Ադրբեջան

Ադրբեջանի Հանրապետությունը պետություն է Հարավային Կովկասում։ Սահմանակցում է Ռուսաստանի Դաշնությանը, Վրաստանի Հանրապետությանը, Իրանի Իսլամական Հանրապետությանը, Թուրքիայի Հանրապետությանը, Հայաստանի Հանրապետությանը, Արցախի Հանրապետությանը։ Տարածքը ըստ ՄԱԿ-ի 86,600 կմ․քառ, բնակչությունը, ըստ 2019 թվականի նախահաշվի 10,000,000 մարդ է։

Ներկայիս Ադրբեջանը բազմազգ և բազմակրոն պետություն է։ Բնակչության մեծամասնությունն ադրբեջանցիներն են (91 %), որոնք դավանում է շիա իսլամ։ Խոշոր ազգային փոքրամասնություններն են լեզգիները, ռուսները, թալիշները, ավարները, թաթարները և վրացիները։ Չնայած նրան, որ Ադրբեջանը համարվում է իսլամադավան պետություն, այնուամենայնիվ, երկրի բնակչության 53%-ն իրեն համարում է աշխարհիկ։ 

Ալիևն ընդունել է Ֆրանսիայի և ԵՄ ներկայացուցիչներին, խոսել խաղաղության օրակարգից |azatutyun.am|

Ալիևն ընդունել է Ֆրանսիայի և ԵՄ ներկայացուցիչներին, խոսել խաղաղության օրակարգից |azatutyun.am|

azatutyun.am: Ադրբեջանի նախագահ Իլհամ Ալիևը նախօրեին ընդունել է տարածաշրջանային այցի շրջանակում Բաքվում գտնվող՝ Ֆրանսիայի նախագահի աշխատակազմի Եվրոպական աշխարհամասի և Թուրքիայի հարցերով խորհրդական Իզաբել Դյումոնին և Հարավային Կովկասում Եվրամիության հատուկ ներկայացուցիչ Տոյվո Կլաարին։ Ադրբեջանի նախագահի մամլո ծառայության հաղորդագրության համաձայն՝ Ալիևը շնորհավորանքներ է փոխանցել Ֆրանսիայի կողմից ԵՄ-ի նախագահությունը ստանձնելու կապակցությամբ և հույս հայտնել, որ դաշինքում Ֆրանսիայի նախագահությունը կլինի հաջող և արդյունավետ։ Նույն աղբյուրի փոխանցմամբ՝ Ադրբեջանի նախագահը «գոհունակությամբ է հիշել անցյալ տարվա դեկտեմբերին Բրյուսելում Եվրամիության խորհրդի նախագահ Շառլ Միշելի և Ֆրանսիայի նախագահ Էմանյուել Մակրոնի հետ ունեցած հանդիպումները»։ Հաղորդագրության համաձայն, Իլհամ Ալիևը նաև բարձր է գնահատել Ֆրանսիայի և Եվրամիության ներկայացուցիչների մասնակցությամբ այդ ձևաչափով հանդիպումը՝ ընդգծելով, որ այն դրական հնարավորություններ է ստեղծում Բրյուսելում քննարկված խաղաղության օրակարգի զարգացման համար։ Ֆրանսիացի պաշտոնյայի այցը Ադրբեջան տեղի է ունենում Բաքվի և Փարիզի հարաբերություններում հերթական լարվածության ֆոնին։ Ֆրանսիայի արտգործնախարարը շաբաթասկզբին անընդունելի է որակել Ֆրանսիայի նախագահի թեկնածու Վալերի Պեկրեսի հասցեին Իլհամ Ալիևի կոշտ հայտարարությունները , որոնք հարուցել են ֆրանսիական քաղաքական շրջանակների զայրույթը։ Ժան-Իվ Լը Դրիանը Ադրբեջանի նախագահին հիշեցրել է, որ Պեկրեսը Ֆրանսիայի ժողովրդի կողմից ընտրված քաղաքական գործիչ է։ Ադրբեջանի նախագահը դատապարտել էր Ֆրանսիայի նախագահի թեկնածուի այցը Լեռնային Ղարաբաղ, Ադրբեջանի ԱԳՆ-ն էլ նրան անցանկալի անձ է հռչակել՝ Պեկրեսի անունը ներառելով ադրբեջանական «սև ցուցակում»։
Այսօր 09:31
Արդյոք Ադրբեջանն իրավունք ունի՞ վերահսկելու տեղաշարժը Լաչինի միջանցքում. Ռուսաստանի ԱԳՆ-ի արձագանքը |aravot.am|

