Ջո Բայդեն

ԱՄՆ 46-րդ նախագահը՝ Դեմոկրատական կուսակցությունից։

Ծնվել է 1942 թվականի նոյեմբերի 20-ին, ԱՄՆ-ի Փենսիլվանիա նահանգում։ Ամերիկացի քաղաքական գործիչ է, 2009 թվականի հունվարի 20-ին դարձել է Միացյալ նահանգների փոխնախագահը։ Մինչ փոխնախագահ դառնալը՝ նա սենատոր է եղել Դելավեր նահանգից՝ 1973-2009 թվականներին։ Նա ԱՄՆ դեմոկրատական կուսակցությունից առաջադրվել է 2020 թվականի նախագահական ընտրություններում՝ ընդդեմ գործող նախագահ Դոնալդ Թրամփի եւ նոյեմբերի 7-ին` վերջնական արդյունքներով ընտրվել է ԱՄՆ-ի նախագահ։

Սովորել է Դելավերի համալսարանում՝ ստանալով իրավաբանի մասնագիտություն։ 1970 թվականին ընտրվել է Նյու Քասլի շրջանի խորհրդում եւ դարձել վեցերորդ ամենաերիտասարդ սենատորը ԱՄՆ-ի պատմության մեջ, երբ 1972 թվականի ԱՄՆ-ի սենատորների ընտրություններում հաղթեց Դելավերում։ Բայդենը երկար ժամանակ Սենատի արտաքին հարաբերությունների հանձնաժողովի անդամ է եղել, նաեւ հանձնաժողովի նախագահ։ Նա դեմ էր 1991 թվականի Իրաք-քուվեյթյան պատերազմին, սակայն կողմ էր ՆԱՏՕ-ի ընդարձակմանը՝ դեպի Արեւելյան Եվրոպա եւ նրա ներքաշմանը 1990-ականների Հարավսլավիայի պատերազմներին։ Նա կողմ էր 2002 թվականի Իրաքի պատերազմի բանաձեւին, բայց դեմ էր 2007 թվականին Իրաքի պատերազմում ԱՄՆ զորքերի ավելացմանը։ Բայդենը ղեկավարել է Սենատի դատական ​​հանձնաժողովը՝ 1987 թվականից մինչեւ 1995 թվականը, զբաղվել թմրանյութերի քաղաքականությամբ, հանցագործությունների կանխարգելմամբ եւ քաղաքացիական ազատությունների խնդիրներով։ 

Բայդենը վերընտրվել է Սենատում վեց անգամ եւ հրաժարվել Սենատորի պաշտոնից 2008 թվականի նախագահական ընտրություններին մասնակցելու համար՝ որպես Բարաք Օբամայի փոխնախագահ։ Օբաման եւ Բայդենը վերընտրվել են 2012 թվականին։ 

Պուտինը ստացավ այն, ինչից խուսափում էր. Բայդենը ստորագրել է Ֆինլանդիայի և Շվեդիայի անդամակցությունը ՆԱՏՕ-ին հաստատող փաստաթղթերը
 |tert.am|

Պուտինը ստացավ այն, ինչից խուսափում էր. Բայդենը ստորագրել է Ֆինլանդիայի և Շվեդիայի անդամակցությունը ՆԱՏՕ-ին հաստատող փաստաթղթերը |tert.am|

