Անահիտ Ավանեսյան

ՀՀ առողջապահության նախարար։

Ծնվել է 1981 թվականի մարտի 21-ին Երևանում: 1997-2003 թվականներին սովորել է Երևանի պետական համալսարանում, ստացել քաղաքացիական իրավունքի մագիստրի կոչում: 2002-2004-ին շարունակել է կրթությունը Հայաստանի ամերիկյան համալսարանում, ստացել իրավունքի մագիստր կոչումը:

2002-2004 թվականներին սովորել է Առաջնորդների զարգացման կենտրոնում: 2003-ին մասնակցել է Անդրկովկասի և Հարավային Կովկասի երիտասարդ կանանց առաջնորդության ծրագրին, 2003-ին Եվրախորհրդում՝ Ստրասբուրգ, ծանոթացել է Եվրախորհրդի կառուցվածքին և գործառույթներին:

Աշխատանքային գործունեությունը սկսել է ՀՀ արտաքին գործերի նախարարության իրավաբանական վարչությունում (2000-2001թթ.):

2001-2002 թվականներին Պետական ռեզերվների գործակալությանը իրավախորհրդատվություն է մատուցել:

2005-2015 թվականներին եղել է «Դեմոկրատիան այսօր» ՀԿ-ի իրավախորհրդատուն:

2014-2015 թվականներին զբաղեցրել է «Արֆարմացիա» ՓԲԸ ադմինիստրատիվ գծով տնօրենի պաշտոնը: Այնուհետև` մինչև 2016 թվականը նշանակվել է կազմակերպության գլխավոր տնօրեն:

2017-ից մինչև 2018 թվականը եղել է «Աբովյան 39» ՍՊԸ տնօրենը, նույն ժամանակահատվածում եղել է նաև «Արֆարմացիա» ՓԲԸ խորհրդի անդամ:

2018 թվականի մայիսի 24-ից զբաղեցրել է առողջապահության նախարարի տեղակալի պաշտոնը, 2020 թվականի մայիսի 11-ից` առողջապահության նախարարի առաջին տեղակալի:

2021 թվականի հունվարի 18-ին Անահիտ Ավանեսյանը նշանակվել է առողջապահության նախարար:

Ամուսնացած է, ունի 3 զավակ: 

Պատվաստված քաղաքացիները վարակելիության առումով 7 օր հետո այլևս վտանգ չեն ներկայացնում․ Անահիտ Ավանեսյան |tert.am|

Պատվաստված քաղաքացիները վարակելիության առումով 7 օր հետո այլևս վտանգ չեն ներկայացնում․ Անահիտ Ավանեսյան |tert.am|

tert.am: Տարբեր գնահատումներով 8–9 հազարից ավելի մահ է գրանցվել կորոնավիրուսի հետևանքով, այս ընթացքում կառավարությունը, առողջապահության նախարարությունը  ջանք գործադրե՞լ է՝ հետազոտություն անել, թե դիմակակրությունը քանի՞ կյանք փրկեց։ Այս մասին այսօր Ազգային ժողովում կառավարության հետ հարցուպատասխանի ժամանակ առողջապահության նախարար Անահիտ Ավանեսյանին հարցրեց «Հայաստան» դաշինքի պատգամավոր Գեղամ Նազարյանը։ Պատգամավորը հարցրեց, թե Հայաստանում պատվաստանյութերը հետազոտության ենթարկվե՞լ են և ինչո՞ւ մեկուսանալու համար նախատեսված երկու շաբաթը դարձավ մեկ շաբաթ։ Անահիտ Ավանեսյանը պատասխանեց, որ ոչ միայն Հայաստանում է իրականացվում փորձի ամփոփումներ, այլ նաև ամբողջ աշխարհում: Նա մեջբերեց մի շարք հոդվածներ, որոնք պնդում են, որ դիմակները կանխարգելիչ միջոցառում են և կրում են կարևոր դերակատարում վարակի տարածելության հարցում։ Նա նշեց, որ բոլոր պատվաստանյութերը անցել են երեք աստիճանի փորձաքննություն, և Հայաստանում բոլոր պատվաստանյութերը համապատասխանում են այս չափանիշներին։ Անաշխատունակության թերթիկի հետ կապված նախարարը նշեց, որ պատվաստված քաղաքացիները վարակելիության առումով յոթ օր հետո այլևս վտանգ չեն ներկայացնում։
17:55 - 09 փետրվարի, 2022
Այս պահին հիվանդանոցներում գտնվող քաղաքացիների շրջանում մինչև 80 տոկոս շրջանառվող շտամն «Օմիկրոնն» է. Ավանեսյան |1lurer.am|

Այս պահին հիվանդանոցներում գտնվող քաղաքացիների շրջանում մինչև 80 տոկոս շրջանառվող շտամն «Օմիկրոնն» է. Ավանեսյան |1lurer.am|

