Լոռու մարզ

ՀՀ Լոռու մարզը տարածքի մեծությամբ երրորդն է հանրապետությունում (զբաղեցնում է ՀՀ տարածքի 12.7 %-ը): Գտնվում է հանրապետության հյուսիսում, սահմանակից է Վրաստանի Հանրապետությանը (110կմ երկարությամբ), արեւմուտքից Շիրակի, արեւելքից Տավուշի, հարավից Կոտայքի եւ Արագածոտնի մարզերին: Սահմանամերձ բնակավայրերն են Արծնի, Ապավեն, Ձորամուտ, Պաղաղբյուր, Ջիլիզա:

Մարզի տարածքով են անցնում Թբիլիսի-Երեւան երկաթուղու մի հատվածը:
ՀՀ Լոռու մարզն ընդգրկում է Սպիտակի, Ստեփանավանի, Տաշիրի, Թումանյանի, Գուգարքի տարածաշրջանները, Վանաձոր, Սպիտակ, Ստեփանավան, Ալավերդի, Տաշիր, Ախթալա, Թումանյան, Շամլուղ քաղաքները:

Լոռու մարզի դատախազությունը նախաձեռնություն է հանդես բերել Վանաձորի «Արցախ» պուրակը համայնքին վերադարձնելու և համայնքի խախտված իրավունքները վերականգնելու ուղղությամբ

Լոռու մարզի դատախազությունը նախաձեռնություն է հանդես բերել Վանաձորի «Արցախ» պուրակը համայնքին վերադարձնելու և համայնքի խախտված իրավունքները վերականգնելու ուղղությամբ

Լոռու մարզի դատախազության դատախազների դատավարական ղեկավարման ներքո գտնվող քրեական գործերից մեկի ուսումնասիրությամբ պարզվել է, որ դեռևս 2007թ. փետրվարի 23-ին Վանաձոր համայնքի նախկին ղեկավարի որոշմամբ մի ՍՊԸ-ի է հանձնվել մասնավորեցման ոչ ենթակա, Լոռու մարզի պատմության և մշակութային անշարժ հուշարձանների պետական ցուցակում ընդգրկված «Արցախ» պուրակի տարածքը: ՀՀ կառավարության 13.04.2006թ. որոշմամբ պուրակի տարածքն անհատույց, սեփականության իրավունքով փոխանցվել էր Վանաձոր համայնքին՝ որպես հասարակական կառուցապատման հողամաս։ Քննված քրեական գործի ուսումնասիրությամբ պարզվել է, որ հողամասի օտարման գործընթացում համայնքի ղեկավարը հիմք է ընդունել կառավարության այդ որոշումը: Ելնելով դրանից՝ նախաքննական մարմինը եկել է եզրահանգման, որ հողամասի օտարման գործընթացում Վանաձորի համայքնապետարանի պաշտոնատար անձանց արարքում բացակայում է ՀՀ քրեական օրենսգրքի 308-րդ հոդվածի 1-ին մասով նախատեսված հանցագործության հանցակազմը և այդ հիմքով հրաժարվել է վերջիններիս նկատմամբ քրեական հետապնդում իրականացնել։ Սակայն մարզի դատախազությունում դրա վերաբերյալ քննիչի կայացրած որոշման օրինականությունն ստուգելիս և քրեական գործի նյութերին ծանոթանալիս ակնհայտ է դարձել, որ պուրակի տարածքը ՍՊԸ-ին հանձնելու վերաբերյալ վարչական ակտը համայնքի ղեկավարի կողմից ընդունվել է ՀՀ հողային օրենսգրքի 60-րդ, 87-րդ հոդվածների պահանջների խախտմամբ, ինչը կարող է հիմք հանդիսանալ հիշատակված վարչական ակտը ոչ իրավաչափ ճանաչելու համար։ Հաշվի առնելով այդ հանգամանքը, ինչպես նաև այն, որ օրենքի խախտմամբ համայնքի սեփականություն հանդիսացող հողամասն օտարելու արդյունքում խախտվել են համայնքի իրավունքները և այդ հետևանքները շարունակել են մնալ չվերացված՝ ՀՀ Լոռու մարզի դատախազը միջնորդագիր է ներկայացրել Վանաձոր համայնքի ղեկավարին՝ քննարկելու օրենքի խախտմամբ ընդունված ոչ իրավաչափ վարչական այդ ակտն ամբողջությամբ անվավեր ճանաչելու և համայնքի օրինական շահերը վերականգնելու հարցը և միջոցներ ձեռնարկելու նմանատիպ երևույթները բացառելու ուղղությամբ։
10:38 - 20 նոյեմբերի, 2019
Լոռիում ապօրինի անտառահատման համար 2019-ի առաջին 9 ամիսներին 41.6 տոկոսով ավելի մարդ է դատապարտվել, քան ողջ 2018թ. ընթացքում

