Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Իրանի կայունությունը համապատասխանում է մուսուլմանական եւ արաբական երկրների շահերին. Իրաքի նախագահ |news.am|

Իրանի կայունությունը համապատասխանում է մուսուլմանական եւ արաբական երկրների շահերին. Իրաքի նախագահ |news.am|

news.am: Իրանի անվտանգությունը եւ կայունությունը համապատասխանում են մուսուլմանական եւ արաբական պետությունների շահերին։ Այս մասին ասել է Իրաքի նախագահ Բարհամ Սալիհը Սաուդյան Արաբիայում արաբական երկրների ղեկավարների հետ հանդիպման ժամանակ, տեղեկացնում է AP-ը։«Մենք հույս չունենք, թե Իրանի անվտանգությունը թիրախ չէ, մենք ընդհանուր սահմաններ եւ հարաբերություններ ունենք»,- ասել է նա։ «Անկեղծ ասած, հարեւան իսլամական երկրի անվտանգությունը եւ կայունությունը համապատասխանում են մուսուլմանական եւ արաբական պետությունների շահերին»։Թեեւ Սալիհը նշել է, որ Իրաքը դատապարտում է վերջին հարձակումը սաուդյան նավթային լցանավերի դեմ, որում Էր Ռիադը մեղադրում է Իրանին, նա ընդգծել է, որ տարածաշրջանը կայունության կարիք ունի՝ հիմնված ինքնիշխանության հարգման եւ բռնությունից հրաժարման վրա։Ավելի վաղ Իրաքն առաջարկել էր միջնորդ լինել Միացյալ Նահանգների եւ Իրանի միջեւ աճող լարվածության պայմաններում։

08:20 - 31 մայիսի, 2019

Սաուդյան Արաբիայի թագավորը արաբական երկրներին կոչ է անում Իրանի դեմ քայլեր ձեռնարկել |azatutyun.am|

Սաուդյան Արաբիայի թագավորը արաբական երկրներին կոչ է անում Իրանի դեմ քայլեր ձեռնարկել |azatutyun.am|

azatutyun.am։ Սաուդյան Արաբիայի թագավոր Սալմանը մուսուլմանների սուրբ քաղաք համարվող Մեքքայում գումարված արաբական երկրների առաջնորդների շտապ հավաքում կոչ է արել միջազգային հանրությանը «օգտագործել բոլոր միջոցները՝ կանխելու այլ երկրների ներքին գործերին միջամտելու իրանական ռեժիմի փորձերը»:Ելույթի ընթացքում Սալման թագավորը մեղադրել է Իրանին ահաբեկչական խմբավորումներին հովանավորելու և միջազգային ծովային ուղիները վտանգելու մեջ:Արաբական երկրների գագաթնաժողովը գումարվել էր երեկ և ավարտվել է ժամեր առաջ:Իրաքը հրաժարվել է սատարել ընդունված հայտարարությունը, որը Սաուդյան Արաբիային ու Արաբական Միացյալ Էմիրություններին հորդորում է պաշտպանել իրենց շահերը որևէ միջամտության պարագայում:

06:14 - 31 մայիսի, 2019

Իրանը բանակցություններ չի վարի ԱՄՆ-ի հետ. Խամենեի |news.am|

Իրանը բանակցություններ չի վարի ԱՄՆ-ի հետ. Խամենեի |news.am|

news.am։ Իրանը բանակցություններ չի վարի ԱՄՆ-ի հետ: Այս մասին հայտարարել է Իրանի հոգեւոր առաջնորդ Սեյեդ Ալի Խամենեին, հաղորդում է.Mehr-ը: Նրա խոսքով՝ Իրանը խնդիր չի տեսնում այլ երկրների եւ եվրոպացիների հետ բանակցելու համար, սակայն բանակցությունները չեն անդրադառնա Իրանի պաշտպանական հնարավորություններին:«Ճնշումն ամերիկացիների ռազմավարությունն է»,- ասել է նա՝ հավելելով, որ նրանք շարունակում են ճնշում գործադրել, սակայն Իրանը չի ենթարկվի դրանց եւ բանակցություններ չի վարի:

