ՀՀ կառավարություն

Կառավարությունը գործադիր իշխանության բարձրագույն մարմինն է: Կառավարությունն իր ծրագրի հիման վրա մշակում եւ իրականացնում է պետության ներքին եւ արտաքին քաղաքականությունը, իրականացնում է պետական կառավարման համակարգի մարմինների ընդհանուր ղեկավարումը: Կառավարության լիազորությունները սահմանվում են Սահմանադրությամբ եւ օրենքներով: Կառավարության իրավասությանն են ենթակա գործադիր իշխանությանը վերաբերող բոլոր այն հարցերը, որոնք վերապահված չեն պետական կառավարման կամ տեղական ինքնակառավարման այլ մարմինների: Կառավարությունը կազմված է վարչապետից, փոխվարչապետներից եւ նախարարներից:

Հանրապետության նախագահը վարչապետ է նշանակում խորհրդարանական մեծամասնության ընտրած թեկնածուին, իսկ փոխվարչապետները եւ նախարարները նշանակվում են Հանրապետության նախագահի կողմից՝ վարչապետի առաջարկությամբ: Այժմ գործում է Նիկոլ Փաշինյանի գլխավորած կառավարությունը։

Կառավարությունը հաստատեց Արտակարգ դրությունը ևս մեկ ամսով երկարաձգելու որոշումը․ ԱԺ-ն նիստ կգումարի

Կառավարությունը հաստատեց Արտակարգ դրությունը ևս մեկ ամսով երկարաձգելու որոշումը․ ԱԺ-ն նիստ կգումարի

Կառավարությունը հաստատեց Արտակարգ դրությունը ևս մեկ ամսով երկարաձգելու որոշումը։ Այն կերկարացվի մինչև սեպտեմբերի 12-ը ժամը 17։00։ Ազգային ժողովն այսօր հարցի վերաբերյալ կգումարի արտահերթ նիստ։

11:50 - 12 օգոստոսի, 2020

Կառավարության արտահերթ նիստը․ Ուղիղ

Կառավարության արտահերթ նիստը․ Ուղիղ

Օրակարգում է արտակարգ դրության ժամկետը երկարացնելու հարցը։

11:05 - 12 օգոստոսի, 2020

Օգոստոսի 12-ին տեղի կունենա կառավարության արտահերթ նիստ, օրակարգում է արտակարգ դրության ժամկետը երկարաձգելու հարցը

Օգոստոսի 12-ին տեղի կունենա կառավարության արտահերթ նիստ, օրակարգում է արտակարգ դրության ժամկետը երկարաձգելու հարցը

Օգոստոսի 12-ին՝ ժամը 11:00-ին, տեղի կունենա ՀՀ կառավարության արտահերթ նիստ: Օրակարգում է մարտի 16-ին հայտարարված արտակարգ դրության ժամկետը երկարաձգելու հարցը։ Հիշեցնենք, օգոստոսի 5-ի ճեպազրույցի ժամանակ փոխվարչապետ, պարետ Տիգրան Ավինյանը հայտնեց, որ արտակարգ դրությունը երկարաձգվելու է ևս մեկ ամսով, և դա կլինի վերջին երկարաձգումը։ Փոխվարչապետի խոսքով՝ մի շարք արգելքներ կմեղմացվեն։

14:36 - 11 օգոստոսի, 2020

Կառավարության ֆինանսավորմամբ Արմավիրում 77 ծրագիր կիրականացվի` 3 մլրդ 421 մլն դրամ ընդհանուր բյուջեով

Կառավարության ֆինանսավորմամբ Արմավիրում 77 ծրագիր կիրականացվի` 3 մլրդ 421 մլն դրամ ընդհանուր բյուջեով

