ԿԸՀ

Կենտրոնական ընտրական հանձնաժողովն անկախ պետական մարմին է, որը կազմակերպում է Ազգային ժողովի եւ տեղական ինքնակառավարման մարմինների ընտրությունները, հանրաքվեները, ինչպես նաեւ վերահսկողություն է իրականացնում դրանց օրինականության նկատմամբ: Կենտրոնական ընտրական հանձնաժողովը կազմված է յոթ անդամից: Կենտրոնական ընտրական հանձնաժողովի նախագահին եւ մյուս անդամներին Ազգային ժողովի իրավասու մշտական հանձնաժողովի առաջարկությամբ ընտրում է Ազգային ժողովը` պատգամավորների ընդհանուր թվի ձայների առնվազն երեք հինգերորդով, վեց տարի ժամկետով:

Նույն անձը չի կարող ավելի քան երկու անգամ անընդմեջ ընտրվել Կենտրոնական ընտրական հանձնաժողովի անդամ, ներառյալ հանձնաժողովի նախագահ: ԿԸՀ նախագահ՝ Տիգրան Մուկուչյան։ ԿԸՀ նախագահի տեղակալ՝ Լաուրա Գալստյան։ ԿԸՀ քարտուղար՝ Արմեն Սմբատյան։ ԿԸՀ անդամներ՝ Գեորգի Մարտիրոսյան, Սիլվա Մարկոսյան, Նունե Հովհաննիսյան, Սեյրան Շահսուվարյան։

50 քաղաքացուց կազմված խումբը կարող է դիմել ու գրանցվել որպես «Ոչ» քարոզչական նախաձեռնություն. Տիգրան Մուկուչյան |aysor.am|

50 քաղաքացուց կազմված խումբը կարող է դիմել ու գրանցվել որպես «Ոչ» քարոզչական նախաձեռնություն. Տիգրան Մուկուչյան |aysor.am|

aysor.am: Սահմանադրության փոփոխությունների հանրաքվեի առանձնահատկություններից մեկը կայանում է նրանում, որ, բացի հասարակական կազմակերպություններից, տեղամասերում, որպես դիտորդ, կարող են ներգրավվել նաև կուսակցությունների ներկայացուցիչներ, լրագրողների հետ զրույցում ասաց Կենտրոնական ընտրական հանձնաժողովի նախագահ Տիգրան Մուկուչյանը։ «Այսինքն՝ ունենք վստահված անձինք «Այո» և «Ոչ» կողմերից ու դիտորդներ, որոնք կարող են լինել ՀԿ-ների ու կուսակցությունների ներկայացուցիչներ», - ասաց նա։ Տիգրան Մուկուչյանի խոսքով՝ օրենքը սահմանում է հետևյալ կանոնակարգումը՝ «Ոչ» քարոզչական կողմ նախաձեռնելու համար նախագծին դեմ քվեարկած պատգամավորները, պատգամավորը կարող են դիմել ու գրանցվել որպես «Ոչ» քարոզչական կողմ։ «7-օրյա ժամկետ կա սահմանված, եթե այդ ժամկետի ավարտին «Ոչ » քարոզչական կողմ չի գրանցվում, ապա այդ ժամկետի ավարտից հետո 50 քաղաքացիներից կազմված խումբը կարող է դիմել ու գրանցվել որպես «Ոչ» քարոզչական նախաձեռնություն», - ասաց նա։Մուկուչյանն ասաց նաև, որ կարող է գրանցվել միայն մեկ «Այո» և միայն մեկ «Ոչ» քարոզչական կողմ։ Թե որքան գումար է հատկացվելու ընտրությունների համար, Մուկուչյանն ասաց, որ հիմա հաշվարկ է իրականացվում։ «Կարծում ենք՝ այն կլինի նույնը, ինչպիսին եղել է նախորդ ընտրությունների ժամանակ, գործառույթների առումով շատ տարբերություններ առկա չեն։ 2018 թվականի ընտրություններին համար մոտավոր 2,5 կամ 2,7 միլիարդ դրամ էր ծախսվել։ Կարծում եմ՝ կլինի նույնը», - ասաց ԿԸՀ նախագահը։ Մուկուչյանի խոսքով՝ հանրաքվեի դրված օրենքի կամ փոփոխության նախագիծը համարվում է ընդունված, եթե կողմ է քվեարկել քվեարկության մասնակիցների կեսից ավելին, սակայն ոչ պակաս, քան քվեարկելու իրավունք ունեցող քաղաքացիների թվի մեկ-քառորդը։ Ընտրատեղամասերում տեսախցիկների առկայության հետ կապված է ԿԸՀ նախագահն ասաց, որ ժամկետը շատ կարճ է։ «Ժամկետները շատ կարճ են, դա պահանջում է բավականին մեծամասշտաբ աշխատանքներ», - ասաց նա։ Սահմանադրության փոփոխությունների հանրաքվեի քարոզարշավը կմեկնարկի փետրվարի 17-ից: Սահմանադրության փոփոխությունների հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Նախագիծը չի վերաբերում միայն դատավորներ Արման Դիլանյանին և Վահե Գրիգորյանին, քանի որ վերջիններս դատավոր են ընտրվել գործող Սահմանադրության ամբողջական ուժի մեջ մտնելուց հետո։ Սահմանադրության փոփոխությունների հանրաքվեն, հիշեցնենք, տեղի կունենա ապրիլի 5-ին:
11:53 - 11 փետրվարի, 2020
Սահմանադրության փոփոխությունների հանրաքվեի քարոզարշավը կմեկնարկի փետրվարի 17-ին |armenpress.am|

