Ինֆոքոմ

Ֆրանսիան Ուկրաինային կտրամադրի ռազմական տեխնիկա, ինչպես նաև 300 միլիոն եվրո ֆինանսական օգնություն․ Մակրոն

Ֆրանսիան Ուկրաինային կտրամադրի ռազմական տեխնիկա, ինչպես նաև 300 միլիոն եվրո ֆինանսական օգնություն․ Մակրոն

Ֆրանսիայի նախագահ Էմանուել Մակրոնը հայտարարել է, որ Ֆրանսիան Ուկրաինային կտրամադրի ռազմական տեխնիկա, ինչպես նաև 300 միլիոն եվրո ֆինանսական օգնություն։ Այս մասին հայտնում է «Ռիա նովոստի»-ն։ Մեկնաբանելով նաև ՌԴ նախագահ Վլադիմիր Պուտինի հետ երեկ՝ փետրվարի 24-ի երեկոյան, տեղի ունեցած զրույցը՝ Մակրոնն ասել է, որ այն Ուկրաինայի նախագահ Զելենսկիի խնդրանքով է տեղի ունեցել, և եղել է արագ, անկեղծ և անմիջական։ «Նպատակն էր առաջին հերթին խնդրել շուտափույթ դադարեցնել ռազմական գործողությունները, և երկրորդ՝ առաջարկել զրուցել Զելենսկիի հետ, որը ցանկանում է, բայց անձամբ չի կարողացել կապ հաստատել նրա հետ։ Առայժմ դա արդյունք չի տվել»,- ասել է Մակրոնը։ Նա նաև ընդգծել է, որ Ֆրանսիան, բացի ԵՄ-ի պատժամիջոցների փաթեթից, սեփական պատժամիջոցները կսահմանի Ռուսաստանի դեմ։ Նրա խոսքով՝ դրանցից կտուժեն մի շարք ռուսներ, որոնց մասին կհայտարարվի ավելի ուշ։ Կրեմլից ավելի վաղ հայտնել էին, որ հեռախոսազրույցի ընթացքում Վլադիմիր Պուտինը սպառիչ բացատրություն է տվել հատուկ ռազմական գործողության անցկացման որոշման պատճառների ու հանգամանքների վերաբերյալ։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝  հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։
11:02 - 25 փետրվարի, 2022
Ուկրաինայի ԳՇ-ն ներկայացրել է սահմանին տիրող իրավիճակը 06:00-ի դրությամբ

Ուկրաինայի ԳՇ-ն ներկայացրել է սահմանին տիրող իրավիճակը 06:00-ի դրությամբ

Ուկրաինայի Զինված ուժերի Գլխավոր շտաբը ներկայացրել է Ուկրաինայի սահմանին տիրող իրավիճակը 06:00-ի դրությամբ. «Հակառակորդը ավիահարված է հասցրել Կրոպիվնիցկի քաղաքի մերձակայքում գտնվող ստորաբաժանումներին։ Հակառակորդի ուղղաթիռների զգալի ակտիվություն է նկատվել Վելիկովոյի և Տիրասպոլի վերևի հատվածում։ Ուկրաինայի ԶՈՒ օդադեսանտային գրոհայինները կռվում են Դայմեր և Իվանկիվ բնակավայրերի տարածքներում, որտեղ հակառակորդի մեծ թվով զրահամեքենաներ են առաջ եկել, և կանգնեցրել են թշնամու ճնշող ուժերը Տտերիվ գետի սահմանին։ Գետի վրայով անցնող կամուրջը քանդվել է»։ Ուկրաինայի ԳՇ-ն հայտնում է, որ մարտավարական մեկ այլ խումբ պահպանում է «Գոստոմել» օդանավակայանը, որտեղ երեկ շարժվել են ռուսական զորքերը։ Իսկ օդային ուժերը պաշտպանում են մայրաքաղաք Կիևի երկինքը։ Գլխավոր լուսանկարը՝ unian.net-ի
09:39 - 25 փետրվարի, 2022
Դոնեցկի Գորլովկա քաղաքի գնդակոծման հետևանքով 2 մարդ է զոհվել, ևս 6 մարդ վիրավորվել․քաղաքապետ

Դոնեցկի Գորլովկա քաղաքի գնդակոծման հետևանքով 2 մարդ է զոհվել, ևս 6 մարդ վիրավորվել․քաղաքապետ

