Հայաստանի բնակչության 69 տոկոսը բացասական է գնահատում ԼՂ հարցում կառավարության քաղաքականությունը, խաղաղության հաստատման խոստմանը հավատում է 9%-ը․ IRI-ի հարցման արդյունքները
|aysor.am|
aysor.am: Հրապարակվել են Ամերիկյան Միջազգային Հանրապետական ինստիտուտի (ՄՀԻ/ IRI) կողմից իրականացված սոցիոլոգիական հետազոտության տվյալները, որոնք վերաբերում են այս տարվա մարտին:
IRI -ի՝ 72 էջանոց հարցման կարևոր ցուցանիշներն են․
Նիկոլ Փաշինյանի անձնական վարկանիշը 14% է, Արարատ Միրզոյանինը՝ 3%, Ռոբերտ Քոչարյանինը՝ 2%, Արամ Զավենի Սարգսյանինը՝ 2%, Ալեն Սիմոնյանինը՝ 2%:
Հարցվածների 64%-ն ասել է՝ որևէ մեկին չի վստահում:
Անցած 6 ամիսներին ՀՀ կառավարության ամենամեծ ձեռքբերումը հարցվածների 6%-ը համարել է դիվանագիտական աշխատանքը, 4%-ը՝ ճանապարհաշինությունը, 2%-ը՝տնտեսական աճը: 44%-ը նշել է, որ ոչ մի ձեռքբերում չկա, 21%-ը դժվարացել է պատասխանել:
Հարցին՝ Նիկոլ Փաշինյանի ո՞ր խոստման իրագործմանն են հավատում առաջիկա 6 ամսիներին, հարցվածների 12%-ը պատասխանել է բանակի հզորացումը, 12%-ը՝ անվտանգության մակարդակի բարձրացումը, 3%-ը՝ նոր աշխատատեղերի ստեղծումը, 9%-ը՝ խաղաղության հաստատումը:
Հայաստանի բնակչության 69 տոկոսը բացասական գնահատական է տալիս ԼՂ հարցում կառավարության քաղաքականությանը։ Հարցվածների 52%-ը կարծում է, որ երկիրն ընթանում է սխալ ուղղությամբ, 36%-ը՝ ճիշտ ուղղությամբ:
Քաղաքական լուրերն ինչ՞ աղբյուրներից եք ստանում հարցին 76%-ը պատասխանել է TV-ներից, 57%-ը՝ սոցցանցից, 46%-ը առցանց մամուլից:
Հարցին՝ Youtube-ում ի՞նչ աղբյուրներից եք լուրերին ծանոթանում, 23%-ը պատասխանել է՝ Հ1, 16%-ը՝ «Արմենիա», 10%-ը՝ «Շանթ», 5%-ը՝ «Ազատություն», 3%-ը՝ «TV5», 1%-ը՝ «Կենտրոն»։
14:03 - 03 մայիսի, 2023
