Նիկոլ Փաշինյան

Նիկոլ Վովայի Փաշինյան, ՀՀ գործող վարչապետն է։ ՀՀ Ազգային ժողովի նախկին պատգամավոր, «Քաղաքացիական պայմանագիր» կուսակցության վարչության անդամ։

Ծնվել է 1975 թվականի հունիսի 1-ին՝ Իջեւան քաղաքում։ 1999-2012 թվականներին եղել է քաղաքական ուղղվածության «Հայկական ժամանակ» օրաթերթի գլխավոր խմբագիրը, 2012 թվականի մայիսի 6-ից մինչեւ վարչապետի պաշտոնում ընտրվելը՝ Հայաստանի Հանրապետության Ազգային ժողովի պատգամավոր` ընդդիմադիր «Ելք» խմբակցությունից։ Որպես կուսակցական գործիչ համարվում է «Քաղաքացիական պայմանագիր» կուսակցության, ինչպես նաեւ «Իմպիչմենտ» եւ «Ելք» դաշինքների համահիմնադիր։

2018 թվականին Սերժ Սարգսյանի երրորդ պաշտոնավարման դեմ պայքարող Նիկոլ Փաշինյանը սկսում է «Իմ քայլը» նախաձեռնությունը եւ իր համախոհների հետ միասին Գյումրուց քայլարշավով ուղեւորվում Երեւան։  Գործողությունների արդյունքում ապրիլի 23-ին Սերժ Սարգսյանը հրաժարական է տալիս։

Մայիսի 8-ին Փաշինյանն ընտրվում է Հայաստանի Հանրապետության 16-րդ վարչապետ։ Վարչապետի պաշտոնում Նիկոլ Փաշինյանը վերընտրվում է 2018-ի դեկտեմբերի և 2021-ի հունիսի խորհրդարանական արտահերթ ընտրությունների ժամանակ;

Մոտ օրերս հանգամանալից կարձագանքեմ․ Սերժ Սարգսյանը՝ Նիկոլ Փաշինյանի հայտարարությունների մասին

Մոտ օրերս հանգամանալից կարձագանքեմ․ Սերժ Սարգսյանը՝ Նիկոլ Փաշինյանի հայտարարությունների մասին

Առաջիկայում ՀՀ երրորդ նախագահ Սերժ Սարգսյանը կարձագանքի Արցախյան հիմնախնդրի գործընթացին առչվող Նիկոլ Փաշինյանի հայտարություններին։ Այս մասին Սարդարապատի հերոսամարտի հուշահամալիրում ասաց ՀՀ երրորդ նախագահ Սերժ Սարգսյանը։ Այս մասին տեղեկացնում է 3-րդ նախագահի ֆեյսբուքյան էջը։ «Մոտ օրերս տևականորեն, հանգամանալից կարձագանքեմ»,- շեշտեց նախագահը։ Անդրադառնալով հարցին` ինչու որոշել բանակի օրը այցելել հենց Սարդարապատ, ՀՀ երրորդ նախագահն ասաց․ «Պետությունները զինված ուժեր են ստեղծում, որպեսզի կարողանան պահպանել պետությունների տարածքային ամբողջականությունը, սահմանների անձեռնմխելիությունը և իր քաղաքացիների անվտանգությունը։ Այս պարզ ճշմարտության դրսևորումներից մեկը Սարդարապատի ճակատամարտն է։ Այս խորհրդանշական այցելությամբ ուզում եմ այդ մասին հիշեցնել մեր ժողովրդին, մեր Զինված ուժերին սպաներին ու զինվորներին»,-ասաց նա։
17:03 - 28 հունվարի, 2022
Թուրքիան արդեն իսկ հասել է Հայաստանի առջև դրած երկու կարևոր նախապայմանի կատարմանը․ «5165 շարժում»

Թուրքիան արդեն իսկ հասել է Հայաստանի առջև դրած երկու կարևոր նախապայմանի կատարմանը․ «5165 շարժում»