Ուկրաինայի կողմից Դոնեցկի Ժողովրդական Հանրապետության Գորլովկա քաղաքի գնդակոծման հետևանքով երկու մարդ է զոհվել, ևս վեց մարդ վիրավորվել է, վնասվել են 45 ենթակառուցվածքային օբյեկտներ։ ՏԱՍՍ-ի փոխանցմամբ այս մասին Telegram-ի իր ալիքում հայտնել է Գորլովկայի քաղաքապետ Իվան Պրիխոդկոն։ «Այսպիսով, մեր ազատագրման առաջին օրն է անցել։ Ցավոք, մեր բնակիչներից երկուսը զոհվել են, վեցը վիրավորվել»,- գրել է քաղաքապետը: Նրա խոսքով, Գորլովկայում Ուկրաինայի զինված ուժերի գնդակոծությունից տուժել են 45 բնակարանային և ենթակառուցվածքային օբյեկտներ, այդ թվում՝ 26 մասնավոր և 3 բազմաբնակարան շենք, 9 էլեկտրահաղորդման գիծ, ​​գազատարի 4 խողովակ։ Պրիխոդկոյի խոսքով՝ օրվա ընթացքում Ուկրաինայի ուժայինները քաոսային հարձակումներ են իրականացրել Գորլովկայի տարածքում՝ օգտագործելով ականանետեր, թնդանոթներ և հրթիռային հրետանի։ 
02:00 - 25 փետրվարի, 2022
Ռուսաստանի տարբեր քաղաքներից բերման է ենթարկվել ավելի քան 1722 մարդ

Ռուսաստանի տարբեր քաղաքներից բերման է ենթարկվել ավելի քան 1722 մարդ

ժամը 23:30-ի դրությամբ՝ Ուկրաինա ռուսական զորքերի ներխուժման դեմ իրականացվող ցույցերի արդյունքում Ռուսաստանում բերման է ենթարկվել ավելի քան 1722 մարդ։ Այս մասին հայտնում է ovd.news-ը՝ հավելելով, որ մարդիկ ձերբակալվել են շուրջ 53 քաղաքներից։ Հաղորդվում է, որ միայն Մոսկվայում ձերբակալվել են 948 քաղաքացիներ։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝  հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։
00:37 - 25 փետրվարի, 2022
Նոր պատժամիջոցներ ռուսական չորս բանկերի, «կոռումպացված միլիարդատերերի» նկատմամբ․ Բայդենը ուղերձով է հանդես եկել

Նոր պատժամիջոցներ ռուսական չորս բանկերի, «կոռումպացված միլիարդատերերի» նկատմամբ․ Բայդենը ուղերձով է հանդես եկել

Հինգշաբթի նախագահ Ջո Բայդենը հրապարակել է նոր, խիստ պատժամիջոցներ Ռուսաստանի նկատմամբ, որոնք կոչված են պատժելու երկրին Ուկրաինա լայնամասշտաբ ներխուժման համար։ Բայդենը Ռուսաստանի նախագահ Վլադիմիր Պուտինին քննադատել է իր ագրեսիայի համար, սակայն ընդունելով, որ  ձեռնարկված նոր միջոցներից ժամանակ կպահանջվի Պուտինի վարքագիծը փոխելու համար: «Պուտինն ագրեսորն է։ Պուտինն ընտրեց այս պատերազմը։ Եվ այժմ նա և իր երկիրը պատասխանատվություն են կրելու հետևանքների համար»,- ասել Է Բայդենը՝ շարադրելով միջոցառումների համալիր, որոնք «շատ թանկ կարժենան ռուսական տնտեսության համար»։ Նոր պատժամիջոցները ներառում են տեխնոլոգիաների արտահանման արգելք, ինչը Բայդենի մոտեցման կենտրոնական տարրն է, որը, նրա խոսքով, լրջորեն կսահմանափակի Ռուսաստանի՝ ռազմական և օդատիեզերական ոլորտը զարգացնելու ունակությունը: Նա նաև պատժամիջոցներ է կիրառել ռուսական չորս բանկերի, «կոռումպացված միլիարդատերերի» և Կրեմլին մոտ գտնվող նրանց ընտանիքների նկատմամբ: Նա հայտարարել Է ՆԱՏՕ-ի արևելյան թևում ցամաքային և ռազմաօդային նոր ուժերի տեղակայման մասին, թեև հաստատել է, որ ամերիկյան զորքերը ուղղակիորեն չեն մասնակցի Ուկրաինայում հակամարտությանը։ «Մեր ուժերը չեն մասնակցում և չեն մասնակցելու հակամարտությանը»,- ասել է նա: «Մեր զորքերը Եվրոպա են գնում ոչ թե Ուկրաինայում պատերազմելու, այլ ՆԱՏՕ-ի մեր դաշնակիցներին պաշտպանելու համար»։ Իր ելույթում Բայդենը Ռուսաստանի ներխուժումը հարևան երկիր բեկումնային պահ է անվանել, որը կարող է գլխիվայր շրջել համաշխարհային կարգը: «Պուտինի գործողությունները ներկայացնում են մեր աշխարհի ապագայի չարագուշակ տեսլականը, որտեղ ազգերը ուժով են վերցնում իրենց ուզածը», - ասել է նա: Նա հայտարարել է, որ Ռուսաստանի նախագահի գործողությունները «տնտեսապես և ռազմավարական առումով շատ թանկ կարժենան Ռուսաստանի համար»։
00:01 - 25 փետրվարի, 2022
Չեռնոբիլի ատոմակայանը չի տուժել ներխուժումից