Սահմանադրության փոփոխությունների հանրաքվեի քարոզարշավը կմեկնարկի փետրվարի 17-ին |armenpress.am|

armenpress.am: Կենտրոնական ընտրական հանձնաժողովը հաստատել է ապրիլի 5-ին կայանալիք Սահմանադրության փոփոխությունների հանրաքվեի կազմակերպման և անցկացման հիմնական միջոցառումների ժամանակացույցը: Ժամանակացույցի համաձայն՝ Սահմանադրության փոփոխությունների հանրաքվեի նախընտրական քարոզարշավը կմեկնարկի փետրվարի 17-ին: «ԿԸՀ ներկայացվել է որոշում՝ հիմք ընդունելով նախագահի հրամանագիրը՝ Սահմանադրության փոփոխությունների հանրաքվե նշանակելու մասին, որով հանրաքվեն նշանակվել է ապրիլի 5-ին: Ընտրական օրենսգրքի ու հանրաքվեի մասին օրենքի համաձայն՝ մշակվել է ժամանակացույց: Համաձայն հանրաքվեի մասին օրենքի՝ հանրաքվեի քարոզչությունը մեկնարկում է հանրաքվե նշանակելու մասին նախագահի հրամանագրի պաշտոնական հրապարակումից հետո 7-րդ օրը և ավարտվում հանրաքվեից մեկ օր առաջ, ինչը նշանակում է, որ փետրվարի 17-ից կմեկնարկի նախընտրական քարոզչության փուլը»,- ասաց ԿԸՀ նախագահ Տիգրան Մուկուչյանը:
10:40 - 11 փետրվարի, 2020
Հանրաքվեի նախապատրաստման և անցկացման միջոցառումների ժամանակացույցը հաստատելու հարցը ԿԸՀ օրակարգում է |armenpress.am|

Հանրաքվեի նախապատրաստման և անցկացման միջոցառումների ժամանակացույցը հաստատելու հարցը ԿԸՀ օրակարգում է |armenpress.am|

armenpress.am: ՀՀ կենտրոնական ընտրական հանձնաժողովի՝ փետրվարի 11-ին կայանալիք նիստի օրակարգում է Սահմանադրության փոփոխությունների 2020 թվականի ապրիլի 5-ի հանրաքվեի նախապատրաստման և անցկացման հիմնական միջոցառումների ժամանակացույցը հաստատելու հարցը: Այս մասին հայտնում են ՀՀ ԿԸՀ-ից: «Ս.թ փետրվարի 11-ին՝ ժամը 9:30-ին,  Կենտրոնական ընտրական հանձնաժողովի վարչական շենքում տեղի կունենա  ԿԸՀ նիստ: Նիստի օրակարգում  ներառված է 3 հարց․ 1․ Հայաստանի Հանրապետության Սահմանադրության փոփոխությունների 2020 թվականի ապրիլի 5-ի հանրաքվեի նախապատրաստման և անցկացման հիմնական միջոցառումների ժամանակացույցը հաստատելու մասին 2.Երևանի ավագանու անդամ ընտրված և լիազորությունները վաղաժամկետ դադարած ավագանու անդամի մանդատը Իմ Քայլը կուսակցությունների դաշինքի ընտրական ցուցակի հերթական հաջորդ թեկնածուին տալու մասին արձանագրության կազմում 3.2020 թվականի մարտի 15-ի տեղական ինքնակառավարման մարմինների ընտրություններին տեղամասային ընտրական հանձնաժողովներում հանձնաժողովի նախագահի և քարտուղարի պաշտոնների բաշխումն Ազգային ժողովում խմբակցություն ունեցող կուսակցությունների, կուսակցությունների դաշինքի միջև սահմանելու մասին»,- ասված է ՀՀ ԿԸՀ տարածած հաղորդագրության մեջ։  
17:34 - 10 փետրվարի, 2020
16 համայնքում ընդամենը 19796 քվեարկելու իրավունք ունեցող քաղաքացիներից ընտրությանը մասնակցել են 5258-ը կամ՝ 26.56 տոկոսը

