Տեսանյութեր

Նոր կայք և մոնիթորինգային գործիք` Արցախյան հակամարտության մասին

«Ինֆոքոմը» գործարկել է nk-conflict.infocom.am կայքը, որում տեղ են գտել՝ - «44-օրյա պատերազմ. ժամանակագրություն» մոնիթորինգային գործիքը, - 4 հետազոտություն հակամարտության մասին, - այդ հետազոտությունների վրա հիմնված հոդվածներ, բանախոսություններ և քննարկումներ։

15:29 - 27 դեկտեմբերի, 2022

Պետք է վերանայել հայ-ռուսական հարաբերությունները | Արմինե Մարգարյան

Focus on Russia հաղորդման շրջանակում քաղաքագետ Տիգրան Գրիգորյանը ռազմաքաղաքական հարցերով փորձագետ Արմինե Մարգարյանի հետ քննարկում է Ռուսաստանի դերակատարությունը Լաչինի միջանցքում ստեղծված իրավիճակում, ինչպես նաև հայ-ռուսական հարաբերություններում առկա ճգնաժամը։

14:49 - 22 դեկտեմբերի, 2022

Քայլերթ Երեւանում՝ հանուն Արցախի կյանքի ճանապարհի

Երեւանում այսօր կայացավ «Կյանքի ճանապարհ» խորագիրը կրող քայլերթը, որի պահանջը Արցախը ՀՀ-ին կապող միակ ճանապարհի բացումն ու միջազգային հանրության ուշադրության հրավիրումն էր։ Քայլերթի մասնակիցները «բացե՛ք կյանքի ճանապարհը», «Արցախը մենք ենք», «Արցախ» վանկարկումներով շարժվեցին ՌԴ եւ Ֆրանսիայի դեսպանատներ, ապա` ՄԱԿ հայաստանյան գրասենյակ։ Քայլերթն ավարտվեց Ամարասի վանահայր Տեր Սեպուհի հնչեցրած Տերունական աղոթքով։ Կազմակերպիչները կոչ արեցին պատրաստ լինել շարունակել նմանատիպ ակցիաները։

09:42 - 21 դեկտեմբերի, 2022

Արցախը ՀՀ-ին միացնող միակ ճանապարհը պետք է բացվի ու երբեք չկփակվի. արցախցի երիտասարդների ակցիան

Երեկ Հանրապետության հրապարակում արցախցի երիտասարդները բողոքի ակցիա իրականացրին` հաջակցություն Արցախի, որը արդեն 8 օր շրջափակված է Ադրբեջանի կողմից: Երիտասարդներին միացել էին նաև Մարզերի երիտասարդները մարզերում (ՄԵՄ) նախաձեռնության անդամները: Ակցիայի մասնակիցների պահանջը մեկն էր. Ադրբեջանը պետք է բացի և այլևս երբեք չփակի Արցախը Մայր Հայաստանին կապող միակ ճանապարհը: Ակցիայի մասնակիցները անցորդներին կոչ էին անում միանալ իրենց: Ավելի ուշ երիտասարդները երթով շարժվեցին դեպի ՄԱԿ-ի հայաստանյան գրասենյակ` ակցիան այնտեղ շարունակելու համար:

15:42 - 19 դեկտեմբերի, 2022

Ամեն օր արթնանում եմ էն մտքով, որ կարող ա՞ էսօր բացեն, ամեն րոպե հեռախոսը ցած չեմ դնում