1lurer.am: Միանշանակ այս պահին հիվանդանոցներում գտնվող քաղաքացիների շրջանում մինչև 80 տոկոս շրջանառվող շտամն «Օմիկրոնն» է, և պարզ է, որ գրանցվող մահերի մեջ էլ կան այս շտամով վարակվածներ: Այս մասին Կառավարությունում ճեպազրույցի ժամանակ ասաց ՀՀ առողջապահության նախարար Անահիտ Ավանեսյանը: «Միանշանակ չպետք է զգոնությունը թուլացնել և թեթև վերաբերվել այս շտամին»,- ասաց Ավանեսյանը: Նախարարը հիշեցրեց, որ «Օմիկրոնի» պարագայում ախտանշաններն ավելի նման են հարբուխի ախտանշաններին՝ հազ, փռշտոց, նաև ջերմաստիճանի որոշակի բարձրացում: «Նման ախտանշաններ ունենալիս, միանշանակ, արժի նաև թեստավորվել՝ հասկանալու համար, թե «Օմիկրոնո՞վ» է վարակված քաղաքացին, թե՞ ոչ: Իհարկե մենք նկատում ենք ծանրության որոշակի թեթևացում հիվանդացածների շրջանում, եթե նույն այս թվերը մենք ունենայինք «Դելտա» շտամի պարագայում, իսկապես համակարգի հոսպիտալացման աստիճանը և ծանրաբեռնվածությունն անհամեմատ ավելի մեծ կլինեին»,- ասաց Անահիտ Ավանեսյանը: Նախարարը նշեց, որ հիվանդացության միջին տարիքը 47 տարեկանն է, նկատվում է տարիքի նվազում: «Օմիկրոնով» մինչև 18 տարեկան երեխաներն էլ են հաճախ հիվանդանում: «Մեր մանկական բժշկական կենտրոններն այս պահին լարված ռեժիմով աշխատում են՝ պացիենտներին բժշկական օգնություն տրամադրելու համար: Մանկական բաժանմունքները ծանրաբեռնված են: Շատ դեպքերում, երբ դիմում են հիվանդանոց այլ խնդիրներով, հայտնաբերվում է նաև «Օմիկրոն» շտամը»,- ասաց Անահիտ Ավանեսյանը:
14:02 - 03 փետրվարի, 2022
Գերմանիան ՀՀ առողջապահության նախարարությանը բժշկական սարքեր է նվիրել

Գերմանիան ՀՀ առողջապահության նախարարությանը բժշկական սարքեր է նվիրել

Հիվանդությունների վերահսկման և կանխարգելման ազգային կենտրոնի (ՀՎԿԱԿ) «Ռեֆերենս լաբորատոր կենտրոն» մասնաճյուղում տեղի է ունեցել Գերմանիայի միջազգային համագործակցության ընկերության (GIZ) «Տեղահանված և տեղաբնակ խոցելի խմբերի տնտեսական և սոցիալական ներգրավվածությունը Հարավային Կովկասում» (EPIC) ծրագրի շրջանակներում ձեռք բերված բժշկական սարքերի հանձնման արարողությունը: Այս մասին տեղեկացնում է ՀՀ առողջապահության նախարարության ֆեյսբուքյան էջը: Միջոցառմանը մասնակցել են առողջապահության նախարար Անահիտ Ավանեսյանը, Հայաստանում Գերմանիայի դեսպան Վիկտոր Ռիխտերը, ԳՄՀԸ հայաստանյան գրասենյակի ղեկավար Մադլեն Ռաուշենբերգերը, EPIC ծրագրի ղեկավար Կարինե Սիմոնյանը, պաշտոնատար այլ անձինք: «Շնորհակալություն այս նախագծի համար. մեր երկրների առջև ծառացած մարտահրավերները հնարավոր են հաղթել, եթե բոլորս համախմբված շարժվենք մեկ ուղղությամբ: Այս համավարակը ևս մեկ անգամ բոլորիս ուշադրությունը կենտրոնացրել է առողջապահական համակարգի վրա, մասնավորապես` ինչ ուղղություններով պետք է ամրապնդենք ոլորտը, որպեսզի կարողանանք մեր բնակչությանը, երկրի քաղաքացիներին պաշտպանել նման իրավիճակներում։ Այս նախագիծը կծառայի մեր համակարգի ամրապնդմանը թե՛ կանխարգելման, թե՛ բուժման առումով»,- ողջունելով ներկաներին` ընդգծել է Անահիտ Ավանեսյանը: Վիկտոր Ռիխտերը շեշտել է նախաձեռնության կարևորությունը, հավելել, որ COVID-19-ի հետևանքով մարդկությունը բախվել է մի մեծ մարտահրավերի հետ, որն ազդում է տնտեսական, սոցիալական բոլոր ասպեկտների վրա, հատկապես տեսանելի է դրա բացասական ազդեցությունն առողջապահական համակարգերի վրա։ «Համավարակի տարածումն իր բացասական ազդեցությունն է թողնում բնակչության տնտեսական և սոցիալական կյանքի որակի վրա։ Այդ ազդեցությունը հատկապես զգում են բնակչության խոցելի խմբերը: Հուսով ենք, որ այս բժշկական սարքերը կօգնեն առաջնագծում գտնվող մասնագետների աշխատանքը թեթևացնելուն, ինչպես նաև ծառայություններն ավելի հասանելի դարձնելուն, այդ թվում` տեղահանված և տեղաբնակ խոցելի խմբերի համար», -  նշել է դեսպանը: «Առողջապահական ոլորտում սոցիալ-տնտեսական անհավասարություններն արդեն իսկ զգալի էին մինչև համավարակի տարածումը, սակայն պետք է նշել, որ համավարակն ավելի է խորացրել առողջական, սոցիալական և տնտեսական անհավասարությունները, հատկապես բնակչության խոցելի խմբերի շրջանակում: Մենք հույս ունենք, որ այս նախաձեռնությունն իր նպատակին կծառայի և ցանկանում ենք մեր շնորհակալությունը հայտնել Գերմանիայի դեսպանատանը և ՀՀ առողջապահության նախարարությանը՝ սերտ համագործակցելու համար», - ասել է ԳՄՀԸ հայաստանյան գրասենյակի ղեկավար Մադլեն Ռաուշենբերգերը:
20:52 - 31 հունվարի, 2022
Անահիտ Ավանեսյանն ընդունել է ՀՀ-ում ԱՀԿ նորանշանակ հատուկ ներկայացուցիչ Ջիհանե Թաուիլահին