16 համայնքում ընդամենը 19796 քվեարկելու իրավունք ունեցող քաղաքացիներից ընտրությանը մասնակցել են 5258-ը կամ՝ 26.56 տոկոսը

Կենտրոնական ընտրական հանձնաժողովը հրապարակել է քվեարկելու իրավունք ունեցող քաղաքացիների ընտրության մասնակցության տվյալները՝ ժամը 14:00-ի դրությամբ։ Ըստ այդմ՝ 16 համայնքում ընդամենը 19796 քվեարկելու իրավունք ունեցող քաղաքացիներից ընտրությանը մասնակցել են 5258-ը կամ՝ 26.56 տոկոսը: Համայնքներում քվեարկության ընթացիկ տվյալները ներկայացնում ենք ստորեւ․ Տափերական համայնքում 3072 քվեարկելու իրավունք ունեցող քաղաքացիներից ընտրությանը մասնակցել են 929-ը կամ 30․24 տոկոսը: Ալաշկերտ համայնում 1470 քվեարկելու իրավունք ունեցող քաղաքացիներից ընտրությանը մասնակցել են 304-ը կամ 20.68 տոկոսը: Ծիածան համայնքում 921քվեարկելու իրավունք ունեցող քաղաքացիներից ընտրությանը մասնակցել են 29-ը կամ 3․15 տոկոսը: Ֆերիկ համայնքում 347 քվեարկելու իրավունք ունեցող քաղաքացիներից ընտրությանը մասնակցել են 81-ը կամ 23.34 տոկոսը: Նորապատ համայնքում 1820 քվեարկելու իրավունք ունեցող քաղաքացիներից ընտրությանըը մասնակցել են 143–ը կամ 7.86 տոկոսը: Ավան համայնքում 678 քվեարկելու իրավունք ունեցող քաղաքացիներից ընտրությանը մասնակցել են 285-ը կամ 42.04 տոկոսը: Զարինջա համայնքում 479 քվեարկելու իրավունք ունեցող քաղաքացիներից ընտրությանը մասնակցել են 113-ը կամ 23.59 տոկոսը: Թլիկ համայնքում 127 քվեարկելու իրավունք ունեցող քաղաքացիներից ընտրությանը մասնակցել են 10 -ը կամ 7.87 տոկոսը: Կոշ համայնքում 2322 քվեարկելու իրավունք ունեցող քաղաքացիներից ընտրությանը մասնակցել են 856 -ը կամ 36.86 տոկոսը: Հակո համայնքում 149 քվեարկելու իրավունք ունեցող քաղաքացիներից ընտրությանը մասնակցել են 13-ը կամ 8.72 տոկոսը: Դդմաշեն համայնքում 1912 քվեարկելու իրավունք ունեցող քաղաքացիներից ընտրությանը մասնակցել են 309-ը կամ 16.16 տոկոսը: Զովաբեր համայնքում 1181 քվեարկելու իրավունք ունեցող քաղաքացիներից ընտրությանը մասնակցել են 538 -ը կամ 45.55 տոկոսը: Անտառամուտ համայնքում 247 քվեարկելու իրավունք ունեցող քաղաքացիներից ընտրությանը մասնակցել են 81 -ը կամ 32.79 տոկոսը: Ողջաբերդ համայնքում 747 քվեարկելու իրավունք ունեցող քաղաքացիներից ընտրությանը մասնակցել են 350-ը կամ 46.85 տոկոսը: Անուշավան համայնքում 1564 քվեարկելու իրավունք ունեցող քաղաքացիներից ընտրությանը մասնակցել են 440-ը կամ 28.13 տոկոսը:  
12:25 - 08 դեկտեմբերի, 2019
ԿԸՀ-ի համար միջոցները հիմնականում կծախսվեն աշխատավարձերի եւ պարգեւավճարների վրա․Տիգրան Մուկուչյան |news.am|