tert.am: Օգոստոսի 9-ին ԱՄՆ նախագահ Ջո Բայդենը ստորագրել է փաստաթղթեր, որոնք Վաշինգտոնի կողմից վավերացնում են Ֆինլանդիայի և Շվեդիայի անդամակցությունը ՆԱՏՕ-ին։ Այս մասին հայտնում է Ազատության ռուսական ծառայությունը։Իր ելույթում ԱՄՆ նախագահը նշել է, որ հյուսիսային Եվրոպայի երկու երկրները կդառնան «ուժեղ, հուսալի և շատ ընդունակ նոր դաշնակիցներ», որոնք Հյուսիսատլանտյան դաշինքի շրջանակում իրենց վրա կվերցնեն փոխադարձ պաշտպանության «սրբազան պարտավորությունը»։Ըստ Բայդենի՝ Ռուսաստանը նախագահ Վլադիմիր Պուտինի գլխավորությամբ «կործանեց խաղաղությունն ու անվտանգությունը Եվրոպայում»՝ ներխուժելով Ուկրաինա։«Պուտինը կարծում էր, որ կարող է մեզ պառակտել... Փոխարենը, նա ստացավ այն, ինչից խուսափում էր», - ասել է ԱՄՆ նախագահը։Օգոստոսի 4-ին ԱՄՆ Սենատը քվեարկել է Ֆինլանդիայի և Շվեդիայի՝ ՆԱՏՕ-ին միանալու օգտին՝ դառնալով 23-րդը 30 երկրներից, որոնք պաշտոնապես հաստատել են որոշումը:Ֆինլանդիայի և Շվեդիայի անդամակցության ամբողջական վավերացման համար անհրաժեշտ է, որ Հյուսիսատլանտյան դաշինքի բոլոր անդամ երկրները հաստատեն համապատասխան փաստաթղթերը ազգային մակարդակով։
10:11 - 10 օգոստոսի, 2022
Աֆղանստանում սպանվել է «Ալ-Քաիդայի» առաջնորդ Զավահիրին․ Բայդեն

 |azatutyun.am|

Աֆղանստանում սպանվել է «Ալ-Քաիդայի» առաջնորդ Զավահիրին․ Բայդեն |azatutyun.am|

azatutyun.am: ԱՄՆ նախագահ Ջո Բայդենն այսօր հայտարարել է, որ «Ալ-Քաիդայի» առաջնորդ Այման ալ-Զավահիրին սպանվել է Աֆղանստանում ԱՄՆ-ի կողմից իրականացված գործողության արդյունքում, որը ամենամեծ հարվածն է 2011 թվականին խմբավորման հիմնադիր Ուսամա Բին Լադենի սպանությունից ի վեր: «Այս գործողությունը հստակ ցույց է տալիս, որ մենք կարող ենք և միշտ իրականացնելու ենք մեր խոստումները։ Իմ վարչակազմը կշարունակի հետևել և վերացնել «Ալ-Քաիդայի» սպառնալիքները, որտեղից էլ որ դրանք ծագեն»,- ասել է Ջո Բայդենը: Եգիպտացի վիրաբույժ Զավահիրին, որի գլխի համար 25 միլիոն դոլար էր խոստացվել, օգնել է համակարգել 2001 թվականի սեպտեմբերի 11-ի հարձակումները, որոնց հետևանքով զոհվեց մոտ 3 հազար մարդ: Սպիտակ տան պաշտոնյաները, ովքեր ցանկացել են անանուն մնալ, ասել են, որ Զավահիրին սպանվել է Քաբուլում կիրակի առավոտյան տեղական ժամանակով 06:18-ին՝ անօդաչու թռչող սարքի հարվածի հետևանքով:  
11:39 - 02 օգոստոսի, 2022
Ջո Բայդենը մտադիր է առաջադրվել նախագահի 2024 թ. ընտրություններում. Սպիտակ տան խոսնակ
 |armenpress.am|

Ջո Բայդենը մտադիր է առաջադրվել նախագահի 2024 թ. ընտրություններում. Սպիտակ տան խոսնակ |armenpress.am|