Արդյոք Ադրբեջանն իրավունք ունի՞ վերահսկելու տեղաշարժը Լաչինի միջանցքում. Ռուսաստանի ԱԳՆ-ի արձագանքը |aravot.am|

aravot.am: Ռուսաստանի ԱԳՆ-ն պատասխանել է հարցին՝ կապված Ադրբեջանի նախագահ Իլհամ Ալիեւի այն հայտարարության հետ, թե իրենք ցանկացած պահի կարող են արգելել Լաչինի միջանցքով տեղաշարժը: «Առավոտի» հարցը 2022թ. հունվարի 11-ին Ադրբեջանի նախագահ Իլհամ Ալիեւն ադրբեջանական հեռուստաալիքներին տված հարցազրույցում, գնահատելով Լեռնային Ղարաբաղում ռուս խաղաղապահների աշխատանքը, հայտարարել է, որ ռուս խաղաղապահների գործունեության մեջ բազմաթիվ նյարդայացնող պահեր կան՝  չնայած նրանց դրական գործառույթներին: Պարոն Ալիեւի խոսքով՝ Բաքուն բազմիցս դժգոհություն է հայտնել ռուսական կողմին՝ կապված խաղաղապահ զորամիավորման ժամանակավոր պատասխանատվության գոտում գտնվող ադրբեջանական տարածքներ անօրինական այցերի հետ: Հիշեցնելով Վալերի Պեկրեսի (Ֆրանսիայի նախագահի թեկնածու) այցը Արցախ՝  նա հայտարարել է, որ «Լաչինի միջանացքը գտնվում է մեր վերահսկողության տակ: Դուք եղել եք Շուշիում, և դա տեսել եք: Մենք կարող ենք այնտեղ կանգնեցնել ցանկացած մեքենա, և ոչ մեկ ոչինչ չի կարող ասել: Ուստի նմանատիպ դեպքերը միանգամայն անթույլատրելի են և պետք է դադարեցվեն»: Խնդրում ենք մեկնաբանել՝ արդյո՞ք նախագահ Ալիևի տվյալ պնդումը հիմնավորված է, հաշվի առնելով, որ համաձայն «2020թ. նոյեմբերի 9-ի՝ Լեռնային Ղարաբաղում կրակի դադարեցման մասին հայտարարության»՝ Լաչինի միջանցքը վերահսկվում է ռուս խաղաղապահ զորամիավորման կողմից 5 տարի ժամկետով: Իսկապե՞ս ադրբեջանական կողմն իրավունք ունի թույլատրել կամ արգելել տեղաշարժը ռուս խաղաղապահների վերահսկողության տակ գտնվող տարածքում տեղաշարժը: Ռուսաստանի ԱԳՆ պատասխանը Հիշեցնենք, որ Ռուս խաղաղապահ զորամիավորումը տեղակայված է շփման գծի երկայնքով և Լաչինի միջանցքում՝ համաձայն Ադրբեջանի, Հայաստանի և Ռուսաստանի առաջնորդների կողմից 2020թ. նոյեմբերի 9-ին ստորագրված Լեռնային Ղարաբաղի հակամարտության գոտում կրակի և բոլոր տեսակի ռազմական գործողությունների դադարեցման մասին հայտարարության: Համաձայն տվյալ Համաձայնագրի 6-րդ կետի՝ Լաչինի միջանցքը գտնվում է ռուս խաղաղապահների վերահսկողության տակ: Ադրբեջանը երաշխավորում է Լաչինի միջանցքով երկու ուղղություններով քաղաքացիների, տրանսպորտային միջոցների և բեռների տեղաշարժի անվտանգությունը: Ռուս խաղաղապահ զորամիավորման հրամանատարությունը սահմանել է այդ թվում օտարերկրյա քաղաքացիներ և միջազգային կազմակերպությունների՝  խաղաղապահ գործողության իրականացման գոտի այցելությունների կարգը, որը լավ հայտնի է ադրբեջանական և հայկական կողմերին: Մասնավորապես, նախատեսված է խելամիտ ժամկետներում և պատշաճ կերպով ծանուցել ռուս խաղաղապահներին այդպիսի այցելությունների մասին:
14:11 - 20 հունվարի, 2022
Ալեն Սիմոնյանը հանդիպել է ԱՄՆ Ներկայացուցիչների պալատի պաշտոնյաների հետ

