Դավիթ Տոնոյան

ՀՀ պաշտպանության նախկին նախարար:

Ծնվել է 1967թ.դեկտեմբերի 27-ին։ Մասնագիտությամբ ռազմական դիվանագետ է: Ծառությունը սկսել է 1992թ.-ից` ՀՀ ՆԳՆ կազմակերպված հանցավորդության դեմ պայքարի գլխավոր վարչությունից: 1994-2017 տարբեր պաշտոններ է զբաղեցրել ՀՀ Պաշտպանության նախարարությունում` հասնելով մինչև ՊՆ նախարարի տեղակալի պաշտոնը։ 2017թ.-ին նշանակվել է ՀՀ ԱԻՆ նախարար։

2018թ.-ի մայիսից ՀՀ վարչապետ Նիկոլ Փաշինյանի որոշմամբ նշանակվել է պաշտպանության նախարար։ 2020 թվականի նոյեմբերի 20-ին՝ արցախա-ադրբեջանական պատերազմի ավարտից տասն օր անց ազատվել է պաշտոնից։

Դավիթ Տոնոյանն անդրադարձել է Վայոց Ձորում սպային մարմնական վնասվածք պատճառելու դեպքին |armenpress.am|

Դավիթ Տոնոյանն անդրադարձել է Վայոց Ձորում սպային մարմնական վնասվածք պատճառելու դեպքին |armenpress.am|

armenpress.am։ ՀՀ ՊՆ զորամասի սպային Վայոց Ձորում ծանր մարմնական վնասվածք պատճառելու դեպքի քննությունը գտնվում է ՀՀ պաշտպանության նախարարության վերահսկողության տակ:Այս մասին լրագրողների հետ ճեպազրույցում ասաց ՀՀ ՊՆ Դավիթ Տոնոյանը:«Դեպքը մեր վերահսկողության տակ է. սպան գտնվում է Կենտրոնական կլինիկական զինվորական հոսպիտալում»,- նշեց նախարարը:Նրա խոսքով՝ ինքը և Կառավարության բոլոր անդամներն անպայման հետևողական են լինելու դեպքի բացահայտման հարցում:«Ռազմական ոստիկանությունն էլ, քաղաքացիական ոստիկանության հետ միասին իրականացնում է օպերատիվ հետախուզական աշխատանքներ: Ամեն ինչ կլինի ազնիվ և արդար, և մեղավորներն իրենց պատիժը կստանան:

08:01 - 21 սեպտեմբերի, 2019

Ձեռք է բերվում լավագույն զինամթերքը, եւ կապ չունի, թե որ երկրից է ձեռք բերվում. Դավիթ Տոնոյան |lragir.am|

Ձեռք է բերվում լավագույն զինամթերքը, եւ կապ չունի, թե որ երկրից է ձեռք բերվում. Դավիթ Տոնոյան |lragir.am|

lragir.am։ ՀՀ զինված ուժերի կարիքների համար ձեռք է բերվում լավագույն զինամթերքը՝ մեզ համար մատչելի գներով: Այս մասին այսօր լրագրողներին ասաց Պաշտպանության նախարար Դավիթ Տոնոյանը:Լրագրողները հարց ուղղեցին՝ հնարավո՞ր է առաջիկայում փոխվի Ռուսաստանի գլխավոր դերը Հայաստանին զենք մատակարարելու առումով: «Ոչ մի բան բացառել չի կարելի»,- ասաց Դավիթ Տոնոյանը:«Ես մի քանի անգամ դրան անդրադարձել եմ, այսօր ՀՀ զինված ուժերի կարիքների համար ձեռք է բերվում լավագույն զինամթերքը՝ մեզ համար մատչելի գներով: Եվ կապ չունի, թե որ երկրից է դա ձեռք բերվում: Եվ պետք է հաշվի առնել, որ Հայաստանին ռազմական նշանակության արտադրանքի մատակարարումներում տարբեր երկրներ ունեն իրենց ներքին սահմանափակումները»,- հավելեց նախարարը:

09:52 - 20 սեպտեմբերի, 2019

Դավիթ Տոնոյանը չի բացառում Ադրբեջանում գտնվող ՀՀ քաղաքացիների փոխանակումն Արցախում դատապարտված ադրբեջանցի դիվերսանտների հետ |aysor.am|

