ԱԻՆ

ՀՀ Արտակարգ իրավիճակների նախարարությունը 2008-2014 թթ. եւ 2016 թ. փետրվարի 24-ից գործող գործադիր իշխանության հանրապետական մարմին է, որը մշակում, իրականացնում եւ համակարգում է օրենքով եւ այլ իրավական ակտերով իր իրավասությանը վերապահված քաղաքացիական պաշտպանության եւ արտակարգ իրավիճակներում բնակչության պաշտպանության բնագավառներում Հայաստանի Հանրապետության կառավարության քաղաքականությունը։

Գործող նախարարը 2022 թվականի ապրիլից Արմեն Փամբուխչյանն է։ 

ՀՀ քաղաքային որոնողափրկարարական թիմը բերվել է պատրաստականության բարձր աստիճանի, հայ փրկարարների թիմը ամեն պահի պատրաստ է մեկնել Իրան

ՀՀ քաղաքային որոնողափրկարարական թիմը բերվել է պատրաստականության բարձր աստիճանի, հայ փրկարարների թիմը ամեն պահի պատրաստ է մեկնել Իրան

Նոյեմբերի 8-ին ՀՀ Արտակարգ իրավիճակների նախարարությունում անցկացվեց փրկարար ծառայության հերթական ամենշաբաթյա գործակարգավարական խորհրդակցությունը, որը վարեց ծառայության տնօրեն, փ/ծ գեներալ-մայոր Վրեժ Գաբրիելյանը: ՀՀ ԱԻ ՓԾ տարբեր ստորաբաժանումների ղեկավարները, Երևան քաղաքի ու մարզային փրկարարական վարչության պետերը փրկարար ծառայության տնօրենին զեկուցեցին ընթացիկ աշխատանքների և առկա խնդիրների մասին: «Աղետների բժշկության կենտրոն» ՊՈԱԿ-ի տնօրեն Կարեն Աթոյանը տեղեկացրեց, որ Բազումի լեռնաշղթայում հրդեհի մարման ժամանակ վիրավորված Էդգար Գրիգորյանի առողջական վիճակը արդեն համեմատաբար լավ է, կա հստակ դրական դինամիկա: Փրկարար ուժերի վարչության պետ, փ/ծ գնդապետ Տիգրան Պետրոսյանը զեկուցեց այն մասին, որ Իրանի Իսլամական Հանրապետությունում գրանցված երկրաշարժից հետո Հայաստանի քաղաքային որոնողափրկարարական թիմը՝ որը համապատասխանում միջազգային INSARAG չափանիշներին, բերվել է պատրաստականության բարձր աստիճանի, լուծված են տեխնիկական և նյութական ապահովմանը վերաբերող բոլոր հարցերը, և անհրաժեշտության դեպքում հայ փրկարարների թիմը ամեն պահի պատրաստ է մեկնել Իրան: Այնուհետև Փրկարար ծառայության տնօրենը խոսեց մի շարք խնդիրների մասին և տվեց կոնկրետ հանձնարարականներ: Գեներալ մայոր Գաբրիելյանը հանձնարարեց ստուգել բոլոր մարզային ստորաբաժանումներում ռադիոկապի առկայությունը և զեկուցել իրեն, հանձնարարեց հետևել անձնակազմի կողմից մարտական հագուստի կրման, ինչպես նաև ձմեռային սեզոնի անցման կանոնների պահպանմանը: Փրկարար ծառայության տնօրենը համապատասխան ստորաբաժանմանը հանձնարարեց ուշադրության կենտրոնում պահել պայթուցիկ սարքերի ձեռքբերման գործընթացը, որը անհրաժեշտ է կանխարգելիչ քարաթափումներ իրականացնելու համար: Փրկակար ուժերի վարչության պետին հանձնարարվեց պատշաճ կերպով կազմակերպել Մարզահամերգային համալիրում առաջիկայում կայանալիք խոշոր հատուկ տակտիկական ուսումնավարժանքի անցկացումը, որի ընթացքում օգտագործվելու է նաև ուղղաթիռ: Քննարկվեցին նաև Սևան քաղաքում հատուկ ջրափրկարարական ջոկատի տեղակայման համար շենքի կառուցման, Ճգնաժամային կառավարման ազգային կենտրոնի գործառույթների շրջանակի ընդլայման, ինչպես նաև Փրկարար ծառայության կազմում առաջիկայում սպասվող կառուցվածքային փոփոխությունների հետ կապված մի շարք հարցեր: Գեներալ-մայոր Գաբրիելյանը տվեց նաև կարգապահության և ծառայության կազմակերպման հետ կապված մի շարք հանձնարարականներ:
10:13 - 08 նոյեմբերի, 2019
Վաղը Հայաստանի ամբողջ տարածքում տեղումներ են սպասվում, օդի ջերմաստիճանն էապես կնվազի

