Ուկրաինա

Ուկրաինան  գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Ռուսաստանի և Իտալիայի ԱԳ նախարարները կքննարկեն Ուկրաինայի շուրջ իրադրությունը

 |armenpress.am|

Ռուսաստանի և Իտալիայի ԱԳ նախարարները կքննարկեն Ուկրաինայի շուրջ իրադրությունը |armenpress.am|

armenpress.am: Ռուսաստանի արտաքին գործերի նախարար Սերգեյ Լավրովը փետրվարի 17-ին Մոսկվայում բանակցություններ կունենա Իտալիայի ԱԳ նախարար Լուիջի Դի Մայոյի հետ: Այս մասին լրագրողների հետ ճեպազրույցում ասել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան: «Տեղի կունենա մտքերի փոխանակում միջազգային օրակարգի ակտուալ հարցերի շուրջ: Նախատեսվում  է հատուկ ուշադրություն դարձնել Եվրաատլանտյան տարածաշրջանում իրադրությանը՝ Ռուսաստանի կողմից անվտանգության երաշխիքների վերաբերյալ նախաձեռնությունների համատեքստում, ինչպես նաև կքննարկվի իրադրությունն Ուկրաինայի շուրջ, Ռուսաստանի հարաբերությունները ԵՄ և ՆԱՏՕ-ի հետ»,- ասել է Զախարովան: Նա ընդգծել է, որ նախարարները ծրագրում են քննարկվել երկկողմ համագործակցության հեռանկարները քաղաքական, առևտրատնտեսական, մշակութային և հումանիտար ոլորտներում:
18:54 - 16 փետրվարի, 2022
Զախարովան հեգնել է արևմտյան լրատվամիջոցներին՝ խնդրելով Ռուսաստանի «ներխուժումների» ժամանակացույցը հրապարակել մեկ տարի առաջ |1lurer.am|

Զախարովան հեգնել է արևմտյան լրատվամիջոցներին՝ խնդրելով Ռուսաստանի «ներխուժումների» ժամանակացույցը հրապարակել մեկ տարի առաջ |1lurer.am|

1lurer.am: Վերջերս արևմտյան երկրները համառորեն մեղադրում են Ռուսաստանին Ուկրաինա ներխուժում նախապատրաստելու համար։ Մոսկվան հերքում է նման հայտարարությունները և բացատրում, որ մամուլում «ռուսական ագրեսիայի» մասին հրապարակումները ՆԱՏՕ-ի զորքերը Ռուսաստանի սահմաններին մոտեցնելու լավ պատրվակ են՝ գրում է ՌԻԱ նովոստին: Որոշ լրատվամիջոցներ, հղում անելով ամերիկյան հետախուզությանը, պնդում էին, որ Ռուսաստանի «ներխուժումը» Ուկրաինա տեղի կունենա փետրվարի 16-ին՝ գիշերը երեքին, սակայն դա տեղի չունեցավ: ՌԴ ԱԳՆ պաշտոնական ներկայացուցիչ Մարիա Զախարովան խնդրանքով դիմել է արևմտյան լրատվամիջոցներին: «Խնդրանք ԱՄՆ-ի և բրիտանական զանգվածային ապատեղեկատվական միջոցներին՝ Bloomberg-ին, The New York Times-ին, The Sun-ին: Խնդրում եմ հրապարակեք գալիք տարվա մեր «ներխուժումների» ժամանակացույցը, որպեսզի կարողանանք արձակուրդ պլանավորել»,- գրել է Զախարովան Telegram-ում: Մեկնաբանելով ԶԼՄ-ների հաղորդագրությունները, որոնք հայտարարում էին «ներխուժման ճշգրիտ» ամսաթիվն ու ժամը, Ռուսաստանի նախագահի մամուլի քարտուղար Դմիտրի Պեսկովն ուկրաինացիներին ավելի վաղ առաջարկել էր «զարթուցիչ օգտագործել»՝ «նման տեղեկատվության հուսալիությունը» ստուգելու համար»: Ուկրաինայի նախագահ Վոլոդիմիր Զելենսկու հրամանագրով փետրվարի 16-ը հռչակվել է որպես Միասնության օր: Նա նաև մեկնարկել է #UAразом ֆլեշմոբը և բոլոր ուկրաինացիներին՝ անկախ դավանանքից և ազգությունից, հորդորել միանալ ակցիային: Նախաձեռնությանը միանալու համար մասնակիցները լուսանկարվում են ազգային դրոշով և նշված հեշտեգով այն տեղադրում սոցցանցերում:
14:03 - 16 փետրվարի, 2022
Եթե ՌԴ-ն հարձակվի Ուկրաինայի վրա, դա կլինի ընտրության պատերազմ՝ պատերազմ առանց պատճառի․ Ջո Բայդենի ուղերձը |factor.am|

