ԱԻՆ

ՀՀ Արտակարգ իրավիճակների նախարարությունը 2008-2014 թթ. եւ 2016 թ. փետրվարի 24-ից գործող գործադիր իշխանության հանրապետական մարմին է, որը մշակում, իրականացնում եւ համակարգում է օրենքով եւ այլ իրավական ակտերով իր իրավասությանը վերապահված քաղաքացիական պաշտպանության եւ արտակարգ իրավիճակներում բնակչության պաշտպանության բնագավառներում Հայաստանի Հանրապետության կառավարության քաղաքականությունը։

Գործող նախարարը Անդրանիկ Փիլոյանն է։ Տեղակալներն են Արմեն Փամբուխչյանը, Արկադի Բալյանը, Արա Նազարյանը։

Ֆելիքս Ցոլակյանը տեսակցել է տուժած փրկարարներին և ստուգել վթարավերականգնողական աշխատանքների ընթացքը․ԱԻՆ

Ֆելիքս Ցոլակյանը տեսակցել է տուժած փրկարարներին և ստուգել վթարավերականգնողական աշխատանքների ընթացքը․ԱԻՆ

ԱԻՆ-ը տեղեկացնում է, որ Ֆելիքս Ցոլակյանն այցելել է Լոռու մարզ՝ տեղում ծանոթանալու Թումանյան կայարանում բեռնատար գնացքի շուրջ ստեղծված իրավիճակին: Դեպքի վայրում նախարարին դիմավորել է «Հարավկովկասյան երկաթուղի» ՓԲԸ-ի գլխավոր տնօրեն Սերգեյ Վալկոն: Նա Ֆելիքս Ցոլակյանին շնորհակալություն է հայտնել հրշեջ-փրկարարների անձնվեր աշխատանքի շնորհիվ հնարավոր պայթյունից խուսափելու համար և հավաստիացրել, որ առավելագույն կարճ ժամանակահատվածում կվերացվեն վթարի հետևանքները: ԱԻ նախարարը հանձնարարեց աշխատակիցներին շարունակել հնարավոր բոլոր միջոցներով օժանդակել վթարավերականգնողական աշխատանքներին: Տեղեկացրել ենք, որ Վանաձոր-Ալավերդի ավտոճանապարհի 10-րդ կիլոմետրին հրդեհաշիջմանն օգնության շտապող մեքենան գլորվել է ձորը և վնասվածքներ են ստացել ԱԻ երկու աշխատակիցներ: Նախարարն այցելեց բուժմիավորում՝ հիվանդներին տեսակցելու: Լոռու մարզպետ Անդրեյ Ղուկասյանի ուղեկցությամբ Ֆելիքս Ցոլակյանը հանդիպեց մարտական հաշվարկի վարորդ Ահարոն Սահակյանին, ով մանրամասն ներկայացրեց կատարվածը: Նախարարը սերտապնդեց Ահարոնին, ասաց, որ նա Աստծո նախախնամությամբ է փրկվել, ուրեմն նրա կյանքում այսուհետ ամեն ինչ լավ է լինելու: Տուժած հրշեջ-փրկարար Սիմոն Այվազյանին այդ պահին վիրահատում էին, նախարարը հանդիպեց Սիմոնի հարազատներին և հուսադրեց, որ զինվեն լավատեսությամբ և հրշեջ-փրկարարին արժանի հաստատակամությամբ: Նա տեղեկացրեց, որ խոսել է Առողջապահության նախարար Արսեն Թորոսյանի հետ և ստացել է հավաստիացում, որ հիվանդի վիճակը բավարար է, իսկ անհրաժեշտության դեպքում Սիմոնին ուղղաթիռով կտեղափոխեն Երևան՝ հետագա մասնագիտական բուժման:   ԱԻՆ  
08:39 - 30 հուլիսի, 2019
261 միլիոն դրամ՝ փրկարար ծառայության կարիքների համար |hetq.am|