ՀՀ կառավարությունն ավարտել է Արմավիրի մարզից ներկայացված սուբվենցիոն ծրագրերի հաստատման գործընթացը. 77 ծրագիր հավանության է արժանացել, այս մասին տեղեկացնում է Արմավիրի մարզպետարանը: Արդյունքում Կառավարության համաֆինանսավորմամբ 2020 թվականին Արմավիրի մարզի 61 համայնքի, այդ թվում` 3 քաղաքային, սոցիալ-տնտեսական ենթակառուցվածքների զարգացմանն ուղղված 77 ծրագիր կիրականացվի` 3 մլրդ 421 մլն 091.82 հազ. դրամ ընդհանուր բյուջեով: Նշված գումարից շուրջ 1 մլրդ 713 մլն 257.33 հազ. դրամը համայնքների, 1 մլրդ 664 մլն 835.43.5 հազ. դրամը` պետության և 42 մլն 999.05 հազ. դրամը` մասնավոր հատվածի համաֆինանսավորման չափաբաժինն է: Հաստատված ծրագրերի շրջանակում համայնքներում իրականացվելու են հետևյալ աշխատանքները. 21 ծրագրով կիրականացվի բնակավայրերի փողոցների հիմնանորոգում` 1 մլրդ 554 մլն 131,41 հազ. դրամ ընդհանուր ծրագրային արժեքով, 5 ծրագրով` խմելու ջրամատակարարման և ջրահեռացման համակարգի կառուցում` 258 մլն 403,96 հազ. դրամ ընդհանուր ծրագրային արժեքով, 3 ծրագրով` ոռոգման համակարգի կառուցում` 71 մլն 180,43 հազ. դրամ ծրագրային արժեքով, 1 ծրագրով` փողոցային լուսավորության ցանցի կառուցում` 26 մլն 942.80 հազ. դրամ ծրագրային արժեքով, 5 ծրագրով` վերականգնող էներգետիկա. արևային ֆոտովոլտային կայանների տեղադրում` 82 մլն 035,32 հազ. դրամ ծրագրային արժեքով, 11 ծրագրով` բնակավայրի գազաֆիկացում` 225 մլն 489,94 հազ. դրամ ծրագրային արժեքով, 9 ծրագրով` մանկապարտեզի կառուցում` 809 մլն 966,17 հազ. դրամ ծրագրային արժեքով, 10 ծրագրով` հասարակական շենքերի վերանորոգում/ կառուցում` 178 մլն 662,72 հազ. դրամ ծրագրային արժեքով, 3 ծրագրով` բազմաբնակարան շենքերի ընհանուր բաժնային սեփականության գույքի նորոգում` 53 մլն 900,30 հազ. դրամ ծրագրային արժեքով, 4 ծրագրով` այգիների, պուրակների կառուցում/բարեկարգում` 67 մլն 731,33 հազ. դրամ ծրագրային արժեքով, 5 ծրագրով` մեքենասարքավորումների, տեխնիկայի և գույքի ձեռքբերում` 62 մլն 605,00 հազ. դրամ ծրագրային արժեքով:

11:47 - 11 օգոստոսի, 2020

Սեդա Հակոբյանն ազատվել է ՀՀ փոխվարչապետի ռեֆերենտի պաշտոնից

Սեդա Հակոբյանն ազատվել է ՀՀ փոխվարչապետի ռեֆերենտի պաշտոնից

Մհեր Գրիգորյանը Սեդա Հակոբյանին ՀՀ փոխվարչապետի ռեֆերենտի պաշտոնից ազատելու մասին որոշում է ստորագրել: «Ղեկավարվելով Հայաստանի Հանրապետության աշխատանքային օրենսգրքի 113-րդ հոդվածի 1-ին մասի 2-րդ կետով, 129-րդ հոդվածի 1-ին մասով ու 130-րդ հոդվածով և «Հանրային ծառայության մասին» Հայաստանի Հանրապետության օրենքի 9-րդ հոդվածի 14-րդ մասով՝ 1. Սեդա Սարգսի Հակոբյանին 2020 թվականի օգոստոսի 7-ից ազատել Հայաստանի Հանրապետության փոխվարչապետ Մհեր Գրիգորյանի ռեֆերենտի պաշտոնից»,-ասված է որոշման մեջ:

10:32 - 11 օգոստոսի, 2020

Պարետի սահմանած նորմերի պահպանման նպատակով իրականացվել է 64 256 ստուգում

Պարետի սահմանած նորմերի պահպանման նպատակով իրականացվել է 64 256 ստուգում

Պարետի կողմից սահմանված նորմերի պահպանման նպատակով օգոստոսի 9-ի դրությամբ իրականացվել է 64 256 ստուգում: Ինչպես տեղեկացրին ՀՀ կառավարությունից, բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման ցուցումներ։ Ստուգումներն իրականացնում են ՀՀ առողջապահական և աշխատանքի տեսչական մարմինը, ՀՀ սննդամթերքի անվտանգության տեսչական մարմինը, ՀՀ քաղաքաշինության, տեխնիկական և հրդեհային անվտանգության տեսչական մարմինը, ՀՀ կրթության տեսչական մարմինը և ՀՀ շուկայի վերահսկողության տեսչական մարմինը։

19:10 - 10 օգոստոսի, 2020

Կառավարությունը 2,8 մլն դոլարի մաքսային արտոնություն է տրամադրել Երևանում ՋԷԿ-ի կառուցման համար |armenpress.am|

Կառավարությունը 2,8 մլն դոլարի մաքսային արտոնություն է տրամադրել Երևանում ՋԷԿ-ի կառուցման համար |armenpress.am|

armenpress.am: ՀՀ կառավարությունը 2.8 մլն դոլարի մաքսային արտոնություն է տրամադրել Երևանում նոր ՋԷԿ-ի կառուցման համար, ինչպես նաև նախագիծն իրականացնելու համար ներդրվել է մոտ 270 միլիոն դոլար: Այս մասի տեղեկացնում են Կառավարությունից։ «ՋԷԿ-ում արտադրվելու է շոգեգազային ցիկլով էլեկտրաէներգիա։ Շինարարությունը սկսվել է 2019 թվականի ամռանը։ Նոր ՋԷԿ-ը լինելու է 254 ՄՎտ հզորությամբ աշխատող կայան, որն ամբողջ աշխարհում կունենա ամենաբարձր ՕԳԳ՝ մոտ 54 տոկոս։ Բարձր ՕԳԳ-ն Հայաստանին կտա միանգամից 2 առավելություն՝ կայանի շահագործման ժամանակ էկոլոգիայի վրա բացասական ազդեցությունը շատ ցածր է լինելու, ինչպես նաև հնարավոր կլինի ստանալ էժան հոսանք»,- նշել է «Ռենկո» ընկերության Հայաստանյան մասնաճյուղի տնօրեն Սիմոնե Ջիովաննինին։ Նա նաև հայտնել է, որ մինչ այս պահն արդեն ներդրվել է մոտ 130 մլն դոլար։ Գումարի շրջանակներում ներառված է նաև հիմնական սարքավորումների մի մասը, որն արդեն ձեռք է բերվել և սպասում են տեղ հասնելուն։ «Սարքավորումների ներմուծման ժամանակ մենք դիմել էինք ՀՀ կառավարությանը՝ մաքսային արտոնություն ստանալու հայտով։ Այս փուլում ստացել ենք 2,8 մլն դոլարի արտոնություն՝ մոտ 25 մլն դոլար սարքավորումներ ձեռք բերելու համար»,- ասել է Ջիովաննինին և հավելել, որ համավարակի ընթացքում իրենց աշխատանքը չի ընդհատվել։ Ներկայումս շինարարությունում ընդգրկված է 500 աշխատակից, որոնց 95 տոկոսը տեղացիներ են։ Նախատեսվում է, որ 2021 թվականին կայանը կգործարկվի։

