Լատվիա

Ալիևը հույս է հայտնել է, որ Հայաստանը դրական կարձագանքի խաղաղության համաձայանգրի առաջարկների վերաբերյալ Ադրբեջանի դիտարկումներին

Ալիևը հույս է հայտնել է, որ Հայաստանը դրական կարձագանքի խաղաղության համաձայանգրի առաջարկների վերաբերյալ Ադրբեջանի դիտարկումներին

Ադրբեջանը Հայաստանին է ներկայացրել խաղաղության համաձայանգրի առաջարկների վերաբերյալ իր դիտարկումները և Հայաստանից սպասում է արձագանքի։ Այս մասին Ադրբեջանի նախագահ Իլհամ Ալիևը հայտարարել է այսօր՝ մարտի 8-ին, Լատվիայի նախագահ Էգիլս Լևիցի հետ հանդիպումից հետո մամուլի ասուլիսի ժամանակ։  «Այսօր ես Լատվիայի նախագահին ներկայացրել եմ իրավիճակը Հարավային Կովկասում, հատկապես՝ Ադրբեջանի և Հայաստանի միջև հարաբերությունների կարգավորման գործընթացի վերաբերյալ։ Մենք հուսով ենք, որ Հայաստանը դրական կարձագանքի խաղաղության համաձայնագրի առաջարկի վերաբերյալ մեր դիտարկումներին»,- ասել է Ալիևը։  Ալիևը նշել է, որ որոշ ժամանակ առաջ Հայաստանին են ներկայացրել իրենց առաջարկը՝ հիմնվելով միջազգային իրավունքի նորմերի և սկզբունքների վրա։ «Հետո մենք ստացանք մեկնաբանություններ Հայաստանից և դրանց վերաբերյալ ուղարկեցինք մեր դիտարկումները։ Գործընթացն ընթանում է»,- նշել է նա։ 
17:24 - 08 մարտի, 2023
Հայաստանի վարչապետը և Լատվիայի նախագահը կարևորել են ԵՄ առաքելության գործունեությունը մեր երկրում

Հայաստանի վարչապետը և Լատվիայի նախագահը կարևորել են ԵՄ առաքելության գործունեությունը մեր երկրում

Վարչապետ Նիկոլ Փաշինյանը Մյունխենի անվտանգության համաժողովի շրջանակում շարունակում է երկկողմ հանդիպումներ ունենալ արտերկրի գործընկերների հետ: Փետրվարի 18-ին Նիկոլ Փաշինյանը նախ հանդիպել է Լատվիայի նախագահ Էգիլս Լևիցին: Զրուցակիցները քննարկել են հայ-լատվիական հարաբերություններին, ինչպես նաև երկկողմ հետաքրքրություն ներկայացնող տարբեր հարցեր: Վարչապետ Փաշինյանն անդրադարձել է Հայաստանում իրականացվող ինստիտուցիոնալ բարեփոխումներին և կարևորել Եվրոպական միության շարունակական աջակցությունը` դրանք արդյունավետ կյանքի կոչելու գործում: Վարչապետը նշել է, որ ժողովրդավարության զարգացումն ու ամրապնդումը ՀՀ կառավարության համար ունի ռազմավարական նշանակություն: Նիկոլ Փաշինյանը և Էգիլս Լևիցին մտքեր են փոխանակել նաև Հարավային Կովկասի տարածաշրջանում տեղի ունեցող գործընթացների, ԼՂ հիմնախնդրի շուրջ: Երկուստեք կարևորվել է Եվրոպական միության քաղաքացիական առաքելության գործունեությունը մեր երկրում: Կողմերը հույս են հայտնել, որ այն կնպաստի կայունությանն ու խաղաղությանը:
15:26 - 18 փետրվարի, 2023
Լատվիան ՌԴ-ի դեսպանից պահանջել է 1 ամսից լքել երկիրը
 |armenpress.am|