Անահիտ Ավանեսյանն ընդունել է ՀՀ-ում ԱՀԿ նորանշանակ հատուկ ներկայացուցիչ Ջիհանե Թաուիլահին

Առողջապահության նախարար Անահիտ Ավանեսյանն ընդունել է Հայաստանում Առողջապահության համաշխարհային կազմակերպության (ԱՀԿ) նորանշանակ հատուկ ներկայացուցիչ Ջիհանե Թաուիլահին: Վերջինս իր նոր պաշտոնավարման կապակցությամբ հավատարմագրերն է հանձնել առողջապահության նախարարին: Շնորհավորելով հյուրին պաշտոնում նշանակվելու առթիվ` Անահիտ Ավանեսյանն ընդգծել է առողջապահության նախարարության և ԱՀԿ-ի արդյունավետ համագործակցությունը, հատկապես COVID-19-ի դեմ պայքարում, արտակարգ իրավիճակների, ինչպես նաև պատերազմական և հետպատերազմական շրջանում: «COVID-19-ի հետ կապված ստեղծվել է այնպիսի իրադրություն, որ առողջապահությունը մեր երկրում դարձել է առաջնահերթություն: Նոր` Օմիկրոն տեսակով պայմանավորված` պետք է անենք հնարավոր առավելագույնը կորոնավիրուսային համավարակի դեմ պայքարի շրջանակում նվազագույն ցուցանիշներ ունենալու համար»,- նշել է առողջապահության նախարարը: «Այս ամենում լուսավոր կետը թերևս քաղած դասերն են»,- արձագանքել է Ջիհանե Թաուիլահը: Առաքելության ղեկավարը ԱՀԿ-ի անունից իր երախտագիտություն է հայտնել նախարարությանը` տեղական և միջազգային գործընկերների հետ համագործակցության ուղղությամբ տարվող աշխատանքնրի համար` վստահեցնելով, որ Հայաստանը կշարունակի աջակցություն ստանալ: Հանդիպման ընթացքում անդրադարձ է կատարվել Եվրամիության կողմից ֆինանսավորվող ծրագրերից մեկին` «Ավելի ուժեղ միասին․ միջսահմանային արտակարգ իրավիճակների հակազդման համատեղ գործողություն Հայաստանի և Վրաստանի միջև», որի հիմնական նպատակն է նպաստել տարածաշրջանային համագործակցության մեխանիզմների ներդրմանը` հատուկ ուշադրություն դարձնելով կարողությունների ընդլայնմանն ու երկու երկրների առողջապահության բնագավառում արտակարգ իրավիճակների կառավարման համակարգերի ստեղծմանը` բարելավելով Հայաստանի և Վրաստանի առողջապահության համակարգերում միջսահմանային համագործակցությունը և անհետաձգելի բժշկական օգնության հասանելիության մակարդակը: Ծրագրով նախատեսված է Հայաստանում ստեղծել Արագ արձագանքման բժշկական թիմ, որը կհավաստագրվի ԱՀԿ-ի կողմից: «ԱՀԿ հայաստանյան գրասենյակը և ԱՀԿ եվրոպական տարածաշրջանային գրասենյակը լիովին հավատարիմ են երկրում ԱՀԿ հիմնական գործընկեր առողջապահության նախարարության հետ արդյունավետ համագործակցության հանձնառությանը»,- նշել է Ջիհանե Թաուիլահը:
20:48 - 27 հունվարի, 2022
Հայաստանում, ինչպես նաեւ տարածաշրջանում նկատվում է Օմիկրոնով հիվանդացության կտրուկ աճ․ Անահիտ Ավանեսյան

Հայաստանում, ինչպես նաեւ տարածաշրջանում նկատվում է Օմիկրոնով հիվանդացության կտրուկ աճ․ Անահիտ Ավանեսյան