15:50 - 08 օգոստոսի, 2020

Ղարաբաղ Տելեկոմ․ ինչու են գաղտնի պահվում պայմանագիրը և լիցենզիան |civilnet.am|

Ղարաբաղ Տելեկոմ․ ինչու են գաղտնի պահվում պայմանագիրը և լիցենզիան |civilnet.am|

civilnet.am: 2002-ից Արցախում գործում է «Ղարաբաղ Տելեկոմը» (Karabakh Telecom, KT)՝ կապի միակ օպերատորը: Այս ընկերության և ԼՂՀ կառավարության միջև պայմանագիրը կնքվել է 2001-ին՝ 30 տարով։ Կառավարությունը չի հրապարակում «Ղարաբաղ Տելեկոմի» հետ կնքած պայմանագիրը և նրան տրամադրած լիցենցիան՝ համարելով դա առևտրային գաղտնիք։ Թե ինչ հիմքով են ձևավորվում այս ընկերության ծառայությունների սակագները, հայտնի չէ։ Իրազեկ քաղաքացիների միավորում ՀԿ-ն ուսումնասիրություն է սկսել և պատրաստվում է այդ գաղտնիությունը վիճարկել Արցախի դատական ատյաններում։

15:46 - 08 օգոստոսի, 2020

«ՔՈ» ՍԴ կուսակցությունը վերահաստատում է իր դիրքորոշումը Ամուլսարի հարցում և սատարում է քաղաքացիների ինչպես միջանկյալ, այնպես էլ վերջնական պահանջները

«ՔՈ» ՍԴ կուսակցությունը վերահաստատում է իր դիրքորոշումը Ամուլսարի հարցում և սատարում է քաղաքացիների ինչպես միջանկյալ, այնպես էլ վերջնական պահանջները

«Քաղաքացու որոշում» ՍԴԿ-ի հայտարարությունն Ամուլսարում տեղի ունեցող իրադարձությունների վերաբերյալ․ «Սույն թվականի օգոստոսի 4-ին «Լիդիան Արմենիա» ընկերության կողմից խախտվել է Ամուլսարի հարցում երկու տարի առաջ ձևավորված ստատուս քվոն՝ հեռացվել են հանրային տարածքում քաղաքացիների տեղադրած վագոն-տնակները և դրանց տեղում տեղադրվել են ընկերության տնակները։ Այս սադրանքը մեկ ամիս առաջ սկսած սադրիչ ռազմավարության մի հերթական քայլ է, որով նրանք փորձ են անում պահնորդական զինված խմբի միջոցով լուծել իրենց խնդիրները և քաղաքացիներին ներքաշել ապօրինությունների մեջ: Մասնավոր ռազմականացված կազմակերպությունը դարձել է Հայաստանի Հանրապետության և նրա քաղաքացիների դեմ ճնշման գործիք:Ստեղծված իրավիճակում քաղաքացիների պահանջներն են.1. Ընկերությանը պատկանող վագոն տնակները պետք է հեռացվեն2. Ապօրինություններ և սադրանքներ իրականացնող պահնորդական խումբը պետք է հեռացվի3. Կառավարությունը պետք է հստակություն մտցնի վերջնական որոշման ժամկետների հարցումՆշված միջանկյալ քայլերը անհրաժեշտ են ընկերության կողմից այս օրերին ստեղծված լարվածությունը մեղմելու համար։Քաղաքացիների հիմնական պահանջը մնում է անփոփոխ՝ Ամուլսարի տարածքում արգելել հանքի շահագործումը։«Քաղաքացու որոշում» կուսակցությունը վերահաստատում է իր դիրքորոշումը Ամուլսարի հարցում և սատարում է քաղաքացիների ինչպես միջանկյալ, այնպես էլ վերջնական պահանջները:Նախ դատապարտելի ենք համարում, որ այս սադրանքը իրականացվել է համավարակի պայմաններում՝ հաշվարկ ունենալով, որ քաղաքացիները հնարավորություն չեն ունենա իրացնել իրենց իրավունքները։Դատապարտելի է, որ կառավարությունը այս հակամարդկային հաշվարկի մեջ դարձել է մի սովորական գործիք և ստանձնել է արդար ու խաղաղ հավաքները ճնշելու գործառույթ։Ի վերջո դատապարտելի է քաղաքացիներին ավելի քան երկու տարի հյուծող խնդրի լուծումը հետաձգելու, քաղաքացիներին վերազգային կապիտալի դեմ միայնակ թողնելու, ողջամիտ փաստարկներն անտեսելու և հռչակված սկզբունքները խախտելու կառավարող ուժի գործելաոճը։Կառավարությունը պարտավոր է քաղաքական կամք դրսևորել, հարցին տալ վերջնական լուծում՝ լուծման հիմքում դնելով հեղափոխական արժեքները, սկզբունքները և մարդու անքակտելի իրավունքները։ Սա է իրական հեղափոխական ուժի առաքելությունը և գործելաոճը»։