Վաղը Հայաստանի ամբողջ տարածքում տեղումներ են սպասվում, օդի ջերմաստիճանն էապես կնվազի

Արտակարգ իրավիճակների նախարարությունն զգուշացնում է՝ նոյեմբերի 2-ի լույս 3-ի գիշերն Արարատյան դաշտում և նրա նախալեռնային գոտում օդում սպասվում է -1-ից -3, հողի մակերևույթին՝ -4-ից -5 աստիճան։ Այսօր Հայաստանի առանձին շրջաններում սպասվում է թույլ անձրև: Նոյեմբերի 2-ին երկրի ամբողջ տարածքում սպասվում են տեղումներ, առանձին վայրերում՝ ինտենսիվ, այն շրջաններում, որոնք գտնվում են ծովի մակերևույթից 1700 մ և ավելի բարձրության վրա՝ կտեղա առաջին ձյունը։ Արտակարգ իրավիճակների նախարարության հաղորդագրության համաձայն՝ օդի ջերմաստիճանը նոյեմբերի 2-ի ցերեկը և 3-ի գիշերը կնվազի 8-10 աստիճանով։ Երևանում նոյեմբերի 1-ին, 3-5-ը սպասվում է առանց տեղումների եղանակ: Նոյեմբերի 2-ին ժամանակ առ ժամանակ սպասվում է անձրև։ Նույն աղբյուրի փոխանցմամբ՝ Հայաստանի տարածքում ավտոճանապարհներն անցանելի են, Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: Վանաձոր-Ալավերդի-Բագրատաշեն ավտոճանապարհը շինարարական աշխատանքների պատճառով բեռնատարների համար փակ է: Որպես այլընտրանքային է սահմանվել Դիլիջան-Նոյեմբերյան-Բագրատաշեն ավտոճանապարհը:
06:00 - 01 նոյեմբերի, 2019
Ուղղաթիռների կարիք կա. ԱԻ փոխնախարար Արա Նազարյան |news.am|

Ուղղաթիռների կարիք կա. ԱԻ փոխնախարար Արա Նազարյան |news.am|

news.am: Առաջացած սպառնալիքներին պատշաճ արձագանքելու համար ԱԻՆ հնարավորությունների բարձր մակարդակն ապահովելու նպատակով նախարարությունն ակտիվորեն համագործակցում է Ճապոնիայի կառավարության հետ: Այս մասին այսօր ԱԺ-ում 2020-ի պետբյուջեի նախագծի նախնական քննարկման ժամանակ հայտարարեց ԱԻ փոխնախարար Արա Նազարյանը: Նրա խոսքով՝ ճապոնական կողմը հրդեհների դեմ պայքարի համար 15 մլն դոլարի չափով տեխնիկա է տրամադրել հայ փրկարարներին: «Ռուս-հայկական մարդասիրական կենտրոնի աջակցությամբ փոխանցվել է 36 միավոր տեխնիկա: Նման ծրագրերը, որոնք մեծ գումարներ են պահանջում, մենք իրականացնում ենք դոնորների միջոցով»,- ասաց Նազարյանը՝ հավելելով, որ ուղղաթիռների կարիք կա, եւ դրա համար պետք է 2 հանգամանք հաշվի առնել՝ փրկարարական ու հրդեհաշիջման տեսանկյուններից: Եվ եթե հրդեհաշիջման տեսանկյունից կարող է արդյունավետ չլինել, ապա փրկարարական առումով կարիքը կա՝ նշեց նա:
15:28 - 28 հոկտեմբերի, 2019
«Իջևանի անտառտնտեսության» անտառածածկ տարածքում բռնկված հրդեհը մարվել է