Լոռիում ապօրինի անտառահատման համար 2019-ի առաջին 9 ամիսներին 41.6 տոկոսով ավելի մարդ է դատապարտվել, քան ողջ 2018թ. ընթացքում

Լոռու մարզի դատախազությունում ուսումնասիրվել են 2019 թ. առաջին 9 ամիսների ընթացքում բնապահպանական իրավախախտումների, այդ թվում՝ ապօրինի ծառահատումների դեպքերի կապակցությամբ հարուցված քրեական գործերի նախաքննության օրինականության, ինչպես նաև այդ բնույթի հանցագործությունների նախականխման, կանխման, խափանման և բացահայտման աշխատանքների վիճակը: Ուսումնասիրությամբ պարզվել է, որ հաշվետու ժամանակահատվածում աճել են ապօրինի անտառահատման դեպքերի առթիվ ոչ միայն հարուցված, այլ նաև դատարան ուղարկված քրեական գործերի թիվ: Վերջինս առաջին հերթին պայմանավորված է այդ բնույթի դեպքերի հայտնաբերման և բացահայտման հարցում մարզի բոլոր իրավապահ մարմինների կատարած մեծ ծավալի և անզիջում աշխատանքով, քննությունների լիարժեքության և օրինականության ապահովման գործընթացում մարզի դատախազության դրսևորած հետևողականությամբ։  Միայն 2019 թ. հունվարի 1-ից հոկտեմբերի 16-ն ընկած ժամանակահատվածում հարուցվել է 70 քրեական գործ, որոնցից Լոռու մարզի առաջին ատյանի ընդհանուր իրավասության դատարան է ուղարկվել ՀՀ քրեական օրենսգրքի 296-րդ հոդվածի տարբեր մասերի հատկանիշներով քննված 19 քրեական գործ՝ 21 անձի վերաբերյալ: Դա այն դեպքում, երբ ամբողջ 2018 թ. ընթացքում այդ ոլորտում հարուցվել է թվով 61 քրեական գործ կամ այս տարվա 9 ամիսների համեմատ մոտ 13 տոկոսով պակաս: Իսկ դատարան էր ուղարկվել 8 քրեական գործ՝ 8 անձի վերաբերյալ, կամ այս տարվա 9 ամիսների համեմատ՝ մոտ 58 տոկոսով պակաս։  Ավելին՝ նշված ժամանակահատվածում դատարանում քննված գործերից մեղադրական դատավճիռներով ավարտվել է 12 քրեական գործ՝ 12 անձի վերաբերյալ: Մինչդեռ ողջ 2018 թ. ընթացքում դատարանում քննվել և ավարտվել են 7 քրեական գործ՝ 7 անձի վերաբերյալ կամ՝ 41.6 տոկոսով պակաս։  Անհրաժեշտ է նշել, որ ապօրինի ծառահատումների դեպքերով հարուցվող քրեական գործերի քանակական աճը պայմանավորված է ոչ թե ապօրինի անտառահատման դեպքերի աճով, այլ դրա դեմ տարվող պայքարի համատեքստում նախորդ տարիների համեմատ նման դեպքերի հաշվառման, բացահայտման աշխատանքների արդյունավետության էական բարձրացմամբ: Դրան էապես նպաստել է նաև այս ոլորտում վարվող քրեական քաղաքականության փոփոխությունը, որն արտահայտվել է հատկապես ՀՀ քրեական օրենսգրքում կատարված փոփոխություններով և 2017 թ. հուլիսին ՀՀ գլխավոր դատախազի մոտ կայացած օպերատիվ խորհրդակցության արդյունքում իրականացված համալիր միջոցառումների, առաջադրված նոր պահանջների, այդ թվում նաև ապօրինի ծառահատման դեպքերում վնասի հաշվարկման նոր սկզբունքների կիրառման հանգամանքով։  Միևնույն ժամանակ միջոցներ են ձեռնարկվում նաև բնապահպանական իրավախախտումների դեմ արդյունավետ պայքարելու, այդ ոլորտում կոռուպցիոն դրսևորումները բացառելու և պետության օրինական շահերին պատճառված վնասը վերականգնելու ուղղությամբ:  2019 թ. հունվարի 1-ից հոկտեմբերի 16-ն ընկած ժամանակահատվածում միայն դատարան ուղարկված քրեական գործերով բնությանը պատճառված 39.5մլն ՀՀ դրամից արդեն իսկ մինչդատական վարույթի փուլում վերականգնվել է 4.5մլն ՀՀ դրամ գումարը, իսկ չվերականգնված գումարի մնացած մասով կալանք է դրվել մեղադրյալների ինչպես շարժական, այնպես էլ՝ անշարժ գույքի վրա։  Հարկ է նշել նաև, որ հատկապես ապօրինի ծառահատումների գործընթացում կոռուպցիոն հանցագործությունների պարագայում դատարան ուղարկված քրեական գործերով մարզի դատախազությունն իրականացնում է խիստ պատժողական քաղաքականություն: Վերջինս դրսևորվում է նրանով, որ դատարանում մեղադրողների կողմից միջնորդվում է հիմնական պատիժներին զուգահեռ նշանակել նաև լրացուցիչ պատիժներ՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու տեսքով։
13:13 - 22 հոկտեմբերի, 2019
Կան համայնքապետեր, որ խնդիրներ են հարուցում ներդրողների համար․ Լոռու մարզպետ Անդրեյ Ղուկասյան |armtimes.com|