Լատվիան ՌԴ-ի դեսպանից պահանջել է 1 ամսից լքել երկիրը |armenpress.am|

armenpress.am: Լատվիայում ՌԴ-ի դեսպան Միխայիլ Վանինը մինչև փետրվարի 24-ը պետք է լքի Լատվիան, հայտնել է այդ երկրի Արտաքին գործերի նախարարությունը։ Այդ մասին տեղեկանում ենք «Интерфакс» գործակալությունից: Լատվիայի ԱԳՆ-ում պարզաբանել են, որ երկուշաբթի օրը նախարարություն է հրավիրվել ՌԴ դեսպանը, որը տեղեկացվել է երկրի որոշման մասին, ըստ որի փետրվարի 24-ից Ռուսաստանի հետ դիվանագիտական ​​հարաբերությունների մակարդակն իջեցվելու է մինչև գործերի հավատարմատարի մակարդակի։ Երկուշաբթի օրն ավելի վաղ Լատվիայի արտգործնախարար էդգար Ռինկևիչը հայտնել էր, որ Ռիգան որոշել է իջեցնել Ռուսաստանում դիվանագիտական ​​ներկայացուցչության մակարդակը և փետրվարի 24-ից հետ կանչել Մոսկվայում Լատվիայի դեսպան Մարիս Ռիեկստինշին։ Համապատասխանաբար, Ռիգան Մոսկվայից պահանջել է համարժեք գործողություններ։ Նախարարի խոսքով՝ այս որոշումն ընդունվել է՝ ի նշան էստոնիայի հետ համերաշխության։ Ավելի վաղ Ռուսաստանի Արտաքին գործերի նախարարությունը հունվարի 23-ին ՌԴ-ում էստոնիայի դեսպան Մարգուս Լայդրեին կանչել էր գերատեսչություն և հայտնել, որ վերջինս փետրվարի 7-ին պետք է երկիրը լքի: Ռուսական կողմը որոշել է երկու երկրներում դիվանագիտական ​​ներկայացուցչի պաշտոնն իջեցնել գործերի ժամանակավոր հավատարմատարի պաշտոնի: Հունվարի սկզբին էստոնիայի արտգործնախարարությունը Ռուսաստանից պահանջել էր մինչև փետրվարի 1-ը դիվանագիտական ներկայացուցչությունում իր անձնակազմի թիվը նվազեցնել և դեսպանատանն ունենալ միայն 8 դիվանագետ և վարչական, տեխնիկական և սպասարկող 15 աշխատակից: Ըստ Associated Press գործակալության՝ էստոնիայի ԱԳ նախարար Ուրմաս Ռեյնսալուն հայտարարել է, որ ի պատասխան ՌԴ քայլի, ելնելով հավասարության սկզբունքից՝ էստոնիայում Ռուսաստանի դեսպանը փետրվարի 7-ին պետք է լքի երկիրը:
12:01 - 24 հունվարի, 2023
Հայաստանը կարևորում է Լատվիայի հետ պատմական կապերը. Նիկոլ Փաշինյանը շնորհավորական ուղերձ է հղել Լատվիայի վարչապետին

Հայաստանը կարևորում է Լատվիայի հետ պատմական կապերը. Նիկոլ Փաշինյանը շնորհավորական ուղերձ է հղել Լատվիայի վարչապետին

Հայաստանի Հանրապետության վարչապետ Նիկոլ Փաշինյանը շնորհավորական ուղերձ է հղել Լատվիայի Հանրապետության վարչապետ Կրիշյանիս Կարինշին՝ ազգային տոնի առթիվ: Ինչպես հայտնում են ՀՀ Կառավարությունից, ուղերձում ասված է. «Ձերդ գերազանցություն, Հայաստանի Հանրապետության Կառավարության և անձամբ իմ անունից ջերմորեն շնորհավորում եմ Ձեզ և Լատվիայի բարեկամ ժողովրդին Լատվիայի ազգային տոնի՝ Անկախության հռչակման օրվա առթիվ։ Ավելի քան հարյուր տարի առաջ հռչակված անկախությունից ի վեր Լատվիան անցել է խոչընդոտներով լի դժվարագույն ճանապարհ՝ հաղթահարելով իր առջև ծառացած բոլոր փորձությունները, և հաջողությամբ կերտել զարգացած ժողովրդավար երկիր: Հայաստանը կարևորում է Լատվիայի հետ պատմական կապերը, որոնք հիմնված են փոխադարձ վստահության և համընդհանուր արժեքների վրա։ Մենք պատրաստակամ ենք բոլոր ոլորտներում խթանելու Լատվիայի հետ երկկողմ հարաբերությունները, ինչպես նաև խորացնելու և ընդլայնելու գործակցությունը միջազգային տարբեր հարթակներում։ Մաղթում եմ Ձեզ քաջառողջություն և հաջողություններ, իսկ Լատվիայի բարեկամ ժողովրդին՝ բարեկեցություն և երջանկություն։ Ընդունեք խնդրեմ, Ձերդ գերազանցություն, խորին հարգանքիս հավաստիքը»:
11:16 - 18 նոյեմբերի, 2022
Եվրոպական 9 երկրների նախագահներ աջակցել են ՆԱՏՕ-ին Ուկրաինայի անդամակցությանը |hetq.am|

