Արման Բաբաջանյան

Արման Շամիրի Բաբաջանյանը (հունվարի 15, 1976Երևան), ՀՀ ԱԺ 7-րդ գումարման անկախ պատգամավոր է, անկուսակցական։

1993-1995թթ. սովորել է Վենետիկի Սուրբ Ղազար կղզու հոգեւոր ակադեմիայում: 1995թ. ավարտել է Վենետիկի Մուրադ-Ռաֆայելյան վարժարանը, 1998թ.՝ Էջմիածնի Գեւորգյան ճեմարանը: 2001թ.՝ Սանկտ Պետերբուրգի արտաքին տնտեսական կապերի, էկոնոմիկայի եւ իրավունքի ինստիտուտը: Իրավագետ: 2004թ.՝ Հարավային Կալիֆոռնիայի համալսարանի (ԱՄՆ) արտաքին հարաբերությունների ֆակուլտետը: Միջազգայնագետ (մագիստրոսական աստիճան): 2005թ.՝ Ջորջթաունի համալսարանի (ԱՄՆ) Security Studies (SSP) դպրոցը: Կոնֆլիկտաբանության մագիստրոս:

Եղել է 1998թ.՝ նախագահական ընտրություններում նախագահի թեկնածու Կարեն Դեմիրճյանին սատարող երիտասարդական կազմակերպությունների համակարգողը, 
2003թ.՝ ՀՀ նախագահական ընտրություններում նախագահի թեկնածու Ստեփան Դեմիրճյանի նախընտրական շտաբի պատասխանատուն Լոս Անջելեսում: 2003 թվականից ՝ «Ժամանակ» (Լոս Անջելես), 2006 թվականից՝  «Ժամանակ Երեւան», ապա «Ժամանակ» օրաթերթի հիմնադիր խմբագիր: 2004-2006թթ.՝ AMGA հեռուստաընկերության (ԱՄՆ) «Realpolitik» հաղորդաժամի հեղինակ: 2010-2019թթ.՝ «www.1in.am. Առաջին լրատվական» կայքէջի հիմնադիր խմբագիր:

2006 թ․ պարտադիր զինվորական ծառայությունից խուսափելու համար դատապարտվել 4 տարվա ազատազրկման։

2018 թվականի դեկտեմբերի 9-ին կայացած ԱԺ ընտրություններում պատգամավոր է ընտրվել «Լուսավոր Հայաստան» կուսակցության համապետական ցուցակով, սակայն 2019-ի սեպտեմբերի 6-ին հայտնել է, որ դուրս է գալիս ԼՀ խմբակցության կազմից։ Այժմ գործունեությունը շարունակում է որպես անկախ պատգամավոր։ 

Տեսալսողական մեդիայի ոլորտում նոր կարգավորումների օրինագծերի փաթեթում փոփոխություններ կատարվեցին |armenpress.am|

Տեսալսողական մեդիայի ոլորտում նոր կարգավորումների օրինագծերի փաթեթում փոփոխություններ կատարվեցին |armenpress.am|

armenpress.am:  ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում փոփոխություններ կատարվեցին տեսալսողական մեդիայի ոլորտում նոր կարգավորումների օրինագծերի փաթեթում: Հանձնաժողովի նիստում «Իմ քայլը» խմբակցության պատգամավորներ Վահագն Թևոսյանի և Մխիթար Հայրապետյանի ու անկախ պատգամավոր Արման Բաբաջանյանի հեղինակած օրինագծերի փաթեթի փոփոխությունները ներկայացրեց Վահագն Թևոսյանը: «Առաջարկվել է, որ ազգային փոքրամասնությունների համար սահմանվի ֆիքսված եթերաժամանակ՝ շաբաթական կես ժամ տեսալսողական հեռարձակողի համար, 2 ժամ շաբաթական՝ Հանրային ռադիոյի համար: Առաջարկվում է նաև Հեռուստատեսության և ռադիոյի հանձնաժողովի տարեկան հաշվետվությունը՝ որպես պարտավորություն, վերադարձնել օրենք»,- ասաց Թևոսյանը: Օրենքների նախագծերի փաթեթում կատարվել են նաև մի շարք այլ փոփոխություններ, որոշ առաջարկներ էլ չեն ընդունվել փաթեթի հեղինակների կողմից: Օրենքի նախագծով առաջարկվում է նոր լիազորություններով օժտել Հեռուստատեսության և ռադիոյի հանձնաժողովին, ինչի հետևանքով կստեղծվի նոր մրցակցային միջավայր, և աստիճանաբար տարբեր փոփոխություններ կկատարվեն: ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում օրենքների նախագծերի փաթեթը ստացավ դրական եզրակացություն:
14:36 - 13 հուլիսի, 2020
Մեր կուսակցությանը տրված ձայներով ստացած մանդատը ծառայեցնում է այլ կուսացության. Խաժակյանը՝ Բաբաջանյանի մասին |armtimes.com|

Մեր կուսակցությանը տրված ձայներով ստացած մանդատը ծառայեցնում է այլ կուսացության. Խաժակյանը՝ Բաբաջանյանի մասին |armtimes.com|

armtimes.com: «Լուսավոր Հայաստան» կուսակցության ղեկավար Էդմոն Մարուքյանի ներկայացուցիչ Դավիթ Խաժակյանը, մեկնաբանելով իրենց կուսակցության 18-րդ մանդատի վերականգնումը մերժելու մասին ԿԸՀ որոշումը, լրագրողների հետ զրույցում հայտարարեց, թե ԿԸՀ-ն խնդրին մոտեցավ կոնսերվատիվ տեսանկյունից, նայեց, թե տառացի ինչ լիազորություններ ունի: «Չդիտարկեց այն վիճակը, երբ մի պատգամավոր այլ կուսակցությանը տրված ձայներով ստացած մանդատը ծառայեցնում է այլ կուսակցություն ստեղծելու համար: Սա անընդունելի է, սա հակասում է ժողովրդի կամարտահայտությանը, «Լուսաավոր Հայաստան»-ին տրված ձայներին»,- նկատեց նա: Շարունակ խոսելով Բաբաջանյանի՝ նոր նախաձեռնություն հիմնելու մասին՝ Խաժակյանը կրկին շեշտեց՝ դա չպետք է լինի այլ կուսակցության հաշվին: Ընդ որում, Խաժակյանը շեշտեց, որ Բաբաջանյանը ամենաքիչ թվով, շուրջ 300 ձայն ստացած պատգամավորն է: «Եթե գոնե մեծամասնական ընտրակարգով բավարար քվեներ ստացած լիներ, կասեր, որ նա որոշակի էլեկտորալ արժեք ունի, բայց դա էլ չկա»,- ասաց Խաժակյանը՝ հավելելով, որ ԿԸՀ-ն կարող էր գնալ երկու ճանապարհով. կա՛մ հավելյալ մանդատ տրամադրեր, կա՛մ Բաբաջանյանին այս կամ այն կերպ պարտավորեցներ մանդատը վայր դնել: Թե ինչու են ամիսներ առաջ խմբակցությունից դուրս եկած Բաբաջանյանի մասին նոր հիշել՝ Խաժակյանը նկատեց, որ երբ նա դուրս է եկել խմբակցությունից, առաջարկել են մանդատը վայր դնել, սակայն Բաբաջանյանն ասել է, որ կմտածի: Խոսելով իրենց հաջորդ քայլերի, ԿԸՀ որոշման բողոքարկման մասին՝ ԼՀԿ ներկայացուցիչն ասաց, որ հաջորդ քայլը կքննարկեն, կորոշեն: Հիշեցնենք, որ «Լուսավոր Հայաստան» խմբակցության պատգամավոր Արման Բաբաջանյանը ամիսներ առաջ դուրս է եկել այդ խմբակցությունից՝ դառնալով անկախ պատգամավոր, եւ հիմա ԼՀԿ-ն պահանջում է վերականգնել իրենց 18-րդ մանդատը:
18:01 - 08 հուլիսի, 2020
Դիմում եմ ԱԺ` Արման Բաբաջանյանի պատգամավորական էթիկայի հարցով ժամանակավոր հանձնաժողով ստեղծելու գործընթաց նախձեռնելու առաջարկով. Լևոն Յոլյան