«5165 շարժումը» ներկայացրել է իր դիրքորոշումները Հայաստանի արտաքին-անվտանգային և ներքաղաքական ընթացիկ որոշ զարգացումների վերաբերյալ․ Դիրքորոշումները բովանդակում են հետևյալը. Առաջին՝ պարզորոշ կերպով Հայաստանում առաջ է տարվում թուրք-ադրբեջանական օրակարգ, Երկրորդ՝ Հայաստանում իշխանության ուզուրպացիայի վերջին մեխն է մեխվում: ԴԻՐՔՈՐՈՇՈՒՄ. Կեղծ ու մոլորեցնող է Նիկոլ Փաշինյանի թեզն առ այն, որ հայ-թուրքական հարաբերությունների կարգավորումը տեղի է ունենում առանց նախապայմանների: Թուրքիան արդեն իսկ հասել է Հայաստանի առջև դրած երկու կարևոր նախապայմանի կատարմանը և օգտագործելու է հարաբերությունների կարգավորման ներկայիս գործընթացն նոր զիջումներ կորզելու համար՝ նպատակ ունենալով վերջնականապես հպատակեցնել Հայաստանին։ 44-օրյա պատերազմի արդյունքում առավել քան ամբողջությամբ բավարարվել է Արցախից հայկական զորքերը դուրս բերելու և ազատագրված հողերը Ադրբեջանին հանձնելու վերաբերյալ Թուրքիայի առաջին նախապայմանը։ Երկրորդը՝ Հայոց ցեղասպանության միջազգային ճանաչման ու դատապարտման պահանջից Հայաստանի հրաժարումը, փաշինյանական իշխանությունը կատարում է հիմա։ Դրա մասին են վկայում.  իշխանության ղեկին գտնվող քաղաքական թիմի պարբերական հայտարարություններն ու գործողությունները, Նիկոլ Փաշինյանի գլխավորած կառավարության 2021-2026թթ. ծրագիրը, որում խոսք չկա Հայոց ցեղասպանության միջազգային ճանաչման հարցում Հայաստանի հանձնառության մասին: Այս հարցը ձևակերպված է անդեմ, անորոշ ու լղոզված ձևով: Նախորդ ժամանակաշրջաններում ՀՀ կառավարության ծրագրում Հայոց ցեղասպանության ճանաչումն ու դատապարտումը բարձրացված էին պետական քաղաքականության մակարդակի,  ցեղասպանության հանցագործությունների դատապարտման միջազգային օրվա կապակցությամբ ՀՀ արտաքին գործերի նախարարության 2021թ. դեկտեմբերի 9-ի հայտարարությունը էականորեն տարբերվում է նախկինում այդ օրվա կապակցությամբ արվող հայտարարությունների հռետորաբանությունից՝ մասնավորապես Արցախյան վերջին պատերազմի ֆոնին, վերջին ասուլիսի ժամանակ Փաշինյանն ըստ էության հրրաժարվեց Հայոց ցեղասպանության ճանաչման իրավատիրությունից, այն բացառապես թողնելով Սփյուռքի ուսերին:  ԴԻՐՔՈՐՈՇՈՒՄ. Թուրքիայի և Ադրբեջանի հետ հարաբերությունների կարգավորման Փաշինյանի որդեգրած քաղաքական ուղեգիծը խիստ կարճատես է։ Այն ոչ թե խաղաղություն է խոստանում, այլ երկարաժամկետ կտրվածքով մեծացնում է Հայաստանի վրա կախված գոյութենական սպառնալիքները:  Նիկոլ Փաշինյանը խաղաղություն է ուզում կառուցել Թուրքիայի ու Ադրբեջանի այն ղեկավարների հետ, որոնք սանձազերծեցին 44-օրյա պատերազմը, թույլ տվեցին հայության դեմ ծանր հանցագործություններ, շարունակում են Հայաստանի հանդեպ ագրեսիվ վարքագիծն ու հռետորաբանությունը, սպառնում են բռնությամբ և ուժի սպառնալիքով հասնել իրենց երկարաժամկետ նպատակներին։  44-օրյա պատերազմի օրերին հենց Փաշինյանն էր հրապարակավ դատապարտել պատերազմին Թուրքիայի մասնակցության հակահայկական շարժառիթները՝ շեշտելով, որ Թուրքիան եկել է Հարավային Կովկաս՝ ավարտին հասցնելու Հայոց ցեղասպանությունը: Անհերքելի փաստ է, որ Թուրքիան անմիջական մասնակցություն է ունեցել Արցախյան վերջին պատերազմին՝ Ադրբեջանին ցուցաբերելով նշանակալի աջակցություն, վերջինիս տրամադրելով զենք-զինամթերք, հազարավոր զինված ահաբեկիչներ, ռազմական հրամանատարական և տեխնիկական անձնակազմ, դիվանագիտական սատարում և այլն։ Այսօր Հայաստանի գործող իշխանությունները նույն այս ուժերի հետ գնում են հարաբերությունների կարգավորման՝ առանց խաղաղության իրական երաշխիքների: Հայաստանը Փաշինյանի ձեռամբ հայտնվել է խաղաղություն մուրացողի դերում, ինչը ոչ միայն նսեմացնում է Հայաստանի ու հայ ժողովրդի արժանապատվությունը, այլև առարկայորեն թուլացնում է պետությունն ու արտաքին սպառնալիքներին դիմադրողականությունը, անհասկանալի վիճակում դնում համայն հայությանը միջազգային հանրության առջև, իսկ խաղաղությունը դարձնում անհեռանկարային ու պատրանքային:  Այս պայմաններում Հայաստանն իրավունք չունի գնալ Թուրքիայի հետ հարաբերությունների կարգավորման, առանց հստակ անվտանգային երաշխիքների։ Այսօր նման երաշխիք կարող է հանդիսանալ Թուրքիայի կողմից Հայոց Ցեղասպանության ճանաչումը և Հայաստանի նկատմամբ ագրեսիվ քաղաքականությունից հրաժարումը։  Ադրբեջանի նախագահը Արցախի հարցը համարում է փակված, ԵԱՀԿ Մինսկի խմբի գործունեությունը համարում է անիմաստ, հայտարարում, թե իբր Արցախում 20-25.000 հայ է մնացել, Հայաստանին սպառնում է նոր տարածքների գրավմամբ, բարձրաձայն խոսում են բռնի ճանապարհով Սյունիքով միջանցք բացելու մասին, սպառնում են ցանկացած պահի կտրել Արցախի կապը մայր հայրենիքի հետ, օկուպացված են պահում Արցախի տարածքների մեծ մասը, օկուպացված են պահում տարածքներ Հայաստանի Հանրապետությունից, շարունակում են գերության մեջ պահել և գերության վերցնել մեր զինվորականներին, ագրեսիա իրականանցել Հայաստանի սահմանների նկատմամբ և այլն:  Հենց այս պայմաններում Նիկոլ Փաշինյանը գնում է հաշտեցման Ալիևի հետ՝ առանց որևէ պահանջի ու պայմանի՝ փաստորեն համաձայնություն տալով վերջինիս հակահայ քաղաքականությանը: Սա ինչ է, եթե ոչ, նվազագույնը, ինքնախաբեություն և մոլորություն։ ԴԻՐՔՈՐՈՇՈՒՄ. Հայ-թուրքական հարաբերությունների կարգավորման տնտեսական օգուտների մասին Փաշինյանի թեզերը նույպես անհիմն են ու կեղծ Գործող իշխանությունները Թուրքիայի հետ հարաբերությունների կարգավորումից տնտեսական մեծ օգուտներ քաղելու հետևյալ հնարավորություններն են մատնացույց անում. Թուրքիայի 85 միլիոնանոց բնակչությունը՝ որպես հայկական ապրանքների իրացման մեծ ներուժ ունեցող շուկա, Թուրքիայի տարածքով ԵՄ հայկական արտադրանքի արտահանման հեռանկարը, Թուրքիայի հետ սահմանամերձ բնակավայրերում թուրք պացիենտներին բժշկական ծառայություններ մատուցելու հեռանկարը: Ժամանակն է, որ ժողովուրդը սթափվի Նիկոլ Փաշինյանի՝ ոսկե սարերի խոստումներից: Կարծում ենք, ժողովուրդը չի մոռացել մոտ չորս տարի առաջ նրա տված խոստումը՝ կարճ ժամանակահատվածում մեծ ծավալի ներդրումներ բերելու մասին:  Տնտեսական օգուտների մասին այս թեզերը ևս կեղծ ու շինծու են, քանի որ նախ՝ ոչ մի տեղ հասանելի չեն այն ենթադրյալ հետազոտության արդյունքները, որոնք, Փաշինյանի ասելով, կատարվել են ու տնտեսական մեծ օգուտներ են կանխատեսում: Երկրորդ՝ մեզ համար անհասկանալի է մնում, թե ինչու՞ մինչ այժմ Հայաստանը չի կարողացել օգտվել Իրանի 84 միլիոնանոց և ԵԱՏՄ-ի 180 միլիոնանոց շուկաներից։ Ո՞րն է թուրքական շուկայի առանձնահատկությունը, այն առումով, որ հայկական ծագման արտադրանքը Իրանում և ԵԱՏՄ-ում չի կարողանում իրացվել, իսկ Թուրքիայում մեծ ծավալներով իրացվելու է: Այդ ի՞նչ արտադրանք է ներկայում թողարկում Հայաստանը, որ հնարավորություն չունի արտահանել ԵՄ և Թուրքիայի հետ սահմանների բացման պարագայում արտահանելու է: Ի՞նչու մինչ այժմ բժշկական մեծածավալ ծառայություններ մատուցելու հնարավորությունը չի իրացվել Իրանի ու Վրաստանի սահմաններին մոտ գտնվող բնակավայրերում: Պատասխանը հստակ է. Հայաստանը չունի զարգացած արդյունաբերություն և գյուղատնտեսություն, որպեսզի կարողանա մրցակցել թուրքական էժան ու մրցունակ ապրանքների հետ, որոնց Հայաստան ներթափանցումը խիստ ռիսկային է տեղական արտադրանքի ծավալների կրճատման, գործազրկության ու արտագաղթի աճի առումներով: ԴԻՐՔՈՐՈՇՈՒՄ. Հայաստանում իրական ժողովրդավարության հաստատման հենք հանդիսացող փոխզսպումների և հակակշիռների գործուն համակարգ ստեղծելուց Փաշինյանի իշխանությունը խուսափում է միտումնավոր։ Այս քաղաքականությամբ Հայաստանը սկսել է վերածվել բռնապետության։ Իր վերջին ասուլիսում Նիկոլ Փաշինյանը կանխորոշեց Հայաստանի Հանրապետության նախագահի ընտրության ելքը՝ նշելով, որ «Քաղաքացիական պայմանագիր» կուսակցությունը կարող է միանձնյա ձևով ընտրել նախագահին՝ փորձելով այս հանգամանքը մատուցել ընթացիկ անվտանգային, արտաքին քաղաքական գործընթացներում իշխանության թևերի միջև «ներդաշնակություն մտցնելու» մանիպուլյատիվ փաթեթավորմամբ:  Մենք քանիցս նշել ենք, որ թեև ՀՀ նախագահի ինստիտուտը սահմանադրաիրավական բավարար լիազորություններ չունի՝ ազդելու քաղաքական իշխանության՝ ՀՀ ազգային-պետական շահերին հակասող գործողությունների վրա, այդուհանդերձ պետության գլխի հանգամանքը կարևորվում է առնվազն ժողովրդին խոսք ասելու, ուղերձներ հղելու տեսանկյունից: Եվ այժմ, երբ ՀՀ նախագահի պաշտոնը կզբաղեցնի մի անձ, ում վարքն ու ուղեգիծը «ներդաշնակ կլինի» Նիկոլ Փաշինյանի վարքին ու ուղեգծին, Հայաստանի գահավիժող ժողովրդավարությունը կզրկվի ինստիտուցիոնալ սահմանափակման այդ մեկ լծակից ևս։ Այս առնչությամբ տեղին ենք համարում մատնացույց անել այն հանգամանքը, որ Նիկոլ Փաշինյանը գրեթե ամբողջովին վերահսկում է ՀՀ Ազգային Ժողովի գործունեությունը. իշխող «Քաղաքացիական պայմանագիր» խմբակցության մինչ այժմ դրսևորած վարքագիծն ու պատգամավորների մեծ մասի «ծագումը» ասվածի վկայություններն են:  Ժողովրդին ցանկանում ենք հիշեցնել նաև, որ 2021թ. մարտին Նիկոլ Փաշինյանը հայտարարեց, որ իբր կլինեն սահմանադրական բարեփոխումներ, որ իբր 2021թ. հոկտեմբերին կլինի հանրաքվե և անցում կկատարվի նախագահական կամ կիսանախագահական համակարգի: Վերջին ասուլիսում ՀՀ կառավարման ձևի վերաբերյալ արած այն դիտարկումը, որ ինքը կառավարման խորհրդարանական ձևի կողմնակից է, խոսում է մեկ բանի մասին. նա մեկ տարի առաջ ժողովրդին հրապարակավ ստում էր։ Իր իշխանության պահպանման նկատառումներից ելնելով նա ցանկանում է պահպանել կառավարման ներկայիս ձևը, քանի որ իշխանության թևերի միջև փոխզսպումների և հակակշիռների իրական մեխանիզմների բացակայությունը ձեռնտու են հենց իրեն: Մենք քանիցս ահազանգել ենք այն մասին, որ Հայաստանի և հայ ժողովրդի համար գոյութենական նշանակության այնպիսի հիմնախնդիրների ընթացքը, ինչպիսիք են Արցախի հարցի կարգավորումը, սահմանագծումն ու սահմանազատումը, հայ-թուրքական հարաբերությունների կարգավորումը և այլն, ռազմավարական բնույթի հիմնախնդիրներ են, գտնվում է Նիկոլ Փաշինյանի միանձնյա տնօրինման ներքո, առկախված է Նիկոլ Փաշինյանի աշխարհընկալումներից ու արժեհամակարգից:  Միանձնյա կառավարումը առավել վտանգավոր է այն պարագայում, երբ երկրիդ ղեկավարը ակնհայտորեն տանում է հակապետական քաղաքական գիծ. Փաշինյանն անբռնազբոս կերպով պաշտպանում է թուրք-ադրբեջանական դիրքորոշումները, կրկնում նրանց թեզերը Արցախի պատկանելության, կարգավիճակի, կարգավորման առանձնահատկությունների մասին, արդարացնում պետական մակարդակով հնչող հակահայ հռետորաբանությունը, Ալիևի՝ պետական դիրքորոշում հանդիսացող հայտարարությունը զուգահեռում Հայաստանի շարքային քաղաքացու՝ մամուլում հայտնած կարծիքի հետ։ Մեզ այլ բան չի մնում, քան հաստատել, որ սույն գործելակերպով Նիկոլ Փաշինյանը սպասարկում է Թուրքիայի և Ադրբեջանի ներկայիս իշխանությունների օրակարգը:  
13:14 - 28 հունվարի, 2022
ՀՀ յուրաքանչյուր զինվոր, սպա պետք է զգա պետության աջակցությունը․ վարչապետի շնորհավորական ուղերձը

