Մևլութ Չավուշօղլու

Թուրքիան ամեն ինչում չէ, որ համաձայն է ՌԴ-ի հետ. Չավուշօղլու |tert.am|

tert.am: Թուրքիայի արտգործնախարար Մևլյութ Չավուշօղլուն հայտարարել է, որ որոշ հարցերի շուրջ Մոսկվայի և Անկարայի կարծիքները տարբեր են, բայց տարածաշրջանային ամենակարևոր դերակատարներից մեկի`Ռուսաստանի հետ երկխոսությունը պետք է բաց պահպել և շարունակել փոխգործակցությունը: Այս մասին Չավուշօղլուն հայտարարել է գերմանական Frankfurter Allgemeine Zeitung գերմանական պարբերականին տված հարցազրույցում, գրում է «ՌԻԱ Նովոստի» գործակալությունը:«Մենք փորձում ենք աշխատանքային հարաբերություններ հաստատել Ռուսաստանի հետ: Տարածաշրջանային որոշ հարցերում Ռուսաստանն ամենակարևոր դերակատարն է: Միևնույն ժամանակ, միշտ չէ, որ հեշտ է դրական արդյունքների հասնել, բայց դա հնարավոր է: Սա չի նշանակում, որ մենք բոլոր հարցերի շուրջ նույն կարծիքն ունենք: Այնուամենայնիվ, մենք ի վիճակի ենք բաց խոսել: Կարևոր է բաց պահել երկխոսության ալիքները»,-հայտարարել է Չավուշօղլուն:Արտգործնախարարն ընդգծել է, որ Թուրքիան պետք է պաշտպանի իր ազգային շահերը և չի կարող վտանգել երկրի անվտանգությունը:«Ռուսաստանը դա հասկանում է: Մենք Ռուսաստանի հետ համագործակցում ենք հնարավորության դեպքում, բայց անհրաժեշտության դեպքում մնում ենք անսասան»,-ասել է նախարարը:

15:16 - 06 մայիսի, 2021

Եթե ԱՄՆ-ն ցանկանում է վատթարացնել հարաբերությունները, ապա որոշումն իրենցն է․ Չավուշօղլուն՝ Բայդենի՝ Ցեղասպանության ճանաչման հավանականության մասին |tert.am|

tert.am: Haberturk հեռուստաալիքին տված հարցազրույցում պատասխանելով այն հարցին, թե արդյո՞ք Բայդենը մտադիր է «Օսմանյան կայսրությունում հայերի սպանությունները ճանաչել որպես Ցեղասպանություն», Չավուշօղլուն հայտարարել է՝ Միացյալ Նահանգները «պետք է հարգի միջազգային իրավունքը»։ «Հայտարարությունները, որոնք իրավական ուժ չունեն, ոչ մի օգուտ չեն բերի, դրանք կվնասեն հարաբերությունները։ Եթե Միացյալ Նահանգները ցանկանում է վատթարացնել հարաբերությունները, որոշումն իրենցն է»,- հայտարարել է Չավուշօղլուն՝ անդրադառալով այն լուրերին, որ ԱՄՆ-ի նախագահը պատրասվում է ճանաչել Հայող ցեղասպանությունը։

09:46 - 21 ապրիլի, 2021

Ուկրաինային ԱԹՍ-ներ վաճառելն ուղղված չէ Ռուսաստանի դեմ. Չավուշօղլու |tert.am|

tert.am: Թուրքիայի ԱԳ նախարար Մևլութ Չավուշօղլուն հայտարարել է, որ Ուկրաինային ԱԹՍ-ների վաճառքն ամենևին էլ ուղղված չէ Ռուսաստանի դեմ, հաղորդում է RT-ն: «Մենք ԱԹՍ-ներ ենք վաճառում նրանց, ովքեր դիմում են, մենք որևէ նախապայման առաջ չենք քաշում այդ հարցում: Ուկրաինայի հետ այս գործարքն ուղղված չէ Ռուսաստանի դեմ: Եթե Ռուսաստանը մեր արտադրանքի կարիքը կունենա, ապա ինչպես մենք ենք նրանցից C-400 գնել, այնպես էլ մեր արտադրանքը կվաճառենք նրանց»,- ասել է Չավուշօղլուն: Նա նշել է նաև, որ Անկարան լավ փոխհարաբերություններ ունի թե՛ Մոսկվայի, թե՛ Կիևի հետ:

09:27 - 21 ապրիլի, 2021

Թուրքիայում հայտարարել են Ռուսաստանի եւ Ուկրաինայի միջեւ հակամարտության հարցում իրենց չեզոքության մասին |armenpress.am|

armenpress.am: Թուրքիան կողմերից ոչ մեկին չի պաշտպանում ՌԴ-ի եւ Ուկրաինայի միջեւ ստեղծված ճգնաժամում, բայց պատրաստ Է աջակցություն ցուցաբերել դրա կարգավորման ուղղությամբ դիվանագիտական ջանքերին: Այդ մասին հայտարարել Է Թուրքիայի ԱԳ նախարար Մեւլյութ Չավուշօղլուն: «Այժմ խնդիրներ կան Դոնբասում, սակայն առկա են Մինսկի պայմանավորվածությունները: Մենք կողմերին առաջարկում ենք այդ խնդիրը լուծել խաղաղ եւ դիվանագիտական ճանապարհով: Թուրքիան պաշտպանում Է բոլոր երկրների տարածքային ամբողջականությունը՝ Ուկրաինայի, Ռուսաստանի եւ մյուսների: Եվ մենք հարաբերությունները կառուցում ենք ե՛ւ Ռուսաստանի, ե՛ւ Ուկրաինայի հետ: Յուրաքանչյուրի երկրի հետ մեր հարաբերությունները չպետք Է ազդեն մյուս երկրների հետ հարաբերությունների վրա: Ռուսաստանի եւ Ուկրաինայի միջեւ թերիմացության հարցում մենք կողմերից ոչ մեկին չենք պաշտպանում»,-ասել Է Չավուշօղլուն՝ հանդես գալով NTV հեռուստաալիքի եթերում: Նա հավելել Է, որ Թուրքիայի քաղաքականությունը «հստակ Է բոլոր խնդիրների հարցում, այդ թվում՝ Ղրիմի»: «Մենք անկեղծորեն եւ բացեիբաց մեր կարծիքները կիսում ենք երկու կողմերի հետ, մեր քաղաքականությունը կառուցողական Է: Այժմ իրադրության լարվածությունն սկսել Է մեղմանել, ինչը մեզ ուրախացնում Է: Թուրքիան պատրաստ Է ավանդ ներդնել այդ գործընթացում»,-ասել Է թուրք նախարարը: Ուկրաինացի ուժայինները մարտի վերջին հայտարարել են, որ Դոնեցկի մարզի Շումի ավանի մոտ զոհվել Է չորս զինվորական, եւս երկուսը վիրավորվել են: Ուկրաինայի նախագահ Վլադիմիր Զելենսկին հայտարարել Է, որ մոտ ժամանակներս իրադրությունը կքննարկի «նորմանդական քառյակի» (Ուկրաինա, Գերմանիա, Ռուսաստան եւ Ֆրանսիա) ղեկավարների հետ: ՌԴ նախագահի մամուլի քարտուղար Դմիտրի Պեսկովը հայտարարել Է, որ Ռուսաստանը, չհանդիսանալով հակամարտության կողմ, չի կարող ապահովել համապարփակ զինադադարը Դոնբասում, բայց իր ազդեցությունը կօգտագործի համաձայնությունների կատարման համար, հաղորդել Է ՌԻԱ Նովոստին:

16:48 - 15 ապրիլի, 2021

Թուրքիայի ԱԳՆ-ը հայտարարել է Սև ծովով ամերիկյան ռազմանավերի նավարկությունը չեղարկելու մասին |1lurer.am|