Դիմում եմ ԱԺ` Արման Բաբաջանյանի պատգամավորական էթիկայի հարցով ժամանակավոր հանձնաժողով ստեղծելու գործընթաց նախձեռնելու առաջարկով. Լևոն Յոլյան

ՀՀ Ազգային ժողովի պատգամավոր Արման Բաբաջանյանը 2020 թվականի հունիսի 25-ին, ՀՀ Ազգային ժողովի լիագումար նիստի ՀՀ հաշվեքննիչ պալատի 2019 թվականի տարեկան հաղորդման քննարկման ժամանակ իր ելույթում հնչեցրել է ՀՀ հաշվեքննիչ պալատի և ՀՀ հաշվեքննիչ պալատի նախագահի հասցեին իրականությանը չհամապատասխանող գնահատականներ և արտահայտություններ, որոնք վայել չեն պատգամավորին։ Այս մասին ասված է ՀՀ հաշվեքննիչ պալատի նախագահ Լևոն Յոլյանի հայտարարության տեքստում: Հայտարարությունն ամբողջությամբ` ստորև. «Ղեկավարելով ՀՀ Սահմանադրությամբ և «Հաշվեքննիչ պալատի մասին» ՀՀ օրենքով, Հաշվեքննիչ պալատի համար սահմանված օբյեկտիվության, քաղաքական չեզոքության, հրապարակայնության, ինչպես նաև թափանցիկության սկզբունքներով, հայտարարում եմ` ՀՀ Ազգային ժողովի պատգամավոր Արման Բաբաջանյանը 2020 թվականի հունիսի 25-ին, ՀՀ Ազգային ժողովի լիագումար նիստի ՀՀ հաշվեքննիչ պալատի 2019 թվականի տարեկան հաղորդման քննարկման ժամանակ իր ելույթում հնչեցրել է ՀՀ հաշվեքննիչ պալատի և ՀՀ հաշվեքննիչ պալատի նախագահի հասցեին իրականությանը չհամապատասխանող գնահատականներ և արտահայտություններ, որոնք վայել չեն պատգամավորին։Դրանով, պատգամավոր Արման Բաբաջանյանն իր պատգամավորական լիազորություններն իրականացնելիս, օգտագործելով պատգամավորի պաշտոնի իր հեղինակությունն ի շահ իրեն կամ այլ անձի, չի ցուցաբերել հարգալից վերաբերմունք՝ ՀՀ հաշվեքննիչ պալատի և նախագահի նկատմամբ, խախտելով՝ «Հայաստանի Հանրապետության Ազգային ժողովի պատգամավորի գործունեության երաշխիքների մասին» ՀՀ օրենքի 3-րդ հոդվածով սահմանված պատգամավորի էթիկայի կանոնները։ ՀՀ Ազգային ժողովի պատգամավոր Արման Բաբաջանյանը, խախտելով սահմանադրական և քրեադատավարական կարևորագույն անմեղության կանխավարկածի սկզբունքը, հիմնվելով ՀՀ հաշվեքննիչ պալատի նախկին աշխատակից Արամայիս Սարգսյանի մամուլում արված ստահոդ հայտարարությունների վրա, ՀՀ հաշվեքննիչ պալատին և ղեկավարությանը մեղադրել է հանցագործության մեջ։ ՀՀ հաշվեքննիչ պալատի նախկին աշխատակից Արամայիս Սարգսյանի՝ 2020 թվականի մայիսի 8-ին «www.1in.am» լրատվամիջոցում արված հայտարարությունների վերաբերյալ ՀՀ հաշվեքննիչ պալատը, 2020 թվականի մայիսի 12-ին պաշտոնապես դիմել է «www.1in.am» լրատվամիջոցին, խնդրելով՝ օրենքով սահմանված կարգով հրապարակել ՀՀ հաշվեքննիչ պալատի նախկին աշխատակից Արամայիս Սարգսյանի հնչեցրած արտահայտությունների վերաբերյալ ՀՀ հաշվեքննիչ պալատի հերքումը, ինչը մինչ օրս ՀՀ Ազգային ժողովի պատգամավոր Արման Բաբաջանյանին պատկանող «www.1in.am» լրատվամիջոցի կողմից չի ապահովվել։ ՀՀ հաշվեքննիչ պալատի նախկին աշխատակից Արամայիս Սարգսյանի 2020 թվականի՝ մայիսի 8-ին «www.1in.am» լրատվամիջոցում արված հայտարարությունների վերաբերյալ՝ ՀՀ հաշվեքննիչ պալատը հրապարակել է իր հերքումը, հորդորելով վերջինիս դադարեցնել զրպարտող գործելաոճը։ Հերքմանը կարելի է ծանոթանալ ՀՀ հաշվեքննիչ պալատի պաշտոնական կայքում՝ հետևյալ հղումովՀայտնի է դարձել, որ ՀՀ Ազգային ժողովի պատգամավոր Արման Բաբաջանյանը, 2020 թվականի՝ հունիսի 26-ին Հայաստանի Հանրապետության հատուկ քննչական ծառայությանը հանցագործության վերաբերյալ հաղորդում է ներկայացրել, որտեղ որոշակիորեն վերարտադրել է 2020 թվականի հունիսի 25-ին ՀՀ հաշվեքննիչ պալատի հասցեին ուղղված իր անհիմն մեղադրանքը։ Այն է՝ նշյալ պատգամավորը, ընդունելով, որ թեև ՀՀ հաշվեքննիչ պալատի ուսումնասիրություններն արժեքավոր են, այնուամենայնիվ, մեղադրում է ՀՀ հաշվեքննիչ պալատին տարբեր ոլորտներում իրականացված ուսումնասիրության արդյունքները ՀՀ գլխավոր դատախազություն ինքնուրույն և անմիջապես չուղարկելու մեջ։ Մինչդեռ, երեք տարի շարունակ, թե´ ՀՀ հաշվեքննիչ պալատը, թե´ ՀՀ գլխավոր դատախազությունը հրապարակայնորեն, այդ թվում՝ ՀՀ Ազգային ժողովի ամբիոնից, խոսում են այդ և համանման նյութերի, դրանց մասով միմյանց հետ արդյունավետ համագործակցության, արդեն հարուցված քրեական գործերի և դրանց ընթացքի մասին, մասնավորապես, երկուստեք նշելով, որ երկու առանձին պետական մարմինների միջև կա հստակ աշխատանքային համաձայնություն և պայմանավորվածություն ինչպես աշխատել հաշվեքննության նյութերի հետագա քրեաիրավական բնույթի գործընթացներում, անշուշտ, առաջնորդվելով այն պայմանով, որ հաշվեքննության նյութերը պետք է հրապարակվեն ամբողջությամբ, ինչը վստահաբար անում է ՀՀ հաշվեքննիչ պալատը, քանի որ դա բավարար է դատախազական մարմինների համար հետևելու պալատի բոլոր հրապարակումներին և անհրաժեշտության դեպքում տալու իրավական գնահատական այս կամ այն նյութի վերաբերյալ։ Ընդ որում, հաշվեքննիչ և դատախազական մարմինները հրապարակայնորեն մատնանշել և շարունակում են մատնանշել, որ հաշվեքննության որևէ արդյունք դուրս չի մնում արժանի իրավական գնահատման շրջանակից, քանի որ աշխատանքային կարգով բոլոր անհրաժեշտ նյութերն ու պարզաբանումները տրվում են հաշվեքննողների կողմից։ Այո´, լինում են նաև դեպքեր, երբ Հաշվեքննիչ պալատն ինքն է ուղարկում նյութերը՝ դրանցում առերևույթ հանցագործության ակնհայտ հատկանիշներ տեսնելիս։ Սակայն, հիմնականում իրավապահ մարմինները, նախապես տիրապետելով տվյալ հաշվեքննության առարկայի վերաբերյալ լրացուցիչ օպերատիվ նշանակության տեղեկատվությանը, գտնում են նպատակահարմար պահանջելու հաշվեքննությունից անհրաժեշտ փաստաթղթեր, և դրանց մասով նախաքննչական գործողություններ իրականացնելուց և համապատասխան նյութեր պատրաստելուց հետո որոշում են հարուցել քրական գործեր։ՀՀ Ազգային ժողովի պատգամավոր Արման Բաբաջանյանին ՀՀ հաշվեքննիչ պալատը պաշտոնապես տեղեկացրել է, որ այդ նյութերի մասով իրավապահ մարմինները, հիմնվելով ՀՀ հաշվեքննիչ պալատի հրապարակային ուսումնասիրության արդյունքների վրա, հետագայում իրականացրել են քննչական, օպերատիվ հետախուզական և այլ բնույթի մասնագիտական գործողություններ, որոնց արդյունքում է միայն եզրահանգվել, որ անհրաժեշտ է հարուցել քրեական գործեր։ ՀՀ Ազգային ժողովի պատգամավոր Արման Բաբաջանյանն, ամբողջությամբ չի տիրապետում ՀՀ օրենսդրությամբ արտաքին պետական հաշվեքննության (արտաքին պետական վերահսկողության) և քննչական, դատախազական գործառույթների միջև եղած իրավական և մասնագիտական տարբերություններին, ինչպես նաև դրանց բոլորի մասով պատասխանատու անձանց համար օրենքով սահմանված լիազորությունների և պարտականությունների շրջանակին, հատկապես նկատի ունենալով, հաշվեքննության, թերևս, ամենակարևոր սկզբունքը՝ հավեքննության նյութերը դարձնել հրապարակային։ Այս իմաստով զավեշտալի է, թե ինչպե՞ս է պատգամավոր՝ Արման Բաբաջանյանը, ով հանդիսանում է «հայտնի» լրատվամիջոցի սեփականատեր, և տեղյակ լինելով պալատի բոլոր ուսումնասիրություններին, հանկարծ որոշում է չարախոսել պալատի հասցեին հենց այն պահին, երբ ՀՀ Ազգային ժողովի ամբիոնից ՀՀ հաշվեքննիչ պալատը հրապարակում է միլիարդավոր դրամների հասնող խախտումների մասին։ ՀՀ Ազգային ժողովի պատգամավոր Արման Բաբաջանյանին հորդորում եմ դադարեցնել ՀՀ հաշվեքննիչ պալատի հասցեին արվող անհիմն և ստահոդ հայտարարություններն ու գնահատականները։ ՀՀ հաշվեքննիչ պալատի ձևավորման օրվանից սկսած ՀՀ Ազգային ժողովի պատգամավոր Արման Բաբաջանյանը, անտեսելով ՀՀ հաշվեքննիչ պալատի և նախագահի պարզաբանումները, ՀՀ հաշվեքննիչ պալատին և նախագահին պարբերաբար հետապնդում է իր՝ իրականությանը չհամապատասխանող և ստահոդ արտահայտություններով և գնահատականներով, ինչը հիմք է տալիս ենթադրելու, որ ՀՀ Ազգային ժողովի պատգամավոր՝ Արման Բաբաջանյանը կա´մ հայտնվել է շփոթի մեջ, կա´մ շարժվում է մեզ անհայտ շահերով։ Հայտնում եմ իմ լիարժեք պատրաստակամությունը շարունակելու համագործակցությունը ինչպես ՀՀ հատուկ քննչական ծառայության, այնպես էլ այլ պետական մարմինների հետ, ստեղծելով բոլոր հնարավոր պայմանները, ՀՀ Ազգային ժողովի պատգամավոր՝ Արման Բաբաջանյանի կողմից ՀՀ հաշվեքննիչ պալատի համբավը կասկածի տակ դնող գնահատականներն ու կասկածանքները փարատելու ուղղությամբ։ Միաժամանակ, նկատի ունենալով ՀՀ հաշվեքննիչ պալատի դերն ու նշանակությունը ՀՀ պետականության համար, խնդրում եմ ՀՀ ազգային անվտանգության ծառայությանը հետևել ՀՀ Ազգային ժողովի պատգամավոր Արման Բաբաջանյանի՝ ՀՀ հաշվեքննիչ պալատին ուղղված վարքագծին, հատկապես, նկատի ունենալով տարբեր ոլորտներում հաշվեքննությամբ բացահայտված խախտումների և դրանցով պայմանավորված հնարավոր փոխկապակցվածության հանգամանքը։ Նկատի ունենալով վերոգրյալը, ինչպես նաև հաշվի առնելով ՀՀ հաշվեքննիչ պալատի հեղինակությանը հասցված վնասը, դիմում եմ ՀՀ Ազգային ժողովին, նախաձեռնել ՀՀ Ազգային ժողովի պատգամավոր Արման Բաբաջանյանի պատգամավորական էթիկայի հարցով ժամանակավոր հանձնաժողով ստեղծելու գործընթաց»։
17:30 - 29 հունիսի, 2020
Հայաստանն արտաքին պարտքի սպասարկումը հետաձգելու անհրաժեշտություն չի տեսնում |armenpress.am|