Տաթեւը Երեւանից զանգել է ընկերուհուն՝ Մերիին, որ բնակվում է ադրբեջանցիներին երեւի ամենամոտիկ գյուղում՝ Մարտունու շրջանի Թաղավարդում, նրա որպիսությունն է հարցնում, տրամադրությունը հասկանում՝ ինչպե՞ս են, ինչ կա չկա Արցախում, որ արդեն վեց օր է՝ բլոկադայի մեջ է։ Մերին չի դժգոհում, ասում է՝ վիճակը հանգիստ է, «կրակոց, պյեն չկա»։ Տաթեւի ու Մերիի հարց ու պատասխանի արանքում կարճ դադարներ են, անշտապ զրույց է, որին միանում է Ռուզանը, որը ադրբեջանցիների կողմից Արցախը Հայաստանին կապող միակ ճանապարհի փակվելու պատճառով չի կարողացել վերադառնալ տուն՝ Ստեփանակերտ, ու ժամանակավորապես մնում է Տաթեւենց հարկի տակ։ Տաթեւն էլ է Արցախից, ուսման նպատակով ժամանակավորապես Երեւանում է ապրում։ Առավել մանրամասն կարդալ այստեղ՝ https://infocom.am/hy/article/93900

12:22 - 17 դեկտեմբերի, 2022

Արցախցի երեխաների ձայնը՝ Երևանից

Երեւանի կենտրոնում Արցախի ձայնն էր հնչում․ ադրբեջանցիների կողմից Արցախը Հայաստանին կապող միակ ճանապարհը փակելու պատճառով իրենց տուն չհասած երեխաները պուրակներից մեկում միջոցառում էին կազմակերպել․ երգում էին Արցախին ու հայրենիքին նվիրված երգեր։ Արցախցի 18 դպրոցահասակները, որոնք օրեր առաջ այցելել են Երեւան՝ մասնակցելու «Մանկական Եվրատեսիլ» միջոցառմանը, մի մասն են այն 270 երեխաների, որոնք տուն հասնել չեն կարողանում:

12:19 - 17 դեկտեմբերի, 2022

Մենք` ոչինչ, էլի, բայց մեր հայրիկը, տատիկները, պապիկները այնտեղ են՝ շրջափակման մեջ

Արցախը Հայաստանին կապող միակ ճանապարհի փակ լինելու հետևանքով արդեն հինգ օր է՝ 120 հազար մարդ բլոկադայի մեջ է, 1100 անձ, այդ թվում՝ ավելի քան 270 երեխա չեն կարողանում վերադառնալ տուն։ Գորիսի հյուրանոցներից մեկում են այդ 270 երեխաներից 4-ը՝ 10-ամյա Գրետան, նրա քույրը՝ 8-ամյա Անգելինան, 9-ամյա Ասյան ու 8-ամյա Տաթեւը, Գրետայի ու Անգելինայի մայրիկը՝ Արմինե Աղաջանյանը, Մեծ Շենի դպրոցի ֆիզիկայի, բնագիտության ու շախմատի ուսուցիչ Մխիթար Անանյանը և բազմաթիվ այլ արցախցիներ։

12:17 - 16 դեկտեմբերի, 2022

Ձգձգվող սպասում՝ Լիսագորի ու Տեղի արանքում

Չորրորդ օրն է՝ ադրբեջանցիները չեն բացում Արցախը Հայաստանին կապող միակ ճանապարհը։ Տագնապալի հնչող այդ նախադասությունը սառել-մնացել է օդի մեջ, հատկապես Լիսագորի սարերի արանքում։ Այստեղ ՌԴ խաղաղապահների անցակետն է, որը չի բացվում դեպի Ստեփանակերտ գնալու համար։ Այդ անցակետից այս կողմ են մնացել Շուշիի շրջանի Լիսագոր, Եղցահող, Մեծ Շեն ու Հին Շեն բնակավայրերը, մյուս կողմում Ստեփանակերտի հետ կապը կտրել են ադրբեջանցի «բնապահպանները»։ Ճանապարհի փակ լինելու պատճառով քանի օր է՝ որոշ տղամարդիկ գիշերում են իրենց մեքենաներում, մարդկանց մի մասն էլ, որ չի կարողացել հասնել իր տուն, ժամանակավոր տանիք է գտել մոտակա Լիսագորում, հարյուրավոր մարդիկ գնացել են Սյունիքի մարզ, Երեւան կամ այլ բնակավայրեր։ Լիսագոր-Տեղ ճանապարհահատվածում կատարվողի մասին առավել մանրամասն կարդալ այստեղ՝ https://infocom.am/hy/article/93900

