Հունաստան

Մայիսի վերջին Չավուշօղլուն կմեկնի Աթենք և կհանդիպի Հունաստանի ԱԳ նախարարի հետ |tert.am|

tert.am: Այս ամսվա վերջին Թուրքիայի արտաքին գործերի նախարար Մևլյութ Չավուշօղլուն այցով կլինի Աթենքում և մայիսի 31-ին կհանդիպի իր հույն գործընկերոջ հետ, հայտնում է Greek City Times թերթը։Նշվում է, որ Դենդիաս-Չավուշօղլու հանդիպումը Հունաստանի վարչապետ Կիրիակոս Միցոտակիսի և Թուրքիայի նախագահ Ռեջեփ Թայիփ Էրդողանի՝ հունիսի 14-ին ՆԱՏՕ-ի գագաթնաժողովի շրջանակում կայանալիք հանդիպման նախապատրաստություն կլինի։

15:07 - 25 մայիսի, 2021

Հայաստանի սահմանների երկայնքով լարվածությունը հատկապես մտահոգիչ է, պետք է հարգել Հայաստանի տարածքային ամբողջականությունը. Հունաստանի ԱԳՆ |tert.am|

tert.am: Հունաստանի արտգործնախարարությունն անդրադարձել է հայ-ադրբեջանական սահմանի շուրջ ստեղծված իրավիճակին՝ այն մտահոգիչ անվանելով: «Հայաստանի սահմանների երկայնքով լարվածությունը հատկապես մտահոգիչ է: Պետք է հարգել Հայաստանի տարածքային ամբողջականությունը: Կարևոր է խուսափել ցանկացած միակողմանի գործողությունից, որը կարող է խաթարել տարածաշրջանային խաղաղությունն ու կայունությունը»,- նշվում է Հունաստանի ԱԳՆ-ի թվիթերյան միկրոբլոգում:

09:26 - 20 մայիսի, 2021

Աթենքի կենտրոնում անկարգություններ են տեղի ունեցել. ոստիկանությունը կիրառել է արցունքաբեր գազ |tert.am|

tert.am: Մայիսի 1-ին նշվող Աշխատավորների համերաշխության միջազգային օրվա կապակցությամբ ցույցերից հետո Աթենքի կենտրոնում անկարգություններ են տեղի ունեցել: Այս մասին տեղեկացնում է iefimerida.gr կայքը:Աթենքում անցկացվել է 3 հանրահավաք:Երթի ավարտից հետո մի խումբ անհայտ անձինք ներկեր և քարեր են նետել Հունաստանի բանկի շենքի վրա, ապա 3 «Մոլոտովի կոկտեյլ» նետել ոստիկանների ուղղությամբ: Իրավապահները պատասխանել են արցունքաբեր գազով:

16:18 - 06 մայիսի, 2021

Թուրքիա այցից առաջ Հունաստանի ԱԳ նախարարը քննադատել է Անկարային |1lurer.am|

1lurer.am: Ապրիլի 14-ին Անկարայում տեղի կունենա Թուրքիայի և Հունաստանի արտգործնախարարներ Մևլութ Չավուշօղլուի և Նիկոս Դենդիասի հանդիպումը, հայտնում է ahvalnews-ը: Ըստ տեղեկությունների՝ հանդիպմանը կողմերը քննարկելու են երկկողմ հարաբերություններին առնչվող խնդիրներ, այդ թվում` Արևելյան Միջերկրականի և Էգեյան հարցի վերաբերյալ վերջին զարգացումները: Արտգործնախարարների օրակարգում կլինեն նաև ներգաղթյալների թեման և ահաբեկչության դեմ պայքարը: Թուրքիան Հունաստանին մեղադրում է իր երկրում ահաբեկչական համարվող կառույցներին ապաստան տալու և աջակցություն ցուցաբերելու համար: Հույն դիվանագետը Թուրքիա այցից առաջ քննադատել է Անկարայի այդ քաղաքականությունը: «Մենք կտրականապես մերժում ենք Հունաստանի իմիջը արատավորելու բոլոր ջանքերը` անընդունելի կեղծ լուրերի հրապարակման միջոցով», - ասել է Հունաստանի արտգործնախարարությունը գրավոր հայտարարության մեջ: Հունաստանը պատասխանել է Թուրքիայի նախագահության հրապարակած տեսանյութին, որում թուրքական կողմը պնդում է, որ Աթենքն աջակցում է ահաբեկչական կազմակերպություններին, այդ թվում` Քրդստանի աշխատավորական կուսակցությանը, փախստականների ճամբարում ապաստան է տրամադրում դրանց անդամներին:

20:22 - 12 ապրիլի, 2021

Միցոտակիսն անդրադարձել է հույն-թուրքական հարաբերություններին |ermenihaber.am|

ermenihaber.am: Հունաստանի վարչապետ Կիրիակոս Միցոտակիսը հունական STAR TV-ին տված հարցազրույցում անդրադարձել է հույն-թուրքական հարաբերություններին և Արևելյան Միջերկրականի հարցին: Միցոտակիսն նշել է, որ Հունաստանի կառավարությանը հաջողվել է Անկարա-Աթենք հարաբերությունները այլևս որոշիչ դարձնել ԵՄ-Թուրքիա հարաբերությունների համար: Նրա խոսքով՝ Անկարան Բրյուսելի հետ հարաբերություններից օգուտներ քաղել կարողանալու համար պետք է լարվածություն չստեղծի Հունաստանի և Կիպրոսի հետ: Հունաստանի վարչապետն ակնկալում է, որ Թուրքիան կհարգի ԵՄ-Թուրքիա համատեղ հռչակագիրը և կընդունի հունական կղզիներից վերադարձող փախստականներին: Նա նաև հույս է հայտնել, որ հարևան երկրները հակված չեն լինի իրենց երկրներում առկա ներքին ճգնաժամերն բերեն Էգեյան և Միջերկրական ծովեր: Անդրադառնալով Թուրքիայի և Լիբիայի «Ազգային համաձայնության կառավարության» (ԼԱՀԿ) միջև 2019թ. կնքած ծովային սահմանազատման համաձայնագրին՝ Միցոտակիսն ասել է, որ այն Հունաստանի համար առոչինչ է և ապօրինի, ինչպես նաև վնասում է Հունաստանի ազգային շահերին:

16:52 - 09 ապրիլի, 2021

Հունաստանը Թուրքիային դարձյալ մեղադրել է փախստականների նավերը դեպի իրեն պատկանող ջրերն ուղղելու սադրիչ գործողությունների համար |tert.am|

tert.am: Հունաստանի և Թուրքիայի հարաբերություններում դարձյալ սև ամպեր են կուտակվել: Եվրամիության անդամ երկիրը մեկ անգամ ևս Թուրքիային սադրիչ է անվանել, գրում է Reuters լրատվական գործակալությունը:Մասնավորապես, Հունաստանը Թուրքիային մեղադրել է փախստականների նավերը դեպի Հունաստանի ջրերն ուղղելու սադրիչ գործողությունների համար:Պաշտոնական Անկարան կտրականապես հերքել է այս մեղադրանքը: Ըստ Հունաստանի միգրացիայի և ապաստանի հարցերով նախարար Նոտիս Միտարաչիի՝ «իր երկրին պատկանող ջրերում հայտնված փախստականներն առանց որևէ կասկածի ժամանել են Թուրքիայի ծովափերից, որը ստացել է Թուրքիայի իշխանությունների աջակցությունը»:

19:59 - 03 ապրիլի, 2021

Հունաստանը Թուրքիային մեղադրում է հերթական սադրանքների համար |1lurer.am|

1lurer.am: Հունաստանն ու Թուրքիան մի շարք հարցերում լուրջ տարաձայնություններ ունեն, այդ թվում՝ Միջերկրական ծովում էներգակիրներին առնչվող հիմնահարցն ու հազարավոր փախստականների՝ Թուրքիայից Հունաստանի սահմանը հատելու փորձի պատճառով ՆԱՏՕ-ի անդամ երկրների միջև առաջացած լարվածությունը՝ փոխանցում է Reuters գործակալությունը: Լրատվական գործակալությունը տեղեկացնում է, որ Հունաստանը Թուրքիային մեղադրում է փախստականների նավերը դեպի Հունաստանի ջրերն ուղարկելով սադրիչ գործողությունների համար: Պաշտոնական Անկարան, սակայն, կտրականապես հերքում է մեղադրանքը: Հունաստանի միգրացիայի նախարարը հայտարարել է, որ «այդ փախստականներն անկասկած ժամանել են Թուրքիայի ծովափերից, ինչը ստացել է Թուրքիայի իշխանությունների աջակցությունը»: Հունական կողմը Թուրքիային կոչ է անում դադարեցնել այդ անհիմն սադրանքը:

14:16 - 03 ապրիլի, 2021

ԵՄ բարձր հանձնակատարը Թուրքիային կոչ է արել «շտապ վերսկսել Հունաստանից ներգաղթյալների վերադարձը» |tert.am|

tert.am: Ներքին գործերի հարցերով ԵՄ բարձր հանձնակատար Իլվա Յոհանսոնը Թուրքիայի կոչ է արել «շտապ վերսկսել Հունաստանից ներգաղթյալների վերադարձը», հայտնում է Greek City Times-ը և հավելում, որ հանձնակատարի և Ներգաղթի հարցերով Հունաստանի նախարար Նոտիս Միտարաչիի` ներգաղթյալների հաստատություններ այցի ընթացքում Յոհանսոնը շեշտել է ներգաղթի դեմ պայքարում միության անդամ պետությունների միջև համերաշխության անհրաժեշտությունը։ «Այն, ինչ մենք տեսնում ենք Եվրոպայում վերջին վեց տարիներին, Եվրոպայի միգրացիոն քաղաքականության բացակայությունն է, և դա նշանակում է, որ մեր արտաքին սահմանների անդամ երկրները ենթարկվել են հսկայական ճնշման: Եվ հատկապես որոշ կղզիներ ենթարկվել են հսկայական ճնշման այս հարցում եվրոպական լուծման բացակայության պայմաններում», - ասել է Յոհանսոնը Միտարաչիի հետ համատեղ ասուլիսի ժամանակ: ԵՄ հանձնակատարն ընդգծել է`ինքը հասկանում է, որ «բոլորն իրենց համբերության սահմանն ունեն, և որ այդ սահման արդեն հատվել է»: Յոհանսոնը 276 միլիոն եվրո է խոստացել Լեսվոս, Քիոս, Սամոս, Կոս և Լերոս կղզիներում ստեղծված ճամբարների համար, որտեղ ապրում է գրեթե 14 հազար ներգաղթյալ։ Նրա այցի ընթացքում երկու կղզիներում տեղացիները բողոքի ակցիաներ են իրականացրել։ Միևնույն ժամանակ Ներգաղթի հարցերով Հունաստանի նախարար Նոտիս Միտարաչին կոչ է արել Թուրքիային ընդունել 1450 ներգաղթյալի, որոնց ապաստան ստանալու հայցերը մերժվել են, ինչպես նաև հերքել է Հունաստանի կողմից ներգաղթյալներին ապօրինի արտաքսելու մասին լուրերը։

13:10 - 30 մարտի, 2021

Հունաստանի ԱԳ նախարարն ընդունել է Չավուշօղլուի հրավերը՝ ապրիլի 14-ին հանդիպելու Անկարայում

Հունաստանի արտգործնախարար Նիկոս Դենդիասն ընդունել է Թուրքիայի արտաքին գերատեսչության ղեկավար Մևլութ Չավուշօղլուի հրավերը՝ ապրիլի 14-ին հանդիպելու Անկարայում։ Դենդիասը նշել է, որ համաձայնել է հանդիպել որոշակի պայմանների առկայության դեպքում, այն է՝ թուրքական կողմը զերծ կմնա սադրանքներից ու չի ուղարկի հետախուզական նավեր Միջերկրական ծովի արևելյան վիճարկվող հատվածը։ Չավուշօղլուն, իր հերթին, հայտարարել է, որ այս հանդիպումը դիտարկում է որպես նախնական, որի ընթացքում կքննարկվի Թուրքիայի նախագահ Ռեջեփ Թայիփ Էրդողանի ու Հունաստանի վարչապետ Կիրակոս Միցոտակիսի հանդիպումը՝ ավելացնելով, որ ինքը ևս մոտ ապագայում պատրաստվում է անձամբ այցելել Հունաստան։

11:30 - 19 մարտի, 2021

Հունաստանի արտգործնախարարը ապրիլի 14-ին կայցելի Թուրքիա |1lurer.am|

1lurer.am: Հունաստանի արտգործնախարար Նիկոս Դենդիասը ապրիլի 14-ին կմեկնի Թուրքիա՝ ընդունելով Անկարա այց կատարելու Թուրքիայի հրավերը՝ փոխանցում է Greek City Times-ը: Թուրքիայի արտգործնախարար Մևլութ Չավուշօղլուն այս մասին հայտարարել է Ղազախստանի փոխվարչապետի և արտգործնախարարի հետ Թուրքիայում կայացած համատեղ մամուլի ասուլիսի ժամանակ: Չավուշօղլուն անդրադարձել է արևելյան միջերկրածովյան վեճի պատճառով թուրք-հունական հարաբերություններում առաջացած լարվածությանը՝ ընդգծելով, որ Աթենքում կայացած խորհրդակցական բանակցություններն անցել են կառուցողական մթնոլորտում:

19:51 - 18 մարտի, 2021

Հունաստանի ու Թուրքիայի միջև մեկնարկում են բանակցություններ՝ երկկողմ վեճը լուծելու համար |1lurer.am|

1lurer.am: ՆԱՏՕ-ի անդամ Հունաստանն ու Թուրքիան այսօր հանդիպում են Աթենքում՝ հանգուցալուծելու արևելյան Միջերկրական ծովում էներգակիրների իրավունքի և տարածքային վեճի հետ կապված ճգնաժամը՝ փոխանցում է France24-ը: Նախօրեին պաշտոնական Անկարան խորացրել էր ճնշումները՝ դիվանագիտական նոտա հղելով Իսրայելին, Հունաստանին ու Եվրամիությանը: Երկու երկրների միջև լարվածությունը խորացել էր, երբ անցյալ տարի Թուրքիան հետախուզական նավ էր ուղարկել ծովային այն տարածքներ, որոնք, ըստ հունական կողմի, պատկանում են Հունաստանին, ինչը պաշտպանել էր նաև Եվրամիությունը: Ամենայն հավանականությամբ, ծովային այդ տարածքներում բնական գազի պաշարներ կան, ինչը կռվախնձոր է դարձել Թուրքիայի և Հունաստանի միջև:

18:44 - 16 մարտի, 2021

Իսրայելը, Կիպրոսը և Հունաստանը նախատեսում են միավորել էլեկտրացանցերը |hetq.am|

hetq.am: Իսրայելի, Կիպրոսի և Հունաստանի իշխանությունները նախատեսում են միավորել էլեկտրամատակարարման ցանցերը։ Այդ մասին գրում է Deutsche Welle-ն։ Երեք երկրների էներգետիկայի նախարարները երկուշաբթի օրը՝ մարտի 8-ին, ստորագրել են հուշագիր, որով նախատեսվում է Իսրայելից Կիպրոս կղզու տարածքով մինչև հունական Կրետե կղզի 1208 կիլոմետր երկարությամբ էլեկտրագծի կառուցում։ Նախատեսվում է, որ 2 000 մեգավատտ հզորությամբ էլեկտրագիծը պետք է կառուցվի մինչև 2023 թվականի վերջ։ Նախագիծը դեռևս 2016 թվականին հաստատվել էր Եվրոպական հանձնաժողովի կողմից։ Բացի այդ, Եվրամիությունը, ծրագրի իրականացման համար, կհատկացնի 647 միլիոն եվրո։ Էլեկտրագիծը կդառնա ամենաերկար ստորջրյա էլեկտրագծերից մեկն աշխարհում։ Բացի այդ, նշվում է նաև, որ Կիպրոսը համանման համաձայնագիր է նախատեսում կնքել նաև Եգիպտոսի ու Հունաստանի հետ։

20:48 - 09 մարտի, 2021

6,2 բալ ուժգնությամբ երկրաշարժ Հունաստանում |1lurer.am|

1lurer.am: 6,2 բալ ուժգնությամբ երկրաշարժ է տեղի ունեցել կենտրոնական Հունաստանում՝ Լարիսա քաղաքի մոտակայքում՝ հայտնում է euronews-ը: Տուժածների մասին տեղեկություններ չկան, հաղորդվել է մի քանի հետցնցումների մասին։ Երկրաշարժի էպիկենտրոնը գտնվել է Էլասոնա քաղաքից 16 կիլոմետր հարավ, և ըստ Հունաստանի քաղաքացիական պաշտպանության ուժերի տվյալների՝ երկրաշարժը «նյութական վնաս» է հասցրել Էլասոնայի մոտակայքում գտնվող մի տան, ինչպես նաև տեղի դպրոցին:

20:11 - 03 մարտի, 2021

Հունաստանն ու ԱՄՆ-ն Կրետեի հյուսիսում զորավարժություններ են անցկացնում |tert.am|

tert.am: Հունաստանն ու Միացյալ Նահանգները Կրետեի հյուսիսում համատեղ զորավարժություններ են անցկացնում, հայտնում է Greek City Times-ը։«Այս համատեղ զորավարժությունը գործնականում ցույց է տալիս պաշտպանության և անվտանգության ապահովման գործում Արևելյան միջերկրածովյան տարածաշրջանում երկու երկրների զինված ուժերի կարևոր դերը, միևնույն ժամանակ կարևորում է երկու երկրների միջև ամրապնդվող կապերը»,- ասվում է Ազգային պաշտպանության նախարարության տարածած հայտարարության մեջ:Ամերիկյան զինուժի հրամանատար Թոմաս Ռալսթոնն ասել է․ «Այս հնարավորության հիմքում ընկած է ՆԱՏՕ-ի մեր դաշնակից Հունաստանի հետ տասնամյակների համագործակցությունը, որպեսզի մենք կարողանանք վստահելի ուժ լինել, որը կարող է զսպել և պաշտպանել մեր շահերն անվտանգության ավելի բարդ միջավայրում»:

15:28 - 23 փետրվարի, 2021

Հայաստանում Հունաստանի դեսպանության ռազմական կցորդն այցելել է ռազմական համալսարան

Փետրվարի 16-ին ՀՀ ՊՆ Վ. Սարգսյանի անվան ռազմական համալսարանի պետ, գնդապետ Խաչատուր Խաչատրյանը հանդիպել է Հայաստանում Հունաստանի Հանրապետության դեսպանության ռազմական կցորդ, գնդապետ Գերասիմոս Ավլոնիտիսի հետ: Հանդիպման ընթացքում քննարկվել են բարձրագույն ռազմական կրթության ոլորտում հայ-հունական երկկողմ համագործակցությանն առնչվող հարցեր, կարևորվել են ռազմական համալսարանում հունարենի լսարանի վերաբացման և դասընթացների կազմակերպման աշխատանքները, տեղեկացնում են ՊՆ-ից։

19:45 - 16 փետրվարի, 2021

Հունաստանի ԱԳ նախարարը դատապարտել է Թուրքիայի ներխուժումն Իրաք |tert.am|

tert.am: Արտաքին գործերի նախարար Նիկոս Դենդիասը նշել է, որ Հունաստանը լիովին աջակցում է Իրաքի միասնությանն ու տարածքային ամբողջականությանը և դատապարտում է Իրաքի տարածք բոլոր անօրինական ներխուժումները, որոնք Թուրքիան անվանում է «խաղաղապահ գործողություններ», հայտնում է Greek City Times-ը:«Լավ բարիդրացիական հարաբերությունների համատեքստում մենք պնդում ենք, որ երկրները պետք է խուսափեն ցանկացած շանտաժից», - ասել է Դենդիասը՝ Իրաքի արտգործնախարար Ֆուադ Հուսեյնի հետ համատեղ հայտարարության ընթացքում և շեշտել, որ Հունաստանը նպատակ ունի խթանել խաղաղությունն ու բարգավաճումը: Այս համատեքստում էլ կազմակերպվել է երեկ կայացած «Ֆիլիա» համաժողովը՝ յոթ այլ երկրների հետ համատեղ: Դենդիասը շեշտել է, որ համաժողովն ուղղված չէ որևէ մեկի դեմ և այն պարզապես բազմակողմ համագործակցության ջանք է և այն բաց է միջազգային իրավունքը հարգող և տարածաշրջանում կայունության ամրապնդանը աջակցող բոլոր երկրների համար:Դենդիասը նշել է, որ Հունաստանը լիովին աջակցում է Իրաքի միասնությանն ու տարածքային ամբողջականությանը և դատապարտում Իրաքի տարածք բոլոր անօրինական ներխուժումները, որոնք հայտնի են որպես «խաղաղապահ գործողություններ»: Հունաստանը կարծում է, որ երկկողմ վեճերը պետք է լուծվեն խաղաղությամբ և միջազգային իրավունքի հիման վրա:Երկու նախարարները պայմանավորվել են հաջորդ հանդիպման մասին, որի շրջանակներում Դենդիասը կլինի Բաղդադում, Իրբիլում և Բասրայում: Իրաքի արտգործնախարարը Հունաստանի հետ հարաբերությունները պատմական է որակել և շեշտել, որ իր երկիրը հատկապես գնահատում է ահաբեկչության դեմ պայքարում Հունաստանի աջակցությունը:

13:33 - 13 փետրվարի, 2021