Հայաստանում, ինչպես նաեւ տարածաշրջանում, ողջ աշխարհում նկատվում է Օմիկրոնով հիվանդացության կտրուկ աճ։ Կառավարության նիստի ժամանակ այս մասին ասաց ՀՀ առողջապահության նախարար Անահիտ Ավանեսյանը։ Նրա խոսքով՝ հիվանդացության առումով այս շաբաթ մենք պրոգրեսիվ աճի շրջանում ենք․ «Միակ ուրախալի լուրն այն է, որ հիվանդացածների միայն 5-6%-ն ունի հոսպիտալացման կարրիք։ Սրան են նպաստում ինչպես պատվաստվածների մեծաթիվ ընդգրկվածությունը, այնպես էլ շտամի որոշակի առանձնահատկությունները։ Մենք առաջիկայում արդեն իսկ ունենք հիվանդանոցային կարողությունների, մահճակալների ծավալման հստակ պլանը, այս պահին այն դեռ ամբողջովին չենք գործարկել, այն կանենք ըստ պահանջի»,- ասաց նախարարը։  Նրա խոսքով՝ ներկայում 6 բժշկական կենտրոններ են ընդգրկված քովիդի բուժման մեջ, հընթացս, ըստ կարիքի, կծավալեն հավելյալ մահճակալային ֆոնդ։  Ավանաեսյանը նաեւ նշեց, որ պատվաստումներն ակտիվ շարունակվում են։ Առաջին դեղաչափը ստացել է քաղաքացիների 45.3 տոկոսը, երկրորդ դեղաչափը՝ 37 տոկոսը։  «Վերջին շաբաթվա ընթացքում նկատում ենք պատվաստումների թվի աճ, ինչն ուրախալի է, եւ նորից պետք է շեշտադրենք, որ պատվաստումներն իրենց նպատակն իրականացրել են։ Պատվաստված քաղաքացիները հիվանդությունը տանում են հիմնականում ասիմպտոմ, կամ սիմպտոմները թեթեւակի են։ Մեր նպատակը եղել է հենց դա՝ նվազեցնել ծանր ընթացը, հնարավորինս նվազեցնել մահվան դեպքերը»։ Նախարարը նաեւ հայտնեց, որ Հայաստանում պատվաստանյութերի բավարար պաշար կա, հընթացս էլ իրականացվում են մատակարարումներ։
12:15 - 27 հունվարի, 2022
Պրոգրեսիվ աճի շրջանում ենք․ առողջապահության նախարարը՝ կորոնավիրուսի իրավիճակի մասին |tert.am|

Պրոգրեսիվ աճի շրջանում ենք․ առողջապահության նախարարը՝ կորոնավիրուսի իրավիճակի մասին |tert.am|

tert.am: Այս շաբաթ մենք պրոգրեսիվ աճի շրջանում ենք գտնվում: Այս մասին այսօր կառավարության հերթական նիստին ասաց առողջապահության նախարար Անահիտ Ավանեսյանը՝ անդրադառնալով կորոնավիրուսային իրավիճակին։ Նա հայտնեց, որ հիվանդացածների միայն 5–6 տոկոսն է, որ կարիք ունի հոսպիտալացման։ «Ունենք մահճակալների ծավալման պլանը, ներկայումս 6 բժշկական կենտրոններ են ընդգրկված քովիդի բուժման մեջ»,–ասաց նա։ Անահիտ Ավանեսյանը նշեց նաև, որ պատվաստումները ևս ակտիվ շարունակվում են։ «Մեր քաղաքացիների 45,3 տոկոսը ստացել է առաջին դեղաչափը, երկրորդ դեղաչափը 37 տոկոսն է ստացել, և նկատվում է պատվաստումների թվի աճ»,–ասաց նա։ Չնայած դրան՝ նախարարը մտահոգիչ համարեց 65 տարեկանից բարձր քաղաքացիների պատվաստումների թվի աճը, քանի որ նրանք ռիսկային խմբում են գտնվում և ավելի քիչ են հակված պատվաստման։
12:03 - 27 հունվարի, 2022
Անահիտ Ավանեսյանը արձագանքել է Արման Թաթոյանի՝ հոգեբուժարաններում մարդու իրավունքների խախտումներին վերաբերող զեկույցին

Անահիտ Ավանեսյանը արձագանքել է Արման Թաթոյանի՝ հոգեբուժարաններում մարդու իրավունքների խախտումներին վերաբերող զեկույցին