05:38 - 30 մայիսի, 2019

Թեհրանում հայտարարել են, որ բավարար ռազմական ներուժ ունեն ԱՄՆ-ի ագրեսիան դիմագրավելու համար |armenpress.am|

Թեհրանում հայտարարել են, որ բավարար ռազմական ներուժ ունեն ԱՄՆ-ի ագրեսիան դիմագրավելու համար |armenpress.am|

ԱՐՄԵՆՊՐԵՍ: Իրանի բանակն անհրաժեշտ բոլոր սպառազինություններն ունի ԱՄՆ-ի ագրեսիայից երկրի պաշտպանությունն ապահովելու համար: Այս հայտարարությամբ, ինչպես մայիսի 29-ին հայտնել Է Al Alam հեռուստաալիքը, Թեհրանում հանդես Է եկել Իսլամական հեղափոխության պահապանների զորակազմի (ԻՀՊԶ) հրամանատար բրիգադի գեներալ Հոսեյն Սալամին։ «Իրանի զինված ուժերն ինքնաբավ են, պաշտպանական արդյունաբերությունը նրանց ապահովում Է ռազմափոխադրական միջոցներով, հրթիռներով, մարտական ինքնաթիռներով եւ անօդաչուներով»,-նշել Է գեներալը: Սալամիի խոսքով՝ իրանցիներն ունեն բացառիկ հրթիռային համակարգեր, որոնք կարող են խոցել ծովում ընթացող ԱՄՆ-ի ավիակիրներն ու նավերը: «Նման համալիրներ, որոնք մշակվել են 12 տարի առաջ, ունեն ընդամենը մի քանի պետություններ»,-ասել Է նա:Գեներալը հիշեցրել Է, որ բալիստիկ հրթիռների իրանական զինանոցն ամենախոշորն Է Մերձավոր Արեւելքում: Մայիսի 25-ին ԻՀՊԶ-ի հրամանատարի խորհրդական Մորթեզա Քորբանին հայտարարել Է, որ Իրանի ռազմածովային ուժերն ունեն հրթիռային զենք, որը նրանց թույլ կտա խորտակել ամերիկյան նավերը Պարսից ծոցում՝ «դրանց սխալ գործողությունների դեպքում», հաղորդել Է ՏԱՍՍ-ը:

14:24 - 29 մայիսի, 2019

ԱՄՆ պատժամիջոցային քաղաքականությունը սպառնալիքի տակ է դրել ողջ տարածաշրջանի անվտանգությունը. Իրան |armtimes.com|

ԱՄՆ պատժամիջոցային քաղաքականությունը սպառնալիքի տակ է դրել ողջ տարածաշրջանի անվտանգությունը. Իրան |armtimes.com|

armtimes.com։ ԱՄՆ պատժամիջոցային քաղաքականությունը սպառնալիքի տակ է դրել ողջ մերձարեւելյան տարածաշրջանի անվտանգությունը:Այս մասին հայտարարել է Իրանի արտաքին գործերի փոխնախարար Աբբաս Արակչին Քուվեյթի վարչապետի տեղակալի, ԱԳՆ ղեկավարի, շեյխ Սաբահ Հալեդ ալ-Համադ ալ-Սաբահի հետ հանդիպման ժամանակ, հաղորդում է PressTV-ը: Նա նշել է, որ Իրանը կողմ է տարածաշրջանի զարգացման «պատասխանատու» մոտեցմանը: Արակչին հայտնել է նաեւ Իրանի պատրաստակամության մասին՝ կապված երկխոսության եւ կառուցողական համագործակցության նպատակով մեխանիզմների ստեղծման հետ:Ընդգծելով, որ Իրանի սկզբունքային քաղաքականությունը հիմնված է խաղաղության եւ կայունության հաստատման վրա, Արակչին հայտարարել է, որ անվտանգությունը «համալիրային եւ անփոխարինելի» հայեցակարգ է, որը ներառում է ինչպես քաղաքական, այնպես էլ տնտեսական ասպետները:

08:03 - 28 մայիսի, 2019

Չինաստանը դադարեցրել է Իրանից նավթի գնումը |tert.am|

Չինաստանը դադարեցրել է Իրանից նավթի գնումը |tert.am|

tert.am: Չինաստանը դադարեցրել է Իրանից նավթի գնումը՝ հաշվի առնելով ԱՄՆ-ի կողմից պատժամիջոցներ սահմանելու վերաբերյալ հայտարարությունը: Այդ մասին Газета-ի փոխանցմամբ՝ հայտնել է Wall Street Journal-ը: Ըստ աղբյուրի՝ ամերիկյան պատժամիջոցներից խուսափելու համար, բացի Չինաստանից, իրանական նավթի գնումից հրաժարվել են նաև Հնդկաստանը, Թուրքիան, Հարավային Կորեան, Ճապոնիան, Թայվանը, Հունաստանը, Իտալիան:

05:37 - 28 մայիսի, 2019

Իրանը Պարսից ծոցի երկրներին առաջարկել է չհարձակման մասին պայմանագիր կնքել |armenpress.am|

Իրանը Պարսից ծոցի երկրներին առաջարկել է չհարձակման մասին պայմանագիր կնքել |armenpress.am|

armenpress.am։ Իրանի ԱԳ նախարար Մոհամադ Ջավադ Զարիֆը Պարսից ծոցի տարածաշրջանում իրավիճակի հետ կապված Ծոցի երկրներին առաջարկել է ստորագրել չհարձակման մասին պայմանագիր, հաղորդում է Իսլամական Հանրապետության Տելեգրամ-ալիքը։ Զարիֆն այս նախաձեռնությամբ հանդես է եկել Իրաքի ԱԳ նախարար Մուհամադ Ալի ալ Հաքիմի հետ մայիսի 25-ին կայացած հանդիպմանը։ Նա նաև ընդգծել է, որ Թեհրանը ցանկանում է լավագույն հարաբերություններ ունենանալ Պարսից ծոցի երկրների հետ և ողջունում լարվածության թուլացման հետ կապված ցանկացած առաջարկություն։Ավելի վաղ Իրաքի վարչապետին մոտ աղբյուրը «ՌԻԱ Նովոստի»-ին հայտարարել էր, որ Իրաքը Ռուսաստանի և ևս չորս երկրի հետ հանդես է գալիս որպես Վաշինգտոնի և Թեհրանի միջև հակամարտության կարգավորման միջնորդ։

05:56 - 27 մայիսի, 2019

Իրանը չի հանձնվի, եթե երկիրը ռմբակոծության ենթարկվի. Ռոհանի |tert.am|

Իրանը չի հանձնվի, եթե երկիրը ռմբակոծության ենթարկվի. Ռոհանի |tert.am|

tert.am։ Իրանը չի հանձնվի, եթե ռմբակոծության ենթարկվի: РИА Новости-ի փոխանցմամբ՝ նման հայտարարությամբ հանդես է եկել Իրանի նախագահ Հասան Ռոհանին՝ ԱՄՆ-ի հետ ծագած ռազմական լարվածության ֆոնին: «Այսօր մեզ անհրաժեշտ է կայունություն, թշնամիները պետք է գիտակցեն, որ մեր սրտերում տեղ չկա հուսահատության համար», - ասել է Ռոհանին՝ հավելելով, որ եթե նույնիսկ երկիրը ռմբակոծության ենթարկվի, իրանցիները շարունակելու են հետևել իրենց նպատակներին՝ անկախությանն ու մեծությանը:Իրանի ղեկավարի խոսքով՝ երկիրը տնտեսական պատերազմի մեջ է, որի պատճառով հարձակման է ենթարկվում հասարակության բարեկեցությունը:

05:55 - 24 մայիսի, 2019

Իրաքը պատվիրակություններ կուղարկի Իրան եւ ԱՄՆ՝ թուլացնելու լարվածությունն այդ երկրների միջեւ. Al Sumaria |armenpress.am|