ՀՀ յուրաքանչյուր զինվոր, սպա պետք է զգա պետության աջակցությունը․ վարչապետի շնորհավորական ուղերձը

Armenian Prime Minister Nikol Pashinyan has sent a congratulatory message on the occasion of the 30th anniversary of the formation of the Armenian Armed Forces. The message runs as follows. "Dear compatriots,Honourable representatives of the Armed Forces, I congratulate all of us on the 30th anniversary of the foundation of the Armed Forces of the Republic of Armenia. During these three decades the Armenian Army has had both glorious days and passed through many challenges. The Armenian people appreciate the heroism of all our heroes, those soldiers, officers, generals and volunteers who have fought until the end for the defense, security, sovereignty and territorial integrity of the Homeland. Today we are pursuing the path of systematic reforms aimed at further developing the Armed Forces, by re-assessing the past path of the Army, the advantages, shortcomings and problems it had. The Republic of Armenia will have a professional army, and the Government will carry out that work tirelessly, without despondency and pessimism, but with optimism on the path of building our security environment. Improving the Army’s combat readiness, arsenal and the military service conditions is our priority. Since 2018, the Government of Armenia has started the process of improving the social and living conditions of servicemen, and it will be continuous. Each soldier and officer of the Republic of Armenia must feel the state’s support, and we will be consistent in that process. Military service should deserve special public respect and appreciation, which must be expressed also by the system of special social guarantees to the servicemen and their families. In parallel, service assessment criteria for intellectual, professional, physical and psychological preparedness should also be raised, and the public respect and appreciation towards the Army should be based on these points. Dear compatriots, On the occasion of the Army Day, I would like to specially thank all volunteers, soldiers, officers and generals who were at the roots of the formation of the Armenian Army. I would like to thank all defenders of our Homeland, all servicemen for the sacrifices they made for unconditionally serving our country and people in these difficult conditions. I also like to thank their families for their patience, endurance, and for standing firm with their servicemen relatives and the Homeland. I bow to our heroic martyrs. Their memory is immortal, their work is sacred.God bless the Armenian army."
10:18 - 28 հունվարի, 2022
Թուրքիայի արտգործնախարարը չի ասել, թե Փաշինյանը խոստացել է այցելել Թուրքիա․ Չավուշօղլուի խոսքը սխալ է ներկայացվել

Թուրքիայի արտգործնախարարը չի ասել, թե Փաշինյանը խոստացել է այցելել Թուրքիա․ Չավուշօղլուի խոսքը սխալ է ներկայացվել