Ալեն Սիմոնյանը հանդիպել է ԱՄՆ Ներկայացուցիչների պալատի պաշտոնյաների հետ

ՀՀ ԱԺ նախագահ Ալեն Սիմոնյանի գլխավորած պատվիրակությունը հունվարի 19-ին հանդիպել է ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Գրեգորի Միքսի, Բրեդ Շերմանի եւ հանրապետական Քրիս Սմիթի հետ: Այս մասին հաղորդում է ԱԺ աշխատակազմը: Ողջունելով պատվիրակության անդամներին՝ արտաքին հարաբերությունների հանձնաժողովի նախագահ Գրեգորի Միքսը նշել է, որ իրենք 2018 թվականից ի վեր առանձնակի ուշադրությամբ հետեւում են Հայաստանում ընթացող ժողովրդավարական գործընթացներին: Նա նաեւ պատրաստակամություն է հայտնել մշտապես աջակցելու այդ բարեփոխումներին: Հանդիպմանը քննարկվել են 44-օրյա պատերազմին եւ դրա հետեւանքներին առնչվող հարցեր: Ամերիկացի գործընկերների խնդրանքով Ալեն Սիմոնյանն անդրադարձել է Հայաստանի սահմանային անվտանգության, հետպատերազմյան հումանիտար խնդիրների լուծման եւ Ադրբեջանում պահվող պատանդների հայրենադարձման հարցերին: Ամերիկյան կողմը տեղեկացրել է, որ ԱՄՆ Ներկայացուցիների պալատը եւ մասնավորապես իրենց հանձնաժողովը խիստ մտահոգված է ռազմագերիների ճակատագրով եւ կարծում է, որ նրանք պետք է անհապաղ հայրենիք վերադարձվեն: Հանձնաժողովի նախագահը հանդիպմանը շեշտել է, որ չափազանց կարեւոր է ապահովել Հարավային Կովկասի կայունությունը եւ այդ համատեքստում անհրաժեշտ է հասնել Լեռնային Ղարաբաղի հակամարտության լուծմանը եւ խնդրի տեւական կարգավորմանը: Միացյալ Նահանգները մեծապես կնպաստի դրան՝ այդ թվում ԵԱՀԿ Մինսկի խմբի ձեւաչափով: Հանդիպմանն Ալեն Սիմոնյանն ընդգծել է ԱՄՆ Կոնգրեսի Ներկայացուցիչների պալատի կողմից Ցեղասպանության ճանաչման կարեւորությունը՝ շեշտելով այդ հարցում արտաքին հարաբերությունների հանձնաժողովի դերակատարությունը: Շնորհակալություն հայտնելով ՀՀ ԱԺ նախագահին բարձր գնահատանքի համար՝ ներկաները եւս մեկ անգամ շեշտել են, որ այն իսկապես շարունակական աշխատանքի արդյունք է եղել: Հանդիպման ավարտին Ալեն Սիմոնյանը տեղեկացրել է, որ Հայաստանի եւ ԱՄՆ-ի միջեւ դիվանագիտական հարաբերությունների հաստատման 30-ամյակի շրջանակներում նախատեսված են մի շարք միջոցառումներ եւ փոխադարձ այցելություններ: ԱԺ նախագահը հրավիրել է ԱՄՆ Ներկայացուցիչների պալատի արտաքին հարաբերությունների հանձնաժողովի նախագահին ու անդամներին այցելել Հայաստան՝ տեղում ծանոթանալու առկա խնդիրներին եւ ժողովրդավարական ձեռքբերումներին:
14:05 - 20 հունվարի, 2022
Ենթադրաբար կա ճնշում ադրբեջանական կողմից՝ կանխել համանախագահների այցը տարածաշրջան․Արարատ Միրզոյան