Դավիթ Տոնոյանը չի բացառում Ադրբեջանում գտնվող ՀՀ քաղաքացիների փոխանակումն Արցախում դատապարտված ադրբեջանցի դիվերսանտների հետ |aysor.am|

aysor.am։ ՀՀ պաշտպանության նախարար Դավիթ Տոնոյանը երեկ հանդիպում է ունեցել Կարմիր խաչի միջազգային կոմիտեի հայաստանյան ներկայացուցիչի հետ, փոխանցվել է Ադրբեջանի առաջարկությունը։«Կան քննարկման որոշ խնդիրներ, որոնք ես հիմա բացահայտել չեմ կարող։ Հավելյալ աշխատանք է պահանջվում որոշ տեղեկատվության ճշգրտման, և երբ այն ստանանք ադրբեջանական կողմից, կարձագանքենք», - այսօր լրագրողների հետ հանդիպմանն ասաց նախարարը։ Տոնոյանն ասաց, որ հայկական կողմը սկզբունքորեն դեմ չէ ՀՀ քաղաքացիներին վերադարձնելու իրենց տները և աջակցելու է այդ գործընթացին։Հարցը, նախարարի խոսքով, փոխանակման տեսանկյունից չի դիտարկում և դա ճիշտ մոտեցում չէ։ Դա, ըստ նախարարի, հումանիտար գործողություն է։«Ես աշխատում եմ, որ իմ քաղաքացիներին վերադարձնեմ Հայաստան», - ասաց նախարարը։ Պաշտպանության նախարարը չբացառեց տարբերակը, որ հայկական կողմը կարող է փոխանակել Ադրբեջանում գտնվող ՀՀ քաղաքացիներին Արցախում դատապարտված ադրբեջանցի դիվերսանտների հետ։«Չեմ բացառում, բայց դա Արցախի սուվերեն որոշման խնդիրն է», - ընդգծեց նախարարը:

08:01 - 20 սեպտեմբերի, 2019

Նիկոլ Փաշինյանի հետ չեն կարող տարաձայնություններ լինել. Դավիթ Տոնոյան |aysor.am|

Նիկոլ Փաշինյանի հետ չեն կարող տարաձայնություններ լինել. Դավիթ Տոնոյան |aysor.am|

aysor.am։ ՀՀ պաշտպանության նախարար Դավիթ Տոնոյանը տեղյակ չէ ոստիկանապետ Վալերիյ Օսիպյանի հնարավոր հրաժարականի մասին։ «Ես հերքում եմ այդ թեմայի հետ կապված որևէ քննարկում Ազգային անվտանգության խորհրդում», - լրագրողների հետ զրույցում այսօր ասաց նախարարը։ Հարցին՝ տարաձայնութուններ ունի՞ ՀՀ վարչապետ Նիկոլ Փաշինյանի հետ, Դավիթ Տոնոյանը բացասական պատասխան հնչեցրեց։«Չեն կարող տարաձայնություններ լինել։ Որպես կառավարության անդամ՝ շատ սինխրոնիզացված աշխատանք է ծավալվում», - նշեց պաշտպանության նախարարը՝ միաժամանակ հավաստիացնելով, որ իրեն հայտնի չէ նաև Փաշինյան-Վանեցյան տարաձայնությունների մասին։Լրագրողները նաև հետաքրքրվեցին՝ արդյոք ուժային մարմինների ղեկավարների հրաժարականները ազգային անվտանգության տեսանկյունից վտանգ չեն ներկայացնում, ի պատասխան Տոնոյանն ասաց. «Չեմ կարծում, համակարգ է գործում»:

07:35 - 18 սեպտեմբերի, 2019

Ցավոտ անակնկալներ չեն սպասվում. Դավիթ Տոնոյանը՝ Ապրիլյան պատերազմի հանգամանքները քննող հանձնաժողովի աշխատանքների մասին |tert.am|