Եվրոպական 9 երկրների նախագահներ աջակցել են ՆԱՏՕ-ին Ուկրաինայի անդամակցությանը |hetq.am|

hetq.am: Լեհաստանի, Չեխիայի, Էստոնիայի, Լատվիայի, Լիտվայի, Հյուսիսային Մակեդոնիայի, Մոնտենեգրոյի, Ռումինիայի և Սլովակիայի նախագահները համատեղ հայտարարություն են տարածել, որտեղ իրենց աջակցությունն են հայտնել Հյուսիսատլանտյան դաշինքին (ՆԱՏՕ) Ուկրաինայի անդամակցությանը։ Փաստաթուղթը հրապարակվել է Լեհաստանի նախագահի պաշտոնական կայքէջում։ «Մենք հաստատակամորեն աջակցում ենք 2008 թվականին Բուխարեստում ՆԱՏՕ-ի գագաթնաժողովի որոշմանը Ուկրաինայի ապագա անդամակցության վերաբերյալ»,- նշվում է հայտարարության մեջ։ Այդ գագաթնաժողովի ժամանակ Դաշինքը «համաձայնել էր, որ Ուկրաինան ու Վրաստանը դառնան ՆԱՏՕ-ի անդամներ» և աջակցել ՆԱՏՕ-ին անդամակցության գործողությունների ծրագրին միանալու նրանց հայտին։  Նախագահները նաև Ռուսաստանից պահանջել են անմիջապես հեռանալ բռնազավթված բոլոր տարածքներից և կոչ արել բոլոր դաշնակիցներին էականորեն մեծացնել Ուկրաինային հատկացվող ռազմական օգնությունը։ Շարունակությունը՝ hetq.am-ում։
20:12 - 02 հոկտեմբերի, 2022
Լատվիան Ռուսաստանի հետ սահմանին արտակարգ դրություն է հայտարարել
 |azatutyun.am|

Լատվիան Ռուսաստանի հետ սահմանին արտակարգ դրություն է հայտարարել |azatutyun.am|

azatutyun.am: Լատվիայի կառավարությունը Ռուսաստանի հետ սահմանին արտակարգ դրություն է սահմանել՝ Մոսկվայի կողմից հայտարարված մոբիլիզացիայի պատճառով։ Այն կսկսի գործել սեպտեմբերի 28-ից և կտևի երեք ամիս, ասվում է կառավարության կայքում։ Ռեժիմը տարածվում երկրի մի քանի շրջանների, նաև՝ նավահանգիստների, օդանավակայանների, սահմանային անցումների և երկաթուղու վրա։ Լատվիայի իշխանությունները ռուսաստանցիների հոսքը նվազեցնելու նպատակով փակում են Պեդեձեի սահմանային անցակետը։ Երկրի պետական սահմանային ծառայությունը հրաման է ստացել ուժեղացնել վերահսկողությունը սահմանը հատող ՌԴ քաղաքացիների նկատմամբ։ Ավելի վաղ Լատվիան որոշել էր մարդասիրական վիզաներ չտրամադրել ռուսաստանցիներին, ովքեր ցանկանում են խուսափել բանակ զորակոչվելուց, կամ եթե արդեն շենգենյան վիզա ունեն՝ թույլ չտալ նրանց հատել սահմանը։ Երկրի արտգործնախարարությունը դա բացատրել էր «անվտանգության նկատառումներով»։ Լեհաստանի արտաքին քաղաքական գերատեսչությունն էլ, հետևելով Բուլղարիային, խորհուրդ է տվել իրենց քաղաքացիներին լքել Ռուսաստանը և զերծ մնալ այդ երկիր մեկնելուց։
13:05 - 28 սեպտեմբերի, 2022
Կանգնեցրեք ագրեսորին. Ռիգայում հայ համայնքի ներկայացուցիչները բողոքի ակցիա են անցկացրել