Ենթադրաբար կա ճնշում ադրբեջանական կողմից՝ կանխել համանախագահների այցը տարածաշրջան․Արարատ Միրզոյան

Արտաքին գործերի նախարար Արարատ Միրզոյանը այսօր՝ ԱԺ-կառավարութուն հարցուպատասխանի ընթացքում անդրադարձավ ԵԱՀԿ Մինսկի խմբի համանախագահների տարածաշրջանային այցին։ «Մենք ամենասերտ կապի մեջ ենք, հաճախակի կապի մեջ ենք ԵԱՀԿ Մինսկի խմբի համանախագահության հետ և համանախագահողների հետ իսկապես և վաղուց նախատեսվում է համանախագահների այցը տարածաշրջան, ենթադրաբար կա ուժեղ ճնշում ադրբեջանական կողմից՝ կանխել այդ այցի տեղի ունենալը, և մեր համոզմունքն այն է, որ համանախագահները և համանախագահող երկրները չպիտի տրվեն  ադրբեջանական կողմի ճնշումների, այդ այցը այնուամենայնիվ պիտի կայանա, այդ այցը նախատեսված էր սեպտեմբերին, հետո տեղափոխվեց նոյեմբեր, այնուհետև խոսքը գնում էր հունվարի կեսերի մասին և ակնհայտ է՝ այժմ համանախագահները փորձում են շատ ավելի կոնկրետ ժամկետներ և ամսաթվեր ճշտել և ի վերջո անցկացնել այդ այցը»։  Խոսելով ԵԱՀԿ Մինսկի խմբի գործունեության վերաբերյալ, Միրզոյանը հիշեցրեց,  որ իր հանդիպումը երեք համանախագահների հետ եղել է Ստոկհոլմում։ «Գիտեք նաև, որ նախատեսված էր հանդիպում 3+2 ձևաչափով, երեք համանախագահները, Հայաստանի և Ադրբեջանի ԱԳ նախարարները, և վերջին պահին, հանդիպումից բառացիորեն մեկ-երկու ժամ առաջ մենք ստացանք տեղեկատվություն, որ Ադրբեջանը հրաժարվում է մասնակցել այդ հանդիպմանը՝ որոշակի պատրվակ բերելով, էական չի, դա բարձրաձայնելը։ Ուզում եմ ասել, որ այդ պահին արդեն բավականին շոշափելի էր և՛ օրակարգը, որով առաջարկվում էր շարունակել բանակցությունները, և կարող էինք արդեն խոսել, ըստ էության, խաղաղ գործընթացի լիարժեք վերսկսման մասին։ Ես վստահ եմ, վաղ թե ուշ Ադրբեջանը պիտի այս ձևաչափում շարունակի խաղաղ գործընթացը, հատկապես, երբ իրենք են շարունակաբար խոսում խաղաղ կարգավորման մասին, համաձայնագրի մասին և այլն, ահա սա այն հարթակն է, այն ձևաչափն է, որտեղ դա պետք է և կարող է քննարկվել»։
18:45 - 19 հունվարի, 2022
Առայժմ դելիմիտացիայի եւ դեմարկացիայի հանձնաժողով ձեւավորված չէ