Հայկական pastinfo.am լրատավականն այսօր հրապարակել է մի լուր (ավելի ուշ լուրն արտատպվել է նաեւ lurer.com եւ hayeli.am կայքերում), ըստ որի Թուրքիայի արտգործնախարար Մեւլութ Չավուշօղլուն հայտարարել է, թե ՀՀ վարչապետ Նիկոլ Փաշինյանը խոստացել է այցելել Թուրքիա։ Լրատվամիջոցը հղում է արել «Sputnik Азербайджан»-ին։ Մինչ անդրադառնալը, թե Չավուշօղլուն իրականում ինչ է ասել, նշենք, որ ադրբեջանական «Sputnik Азербайджан» կայքում նման բովանդակությամբ նյութ չկա։ Տելեգրամյան նույնանուն ալիքում կա խմբագրվածի նշումով մի լուր, որտեղ ասված է, թե թուրքական արտաքին գերատեսչության ղեկավար Չավուշօղլուն նշել է, թե Անթալիայի դիվանագիտական ֆորումին հրավիրվել են նաեւ ՀՀ արտգործնախարար Արարատ Միրզոյանն ու Հայաստան-Թուրքիա երկխոսության գործընթացում Հայաստանի հատուկ ներկայացուցիչ Ռուբեն Ռուբինյանը։ Ըստ ադրբեջանական աղբյուրի՝ Չավուշօղլուն հայտնել է, որ ՀՀ վարչապետ Նիկոլ Փաշինյանը հայտարարել է, որ հրավիրյալները կարող են մասնակցություն ունենալ ֆորումի աշխատանքներին։ Այս լուրն, ինչպես նշեցինք, տելեգրամյան ալիքում փոփոխվել է։ «Փաշինյանը խոստացել է այց կատարել Թուրքիա․ Չավուշօղլու» վերտառությամբ լուրը ի սկզբանե տարածվել է ադրբեջանական լրատվադաշտում, սակայն հետագայում լուրերի վերնագրերը խմբագրվել են, ինչպես, օրինակ report.az կայքի պարագայում։ Report.az-ը գրել է, թե հայկական պատվիրակությունը կայցելի Թուրքիա։ Դարձյալ հղում է արվել Չավուշօղլուին՝ նշումով, որ նա ասել է, թե դրա մասին հայտարարել է Նիկոլ Փաշինյանը։ «Անատոլիայի դիվանագիտական ֆորումին մասնակցություն կունենան 50 նախարարներ, միջազգային կազմակերպությունների 30 ներկայացուցիչներ։ Ուզում ենք, որ լսելի լինի յուրաքանչյուրի ձայնը։ Մենք հրավիրել ենք նաեւ Հայաստանի ներկայացուցիչներին։ Հայաստանի արտգործնախարար Արարատ Միրզոյանն ու հատուկ ներկայացուցիչ Ռուբեն Ռուբինյանը մասնակցություն կունենան ֆորումին։ Դրա մասին հայտարարել է ՀՀ վարչապետ Նիկոլ Փաշինյանը։ Ուրախ կլինենք, եթե դա տեղի ունենա»,- ասված է կայքում։ Ըստ ամենայնի կայքն այսպիսի տեքստ հրապարակելիս օգտվել է թուրքական մերձկառավարական dailysabah.com լրատավական կայքի մի հրապարակումից, որտեղ գրեթե նույն տեքստն է գրված՝ դարձյալ Չավուշօղլուին հղումով, սակայն ոչ ուղղակի մեջբերմամբ։ Թուրքական մեկ այլ հայտնի լրատվամիջոցից՝ Անադոլուից, սակայն, տեղեկանում ենք, որ Չավուշօղլուն ոչ թե ասել է, որ Փաշինյանը այցելելու է Թուրքիա, այլ որ չի բացառվել հնարավորությունը, որ ՀՀ արտգործնախարարն ու հատուկ ներկայացուցիչը կարող են մասնակցել Անթալիայի դիվանագիտական ֆորումին։ Մասնավորապես «Անադոլու» լրատվականում նշված է, որ Չավուշօղլուն ասել է հետեւյալը․ «Հայաստանի արտգործնախարարին (Արարատ Միրզոյան) եւ հատուկ ներկայացուցիչ Ռուբեն Ռուբինյանին հրավիրել ենք։ (Հայաստանի վարչապետ Նիկոլ) Փաշինյանը վերջերս ասել է, որ մեր հրավիրած անձինք կարող է մասնակցեն Անթալիայի դիվանագիտական ֆորումին։ Ուրախ կլինենք, քանի որ Ադրեբեջանն էլ է մասնակցելու: Այստեղ Ադրբեջանն էլ թող իր կարծիքը ասի, Հայաստանն էլ։ Նույն կերպ այն կլինի նաև վստահության աճին միտված քայլերի մասը»:  Նշենք, որ օրերս առցանց ասուլիսի ժամանակ լրատվամիջոցների հարցերին պատասխանելիս էր Նիկոլ Փաշինյանը հայտնել, որ մեծ հավանականությամբ Հայաստանը կընդունի Թուրքիայում անցկացվող Անթալիայի դիվանագիտական ֆորումին մասնակցելու հրավերը․ «Բայց ամեն ինչ կախված է այդ պահին առկա իրավիճակից»,- ասել էր նա։ Հավելենք նաեւ, որ այսօր լրագրողների հետ ճեպազրույցում ՀՀ ազգային ժողովի արտաքին հարաբերությունների մշտական հանձնաժողովի նախագահ Էդուարդ Աղաջանյանը հայտնել է, որ ֆորումին մասնակցելու վերաբերյալ վերջնական որոշում դեռեւս չկա։ Հայարփի Բաղդասարյան
19:18 - 27 հունվարի, 2022
Վարչապետը հաստատել է Սահմանադրական բարեփոխումների խորհրդի կազմը

Վարչապետը հաստատել է Սահմանադրական բարեփոխումների խորհրդի կազմը

Նիկոլ Փաշինյանը ստորագրել է սահմանադրական բարեփոխումների խորհրդի կազմը հաստատող որոշում։  Ձևավորվել է սահմանադրական բարեփոխումների խորհուրդ, հաստատվել է խորհրդի անհատական կազմը և դրա գործունեության կարգը: Խորհրդի ձևավորումից հետո՝ երկամսյա ժամկետում ձևավորվում է սահմանադրական բարեփոխումների մասնագիտական հանձնաժողով: Խորհրդի նախագահ է նշանակվել արդարադատության նախարար Կարեն Անդրեասյանը: Խորհրդի անհատական կազմում ընդգրկված են՝ Միջազգային իրավական հարցերով Հայաստանի ներկայացուցիչը, Ազգային ժողովի պետաիրավական հանձնաժողովի նախագահը, Մարդու իրավունքների պաշտպանը, Բարձրագույն դատական խորհրդի անդամ Վիգեն Քոչարյանը, ԱԺ «Քաղաքացիական պայմանագիր» խմբակցության պատգամավոր Վահագն Հովակիմյանը, «Լուսավոր Հայաստան» կուսակցության ղեկավար Էդմոն Մարուքյանը, «Հանրապետություն»-ից՝ Մասիս Մելքոնյանը, «Հելսինկյան քաղաքացիական ասամբլեայի Վանաձորի գրասենյակ» հասարակական կազմակերպության ներկայացուցիչ Արթուր Սաքունցը, «Իրավունքի Եվրոպա» ՀԿ-ի ներկայացուցիչ Տիգրան Եգորյանը և «Իրազեկ քաղաքացիների միավորում» ՀԿ-ից Դանիել Իոաննիսյանը:  
17:18 - 27 հունվարի, 2022
Փաշինյանը ոչ թե ասել է մեկ սկզբունք, այլ սկզբունքներից մեկը․ Տիգրան Աբրահամյանը սխալվում է

Փաշինյանը ոչ թե ասել է մեկ սկզբունք, այլ սկզբունքներից մեկը․ Տիգրան Աբրահամյանը սխալվում է