ՀՀ առողջապահության նախարար Անահիտ Ավանեսյանը Ֆեյսբուքի իր էջում անդրադարձել է ՀՀ Մարդու իրավունքների պաշտպան Արման Թաթոյանի հրապարակած զեկույցին, որը վերաբերում էր հոգեբուժարաններում մարդու իրավունքների խախտումներին:   Նախարարն ափսոսանք է հայտնել, որ այդ ոլորտում իրականացված վերջին երեք տարիների ահռելի աշխատանքը գրեթե չի արծարծվել զեկույցում։   «Առաջիկայում հանգամանալից կանդրադառնանք զեկույցում տեղ գտած բոլոր հանգամանքներին և համապարփակ կներկայացնենք իրականացված աշխատանքները։   Այժմ մի քանի կետ այն մասին թե ինչ է փոխվել 2018-ից հետո:   Հոգեբուժական օգնության և սպասարկման մասին օրենքը և դրանից բխող ենթաօրենսդրական ակտերը ամբողոջովին վերափոխվել են և արժանացել են նաև ՄԻՊ բարձր գնահատականին։   Առաջին անգամ Հոգեկան առողջության ազգային կենտրոնը ընդգրկվել է կապիտալ ծախսերի ծրագրում, և պետությունը գումարներ է հատկացրել ամբողջական վերակառուցման համար։ Աշխատանքները մեկնարկել են 2021 թ.։ Մինչ այդ մի շարք վերանորոգման և կահավորման աշխատանքներ են արվել՝ պացիենտներին ապահովելու հնարավորինս պատշաճ կենցաղային պայմաններով՝ նոր զուգարաններ, լոգասենյակներ, մահճակալներ, սպասք, սպիտակեղեն և այլն։   Ամբողջապես վերանայվել է սննդակարգը և ապհովվում է ըստ նորմատիվների։   Սևանի հոգեկան առողջության կենտրոնում, ուր տարիներ ի վեր մարդիկ անգամ անձնագիր հանելու հետ կապված խնդիրներ են ունեցել, լրջագույն փոփոխություններ են տեղի ունեցել թե՛ դեղորայքի տրամադրման, թե՛ սննդակարգի փոփոխության, սպիտակեղենի, հագուստի, հանգստի ռեժիմի, հոգեբանական նոր ծառայության ներդրման, ջերմոցի կառուցման և այլ մասերով։ Առաջիկայում կվերանորոգվի խոհանոցը։   Երկար տարիներ պացիենտները չեն ունեցել հնարավորություն օգտվել գործիքային և լաբորատոր հետազոտություններից, ատամնաբուժական ծառայություններից և այլ բժշկակական միջամտություններից, որոնք հասանելի են այսօր։   Փոփոխվել են զսպման միջոցների կիրառման միջոցները և իրավական կարգավորումները։   Կանոնակարգվել է ոչ հոժարակամ բուժման մեխանիզմները և դրանց վերահսկման միջոցները։   Կանոնակարգվել է պացիենտների կենսաթոշակների ստացման հարցերը։   Ի վերջո, Հայաստանում բացվել է ամբողջովին վերանորոգված, հագեցված և մասնագիտական ներուժով համալրված մանկական հոգեբուժական ստացիոնար բաժանմունք «Ավան» հոգեկան առողջության տանը։   Արդյոք հոգեկան առողջության առումով դեռ խնդիրներ և մարտահրավերներ կան, իհարկե, այո, և մենք քայլ առ քայլ լուծելու ենք դրանք, բայց այս ոլորտում երեք տարիների ընթացքում շատ բան է փոխվել, և դա պատշաճ չարձանագրել և ասել՝ «2018-ից հետո նույն իրավիճակն է», մեղմ ասած, ազնիվ չէ»,- գրել է նախարարը:  
20:08 - 24 հունվարի, 2022
Ինֆեկցիոն հիվանդությունների ԲԿ-ի ծառայությունների մի մասը կգործի Սուրբ Աստվածամայր ԲԿ-ի տարածքում. Անահիտ Ավանեսյան |armtimes.com|

Ինֆեկցիոն հիվանդությունների ԲԿ-ի ծառայությունների մի մասը կգործի Սուրբ Աստվածամայր ԲԿ-ի տարածքում. Անահիտ Ավանեսյան |armtimes.com|

armtimes.com: Ինֆեկցիոն հիվանդությունների ազգային կենտրոնը ամբողջովին վերակառուցվելու է, իսկ հիվանդանոցի ծառայությունների մի մասն իր վրա կվերցնի Սուրբ Աստվածամայր ԲԿ-ն: Այս մասին այսօր հրավիրված մամուլի ասուլիսում ասաց առողջապահության նախարար Անահիտ Ավանեսյանը: Նրա խոսքով՝ վերանորոգման աշխատանքները սկսվում են Ինֆեկցիոն հիվանդությունների ազգային կենտրոնի Բ մասնաշենքից, բայց ապագայում բոլոր մնացած մասնաշենքերում եւս շինարարական աշխատանքներ են անցկացվելու: «Աշխատակիցների եւ ծառայության հետագա ընթացքի մասին՝ ունենք հստակ պլան, թե ինչպես պետք է իրականացվի ծառայությունը, որ բժշկական կենտրոնի կողմից: Դուք գիտեք, որ վերջին երկու տարիներին Սուրբ Աստվածամայր ԲԿ-ն ներգրավված է եղել քովիդ բուժման մեջ, այնտեղ մեր կողմից մեծաթիվ ներդրումներ են իրականցվել՝ վերանորոգման, հագեցման, եւ այս կենտրոնը պատրաստ է իր վրա վերցնել ինֆեկցիոն որոշակի ծառայությունների ապահովումը: Ինչ կապված է ընդհանուր ծառայության բովանդակության եւ մարդկային ներուժի օգտագործման հետ, բոլոր այն դեպքերում, երբ այս ծառայությունը կփոխակերպվի այլ վայրում, բոլոր աշխատակիցները կշարունակեն աշխատել եւ որեւէ խնդիր չկա», - ասաց նա, ընդգծելով՝ սա չի նշանակում, որ կենտրոնը չի վերանայելու թե իր հաստիքացուցակը, թե մասնագիտական ներուժի որակը: «Ցանկացած բարեփոխման ընթացքում կարող են լինել թե ընթացիկ, եւ թե ընդհանրապես անհարմարություններ: Բայց եթե մենք որեւէ բան չփոխենք, որեւէ ծառայության ստատուս-կվոն չվերանայենք, ապա ինչի՞ համար ենք ընդհանրապես այստեղ», - ասաց Ավանեսյանը: Հիշեցնենք, որ փետրվարի 1-ից Նորքի Ինֆեկցիոնի «Բ» մասնաշենքը վերակառուցում են. ծառայությունների մի մասը ժամանակավորապես կդադարեցվի: Որոշ ժամանակ առաջ ինֆեկցիոնի աշխատակիցները բողոքի ակիցա էին կազմակերպել: «Հայկական Ժամանակի» հետ զրույցում կենտրոնի փոխտնօրեն Աշոտ Սարգսյանը նշել էր, որ աշխատակիցների բողոքի ակցիայի պատճառը փետրվարի 1-ից մեկնարկող կենտրոնի «Բ» մասնաշենքի վերակառուցման աշխատանքներն են, և, դրանով պայմանավորված, կենտրոնում ծավալվող բժշկական ծառայությունների մի մասի ժամանակավորապես դադարեցումը: «Այդ մասնաշենքի կառուցման աշխատանքները տևելու են երկու տարի: Նախարարության հետ քննարկվում է այլ հիվանդանոցներից մեկում ինֆեկցիոն բաժանմունք բացելը և աշխատակիցների մի մասին այդ բաժանմունքում աշխատանքի տեղափոխելը, բայց նրանք թերահավատորեն են ընդունում, կարծում են՝ իրենց ազատում ենք աշխատանքից և բողոքի ակցիա են կազմակերպել»,- ասել էր նա:
15:16 - 24 հունվարի, 2022
2021-ին վիրավոր զինծառայողներին տրամադրվող բժշկական օգնության և վերականգնողական բժշկական ծառայությունների ծավալն ընդլայնվել է. Ավանեսյան |1lurer.am|