Հայաստանն արտաքին պարտքի սպասարկումը հետաձգելու անհրաժեշտություն չի տեսնում |armenpress.am|

armenpress.am: Հայաստանն արտակարգ դրության պայմաններում չի պատրաստվում բանակցել՝ իր արտաքին պարտքի սպասարկումը որոշակի ժամանակով հետաձգելու համար: Այս մասին ասաց ՀՀ ֆինանսների նախարար Ատոմ Ջանջուղազյանը՝ ԱԺ-ում 2019 թվականի պետական բյուջեի կատարման տարեկան հաշվետվությունը հաստատելու մասին նախագծի քննարկմանը՝ պատասխանելով անկախ պատգամավոր Արման Բաբաջանյանի հարցին: Պատգամավորը հետաքրքրվեց, թե արտաքին պարտքը սպասարկելու համար 2020 թվականին նախատեսված պլանային վճարումները հետաձգելու, հաջորդ տարի տեղափոխելու շուրջ բանակցություններ վարվու՞մ են միջազգային ֆինանսական գործընկերների հետ: Ջանջուղազյանը վերահաստատեց դեռ ապրիլին՝ բյուջեի մասին օրենքի փոփոխությունների քննարկման ժամանակ հայտնած իր կարծիքը: «Մենք չենք կարծում, որ դա լավագույն ճանապարհն է: Կա վարկանիշի հարց, կա պարտք ներգրավելու հնարավորության հարց: Համենայնդեպս, մենք մինչև այժմ համարում ենք, որ 2020 թվականի դժվարություններին մենք առևերեսվել ենք համեմատաբար զգալի պաշարով՝ պարտք վերցնելու, դա հետևանք է նրա, որ մենք որևէ րոպե չենք ուշացրել որևէ վճարում՝ ինչպես ներքին շուկայում ներդրողների պարտավորությունների կատարման տեսակետից, այնպես էլ արտաքին»,-ասաց նախարարն ու նշեց, որ կառավարությունն այդ ուղղությամբ բանակցելը նպատակահարմար չի համարել և շարունակում է չհամարել: Նախարարը հիշեցրեց, որ Համաշախարհային բանկն իր անդամ պետություններին առաջարկել է հնարավորություն, որից օգտվել է նաև Հայաստանը:  Համաշխարհային բանկի հետ համատեղ աշխատանքի արդյունքում Զարգացման միջազգային ընկերակցության կողմից Հայաստանին տրամադրված մի շարք վարկերի գծով գործող հավելյալ տոկոսադրույքի (տարեկան 1.7% դրույքաչափով) կիրառման մասին նախկինում կայացրած որոշումը մեկ տարի ժամկետով չեղարկվել է և չի կիրառվելու ֆիսկալ տարվա ընթացքում (2020 թվականի հուլիսի 1-ից մինչև 2021 թվականի հունիսի 30-ը): Համաշխարհային Բանկի և ՀՀ ֆինանսների նախարարության գնահատականներով՝ հավելյալ 1.7% տոկոսադրույքի մեկ տարով չեղարկման արդյունքում՝ արտաքին տոկոսավճարների գծով ՀՀ պետական բյուջեի տնտեսումը կկազմի մոտ 13 մլն ԱՄՆ դոլար:
18:22 - 24 հունիսի, 2020
Այս իրադարձություններն  անցնելու են, սակայն այն հետքը, որ դուք թողնում եք ձեր հակապետական գործունեությամբ մնալու է․ Արման Բաբաջանյան