14:18 - 07 օգոստոսի, 2020

Հայաստանի Հանրապետությունը երեք ինքնաթիռով հումանիտար աջակցություն կցուցաբերի Լիբանանի Հանրապետությանը

Հայաստանի Հանրապետությունը երեք ինքնաթիռով հումանիտար աջակցություն կցուցաբերի Լիբանանի Հանրապետությանը

Վարչապետ Նիկոլ Փաշինյանի գլխավորությամբ տեղի է ունեցել հերթական խորհրդակցությունը՝ ՀՀ կառավարության կողմից Լիբանանի կառավարությանն օժանդակություն ցուցաբերելու ուղղությամբ իրականացվող աշխատանքների վերաբերյալ: «Հավաքվել ենք քննարկելու Բեյրութում տեղի ունեցած պայթյունից հետո և մասնավորապես հայ համայնքում ստեղծված իրավիճակի առնչությամբ մեր հետագա անելիքները և հստակեցնել, թե կառավարության ու ընդհանրապես հայաստանյան տարբեր կազմակերպությունների գործողություններն ինչպե՞ս ենք համակարգելու, ի՞նչ տրամաբանությամբ և ի՞նչ խնդիրներ ենք ձևակերպելու այս փուլում: Այս պահին պլանավորված է երեք ինքնաթիռի թռիչք: Երեքն էլ հումանիտար աջակցություն է լինելու՝ դեղորայք, սնունդ»,- նշել է վարչապետ Փաշինյանը: Փոխվարչապետ Տիգրան Ավինյանը զեկուցել է, որ առաջին թռիչքը պլանավորված է շաբաթ օրը երեկոյան՝ ժամը 21:00-ին, որի հիմնական նպատակն է լինելու առաջին հերթին դեղորայքային աջակցություն ցուցաբերելը: «Հաջորդ թռիչքը նախատեսվում է իրականացնել օգոստոսի 11-ին, ևս մեկ թռիչք կիրականացվի կրկին հաջորդ շաբաթվա ընթացքում: Ներկայումս ընթանում է ապրանքների հավաքագրման գործընթացը: Կարծում ենք՝ առաջին թռիչքով ունենալու ենք մինչև 12 տոննա բեռ, որը պետք է տեղափոխվի Լիբանան»,- նշել է Տիգրան Ավինյանը: Լիբանան են այցելելու Հայաստանի Հանրապետության կառավարության, Ազգային ժողովի, «Հայաստան» համահայկական հիմնադրամի ներկայացուցիչները, որպեսզի տեղում ծանոթանան իրավիճակին, ինչպես նաև Լիբանանի կառավարության և տեղի հայ համայնքի հետ հանդիպումների արդյունքում հստակեցնեն, թե այլ ինչ միջոցների կարիք կա ինչպես Լիբանանի կառավարությանը, այնպես էլ տեղի հայ համայնքին աջակցելու համար: Այնուհետև քննարկվել են աշխատանքների կազմակերպմանն ու համակարգմանը վերաբերող հարցեր:

12:16 - 07 օգոստոսի, 2020

ՍԱՏՄ խստացված ստուգայցերը փաստում են խախտումների կայուն նվազման մասին

ՍԱՏՄ խստացված ստուգայցերը փաստում են խախտումների կայուն նվազման մասին

ՀՀ սննդամթերքի անվտանգության տեսչական մարմնի աշխատակիցների իրականացրած վերահսկողությունը ցույց է տվել, որ հանրապետությունում ողջ տարածքի սննդի շղթայի կազմակերպություններում կտրուկ նվազել է ՀՀ պարետի որոշումներով սահմանված սանիտարահիգիենիկ նորմերի խախտումների քանակը: Այս մասին հաղորդագրություն է տարածել ՀՀ կառավարությունը․ «ՍԱՏՄ Երևանի կենտրոնի տեսուչների վերջին երեք օրերի և այսօրվա խստացված մշտադիտարկումներն ու կրկնայցերը Երևանի Կենտրոն վարչական շրջանի Օղակաձև զբոսայգու հանրային սննդի կազմակերպություններում արձանագրել են ակնկալվող դրական արդյունքը. տնտեսավարողներն աշխատում են՝ մանրակրկիտ հետամուտ լինելով նախկինում նկատված թերացումների վերացմանը, և խախտումներ հայտնաբերվել են միայն երեք օբյեկտներում: Մարզերում ևս պատկերն ավելի բարվոք է եղել. նախկինում հայտնաբերված թերացումների համեմատ՝ այսօր արձանագրվել են նվազագույն քանակի խախտումներ: Խախտումների բնույթը կրկնվում է՝ գրանցամատյանների թերի լրացում, փակ աղբամանների բացակայություն, ախտահանիչ միջոցների ոչ բավարար քանակ, դիմակների ոչ պատշաճ կրում և այլն»,- ասված է հաղորդագրության մեջ:

18:12 - 06 օգոստոսի, 2020

Կառավարությունն արտոնություն է տրամադրել Իջևանի գինու, կոնյակի գործարանին

Կառավարությունն արտոնություն է տրամադրել Իջևանի գինու, կոնյակի գործարանին

Գործադիրի որոշումներով «Իջևանի գինու, կոնյակի գործարան» ՓԲԸ ներդրումային ծրագրի շրջանակում կօգտվի ԱԱՀ վճարման ժամկետը երեք տարով հետաձգելու և մաքսատուրքից ազատելու արտոնություններից: Ընկերությունը զբաղվում է գինու և կոնյակի արտադրությամբ ք․ Իջևանում։ Ծրագրի շրջանակում նախատեսում է ներմուծել պահամաններ՝ գինու և կոնյակի պահպանման համար։ Ներկայացված ներդրումային ծրագրի շրջանակում ընկերությունը մտադիր է կատարել ընդհանուր 201․7 մլն դրամի չափով ներդրում ցանկում ներկայացված պահամանների ձեռքբերման համար։ Արդյունքում ընկերությունում երեք տարվա ընթացքում կստեղծվի 37 նոր աշխատատեղ` 140 հազար դրամ միջին աշխատավարձով:

16:02 - 06 օգոստոսի, 2020

Պարեկային ծառայությունում որևէ հին բան պետք է չլինի. Փաշինյանը հորդորեց վերջ տալ հին տրամաբանությանը |armenpress.am|