ԿԸՀ-ի համար միջոցները հիմնականում կծախսվեն աշխատավարձերի եւ պարգեւավճարների վրա․Տիգրան Մուկուչյան |news.am|

news.am: Միջոցները, որոնք ծրագրվում է 2020թ․ տրամադրել Կենտրոնական ընտրական հանձնաժողովին, հիմնականում կծախսվեն աշխատավարձերի եւ պարգեւավճարների վրա։ Այս մասին խորհրդարանական մշտական հանձնաժողովների համատեղ նիստում 2020թ․ պետական բյուջեի նախագծի քննարկման ժամանակ հայտարարեց ԿԸՀ նախագահ Տիգրան Մուկուչյանը։ Այսպես, նրա խոսքերով, աշխատավարձերի եւ պարգեւավճարների համար կգնա պետության կողմից տրամադրված միջոցների մոտ 80-85 տոկոսը։ «Մնացածը այն նվազագույն ցուցանիշներն են, որոնք անհրաժեշտ են աշխատակազմի կարիքների համար»,- պարզաբանեց Մուկուչյանը։ Հիշեցնենք, որ 2020թ․ բյուջեի նախագծով Կենտրոնական ընտրական հանձնաժողովին ծրագրվում է տրամադրել 1 միլիարդ 179 միլիոն դրամ, ինչը համեմատած 2019թ․ հետ, 26,4 մլն դրամով ավել է։
14:21 - 30 հոկտեմբերի, 2019
ՏԻՄ ընտրություններ 23 համայնքներում․ 46 թեկնածու, 1 կուսակցական առաջադրում

ՏԻՄ ընտրություններ 23 համայնքներում․ 46 թեկնածու, 1 կուսակցական առաջադրում

Հունիսի 9-ին տեղի կունենան ՏԻՄ ընտրություններ ՀՀ 9 մարզերի 23 համայնքներում, որոնցից 3-ում կընտրեն և՛ համայնքի ղեկավար, և՛ ավագանի, 12-ում՝ միայն համայնքի ղեկավար, 8-ում՝ ավագանի։ 15 համայնքներում գրանցվել է համայնքի ղեկավարի 46 թեկնածու, որոնցից 41-ն անկուսակցական են, 3-ը՝ ՔՊ անդամ, 1-ը՝ ԲՀԿ անդամ և 1-ը՝ ՀՅԴ անդամ։ Ինքնաառաջադրվել են 45 թեկնածուներ և միայն մեկը՝ Աբովյան համայնքի ղեկավարի թեկնածու, ՔՊ անդամ Գրիգոր Գուլյանն է առաջադրվել կուսակցության կողմից։ Ինքնաառաջադրվել են նաև 2 ՔՊ-ական թեկնածուներ՝ Քարաձոր և Շենավան համայնքներում։ ԲՀԿ-ական Արսեն Կարապետյանը և ՀՅԴ-ական Վահագն Ալավերդյանն առաջադրվել են համապատասխանաբար Գետարգել և Ազատամուտ համայնքներում։ Առաջինը համայնքի գործող ղեկավարն է, երկրորդը՝ համայնքի ղեկավարի ժամանակավոր պաշտոնակատարը։ Համայնքի գործող ղեկավարներն ինքնաառաջադրվել են նաև 6 այլ համայքներում, իսկ համայնքի ղեկավարի ժամանակավոր պաշտոնակատարները՝ 4 համայնքներում։Համայնքի ղեկավարի ամենաշատ թեկնածուները գրանցվել են Աբովյան և Գեղհովիտ համայնքներում՝ յուրաքանչյուրում 6 թեկնածու, Նորակերտ և Քարաձոր համայնքներում՝ 4 թեկնածու։ Ակնհայտ միջկուսակցական պայքար չի ծավալվի համայնքներից և ոչ մեկում, քանի որ կուսակցական թեկնածուների հետ պայքարի մեջ են մտել միայն անկուսակցականներ։ Լարված մրցակցություն է սպասվում Աբովյան համայնքում, որտեղ պայքար է ծավալվում Քաղաքացիական պայմանագիր կուսակցության կողմից առաջադրված Գրիգոր Գուլյանի և գործող համայնքի ղեկավար, Գագիկ Ծառուկյանի աջակցությունը վայելող Վահագն Գևորգյանի միջև։ 11 համայնքներում գրանցվել է ավագանու անդամի 100 թեկնածու, որոնցից 3-ը ՔՊ անդամ են, 3-ը՝ ԲՀԿ անդամ, 1-ը՝ Հայաստանի կոմունիստական կուսակցության անդամ։ Թեկնածուներից 98-ն ինքնաառաջադրվել են, իսկ 2-ն առաջադրվել են Հանուն սոցիալական արդարության կուսակցության կողմից։
15:01 - 27 մայիսի, 2019
2012-ից հետո ՀՀ-ում ընտրությունների արդյունքները չեն կեղծվել․ Տիգրան Մուկուչյան |panarmenian.net|