2021-ին վիրավոր զինծառայողներին տրամադրվող բժշկական օգնության և վերականգնողական բժշկական ծառայությունների ծավալն ընդլայնվել է. Ավանեսյան |1lurer.am|

1lurer.am:  Առողջապահության նախարար Անահիտ Ավանեսյանն այսօր հրավիրված մամուլի ասուլիսի ընթացքում ներկայացրել է 2021 թվականին կատարված աշխատանքները, խոսել անելիքների մասին: Հաշվետու տարում Վիրավոր զինծառայողներին տրամադրվող բժշկական օգնության և վերականգնողական բժշկական ծառայությունների ծավալն ընդլայնվել է, պետական հատկացումներն աստիճանաբար աճել են:Շարունակվել է COVID-19-ի դեմ պայքարը. բժշկական օգնության տրամադրումն ուղեկցվել է պատվաստումային գործընթացի կազմակերպմամբ` թե՛ պոլիկլինիկաներում, թե՛ շարժական կետերի և արտագնա պատվաստումային խմբերի միջոցով: Պետության կողմից երաշխավորված անվճար և արտոնյալ պայմաններով շարունակվել են ուռուցքաբանական հիվանդությունների, գլխուղեղի սուր կամ ենթասուր իշեմիկ կաթվածների, ինչպես նաև սրտի անհետաձգելի վիրահատական ծառայությունների տրամադրումը: Բնակչության ռիսկային խմբերում իրականացվել է շուրջ 440 հազար սքրինինգային հետազոտություն: Մեկնարկել է կրծքագեղձի քաղցկեղի կանխարգելման ծրագիրը երեք մարզերում: Ընդլայնվել է վերարտադրողականության օժանդակ տեխնոլոգիաներից օգտվելու իրավունք ունեցող շահառուների ցանկը` ներառյալ 44-օրյա պատերազմի հետևանքով զոհվածների ծնողները: Առողջապահական համակարգում մեկնարկել և իրականացվել են մեծ ծավալի շինարարական աշխատանքներ: 2022 թվականին աշխատանքներ կտարվեն մի շարք ուղղություններով առողջության համապարփակ ապահովագրության ներդնում. առողջության առաջնային պահպանման օղակի բարեփոխումներ. STROKE գլխի սուր իշեմիկ կաթվածի բուժման ծրագրի ընդլայնում. բարեփոխումներ մանկաբուժության ոլորտում. էլեկտրոնային առողջապահության համակարգի բարելավում. առողջապահական ծառայությունների որակի բարելավման ռազմավարություն:
14:42 - 24 հունվարի, 2022
Ծխախոտ, ծխախոտի տուփ վաճառքի կետերում չպետք է տեսնենք. վարչապետ |armenpress.am|