Այս իրադարձություններն  անցնելու են, սակայն այն հետքը, որ դուք թողնում եք ձեր հակապետական գործունեությամբ մնալու է․ Արման Բաբաջանյան

Նախ մի փոքր հայտարարություն, որից հետո կանդրադառնամ քննարկվող հարցին։ Վերջին օրերին Հայաստանում տեղի ունեցող իրադարձությունները բացահայտում են չափազանց ցավալի ու վտանգավոր մի իրողություն՝ հանուն նպատակներին հասնելու միջոցների մեջ խտրություն չդնելու ցավագին իրողություն։ Դա վկայությունն է  այն իրողության, ինչ մենք այսօր տեսնում ենք օտարերկրյա հեռուստաընկերությունների, առավելապես, ռուսական եթերում։ Այս մասին այսօր Ազգային ժողովի նիստին ասաց անկախ պատգամավոր Արման Բաբաջանյանը։ Վերջինս իր ելույթում մասնավորապես նշեց․ «Ազգային ժողովի մեր ընդդիմադիր գործընկերները, քաղաքական հստակ ուղղվածություն ունեցող քաղաքագետներն ու փորձագետները ռուսական հեռուստաեթերից ուղղակի լուտանքներ են թափում Հայաստանի, Հայաստանի պետականության նկատմամբ։ Այս ամենը տեղավորվում է պարզագույն՝ դրսից տղա բերելու, էժանագին և հակապետական տրամաբանության մեջ։ Այդ սխեման շատ պարզ է, սկզբում նրանք վազում են իրենց հավանավորյալ երկրի դեսպանատուն, Հայաստանի վերաբերյալ բողոքի չափաբաժինը ներկայացնում դեսպանին, ապա հայտնվում են ռուսական եթերում, որը լցնում են ոչ միայն սեփական երկրի  դեմ ուղղված  իրենց կեղտոտ  հայատարարություններով, այլև ռուս հաղորդավորի ցնդաբանություններով։ Սա անթույլատրելի և դատապարտելի գործելաոճ է։ Բոլոր   այս սուբյեկտները, այս ամբիոնից սեփական ժողովդրի հետ խոսելու փոխարեն նախընտրում են օտարներին՝ ցույց տալով, որ չունեն իրենց երկրում տեր զգալու ու հայրենիքի անգամ չնչին զգացողություն։ Պարո՛նայք, այս իրադարձություններն  անցնելու են, սակայն այն հետքը, որ դուք թողնում եք ձեր հակապետական գործունեությամբ մնալու է, չի ջնջվելու հասարակության և մեր բոլորի հիշողությունից։
10:52 - 18 հունիսի, 2020
Քննվում է Երրորդ հանրապետության ամենակարևոր գործերից մեկը. Փաշինյանը՝ ԲՀԿ-ի քրգործի մասին


 |armenpress.am|

Քննվում է Երրորդ հանրապետության ամենակարևոր գործերից մեկը. Փաշինյանը՝ ԲՀԿ-ի քրգործի մասին |armenpress.am|

armenpress.am: ՀՀ վարչապետ Նիկոլ Փաշինյանը «Բարգավաճ Հայաստան» կուսակցության կողմից խորհրդարանական ընտրություններում ընտրակաշառք բաժանելու վերաբերյալ քրեական գործը համարում է Հայաստանի երրորդ հանրապետությունում քննվող ամենակարևոր գործերից մեկը: Փաշինյանն ասաց Ազգային ժողովում կառավարության հետ հարցուպատասխանի ընթացքում՝ պատասխանելով անկախ պատգամավոր Արման Բաբաջանյանի հարցին: «Քննվում է Երրորդ հանրապետության պատմության ամենակարևոր գործերից մեկը, որովհետև ժողովրդի կամքի վրա բռնանալու համակարգված ինստիտուտ է բացահայտվում»,- ասաց Փաշինյանը: Անդրադառնալով ընդդիմադիր որոշ ուժերի և «Բարգավաճ Հայաստան» կուսակցության կողմից հնչող այն հայտարարություններին, թե ԲՀԿ-ի ու կուսակցության ղեկավար Գագիկ Ծառուկյանի նկատմամբ իրականացվող հետապնդումը քաղաքական է, ոչ թե իրավական, Փաշինյանը նշեց, որ իրենք քրեական գործը քաղաքական ուժին վերահսկողության տակ պահելու համար օգտագործելու կարիք չունեն: «Նախկին իշխանությունն այս քրեական գործերը պահել է այս ուժերին վերահսկողության տակ պահելու համար, որովհետև լեգիտիմության խնդիր է եղել: Մեր իշխանությունն այդպիսի խնդիր չունի: Մեր իշխանությունը քրեական գործերով քաղաքական ուժերին վերահսկողության տակ պահելու խնդիր չունի»,- նշեց վարչապետը: Նիկոլ Փաշինյանը հավելեց, որ պետք է արգելել այն քաղաքական ուժերի գործունեությունը, որոնք բռնանում են ժողովրդի ազատ կամքի արտահայտմանը:
19:13 - 17 հունիսի, 2020
Սա պայքար է հանուն ինքնիշխանության, օլիգարխիան պետք է ոչնչացվի. Արման Բաբաջանյան |armtimes.com|

Սա պայքար է հանուն ինքնիշխանության, օլիգարխիան պետք է ոչնչացվի. Արման Բաբաջանյան |armtimes.com|