Ցավոտ անակնկալներ չեն սպասվում. Դավիթ Տոնոյանը՝ Ապրիլյան պատերազմի հանգամանքները քննող հանձնաժողովի աշխատանքների մասին |tert.am|

tert.am։ ԱԺ-ում ստեղծված Ապրիլյան պատերազմի հանգամանքները քննող քննիչ հանձնաժողով Դավիթ Տոնոյանը քննարկման դեռ չի հրավիրվել: Այս մասին լրագրողների հետ զրույցում ասաց ՀՀ պաշտպանության նախարարը: Հարցին, թե ճիշտ են արդյոք մամուլում շրջանառվող այն լուրերը, որ այդ հանձնաժողովի աշխատանքների արդյունքում ՊՆ-ում պաշտոնանկություններ են սպասվում, Տոնոյանը պատասխանեց, որ դեռ քննարկվում են, որից հետո որոշումները կկայացնեն: Տոնոյանը նշեց, որ որոշ չափով ծանոթ է հանձնաժողովի աշխատանքների արդյունքներին, որը, իր գնահատմամբ, արդյունավետ աշխատանք է:«Հանձնաժողովի աշխատանքը արդյունավետ է, որովհետև այն տեղեկությունները, որոնք իրենք ստանում են, կարծում եմ, որ բավարար են լինելու եզրակացություններ անելու համար: Ցավոտ անակնկալներ չեն սպասվում»,- նշեց նա: Շարունակությունը՝ tert.am-ում

07:29 - 18 սեպտեմբերի, 2019

Այդպիսի բան չկա. Դավիթ Տոնոյանը՝ իր հնարավոր հրաժարականի մասին |aysor.am|

Այդպիսի բան չկա. Դավիթ Տոնոյանը՝ իր հնարավոր հրաժարականի մասին |aysor.am|

aysor.am։ Այդպիսի բան չկա, լրագրողների հետ զրույցում քիչ առաջ ասաց ՀՀ պաշտպանության նախարար Դավիթ Տոնոյանը՝ անդրադառնալով իր հնարավոր հրաժարականի մասին հարցին։ Լրագրողները հետաքրրքվեցին՝ արդյոք նման հարց քննարկել են վարչապետի հետ, նախարարը բացասական պատասխան հնչեցրեց նաև այս հարցին։ Ինչ վերաբերում է ԱԱԾ տնօրեն նշանակվելու հավանականությանը, Դավիթ Տոնոյանն այս հարցը լսելիս ծիծաղեց։«Ես պաշտպանության նախարար եմ», - ասաց նա։ Հարցին՝ ինչպե՞ս կմեկնաբանի ԱԱԾ տնօրեն Արթուր Վանեցյանի հրաժարականը, Տոնոյանը նշեց, որ չի կարող մեկնաբանել, որոշումն անհատական է եղել։ «Մեկնաբանությունն իր իրավասությունն է, և նա, կարծում եմ, դա կանի։ Կարծում եմ՝ առանց պատճառի որևէ հրաժարական չի լինում», - ասաց Տոնոյանը։ Նշենք, որ Պաշտպանության նախարար Դավիթ Տոնոյանը ժամանել է ԱԺ՝ փակ հանդիպման:

07:20 - 18 սեպտեմբերի, 2019

Դավիթ Տոնոյանն ԱՄՆ դեսպանի և երկրի այլ ներկայացուցիչների հետ քննարկել է հայ-ամերիկյան երկկողմ համագործակցությանն առնչվող հարցեր

Դավիթ Տոնոյանն ԱՄՆ դեսպանի և երկրի այլ ներկայացուցիչների հետ քննարկել է հայ-ամերիկյան երկկողմ համագործակցությանն առնչվող հարցեր

Սեպտեմբերի 10-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Ամերիկայի Միացյալ Նահանգների արտակարգ և լիազոր դեսպան Ն.Գ. տիկին Լին Թրեյսիին, ՀՀ-ում ԱՄՆ դեսպանությունում առաքելության ղեկավարի նորանշանակ տեղակալ Քրիստոֆեր Սմիթին և նորանշանակ ռազմական կցորդ, գնդապետ Սքոթ Մաքսվելին: Այս մասին հայտնում են ՊՆ տեղեկատվության և հասարակայնության հետ կապերի վարչությունից: Նախարար Տոնոյանը շնորհավորել է պարոն Սմիթին և գնդապետ Մաքսվելին Հայաստանում առաքելությունները ստանձնելու կապակցությամբ և մաղթել է նորանոր ձեռքբերումներ Հայաստանում մասնագիտական գործունեության ընթացքում։Հանդիպման ընթացքում քննարկվել են պաշտպանության ոլորտում հայ-ամերիկյան երկկողմ համագործակցությանն առնչվող և փոխադարձ հետաքրքրություն ներկայացնող այլ հարցեր:

14:19 - 10 սեպտեմբերի, 2019

Դավիթ Տոնոյանն ընդունել է Միացյալ Թագավորության դեսպանին

Դավիթ Տոնոյանն ընդունել է Միացյալ Թագավորության դեսպանին

Նախարար Տոնոյանը շնորհակալություն է հայտնել տիկին դեսպանին իր պաշտոնավարման ընթացքում պաշտպանության բնագավառում հայ-բրիտանական համագործակցության խորացմանը միտված գործունեության համար՝ կարևորելով կանոնավոր ռազմաքաղաքական քննարկումների անցկացումը, ռազմավարական տարբեր ոլորտներում մասնագիտական խորհրդատվական աջակցությունը, տարբեր կրթական և վերապատրաստման ծրագրերը, համատեղ ռազմամշակութային միջոցառումների անցկացումը և այլն։ Տիկին դեսպանը, իր հերթին շնորհակալություն հայտնելով, նշել է, որ համագործակցության շրջանակներում համատեղ ձեռքբերումները երկուստեք բարձր են գնահատվում և վստահություն հայտնել, որ փոխգործակցության զարգացումը շարունակական կլինի։Հանդիպման ընթացքում քննարկվել են նաև փոխադարձ հետաքրքրություն ներկայացնող այլ հարցեր:

08:08 - 07 սեպտեմբերի, 2019

Իմ ներքին համոզմամբ՝ զինվորն ուղղակի մոլորվել է․ Տոնոյան |shantnews.am|

Իմ ներքին համոզմամբ՝ զինվորն ուղղակի մոլորվել է․ Տոնոյան |shantnews.am|

shantnews.am: «Այս փուլում դեռ իրականացվում է հետաքննություն, ես անձամբ կարծում եմ, որ մեր զինծառայողը աշխարհագրորեն մոլորվել է»,- այսօր Դիլիջանում լրագրողների հետ զրույցում նման տեսակետ հայտնեց ՀՀ պաշտպանության նախարար Դավիթ Տոնոյանը՝ խոսելով Ադրբեջանում հայտնված հայ զինծառայողի մասին: Արձագանքելով ադրբեջանական կողմից հնչող հայտարարություններին, թե իբր հայ զինծառայողը սահմանը հատել է հրամանատարների կողմից ճնշումների հետևանքով՝ Տոնոյանը կոչ արեց կուլ չգնալ ադրբեջանական քարոզչամեքենային, առավել ևս՝ չտարածել այդ տեղեկությունները: «Ես ներքին համոզմունք ունեմ, որ ինքն ուղղակի մոլորվել է»,- ասաց նա: Հարցին՝ ի՞նչ քայլեր են արվում հայ զինծառայողին վերադարձնելու ուղղությամբ, Տոնոյանը նշեց, որ աշխատանքները սկսել են, համապատասխան միջազգային կառույցներին դիմել են: Նախարարն ասաց, որ դեռ չի կարող ասել՝ զինծառայողը հոգեբանորեն էլ է մոլորվել, թե ոչ, դա պարզ կլինի աշխատանքի արդյունքում, միաժամանակ կոչ արեց Ադրբեջանի կոլեգաներին՝ տեղեկատվական աշխատանքը դադարեցնել:

08:41 - 13 օգոստոսի, 2019

Օգոստոսից հայոց բանակի հինգ զորամասում զինծառայողներին սնունդ կտրամադրվի նոր կարգով |armenpress.am|

Օգոստոսից հայոց բանակի հինգ զորամասում զինծառայողներին սնունդ կտրամադրվի նոր կարգով |armenpress.am|

armenpress.am։ ՀՀ պաշտպանության նախարարության զինված ուժերի 5 զորամասում օգոստոսից զինծառայողներին սնունդը կտրամադրվի նոր կարգով: Այս մասին հուլիսի 22-ին լրագրողների հետ զրույցում ասաց ՀՀ պաշտպանության նախարար Դավիթ Տոնոյանը: «3 տարվա ընթացքում մենք պետք է հասնենք այն արդյունքին, որ բոլոր զորամասերում նույն ձևաչափով ապահովվի սննդի կազմակերպումը: Այս պահին չորս զորամասում է նոր կարգը գործում, նախապատրաստական աշխատանքներ են ընթանում 5-րդ զորամասի համար, որը բավական հեռավոր է, նաև ընդգրկված է մարտական հերթապահության մեջ: Մյուս ամսից այդ զորամասում ևս կգործի սննդի մատուցման նոր կարգը: Կամաց-կամաց է լինելու գործընթացը»,- ասաց Տոնոյանը: Նախարարը նշեց, որ սա լավագույն տարբերակն է, երբ պետություն-մասնավոր համագործակցության շրջանակներում սննդի որակը բարձրացվում է:

08:52 - 22 հուլիսի, 2019

Զինված ուժերում միջադեպերի նվազում կա․ պաշտպանության նախարար |shantnews.am|

Զինված ուժերում միջադեպերի նվազում կա․ պաշտպանության նախարար |shantnews.am|

shantnews.am։ Զինված ուժերում մարդկային կորուստներին հարցին պատասխանելիս պաշտպանության նախարար Դավիթ Տոնոյանն ընդունեց, որ որոշ դեպքերում խնդիրներ կան, քանի որ ժամանակին չեն կարողացել բացահայտել զինծառայողների հոգեվիճակները։ Ինչ վերաբերում է վիճակագրությանը, Տոնոյանը նախ ասաց, որ իրենց համար յուրաքանչյուր կորուստ ցավալի է, և վիճակագրություն կազմելն այս դեպքում անտեղի է։ Ապա նախարարը նախնական տեղեկություններ հաղորդեց, որ միջադեպերի թվով այս տարի նվազում կա։

08:31 - 22 հուլիսի, 2019

Դավիթ Տոնոյանն ընդունել է ՀՀ-ում ԱՄՆ դեսպանին. ՊՆ

Դավիթ Տոնոյանն ընդունել է ՀՀ-ում ԱՄՆ դեսպանին. ՊՆ

Հուլիսի 16-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Ամերիկայի Միացյալ Նահանգների արտակարգ և լիազոր դեսպան տիկին Լին Թրեյսիին: Հանդիպման ընթացքում քննարկվել են պաշտպանության բնագավառում հայ-ամերիկյան երկկողմ համագործակցությանն առնչվող հարցեր: Ամփոփվել են նախկինում իրականացված միջոցառումների արդյունքներն ու պլանավորված աշխատանքների հետագա ընթացքը` դրանք առավել թիրախային և արդյունավետ դարձնելու նպատակով: Հանդիպման ընթացքում քննարկվել են նաև փոխադարձ հետաքրքրություն ներկայացնող այլ հարցեր:

14:18 - 16 հուլիսի, 2019

Դավիթ Տոնոյանն ու Չինաստանի դեսպանն այցելել են զորամասերից մեկը. ՉԺՀ-ն սարքավորումներ է նվիրել

Դավիթ Տոնոյանն ու Չինաստանի դեսպանն այցելել են զորամասերից մեկը. ՉԺՀ-ն սարքավորումներ է նվիրել

ՀՀ պաշտպանության նախարար Դավիթ Տոնոյանը այսօր՝ հուլիսի 6-ին, Հայաստանում Չինաստանի ժողովրդական հանրապետության արտակարգ եւ լիազոր դեսպան Թիան Էրլունի եւ ՀՀ-ում ՉԺՀ դեսպանության ռազմական եւ ռազմաօդային կցորդ, ավագ գնդապետ Չժան Ֆենխուայի հետ այցելել է հանրապետության զորամասերից մեկը։ Այս մասին Facebook-ի իր էջում գրել է պաշտպանության նախարարի մամուլի խոսնակ Արծրուն Հովհաննիսյանը:«Հուլիսի 6֊ին ՀՀ պաշտպանության նախարար Դավիթ Տոնոյանը Հայաստանում Չինաստանի ժողովրդական հանրապետության արտակարգ և լիազոր դեսպան Թիան Էրլունի և ՀՀ-ում ՉԺՀ դեսպանության ռազմական և ռազմաօդային կցորդ, ավագ գնդապետ Չժան Ֆենխուայի հետ այցելել է հանրապետության զորամասերից մեկը։ Դավիթ Տոնոյանը, դեսպանը և ռազմական կցորդը բարձրաստիճան սպաների ուղեկցությամբ շրջել են զորամասում և ծանոթացել Չինաստանի կողմից նվիրաբերված սարքավորումներին։ Նախարար Տոնոյանը շնորհակալություն է հայտնել Չինաստանի ժողովրդական հանրապետությանն ակտիվ համագործակցության և աջակցության համար»։-նշել է նա:

09:50 - 06 հուլիսի, 2019

Կբացահայտվի, Ռազմական ոստիկանությունը զբաղվում է. Դավիթ Տոնոյանը՝ զորամաս վերադառնալ չցանկացող զինվորի մասին |aysor.am|