Ծխախոտ, ծխախոտի տուփ վաճառքի կետերում չպետք է տեսնենք. վարչապետ |armenpress.am|

armenpress.am: Հայաստանում  16 տարեկանից բարձր բնակչության 27,9 տոկոսը ծխում է, ծխողների գերակշռող մասը տղամարդիկ են (51 տոկոս) և յուրաքանչյուր երկրորդ տղամարդ ծխող է: Կառավարության նիստին այս մասին հայտնեց Առողջապահության նախարար Անահիտ Ավանեսյանը՝ հիշեցնելով, որ 2022 թվականի հունվարի 1-ից ուժի մեջ են մտել դեռևս 2020 թվականի փետրվարի 13-ին ընդունված «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի դրույթները: Նախարարը նշեց, որ այս քայլը շատ կարևոր խթան կհանդիսանա բնակչության շրջանում ոչ վարակիչ հիվանդությունների նվազեցման ուղղությամբ. «Մեր քաղաքականությունն է հնարավորինս նպաստել ծխախոտի օգտագործման նվազեցմանը և այդ օգտագործման արդյունքում առողջությանը պատճառված վնասների կանխմանը: 2020 թվականին ընդունվեց ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման օրենքը, որը որոշ դրույթներով 2021 թվականից կյանքի է կոչվել, բայց ,իհարկե, հնարավորություն և ժամանակ է տրվել տնտեսվարողներին իրենց գործունեությունը այնպես դասավորել, որպեսզի հնարավորինս նվազ վնասներով ունենանք այսօրվա դրույթների կիրառումը»,- ասաց Ավանեսյանը: Նախարարը հիշեցրեց, որ 2022 թվականի հունվարի 1-ից ուժի մեջ են մտել դեռևս 2020 թվականի փետրվարի 13-ին ընդունված «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին օրենքի մի շարք կարևոր դրույթներ: Ըստ այդ դրույթների՝ արգելված են ծխախոտային որևէ արտադրատեսակի՝ ավանդական ծխախոտի, էլեկտրոնային (տաքացվող) ծխախոտի, հեղուկների հիմքի վրա նիկոտինային արտադրատեսակի (վեյպ), նիկոտինի մատակարարման էլեկտրոնային սարքերի հրապարակային ցուցադրությունը վաճառքի կետերում և հանրային սննդի օբյեկտներում: «Սա կնպաստի, որ գովազդի ազդեցության շնորհիվ նաև մեր երիտասարդների շրջանում ծխախոտի օգտագործումը նվազի»,- հավելեց Ավանեսյանը: Ավանեսյանի խոսքով` Հայաստանում սրտանոթային հիվանդությունների, քաղցկեղի տարածվածությունը հուշում է, որ այս առումով պայքարը հետևողականորեն տանելու ուղղությամբ ամեն ինչ պետք է անեն: ՀՀ վարչապետ Նիկոլ Փաշինյանն էլ ընդգծեց, որ այս կարգավորմամբ առօրյայում ծխախոտ, ծխախոտի տուփ վաճառքի կետերում, խանութներում չպետք է տեսնեն: «Այսինքն` ծխախոտի տուփը մեզ համար հանրային կյանքում վերանում է: Կոմերցիոն տարածքներում ծխախոտի տուփի հետ չպետք է առնչվենք»,-եզրափակեց վարչապետը:
13:22 - 05 հունվարի, 2022
Եթե պատվաստումների հետևողական գործընթացը չշարունակենք, կորոնավիրուսը վերադառնալու է շատ ավելի ծանր ձևերով. Փաշինյան |1lurer.am|

Եթե պատվաստումների հետևողական գործընթացը չշարունակենք, կորոնավիրուսը վերադառնալու է շատ ավելի ծանր ձևերով. Փաշինյան |1lurer.am|

1lurer.am: Կառավարության նիստի ընթացքում ՀՀ վարչապետ Նիկոլ Փաշինյանը հատուկ շեշտեց կորոնավիրուսի դեմ պայքարում պատվաստումների կարևորությունը: «Եթե մենք պատվաստումների հետևողական գործընթացը չշարունակենք, կորոնավիրուսը վերադառնալու է շատ ավելի ծանր ձևերով ու շատ ավելի մեծ մասշտաբներով: Այսօր մենք ունենք ավելի քան երկրորդ պատվաստում ստացած 700 հազար քաղաքացի, ինչն այսօրվա իրադրության առանցքային պատճառն է: Նախ, մեր մյուս քաղաքացիներին պետք է երկու պատվաստումով պատվաստենք, հետո զուգահեռ 3-րդ պատվաստումներն իրականացնենք»,- ասաց Փաշինյանը: Վարչապետն անդրադարձավ նաև կորոնավիրուսի դեմ պայքարի հարցում Կառավարության ընտրած քաղաքականությանը: «Առաջիններից մեկն էինք, որ կողմնորոշվեցինք՝ լոքդաունների քաղաքականությունը գործնական օգուտ չի բերում, այլ ավելի է վատացնում տնտեսական իրավիճակը: 2020-ի մայիսին ենք սկսել դանդաղ վերացնել լոքդաունները, նույնիսկ ամենաճգնաժամային իրավիճակում չենք վերադարձել այդ լուծմանը, որովհետև հասկացել ենք, որ դա ոչ մի տեղ տանող ճանապարհ է»,- ասաց վարչապետը:
12:41 - 30 դեկտեմբերի, 2021
Հայաստանում կորոնավիրուսի դեմ խթանիչ դեղաչափ ստացել է մոտ 800 քաղաքացի |armenpress.am|

Հայաստանում կորոնավիրուսի դեմ խթանիչ դեղաչափ ստացել է մոտ 800 քաղաքացի |armenpress.am|

armenpress.am: Հայաստանում կորոնավիրուսի դեմ պատվաստման երրորդ խթանիչ դեղաչափ ստացել է մոտ 800 քաղաքացի:  ՀՀ կառավարության նիստի ընթացքում այս մասին հայտնեցին ՀՀ առողջապահության նախարար Անահիտ Ավանեսյանը: «Պատվաստման գործընթացը շարունակվում է, և սա ամենակարևոր հանգամանքն է հաջորդիվ նոր ալիքներից խուսափելու համար: Մենք արդեն նաև երրորդ խթանիչ դեղաչափի մասով ակտիվ աշխատում ենք: Մոտ 800 քաղաքացի արդեն իսկ ստացել է երրորդ խթանիչ դեղաչափը: Այն հասանելի է մեր քաղաքացիներին, մենք քաղաքացիներին հորդորում ենք դիմել և ստանալ խթանիչ դեղաչափերը: Պատվաստանյութերի ապահովվածության առումով ունենք բավարար վիճակ»,- ասաց նա: Նախարարը հայտնեց, որ Հայաստանում կորոնավիրուսի դեմ պատվաստման առաջին դեղաչափը ստացել է 943 377 քաղաքացի, երկու դեղաչափով պատվաստվել է  711 հազար 864 քաղաքացի: «Մենք այս տարվա ընթացքում ունեցել ենք կորոնավիրուսային վարակով 184 հազար դրական դեպք, մոտ 40 հազար քաղաքացի ստացել է բուժօգնություն մեր հիվանդանոցային օղակներում: Սա ցույց է տալիս, թե ինչ գերլարված ռեժիմով է աշխատել ողջ առողջապահական համակարգը»,- ասաց Ավանեսյանը: Նախարարն, օգտվելով առիթից, շնորհակալություն հայտնեց բուժաշխատողներին, ովքեր արդեն երկու տարի օր ու գիշեր պայքարում են ժողովրդի առողջության և կյանքի համար:
12:06 - 30 դեկտեմբերի, 2021
Առաջիկա շաբաթների ընթացքում կհաստատվեն սննդի կամ ժամանցի վայրեր մուտք գործելու սահմանափակումները. նախարար |armtimes.com|