 |armenpress.am|

Կանգնեցրեք ագրեսորին. Ռիգայում հայ համայնքի ներկայացուցիչները բողոքի ակցիա են անցկացրել |armenpress.am|

armenpress.am:  Լատվիայի մայրաքաղաք Ռիգայում հայ համայնքի ներկայացուցիչներն անցկացրել են բողոքի ակցիա: Այն կազմակերպել է Ռիգայի հայ համայնքի երիտասարդաց միությունը: Ռիգայի հայ համայնքի երիտասարդաց միության անդամ Լիլիթ Եդիգարյանը տեղեկացրեց, որ ակցիան մեկնարկել է Կոնգրեսի տան մոտից: «Այնուհետև քայլերթով շարժվել ենք դեպի Լատվիայում Ռուսաստանի, Մեծ Բրիտանիայի, Գերմանիայի, Ֆրանսիայի, Իտալիայի դեսպանություններ, Մարդու իրավունքների պաշտպանի դեպարտամենտ: Ակցիան ավարտել ենք Լատվիայի Սեյմի մոտ: Մեր գլխավոր ուղերձն այն է, որ միջազգային հանրությունը կանգնեցնի ագրեսոր Ադրբեջանին, սատար կանգնի Հայաստանին: Հայերը խաղաղություն են ուզում»,- ասաց Լիլիթ Եդիգարյանը: Ակցիայի մասնակիցները իրենց շնորհակալությունն են հայտնել Լատվիային Հայոց ցեղասպանությունը ճանաչելու համար: Այնուհետև մասնակիցները հարգանքի տուրք են մատուցել զոհվածների հիշատակին:  
16:49 - 15 սեպտեմբերի, 2022
Լատվիայի Սեյմն օրենք է ընդունել Մոսկվայի պատրիարքությունից Լատվիայի Ուղղափառ եկեղեցու անկախության մասին |factor.am|

Լատվիայի Սեյմն օրենք է ընդունել Մոսկվայի պատրիարքությունից Լատվիայի Ուղղափառ եկեղեցու անկախության մասին |factor.am|

factor.am: Լատվիայի Սեյմը հավանություն է տվել Լատվիայի Ուղղափառ եկեղեցու մասին օրենքում փոփոխություններին, որոնց համաձայն՝ այն ամբողջովին անկախանում է Մոսկվայի պատրիարքության Ռուս ուղղափառ եկեղեցուց։ Այս մասին հայտնում է կառավարության մամուլի ծառայությունը, փոխանցում է Daily afisha-ն։ Օրինագիծը ներկայացրել է Լատվիայի նախագահ Էգիլս Լևիցը։ Այն դիտարկվել է հրատապ կարգով։ Օրենքն ուժի մեջ է մտնում հրապարակմանը հաջորդող օրվանից։ Նշվում է, որ մինչև հոկտեմբերի 1-ը եկեղեցին պետք է տեղեկություն տրամադրի այն մասին, թե ովքեր են զբաղեցնելու Լատվիայի Ուղղափառ եկեղեցու ղեկավարի, մետրոպոլիտների, արքեպիսկոպոսների և եպիսկոպոսների պաշտոնները։ Մինչև հոկտեմբերի 31-ը պետք է պատրաստ լինի նոր կանոնադրությունը։ «Սեյմը հրատապ փոփոխություններ է ընդունել Լատվիայի Ուղղափառ եկեղեցու մասին օրենքում՝ հաստատելով Լատվիայի Ուղղափառ Եկեղեցու լիակատար անկախությունը՝ իր բոլոր թեմերով, ծխերով և հաստատություններով Լատվիայից դուրս գտնվող ցանկացած եկեղեցու իշխանությունից (ավտոկեֆալ եկեղեցի)»,- ասված է հայտարարության մեջ։ Շարունակությունը՝ factor.am-ում։
16:17 - 09 սեպտեմբերի, 2022
Բալթյան երկրները պայմանավորվել են ռուսաստանցիների մուտքի սահմանափակումների շուրջ
 |hetq.am|