armenpress.am: ԱՄՆ գործող նախագահ Ջո Բայդենը մտադիր է առաջադրվել նաև երկրի նախագահի 2024 թ.-ին կայանալիք ընտրություններում: Այս մասին մամուլի ասուլիսի ընթացքում հայտնել է Սպիտակ տան մամուլի քարտուղար Կարին Ժան-Պիերը: Խոսնակը չի մեկնաբանել «Նյու Յորք Թայմս»-ի, ինչպես նաև՝ ամերիկյան այլ լրատվամիջոցների հարցումների՝ լրագրողի կողմից մեջբերված արդյունքները, որոնց համաձայն՝ նախագահ Ջո Բայդենի վարկանիշն ընկել է, և դեմոկրատներից շատերը չեն ցանկանում, որ նա առաջադրվի հաջորդ ընտրություններում: 79-ամյա դեմոկրատ Ջոզեֆ Բայդենը ԱՄՆ 46-րդ նախագահ է ընտրվել 2020 թվականին՝ նոյեմբերի 3-ին ընտրությունների եզրափակիչ փուլում հաղթելով այդ պահին գործող նախագահ Դոնալդ Թրամփին: Նոր նախագահի երդմնակալության արարողությունը տեղի էր ունեցել 2021 թ. հունվարի 20-ին: 2009-2017 թթ. Ջո Բայդենը ծառայել էր որպես ԱՄՆ փոխնախագահ՝ Բարաք Օբամայի վարչակազմում:
15:50 - 30 հուլիսի, 2022
Լապիդը և Բայդենն ավարտել են երկկողմ հանդիպումը Երուսաղեմում՝ քննարկելով Իրանի եւ անվտանգության հարցեր

 |armenpress.am|

Լապիդը և Բայդենն ավարտել են երկկողմ հանդիպումը Երուսաղեմում՝ քննարկելով Իրանի եւ անվտանգության հարցեր |armenpress.am|

armenpress.am: Երուսաղեմում ավարտվել Է Իսրայելի վարչապետ Յաիր Լապիդի եւ ԱՄՆ-ի նախագահ Ջո Բայդենի երկկողմ հանդիպումը: Զրույցի ընթացքում նրանք քննարկել են Մերձավոր Արեւելքի անվտանգությունը եւ Իրանին հակազդումը: «Մենք խոսեցինք (…) Սաուդյան Արաբիայի մասին, ավելի անվտանգ կոալիցիա կառուցելու փորձի մասին այստեղ՝ Մերձավոր Արեւելքում, որը վաղուց անհրաժեշտ Է»,- ամփոփելով զրույցի արդյունքները՝ ասել Է Լապիդը, որի խոսքը մեջբերում Է The Times of Israel թերթը: Զրույցի կարեւոր թեմա դարձավ հակազդումն իրանական միջուկային ծրագրին, շարունակել Է նա: Ինչպես ընդգծել Է Իսրայելի վարչապետը, կողմերը քննակել են «իրանական սպառնալիքը» եւ իրենց կարծիքով ճիշտ քայլերը, որոնք նպատակամղված են այն բանին, որպեսզի Թեհրանին թույլ չտրվի լրացնել միջուկային զենքը: «Այդ բանում մեր տեսակետները համընկնում են»,- նշել Է Լապիդը: Իր հերթին Բայդենը Լապիդին հավաստիացրել Է, որ ԱՄՆ-ը կաջակցի Իսրայելի անվտանգությանը: «Ես ասացի այն մյասին, թե որքան կարեւոր Է Իսրայելի համար, իմ տեսակետով, ինտեգրացված լինել տարածաշրջանում եւ ավարտել այդ ինտագրացումը: (…) Մեր վարչակազմը եւ, ես կարծում եմ, ամերիկյան հասարակայնության ճնշող մեծամասնությունը, ոչ միայն իմ վարչակազում, լիովին հանձնառու ենք ձեր անվտանգությանը, (…) առանց որեւիցե կասկածի այդ հարցի շուրջ»,- ասել Է Միացյալ Նահանգների նախագահը: Բայդենը եւ Լապիդը չեն պատասխանել լրագրողների հարցերին, նշում Է The Times of Israel-ը: Երկկողմ հանդիպման ավարտից հետո քաղաքական գործիչներն անցել են ընդլայնված կազմով խորհրդակցության՝ երկու կողմերի պատվիրակությունների մասնակցությամբ: Ավելի ուշ սպասվում Է I2U2 խմբի առցանց գագաթնաժողովը, որի մեջ մտնում են Իսրայելը, Հնդկաստանը, Արաբական Միացյալ Էմիրությունները եւ ԱՄՆ-ը: Դրանից հետո պլանավորված Է Լապիդի եւ Բայդենի համատեղ մամուլի ասուլիսը: Սպիտակ տան ղեկավարը հուլիսի 13-ին ժամանել Է Իսրայել՝ սկսելով պաշտոնն ստանձնելուց հետո առաջին մերձավորարեւելյան շրջագայությունը: Հուլիսի 13-ից մինչեւ 16-ը նա կայցելի Իսրայել, Հորդանան գետի արեւմտյան ափ եւ Սաուդյան Արաբիա, հաղորդել Է ՏԱՍՍ-ը:
16:26 - 14 հուլիսի, 2022
Բայդենը Սենատի հաստատմանն է ներկայացրել Հայաստանում ԱՄՆ նոր դեսպանի թեկնածությունը