Կան համայնքապետեր, որ խնդիրներ են հարուցում ներդրողների համար․ Լոռու մարզպետ Անդրեյ Ղուկասյան |armtimes.com|

armtimes.com։ Լոռու մարզպետ Անդրեյ Ղուկասյանը դժգոհ է համայնքների ղեկավարների զգալի մասից։ Այս մասին նա այսօր ասաց Ազգային ժողովում լրագրողների հետ զրույցում՝ նշելով, որ համայնքապետները չեն խախտում օրենքները, բայց խնդիրներ են հարուցում ներդրողների համար, իսկ եթե խախտում են օրենքը՝ «ոտքը դնում են օրենքից դուրս», ապա նրանց դեմ հարուցվում են քրեական գործեր։Ղուկասյանն ասաց, որ հիմա 2-3 համայնքապետի նկատմամբ հարուցված է քրեական գործ։ Նրանց թվում, ըստ Ղուկասյանի, կան ե՛ւ քաղաքների, ե՛ւ գյուղերի ղեկավարներ։ Հարցին՝ նրանք բոլորը Հանրապետական կուսակցությունի՞ց են, մարզպետը բացասական պատասխան տվեց, սակայն անուններ չնշեց։ «Օրինակ, կան հողատարածքներ, որ համայնքային են, բայց իրականում գյուղացիներից մի քանիսը դրանք օգտագործում են որպես խոտհարք եւ համայնքնապետին ամեն հեկտարի դիմաց վճարում են 50 դոլար, եւ երբ ներդրող է գալիս, համայնքապետը փորձում է կոծկել այդ հողերի գոյության փաստը, փորձում է շարունակել գումար ստանալ։ Մենք, իհարկե, դա հայտնաբերում ենք եւ հնարավորինս արագ կանխում»,-ասաց մարզպետը։Նրա խոսքով՝ կան համայնքապետներ, որոնք դեռ հին համակարգի, արժեհամակարգի կրողներն են, եւ իրենցից ակնկալել նոր տրամաբանության մեջ աշխատանք՝ անիմաստ է, որովհետեւ իրենք նոր փոփոխությունների կրողները չեն։Անդրեյ Ղուկասյանը նշեց, որ համայնքների ղեկավարները ընտրված պաշտոնյաներ են, եւ նրանց հրաժարականը կարող են պահանջել միայն համայնքների բնակիչները։ Մարզպետի խոսքերով՝ շատ լավ կլինի, եթե համայնքապետներին հանրաքվեներով հետ կանչելու հնարավորություն լինի։
13:42 - 27 հունիսի, 2019
Չարաշահումների պատճառով Լոռիում դպրոցի տնօրենն ազատվել է աշխատանքից |factor.am|