Չեռնոբիլի ատոմակայանը չի տուժել ներխուժումից

Ուկրաինան Ատոմային էներգիայի միջազգային գործակալությանը (ՄԱԳԱՏԷ) ծանուցել է, որ «անհայտ զինված ուժերը» վերահսկողության տակ են վերցրել Չեռնոբիլի ատոմակայանը․ կայանը չի տուժել։ ՏԱՍՍ-ի փոխանցմամբ՝ այս մասին հայտարարել է գործակալության գլխավոր տնօրեն Ռաֆայել Գրոսսին։  Ավելի վաղ Ուկրաինայի վարչապետ Դենիս Շմիգալը ճեպազրույցի ժամանակ հաստատել էր, որ ռուսական զորքերը գրավել են Չեռնոբիլի ատոմակայանի շենքը։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝  հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։  
23:34 - 24 փետրվարի, 2022
Ջոնսոնը հայտարարել է ՎՏԲ բանկի և «Աէրոֆլոտ» ավիաընկերության դեմ պատժամիջոցներ սահմանելու մասին

Ջոնսոնը հայտարարել է ՎՏԲ բանկի և «Աէրոֆլոտ» ավիաընկերության դեմ պատժամիջոցներ սահմանելու մասին

Հինգշաբթի Մեծ Բրիտանիայի վարչապետը հայտարարել է ՎՏԲ բանկի և «Աէրոֆլոտ» ավիաընկերության դեմ պատժամիջոցներ սահմանելու մասին՝ արգելելով «Աէրոֆլոտի» թռիչքները Մեծ Բրիտանիա: Ընկերությունը շաբաթական մի քանի չվերթ էր իրականացնում Մոսկվա - Լոնդոն երթուղով։ Ընկերությանը կարող են նաև արգելել Մեծ Բրիտանիայի տարածքի վրայով թռիչքները։ Ջոնսոնը նաև պարզաբանել է, որ խոսքը Մեծ Բրիտանիայում ՎՏԲ բանկի ակտիվների ամբողջական սառեցման մասին է: Ռուսական բանկերը, որոնց դեմ պատժամիջոցներ են սահմանվել, ամբողջությամբ անջատվելու են Մեծ Բրիտանիայի ֆինանսական համակարգից, նրանց հասանելի չեն լինելու ֆունտ ստերլինգով գործարքները: Մեծ Բրիտանիան նաև արգելել է բարձր տեխնոլոգիական արտադրանքի արտահանումը Ռուսաստան: Նման միջոցները սովորաբար կիրառվում են երկրի երկարաժամկետ զարգացումը զսպելու համար։ Ջոնսոնը նաև հայտարարել է Ռուսաստանի և ռուսական ընկերությունների համար Մեծ Բրիտանիայում ֆինանսավորում ստանալու արգելքի մասին: Դա կարող է հանգեցնել նրան, որ ռուսական ընկերություններն այլևս չեն կարողանա իրենց թղթերը տեղադրել Լոնդոնի բորսայում, որը նրանց մոտ չափազանց տարածված էր։ Բացի այդ, Ջոնսոնը խոստացել է հետաքննել այն, թե ինչպես են հարուստ ռուսաստանցիները ձեռք բերել իրենց ունեցվածքը. «Օլիգարխները թաքնվելու տեղ չեն ունենալու», - հայտարարել է նա:
22:56 - 24 փետրվարի, 2022
ԵԱՀԿ առաքելության բոլոր անդամները ժամանակավորապես կտարհանվեն Ուկրաինայից․ Հելգա Շմիդ