armtimes.com: Այն, ինչ այսօր տեղի է ունենում Հայաստանում, իրականում միայն առաջին հայացքից է իրավական կամ քաղաքական գործընթաց։ Դրանք կատարվողի միայն արտաքին բնութագրիչներն են, մինչդեռ իրականում երևույթները շատ ավելի խորքային են ու բազմաշերտ։ Ազգային ժողովում, որտեղ այսօր քննարկվում էր «Բարգավաճ Հայաստան» խմբակցության ղեկավար Գագիկ Ծառուկյանին պատգամավորական անձռնմխելիությունից զրկելու հարցը, ելույթում այսպիսի հայտարարություն է արել անկախ պատգամավոր Արման Բաբաջանյանը եւ հավելել. «Իրականում այսօր մենք ականատեսն ենք լինում հանուն Հայաստանի ինքնիշխանության մղվող պայքարի, քանի որ իրերի բերումով այսօր բարիկադների մի կողմում հայտնվել են մեր ինքնիշխանության դեմ կռվողներն ու ինքնիշխանությունը վաճառքի հանել պատրաստ ուժերն ու գործիչները, մյուս կողմում՝ բոլոր նրանք, որոնք գուցե ոչ այնքան հաճելի ու ցանկալի միջոցներով, սակայն պայքարում են հանուն Հայաստանի ինքնիշխանության։ Հայաստանի ինքնիշխանությանն ու անկախությանն ամենամեծ վնասները հասցվել են 1997-98 թվականներից, երբ բռնազավթելով իշխանությունը՝ Ռոբերտ Քոչարյանը ձեռնամուխ եղավ երկրում հակաօրինական ու հակապետական ինստիտուտների ու կառուցակարգերի ստեղծմանը, որոնք իրենց էությամբ ու բնույթով ուղղված էին երկրի ինքնիշխանության դեմ։ Այդ համակարգերից ամենավտանգավորն ու ինքիշխանությանը ամենամեծ վնաս հասցրածը օլիգարխիան էր, որը, կարճ ժամանակում սերտաճելով քրեական աշխարհի հետ, վերածվեց քրեաօլիգարխիայի՝ դառնալով հանցավոր իշխանության հիմնական հենարանը։Դրան հաջորդած ավելի քան քսան տարիներին քրեաօլիգարխիան կազմաքանդեց Հայաստանի տնտեսական ու քաղաքական համակարգերը՝ այդ ճանապարհին կանգ չառնելով ոչնչի, այդ թվում՝ օտար կենտրոններին ծառայելու պարտադրանքի առաջ։ Հայաստանի վասալացումը երազող երկրների համար օլիգարխիան իսկական նվեր էր, քանի որ այն կարճ ժամանակում սերտաճեց նաև արտերկրի քրեական կառուցների հետ՝ այդպիսով դառնալով շատ ավելի կառավարելի ու վերահսկելի։ Թավշյա հեղափոխությունը տեղի ունեցավ նաև օլիգարխիան կազմաքանդելու ու արմատախիլ անելու խոստումներով, որոնք, սակայն, չկատարվեցին։ Իշխանությունը օլիգարխներին հռչակեց խոշոր սեփականատերեր՝ որևէ կերպ չսահմանափակելով նրանց ազդեցությունը քաղաքական, տնտեսական, դատաիրավական, լրատվական համակարգերի նկատմամբ։ Արդյունքում մենք վերջին ամիսներին ականատեսն ենք դառնում մի իրողության, երբ այդ նույն օլիգարխիան զանազան հին ու նոր քաղաքական կամ պսեվդոքաղաքական միավորների հովանու ներքո գրոհ է պատրաստում ընդդեմ պետության ու հասարակության։ Մենք տեսնում ենք օտար տերերին անմնացորդ ծառայելու պատրաստ ուժերի, անհատների մրցավազք ու շքահանդես, որոնք հանուն Հայաստանում իրենց կորցրած դիրքերի վերականգնման ստանձնել են հինգերորդ շարասյան դերակատարումը՝ խտրություն չդնելով միջոցների մեջ և պատրաստ լինելով ցանկացած ստորության ու հակապետականության, ազգադավության ու դավաճանության։ Սա է իրականում այսօրվա մեր խնդիրների հիմնարար շերտը, այսինքն՝ իրականում խնդիրներն ամենևին ներքաղաքական չեն, կապված չեն առանձին անհատների կամ խմբերի հետ, դրանք ուղղակիորեն առնչվում են մեր ինքնիշխանությանն ու անկախությանը։ Հասկացություններ, որոնցից ոչ մեկը մենք չենք լսում ու չենք լսելու հակապետական այս պայքարին լծված ուժերից ու գործիչներից։ Չենք լսելու, որովհետև նրանք իրականում պայքարում են երկրի ինքնիշխանության ու անկախության դեմ։ Այսուհետ այս Ազգային ժողովում ես ներկայացնում եմ «Հանուն Հանրապետության» քաղաքական նախաձեռնությունը։ Վերջին օրերին տեղի ունեցող իրադարձությունները գնահատում ենք հենց այս՝ ինքնիշխանության ու անկախության պաշտպանության համատեսքստում՝ պատրաստակամություն հայտնելով բոլոր հնարավոր և օրինական միջոցներով աջակցելու այդ պայքարին։ «Հանուն Հանրապետության» նախաձեռնությունը արձանագրում է, որ ինքնիշխանության ու անկախության պաշտպանության ճանապարհին օլիգարխիայի կազմաքանդումն ու հիմնահատակ վերացումն անխուսափելի է ու անայլընտրանք։ Օլիգարխիան՝ որպես ինստիտուտ, և համակարգ Հայաստանում այլևս չպետք է գոյություն ունենա։ Հայաստանը կարող է զարգանալ միայն մրցակցային տնտեսական ու քաղաքական համակարգերի առկայության դեպքում, որոնք հակացուցված են օլիգարխիային։ «Հանուն Հանրապետության» նախաձեռնությունն արձանագրում է, որ օլիգրախիայի կազմաքանդումն ունի ինչպես ներքին, այնպես էլ արտաքին քաղաքական կարևորագույն նշանակություն և ուղղակիորեն առնչվում է Հայաստանի ինքնիշխանությանն ու անկախությանը։ Մենք վճռական ու հաստատակամ ենք այս պայքարում, որում անկասկած հաղթելու ենք։ Հաղթելու ենք հանուն Հայաստանի Հանրապետության քաղաքացու և հանուն հանրապետության»։
18:34 - 16 հունիսի, 2020
Դրական եզրակացություն է տրվել «Տեսալսողական մեդիայի մասին» օրենքի նախագծին. Մխիթար Հայրապետյան

Դրական եզրակացություն է տրվել «Տեսալսողական մեդիայի մասին» օրենքի նախագծին. Մխիթար Հայրապետյան

ՀՀ ԱԺ պատգամավոր, ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը տեղեկացնում է, որ այսօր ԱԺ ԿԳՄՍԵՍ հարցերի մշտական հանձնաժողովը  դրական եզրակացություն է տվել պատգամավորներ Վահագն Թևոսյանի, Արման  Բաբաջանյանի և իր կողմից հեղինակված «Տեսալսողական մեդիայի մասին» օրենքի նախագծին: «Հարկ եմ համարում հիշեցնել, որ սույն նախագիծը, որը համարում եմ մեկ և կես տարվա օրենսդիր գործունեությանս կարևորագույն աշխատանքներից մեկը, գալիս է փոխարինելու «Հեռուստատեսության և ռադիոյի մասին» գործող օրենքին, որը, ըստ իս, այլևս չի համապատասխանում ժամանակի պահանջներին, իմա՝ հնացած է: Իսկ ինչի՞ մասին է սույն նախագիծը: Օրենսդրական փաթեթի նպատակն է ապահովել յուրաքանչյուրի իրավունքը` ստանալու հավաստի տեղեկատվություն, երաշխավորել խմբագրական անկախության և կարծիքի արտահայտման ազատության իրավունքը, ապահովել տեսալսողական մեդիայի ոլորտը կարգավորող մարմնի անկախությունը, հանրային տեսալսողական մեդիածառայությունների գործունեության նկատմամբ կառավարումն ապահովող և հսկողություն իրականացնող մարմնի անկախությունը, տեսալսողական տեղեկատվության տարածքի պաշտպանությունն ու զարգացումը, ապահովել, օժանդակել և զարգացնել տեսալսողական հաղորդումների բազմազանությունը: Նախագիծը սահմանում է տեսալսողական մեդիածառայությունների, տեսալսողական տեղեկատվություն տարածողների կարգավիճակը, կանոնակարգում է լիցենզավորման, թույլտվության տրամադրման, ծանուցումների ստացման կարգը, իրավունքների ու պարտականությունների առաջացման հիմքերը, գործունեության ընթացքում ծագող հարաբերությունները: Նախագծի ընդունմամբ ակնկալվում է հանրային հեռարձակողների տեսալսողական արտադրանքի որակի բարձրացում, իրավական բարենպաստ և հեռանկարանային դաշտի ստեղծում, ոլորտում հավասար մրցակցային միջավայրի ստեղծում, բարձրորակ լրագրության ստեղծում, մեդիա գրագիտության բարձրացում, ատելության խոսքի նվազում, մեդիայի արդյունավետ կառավարում, մեդիա ոլորտում սեփականության իրավունքների թափանցիկություն, հավաստի և բովանդակալից մեդիա արտադրանքի ապահովում, պատասխանատվության անհատականացման ապահովում:Օրինագծում ներկայացված են պահանջներ, որոնց առկայության դեպքում միայն որևէ սուբյեկտ կկարողանա համարվել ՀՀ-ում գործող տեսալսողական մեդիածառայություն: Նախագծի կարևորագույն նպատակներից մեկն էլ տեսալսողական հաղորդումներում հավաստի տեղեկատվության ապահովումն է: Նախագծով կարգավորվում է նաև մայրենի լեզվի անվտանգությունը. առաջարկվում է անցում կատարել հայերեն լեզվով հաղորդումների` անկախ տեսակներից: Նախատեսվում է պահանջ, համաձայն որի, այլ լեզուներով տեսալսողական հաղորդումները պետք է կրկնօրինակել, հնչյունավորել կամ դրանք մատուցել բնօրինակով և ենթագրերով»,- գրել է պատգամավորը:
10:49 - 11 հունիսի, 2020
Արման Բաբաջանյանն առաջարկում է մարզպետարանները, քաղաքապետարանները տրամադրել հիվանդանոցային կարիքի համար |armtimes.com|