Չարաշահումների պատճառով Լոռիում դպրոցի տնօրենն ազատվել է աշխատանքից |factor.am|

factor.am։ Ստեփանավանի թիվ 3 հիմնական դպրոցի տնօրեն Նառա Մկրտչյանն ազատվել է զբաղեցրած պաշտոնից: Պատճառն այն է, որ շուրջ 2 տարի դպրոցում չարաշահելով պաշտոնական դիրքը՝ նա աշխատակցի՝ աշխատանքի չհաճախելու արդյունքում յուրացրել է հատկացված աշխատավարձը: Քրեական գործով Մկրտչյանին մեղադրանք էր առաջադրվել ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերով ու 314-րդ հոդվածի 1-ին մասով: «Նախաքննությամբ հիմնավորվել է, որ 2015 թվականի սեպտեմբերի 1-ից մինչև 2017 թվականի փետրվարի 6-ն ընկած ժամանակահատվածում, շահադիտական դրդումներով դպրոցի տնօրենը ՊՈԱԿ-ի տեխնիկական աշխատակցի կողմից աշխատանքի չհաճախելու և աշխատանքային պարտականությունները չկատարելու պայմաններում, յուրաքանչյուր ամիս կազմել է աշխատավարձի հաշվարկման և վճարման համար հիմք հանդիսացող՝ աշխատանքի հաճախելիության վերաբերյալ տեղեկագրեր և դրանում ներառել տվյալ անձի աշխատանքային պարտականնությունները պատշաճ կատարելու մասին կեղծ տվյալներ: Դրանց հիման վրա, որպես աշխատավարձ, անհիմն կարգով ելքագրվել է խոշոր չափերի գումար, որն աշխատակցի փոխարեն տնօրենն անձամբ ստանալով՝ պաշտոնեական դիրքի օգտագործմամբ յուրացրել է»,- տեղեկացրեց ՀՀ դատախազության հանրային կապերի բաժնի պետ Արևիկ Խաչատրյանը: Ելնելով այն հանգամանքից, որ տնօրենն իրեն մեղավոր է ճանաչել, խոստովանական ցուցմունք է տվել և կամովին հատուցել պետությանը պատճառված վնասը, վարույթն իրականացնող մարմնի որոշմամբ՝ քրեական գործով վարույթը կարճվել է: Մկրտչյանի նկատմամբ քրեական հետապնդումը դադարեցվել է: «Նկատի ունենալով այն, որ վերոնշյալ գործողությունների արդյունքում խաթարվել է ուսումնական հաստատության բնականոն աշխատանքը, ոտնահարվել են սովորողների, մանկավարժական այլ աշխատողների օրինական շահերն ու իրավունքները՝ Լոռու մարզի դատախազ Արսեն Մարտիրոսյանը միջնորդագիր է ներկայացրել Լոռու մարզպետ Անդրեյ Ղուկասյանին՝ ձեռնարկելու նշված խախտումների պատճառները պարզելուն ուղղված գործուն միջոցներ, ինչպես նաև լուծելու մեղավոր անձանց կարգապահական ներգործության ենթակելու, նրանց պատասխանատվության հարցը»,- ասաց Արևիկ Խաչատրյանը։ Արդյունքում, Լոռու մարզպետ Անդրեյ Ղուկասյանի որոշմամբ՝ Նառա Մկրտչյանն ազատվել է տնօրենի պաշտոնից:
13:31 - 23 մայիսի, 2019
Ալավերդու պետական քոլեջի 13 դասախոս ազատվել է աշխատանքից․ տնօրենի դեմ բողոքը շարունակվում է |news.am|