261 միլիոն դրամ՝ փրկարար ծառայության կարիքների համար |hetq.am|

hetq.am։ Պետական բյուջեից 261 միլիոն դրամ հատկացվեց արտակարգ իրավիճակների նախարարությանը՝ փրկարար ծառայության բենզինի և դիզելային վառելիքի, շղթայավոր ձեռքի սղոցների, համազգեստների, կենցաղային հատուկ նպատակային նյութերի և վարչական սարքավորումների ձեռքբերման նպատակով: ԱԻՆ-ը կառավարությանը հայտնել է, որ Հայաստանի տարածքում հունիսի 1-ի դրությամբ հրդեհների կանչերի թիվը նախորդ տարվա համեմատությամբ կրկնակի աճել է։ Սա առաջացրել է վառելիքի գերածախս, որի հետևանքով փրկարար ծառայությունը ծախսել է 3-րդ և 4-րդ եռամսյակի համար նախատեսված վառելիքը։ Վառելիքի ծախսի ավելացումը նախարարությունը պայմանավորել է նաև Ճապոնիայի կառավարության կողմից տրամադրված 28 միավոր հրշեջ-փրկարարական մեքենաների շահագործմամբ և հավելել, որ մինչև տարեվերջ Ճապոնիայի կառավարության կողմից հատկացվելու են ևս 22, իսկ Ռուս-հայկական հումանիտար արձագանքման կենտրոնի կողմից` 26 միավոր հրշեջ-փրկարարական տրանսպորտային միջոցներ: Նախարարության փոխանցմամբ՝ հրշեջ-փրկարար ծառայությանն անհրաժեշտ են նաև պարզագույն հրդեհաշիջման միջոցներ։ Հայտնել է, որ բուսածածկ դժվարամատչելի վայրերի հրդեհների ժամանակ անհնար է կիրառել հրշեջ ավտոբաքեր: «Փրկարար ծառայության հաշվեկշռում ներառված 70 բենզինային սրսկիչներից շահագործման պիտանի են ընդամենը 9-ը»,- նշել է ԱԻՆ-ը։95 միլիոն դրամ կհատկացվի յուրաքանչյուր հերթափոխին մեկական լրակազմով ապահովելու համար: Ըստ ԱԻՆ-ի մարտական համազգեստով ապահովված է հրշեջ փրկարար ջոկատների երեք հերթափոխներից մեկը, չնայած այն հանգամանքին, որ մարտական համազգեստը հանդիսանում է անհատական օգտագործման գույք, ուստի անհրաժեշտ է 530 լրակազմ մարտական հագուստ։Հատկացված գումարով կգնվեն նաև բջջային հեռախոսներ։ Պատահարների և այլ դեպքերի վայրում մարտական հաշվարկի կազմի մեջ մտնող ծառայողը բջջային հեռախոսով նկարահանում է իրավիճակը, որն ուղիղ կապով փոխանցվում է ճգնաժամային կառավարման ազգային կենտրոն, սակայն, ըստ նախարարության, ծառայությունում առկա բջջային հեռախոսները ոչ միայն չեն բավարարում տեղեկատվական տեխնոլոգիաների ու կապի ոլորտի ներկա պահանջներին, այլև բջջային հեռախոսով նկարահանելու համար առանց այն էլ թերհամալրված մարտական հաշվարկի ծառայողներից մեկը ստիպված է լինում կտրվել արձագանքման խնդիրների իրականացումից։
08:00 - 25 հուլիսի, 2019
Ծիծեռնակաբերդի անտառում բուսածածկ տարածքը հրդեհել է 2 քաղաքացի և դիմել փախուստի. ԱԻՆ-ը հաղորդագրությունն ուղարկել է ոստիկանություն

Ծիծեռնակաբերդի անտառում բուսածածկ տարածքը հրդեհել է 2 քաղաքացի և դիմել փախուստի. ԱԻՆ-ը հաղորդագրությունն ուղարկել է ոստիկանություն

Հուլիսի 14-ին Արտակարգ իրավիճակների նախարարության ճգնաժամային կառավարման ազգային կենտրոնի «911» ծառայության կենտրոնական ահազանգման կենտրոն են ահազանգել քաղաքացիներ, ովքեր տեղեկություններ են հայտնել առ այն, որ Երևանի Կ. Դեմիրճյանի անվան մարզահամերգային համալիրի մոտակայքում՝ Ծիծեռնակաբերդի անտառում, բուսածածկ տարածքը հրդեհել են երկու անձը չպարզված քաղաքացի և դիմել փախուստի: Արտակարգ իրավիճակների նախարարությունը համապատասխան հաղորդագրությունն ուղարկել է ՀՀ ոստիկանություն միջոցներ ձեռնարկելու՝ հրդեհի հանգամանքները պարզելու և մեղավորներին օրենքով սահմանված կարգով պատասխանատվության ենթարկելու համար: ԱԻ նախարարությունը հորդորում է զերծ մնալ հակահրդեհային կանոնների խախտումներից, հակաօրինական վարքագիծ դրսևորելուց: ԱԻՆ-ը հորդորում է հրդեհավտանգ տարածքներում ցուցաբերել զգոնություն և պահպանել հրդեհային անվտանգության կանոնները: ԱԻՆ
09:54 - 16 հուլիսի, 2019
1 օրում մարզերում ու Երեւանում 12.68 հա խոտածածկ տարածք է հրդեհվել․ ԱԻՆ

1 օրում մարզերում ու Երեւանում 12.68 հա խոտածածկ տարածք է հրդեհվել․ ԱԻՆ

Հուլիսի 14-15-ն ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Մասնավորապես` Երևան քաղաքում՝ մոտ 1000 քմ, 1000 քմ, 200 քմ, 500 քմ, 400 քմ խոտածածկ տարածք, Արագածոտնի մարզի Աշտարակ քաղաքում՝ մոտ 1500 քմ, Օշական գյուղում՝ մոտ 2 հա, Սյունիքի մարզի Սիսիան քաղաքում՝ մոտ 400 քմ, Վայոց ձորի մարզի Գլաձոր գյուղում՝ մոտ 3000 քմ, Արարատի մարզի Արտաշատ քաղաքում՝ մոտ 1.5 հա, Բերքանուշ գյուղում՝ մոտ 2 հա,Դարակերտ գյուղում՝ մոտ 300 քմ, Ոսկետափ գյուղում՝ մոտ 2 հա, Կոտայքի մարզի Զովունի գյուղում՝ մոտ 700 քմ, Մրգաշեն գյուղում՝ 3 հա, Արմավիրի մարզի Էջմիածին քաղաքում՝ մոտ 1000 քմ, Այգեկ գյուղում՝ մոտ 1 հա, Մուսալեռ գյուղում՝ մոտ 800 քմ, Ակնալիճ գյուղում՝ մոտ 1000 քմ: Հրշեջ-փրկարարները հրդեհները մեկուսացրել են և մարել:  
07:18 - 15 հուլիսի, 2019