Արման Բաբաջանյանն առաջարկում է մարզպետարանները, քաղաքապետարանները տրամադրել հիվանդանոցային կարիքի համար |armtimes.com|

armtimes.com: Տպավորություն է, որ համավարակը վերջնականապես մեկուսացրել է Ազգային ժողովն այն խնդիրներից, որոնք եռում են դրսում։ Ստեղծված իրականությունը այս պահի վկայում է, թե մենք որքան անհաղորդ ենք իրական այն կարիքներին ու խնդիրներին, որոնք այս պահին սպասում են դրսում։ Այս մասին այսօր ԱԺ-ում իր ելույթի ժամանակ ասաց անկախ պատգամավոր Արման Բաբաջանյանը։ Նա մեջբերեց այսօրվա վիճակագրությունը, ըստ որի՝ կա 697 նոր վարակակիր, ուստի եւ նկատեց, որ վիճակը չի թուլանում, այլ ավելի է լարվում։ Այս իրավիճակը բազմիցս գնահատվել է որպես պատերազմ, եւ, Բաբաջանյանի համոզմամբ, այն իսկապես այդպես է, որն ընթանում է տեղեկատվական շատ կոնկրետ եւ դիվերսիոն թիրախավորված հարձակումներով։     «Երեկ եւ այսօր մենք լսում ենք, որ հիվանդանոցները գերբեռնված են, մահճակալների տեղ չկա։ Ես առաջարկում եմ, որ համայնքային սեփականության շենքերը, քաղաքապետարանները, մարզպետարանները եւ, եթե անհրաժեշտ է, Ազգային ժողովը եւ մնացած բոլոր հաստատությունները մենք տրամադրենք հիվանդանոցային կարիքի համար, որովհետեւ բժիշկները ցանկանում են օգնել հիվանդներին, եւ մենք պետք է ցույց տանք, որ ականջալուր ենք նրանց հորդորներին եւ պատրաստ ենք նրանց լսել»,- ասաց պատգամավորը։ Կարդալ ավելին՝ armtimes.com-ում։ 
12:05 - 04 հունիսի, 2020
Գիտական աստիճան ունեցող իրավաբանների համար նախատեսվում է հեշտացնել դատավոր դառնալու կարգը

 |armenpress.am|

Գիտական աստիճան ունեցող իրավաբանների համար նախատեսվում է հեշտացնել դատավոր դառնալու կարգը |armenpress.am|

armenpress.am: ՀՀ Ազգային ժողովն առաջին ընթերցմամբ ընդունելու համար քննարկեց «Հայաստանի Հանրապետության դատական օրենսգիրք» Հայաստանի Հանրապետության սահմանադրական օրենքում փոփոխություն և լրացում կատարելու մասին օրենքի նախագիծը: Այն հեղինակել է անկախ պատգամավոր Արման Բաբաջանյանը: «Հայաստանի Հանրապետության դատական օրենսգիրք» սահմանադրական օրենքի համաձայն՝ իրավաբանական գիտությունների բնագավառում գիտական աստիճան ունեցող և վերջին 8 տարիների ընթացքում առնվազն 5 տարի բարձրագույն ուսումնական հաստատություններում իրավունք դասավանդած կամ գիտական հաստատությունում գիտական աշխատանք կատարած անձն իրավունք ունի դատավորի թեկնածուների հավակնորդների ցուցակում ընդգրկվելու հայտ ներկայացնելու Բարձրագույն դատական խորհուրդ: Պահանջը՝ առնվազն հինգ տարի բարձրագույն ուսումնական հաստատությունում իրավունք դասավանդած լինելու, սահմանափակում է այն անձանց շրջանակը, որոնք այս պահին բարձրագույն ուսումնական հաստատություններում չեն դասավանդում, բայց դրա փոխարեն մասնագիտական, ետբուհական կրթական հաստատություններում են աշխատում, օրինակ՝ Արդարադատության ակադեմիայում»,- ասաց Բաբաջանյանը: Արման Բաբաջանյանը նշեց, որ առաջարկվող փոփոխությամբ նախատեսվում է այս մարդկանց ևս դատավորների հավակնորդների ցուցակում ընդգրկվելու հնարավորություն ընձեռել: Օրենքի նախագիծը դրական եզրակացության է արժանացել խորհրդարանի Պետական-իրավական հարցերի մշտական հանձնաժողովում:
19:37 - 02 հունիսի, 2020
Մենք շարունակելու ենք ապրել գազային ստրկության պայմաններում, ամեն անգամ գազի գնի թանկացման տեսքով ապտակ ստանալով մեր ինքնիշխանությանը․ Արման Բաբաջանյան

Մենք շարունակելու ենք ապրել գազային ստրկության պայմաններում, ամեն անգամ գազի գնի թանկացման տեսքով ապտակ ստանալով մեր ինքնիշխանությանը․ Արման Բաբաջանյան

Երեկ հայտնի դարձավ, որ ՀԾԿՀ-ն  ուսումնասիրել է «Գազպրոմ Արմենիա» ընկերության բաժանորդներին հասնող գազի գինը բարձրացնելու հայտը և սեփական առաջարկություններն է ներկայացրել։ Դրանց համաձայն Հայաստանում  բնական գազի գնաճը կկազմի 4․5 տոկոս։   Այս մասին այսօր Ազգային ժողովի նիստի ընթացքում ասաց անկախ պատգամավոր Արման Բաբաջանյանը։ Վերջինս իր ելույթում մասնավորապես նշեց․ «Ըստ Հնարային ծառայությունները կարգավորող հանձնաժողվի առաջարկի գազի գինը սպառող քաղաքացիների համար չպետք է թանկանա։  «Գազպրոմ Արմենիա» -ն իր ներկայացրած հայտում առաջարկել էր նույնական գազի գին սահմանել բոլոր բաժանորդերի համար, չեղարկելով սոցիալապես անապահովներին մատչելի գնով գազի տրամադրումը, ինչի արդյուքնում գազը նրանց համար կտրուկ, շուրջ 36 տոկոսով կթանկանա։ ՀԾԿՀ-ն ,սակայն,  առաջարկում է անփոփոխ թողնել սոցիալապես անապահով խավին տրվող արտոնությունները։ Իր հայտում «Գազպրոմ Արմենիա» -ն ներկայացրել է մի քանի այլ փոփոխություններ ևս, որոնց ընդունման դեպքում գազը սպառողների համար միջինում 11 տոկոսով   կբարձրանա։ Այսպիսով, մենք հերթական անգամ կանգնում ենք սակագնի փոփոխության խնդրի առաջ, ընդ որում խիստ երկրորդական է, թե քանի տոկոսով  է բարձրանալու գազի սակագինը։ Խնդիրը սակագնի բարձրացման փաստն է ՝ ինքնին, որովհետև այդ թանկացումը տեղի է ունենում միջազգային շուկաներում էներգակիրների՝ այդ թվում գազի էական էժանացման դեպքում։ Դա տեղի է ունենում այն պայմաններում, երբ նույն Ռուսաստանը զգալիորեն նվազեցնում է եվրոպական երկրներին մատակարարվող գազի գինը ։ Սա ռազմավարական գործընկեր երկրի կողմից մեզ ուղղված ոչ բարեկամական քայլ է , որն ակնհայտորեն ունի ոչ թե  տնտեսական , այլ բացառապես  քաղաքական բաղադրիչ։ Ռուսաստանի համար գազի գինը միշտ եղել է քաղաքական լծակ, այդպիսին է  նաև այսօր։ Ընդ որում, ամեն անգամ  գազի սակագնի քննարկման ժամանակ մեզ ուրվականի նման այցի է գալիս Հայաստանի հանցավոր անցյալը, քանի որ այդ անցյալում՝ 2013 թվականին կնքված գազային խայտառակ համաձայնագրի արդյունքում է, որ Ռուսաստանը գազային տոտալ մենաշնորհէ հաստատել Հայաստանում, այդ թվում գազասպառման համակարգի նկատմամբ։ Մենք այսօր, գազի գնի յուրաքանչյուր թանկացման ժամանակ վճարում ենք այդ հանցավոր անցյալի, նախկին իշխանությունների կնքած հակապետական գործարքների համար։ Այս արատավոր իրավիճակներից միակ ելքը այդ խայտառակ համաձայնագրերի վերանայումն է, ինչը բարդ, սակայն անխուսափելի գործընթաց է։ Սա հրամայական է, այլևս, ազգային անվտանգության սպառնալիք հանդիսացող հարց։ Ակնհայտ է սակայն, որ մինչև չվերանայվի այդ համաձայնագիրը մենք շարունակելու ենք ապրել գազային ստրկության պայմաններում։ Ամեն անգամ գազի գնի թանկացման տեսքով ապտակ ստանալով մեր ինքնիշխանությանը։
13:24 - 02 հունիսի, 2020
Դատական համակարգը կայացրել է նախկին իշխանություններին հաճո հերթական վճիռը․ Արման Բաբաջանյան