2012-ից հետո ՀՀ-ում ընտրությունների արդյունքները չեն կեղծվել․ Տիգրան Մուկուչյան |panarmenian.net|

Հայաստանում ցանկացած տեսակի ընտրությունների կազմակերպման ընթացքում երբևէ դրանց արդյունքները նախապես հայտնի չեն լինում: Այդ մասին Ազգային ժողովում Կենտրոնական ընտրական հանձնաժողովի 2018 թվականի գործունեության ծրագրի ներկայացման ժամանակ հայտարարել է ԿԸՀ նախագահ Տիգրան Մուկուչյանը՝ պատասխանելով «Իմ քայլը» խմբակցության պատգամավոր Սարգիս Խանդանյանի հարցին։ «Ընտրությունների արդյունքները նյութականացվում են ընտրողների քվեների միջոցով՝ քվեարկությունից հետո», - ասել է պաշտոնյան՝ հավելելով, որ 2012-ից այս կողմ այնպես չի եղել, որ քվեատուփից հանվեն քվեաթերթիկներ ու արտացոլեն այլ պատկեր ու այլ կերպ արձանագրվեն արձանագրություններում, հայտնում է Aysor.am-ը:Սարգիս Խանդանյանը ԿԸՀ նախագահին հարցն ուղղելիս հայտարարել է, որ Հայաստանում 2018-ի դեկտեմբերի 9-ի ընտրություններից առաջ, նախորդ բոլոր ընտրություններն ուղեկցվել են կեղծիքներով ու Սահմանադրության լուրջ խախտումներով։  «Դուք 2011-ից զբաղեցրել եք ԿԸՀ նախագահի պաշտոնը և զբաղվել եք ընտրությունների կազմակերպման գործընթացով։ Ինձ հետաքրքրում է՝ տեխնիկապես ավելի բարդ է կազմակերպել ընտրություններ, որոնց արդյուքնները նախապես հայտնի են և ուղեկցվում են խախտումներով, թե ավելի բարդ էր կազմակերպել վերջին ընտրությունները, որի արդյունքները չվիճարկվեցին», - հարցը հնչեցրել է Խանդանյանը։ Մուկուչյանը նկատել է, որ ընտրական գործընթացի կազմակերպման հարցում բոլոր մարմինները՝ ընտրական, տարածքային, տեղամասային հանձնաժողովներն ու այլ պետական մարմիններ, աշխատում են միասին համակարգված։ ԿԸՀ նախագահի խոսքով՝ 2012-ից սկսած բոլոր համապետական ընտրությունների ժամանակ Կենտրոնական ընտրական հանձնաժողովը փորձել է հետամուտ լինել պահպանել Ընտրական օրենսգրքի պահանջները։ Այդուհանդերձ, պատգամավորը հստակեցրել է հարցը. «Դուք իսկապե՞ս պնդում եք, որ մինչև 2017-ը տեղի ունեցած բոլոր ընտրությունները արտահայտել են ՀՀ քաղաքացիների կամքը ընտրությունների միջոցով»։ «Ամբողջ խնդիրը հետևյալն է՝ երբ քվեատուփերից դուրս են գալիս քվեաթերթիկները ու իրականացվում է քվեարկության արդյունքների ամփոփում, ըստ էության, արձանագրության թվերը հենց այդ քվեաթերթիկներով տված քվեներն են, որոնք գտնվում էին քվեատուփերում։ Այդ գործընթացը եղել է թափանցիկ, այդ ամբողջ պրոցեսին հետևել են թե վստահված անձինք, թե դիտորդներ, թե լրատվամիջոցներ։ Այսինքն՝ գոնե 2012 թվից այս կողմ այնպես չի եղել, որ քվեատուփից հանվեն քվեաթերթիկներ ու արտացոլեն այլ պատկեր ու այլ կերպ արձանագրվեն արձանագրություններում։ Մինչ այդ, հնարավո՞ր է, որ ընտրողի կամքի վրա ներգործության դեպքեր տեղի ունեցած լինեն, իհարկե, հնարավոր են»,- հավելել է Տիգրան Մուկուչյանը։ panarmenian.net
13:13 - 05 մարտի, 2019