Իրաքը պատվիրակություններ կուղարկի Իրան եւ ԱՄՆ՝ թուլացնելու լարվածությունն այդ երկրների միջեւ. Al Sumaria |armenpress.am|

armenpress.am: Իրաքի վարչապետ Ադել Աբդել Մահդին մայիսի 21-ին հայտարարել Է, որ իր երկիրը մտադիր Է պատվիրակություններ ուղարկել Իրան եւ ԱՄՆ՝ թուլացնելու այդ երկու պետությունների միջեւ առաջացած լարվածությունը: Վարչապետի խոսքը մեջբերել Է Al Sumaria հեռուստաալիքը:«Մենք պատվիրակություններ կուղարկենք Թեհրան եւ Վաշինգտոն, որպեսզի վերջ դնենք նրանց միջեւ լարվածությանը,-ասել Է Մահդին:-Ամերիկացի եւ իրանցի պաշտոնատարները հավաստիացրել են մեզ, որ պարերազմ չեն ցանկանում»: Նա նշել Է, որ Իրաքն արդեն Վաշինգտոնի եւ Թեհրանի միջեւ որպես միջնորդ Է հանդես գալիս՝ փորձելով լուծել կողմերի միջեւ առկա ճգնաժամը: Վարչապետը հավելել Է, որ ճգնաժամի կարգավորման սցենարների հարցում Բաղդադի դիրքորոշումը «շատ մոտ Է եվրոպականին»: Եվրոպայի երկրները կոչ են անում Վաշինգտոնին եւ Թեհրանին՝ ցուցաբերել զսպվածություն եւ գոյություն ունեցող տարաձայնությունները լուծել դիվանագիտական ճանապարհով, հաղորդել Է ՏԱՍՍ-ը:

14:29 - 21 մայիսի, 2019

Իրանը հրաժարվել է ԱՄՆ-ի հետ բանակցություններից |tert.am|

Իրանը հրաժարվել է ԱՄՆ-ի հետ բանակցություններից |tert.am|

tert.am։ Իրանի Իսլամական Հանրապետության նախագահ Հասան Ռոհանին հայտարարել է, որ ներկայումս Թեհրանը մտադիր չէ բանակցություններ վարել Միացյալ Նահանգների հետ: Այս մասին տեղեկացնում է Gazeta.ru-ն: «Հիմա ոչ թե բանակցություններ վարելու, այլ դիմադրություն և տոկունություն ցուցաբերելու ժամանակն է»,- ասել է Ռոհանին և հավելել, որ ԱՄՆ-ն 8 անգամ պաշտոնապես Թեհրանին առաջարկել է բանակցություններ սկսել, սակայն նման պայմաններում Իրանի և ԱՄՆ-ի բանակցությունները նախագահը «նպատակահարմար» չի գտնում:

05:30 - 21 մայիսի, 2019

Զարիֆը պատասխանել է Թրամփին. երբեք չսպառնաք իրանցիներին |news.am|

Զարիֆը պատասխանել է Թրամփին. երբեք չսպառնաք իրանցիներին |news.am|

news.am: Իրանի արտգործնախարար Մոհամադ Ջավադ Զարիֆը ԱՄՆ նախագահ Դոնալդ Թրամփին կոչ է արել «հարգանք ցուցաբերել» սպառնալիքներ տեղալու փոխարեն։ Այդկերպ Զարիֆն արձագանքել է Թրամփի Twitter-ի գրառմանը, որն արել էր նախօրեին այն մասին, որ եթե Իրանը «շարունակի սպառնալ, դա նրա վերջը կդառնա», տեղեկացնում է Mehr-ը։ Զարիֆը նշել է, որ Թրամփը «հույս ունի հասնել այն բանին, ինչը չեն կարողացել անել Ալեքսանդրը (Մակեդոնացին), Չինգիզ խանը եւ այլ ագրեսորներ»։ Նա նշել է, որ «իրանցիները կանգնած են եղել հազարամյակի բարձունքին, իսկ ագրեսորները հեռացել են»։ Նրա խոսքով՝ «տնտեսական ահաբեկչությունը» եւ «ցեղասպանության ակնարկները» «Իրանի վերջը չեն տա»։ Նա խորհուրդ է տվել Թրամփին «երբեք չսպառնալ իրանցիներին»՝ առաջարկելով դրա փոխարեն «հարգանք ցուցաբերել. դա գործում է»։