Դատական համակարգը կայացրել է նախկին իշխանություններին հաճո հերթական վճիռը․ Արման Բաբաջանյան

Ազգայի ժողովի պատգամավոր Արման Բաբաջանյանը  ֆեյսբուքյան իր էջում գրել է՝ Այսօր Վարչական դատարանը՝ դատավոր Ռաֆիկ Խանդանյանի նախագահությամբ բավարարել է ՀՀ երկրորդ նախագահ Ռոբերտ Քոչարյանի պաշտպան Արամ Օրբելյանի հայցադիմումը։ Ըստ այդմ՝ մինչև նոր տեսակի կորոնավիրուսի համավարակի ավարտը Ռ․ Քոչարյանը կշարունակի մնալ «Իզմիրլյան» ԲԿ-ում։ Դատական նիստն ընթացել է դռնփակ ռեժիմով, քանի որ դատարանին ներկայացվել են բժշկական տեղեկություններ։ Սա հերթական դատական վճիռն է, որը մեր դատական համակարգի ախտորոշման արտահայտություններից է։ Մեր բարձրաձայնումներն ու ահազանգերը, որ դատական համակարգի ներկայացուցիչների մեծ մասը շարունակում է գտնվել նախկին իշխանությունների ու օլիգարխների ազդեցության տակ, անհիմն չեն։ Այսօրվա դատական վճիռը կայացրած դատավոր Խանդյանը Երևանի նախկին քաղաքապետ, ՀՀԿ–ական Գագիկ Բեգլարյանի՝ Չոռնի Գագոյի փեսան է և դրանով ամեն ինչ ասված է։ Ակնհայտ է, որ նախկին իշխանության ամենակարկառուն ներկայացուցիչներից մեկի ազգականը չէր կարող Քոչարյանի վերաբերյալ այլ վճիռ կայացնել։ Խնդիրը սակայն ամենևին Քոչարյանի առողջական վիճակը չէ։ Եթե նա իսկապես խոցելի խմբում է և կալանավայրում գտնվելը կարող է վտանգել նրա առողջությունը, ամեն ինչ իրավաչափ է։ Սակայն այս դեպքում խախտվում է սոցիալական արդարադատությունը, քանի որ Քոչարյանի տարիքի ու զանազան հիվանդություններ ունեցող տասնյակ կալանավորներ շարունակում են գտնվել ազատազրկման վայրերում։ Հետևաբար եթե կալանավորներից մեկի, տվյալ դեպքում՝ Ռոբերտ Քոչարյանի նկատմամբ կիրառվում է ազատազրկման մեղմացման այս ռեժիմը, նույնը պետք է կիրառվի նաև համանման վիճակում գտնվող այլ կալանավորների նկատմամբ։ Դա սակայն տեղի չի ունեցել, ինչը հիմք է տալիս ենթադրելու, որ գործ ունենք ընտրովի արդարադատության հետ, որի համար հիմք են հանդիսացել ոչ թե Քոչարյանի առողջական վիճակի վերաբերյալ տեղեկությունները, այլ քաղաքական նպատակահարմարությամբ պայմանավորված գործոնները։ Դատական համակարգը կայացրել է նախկին իշխանություններին հաճո հերթական վճիռը, ինչը լրացուցիչ անգամ գալիս է վկայելու դատավորների շրջանում համատարած վեթինգի իրականացման կենսական անհրաժեշտությունը։ Առանց վեթինգի իրականացման մենք շարունակելու ենք դատական համակարգից ստանալ նման վճիռներ, որոնք սպասարկելու են ոչ թե ՀՀ քաղաքացու ու արդարադատության, այլ նախկին իշխանությունների քաղաքական և այլ շահերը։
18:37 - 29 մայիսի, 2020
ԱԺ պետական-իրավական հարցերի մշտական հանձնաժողովը հավանության է արժանացրել «ՀՀ դատական օրենսգիրք» ՀՀ սահմանադրական օրենքում փոփոխություն եւ լրացում կատարելու մասին» օրենքի լրամշակված նախագիծը

ԱԺ պետական-իրավական հարցերի մշտական հանձնաժողովը հավանության է արժանացրել «ՀՀ դատական օրենսգիրք» ՀՀ սահմանադրական օրենքում փոփոխություն եւ լրացում կատարելու մասին» օրենքի լրամշակված նախագիծը

ՀՀ ԱԺ պետական-իրավական հարցերի մշտական հանձնաժողովը Վլադիմիր Վարդանյանի նախագահությամբ մայիսի 23-ին կայացած հերթական նիստում դրական եզրակացություն է տվել ՀՀ ԱԺ պատգամավոր Արման Բաբաջանյանի հեղինակած «ՀՀ դատական օրենսգիրք» ՀՀ սահմանադրական օրենքում փոփոխություն եւ լրացում կատարելու մասին» օրենքի լրամշակված նախագծին, որը մանրամասնորեն քննարկվել էր հանձնաժողովի նախորդ նիստերի ընթացքում: ՀՀ ԱԺ պատգամավորներ Գեւորգ Պետրոսյանի, Շաքե Իսայանի, Ջանիբեկ Հայրապետյանի, Արայիկ Աղաբաբյանի հեղինակած «ՀՀ քաղաքացիական դատավարության օրենսգրքում» լրացում կատարելու մասին» օրինագծի քվեարկությունը հետաձգվել է մինչեւ երկուշաբթի՝ մայիսի 25-ը, պայմանավորված հիմնական զեկուցողի բացակայությամբ: Հանձնաժողովի նախագահի տեղեկացմամբ՝ օրինագծի վերաբերյալ աշխատանքային քննարկումներ է կազմակերպվել դատական ոլորտի ներկայացուցիցների հետ:
19:24 - 23 մայիսի, 2020
Բադասյանի զեկույցը վերջին կաթիլն էր, որը հօդս ցնդեցրեց դատաիրավական համակարգում արմատական փոփոխությունների սպասող մարդկանց հույսերը. Արման Բաբաջանյան
 |pastinfo.am|