Երեկ խորհրդարանում ճեպազրույցի ժամանակ «Պատիվ ունեմ» խմբակցության պատգամավոր Տիգրան Աբրահամյանն իր խոսքում անդրադարձավ ՀՀ վարչապետ Նիկոլ Փաշինյանի՝ օրերս տեղի ունեցած առցանց ասուլիսին։ Աբրահամյանը, մասնավորապես, ասաց, որ Փաշինյանը փորձում է հիմնավորել Արցախի ադրբեջանական լինելը։ Պատգամավորի համոզմամբ՝ վարչապետի բոլոր հայտարարությունների նպատակներում այդ գործոնն է դրված․ «Իրականության մեջ այն, ինչ ներկայացնում է Փաշինյանը ոչ միայն երեկ, այլ իր վերջին բոլոր հայտարարություններում, աղճատված են կամ որեւէ ձեւ չեն համապատասխանում իրականությանը։ Մեկ օրինակ՝ հղում է անում Մադրիդյան փաստաթղթին, ասում է՝ տեսեք՝ Մադրիդյան փաստաթղթի հիմքում եղել է մեկ սկզբունք, դա տարածքային ամբողջականության սկզբունքն է։ Այստեղ շատերը տեղյակ են, որ Մադրիդյան փաստաթղթում երեք սկզբունք է եղել՝ տարածքային ամբողջականության, ժողովուրդների ինքնորոշման իրավունքի, ուժի եւ ուժի սպառնալիքի չկիրառման։ Այսինքն՝ ցանկացած մոտեցում ներկայացվում է աղճատված»,- մեկնաբանեց Տիգրան Աբրահամյանը։ Սակայն վերջինիս պնդումը, թե Փաշինյանը նշել է՝ Մադրիդյան փաստաթղթի հիմքում մեկ սկզբունք է եղել, իրականությանը չի համապատասխանում։ Նիկոլ Փաշինյանն առցանց ասուլիսի ժամանակ, խոսելով այն հարցի մասին, թե եթե ճանաչվի Ադրբեջանի տարածքային ամբողջականությունը, ապա ի՞նչ սահմաններով է ճանաչվելու, այսպես պատասխանեց․ «Գիտեք, որ Մադրիդյան սկզբունքները, երբ բանակցությունների հիմք են դարձել, այնտեղ արձանագրված սկզբունքներից մեկը տարածքային ամբողջականության սկբունքն է, որը երկու կողմն էլ ընդունել են որպես բանակցությունների հիմք։ Այստեղ, նկատի ունեմ, դա դե յուրե ՀՀ-ն եւ Ադրբեջանը դեռեւս 1992-ից ճանաչել են սահմանների անձեռնմխելիությունն ու տարածքային ամբողջականությունը՝ ընդ որում՝ ԱՊՀ-ում գոյություն ունեցող տարածքների եւ սահմանների շրջանակում։ Բայց դրանից խնդրի բազմաթիվ նրբություններ չեն լուծվել»,- ասաց Փաշինյանը։ Փաշինյանի եւ Աբրահամյանի խոսքերը համեմատելիս ակնհայտ է դառնում, որ Փաշինյանը ոչ թե պնդել է, թե Մադրիդյան փաստաթղթում միայն մեկ սկզբունք է եղել՝ տարածքային ամբողջականության, ինչպես հայտարարել է Աբրահամյանը, այլ նշել է, որ փաստաթղթի հիմքում սկզբունքերից մեկը տարածքային ամբողջականությունն է։ Մադրիդյան սկզբունքները, որպես Ղարաբաղյան հակամարտության խաղաղ կարգավորման առաջարկի փաստաթուղթ, ԵԱՀԿ Մինսկի խմբի համանախագահներ ԱՄՆ-ն, Ֆրանսիան ու ՌԴ-ն 2007 թվականին ներկայացվել են Հայաստանի ու Ադրբեջանի Հանրապետություններին։ Մադրիդյան սկզբունքներում հղում է կատարվում Հելսինկյան եզրափակիչ ակտի (1975թ.) ԵԱՀԿ/ԵԱԽՀ Մասնակից պետությունների միջեւ հարաբերությունները ուղղորդող սկզբունքների Հռչակագրին եւ մասնավորապես, 2-րդ հոդվածին` ուժի կամ ուժի կիրառման սպառնալիքից խուսափելու, 4-րդ հոդվածին`պետությունների տարածքային ամբողջականության, եւ 8-րդ հոդվածին` իրավահավասարության եւ ժողովուրդների ինքնորոշման վերաբերյալ: ԵԱՀԿ Մինսկի խմբի համանախագահների հետ երկու երկրների արտգործնախարարները, հիմնվելով փաստաթղթի 14 հիմնարար դրույթների վրա, պետք է մշակեին հակամարտության խաղաղ կարգավորման համապարփակ համաձայնագիր։ Հարկ է նշել, որ փաստաթղթի հիմքում դրված սկզբունքները մեկը մյուսին չեն ստորադասում, դրանք բոլորը պետք է ընկած լինեին կարգավորման հիմքում։ 2019 թվականի ապրիլին Նիկոլ Փաշինյանն Ազգային ժողովում լրագրողների հետ ճեպազրույցում ասաց, որ ինքը բանակցությունները սկսել է ոչ թե Սերժ Սարգսյանի, այլ իր սեփական կետից։ 2019-ի նոյեմբերին հայտնի դարձավ, որ Մադրիդյան սկզբունքներն այլեւս բանակցությունների սեղանին չեն։ Նիկոլ Փաշինյանն Ազգային ժողովում խոսեց այդ մասին՝ նշելով, որ Մադրիդյան սկզբունքների բոլոր պարամետրերն իրենց համար թափանցիկ չեն, դժվար է ասել՝ դա ընդունում են որպես բանակցային գործընթացի հիմք, թե չեն ընդունում․ «Սկզբունքներն ըստ էության հարցի լուծման ճանապարհն են, ուզում ենք հասկանալ՝ ինչ հնարավոր տեղեր կարող է հասցնել այդ ճանապարհը, նախապես իմանանք՝ այդ ճանապարհով գնում ենք, թե չէ: Ես ասում էի նույն ճանապարհով կարելի է Սեւան, Գավառ, Վարդենիս, Իջեւան գնալ, բայց եթե պարզվի, որ մեր մտադրությունը Արմավիր գնալն է, պետք չէ այդ ճանապարհով գնանք: Ասում ենք՝ եկեք պարզենք Մադրիդյան սկզբունքները որտեղ են տանում»,- ասել էր Փաշինյանը: Հայարփի Բաղդասարյան
18:44 - 26 հունվարի, 2022
Նիկոլ Փաշինյանն ու Վլադիմիր Զելենսկին միմյանց շնորհավորական նամակներ են հղել