 |armenpress.am|

Բայդենը Սենատի հաստատմանն է ներկայացրել Հայաստանում ԱՄՆ նոր դեսպանի թեկնածությունը |armenpress.am|

armenpress.am: Միացյալ Նահանգների նախագահ Ջո Բայդենը Հայաստանում նոր դեսպանի պաշտոնում Սենատին է ներկայացրել Ուկրաինայում ԱՄՆ գործերի նախկին հավատարմատար Քրիստինա Քվիենի թեկնածությունը: Այս մասին հայտնում է Սպիտակ տան մամուլի ծառայությունը: Սենատի համապատասխան հանձնաժողովը պետք է լսումների օր նշանակի, որի ժամանակ Քվիենը կպատասխանի օրենսդիրների հարցերին: Դրանից որոշ ժամանակ անց վերին պալատում քվեարկություն տեղի կունենա՝ հաստատելու նրա թեկնածությունը Հայաստանում ԱՄՆ դեսպանի պաշտոնում: Քրիստինա Քվիենը 2019 թվականից Ուկրաինայում ԱՄՆ դեսպանի պաշտոնակատարն էր: 2016 թվականից մինչև 2019 թվականի ապրիլը նա զբաղեցրել է Փարիզում ԱՄՆ-ի փոխդեսպանի պաշտոնակատարի, դեսպանատան տնտեսական հարցերով խորհրդականի պաշտոնները: Դիվանագիտական ծառայության ընթացքում տարբեր պաշտոններ է զբաղեցրել Թայլանդում, Մեծ Բրիտանիայում, Եվրամիությունում, Ռուսաստանում, Ֆիլիպիններում ԱՄՆ դիվանագիտական առաքելություններում: Քվիենը եղել է նաև ԱՄՆ Ազգային անվտանգության խորհրդի ԵՄ, Ուկրաինայի և Բելառուսի հարցերով տնօրեն: Կալիֆորնիայում ծնված դիվանագետն ունի քաղաքագիտության բակալավրի աստիճան և ռազմավարական հետազոտությունների մագիստրոսի աստիճան: Հայաստանում ԱՄՆ դեսպանի պաշտոնը 2019 թ. փետրվարի 19-ից զբաղեցնում է Լին Թրեյսին:
09:54 - 12 հուլիսի, 2022
ԱՄՆ-ը կարող է կարևոր դեր խաղալ հայ-ադրբեջանական հարաբերությունները նորմալացնելու համար․ Ալիև
 |azatutyun.am|