1lurer.am: Թուրքիայի արտգործնախարար Մևլութ Չավուշօղլուն հաստատել է, որ Միացյալ Նահանգները չեղարկել է իր ռազմանավերի՝ Բոսֆորի նեղուցով դեպի Սև ծով նավարկումը: Այս մասին տեղեկանում ենք РИА Новости-ից: Խոսքը Roosevelt և Donald Cook ռազմանավերի մասին է, որոնք մտադրվել էին սևծովյան ավազանում գտնվել ապրիլի 14-15-ից մինչև մայիսի 4-5-ը: «Մեզ բանավոր ասվել է, որ ռազմանավերի նավարկումը չեղարկվել է: Սակայն եթե փոխեն որոշումը, ապա ունեն ևս 3 օր նախորդ ծանուցումներն օգտագործելու և նավերն ուղարկելու համար»,- պարզաբանել է դիվանագետը:

13:01 - 15 ապրիլի, 2021

Եթե Հայաստանը դրական արձագանքի, Հրվ. Կովկասը կարող է դառնալ խաղաղության և կայունության տարածաշրջան. Չավուշօղլու |tert.am|

tert.am: Թուրքիայի արտգործնախարար Մևլյութ Չավուշօղլուն Քուվեյթի իր գործընկեր շեյխ Ահմեդ Նասիր Մոհամեդ աս Սաբահի հետ հանդիպման ժամանակ խոսել է Կենտրոնական Ասիայում, Հարավային Կովկասում և Լեռնային Ղարաբաղում տեղի ունեցող իրադարձությունների մասին: Այս մասին տեղեկանում ենք «Անադոլու» գործակալությունից:«Ղարաբաղում հրադադարը լավ հնարավորություն է: Տարածաշրջանում բարեկեցություն ապահովելուն զուգահեռ` մենք հնարավորություն ունենք իրականացնել կարևոր նախագծեր և կարգավորել հարաբերությունները: Եթե Հայաստանը դրան դրական արձագանքի, ապա Հարավային Կովկասը հետագայում կարող է դառնալ խաղաղության և կայունության տարածաշրջան»,-հայտարարել է Չավուշօղլուն:

14:02 - 08 ապրիլի, 2021

С-400-ների գնման հարցը փակված է. Չավուշօղլու |tert.am|

tert.am: Թուրքիան պատրաստ է մանրամասն բանակցությունների՝ Միացյալ Նահանգների հետ տարաձայնությունները լուծելու համար: Այս մասին հայտարարել է Թուրքիայի արտգործնախարար Մևլութ Չավուշօղլուն` մեկնաբանելով այսօր` մարտի 24-ին Բրյուսելում ԱՄՆ պետքարտուղար Էնթոնի Բլինքենի հետ կայացած բանակցությունների արդյունքները, գրում է «Անադոլու» գործակալությունը: Նրա խոսքերով ՝ ՆԱՏՕ-ի շտաբ-բնակարանում ամերիկացի գործընկերոջ հետ բանակցություններն անցկացվել են կառուցողական կերպով: Չավուշօղլուն ԱՄՆ պետքարտուղար Էնթոնի Բլինկենին ասել է, որ Անկարայի կողմից ռուսական С-400 հակաօդային պաշտպանության համակարգերի ձեռքբերման հարցը փակ է: «Մենք նորից հիշեցրել ենք նրան, թե ինչու է Թուրքիան Ռուսաստանից գնել С-400-ները: Համալիրները գնվել են, և այժմ հարցը փակված է», - ասել է Չավուշօղլուն թուրք լրագրողներին Բրյուսելում: 2019-ի հուլիսի կեսերին մեկնարկել են ռուսական նորագույն С-400 հակաօդային պաշտպանության համակարգերի մատակարարումները, որոնք «ճգնաժամի» պատճառ են դարձել ԱՄՆ-ի հետ Թուրքիայի հարաբերություններում: Վաշինգտոնը պահանջել էր հրաժարվել գործարքից և դրա դիմաց գնել ամերիկյան Patriot համակարգեր։