«Իջևանի անտառտնտեսության» անտառածածկ տարածքում բռնկված հրդեհը մարվել է

Հոկտեմբերի 25-ին, ժամը 06:50-ին դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ, քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Ազատամուտի հենակետից 12 փրկարար ծառայող և ազատ հերթափոխից 16 հրշեջ-փրկարար: Հրդեհը մեկուսացվել է ժամը 09:41-ին, մարվել՝ 13:02-ին: Մոտ 1 հա անտառածածկ տարածքում այրվել է մոտ 95 ծառ և մացառուտ: Հրդեհաշիջման աշխատանքներին մասնակցել է նաև «Հայանտառ» ՊՈԱԿ-ի «Իջևանի անտառտնտեսություն» մասնաճյուղի 12 աշխատակից: *** Հոկտեմբերի 24-ին, ժամը 16:36-ին «911» ծառայություն տեղեկություն է ստացվել, որ հրդեհ է բռնկվել Տավուշի մարզի Գետահովիտ գյուղի «Խոռեր» կոչվող հանդամասում: Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, օպերատիվ խումբը, ազատ հերթափոխից 20 փրկարար և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի 10 փրկարար ծառայող: Ճանապարհի անանցանելիության պատճառով փրկարարները ճանապարհը (մոտ 1 կմ) շարունակել են ոտքով: Պարզվել է, որ «Հայանտառ» ՊՈԱԿ-ի «Իջևանի անտառտնտեսության» անտառածածկ տարածքում այրվում են մոտ 1 հա բուսածածկույթ և ծառեր: Ժամը 21:00-ի դրությամբ հրդեհաշիջման աշխատանքներին մասնակցել են 35 հրշեջ-փրկարար և «Հայանտառ» ՊՈԱԿ-ի «Իջևանի անտառտնտեսություն» մասնաճյուղի 9 աշխատակից: Ժամը 22:25-ին մթության և բարդ ռելիեֆի պատճառով հրդեհաշիջման աշխատանքները ժամանակավորապես դադարեցվել են. սահմանվել է հերթապահություն:
10:59 - 25 հոկտեմբերի, 2019
«Զվարթնոց» միջազգային օդանավակայանում հայտնաբերված նյութը պայթյունավտանգ չէ

«Զվարթնոց» միջազգային օդանավակայանում հայտնաբերված նյութը պայթյունավտանգ չէ

Հոկտեմբերի 24-ին, ժամը 23:25-ին «911» ծառայություն տեղեկություն է հաղորդվել, որ «Զվարթնոց» միջազգային օդանավակայանի 2-րդ հարկում պայթուցիկ սարք է հայտնաբերվել. անհրաժեշտ է սակրավորների օգնությունը: Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատից երեք մարտական հաշվարկ, Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը, Հոգեբանական խորհրդակցության գծով հրահանգիչը, Աղետների բժշկության կենտրոնի հերթապահ բժիշկը և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խումբը: 2-րդ հարկի մուտքի դռան մոտ հայտնաբերվել է պոլիէթիլենային տոպրակով անհայտ պարունակությամբ զանգված: Մինչ փրկարարների՝ կանչի վայր հասնելը ոստիկանության աշխատակիցները տոպրակը տեղափոխել են ավտոկայանատեղի (շենքից մոտ 50 մ հեռու): Նախնական զննության արդյունքում պարզվել է, որ հայտնաբերված նյութը պայթյունավտանգ չէ: Ժամը 23:39-ից 00:25-ը փրկարարները տեղում իրականացրել են հերթապահություն:
06:07 - 25 հոկտեմբերի, 2019
Խոշոր հրդեհ Տավուշում. այրվում են ծառեր. ներգրավվել է 40-ից ավելի փրկարար. Կրակը դեռ չի մարվել

Խոշոր հրդեհ Տավուշում. այրվում են ծառեր. ներգրավվել է 40-ից ավելի փրկարար. Կրակը դեռ չի մարվել