Պարեկային ծառայությունում որևէ հին բան պետք է չլինի. Փաշինյանը հորդորեց վերջ տալ հին տրամաբանությանը |armenpress.am|

armenpress.am: ՀՀ վարչապետ Նիկոլ Փաշինյանը հորդորեց վերջ տալ այն հին տրամաբանությանը, որ որևէ նոր ստեղծվող կառույցում կարելի է օգտագործել հին և օգտագործված գույքը: Օգոստոսի 6-ի կառավարության նիստում Փաշինյանը նշեց, որ Ոստիկանությունում ստեղծվող նոր Պարեկային ծառայությունում պետք է որևէ հին բան չլինի: «Քննարկումների արդյունքում կարծիք հնչեց, որ տարբեր տեղերում պետական մեքենաներ ենք կրճատում, կարելի է դրանք տրամադրել պարեկային ծառայությանը: Ոչ, Պարեկային ծառայությունում որևէ հին, օգտագործված բան պետք է չլինի, սկսած ատրճանակից, շարունակած՝ հագուստով, վերջացրած՝ մեքենաներով, կապի միջոցներով: Ամեն ինչը պետք է լինի նոր, զրոյից ստեղծված»,- ասաց Փաշինյանը: Վարչապետը նշեց, որ հին տրամաբանությամբ ծախսված ամեն կոպեկը համարում է վնասակար, որովհետև այդ գումարի ծախսման արդյունքում ոչինչ չի փոխվում: «Չի կարելի նոր դպրոց կառուցելիս հին դպրոցի գույքը դնել այդտեղ: Դա շատ վատ բան է բոլոր առումներով: Կարելի է մի տեղ մի բան ավելի պակաս կառուցել, բայց նորը դարձնել լիարժեք նոր»,- նշեց վարչապետը:

14:06 - 06 օգոստոսի, 2020

Աջափնյակում հակակոռուպցիոն կոմիտեի շենք կկառուցվի |civilnet.am|

Աջափնյակում հակակոռուպցիոն կոմիտեի շենք կկառուցվի |civilnet.am|

civilnet.am: Հայաստանում ձևավորվելիք հակակոռուպցիոն կոմիտեի շենքի նախագծման համար արդարադատության նախարարությանը կառավարությունը 51 միլիոն դրամ հատկաեցրեց։ Հարցն ընդգրկված էր կառավարության օգոստոսի 6-ի օրակարգում և չզեկուցվող էր։ Ըստ որոշման հիմնավորման՝ Հայաստանում հահակոռուպցիոն ռազմավարությունը ենթադրում է 2021-ին նոր հակակռուպցիոն մարմնի ստեղծում և այդ կոմիտեին առանձին տարածքի տրամադրում և շենքի կառուցում։ 2020-ի մարտին Երևանի քաղաքապետարանը կառավարությանը նվիրատվությամբ հանձնել է Աջափնյակ վարչական շրջանի «Սպանդարյան» երկաթգծի կայարանի հարակից 15 հեկտար մակերեսով հողատարածքը։ Այն սկիզբից անցել է տարածքային կառավարման և ենթակառուցվածքների նախարարությանը, ապա արդարադատության նախարարությանը։ Նախարարությունը շենքի կառուցման նախագծային աշխատանքների համար ստացել է 51 միլիոն դրամ։ Նախագծայիյն աշխատանքները կտրեն մոտ 6 ամիս։ Շինարարության համար անհրաժեշտ միջոցների վերաբերյալ տեղեկություն որոշման մեջ առկա չէ։

13:47 - 06 օգոստոսի, 2020

Տավուշում զրոյից կառուցվող պուրակն ու բնակելի տունը պետք է դառնան նոր Հայաստանի խորհրդանիշը. Փաշինյան |armenpress.am|