20:19 - 24 մարտի, 2021

Հանդիպել են Լավրովն ու Չավուշօղլուն |tert.am|

tert.am: Չորեքշաբթի երեկոյան Դոհայի օդանավակայանում հանդիպել են Ռուսաստանի Դաշնության և Թուրքիայի արտաքին գործերի նախարարներ Սերգեյ Լավրովը և Մևլութ Չավուշօղլուն: Ռուս նախարարը առաջինն է ժամանել Էր-Ռիադից, իսկ թուրքը՝ Բիշքեկից: Այս մասին գրում է «Կոմերսանտ» պարբերականը: Սկսելով բանակցությունները՝ Սերգեյ Լավրովը նշել է, որ հենց այսօր երկու երկրների նախագահները տեսակոնֆերանսի ռեժիմով մասնակցել են թուրքական «Ակքույու» ԱԷԿ-ի երրորդ բլոկի հիմքի համար բետոնի լցման արարողությանը: Մևլութ Չավուշօղլուն ցավով նշել է, որ թռիչքի պատճառով իրեն հաջողվել է դիտել հեռարձակման միայն մի փոքրիկ հատվածը: Հինգշաբթի օրը երկու նախարարներն էլ կհանդիպեն Կատարի իրենց գործընկերոջ ՝ Մոհամմադ բին Աբդուրահման Ալ Թանիի հետ, և եռակողմ բանակցություններ կանցկացնեն: Հանդիպման հիմնական թեման կլինի Սիրիան: Դոհան վաղուց Մոսկվային առաջարկել է այս ձևաչափը, որը կարող է լրացնել Սիրիայի հարցով այլ հարթակներին:

22:26 - 10 մարտի, 2021

Դոհայում նախատեսվում է Լավրով-Չավուշօղլու հանդիպում |hetq.am|

hetq.am: Ռուսաստանի արտաքին գործերի նախարար Սերգեյ Լավրովը և Թուրքիայի արտաքին գործերի նախարար Մևլյութ Չավուշօղլուն կհանդիպեն չորեքշաբթի օրը՝ մարտի 10-ին, Դոհայում։ Այդ մասին գրում է TACC գործակալությունը։ Հանդիպումը կկայանա Մերձավոր Արևելքի երկրներում Լավրովի այցի շրջանակներում։ Դեռևս հայտնի չէ, թե ինչ հարցեր են ներառված հանդիպման օրակարգում։ Քաթարում Լավրովին կընդունի էմիր Թամիմ բեն Համադ Ալ Թանին։ Բացի այդ, Լավրովը բանակցություններ կվարի նաև Քաթարի արտաքին գործերի նախարար Մուհամեդ բեն Աբդել Ռահման Ալ Թանիի հետ։

20:07 - 09 մարտի, 2021

Թուրքիան դեմ է իշխանության բռնի զավթմանը ցանկացած երկրում․ Չավուշօղլուն մեկնաբանել է Հայաստանում տեղի ունեցող դեպքերը

Թուրքիան դեմ է իշխանության բռնի զավթմանը ցանկացած երկրում։ Դա նաև վերաբերում է Հայաստանում տեղի ունեցող իրադարձություններին։ Այս մասին ասել է Թուրքիայի ԱԳ նախարար Մևլութ Չավուշօղլուն Հունգարիայի ԱԳ նախարարի հետ համատեղ ասուլիսի ընթացքում, փոխանցում է TACC-ը։ Չավուշօղլուի խոսքով ՝ Թուրքիան «Հայաստանի իշխանությունների հետ շփում չի ունեցել», բայց Անկարան «հեղաշրջումների հարցում սկզբունքային դիրքորոշում ունի»: Նա նաև նշել է, որ «տարածաշրջանում հնարավորությունների պատուհան է բացվել, որը պետք է բոլորն օգտագործեն»։ Նշենք, որ ԶՈՒ Գլխավոր շտաբը հայտարարություն է տարածել, որով պահանջում է Նիկոլ Փաշինյանի հրաժարականը։ Վերջինս այս հայտարարությունը որակել է որպես ռազմական հեղաշրջման փորձ։