12:15 - 15 դեկտեմբերի, 2022

25․ 1920 թվական․ ռուս-հայկական բանակցություններ և զինադադար՝ «առանց պատերազմի» [Վանդակ]

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի քսանհինգերորդ հաղորդումը։

12:04 - 11 դեկտեմբերի, 2022

24․ Սյունիքի և Արցախի ձգողականությունը, քաղաքականությունն ու աշխարհագրությունը [Վանդակ]

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի քսանչորսերորդ հաղորդումը։

12:03 - 11 դեկտեմբերի, 2022

Երկար զրույց գիտության շուրջ [27] Արսեն Առաքելյան | Արամ Ջիվանյան

«Երկար զրույց գիտության շուրջ» շարքի «Աշխատանքային հանդիպումներ գիտության կառավարիչների հետ» ենթաշարքի վեցերորդ թողարկմանը «Գիտուժ» նախաձեռնության անդամ Արամ Ջիվանյանը զրուցում է ՀՀ ԳԱԱ Մոլեկուլային կենսաբանության ինստիտուտի տնօրեն Արսեն Առաքելյանի հետ։ 00:26 - Ի՞նչ խնդիրներով է զբաղվում ինստիտուտը 01:23 - Աֆրիկյան ժանտախտի էկոլոգիայի ուսումնասիրության ու հակավիրուսային միջոցների մշակման մասին 04:36 - Հիվանդությունների գենետիկական ռիսկերի ուսումնասիրության և դեղամիջոցների ազդեցության կանխատեսման մասին 08:00 - Հակաբիոտիկակայունության ուսումնասիրության և հետհակաբիոտիկային դարաշրջանի մասին 13:48 - Մարդու իմունային համակարգի հետազոտությունների և քաղցկեղի բուժման արդյունավետության գնահատման գործում դրանց կիրառական նշանակության մասին 18:40 - Սինթեզված նյութերի անվտանգության գնահատման մեթոդների մշակման և այդ գործընթացում արհեստական բանականության մեթոդների կիրառման մասին 21:50 - Կենսաինֆորմատիկայի կարևորության և դրա զարգացման ուղղությամբ կատարվող քայլերի մասին 25:46 - Պետության հետ համագործակցության և կորոնավիրուսային թեստերի արտադրության մասին 30:32 - Խաղողի գենետիկական ռեսուրսների անձնագրավորման մասին 36:00 - Գիտական հաստատությունների և պետական մարմինների միջև տեղեկության փոխանակման մեխանիզմների բացակայության մասին 41:40 - Ինստիտուտի զարգացման հեռանկարների, գենոմային հետազոտությունների կենտրոնի ստեղծման նպատակի մասին 56:24 - Ինստիտուտների միավորման և ակադեմիական քաղաքի ստեղծման մասին

12:00 - 10 դեկտեմբերի, 2022

Անվտանգություն․ մաս 3 [Սարո Սարոյան | Քաղաքական գիտելիքի հիմնատարրեր]

Քաղաքագետ Սարո Սարոյանի «Քաղաքական գիտելիքի հիմնատարրեր» բանախոսությունների շարքի երրորդ հաղորդումը։

11:58 - 10 դեկտեմբերի, 2022

Գիտարբուք Սոնա Մանուսյանի հետ․ Ռացիոնալը և ոչ ռացիոնալը` մարդու հոգեկան գործունեության մեջ