Նիկոլ Փաշինյանն ու Վլադիմիր Զելենսկին միմյանց շնորհավորական նամակներ են հղել

Հայաստանի և Ուկրաինայի միջև դիվանագիտական հարաբերությունների հաստատման 30-ամյակի կապակցությամբ Հայաստանի Վարչապետ Նիկոլ Փաշինյանն ու Ուկրաինայի նախագահ Վոլոդիմիր Զելենսկին միմյանց շնորհավորական նամակներ են հղել։ Այս մասին հայտնում է Ուկրաինայում Հայաստանի դեսպանությունը։ Փաշինյանը հույս է հայտնել, որ հայ-ուկրաինական հարաբերությունները 2022-ին կշարունակեն զարգանալ՝ ի նպաստ մեր ժողովուրդների դարավոր բարեկամության: «Անցած երեք տասնյակ տարիների ընթացքում Երևանի և Կիևի համատեղ ջանքերով ձևավորվել է իրավապայմանագրային հենք, ստեղծվել են միջխորհրդարանական փոխգործակցության համապատասխան մեխանիզմներ, շարունակվել են մշակութային և հումանիտար բնագավառներում համագործակցության առաջմղմանը միտված ջանքերը»,- ասված է Նիկոլ Փաշինյանի նամակում։ Իր հերթին Զելենսկին համոզմունք է հայտնել, որ Ուկրաինան և Հայաստանը ունեն փոխադարձ հետաքրքրություն ներկայացնող փոխշահավետ գործընկերություն հաստատելու բավարար ներուժ։ Շնորհավորական նամակներ են միմյանց հղել նաև Հայաստանի և Ուկրաինայի արտաքին գործերի նախարարներ Արարատ Միրզոյանն ու Դմիտրո Կուլեբան։
15:53 - 26 հունվարի, 2022
Վստահ եմ, որ համագործակցությունը Հայաստանի և Ավստրալիայի միջև հետագայում ևս կզարգանա. վարչապետը ուղերձ է հղել

Վստահ եմ, որ համագործակցությունը Հայաստանի և Ավստրալիայի միջև հետագայում ևս կզարգանա. վարչապետը ուղերձ է հղել

Վարչապետ Նիկոլ Փաշինյանը շնորհավորական ուղերձ է հղել Ավստրալիայի Միության վարչապետ Սքոթ Մորիսոնին՝ երկրի ազգային տոնի առթիվ: Ուղերձում ասված է. «Ձերդ Գերազանցություն, Հայաստանի Հանրապետության կառավարության և անձամբ իմ անունից սրտանց շնորհավորում և լավագույն մաղթանքներ եմ հղում Ձեզ, Ավստրալիայի կառավարությանը և ժողովրդին ազգային տոնի՝ Ավստրալիայի օրվա կապակցությամբ: Գոհունակությամբ ուզում եմ նշել, որ Հայաստանի և Ավստրալիայի միջև 30 տարի առաջ հաստատված միջպետական բարեկամական հարաբերություններն անցած տարիների ընթացքում ունեցել են հաստատուն ընթացք, ակտիվացել են երկկողմ փոխանակումները, ընդլայնվել է համագործակցությունը միջազգային ասպարեզում: Հայ-ավստրալական կապերի ամրապնդման գործում իրենց ներդրումն են ունեցել նաև Ավստրալիայի հայերը, որոնք յուրահատուկ մշակութային կամուրջ են հանդիսանում հայ-ավստրալիական միջմարդկային փոխանակումներում: Վստահ եմ, որ համագործակցությունը Հայաստանի և Ավստրալիայի միջև հետագայում ևս կզարգանա և կընդլայնվի՝ ի շահ մեր ժողովուրդների: Օգտվելով առիթից՝ մաղթում եմ Ձեզ քաջառողջություն և նորանոր հաջողություններ, իսկ Ավստրալիայի բարեկամ ժողովրդին՝ բարօրություն և խաղաղություն: Ընդունեք խնդրեմ, Ձերդ Գերազանցություն, խորին հարգանքիս հավաստիքը»:
12:43 - 26 հունվարի, 2022
Հայաստանի բարձրաստիճան պաշտոնյաները երբեւէ հրապարակային չեն հնչեցրել, թե Բաքուն հայկական է․ Ալիեւի հայտարարությունները հայելային չեն

Հայաստանի բարձրաստիճան պաշտոնյաները երբեւէ հրապարակային չեն հնչեցրել, թե Բաքուն հայկական է․ Ալիեւի հայտարարությունները հայելային չեն