15:33 - 25 փետրվարի, 2021

Թուրքիան փորձում է համոզել Վրաստանին միանալ «3+3» հարթակին․Չաուշօղլու |tert.am|

tert.am: Թուրքիան փորձում է համոզել Վրաստանին միանալ «3+3» հարթակին: Այս մասին Անկարայում իր թուրքմեն գործընկերոջ՝ Ռաշիդ Մերեդովի հետ համատեղ մամուլի ասուլիսում հայտարարել է Թուրքիայի արտգործնախարար Մևլութ Չավուշօղլուն, գրում է «Անադոլու» գործակալությունը: «Հուսով ենք, որ Վրաստանը կմասնակցի 3 + 3 հարթակին: Դրանից բոլորը կշահեն»,-ասել է Չաուշօղլուն: Թուրք նախարարը հիշեցրել է նաև, որ Վրաստանում տեղի է ունեցել կառավարության փոփոխություն, և հետաձգվել է Բաքվում նախատեսված Ադրբեջանի, Թուրքիայի և Վրաստանի արտգործնախարարների 9-րդ եռակողմ հանդիպումը:

17:35 - 23 փետրվարի, 2021

Թուրքիան դրական կգնահատի ՀՀ-ի յուրաքանչյուր քայլը խաղաղության հաստատման ուղղությամբ. Չավուշօղլու |24news.am|

24news.am: Թուրքիան դրականորեն կգնահատի Հայաստանի յուրաքանչյուր քայլը Հարավային Կովկասում խաղաղության հաստատման ուղղությամբ։ Այս մասին, ինչպես գրում է РИА Новости-ն, մարդու իրավունքների ՄԱԿ-ի խորհրդի նիստում հայտարարել է Թուրքիայի արտգործնախարար Մեվլութ Չավուշօղլուն: «Մենք կշարունակենք աջակցել Հարավային Կովկասում խաղաղարար նախաձեռնություններին: Հուսով ենք, որ Հայաստանը նույնպես քայլեր կձեռնարկի աշխարհի գործընկեր դառնալու ճանապարհին: Թուրքիան դրականորեն կպատասխանի յուրաքանչյուր դրական քայլի, որ Հայաստանը կանի»,- նշել է Չավուշօղլուն:

21:25 - 22 փետրվարի, 2021

ԱՄՆ պետքարտուղար էնթոնի Բլինքենը երեկ հեռախոսազրույց է ունեցել Թուրքիայի արտգործնախարար Մեհմութ Չավուշօղլուի հետ

ԱՄՆ պետքարտուղար էնթոնի Բլինքենը երեկ հեռախոսազրույց է ունեցել Թուրքիայի արտգործնախարար Մեհմութ Չավուշօղլուի հետ։ Զրույցի ընթացքում քարտուղար Բլինքենն ընդգծել է երկու պետությունների միջև երկարատև երկկողմանի հարաբերությունների կարևորությունն ու ընդհանուր շահերը ահաբեկչության դեմ պայքարում, ինչպես նաև ժողովրդավարական ինստիտուտների, ներառական կառավարման ու մարդու իրավունքների պահպանման կարևորությունը։ Երկու կողմն էլ պարտավորվել են ավելի ամրապնդել համագործակցությունն ու նպաստել Սիրիայի հակամարտության քաղաքական կարգավորմանը։ Քարտուղար Բլինքենը նաև կոչ է արել Թուրքիային ձերբազատվել ռուսական С-400 զենիթահրթիռային համակարգերից։