Բադասյանի զեկույցը վերջին կաթիլն էր, որը հօդս ցնդեցրեց դատաիրավական համակարգում արմատական փոփոխությունների սպասող մարդկանց հույսերը. Արման Բաբաջանյան |pastinfo.am|

pastinfo.am: Ազգային ժողովի անկախ պատգամավոր Արման Բաբաջանյանը հայտարարել է, որ պատրաստվում է վեթինգի դիմադրական շարժում ստեղծել։ «Փաստինֆո»-ն զրուցել է պատգամավորի հետ ու փորձել ճշտել, թե ովքեր են շարժման անդամները և ինչպես են պատրաստվում դատական համակարգի ներկայացուցիչների մասին տեղեկատվություն հավաքագրել։ -Պարոն Բաբաջանյան, հայտարարեցիք, որ դատական համակարգի նվիրյալ ներկայացուցիչների հետ պատրաստվում եք վեթինգի դիմադրական շարժում ստեղծել, ովքե՞ր են Ձեր նախաձեռնած շարժման անդամները, կարո՞ղ եք թվել նրանցից մի քանիսի անունները։ - Այդ նախաձեռնության մասին իմ հայտարարությունից հետո ինձ դիմել են բազմաթիվ իրավապաշտպաններ, փաստաբաններ, այո, նաև դատական համակարգի ներկայացուցիչներ։ Քանի որ դեռևս չունեմ նրանց անունները հրապարակելու համաձայնություն, այս պահին չեմ կարող կոնկրետ մարդկանց նշել։ Բայց ասեմ, որ վստահ եմ՝ նախաձեռնությունը կլինի բազմամարդ ու բազմաշերտ, քանի որ դրա առջև դրված նպատակներն առնչվում են թավշյա հեղափոխության ամենահիմնական հռչակումներից մեկին՝ երկրում արդարության ու արդարադատության վերականգմանը և հաստատմանը։ Իսկ հեղափոխությանը մասնակցել են մեր հարյուր հազարավոր քաղաքացիներ։ Հետևաբար, կարծում եմ, որ մենք մեր նախաձեռնությամբ, ըստ էության, ներկայացնում ենք մեր քաղաքացիների մեծամասնության պահանջը, քանի որ հեղափոխությունը մեծ չափով տեղի է ունեցել առաջին հերթին երկրում խարխլված, ոտնահարված արդարությունը վերականգնելու համար։ Այնպես, որ մոտ ապագայում հանրությունը կտեղեկացվի մեր նախաձեռնության բոլոր անդամների մասին։ -Ըստ էության, Կոռուպցիայի կանխարգելման հանձնաժողովին է վերապահված իրականացնել այն գործառույթները, որոնք պատրաստվում է իրականացնել Ձեր նախաձեռնած շարժումը։ Արդյո՞ք հանձնաժողովի աշխատանքներից դժգոհությունն է պատճառ հանդիսացել, որ ինքներդ եք որոշել ստեղծել համանման գործառույթներ իրականացնող շարժում։ - Ոչ միայն Կոռուպցիայի կանխարգելման հանձնաժողովը, այլ նաև բազմաթիվ այլ պետական կառավարման մարմիններ, գերատեսչություններ անցած երկու տարիներին պետք է զբաղվեին նրանով, ինչով ցանկանում ենք զբաղվել մենք։ Եվ այդ իմաստով, այո, պետական կառավարման մարմինները, իրավապահ կառույցները տապալել են այդ խնդիրը։ Հիշեցնեմ, որ ուղիղ մեկ տարի առաջ այս օրերին վարչապետ Նիկոլ Փաշինյանը հանդես եկավ դատաիրավական համակարգում համալիր բարեփոխումներ իրականացնելու նախաձեռնությամբ՝ նշելով, որ դրա շրջանակներում պետք է տեղի ունենա դատավորների համատարած վեթինգ։ Սակայն անցած շաբաթ վարչապետի մոտ կայացած քննարկման ժամանակ արդարադատության նախարար Ռուստամ Բադասյանը երկրի ղեկավարին այդ հանձնարարականի կատարման մասին զեկուցելու փոխարեն, նրան ներկայացրեց այն հիմքերը, թե ինչու հնարավոր չէ վեթինգ իրականացնել առանց սահմանադրական փոփոխությունների։ Դա վերջին կաթիլն էր, որը հօդս ցնդեցրեց դատաիրավական համակարգում արմատական փոփոխությունների սպասող մարդկանց հույսերն ու ակնկալիքները։ Բայց եթե իշխանությունը չի ցանկանում կատարել այդ բարեփոխումները, չի նշանակում, որ պետք է համակերպվել դրա հետ։ Հակառակը՝ պետք է ձևակերպել ու ներկայացնել հանրության մեծամասնության այդ պահանջը ու իշխանություններին բոլոր հնարավոր միջոցներով դրդել կատարել իրենց իսկ տված խոստումները։ Այլապես, ինչպես առիթ եմ ունեցել ասելու, մենք վերջնականապես տանուլ կտանք հեղափոխությունը, որովհետև դրա ամենամեծ դիմադրությունը գտնվում է հենց դատական համակարգում։  
20:50 - 19 մայիսի, 2020
Համատարած վեթինգին հնարավոր է անդրադառնալ Սահմանադրության փոփոխություններից հետո․ Արդարադատության նախարար Ռուստամ Բադասյան

Համատարած վեթինգին հնարավոր է անդրադառնալ Սահմանադրության փոփոխություններից հետո․ Արդարադատության նախարար Ռուստամ Բադասյան

ՀՀ Արդարադատության նախարար Ռուստամ Բադասյանը ֆեյսբուքյան իր էջում գրում է․ «ԱԺ պատգամավոր Արման Բաբաջանյանը կրկին անդրադարձել է վեթինգի թեմային, կրկին անպատասխանատու եզրահանգումներ է կատարել, որի վերաբերյալ ևս մեկ անգամ պարզաբանում եմ.Թե՛ դատական օրենսգրքի փոփոխություններով, թե՛ սահմանադրական փոփոխություններով դատական համակարգում արմատական փոփոխություններ ենթադրող օրակարգը պաշտոնապես բերվել է ՀՀ արդարադատության նախարարության կողմից, մասնավորապես, դեռևս ամռան ամիսներին շրջանառվել և նախորդ տարվա հոկտեմբերին ընդունվել է ՀՀ դատական և իրավական բարեփոխումների 2019-2023 թվականների ռազմավարությունը և դրանից բխող գործողությունների ծրագիրը հաստատելու մասին ՀՀ կառավարության որոշումը։ Վարչապետի հետ զրույցի ընթացքում նշվել է, որ վեթինգի հարցը ներկայիս Սահմանադրության թույլատրած շրջանակում Դատական օրենսգրքով կարգավորել ենք և լրջագույն գործիքներ ենք ներդրել, որի արդյունավետ կիրառումը պրակտիկայում կարող է իրական փոփոխություններ բերել դատական համակարգում:Երկրորդ, ես նշել եմ, որ համատարած վեթինգի դեպքում, ինչը ենթադրում է հատուկ մարմինների ձևավորում, նրանց համապատասխան մանդատի շնորհում և բոլոր դատավորներին ամբողջական ժամանակահատվածի ստուգում, ենթադրում է Սահմանադրության փոփոխություններ, ընդ որում ես արդեն երկու հարցազրույցներում հրապարակային նշել եմ, որ բոլոր այն մարդիկ, ովքեր կարծում են, որ սա հնարավոր է անել առանց Սահմանադրության փոփոխությունների, պետք է ներկայացնեն իրենց տարբերակը՝ հիմնավորումներով, ինչը մինչ օրս չի ներկայացվել:Ստացվում է՝ գործ ունենք անպատասխանատու հայտարարությունների հետ:Պատկերացրեք, որ ոչինչ և ոչ մեկ չի կարողացել խանգարել Կառավարությանը Ապօրինի ծագում ունեցող գույքի բռնագանձման մասին օրենքը ներկայացնել ԱԺ, որն ի դեպ, համապատասխան հիմքերի դեպքում վերաբերելի է նաև դատավորների ապօրինի ծագում ունեցող գույքին, ոչինչ և ոչ մեկ չի կարողացել խանգարել Կառավարությանը քրեական ենթամշակույթը քրեականացնող հոդվածներ սահմանելու հարցում, բայց, փաստորեն, ըստ պարոն Բաբաջանյանի՝ համատարած վեթինգի մասով ես ինչ-որ պատճառներով համոզում եմ զերծ մնալ: Հ.Գ. Եվս մեկ անգամ շեշտեմ, որ համատարած վեթինգին հնարավոր է անդրադառնալ Սահմանադրության փոփոխություններից հետո և մեր ուղիղ եթերի ընթացքում չի հնչել որևէ միտք, որը կբացառեր նման սցենարի հնարավորությունը: Ավելին, նշել եմ, որ մեզ ոչինչ չի խանգարում Սահմանադրության փոփոխություններով, հաշվի առնելով միջազգային փորձը, ներդնել արդյունավետ համակարգ (ընդամենը խոսել ենք նաև հնարավոր ռիսկերի մասին):»
09:57 - 18 մայիսի, 2020