ԵԱՀԿ առաքելության բոլոր անդամները ժամանակավորապես կտարհանվեն Ուկրաինայից․ Հելգա Շմիդ

ԵԱՀԿ գլխավոր քարտուղար Հելգա Շմիդը հայտնել է, որ որոշում է կայացրել հնարավորինս շուտ ժամանակավորապես տարհանել Ուկրաինայից ԵԱՀԿ առաքելության բոլոր անդամներին։ Այս մասին, ինչպես փոխանցում է «Ռիա նովոստին», հայտնել են կազմակերպության մամուլի ծառայությունից։ «Կապված Ուկրաինայում շարունակվող ռազմական գործողությունների և անվտանգության վատթարացող իրավիճակի հետ՝ ԵԱՀԿ գործող նախագահի հետ համաձայնությամբ որոշել եմ որքան հնարավոր է շուտ Ուկրաինայից ժամանակավորապես տարհանել միջազգային առաքելության բոլոր անդամներին»,- հայտնել է Շմիդը։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝  հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։
22:53 - 24 փետրվարի, 2022
Իրանի նախագահը Պուտինի հետ զրույցում ըմբռնումով է մոտեցել Ռուսաստանի մտահոգություններին՝ ԱՄՆ-ի և ՆԱՏՕ-ի ապակայունացնող գործողությունների վերաբերյալ

Իրանի նախագահը Պուտինի հետ զրույցում ըմբռնումով է մոտեցել Ռուսաստանի մտահոգություններին՝ ԱՄՆ-ի և ՆԱՏՕ-ի ապակայունացնող գործողությունների վերաբերյալ

ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Սեյյեդ Էբրահիմ Ռաիսիի հետ, իրանական կողմի նախաձեռնությամբ: «Ռիա Նովոստի»-ի փոխանցմամբ՝ այս մասին հայտնում է Կրեմլը։ «Վլադիմիր Պուտինը տեղեկացրել է Ուկրաինայի շուրջ իրավիճակի զարգացումների մասին։ Ինչպես նաև Դոնբասի հանրապետությունների խաղաղ բնակչության պաշտպանության համար հատուկ ռազմական գործողություն իրականացնելու որոշման համատեքստում՝ միջազգային իրավունքին և ԴԺՀ-ի ու ԼԺՀ-ի հետ բարեկամության և փոխօգնության պայմանագրերով ստանձնած պարտավորություններին մասին։Իր հերթին Իրանի նախագահը ըմբռնումով է մոտեցել Ռուսաստանի մտահոգություններին ԱՄՆ-ի և ՆԱՏՕ-ի ապակայունացնող գործողությունների վերաբերյալ»,-ասված է հաղորդագրության մեջ։ 
22:39 - 24 փետրվարի, 2022
Չեռնոբիլի ատոմակայանի շենքը անցել է ռուսական կողմի վերահսկողության տակ