Տավուշում զրոյից կառուցվող պուրակն ու բնակելի տունը պետք է դառնան նոր Հայաստանի խորհրդանիշը. Փաշինյան |armenpress.am|

armenpress.am: ՀՀ վարչապետ Նիկոլ Փաշինյանը հորդորեց ադրբեջանական հրետակոծությունից տուժած Տավուշի սահմանամերձ բնակավայրերում իրականացվող շինարարության մեջ ներդնել նոր Հայաստանի փիլիսոփայությունը: Այս մասին Փաշինյանն ասաց օգոստոսի 6-ի գործադիրի նիստում՝ Տավուշի մարզպետարանին նշված շինարարական աշխատանքների համար լրացուցիչ գումար հատկացնելու հարցի քննարկման ընթացքում: «Պետական շինարարության և ոչ պետական շինարարության ընկալման տարբերությունը պետք է վերանա: Երբ ասում ենք տուն, չպետք է հասկանանք միայն չորս պատ, մեկ տանիք, երբ ասում ենք պուրակ, չպետք է հասկանանք միայն չորս նստարան և մեկ ցայտաղբյուր: Պետք է այս պետական շինարարության հետ շինարարական նոր գույն, փիլիսոփայություն մտնի այդ փոքր տարածքներում: Մեր արած գործի մեջ պետք է արտահայտվի այն, ինչ մենք խոսում ենք: Մենք խոսել ենք գյուղերում գույների բացակայության մասին, քաղաքաշինական խնդիրների, միջավայրի խնդիրների մասին: Անթույլատերի է, որ այդ խոսելուց հետո մեր կառուցածի վրա այն չարտահայտվի: Այս առաքելությունը շատ պատասխանատու է»,- ասաց Փաշինյանը: Վարչապետը նշեց, որ պետք է այնպես անել, որ Տավուշում զրոյից կառուցվող պուրակն ու բնակելի տունը դառնան նոր Հայաստանի խորհրդանիշը: «Աշխատանքների արդյունքում պետք է գամ և ցույց տամ ու ասեմ, որ սա է նոր Հայաստանը: Խոսքն այն հատվածների մասին է, որտեղ մենք զրոյից նոր պուրակ ու տուն ենք կառուցում»,- նշեց վարչապետը:

13:38 - 06 օգոստոսի, 2020

Հանրակրթության չափորոշիչն ունի կարևոր և առանցքային նշանակություն. Փաշինյան |pastinfo.am|

Հանրակրթության չափորոշիչն ունի կարևոր և առանցքային նշանակություն. Փաշինյան |pastinfo.am|

pastinfo.am: Երեկ քննարկել ենք Հանրակրթության պետական չափորոշիչը, որն արդեն շրջանառության մեջ է, այսինքն վարչապետի աշխատակազմում է և առաջիկայում մենք պետք է կառավարության նիստով ընդունենք։ Այս մասին կառավարության այսօրվա նիստի ժամանակ ասաց ՀՀ վարչապետ Նիկոլ Փաշինյանը։ «Այն նախագիծը, որը շրջանառության է դրված, արտահայտում է մեր ռազմավարական պատկերացումները հանրակրթությունում անհրաժեշտ բարեփոխումների վերաբերյալ և այս ընթացքում կլավարկվի, քանի որ կանցնի ընթացակարգերով, կարծիքների հավաքագրումով և այդ ռազմավարական պատկերացումը պետք է արձանագրենք։ Ինձ մոտ քննարկումներ կունենանք նաև առարկայական չափորոշիչների վերաբերյալ։ Արդեն իսկ պատրաստ ենք առաջին փուլով մեր ռազմավարական պատկերացումներն ամբողջությամբ լայնորեն կիսել հանրության հետ և ի ցույց դնել, որ այդ ռազմավարական պատկերացումները բխում են ՀՀ պետական, ազգային շահերից, ՀՀ քաղաքացիների և յուրաքանչյուր անհատի շահերից։ Սա ուժեղ պետություն ունենալու համար անհրաժեշտ ռազմավարություն է և որևէ բան մեզ չի շեղելու ուժեղ պետություն և Հայաստանի ազգային անվտանգության ռազմավարությամբ սահմանված հայոց պետականության հավիտենության հայեցակարգը հենց այսօրվանից կյանքի կոչելու և հանրակրթության չափորոշիչն այս իմաստով ունի կարևոր և առանցքային նշանակություն»,-ասաց վարչապետը։

12:48 - 06 օգոստոսի, 2020