Հայաստանի ԱԻՆ-ում, հոկտեմբերի 24-ին, ժամը 16:36-ին «911» ծառայություն տեղեկություն է ստացվել, որ հրդեհ է բռնկվել Տավուշի մարզի Գետահովիտ գյուղի «Խոռեր» կոչվող հանդամասում: Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, օպերատիվ խումբը, ազատ հերթափոխից 20 փրկարար եւ քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի 10 փրկարար ծառայող: Ճանապարհի անանցանելիության պատճառով փրկարարները ճանապարհը (մոտ 1 կմ) շարունակել են ոտքով: Պարզվել է, որ «Հայանտառ» ՊՈԱԿ-ի Իջեւանի անտառտնտեսության անտառածածկ տարածքում այրվում են մոտ 1 հա բուսածածկույթ եւ ծառեր: Ժամը 21:00-ի դրությամբ հրդեհաշիջման աշխատանքներին մասնակցում են 35 հրշեջ-փրկարար եւ «Հայանտառ» ՊՈԱԿ-ի Իջեւանի մասնաճյուղի 9 աշխատակից: Ժամը 22:25-ին մթության եւ բարդ ռելիեֆի պատճառով հրդեհաշիջման աշխատանքները ժամանակավորապես դադարեցվել են. սահմանվել է հերթապահություն: Կտրվի լրացուցիչ տեղեկություն:
05:59 - 25 հոկտեմբերի, 2019
Գորիս-Կապան ճանապարհահատվածի 8-14-րդ կմ-երը բեռնատարների համար փակ են լինելու

Գորիս-Կապան ճանապարհահատվածի 8-14-րդ կմ-երը բեռնատարների համար փակ են լինելու

Արտակարգ իրավիճակների նախարարությունը տեղեկացնում է, որ հոկտեմբերի 23-ին՝ ժամը 09:00-ի դրությամբ, ՀՀ տարածքում ավտոճանապարհներն անցանելի են: Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն՝ Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: Վանաձոր-Ալավերդի-Բագրատաշեն ավտոճանապարհին կատարվում են շինարարական աշխատանքներ, ինչի հետևանքով ճանապարհահատվածը բեռնատարների համար փակ է: Սահմանվել է հետևյալ այլընտրանքային ավտոճանապարհը. Դիլիջան-Նոյեմբերյան-Բագրատաշեն Ս.թ. սեպտեմբերի 23-ից սկսած՝ Մ-2 ավտոճանապարհի Գորիս-Կապան հատվածի 8-14-րդ կմ-երին յուրաքանչյուր օր՝ ժամը 09:00-ից 18:00-ն, կատարվելու են շինարարական աշխատանքներ, ինչի պատճառով ճանապարհահատվածը փակ է լինելու բեռնատարների համար:
06:40 - 23 հոկտեմբերի, 2019
Ֆելիքս Ցոլակյանը հանդիպել է Համաշխարհային Բանկի ներկայացուցիչների հետ