Չեռնոբիլի ատոմակայանի շենքը անցել է ռուսական կողմի վերահսկողության տակ

Ուկրաինայի վարչապետ Դենիս Շմիգալը ճեպազրույցի ժամանակ հաստատել է, որ ռուսական զորքերը գրավել են Չեռնոբիլի ատոմակայանի շենքը։ Այս մասին հայտնում է BBC-ի ռուսական ծառայությունը։ Զինվորականները ուրբաթ առավոտյան մտել են Չեռնոբիլի ատոմակայանի մեկուսացման գոտի։ Ավելի վաղ ուկրաինական իշխանությունները տարհանել են բնակիչներին։ Ներքին գործերի նախարար Անտոն Գերաշչենկոն սոցցանցերում գրել էր, որ Ուկրաինայի ազգային գվարդիայի ուժերը, որոնք պաշտպանում էին միջուկային թափոնները, դիմադրություն են ցույց տվել։ Փետրվարի 24-ի առավոտյան ՌԴ նախագահ Վլադիմիր Պուտինը հայտարարել է հատուկ ռազմական գործողություն իրականացնելու մտադրության մասին, որի նպատակն է պաշտպանել մարդկանց, «որոնք ութ տարի շարունակ Կիևի ռեժիմի կողմից ենթարկվել են բռնությունների ու ցեղասպանության»։ Ուկրաինայի արտաքին գործերի նախարարությունը հայտարարել է, որ Պուտինը պատերազմ է սանձազերծել Ուկրաինայի դեմ՝  հարձակվելով ուկրաինական խաղաղ քաղաքների վրա։ Ուկրաինայի օդային սահմանը փակվել է, այդ երկրում ռազմական դրություն է հայտարարվել։  
22:38 - 24 փետրվարի, 2022
Ուկրաինան պնդում է, որ ռուսական կողմը ցանկացել է ահաբեկչություն իրականացնել Չեռնոբիլի ատոմակայանում

Ուկրաինան պնդում է, որ ռուսական կողմը ցանկացել է ահաբեկչություն իրականացնել Չեռնոբիլի ատոմակայանում

Ռուսական զորքերը, որոնք հարձակվել են Ուկրաինայի վրա, օպերատիվ դադար են վերցրել և վերախմբավորվում են, սակայն դիրքային մարտերը շարունակվում են երկրի գրեթե ողջ տարածքում Ռուսաստանի Դաշնության և Բելառուսի հետ սահմանի մոտ։  Այս մասին ճեպազրույցի ժամանակ հայտարարել է Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը։ Նրա խոսքով Ուկրաինայի հարավում կատաղի մարտերը շարունակվում են։ «Հարձակման տակ են Հենիչեսկը, Սկադովսկը, Նովա Կախովկան։ Կան բազմաթիվ ֆոտո և վիդեո ձայնագրություններ ռուսական զինված ուժերի հասցրած ավերածությունների մասին, այդ թվում նաև քաղաքացիական ենթակառուցվածքներին»,- ասել է Միխայլո Պոդոլյակը։ Նա նշել է, որ կատաղի մարտերը շարունակվում են նաև Դոնեցկի և Լուգանսկի շրջաններում (ՌԴ-ն ճանաչել է որպես Ինքնահռչակ Հանրապետություններ- խմբ․), և Ուկրաինայի զինված ուժերը պատրաստ էին իրադարձությունների նման զարգացմանը։ Ուկրաինացի պաշտպանները շատ ակտիվ են դիմադրում և նույնիսկ սահմանից որոշ հեռավորություն են մղում հակառակորդին։ Պետության նախագահի գրասենյակի ղեկավարի խորհրդականն ընդգծել է, որ Ուկրաինան դեռևս վերահսկում է սննդի մատակարարումը և ենթակառուցվածքները, որոնք ապահովում են մարդկանց սովորական կյանքը։ Պոդոլյակը նշել է, որ Ուկրաինայի հարավում և արևելքում ռուսական զինված ուժերը ոչ միայն հարձակվում են ռազմական ենթակառուցվածքների վրա, այլև սկսել են արագ հարվածներ հասցնել քաղաքացիական օբյեկտներին․ «Վուգլեդարում հիվանդանոցը հրթիռակոծության է ենթարկվել։ Գրադներով գրոհվում են նաև Մարիուպոլի թաղամասերը»։ «Կան նաեւ օպերատիվ տվյալներ, որ ռուսական կողմը ցանկացել է ահաբեկչություն իրականացնել Չեռնոբիլի ատոմակայանում եւ առաջացնել բնապահպանական հզոր աղետ։ Սա էապես փոխում է պատկերը, թե ինչ է կատարվում Ուկրաինայում։ Հասկանալի է, որ Ռուսաստանը չի ցանկանում պարզապես տապալել իշխանությունը կամ փոխարինել նրան խամաճիկներով, ՌԴ-ն ցանկանում է առավելագույն ավերածություններ առաջացնել Ուկրաինայում, նույնիսկ բնապահպանական բնույթի»,- ասել է պետության ղեկավարի գրասենյակի ղեկավարի խորհրդականը։ Նա նաև ընդգծել է, որ Վլադիմիր Զելենսկին շարունակում է ակտիվորեն աշխատել օտարերկրյա գործընկերների հետ։
21:42 - 24 փետրվարի, 2022