՇ պետի հայտարարությունը Նիկոլ Փաշինյանը որակում է, որպես ռազմական հեղաշրջման փորձ, պատասխանեց, որևէ ռազմական հեղաշրջման փորձ չկա. «Պատերազմից անցել է 4 ամիս ասել, որ Գլխավոր շտաբը և Զինված ուժերը ամբողջ ընթացքում ցուցաբերել են պետական մտածողություն՝ չեն միջամտել, քանի որ դանակը հասել է ոսկորին, իրենք հասկանում են, որ մենք կարող ենք հայրենիք կորցնել՝ ամբողջ բանակը ջախջախված է, սահմանները չենք կարողանում պահել: Վերջին կաթիլն իմ կարծիքով եղավ «Իսկանդեր»-ի մասին հայտարարությունը, ինձ այնքան զանգեր եղան օրենսդիր մարմիններից, նաև Ռուսաստանից, ի՞նչ պետք է մենք պատասխանենք»:Շարունակությունը կարդացեք tert.am-ում։
19:11 - 25 փետրվարի, 2021