Ֆելիքս Ցոլակյանը հանդիպել է Համաշխարհային Բանկի ներկայացուցիչների հետ

Հոկտեմբերի 21-ին ԱԻ նախարար Ֆելիքս Ցոլակյանը հանդիպում ունեցավ «Աղետների ռիսկի կառավարման ազգային ծրագրին» տեխնիկական աջակցություն ցուցաբերելու առաքելությամբ Հայաստան ժամանած Համաշխարհային Բանկի (ՀԲ) թիմի հետ: Պատվիրակության կազմում ընդգրկված էին աշխատանքային խմբի ղեկավար, աղետների ռիսկի կառավարման մասնագետ Տաֆաձվա Դուբեն, աղետների ռիսկի կառավարման ավագ խորհրդատու Ադամ Մքալիստերը, ՀԲ ծրագրերի համակարգող, ենթակառուցվածքների գծով խորհրդատու Նորա Միրզոյանը: Նախարար Ֆելիքս Ցոլակյանը ողջունելով հյուրերին` բարձր գնահատեց ԱԻՆ-ի և համաշխարհային բանկի փոխգործակցությունը, հատկապես կարևորելով արդեն իրականացված համատեղ ծրագրերը: ԱԻՆ-ը և համաշխարհային բանկն արդեն ունեն համագործակցության փորձ Հիդրոմետ և Սեյսմիկ ոլորտներում: Համաշխարհային բանկի աջակցությամբ «Աղետների ռիսկի կառավարման ազգային ծրագրի» շրջանակներում Հիդրոմետ ծառայությունում տեղի են ունեցել աշխատակիցների վերապատրաստման դասընթացներ: Սեյսմիկ ոլորտում 2016-2018 թթ. Համաշխարհային բանկի ֆինանսական և տեխնիկական աջակցությամբ՝ Միջազգային կոնսորցիումի կողմից կազմվել է ՀՀ տարածքի սեյսմիկ վտանգի հավանականային գնահատման 1:500000 մասշտաբի նոր քարտեզ, որի իրականացման աշխատանքներին ներգրավված է եղել նաև ԱԻ նախարարի հրամանով ստեղծված միջգերատեսչական աշխատանքային խումբը: Այդ նոր քարտեզի օրինակը տրամադրվել է նաև Քաղաքաշինության կոմիտեին: Կոնսորցիումի կողմից կազմվել և ներկայացվել են նաև ՀՀ տարածքի սեյսմիկ շրջանացման արդիականացված քարտեզներ՝ երկրաշարժերի կրկնելիության տարբեր ժամանակահատվածների և ուժգնության տարբեր հավանականությունների համար, ինչը գիտական և տեղեկատվական հիմք է ծառայում սեյսմակայուն շինարարության ազգային նորմերի վերանայման և արդիականացման համար: Ֆելիքս Ցոլակյանն իր խոսքում կարևորեց աղետների ռիսկի գնահատման և կանխարգելման կարողությունների զարգացումը, որին պետք է միտված լինի նաև Համաշխարհային Բանկի հետ համագործակցությունը: Զրուցակիցները մտքեր փոխանակեցին Փրկարար ծառայության կարողությունների, անձնակազմի պատրաստվածության և շենք շինությունների վիճակի վերաբերյալ: Նախարար Ցոլակյանը նշեց, որ 64 հրշեջ-փրարարական ջոկատներից 32-ն արդեն գտնվում են վերանորոգման և արդիականացման փուլում: Նախարար Ցոլակյանը խոսեց նաև հրշեջ-փրկարարական ջոկատների անբավարարության խնդրի մասին: Ըստ ուսումնասիրությունների՝ օրինակ Երևանում, 12 հրշեջ-փրկարարական ջոկատների փոխարեն անհրաժեշտ է նվազագույնը 20 հրշեջ-փրկարարական ջոկատ՝ քաղաքի սպասարկումը պատշաճ իրականացնելու համար: Աշխատանքային խմբի ղեկավար, աղետների ռիսկի կառավարման մասնագետ Տաֆաձվա Դուբեն նույնպես բարձր գնահատեց ԱԻՆ-ի հետ համագործակցությունը: Տաֆաձվա Դուբեն պատրաստակամություն հայտնեց գարնանը, ՀԲ-ի ուսումնասիրություններից հետո, ներկայացնել ԱԻՆ կարիքների վերաբերյալ մասնագիտական եզրակացություն և երկարաժամկետ հեռանկարում առավելագույնս օժանդակել խնդիրների լուծմանը: Համաշխարհային Բանկի առաքելության նպատակն է իրականացնել արտակարգ իրավիճակներում արձագանքելու և օպերատիվ պատրաստվածության ազգային կարողությունների նախնական գնահատում, հույժ կարևոր ենթակառուցվածքներին վերաբերող քաղաքականությունների և ծրագրերի գույքագրում, ինչպես նաև համաձայնության գալ արտակարգ իրավիճակներին արձագանքելու և կարևոր կառույցների տեխնիկական գնահատման շուրջ:
12:40 - 21 հոկտեմբերի, 2019
Վանաձոր-Ալավերդի-Բագրատաշեն ճանապարհահատվածը բեռնատարների համար փակ է

Վանաձոր-Ալավերդի-Բագրատաշեն ճանապարհահատվածը բեռնատարների համար փակ է

Արտակարգ իրավիճակների նախարարությունը տեղեկացնում է, որ հոկտեմբերի 17-ին՝ ժամը 23:30-ի դրությամբ ՀՀ տարածքում ավտոճանապարհներն անցանելի են: Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: Վանաձոր-Ալավերդի-Բագրատաշեն ավտոճանապարհին կատարվում են շինարարական աշխատանքներ, ինչի հետևանքով ճանապարհահատվածը բեռնատարների համար փակ է: Սահմանվել է հետևյալ այլընտրանքային ավտոճանապարհը. Դիլիջան-Նոյեմբերյան-Բագրատաշեն Ս.թ. սեպտեմբերի 23-ից սկսած Մ-2 ավտոճանապարհի Գորիս-Կապան հատվածի 8-14-րդ կմ-երին յուրաքանչյուր օր ժամը 09:00-ից 18:00-ն կատարվելու են շինարարական աշխատանքներ, ինչի հետևանքով ճանապարհահատվածը փակ է լինելու բեռնատարների համար:
04:54 - 18 հոկտեմբերի, 2019