ԱՄՆ-ը կարող է կարևոր դեր խաղալ հայ-ադրբեջանական հարաբերությունները նորմալացնելու համար․ Ալիև |azatutyun.am|

azatutyun.am: Ադրբեջանի նախագահ Իլհամ Ալիևը ԱՄՆ-ի անկախության օրվա առիթով Ջո Բայդենին հղած շնորհավորական ուղերձում գրել է․ «Գտնում եք, որ ԱՄՆ-ը կարող է կարևոր դեր խաղալ հայ-ադրբեջանական հարաբերությունները նորմալացնելու, հաղորդակցության ուղիները բացելու, մարդկանց միջև շփումներ հաստատելու համար՝ մի շրջափուլում, երբ Հարավային Կովկասում ձևավորվում են կայուն խաղաղություն հաստատելու և տնտեսական զարգացման բարենպաստ պայմաններ»։ «Մենք նաև գտնում ենք, որ ԱՄՆ- կարող է արժեքավոր ներդրում ունենալ Հայաստանի և Ադրբեջանի միջև խաղաղ համաձայնության մշակման գործընթացում՝ հիմնված մեր կողմից ներկայացված հինգ սկզբունքների վրա»,- ըստ «ԱՊԱ» գործակալության՝ գրել է Ալիևը, հավելելով, թե գնահատում են ԱՄՆ-ի օգնությունը Ադրբեջանի տարածքի ականազերծմանը օգնելու համար և մեծ հույսեր են կապում Վաշինգոտնի հետ անհետ կորած 4000 ադրբեջանցիների ճակատագիրը պարզելու հարցում, որոնք անհետացել են հայ-ադրբեջանական հակամարտության ընթացքում։
18:02 - 04 հուլիսի, 2022
Նիկոլ Փաշինյանը ԱՄՆ Անկախության օրվա առթիվ շնորհավորական ուղերձ է հղել Ջո Բայդենին

Նիկոլ Փաշինյանը ԱՄՆ Անկախության օրվա առթիվ շնորհավորական ուղերձ է հղել Ջո Բայդենին

Վարչապետ Նիկոլ Փաշինյանը շնորհավորական ուղերձ է հղել Ամերիկայի Միացյալ Նահանգների նախագահ Ջո Բայդենին՝ ԱՄՆ Անկախության օրվա առթիվ: Ուղերձում ասված է. «Մեծարգո Նախագահ, Ջերմորեն շնորհավորում եմ Ձեզ և Միացյալ Նահանգների բարեկամ ժողովրդին Ամերիկայի Միացյալ Նահանգների Անկախության օրվա կապակցությամբ: Ամեն տարի հուլիսի 4-ին միլիոնավոր ամերիկացիներ, այդ թվում՝ ամերիկահայ մեր հայրենակիցները, տոնում են Միացյալ Նահանգների ամենակարևոր օրը` Անկախության օրը: Անկախության հռչակումից հետո ԱՄՆ-ի ժողովուրդը և բոլոր կառավարությունները հետևողականորեն գնացել են ազատության, մարդու իրավունքների, օրենքի գերակայության, ժողովրդավարության հաստատման ու ամրապնդման ճանապարհով: Միացյալ Նահանգների դերակատարությունն ու առաջնորդությունը ժողովրդավարության հարցում էական դեր է խաղում ոչ միայն աշխարհի տարբեր անկյուններում մարդու իրավունքների և օրենքի գերակայության հաստատման, այլև տարածաշրջանների ժողովուրդների համար կանխատեսելի ու խաղաղ զարգացման միջավայր ձևավորելու տեսանկյունից: Մեր երկու պետությունների և ժողովուրդների միջև բարեկամությունն ու գործընկերությունը խարսխված են ընդհանուր արժեքների, փոխվստահության և բարեկամության վրա: Ուրախ եմ արձանագրել, որ ժողովրդավարության ամրապնդման հարցում մեր կառավարությունների միջև համագործակցությունը և երկուստեք հանձնառությունը տալիս են շոշափելի արդյունքներ: Կրկին շնորհավորելով Անկախության օրվա կապակցությամբ՝ մաղթում եմ Ձեզ և Միացյալ Նահանգների ժողովրդին բարօրություն և խաղաղություն: Ընդունեք խնդրեմ, մեծարգո Նախագահ, խորին հարգանքիս հավաստիքը»։
10:18 - 04 հուլիսի, 2022
Վահագն Խաչատուրյանը շնորհավորական ուղերձ է հղել ԱՄՆ նախագահ Ջո Բայդենին Անկախության օրվա առթիվ