11:51 - 20 մայիսի, 2019

Սաուդյան Արաբիայի ԱԳ նախարարը կոչ է արել արգելել Իրանին «տարածել քաոս» |news.am|

Սաուդյան Արաբիայի ԱԳ նախարարը կոչ է արել արգելել Իրանին «տարածել քաոս» |news.am|

news.am։ Սաուդյան Արաբիայի ԱԳՆ-ը պահանջել է միջազգային հանրությունից ձեւավորել կոշտ դիրքորոշում Իրանի նկատմամբ եւ արգելել նրան «տարածել քաոս», հաղորդում է ՌԻԱ Նովոստի-ն՝ հղում կատարելով ԱԳՆ-ի թվիթերյան էջին:«Մենք պահանջում ենք միջազգային հանրությունից ձեւավորել կոշտ դիրքորոշում իրանյան ռեժիմի նկատմամբ արգելելու նրան տարածել քաոս ամբողջ աշխարհում: Իրանի ռեժիմը չի նպաստում տարածաշրջանում անվտանգության եւ կայունության հաստատմանը»,-հայտարարել է Սաուդյան Արաբիայի ԱԳՆ Ադիլ ալ-Ջուբեյրան: Ալ-Ջուբեյրայի խոսքով, Իրանը կարող է վերացնել տարածաշրջանում պատերազմի վտանգը՝ պահպանելով միջազգային իրավունքը, դադարենցելով միջամտությունը տարածաշրջանում մյուս երկրների ներքին գործերին, դադարելով սատարել ահաբեկչական խմբավորումների եւ զարգացնել հրթիռային ու միջուկային ծրագրեր:Ավելի վաղ սուդյան թագավորը առաջարկել է մայիսի 30-ին անցկացնել արտահերթ արաբական գագաթնաժողով Իրանի հետ հարաբերությունների սրացման ֆոնին:Ավելի վաղ հաղորդվում էր, որ ԱՄՆ-ն Իրանի շուրջ իրավիճակի սրման ֆոնին կենտրոնացրել է Պարսից ծոցում եւ դրա մոտակայքում առնվազն յոթ ռազմանավեր եւ տեղակայել Patriot զենիթահրթիռային համալիրներ: Ինչպես պարզաբանել են Պենտագոնում, այդպիսի պատասխանն ուղղված է «Իրանի բարձր պատրաստվածությանն անցկացնելու հարձակողական գործողություններ ԱՄՆ-ի դեպ եւ պաշտպանելու իր շահերը»: ԱՄՆ-ի նախագահ Դոնալդ Թրամփը հայտարարել է, որ հույս ունի խուսափել Իրանի հետ պատերազմից: Իրանի գերագույն առաջնորդ Ալի Համենեին հայտարարել է, որ Իրանը մտադիր չէ պատերազմել ԱՄՆ-ի հետ, սակայն շարունակելու է հակազդել Վաշինգտոնին:

07:44 - 19 մայիսի, 2019

Թեհրանը կոչ է անում «փրկել միջուկային համաձայնագիրը» |azatutyun.am|

Թեհրանը կոչ է անում «փրկել միջուկային համաձայնագիրը» |azatutyun.am|

azatutyun.am։ Իրանի արտգործնախարար Մոհամադ Ջավադ Զարիֆը Չինաստանին, Ռուսաստանին և այլ երկրներին կոչ է արել «ձեռնարկել հստակ միջոցներ և փրկել 2015 թվականի միջուկային համաձայնագիրը»: Այդ մասին Զարիֆը հայտարարել է երեկ Պեկինում Չինաստանի արտգործնախարար Վանգ Յիի հետ հանդիպման ընթացում:Իրանը 2015 թվականի համաձայնագիրը կնքել է ԱՄՆ-ի, Բրիտանիայի, Ֆրանսիայի, Գերմանիայի, Չինաստաանի և Ռուսաստանի հետ: Այդ պայմանագրով Թեհրանը պարտավորվել է սահմանափակել միջուկային ակտիվությունը և նոր հրթիռներ ստեղծելու աշխատանքները: Միջազգային գերտերություններն էլ խոստացել են աստիճանաբար չեղարկել տնտեսական պատժամիջոցները և վերականգնել առևտուրը Թեհրանի հետ:Միացյալ Նահանգները՝ նախագահ Դոնալդ Թրամփի որոշմամբ, անցյալ տարվա մայիսին դուրս է եկել պայմանագրից և վերականգնել ու խստացրել է Իրանի նկատմամբ սահմանած պատժամիջոցները:Թրամփի համոզմամբ, Իրանն այդ համաձայնագրով ընդամենը փորձում է ժամանակ շահել միջուկային զենք ստեղծելու համար:

06:00 - 19 մայիսի, 2019

Սաուդական իշխանամետ ԶԼՄ-ներն ԱՄՆ-ին կոչ են արել «վիրաբուժական հարվածներ» հասցնել Իրանի ուղղությամբ |news.am|

Սաուդական իշխանամետ ԶԼՄ-ներն ԱՄՆ-ին կոչ են արել «վիրաբուժական հարվածներ» հասցնել Իրանի ուղղությամբ |news.am|

news.am: Սաուդյան Արաբիայի Arab News իշխանամետ թերթն ԱՄՆ-ին կոչ է արել «վիրաբուժական հարվածներ» հասցնել՝ ի պատասխան Իրանի սպառնալիքների:Հրապարկման մեջ ասվում է, որ սաուդական նավթային լցանավերի միջադեպից հետո հաջորդ քայլը դա պետք է լինի: Հրապարակման հեղինակները կարծում են, որ խաղաղ բնակիչների դեմ քիմիական զենքի կիրառման կասկածանքով Սիրիայի ուղղությամբ ԱՄՆ-ի ավիահարվածները «նախադեպ են ստեղծել»:«Պարզ է, որ ամերիկյան պատժամիջոցները տեղ չեն հասնում, առավել հզոր հարված է պետք»,- գործակալությունը հոդվածից մի հատված է մեջբերում:Թերթը հրատարակողը Saudi Research and Marketing Group ընկերությունն է, որը երկար ժամանակ ղեկավարվում էր թագավոր Սալմանի որդիների կողմից:

06:24 - 17 մայիսի, 2019

ԱՄՆ-ի հետ պատերազմ չի լինի. Համենեի |news.am|

ԱՄՆ-ի հետ պատերազմ չի լինի. Համենեի |news.am|

news.am: Իրանի հոգեւոր առաջնորդ Սեյեդ Ալի Համենեին հայտարարել է, որ ԱՄՆ-ի հետ պատերազմ չի լինի:Նրա խոսքով՝ ռազմական դիմակայություն չի լինի, քանի որ ո՛չ Իրանը, ո՛չ ԱՄՆ-ն չեն ձգտում պատերազմել, եւ ամերիկացիները գիտեն, որ պատերազմն անօգուտ է:

06:01 - 15 մայիսի, 2019

Իրանը միջուկային գործարքի դրույթներից 2-ն այլևս չի կատարի |panarmenian.net|

Իրանը միջուկային գործարքի դրույթներից 2-ն այլևս չի կատարի |panarmenian.net|

panarmenian.net։ Թեհրանը որոշել է մասնակիորեն կասեցնել Իրանի միջուկային ծրագրի շուրջ պարտավորությունններից մի քանիսի կատարումը: Այդ մասին հայտարարել է Իրանի նախագահ Հասան Ռոուհանին: «Մենք դադարեցնում ենք կատարել պայմանավորվածությունները 2 կետով: Դրանք վերաբերում են մեր ունեցած հարստացված ուրանի և ծանր ջրի վաճառքը 60 օրով կասեցնելուն», -ասել է նա, հայտնում է ՏԱՍՍ-ը PressTV-ի վրա հղումով: Ռոուհանին ասել է, որ «միջուկային գործարքը չի չեղարկվում, իսկ Իրանն էլ չի դուրս գալիս համաձայնագրից»: «Գործարքի մասնակից 5 երկրներին՝ ՌԴ-ին, Մեծ Բրիտանիային, Չինաստանին, ԱՄՆ-ին, Ֆրանսիային և Գերմանիային, ուղարկվել են համապատասխան նամակներ: Մենք 1 տարի սպասեցինք գործարքից դուրս գալու մասին ԱՄՆ որոշումից հետո, ինչպես խորհուրդ էին տվել մյուս մասնակինցերը, և կատարում էինք մեր բոլոր պարտավորությունները: Գործարքը չի փոխվել: Մենք պատրաստ ենք հետագայում ևս քննարկել այդ համաձայնագրի կատարումը»,-ասել է Իրանի նախագահը:

07:04 - 08 մայիսի, 2019