Առայժմ դելիմիտացիայի եւ դեմարկացիայի հանձնաժողով ձեւավորված չէ

Առայժմ դելիմիտացիայի եւ դեմարկացիայի հանձնաժողով ձեւավորված չէ։ Այս մասին ԱԺ-ում կառավարության հետ հարց ու պատասխանի ժամանակ, ի պատասխան «Քաղաքացիական պայմանագիր» խմբակցության պատգամավոր Թագուհի Ղազարյանի հարցին, ասաց ՀՀ արտգործնախարար Արարատ Միրզոյանը։Նա նշեց, որ այժմ քննարկվում են այն պայմանները, որոնցով այդ հանձնաժողովը կարող է սկսել աշխատել․ «Մենք հիմա աշխատում ենք այն ուղղությամբ, եւ մեր համոզմունքն է, որ քանի դեռ կոնկրետ քայլեր չեն իրականացվել սահմանագոտում կայունության եւ անվտանգության մակարդակի բարձրացման ուղղությամբ, մեխանիզմներ, որոնք կօգնեն կանխել հետագա բախումները՝ մտադրված կամ տեխնիկական պատճառներով տեղի ունեցող, այդ հանձնաժողովը դժվարություններ կունենա ստեղծվելու եւ աշխատելու հարցում«,- ասաց Միրզոյանը։ Նրա խոսքով՝ ժամկետների հարցում հստակություն չկա, բայց կա ընկալում, որ խոսքը մոտալուտ գործընթացի մասին է․ «Հենց հանգամանքները պարզվեն, ձեռնտու լինեն կողմերին, հանձնաժողովը կարող է ձեւավորվել եւ աշխատել»։
17:44 - 19 հունվարի, 2022
Չնայած Ադրբեջանի դիրքորոշմանը, թե ԼՂ հիմնախնդիրը լուծված է, աշխարհը դրա հետ համաձայն չէ, եւ իրականությունն էլ այդպիսին չէ․ Արարատ Միրզոյան

Չնայած Ադրբեջանի դիրքորոշմանը, թե ԼՂ հիմնախնդիրը լուծված է, աշխարհը դրա հետ համաձայն չէ, եւ իրականությունն էլ այդպիսին չէ․ Արարատ Միրզոյան

Last week, Azerbaijani President Ilham Aliyev, in an interview with Azerbaijani TV channels, threatened to suppress the attempts of the OSCE Minsk Group Co-Chairs to address the issue of Nagorno-Karabakh. "They shouldn’t deal with the Karabakh conflict, because it has been solved. We solved it instead of them. Azerbaijan will fail the attempts of the OSCE Minsk Group to deal with the Karabakh conflict. We’ve been a party to this conflict," Aliyev said in particular.  During the Q&A session with the government in the National Assembly, MP of the "Civil Contract" faction Sargis Khandanyan asked how the RA MFA is going to respond to this statement. In response, Armenian Foreign Minister Ararat Mirzoyan noted that it's not the first time that the leadership of Azerbaijan makes unconstructive statements, which hinders the discussion of existing problems in a constructive atmosphere and finding acceptable solutions. "However, public statements don't always fully or partially coincide with the approaches discussed in closed rooms. Azerbaijan's position is one thing, reality is one thing, and the position of the international community is another thing. The reality is that, despite the position constantly voiced by Azerbaijan for a year or more that the Nagorno-Karabakh conflict has been resolved, and there is neither the Nagorno-Karabakh problem nor Nagorno-Karabakh, during this year we have seen that the world completely disagrees with this, and the reality is not like that," Mirzoyan said.
16:54 - 19 հունվարի, 2022
Բաքվի հայատյաց ու հայասպան քաղաքականությունն ունի հստակ ժամանակագրություն. Արցախի ՄԻՊ

Բաքվի հայատյաց ու հայասպան քաղաքականությունն ունի հստակ ժամանակագրություն. Արցախի ՄԻՊ