Վահագն Խաչատուրյանը շնորհավորական ուղերձ է հղել ԱՄՆ նախագահ Ջո Բայդենին Անկախության օրվա առթիվ

Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Ամերիկայի Միացյալ Նահանգների նախագահ Ջո Բայդենին՝ Միացյալ Նահանգների ազգային տոնի՝ Անկախության օրվա առթիվ: Այս մասին հայտնում են ՀՀ նախագահի աշխատակազմից:   Նախագահ Վահագն Խաչատուրյանի ուղերձում մասնավորապես ասվում է. «Տարիներ առաջ Ֆիլադելֆիայում ստորագրված Անկախության հռչակագիրը դարձել է ժողովրդավարության, մարդու և ժողովուրդների իրավունքների ու արժանապատվության ամրագրման կարևորագույն հանգրվանը՝ բեկումնային ազդեցություն ունենալով համաշխարհային պատմության հետագա ընթացքի վրա: Ամերիկայի Միացյալ Նահանգները Հայաստանի Հանրապետության կարևորագույն գործընկերներից է: Հայաստանը մեծապես կարևորում է մեր երկրների միջև առկա բարեկամությունը, ինչպես նաև բազմոլորտ սերտ համագործակցությունը: Վստահ եմ, որ հա­մա­տեղ ջան­քե­րով կամրապնդենք առկա փոխգործակցությունը՝ հարստացնելով երկկողմ օրակարգը և ընդլայնելով գործընկերային հարաբերությունները ռազմավարական երկխոսության շրջանակներում: Բարձր ենք գնահատում Միացյալ Նահանգների շարունակական աջակցու­թյունն ու ջանքերը՝ ուղղված ինչպես մեր տարածաշրջանում խաղաղության և կայունության պահպան­մանը, այնպես էլ ժողովրդավարական ու տնտեսական բարեփոխումներին»: 
10:11 - 04 հուլիսի, 2022
Բայդեն-Էրդողան հանդիպումից հետ ԱՄՆ վարչակազմն ազդարարել է Թուրքիային F-16 կործանիչների վաճառքին աջակցելու մասին

 |factor.am|

Բայդեն-Էրդողան հանդիպումից հետ ԱՄՆ վարչակազմն ազդարարել է Թուրքիային F-16 կործանիչների վաճառքին աջակցելու մասին |factor.am|

factor.am: ԱՄՆ վարչակազմը «կանաչ լույս» է վառել Թուրքիային F-16 կործանիչների հնարավոր վաճառքի համար՝ Մադրիդում ՆԱՏՕ-ի գագաթնաժողովի շրջանակում նախագահ Ջո Բայդենի և Թուրքիայի նախագահ Թայիփ Էրդողանի հանդիպումից հետո։ Երկու երկրների նախագահների հանդիպումը շուրջ 1 ժամ է տևել, հայտնում է Reuters-ը։ Հանդիպումից հետո Պենտագոնում պաշտպանության նախարարի միջազգային անվտանգության հարցերով օգնական Սելեստե Վոլանդերն ասել է, որ Թուրքիայի հզոր պաշտպանական կարողությունները կամրապնդեն ՆԱՏՕ-ի պաշտպանությունը: «ԱՄՆ-ն աջակցում է Թուրքիայի կործանիչների արդիականացմանը, քանի որ այն ներդրում է ՆԱՏՕ-ի անվտանգության, հետևաբար՝ ԱՄՆ-ի անվտանգության գործում։ Այդ ծրագրերն աշխատանքային փուլում են և պետք է մշակվեն մեր պայմանագրային գործընթացներով»,- ասել է Վոլանդերը։
14:55 - 30 հունիսի, 2022