Երեկ ԶԼՄ-ների եւ հասարակական կազմակերպությունների հարցերին պատասխանաելիս, խոսելով Բաքվի ագրեսիվ հայտարարությունների մասին, ՀՀ վարչապետ Նիկոլ Փաշինյանն առաջարկեց այդ հայտարարությունների մեջ տարբերակել ռացիոնալ եւ էմոցիոնալ կողմերը։ Նա ասաց, որ վերջերս մի վերլուծաբան դիտարկում է արել, թե Ադրբեջանից շատ հաճախ հնչում են հայտարարություններ, որոնք հայելային են այն հայտարարություններին, որոնք Հայաստանում հնչել են 1994 թվականից հետո․ «Երբ Ադրբեջանից հնչում է հայտարարություն, որ Ղարաբաղի հարցը լուծված է, էդ վերլուծաբանն իմ ուշադրությունը հրավիրեց այն փաստի վրա, որ 1994-ից հետո տասնյակ տարիներ Հայաստանից եւ Արցախից հնչել են հայտարարություններ, որ Ղարաբաղի հարցը լուծված է։ Շատ հաճախ հնչում են հայտարարություններ, ասենք, Երեւանն ադրբեջանական քաղաք լինելու մասին, եւ այլն, այդ վերլուծաբանն իմ ուշադրությունը հրավիրեց, որ 1994-ից հետո շատ հայտարարություններ են հնչել էն մասին, որ Բաքուն հայկական քաղաք է»,- ասաց Փաշինյանը։ Ադրբեջանի նախագահ Իլհամ Ալիեւի շուրթերից մեկ անգամ չէ, որ հնչել է, թե Երեւանն ադրբեջանական է։ Առանց շատ հեռու գնալու՝ դեռ 2016-ի դեկտեմբերին Ալիեւը, ասելով, թե աչք չեն դրել Հայաստանի հողերի վրա, միեւնույն ժամանակ շեշտել էր, որ միտք չունեն ռազմական ճանապարհով վերադառնալ ոչ Երեւան, ոչ Մեղրի, ոչ Գորիս՝ «իրենց պատմական հողեր»։ 2017-ի ամռանը Ալիեւը նորից հայտարարել էր, թե Լեռնային Ղարաբաղն ու Հայաստանը ադրբեջանական պատմական հողեր են։  Արդեն 2018-ի փետրվարին Ալիեւը ադրբեջանական «պատմական հողեր» էր անվանել Երեւանը՝ այն կոչելով Իրեւանի խանություն, Սեւանը՝ կոչելով Գյոյչա, Սյունիքը՝ կոչելով Զանգեզուր․ «Ուզում եմ նշել, որ մենք չպետք է մոռանանք մեր պատմական հողերի մասին։ Հետագայում սա պետք է լինի մեր գործունեության ուղղություններից մեկը։ Մեր պատմական հողերն են՝ Իրեւանի խանությունը, Զանգեզուրը, Գյոյչան, այս մասին պետք է իմանա ե՛ւ մեր երիտասարդ սերունդը, ե՛ւ ողջ աշխարհը»,- ասել էր Ալիեւը։ 2020թ․ դեկտեմբերի 10-ին՝ 44-օրյա պատերազմի ավարտից հետո, Բաքվի կենտրոնում ռազմական շքերթի ժամանակ, որին մասնակցում էր նաեւ Թուրքիայի նախագահ Ռեջեփ Թայիփ Էրդողանը, թվարկելով Լեռնային Ղարաբաղում Ադրբեջանի տարածքային ձեռքբերումները՝ Իլհամ Ալիեւը հասավ նաեւ Սյունիք, Երեւան, Սեւան՝ ասելով, թե դրանք նույնպես ադրբեջանական պատմական հողեր են, որտեղ դարերով ադրբեջանցիներ են բնակվել։ Անցյալ տարի՝ 2021-ի ապրիլին, «Նոր հայացք Հարավային Կովկասում. Հետկոնֆլիկտային զարգացում եւ համագործակցություն» խորագրով խորհրդաժողովում Ալիեւն ասել էր, թե պատմական Երեւանում ապրել են ադրբեջանցիներ, այդ թվում՝ իր նախնիները․ «Այո, մենք կվերադառնանք այնտեղ: Ես չեմ ասել, որ մենք տանկերով կվերադառնանք: Եթե վերադառնում ենք Զանգեզուրի միջանցք, եթե օգտվելու ենք այս ճանապարհից, ապա ինչու՞ չվերադառնանք Երեւան: Ժամանակը կգա, մենք կանենք դա: Ես ներկայացնում եմ իմ դիրքորոշումը»: 2021 թվականի հուլիսին Ալիեւը դարձյալ հայտարարել էր, որ թե Ադրբեջանի բնակչությունը վերադառնալու է իր նախնիների հողերը․ «Նոյեմբերի 10—ի եռակողմ հայտարարության մեջ նշված է՝ բոլոր փախստականները պետք է վերադառնան հայրենի հողեր։ Մեր հայրենի հողերըն են Զանգեզուրը, Երեւանը։ Մենք, իհարկե, վերադառնալու ենք»։ Նմանատիպ հայտարարություններն այսքանով չեն սահմանափակվում, դրանք Ադրբեջանի հայտնի հռետորաբանության մասն են։ Սակայն ասել, թե այս հայտարարությունները հայելային են՝ ի պատասխան Հայաստանից տարիներով հնչած պնդումների, մոլորեցնող են, ինչի մասին՝ ստորեւ։  Այն, որ Բաքվում ժամանակին հայեր են ապրել, գաղտնիք չէ։ CivilNet-ի՝ «Հայերը Բաքվի նահանգում» վերտառությամբ հրապարակումից տեղեկանում ենք, որ արխիվային տվյալների համաձայն՝ մոտ 200 տարի առաջ՝ 1820-ական թվականներին, Բաքու գյուղում հայերի թիվը կազմել է 277 հոգի կամ շուրջ 50 տուն, եւ որ 1886 թվականին Բաքու քաղաքի 86 611 բնակիչներից հայեր էին 24 490-ը։ Ըստ աղբյուրի՝ Ցարական Ռուսաստանի առաջին եւ վերջին՝ 1897 թվականի մարդահամար տվյալներով Բաքվի նահանգն ուներ շուրջ 183 հազար բնակչություն, որից հայերի թիվը 22 583 էր: 1970 թվականի ԽՍՀՄ մարդահամարի համաձայն, Բաքվում հայերի թիվը անցնում էր 207 հազարը: 1990 թվականի հունվարին կազմակերպված ջարդերից հետո Բաքուն զրկվեց հայ բնակչությունից: Քիչ չեն հրապարակումներն ու աշխատությունները նաեւ այն մասին, թե հայերը ինչ մեծ ներդրում են ունեցել Բաքվի ճարտարապետության մեջ։ Բայց Բաքվի հայկական լինելու մասին ոչ միայն բազմաթիվ չեն հայտարարությունները, այլ նաեւ, եթե այդպիսիք եղել են, երբեւէ չեն հնչել Հայաստանի Հանրապետության բարձրաստիճան ղեկավարության կողմից։ Իհարկե հանրային խոսույթում տարածված են եղել Բաքվում թեյ խմելու, Բաքու հասնելու, Բաքուն գրավելու մասին արտահայտությունները, սակայն դրանք Հայաստանի ղեկավարները չեն շրջանառել։ Հետեւաբար հանրային խոսույթի մակարդակում արված հայտարարությունները չեն կարող համեմատելի լինել Ադրբեջանի բարձրաստիճան ղեկավարության պաշտոնական հռետորաբանության հետ։ Ուստի անանուն վերլուծաբանի դիտարկումների արդյունքում Փաշինյանի մոտ ձեւավորված համոզմունքը, թե Ադրբեջանի հռետորաբանությունը հայելային է՝ Հայաստանից տարիներով հնչած հայտարարությունների ֆոնին, մանիպուլյատիվ է։  Հայարփի Բաղդասարյան
17:49 - 25 հունվարի, 2022
Առաջին օրից ՀԱՊԿ-ում իմ գործունեությունն ուղղված է եղել ճգնաժամային արձագանքման մեխանիզմների կատարելագործմանը. Նիկոլ Փաշինյան
 |1lurer.am|

Առաջին օրից ՀԱՊԿ-ում իմ գործունեությունն ուղղված է եղել ճգնաժամային արձագանքման մեխանիզմների կատարելագործմանը. Նիկոլ Փաշինյան |1lurer.am|

1lurer.am: ՀՀ սահմանների նկատմամբ ոտնձգություններից հետո աջակցության մեր գրավոր և բանավոր դիմումները մերժած ՀԱՊԿ-ն աշխատեցրեց իր մեխանիզմները Ղազախստանում: Հարցին, թե արդյոք Հայաստանը չէ՞ր կարող չմասնակցել այդ գործընթացին՝ մատնանշելով, որ խաթարված է մեր երկրի անվտանգությունը և, ղազախական նախադեպից ելնելով, ՀՀ որևէ իշխանություն կարո՞ղ է նույնպիսի հիմնավորումներով ճնշել երկրում ներքաղաքական ընդվզումները՝ ներգրավելով ՀԱՊԿ ուժերին, այսօր հրավիրված ասուլիսին պատասխանեց ՀՀ վարչապետ Նիկոլ Փաշինյանը:  «Երկու տարբեր հարցեր են: Նախ՝ մենք 2020 թ. նոյեմբերի 9-ից հետո ՀՀ-ում ունեցել ենք իշխանության կամ կառավարության համար անցանկալի զարգացումներ: Մենք գործնականում ի ցույց ենք դրել այդ իրավիճակները հաղթահարելու մեր գործիքակազմը: Նոյեմբերի 9-ի իրադարձություններից հետո, երբ գրոհի էին ենթարկվել Կառավարությունը, Ազգային ժողովը, կառավարական առանձնատունը, մահափորձ էր տեղի ունեցել ԱԺ նախագահի նկատմամբ, ՀՀ-ում իշխանության, Կառավարության կողմից ոչ մի կրակոց չի հնչել, և ուժային ոչ մի գործողություն չի ձեռնարկվել: Մենք ցույց ենք տվել ներքաղաքական, ներքին խնդիրներ լուծելու մեր գործիքակազմը:  Ասում են՝ 2018 թվականին ինչո՞ւ ՀԱՊԿ-ը հեղափոխությունը չճնշեց. որովհետև 2018-ին բռնության ոչ մի դեպք չի եղել: Իսկ երբ մենք որոշում ենք կայացրել խաղաղապահ առաքելություն ուղարկել Ղազախստան, այնտեղ փողոցային մարտեր էին ընթանում, կային զոհեր: Առաջին օրից ՀԱՊԿ-ում իմ գործունեությունն ուղղված է եղել նրան, որ մենք պետք է ճգնաժամային արձագանքման մեխանիզմները կատարելագործենք, և տարօրինակ կլիներ, որ առաջին անգամ նման իրավիճակում Հայաստանն ասեր՝ ես դեմ եմ: Հայաստանին ձեռնտու է, որ ՀԱՊԿ-ը լինի արդյունավետ և իրականում գործող համակարգ, և սրանով բոլոր հարցերի պատասխանները տրված են»,- նշեց Փաշինյանը:
23:04 - 24 հունվարի, 2022
Մարտի 1-ի գործով ինձ մեղսագրված բոլոր մեղադրանքները անհիմն են․ Փաշինյանը՝ ՄԻԵԴ-ի որոշման մասին