32 years ago, on January 13-19, 1990 a systematic and mass massacre of the Armenian population was carried out in Baku with apparent permission and support of the Azerbaijani authorities. Hundreds of Armenians were killed, dispossessed and hundreds of thousands of Armenians tortured during the week-long atrocities.   The Human Rights Defender of Artsakh has issues the following statement.   "Armenian population of Baku and other cities were deported under the direct threat of physical existence, and found refuge in Artsakh, Armenia and other countries of the world without receiving international status and support. Over the years, Armenian cultural heritage in those areas was vandalized and desecrated, their historical value and significance were distorted by the Azerbaijani authorities being adapted to their political expediencies.   The realization, encouragement and glorification of the Armenian massacres by the Azerbaijani authorities and unfortunately by the Azerbaijani society is systematic, large-scale and has a clear chronology: in 1905 and 1918 - the massacres in Baku, February, 1988 - Sumgait and in November of the same year in Gandzak-Kirovabad, 1990s - again in Baku, Maragha, 2004 - the glorification of Ramil Safarov who axed Gurgen Margaryan, the killings of civilians and the torture of the Armenian military during April 2026 war, and Azerbaijani-Turkish aggression of 2020, are undeniable evidence of the systematic policy of Armenian massacres and its consequences.   Due to the poisoning of the society by the authorities for years, intolerance, hatred against and murder of Armenians, vandalism against Armenian cultural heritage and desecration of monuments in Azerbaijan have become not only a state but a national policy. This is a fact against which the urgency of taking measures is also enshrined in the decision of the UN International Court of Justice.   Under the false slogans of peace building in the region, Azerbaijani authorities continue to commit widespread violations of the rights of the Armenians of Artsakh creating an atmosphere of fear, despair, disrupting normal life in Artsakh, isolating the people of Artsakh from the world.   There is ample material documenting the crimes committed by Azerbaijan against the Armenians, it only takes an impartial and courageous eye to see it all and give a proper assessment. Unfortunately, these crimes have not received a clear legal assessment from the international community. This impunity is one of the focal reasons why Azerbaijan allows itself grossly violate the norms of international law, to speak with hatred about an entire nation without any fear it may be held accountable.   Guided by the most fundamental principle of the universality of human rights, pursuing the unconditional observance of this principle and restoration of justice, we will continue to demand the condemnation of the crimes against Armenians and the prevention of new crimes," the statement reads.            
15:10 - 19 հունվարի, 2022
Հայաստանի ու Ադրբեջանի միջև սահմանազատման հանձնաժողովը դեռևս չի ձևավորվել. ԱԳՆ |azatutyun.am|

Հայաստանի ու Ադրբեջանի միջև սահմանազատման հանձնաժողովը դեռևս չի ձևավորվել. ԱԳՆ |azatutyun.am|

azatutyun.am: Հայաստանի ու Ադրբեջանի միջև պետական սահմանի դելիմիտացիայի և դեմարկացիայի հանձնաժողովը դեռևս չի ստեղծվել, հարցմանն ի պատասխան, հայտնել են Հայաստանի արտգործնախարարությունից։ «Ադրբեջանա-հայկական սահմանի կայունության և անվտանգության մակարդակը բարձրացնելուն ուղղված քայլեր ձեռնարկելու և գործընթացը Հայաստանի Հանրապետության և Ադրբեջանի Հանրապետության միջև պետական սահմանի դելիմիտացիայի և այդուհետ դեմարկացիայի հարցերով երկկողմ հանձնաժողովի ստեղծմանը մղելու վերաբերյալ պայմանավորվածություն ձեռք է բերվել 2021թ. նոյեմբերի 26-ին ՀՀ վարչապետի, ՌԴ և Ադրբեջանի նախագահների միջև Սոչիում կայացած եռակողմ հանդիպման ընթացքում և այդ մասին նշվում է նաև հանդիպման արդյունքներով տարածված համատեղ հայտարարությունում։ Սակայն հանձնաժողովը դեռևս չի ձևավորվել։ Հանձնաժողովի ձևավորման ուղղությամբ նոր տեղեկության առկայության դեպքում հանրությունն այդ մասին պատշաճ կիրազեկվի»,- նշված է Հայաստանի արտաքին քաղաքական գերատեսչության արձագանքում։ Ազգային ժողովի փոխնախագահ Ռուբեն Ռուբինյանը, ով հայ-թուրքական հարաբերությունների կարգավորման հարցով Հայաստանի հատուկ ներկայացուցիչն է նաև, երեկ հաստատեց, որ պաշտոնական Երևանը նոր առաջարկներ է ուղարկել Ադրբեջանի հետ դեմարկացիայի և դելիմիտացիայի գործընթացի վերաբերյալ, բայց թե ինչ առաջարկներ, պատգամավորը չմանրամասնեց՝ հորդորելով դիմել կառավարություն։ Հայկական կողմից առաջարկների մասին հունվարի 14 -ին խոսել էր Ռուսաստանի արտգործնախարարը։ Սերգեյ Լավրովն ասել էր, թե Հայաստանը նոր առաջարկներ է ներկայացրել Ադրբեջանի հետ սահմանազատման հանձնաժողով ձևավորելու հարցով, որը ռուսական կողմի միջոցով փոխանցվելու է Բաքվին՝ առանց մանրամասնելու, թե ինչ առաջարկների մասին է խոսքը։
13:49 - 19 հունվարի, 2022
Բաքուն Ֆրանսիայի ԱԳ նախարարին մեղադրում է դիվանագիտական էթիկետը խախտելու մեջ |azatutyun.am|