Ալավերդու պետական քոլեջի 13 դասախոս ազատվել է աշխատանքից․ տնօրենի դեմ բողոքը շարունակվում է |news.am|

news.am։ Ալավերդու պետական քոլեջի պրոֆեսորադասախոսական կազմի 13 աշխատակից իր դիմումի համաձայն ազատվել է աշխատանքից։ Այս մասին տեղեկացրին քոլեջի աշխատակիցները։Քոլեջի առաջին կուրսի ուսանող Հրաչ Մկրտչյանը պատմեց, որ մայիսի 8–ին քոլեջի տնօրենի լիազորությունները կատարում է նախկին փոխտնօրեն Աստղիկ Ավետյանը, և ուսանողությունը նրան այդ պաշտոնում տեսնել չի ցանկանում։ Ուսանողները, ըստ Հրաչ Մկրտչյանի, կհետևեն դասախոսներին, փաստաթղթերը հետ կվերցնեն քոլեջից․ «Պետական քննությունները ոնց որ թե չեն լինելու»,– ասաց նա։լ Հրաչ Մկրտչյանը հայտնեց, որ աշխատանքից ազատված դասախոսները մասնակցել են բողոքի ակցիաներին, կանգնել են իրենց ուսանողների կողքին։ Այժմ էլ քոլեջում դասադուլ է, ուսանողության մի մասը քոլեջ չի գալիս, իսկ մյուս մասը ակցիա է անում և լսարան չի մտնում. դասապրոցեսը խաթարված է։«Մենք պատրաստ ենք ընդունել յուրաքանչյուր մարդու՝ միայն ոչ Աստղիկ Ավետյանին, քանի որ նրա հետ աշխատելը բարդ է»,- ասաց Հրաչ Մկրտչյանը։Ուսանողը նաեւ նշեց, որ այդ խնդրով դիմելու են Կրթության և գիտության նախարարություն։ Դասախոսներն ու ուսանողները հիմնականում դեմ են այս նշանակմանը, ըստ նրանց՝ վերջինիս մարդկային հատկանիշների, գրագիտության, բանիմացության, կոլեկտիվի մեջ պառակտում մտցնելու պատճառով։
14:20 - 19 մայիսի, 2019
Աղետի հետեւանքով անօթեւան մնացած ընտանիքների բնակարանաշինությունը մեկնարկեց Լոռու մարզից |armtimes.com|

Աղետի հետեւանքով անօթեւան մնացած ընտանիքների բնակարանաշինությունը մեկնարկեց Լոռու մարզից |armtimes.com|

armtimes.com։ Լոռու մարզի Լեռնապատ գյուղի բնակիչ Արամայիս Եսայանը երկրաշարժից հետո մինչ օրս շարունակում էր ընտանիքով բնակվել վագոն տնակում: Տարիներ առաջ «Գլենդել հիլզ» ընկերությունը սկսեց տան շինարարությունը, որն այդպես էլ ավարտին չհասցվեց: 30 տարի շարունակ տնակում բնակվող Արամայիս Եսայանի համար բնակարան ունենալը այլեւս երազանք էլ չէր. «Դակումենտները որ սկսեցինք դզել, էլի չէի հավատում, շատ շինանարություններ եմ արել, բայց իմի մասով հույս չունեի, որ կտեսնեմ, շինարարությունը կանգնեց, թողին գնացին, բայց այսօր ուրախ եմ, որ թոռներս ապահով տան մեջ կապրեն ու վերջապես դոմիկից դուրս կգան»,-լրագրողների հետ զրույցում ասաց Արամայիս Եսայանը: Աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով պետական աջակցությամբ իրականացվող բնակարանային ապահովման ծրագրի շահառու ճանաչված ընտանիքների կիսակառույց բնակելի տների շինարարական աշխատանքները մեկնարկեցին այսօրվանից հենց Արամայիս Եսայանի տան շինարարությամբ: Մեկնարկին ներկա էին ՀՀ տարածքային կառավարման և զարգացման նախարար Սուրեն Պապիկյանը, ՀՀ քաղաքաշինության կոմիտեի նախագահ Վահագն Վերմիշյանը, ՀՀ քաղաքաշինության կոմիտեի նախագահի 1-ին տեղակալ Արմեն Ղուլարյանը, ՀՀ Լոռու մարզպետ Անդրեյ Ղուկասյանը, «Ֆուլեր տնաշինական կենտրոն» Բարեգործական հասարակական կազմակերպության աշխատակիցները՝ նախագահ Աշոտ Եղիազարյանի գլխավորությամբ: ՀՀ կառավարության 2018թ. նոյեմբերի 22-ի թիվ 1339-Ն որոշման համաձայն՝ 2018թ. պետական բյուջեով հատկացվել է 458 մլն դրամ՝ մարզի 13 գյուղական համայնքներում բարձր պատրաստվածություն ունեցող թվով 44 բնակելի տների կիսակառույցները ավարտին հասցնելու համար: Ծրագիրն իրականացնելու համար ՀՀ կառավարությունը համագործակցում է «Ֆուլեր տնաշինական կենտրոն» բարեգործական հասարակական կազմակերպության հետ: Մինչև տարեվերջ 44 ընտանիքների համար անցյալում կմնան վագոն տնակում ապրելու հետ կապված ծանր հիշողությունները: Տարածքային կառավարման եւ զարգացման նախարար Սուրեն Պապիկյանը լրագրողների հետ զրույցում ասաց, որ կոնկրետ այս ծրագրում ընդգրկվել են այն ընտանիքները, որոնց տվյալները ճշտված ու հստակեցված են, եւ հավելյալ գույքագրման կարիք չունեն. «Ում համար նախատեսված է եղել բնակարան կառուցել, բայց կիսատ է մնացել, պետության կողմից ֆինանսավորում է կատարվել, որպեսզի ավարտին հասցվեն այդ բնակարանները»:    
11:19 - 16 ապրիլի, 2019
Լոռու մարզպետի տեղակալ Արշակ Հովսեփյանը վարչապետի թիվ 305-Ա որոշմամբ ազատվել է պաշտոնից