Առաջիկա շաբաթների ընթացքում կհաստատվեն սննդի կամ ժամանցի վայրեր մուտք գործելու սահմանափակումները. նախարար |armtimes.com|

armtimes.com: Առաջիկա շաբաթների ընթացքում կհաստատվի կորոնավիրուսային հիվանդության դեմ ՊՇՌ թեստի բացասական պատասխանի կամ պատվաստումը հաստատող սերտիֆիկատի ներկայացումը սննդի կամ ժամանցի վայրեր հաճախելիս: Այս մասին այսօր լրագրողների հետ զրույցում ասաց առողջապահության նախարար Անահիտ Ավանեսյանը: «Այդ հարցը քննարկման փուլում է, բայց առաջիկա շաբաթների ընթացքում կհաստատվի: Պետք է ժամանակ տանք, որ մեր քաղաքացիները հասցնեն պատվաստվել»,- ասաց նա՝ նշելով՝ աշխատող քաղաքացիների 60 տոկոսից ավելին արդեն պատվաստված է: Անդրադառնալով կորոնավիրուսային հիվանդության դեմ պայքարի համար քննարկվող սահմանափակումներին՝ նախարարն ասաց, որ առողջապահության նախարարության զինանոցում պատվաստումը խրախուսող որոշակի միջոցներ և սահմանափակումներ դեռ կան: Հիմա քննարկվում է նաև, թե որքան պետք է լինի քովիդի դեմ չպատվաստված այն անձանց բուժման չափը, որոնք վարակվելու են քովիդով և բուժման ծախսերը հոգալու են իրենց միջոցներով: «Քովիդի բուժման համար թե՛ թթվածնային բուժումը, թե՛ սարքերն ու այլ միջոցները պետությունն իր վրա է վերցրել: Հիմա քննարկվում է, որ չպատվաստված անձանց համար բուժումը դառնա վճարովի: Քովիդի բուժման սխեմաներում ընդգրկվում են փորձարարական դեղամիջոցներ, որոնք բավականին թանկարժեք են: Մենք չենք կարող այն ներառել մեր պետության բուժման փաթեթում, բայց դա շատ փոքրաթիվ քաղաքացիների է ցուցված»,-  ասաց նա:
13:39 - 23 դեկտեմբերի, 2021
Շատ կարևոր է, որ այս հանդարտ փուլում հետևողականորեն շարունակենք պատվաստումները․ Փաշինյան |armenpress.am|

Շատ կարևոր է, որ այս հանդարտ փուլում հետևողականորեն շարունակենք պատվաստումները․ Փաշինյան |armenpress.am|

armenpress.am: Կառավարության նիստում Առողջապահության նախարար Անահիտ Ավանեսյանը հայտարարեց, որ Հայաստանում կորոնավիրուսային իրավիճակը կայուն է: Նախարարը նշեց, որ եթե նախատոնական ու տոնական օրերին էլ փորձեն պահպանել հակահամաճարակային կանոնները, ապա իրավիճակը կկարողանան կայուն վիճակում պահպանել: Ավանեսյանն ասաց, որ Հայաստանում «Օմիկրոն» շտամ դեռ հայտնաբերված չէ: «Իրականացվել է 1 միլիոն 591 հազար 809 պատվաստում. 920 հազար 650 քաղաքացի ստացել է առաջին դեղաչափ, երկրորդ դեղաչափ ստացել է 670 հազար 710 քաղաքացի», - նշեց նա: Ավանեսյանի խոսքով՝ մոտ 500 քաղաքացի արդեն ստացել է երրորդ խթանիչ դեղաչափը: Վարչապետ Նիկոլ Փաշինյանն իր հերթին ասաց, որ կորոնավիրուսի հաջորդ ալիքն անխուսափելիորեն գալու է. պետք է պատվաստումները շարունակել այնպես, ինչպես անում էին այն ժամանակ, երբ նոր դեպքերի օրական թվերը հասնում էին 1500-ի, մահվան 70 դեպք էր արձանագրվում: «Պետք չէ դանակը ոսկորին հասնի, նոր տեղից շարժվենք: Շատ կարևոր է, որ մենք այս հանդարտ փուլում հետևողականորեն շարունակենք պատվաստումները», - ասաց Փաշինյանը: Փաշինյանը նշեց, որ ստացել է 3-րդ դեղաչափն ու բոլորին խորհուրդ է տալիս նույնն անել:
12:30 - 23 դեկտեմբերի, 2021