Բալթյան երկրները պայմանավորվել են ռուսաստանցիների մուտքի սահմանափակումների շուրջ |hetq.am|

hetq.am: Էստոնիան, Լատվիան և Լիտվան հասել են սկզբունքային պայմանավորվածության Ռուսաստանի և Բելառուսի տարածքներից շենգենյան վիզայով ռուսաստանցիների մուտքի սահմանափակումների շուրջ։ Այդ մասին Deutsche Welle-ի փոխանցմամբ հայտնել է Լատվիայի արտաքին գործերի նախարար Էդգարս Ռինկեվիչսը։  Նա նշել է, որ արգելքի մասին պաշտոնապես կհայտարարվի առաջիկա օրերին։ Ռինկեվիչսի խոսքով՝ բացառություն կարվի բեռնատարների վարորդների, դիվանագետների և այն ռուսաստանցիների համար, որոնք այդ երկրներ են մեկնում ընտանեկան և մարդասիրական նպատակներով։ «Որոշումները կկայացվեն ազգային կառավարությունների կողմից՝ ազգային ընթացակարգերին համապատասխան և ուժի մեջ կմտնեն միաժամանակ»,- գրել է Ռինկեվիչսը։ Նախօրեին Եվրոպական հանձնաժողովը հրապարակել էր Ռուսաստանի հետ վիզայի տրամադրման հեշտացված կարգի մասին համաձայնագրի գործողության ամբողջական դադարեցման առաջարկի տեքստը։ Նոր ռեժիմը կարող է սկսել գործել արդեն սեպտեմբերի 12-ից։  
15:34 - 07 սեպտեմբերի, 2022
Լատվիան Ռուսաստանն ահաբեկչության հովանավոր է հռչակել |factor.am|

Լատվիան Ռուսաստանն ահաբեկչության հովանավոր է հռչակել |factor.am|

factor.am: Լատվիայի Սեյմը հայտարարություն է ընդունել, որով Ռուսաստանը հռչակել է ահաբեկչության հովանավոր և ԵՄ-ին կոչ է արել անհապաղ դադարեցնել վիզաների տրամադրումը ռուսներին և բելառուսներին։ Այս մասին գրում է korrespondnet-ը։ Այսպիսով, Լատվիան դարձել է աշխարհում առաջին պետությունը, որը Ռուսաստանը հայտարարել է ահաբեկչության հովանավոր։ Պատգամավորները նշել են, որ Ռուսաստանը երկար տարիներ աջակցել և ֆինանսավորել է ահաբեկչական ռեժիմներին ու կազմակերպություններին տարբեր ձևերով՝ ուղղակի և անուղղակի։ Հայտարարության մեջ նշվում է Սիրիայում Բաշար Ասադի ռեժիմին զենք մատակարարելու, Մեծ Բրիտանիայում Սկրիպալների ընտանիքի թունավորման, Դոնբասում MH-17 չվերթի կործանման մասին։ Սեյմի հայտարարության մեջ ընդգծվում է, որ այժմ «Ռուսաստանը նպատակաուղղված օգտագործում է տառապանքն ու ահաբեկումը որպես գործիք ուկրաինացի ժողովրդին և զինված ուժերին բարոյալքելու իր փորձերում, կաթվածահար անելու Ուկրաինայի կարողությունը՝ նրա տարածքը գրավելու համար»։ «Սեյմն ընդունում է Ռուսաստանի բռնությունը խաղաղ բնակչության նկատմամբ, որն իրականացվում է քաղաքական նպատակներին հասնելու համար՝ որպես ահաբեկչություն, իսկ Ռուսաստանը՝ որպես ահաբեկչությանն աջակցող պետություն, և կոչ է անում այլ երկրներին արտահայտել նման կարծիք»,- ասվում է հայտարարության մեջ։ Լատվիայի Սեյմի պատգամավորները «կտրականապես դատապարտում են Ռուսաստանի ռազմական ագրեսիան և Ուկրաինա լայնածավալ ներխուժումը, որն իրականացվել է բելառուսական ռեժիմի աջակցությամբ և մասնակցությամբ»։  
15:57 - 11 օգոստոսի, 2022
Քաղաքական խորհրդակցություններ Հայաստանի և Լատվիայի ԱԳ նախարարությունների միջև