Կբացահայտվի, Ռազմական ոստիկանությունը զբաղվում է. Դավիթ Տոնոյանը՝ զորամաս վերադառնալ չցանկացող զինվորի մասին |aysor.am|

aysor.am։ Պաշտպանության նախարար Դավիթ Տոնոյանը խոստանում է՝ բացահայտելու են, թե ինչու զինծառայողն արձակուրդից հետո չի ցանկացել վերադառնալ ծառայության։ «Խուսափողներ շատ են լինում, բայց վերադառնում են, նորություն չէ», - ասօր լրագրողների հետ զրույցում ասաց նա։Նախարարը նշեց, որ Ռազմական ոստիկանությունը զբաղվում է այդ գործով։«Անպայման կբացահայտվի, Ռազմական ոստիկանությունը զբաղվում է», - ասաց Դավիթ Տոնոյանը։Հիշեցնենք՝ Shamshyan.com-ը գրել էր. «Զինվորական ծառայության մեկնած 19-ամյա Նարեկ Ս.-ն զորամասից օրինական արձակուրդ է ստացել և եկել տուն: Լրացել է նրա արձակուրդի ժամկետը և նա պետք է վերադառնար զորամաս: Սակայն նա հրաժարվել է զորամաս վերադառնալ՝ ծնողներին հայտնելով, որ եթե գնա զորամաս, ապա իր կյանքին վերջ կտա»։

12:03 - 01 հուլիսի, 2019

ՀՀ պաշտպանության նախարարը մասնակցել է ՆԱՏՕ-ի կենտրոնակայանում կայացած նիստին

ՀՀ պաշտպանության նախարարը մասնակցել է ՆԱՏՕ-ի կենտրոնակայանում կայացած նիստին

Հունիսի 27-ին Բրյուսելում` ՆԱՏՕ-ի կենտրոնակայանում, ՀՀ պաշտպանության նախարար Դավիթ Տոնոյանի գլխավորած պատվիրակությունը մասնակցել է Աֆղանստանում ՆԱՏՕ-ի «Վճռական աջակցություն» առաքելությանը ուժեր տրամադրող երկրների պաշտպանության նախարարների նիստին: Իր ելույթում ՀՀ պաշտպանության նախարարը վերահաստատել է առաքելության Հյուսիսային հրամանատարության շրջանակներում ստանձնած խնդիրներն իրականացնելու հանձնառությունը: Դավիթ Տոնոյանը նիստի մասնակիցներին է ներկայացրել նաև աֆղանական հակամարտության հանգուցալուծման վերաբերյալ իր տեսակետը։ Նիստի ավարտից հետո ՀՀ պաշտպանության նախարարը մի շարք հանդիպումներ է ունեցել ՆԱՏՕ-ի անդամ և գործընկեր երկրների պաշտոնակիցների հետ: Հանդիպումների ընթացքում պայմանավորվածություններ են ձեռք բերվել երկկողմ և բազմակողմ ձևաչափերով պաշտպանական համագործակցության ծրագրերի վերաբերյալ: Քննարկվել են նաև տարածաշրջանային անվտանգության խնդիրներ և երկկողմ հետաքրքրություն ներկայացնող այլ հարցեր:

16:31 - 27 հունիսի, 2019

ՀՀ պաշտպանության նախարարը հունիսի 13-ին կլինի խորհրդարանում |news.am|

ՀՀ պաշտպանության նախարարը հունիսի 13-ին կլինի խորհրդարանում |news.am|

news.am: Հայաստանի պաշտպանության նախարար Դավիթ Տոնոյանի ելույթը խորհրդարանի պաշտպանության եւ անվտանգության մշտական հանձնաժողովի նիստում տեղի կունենա հունիսի 13-ին։ Այս մասին 2018-ի պետական բյուջեի կատարողականի քննարկման ժամանակ պաշտպանության եւ անվտանգության հարցերի մշտական հանձնաժողովի հունիսի 5-ի նիստում ասել է «Լուսավոր Հայաստան» կուսակցության պատգամավոր Մանե Թանդիլյանը։ Խորհրդարան պաշտպանության նախարարի այցի ժամանակ կշարունակվի 2018-ի պետական բյուջեի կատարողականի քննարկումը նրա գերատեսչության մասով։

14:47 - 05 հունիսի, 2019