Լոռու մարզպետի տեղակալ Արշակ Հովսեփյանը վարչապետի թիվ 305-Ա որոշմամբ ազատվել է պաշտոնից

Լոռու մարզպետի տեղակալ Արշակ Հովսեփյանը ֆեյսբուքյան իր էջում գրում է․  «Հարգելի Լոռեցիներ, մարզպետարանի հարգելի գործընկերներ։ Վարչապետի թիվ 305-Ա որոշմամբ ես ազատվել եմ Լոռու մարզպետի տեղակալի պաշտոնից, ոչ իմ դիմումի համաձայն, երևի թե իմ մասնագիտական հմտությունները և իմ գիտելիքները ու մարդկային բարձր որակները չգնահատվեց և չզգացվեց դրա կարիքը։ Այնուամենայնիվ ես բավականաչափ ուժ և կորով ներդրեցի, ի փառս մարզի զարգացման, խնդիրների վերհանման և բարձրաձայնման։ Այս ամենը դժբախտաբար որակվեց որպես ոչ պրոֆեսիոնալիզմ, ուստի շատ չմանրանալով, հայտնում եմ Ձեզ, որ շարունակելու եմ իմ ակտիվ քաղաքական գործունեությունը, լինելու եմ միշտ Ձեր կողքին և ուշի ուշով հետևելու եմ քաղաքական զարգացումներին, մարզում տեղի ունեցող կադրային քաղաքականությանը և իմ կողմից պարբերաբար տեղի ունեցող իրադարձություններին տալու եմ քաղաքական գնահատականներ և որ ակումներ։ Ամենայն բարիք եմ մաղթում Ձեզ... Ղոչաղ կացեք...» https://www.facebook.com/photo.php?fbid=574499386370460&set=a.301587273661674&type=3&theater
05:50 - 28 մարտի, 2019
Անօթևանների հաշվառման աշխատանքային խումբն արտագնա նիստ անցկացրեց Գյումրու քաղաքապետարանում

Անօթևանների հաշվառման աշխատանքային խումբն արտագնա նիստ անցկացրեց Գյումրու քաղաքապետարանում