Քաղաքական խորհրդակցություններ Հայաստանի և Լատվիայի ԱԳ նախարարությունների միջև

Հունիսի 14-ին Երևանում տեղի են ունեցել քաղաքական խորհրդակցություններ Հայաստանի Հանրապետության և Լատվիայի Հանրապետության արտաքին գործերի նախարարությունների միջև: Հայկական պատվիրակությունը գլխավորում էր ԱԳՆ Եվրոպայի վարչության պետ Տիգրան Սամվելյանը, լատվիականը՝ ԱԳՆ պետքարտուղարի տեղակալ Անջեյս Վիլումսոնսը: Խորհրդակցությունների ընթացքում քննարկվեցին երկկողմ միջպետական համագործակցությունն ընդլայնելու և խորացնելու, տարբեր ոլորտներում փոխգործակցությունը խթանելու հնարավորությունները, ինչպես նաև՝ տնտեսական կապերի աշխուժացմանն ու առևտրաշրջանառության ծավալների մեծացմանն ուղղված գործնական քայլերը: Ընդգծվեց միջազգային կազմակերպություններում համագործակցության և այն զարգացնելու կարևորությունը: Խորհրդակցությունների ավարտին լատվիական պատվիրակությանն ընդունեց ՀՀ ԱԳ նախարարի տեղակալ Պարույր Հովհաննիսյանը: Հանդիպմանը մտքեր փոխանակվեցին երկուստեք հետաքրքրություն ներկայացնող տարածաշրջանային և միջազգային օրակարգի մի շարք հարցերի շուրջ: Հայկական կողմը կարևորեց Լատվիայի դիրքորոշումը Լեռնային Ղարաբաղի հակամարտության խաղաղ կարգավորման վերաբերյալ՝ հաջակցություն ԵԱՀԿ Մինսկի խմբի համանախագահության ջանքերի:   Հետևե՛ք մեզ նաև Telegram -ում
16:17 - 15 հունիսի, 2022
ՀՀ նախագահը համատեղության կարգով դեսպաններ է նշանակել

ՀՀ նախագահը համատեղության կարգով դեսպաններ է նշանակել

ՀՀ նախագահի պաշտոնական կայքից տեղեկանում ենք, որ նախագահ Վահագն Խաչատուրյանը համատեղության կարգով դեսպաններ է նշանակել Մակեդոնիայում, Լիխտենշտեյնում, Լատվիայում։ Մասնավորապես, Բուլղարիայի Հանրապետությունում Հայաստանի Հանրապետության արտակարգ և լիազոր դեսպան Արմեն Եդիգարյանին  համատեղության կարգով նշանակել է Հյուսիսային Մակեդոնիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Սոֆիա)։ Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան Վիկտոր Ենգիբարյանին համատեղության կարգով նշանակել է Լիխտենշտայնի Իշխանապետությունում Հայաստանի Հանրապետության արտակարգ և լիազոր դեսպան (նստավայրը՝ Բեռլին)։ Իսկ Լիտվայի Հանրապետությունում Հայաստանի Հանրապետության արտա-կարգ և լիազոր դեսպան Հովհաննես Իգիթյանին համատեղության կարգով նշանակել է Լատվիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիլնյուս)։
13:52 - 11 հունիսի, 2022
Լատվիայում արգելվել են ռուսական բոլոր հեռուստաալիքները, թույլատրվել է «Դոժդի» հեռարձակումը

Լատվիայում արգելվել են ռուսական բոլոր հեռուստաալիքները, թույլատրվել է «Դոժդի» հեռարձակումը