Բաքուն Ֆրանսիայի ԱԳ նախարարին մեղադրում է դիվանագիտական էթիկետը խախտելու մեջ |azatutyun.am|

azatutyun.am: Ադրբեջանը Ֆրանսիայի արտգործնախարարին մեղադրում է դիվանագիտական էթիկետը խախտելու մեջ: Ժան-Իվ Լը Դրիանը «ձևով և էությամբ անընդունելի» էր անվանել Ադրբեջանի նախագահ Իլհամ Ալիևի խոսքերը՝ կապված Ֆրանսիայի նախագահի թեկնածու Վալերի Պեկրեսի Արցախ այցի հետ։ «Ֆրանսիայի Եվրոպայի և արտաքին գործերի նախարար Ժան-Իվ Լը Դրիանը խախտել է դիվանագիտական էթիկան», - երեկ հայտարարել է Ադրբեջանի արտգործնախարարության մամուլի խոսնակ Լեյլա Աբդուլաևան։ «Ինչ վերաբերում է անձամբ Պեկրեսին և նրա այցին Ղարաբաղ, ապա Ֆրանսիայի նախագահի թեկնածուի կարգավիճակը նրան իրավունք չի տալիս վեր կանգնել Ադրբեջանի օրենքներից», - պնդել է Ադրբեջանի ԱԳՆ խոսնակը՝ հավելելով, թե «երբ օտարերկրյա պետությունների քաղաքացիներն անօրինական կերպով այցելում են Ադրբեջանի տարածք, ապա նրանց նկատմամբ միջոցներ են ձեռնարկվում՝ նախատեսված վարչական և քրեական օրենսգրքերով»: Հունվարի 18-ին Լը Դրիանը, պատասխանելով խորհրդարանի պատգամավորների հարցերին, հայտարարել էր, որ իր գերատեսչությունն անընդունելի է համարում ադրբեջանական կողմի հայտարարությունները Պեկրեսի հասցեին՝ Ղարաբաղ նրա այցից հետո, սակայն ակնկալում է, որ այսուհետ ֆրանսիացի խորհրդարանականներն ու պաշտոնյաները կտեղեկացնեն իշխանություններին իրենց այցերի մասին։ Ադրբեջանի նախագահը մոտ մեկ շաբաթ առաջ տեղական հեռուստաընկերություններին տված հարցազրույցում որպես Արցախում ռուս խաղաղապահների գործունեության «նյարդայնացնող պահ» մատնանշել էր Ֆրանսիայի նախագահի թեկնածու Վալերի Պեկրեսի այցը Ղարաբաղ, որի կապակցությամբ իրենց պատասխանել են, թե «չեն տեսել, չգիտեն, նա անցել է սովորական մեքենայով, չնայած դա համոզիչ չէ»։
10:20 - 19 հունվարի, 2022
Ֆրանսիայի ԱԳ նախարարն անընդունելի է համարում Ալիևի հայտարարությունը Վալերի Պեկրեսի հասցեին

 |armenpress.am|

Ֆրանսիայի ԱԳ նախարարն անընդունելի է համարում Ալիևի հայտարարությունը Վալերի Պեկրեսի հասցեին |armenpress.am|