11:52 - 16 փետրվարի, 2021

Թուրքիան ակնկալում է, որ Բրյուսելը կակտիվացնի Անկարայի՝ ԵՄ-ին անդամակցելու շուրջ երկխոսությունը. Չավուշօղլու |tert.am|

tert.am: Թուրքիայի արտգործնախարար Մևլութ Չավուշօղլուն կոչ է արել ակտիվացնել Թուրքիայի՝ ԵՄ-ին ինտեգրման գործընթացը, թարմացնել Մաքսային միությունը և սկսել անայցագրային ռեժիմի շուրջ բանակցությունները:Այս մասին թուրքական դիվանագիտության ղեկավարը գրել է իր թվիթերյան էջում՝ Եվրահանձնաժողովի նախագահ Ուրսուլա ֆոն դեր Լյայենի ու Հանձնաժողովի անդամների հետ բանակցությունների արդյունքում:«Մենք պետք է աշխուժացնենք ԵՄ-ին Թուրքիայի անդամակցության բանակցային գործընթացը ... անհրաժեշտ է նաև ամրապնդել համագործակցությունն ապօրինի միգրացիայի և ահաբեկչության դեմ պայքարում: Մենք պետք է ամբողջությամբ արմատախիլ անենք Եվրոպայում ռասիզմի, այլատյացության և իսլամատյացության դրսևորումները, որոնց թիվը վերջին տարիներին զգալիորեն աճել է»,-գրել է Չավուշօղլուն:

13:18 - 22 հունվարի, 2021

Թուրքիայի արտգործնախարարը ժամանել է Բրյուսել |azatutyun.am|

azatutyun.am: Թուրքիայի արտգործնախարար Մևլյութ Չավուշօղլուն այսօր ժամանել է Բրյուսել։ Թուրքական դիվանագիտության ղեկավարը հանդիպել է ԵՄ արտաքին հարաբերությունների և անվտանգության հարցերով բարձրագույն ներկայացուցիչ Ժոզեպ Բորելի հետ։ Բանակցությունների ընթացքում Չավուշօղլուն հայտարարել է, որ կողմերը պետք է անեն հնարավորը` Թուրքիայի և ԵՄ միջև դրական տրամադրվածությունը պահպանելու նպատակով։ «Երկկողմ հարաբերություններում դրական մթնոլորտի ձևավորումը խիստ կարևոր է։ Անհրաժեշտ է կոնկրետ քայլեր ձեռնարկել այդ միտումը պահպանելու ուղղությամբ», - Anadolu գործակալության փոխանցմամբ` հայտարարել է Թուրքիայի արտգործնախարարը։

16:32 - 21 հունվարի, 2021

Եթե հրադադարը երկարաժամկետ լինի, Թուրքիան և Ադրբեջանը կարող են քայլեր ձեռնարկել Հայաստանի հետ հարաբերությունների կարգավորման համար․ Չավուշօղլու |tert.am|

tert.am: Թուրքիայի ԱԳ նախարար Մևլյութ Չավուշօղլուն հաստատել է Երևանի հետ հարաբերությունները կարգավորելու Անկարայի մտադրությունը և նշել, թե դա որ պարագայում տեղի կունենա: Ինչպես փոխանցում է Вестник Кавказа կայքը, այս մասին թուրք նախարարը հայտնել է Անկարայում գերմանացի գործընկեր Հայկո Մաասի հետ կայացած հատատեղ ասուլիսում: Չավուշօղլուն հիշատակել է Լեռնային Ղարաբաղում ձեռք բերված հրադադարի ռեժիմը՝ ստեղծված իրավիճակն անվանելով «լավ հնարավորություն»: «Եթե հրադադարը երկարաժամկետ լինի, Թուրքիան և Ադրբեջանը կարող են քայլեր ձեռնարկել Հայաստանի հետ հարաբերությունների կարգավորման համար: Մենք Ադրբեջանի հետ միասին կհամակարգենք այդ գործընթացը»,- աղբյուրի փոխանցմամբ՝ ասել է թուրք նախարարը:

20:14 - 18 հունվարի, 2021