Լատվիայի Էլեկտրոնային լրատվամիջոցների ազգային խորհուրդը (NEPLP) արգելել է երկրում ռուսական 80 հեռուստաալիքների հեռարձակումը, որոնք դեռևս հասանելի էին լատվիացի հեռուստադիտողներին, հայտնում է Delfi-ն։ Ինչպես ասել է NEPLP-ի նախագահ Իվար Աբոլինշը, որոշումն ընդունվել է՝ հիմնվելով օրենսդրական նոր նորմի վրա։ Դրանով նախատեսվում է, որ Լատվիայում չեն կարող հեռարձակվել երկրում գրանցված հաղորդումներ, որոնք սպառնում են մեկ այլ երկրի անկախությանն ու տարածքային ամբողջականությանը։ Որոշումն ուժի մեջ է մտնում հունիսի 9-ից։ Արգելվել է այնպիսի հեռուստաալիքների հեռարձկումն, ինչպիսիք են «E TV»-ն, «Իլյուզիոն+»-ը, «Կինո24»-ը, «Աշխարհ Թի-Վի»-ն և այլն։ NEPLP-ն թույլատրել է նաև Ռուսաստանում արգելափակված «Դոժդ» հեռուստաալիքի հեռարձակումը։ Սա նշանակում է, որ ապագայում դրա հաղորդումները հեռարձակվելու են Ռիգայից, ասել է Իվարս Աբոլինշը։ Նորա Վանյան
16:34 - 06 հունիսի, 2022
Լատվիան խզել է Բելառուսի հետ համաձայնագիրը՝ ռազմական բեռների փոխադրման մասին

Լատվիան խզել է Բելառուսի հետ համաձայնագիրը՝ ռազմական բեռների փոխադրման մասին

Լատվիան մայիսի 10-ին կասեցրել է համաձայնագրի գործողությունը, որով թույլատրվում էին լատվիական նավահանգիստներով ռազմական բեռների երկաթուղային փոխադրումները Բելառուսից դեպի երրորդ երկրներ, գրում է Delfi պարբերականը՝ վկայակոչելով Լատվիայի տրանսպորտի նախարարության հաղորդագրությունը։ Նշվում է, որ այդ պայմանագիրը Բելառուսի և Լատվիայի միջև կնքվել է 1994 թ-ին, երբ վերջինս դեռ Եվրամիության անդամ չէր։ 2004 թ-ին երկիրն անդամակցել է ԵՄ-ին և ՆԱՏՕ-ին։ «Այս առնչությամբ Լատվիան իրավական նորմերով կապված է այս երկու միջազգային կազմակերպությունների հետ, և Բելառուսի հետ համաձայնագիրը չի համապատասխանում այդ նորմերին։ Լատվիայի կառավարությունն, ընդհանուր առմամբ, վերանայում է Ռուսաստանի և Բելառուսի հետ երկկողմ հարաբերությունները Ուկրաինայում Ռուսաստանի վարած պատերազմի համատեքստում», - նշված է նախարարության հայտարարությունում։   Նորա Վանյան
16:04 - 15 մայիսի, 2022
Բալթյան երկրների արտգործնախարարները Կիև են այցելել

Բալթյան երկրների արտգործնախարարները Կիև են այցելել

Բալթյան երկրների արտգործնախարարները Կիևում են։ Ինչպես հաղորդել է Լատվիայի ԱԳ նախարար Էդգար Ռինկևիչն, իրենք ժամանել են՝ ավարտին հասցնելու այցը, որը կիսատ էր մնացել փետրվարի 24-ին ռուսական ներխուժման պատճառով, գրում է Liga.net-ը։ «Մենք այստեղ ենք, որ հաստատենք մեր համերաշխությունն ու քննարկենք հետագա աջակցությունը», - գրել է Ռինկևիչը։ Լիտվայի արտգործնախարար Վիտաուտաս Լանդսբերգիսը հայտնել է, որ այցի ընթացքում քննարկվում է տուժած բնակավայրերի վերականգնումը և Ուկրաինայի համար ԵՄ թեկնածուի կարգավիճակը։ «Փթթուն Կիևը հիշեցնում է այն մասին, որ երկիրը պատրաստ է լուսավոր ապագայի», - գրել է նա։ Էստոնիայի ԱԳ նախարարն ասել է, որ իրենք Կիև են ժամանել՝ ցուցադրելու իրենց անբեկանելի աջակցությունն ու քննարկելու Ուկրաինային օգնելու մյուս հնարավորությունները։   Նորա Վանյան
16:13 - 06 մայիսի, 2022