 |armenpress.am|

Մարտի 1-ի գործով ինձ մեղսագրված բոլոր մեղադրանքները անհիմն են․ Փաշինյանը՝ ՄԻԵԴ-ի որոշման մասին |armenpress.am|

armenpress.am: Մարդու իրավունքների եվրոպական դատարանի որոշումից հետո ՀՀ վարչապետ Նիկոլ Փաշինյանը հետամուտ է լինելու Մարտի 1-ի գործով իրեն արդարացնելու գործընթաց սկսել։ «Իրականում Մարտի 1-ի գործով արձանագրումները Մարդու իրավունքների եվրոպական դատարանը արել է Մուշեղ Սաղաթելյանի, Գագիկ Ջհանգիրյանի, Արամ Բարեղամյանի գործերով։ Երբ Արամ Բարեղամյանի և մյուսների գործով ՄԻԵԴ-ի որոշումները եղավ, այդ ժամանակ գլխավոր դատախազությունը վճռաբեկ բողոք տարավ, ինչը հիմք հանդիսացավ Մարտի 1-ի գործով նշված անձանց արդարացնելու համար»,- ասաց ՀՀ վարչապետ Նիկոլ Փաշինյանը՝ ԶԼՄ-ների և հասարակական կազմակերպությունների ներկայացուցիչների համար կազմակերպված առցանց ասուլիսի շրջանակում՝ անդրադառնալով «Փաշինյանն ընդդեմ Հայաստանի» գործով ՄԻԵԴ-ի վճռին։ Փաշինյանը նշեց, որ այն ժամանակվա իշխանությունը և այսօրվա ընդդիմությունը իրեն մեղադրում է բռնություններ հրահրելու մեջ, նաև սպանությունների պատասխանատվությունն էին իրեն վերագրում։ «Շատ կարևոր եմ համարում արձանագրել, որ ՄԻԵԴ-ը այդ բոլոր կետերին հստակ անդրադարձել է, արձանագրելով, որ բոլոր ելույթները, որ ես ունեցել եմ այդ ժամանակահատվածում, դրանք տեղավորվում են քաղաքական պայքարի և քաղաքական կյանքի տրամաբանության մեջ, նախկին կառավարությունը որևէ ձևով չի հիմնավորել, որ իմ գործողությունների մեջ եղել են ապօրինի դրսևորումներ։ Մարտի 1-ի գործով, այո, որոշումներ էլի կլինեն, բայց իրավական հետևանքներ արդեն կան, որովհետև Գագիկ Ջհանգիրյանը, Մուշեղ Սաղաթելյանը արդեն իսկ արդարացվել են։ Ես նույնպես հետևողական եմ լինելու, որպեսզի իմ գործով դիմեն»,- ասաց Փաշինյանը։ Վարչապետն ընդգծեց, որ այն բոլոր քաղաքական շահարկումները, որ եղել են և վարչապետ դառնալուց առաջ և հետո, ՄԻԵԴ-ը անդրադարձել է, արձանագրելով, որ, այո, իր նկատմամբ հետապնդումները եղել են քաղաքական, որ ինքն եղել է քաղաքական բանտարկյալ։ «Այն մեղադրանքները, որոնք մեղսագրված են եղել ինձ, հիմնավորված և ապացուցված չեն եղել։ Իսկ սա նշանակում է, որ այդ մեղադրանքները անհիմն են»,- եզրափակեց Փաշինյանը։ Մարդու իրավունքների եվրոպական դատարանը (ՄԻԵԴ) հունվարի 18-ին հրապարակել էր «Փաշինյանն ընդդեմ Հայաստանի» գործով վճիռը՝ ճանաչելով Հայաստանի իշխանությունների կողմից 2008-ի հետընտրական շրջանում Նիկոլ Փաշինյանի ազատության և անձնական անձեռնմխելիության, ինչպես նաև խաղաղ հավաքների ազատության իրավունքի խախտումները:  
22:52 - 24 հունվարի, 2022
Հույս ունեմ, որ խաղաղապահների գործունեության արդյունքում հրադադարի ռեժիմի խախտման դեպքերը կզրոյացվեն․ Փաշինյան  |1lurer.am|

Հույս ունեմ, որ խաղաղապահների գործունեության արդյունքում հրադադարի ռեժիմի խախտման դեպքերը կզրոյացվեն․ Փաշինյան |1lurer.am|

1lurer.am: Ռուս խաղաղապահ զորախմբի գործունեությունը շատ բարձր եմ գնահատում։ Այս մասին այսօր կայացած առցանց ասուլիսի ընթացքում հայտնեց ՀՀ վարչապետ Նիկոլ Փաշինյանը։ «Հույս ունեմ, որ խաղաղապահների գործունեության արդյունքում հրադադարի ռեժիմի խախտման դեպքերն ընդհանրապես կզրոյացվեն»,- ասաց Փաշինյանը։ Ինչ վերաբերում է հայ-ռուսական հարաբերություններին, ապա, ըստ Փաշինյանի, դրանք դինամիկ ձևով  զարգանում են։ «Դրանք ինչպես եղել են, այնպես էլ շարունակում են մնալ ռազմավարական, դաշնակցային, որոնք շատ կարևոր տնտեսական կոմպոնենտով են ամրապնդված ԵԱՏՄ-ում մեր ընդհանուր համատեղ մասնակցությամբ։ Համոզված եմ, որ Հայաստանի և Ռուսաստանի միջև հարաբերությունների դինամիկան ոչ միայն կպահպանվի, այլև ավելի արդյունավետ կդառնա»,- ասաց Փաշինյանը։
22:47 - 24 հունվարի, 2022
Մենք գնացել ենք բուհեր, որպեսզի բուհերին պաշտպանենք կուսակցականացումից․ Նիկոլ Փաշինյան
 |tert.am|

Մենք գնացել ենք բուհեր, որպեսզի բուհերին պաշտպանենք կուսակցականացումից․ Նիկոլ Փաշինյան |tert.am|

tert.am: Այո, ԵՊՀ կառավարման խորհրդի նախագահը՝ ՔՊ վարչության նախագահ, պաշտպանության նախարար Սուրեն Պապիկյանն է, այդ որոշումը ես եմ կայացրել։ Այս մասին այսօր մամուլի ասուլիսին ասաց Նիկոլ Փաշինյանը։ «Ո՛չ Սուրեն Պապիկյանը, ո՛չ էլ Տիգրան Ավինյանը չեն գնացել այնտեղ ՔՊ–ացնելու բուհերը, ընդհակառակը մենք գնացել ենք, որպեսզի բուհերին պաշտպանենք կուսակցականացումից։ Որովհետև մենք տեսանք, որ մեր թավշյա տրամադրվածությունը շատերը փորձում են օգտագործել որպես միամտություն ու սողոսկել բուհեր, ասենք պետությանը զուգահեռ պետություն կառուցել։ Մենք թույլ չենք տալու դա, մենք այդ խոստումը պահելու համար ենք այդ որոշումները կայացրել, որպեսզի բուհերը զերծ պահենք կուսակցականացումից»,–ասաց նա։ Նիկոլ Փաշինյանը շեշտեց, որ բուհեր գնացած իրենց գործընկերները հենց այդ հանձնարարությամբ են գնացել, որ բուհերից արմատախիլ անել բոլոր կուսակցական խմբային, կոռուպցիոն երևույթները։ 
22:36 - 24 հունվարի, 2022