Վարչապետ Նիկոլ Փաշինյանի հանձնարարականով ձևավորված անօթևանների հաշվառման աշխատանքային խումբն արտագնա նիստ անցկացրեց Գյումրու քաղաքապետարանում: Նիստի ընթացքում հստակեցվեց, որ աշխատանքային խմբին հաջողվել է մինչ այս պահը հավաքագրել 6338 ոչ հիմնական շինության մասին տեղեկատվություն, որից 3530-ը՝ Շիրակի մարզում, դրանցից 3150-ը տեղադրված են պետական կամ համայնքային հողամասեր հանդիսացող տարածքների վրա, իսկ 380-ը՝ քաղաքացիների սեփականություն հանդիսացող տարածքներում են գտնվում: Աշխատանքային խմբի հանդիպման ընթացքում Շիրակի մարզպետի տեղակալ Վարդան Գրիգորյանն անդրադարձավ Աշոցքի Կոճոռ թաղամասի հիմնահարցին: Քաղաքաշինության պետական կոմիտեի նախագահը վստահեցրեց, որ խնդիրն առաջիկայում կքննարկվի: «Ժամանակին էդ փայտաշեն թաղամասի բնակիչներին տրվեց օրդեր, մարդիկ գրանցեցին որպես մշտական բնակարաններ, բայց դրանք ժամանակավոր էին եւ 20 տարուց ավել բնակվել չի կարելի, քանի որ մեր պայմաններում դրանք երկար չեն դիմանում: 30 տարի առաջ դա էդ անօթեւանների համար երկնքից իջած մանանա էր, ստացան բնակարան, կարեւոր չէր, թե ինչ, եւ դա փրկություն էր էդ պահին: Մենք էդ պահին ոնց որ ժամանակ շահեցինք եւ հասանք այսօրվան: Այս խնդրի համար առանձին որոշում է պետք կայացնել եւ լուծել»,-լրագրողների հետ զրույցում ասած Վերմիշյանը: Աշխատանքների վերջնական արդյունքներն ի մի են բերվելու մինչեւ հունիսի 30-ը եւ որպես ամբողջական փաթեթ ներկայացվելու են վարչապետ Նիկոլ Փաշինյանին, որպեսզի ուսումնասիրությունից եւ հետագա քննարկումներից հետո պարզ դառնա, թե ինչ ձեւով է կարգավորվելու ՇՄ անօթեւանության խնդիրն ու քանի՞ անօթեւան ընտանիքի բնակարանային խնդիր է լուծվելու:
11:49 - 27 մարտի, 2019
Լոռիում 37 գազալցակայաններից միայն 4-ի սանհանգույցներն են համապատասխանել չափորոշիչներին |armtimes.com|

Լոռիում 37 գազալցակայաններից միայն 4-ի սանհանգույցներն են համապատասխանել չափորոշիչներին |armtimes.com|

Դեռ նախորդ տարեվերջին տարածքային կառավարման եւ զարգացման նախարարությունը հանձնարարական իջեցրեց, ըստ որի, գազալցակայաններում տնտեսվարողները պարտավոր են կարգի բերել սանհանգույցները: Հանձնարարականից հետո իրականացվել են ուսումնասիրություններ, կատարվել են իրազեկման աշխատանքներ, հայտնաբերվել են խախտումներ: Տնտեսվարողները զգուշացվել են: Առողջապահական եւ աշխատանքի տեսչական մարմնի հյուսիսային տարածքային կենտրոնի պետ Մելանյա Սարուխանյանը ՀԺ-ի հետ զրույցում հայտնեց, որ իրենք ուսումնասիրել են Լոռու մարզում գործող բոլոր 37 գազալցակայանները, աշխատանքները կատարվել են տարածքային կառավարման եւ զարգացման նախարարի փետրվարի 4-ի գրության վրա: «Հոկտեմբեր-նոյեմբեր ամիսներին տարածքային կառավարման եւ զարգացման նախարարի հանձնարարականի հիման վրա կատարել ենք իրազեկման աշխատանքներ, բոլոր նշված գազալցակայաններն ուսումնասիրվել են, խախտումներ են արձանագրվել, իրենց տեղյակ ենք պահել ու իրազեկել, ու արդեն 2019թ-ի փետրվարի 4-ի գրության հիման վրա հարուցվել են վարչական վարույթներ ու կատարվել զնման աշխատանքներ: Պատասխանատուի խոսքով՝ գործի քննությունը այսօր է կայանալու, հետեւաբար, իրենք չգիտեն, թե արձանագրված խախտումներից քանիսն են վերացվել: Նրա խոսքով, խախտումներ առհասարակ չեն արձանագրվել 4 գազալցակայաններում, մյուս 33 գազալցակայանների սանհանգույցներում խախտումներ հայտնաբերվել են. «Կան գազալցակայաններ, որ արձանագրված խախտումներն արդեն վերացրել են»: armtimes.com
11:18 - 11 մարտի, 2019