#գիտարբուք հոգեբան, հետազոտող Սոնա Մանուսյանի հետ: 05:35 - Ի՞նչ ենք հասկանում ռացիոնալ ասելով 14:09 - Զիգմունդ Ֆրոյդի՝ անգիտակցականի/իռացիոնալի սիստեմատիկ վերլուծությունը՝ գիտական իդեալի դիրքերից 33:20 - Հոգեբանությունը՝ որպես գիտություն, և այդ դիրքավորման առաջ բերած խնդիրները 36:32 - Տրամաբանական և պատումային մտածողությունները 49:00 - Հոգեբանությունը Հայաստանում՝ որպես second hand գիտելիք 52:52 - Հասկացող հոգեբանության և բացատրող հոգեբանության տարբերությունը 56:50 - Ի՞նչ դեր կարող է ունենալ հոգեբանությունը հանրային գործընթացները հասկանալու գործում 01:02:15 – Ռացիոնալի և իռացիոնալի հակադրման հնարավոր թակարդները 01:09:30 - Ռացիոնալությունը՝ ընդհանուր իռացիոնալության դաշտում 01:15:57 - Երևույթներն անվանելու կարողությունն ու ռացիոնալությունը 01:27:36 - Դատողություններ, որոնք նույնիսկ սխալ չեն 01:33:12 - Հետգաղութային երկրի գիտական խեղճությունն ու հասարակագիտական միտք չգեներացնելը Նախագծի շարունակականությունն ապահովելու համար աջակցեք մեզ Patreon-ում՝ https://www.patreon.com/igitutyun

09:46 - 08 դեկտեմբերի, 2022

23․ Գարեգին Նժդեհի՝ կազմակերպված ժողովրդական պայքարի/բանակի մոդելը [Վանդակ | Հրանտ Տեր-Աբրահամյան]

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի քսաներեքերորդ հաղորդումը։

10:19 - 04 դեկտեմբերի, 2022

22․ Իրավիճակը Սյունիքում 1919-1920 թվականներին և Գարեգին Նժդեհի սուվերեն որոշումը [Վանդակ]

Պատմաբան, հրապարակախոս Հրանտ Տեր-Աբրահամյանի «Ռուս-թուրքական վանդակ» բանախոսությունների շարքի քսաներկուերորդ հաղորդումը։

10:17 - 04 դեկտեմբերի, 2022

Երկար զրույց գիտության շուրջ [26] Ջոն Կարապետյան | Արամ Ջիվանյան

«Երկար զրույց գիտության շուրջ» շարքի «Աշխատանքային հանդիպումներ գիտության կառավարիչների հետ» ենթաշարքի հինգերորդ թողարկմանը «Գիտուժ» նախաձեռնության անդամ Արամ Ջիվանյանը զրուցում է Ա․ Նազարովի անվան երկրաֆիզիկայի և ինժեներային սեյսմաբանության ինստիտուտի տնօրեն Ջոն Կարապետյանի հետ։ 01:08 - Սեյսմիկ տվիչների փոքրածավալ արտադրության ու դրանց կիրառության մասին 10:36 - Ջրային ռեսուրսների որոնողական աշխատանքներ իրականացնելու մասին 15:10 - Սողանքավտանգ տարածքների ուսումնասիրության մասին 18:52 - Միջազգային համագործակցությունների մասին 20:45 - Երկրաֆիզիկայի և բժշկության համագործակցության մասին 24:30 - Չինաստանի հետ համագործակցությամբ երկրաֆիզիկական և երկրադինամիկական համալիր գիտական կայանների կառուցման մասին 31:35 - Երկակի նշանակության ծրագրերի մասին 36:25 - Երիտասարդների ներգրավման խնդրի ու դրա լուծմանն ուղղված ծրագրերի մասին 40:35 - Ինստիտուտի՝ «Դպրոցից դեպի գիտություն» ծրագրի մասին 46:56 - Ինստիտուտի սարքավորումներով համալրման մասին 52:15 - Պետության հետ համագործակցության մասին ______________ «Երկար զրույց գիտության շուրջ» շարքը «Գիտուժ» նախաձեռնության և Infocom-ի համատեղ նախագիծն է։

10:10 - 03 դեկտեմբերի, 2022