armenpress.am: Ֆրանսիայի արտաքին գործերի նախարար Ժան-Իվ Լը Դրիանն անընդունելի է համարում Ադրբեջանի նախագահ Իլհամ Ալիևի հայտարարությունները Ֆրանսիայի Իլ դը Ֆրանս կենտրոնական շրջանի ղեկավար, Ֆրանսիայի նախագահական ընտրություններում առաջադրված թեկնածու Վալերի Պեկրեսի հասցեին։ Ինչպես հայտնում է Nouvelle d'arménie-ն, Ֆրանսիայի ԱԳ նախարարն այդ մասին ասել է խորհրդարանում՝ պատգամավորների հետ հարցուպատասխանի ժամանակ։ Ֆրանսիայի ԱԳ նախարարը հայտարարել է, որ Ալիևի հայտարարությունները ձևով և բովանդակությամբ անընդունելի են՝ հայտնելով, որ այդ մասին հայտնել է Ֆրանսիայում Ադրբեջանի դեսպանին։ Ֆրանսիայի Սենատում «Հանրապետականներ» (LR) խմբակցության ղեկավար Բրունո Ռըտայոն, Ֆրանսիայի Ազգային ժողովում նույն խմբակցության ղեկավար Դամիան Աբադը և Եվրոպական խորհրդարանում նույն խմբակցության ղեկավար, եվրոպական պատգամավոր Ֆրանսուա-Քսավիե Բելամին, ինչպես նաև 242 այլ գործիչների բաց նամակ են հղել Ֆրանսիայի Հանրապետության նախագահին։ Հեղինակները, մասնավորապես, պահանջում են, որպեսզի նախագահը Ֆրանսիայի անունից Ադրբեջանի նախագահից պահանջի ներողություն խնդրել Վալերի Պեկրեսից ընթացիկ տարվա հունվարի 12-ի աղմկահարույց արտահայտություննների համար, որոնք նա արել էր Ֆրանսիայի նախագահի` «Հանրապետականներ» կուսակցության թեկնածուի Հայաստան կատարած այցի արդյունքում: «Եթե մենք տեղյակ լինեինք Վալերի Պեկրեսի` վերջին [Լեռնային Ղարաբաղ] անօրինական այցի մասին, մենք նրան բաց չէինք թողնի»,- հայտարարել էր Ադրբեջանի նախագահը։  
23:07 - 18 հունվարի, 2022
Ադրբեջանի հատուկ ծառայությունները Արցախի բնակչին դրդել են լրտեսության․ ԱՀ ԱԱԾ բացահայտումը

Ադրբեջանի հատուկ ծառայությունները Արցախի բնակչին դրդել են լրտեսության․ ԱՀ ԱԱԾ բացահայտումը

ԱՀ ԱԱԾ-ից հայտնում են, որ Արցախի Հանրապետության ազգային անվտանգության ծառայությունը բացահայտել է Ադրբեջանի հատուկ ծառայությունների կողմից Արցախի բնակչին լրտեսության դրդելու հերթական դեպքը։ Վերջին օրերին Ադրբեջանի հատուկ ծառայությունները սոցիալական ցանցերում ակտիվացրել են Արցախում բնակվող անձանց հետ կապ հաստատելու փորձերը՝ նրանց շրջանում խուճապ տարածելու և կամ վերջիններից տեղեկություններ հավաքագրելու նպատակով: Հերթական դեպքում կեղծանվան տակ գրանցված թելեգրամյան օգտատերը, ներկայանալով որպես հայուհի, Արցախում բնակվող անձի հետ սկզբում վարել է մտերմություն ձևավորելու նպատակ հետապնդող խոսակցություն, նրան ուղարկել իր մերկ վիճակում նկարները, պահանջել նույնպիսի նկարներ, որից հետո իրենց մեջ վարված հաղորդակցության բովանդակությունը հրապարակելու սպառնալիքի տակ պահանջել տրամադրել տեղեկություններ, տարբեր տեղանքների լուսանկարներ, խոստանալով նաև վճարել մատուցած ծառայությունների դիմաց՝ նախապես ուղարկված բանկային հաշվին գումար փոխանցելու եղանակով: ԱՀ ազգային անվտանգության ծառայությունը ստուգում է վերը նկարագրված դեպքի հանգամանքները, Ադրբեջանի հատուկ ծառայություններին տրամադրված տեղեկությունների բովանդակությունը, ծավալը, ինչպես նաև արարքի կատարման շարժառիթներն ու նպատակները: Միաժամանակ կրկին անգամ հորդորում ենք սոցիալական ցանցերում զերծ մնալ անծանոթ օգտատերերի հետ շփումներից ու կասկածելի առաջարկներ ընդունելուց, Արցախի Հանրապետության անվտանգությանը սպառնացող տեղեկություններ տրամադրելուց, իսկ նման պահանջներ կամ առաջարկներ ներկայացվելու դեպքերի մասին անհապաղ հաղորդել ԱՀ ազգային անվտանգության ծառայությանը:
12:20 - 18 հունվարի, 2022