Եթե ՌԴ-ն հարձակվի Ուկրաինայի վրա, դա կլինի ընտրության պատերազմ՝ պատերազմ առանց պատճառի․ Ջո Բայդենի ուղերձը |factor.am|

factor.am: ԱՄՆ-ը և ՆԱՏՕ-ի անդամ երկրները հրթիռներ չունեն ուկրաինական հողի վրա և չեն ծրագրում դրանք «տեղակայել այնտեղ»։ Այս մասին հայտարարել է ԱՄՆ նախագահ Ջո Բայդենը՝ դիմելով ժողովրդին։ «Միացյալ Նահանգները և ՆԱՏՕ-ն սպառնալիք չեն Ռուսաստանի համար: Ուկրաինան սպառնալիք չէ Ռուսաստանի համար: Ո՛չ ԱՄՆ-ը, ո՛չ ՆԱՏՕ-ն Ուկրաինայում հրթիռներ չունեն: Մենք դրանք այնտեղ տեղակայելու ծրագրեր չունենք: Մենք չենք ձգտում ապակայունացնել Ռուսաստանը։ Ռուսաստանի քաղաքացիներին՝ դուք մեր թշնամին չեք»,- ասել է Բայդենը Սպիտակ տանը ելույթի ժամանակ։ Դիմելով ռուսաստանցիներին՝ ամերիկացի առաջնորդն ասել է, որ չի հավատում, որ նրանք ցանկանում են «արյունալի, կործանարար պատերազմ Ուկրաինայի՝ այն երկրի և ժողովրդի դեմ, ում հետ այդքան խորը բարեկամական և մշակութային կապեր ունեն»։ Նա հիշել է Երկրորդ համաշխարհային պատերազմի մասին՝ նշելով, որ ամերիկացիներն ու ռուսները «կռվել ու զոհվել են կողք կողքի պատմության ամենասարսափելի պատերազմում»։ «Երկրորդ համաշխարհային պատերազմն անհրաժեշտության պատերազմ էր, բայց եթե Ռուսաստանը հարձակվի Ուկրաինայի վրա, դա կլինի ընտրության պատերազմ՝ պատերազմ առանց պատճառի կամ պատրվակի»,- ասել է նա՝ հավելելով, որ ինքը չի փորձում «սադրել», այլ ցանկանում է «պատմել ճշմարտությունը»։ «Եթե Ռուսաստանը ներխուժի Ուկրաինա մոտակա օրերին և շաբաթներին, մարդկային արժեքը Ուկրաինայի համար կլինի ահռելի, ռազմավարական ծախսը Ռուսաստանի համար նույնպես մեծ կլինի։ Եթե Ռուսաստանը հարձակվի Ուկրաինայի վրա, միջազգային հանրության պատասխանը կլինի դատապարտող։ Աշխարհը չի մոռանա, որ Ռուսաստանն ընտրեց անհարկի մահն ու ավերածությունը: Ուկրաինա ներխուժելն ինքն իրեն հասցված վերք կլինի»,- նախազգուշացրել է ԱՄՆ նախագահը: Ջո Բայդենը նաև հույս է հայտնել, որ ճգնաժամը կարող է լուծվել դիվանագիտական ճանապարհով՝ հաշվի առնելով, որ Ռուսաստանը պաշտոնապես առաջարկել է շարունակել բանակցությունները։ «Մենք պետք է դիվանագիտությանը հաջողության հասնելու բոլոր հնարավորությունները տանք, և ես կարծում եմ, որ կան մեր երկրներից յուրաքանչյուրի անվտանգության խնդիրները լուծելու իրական ուղիներ»,- ընդգծել է նա։ Բայդենը նաև հույս է հայտնել, որ ճգնաժամը կարող է լուծվել դիվանագիտական ճանապարհով՝ հաշվի առնելով, որ Ռուսաստանը պաշտոնապես առաջարկել է շարունակել բանակցությունները․ «Մենք պետք է դիվանագիտությանը հաջողության հասնելու բոլոր հնարավորություն տանք, և ես կարծում եմ, որ կան մեր երկրներից յուրաքանչյուրի անվտանգության խնդիրները լուծելու իրական ուղիներ»։ ԱՄՆ նախագահն ասել է, որ Վաշինգտոնն «առաջարկում է սպառազինությունների վերահսկման նոր միջոցներ, նոր թափանցիկության միջոցներ» և «նոր ռազմավարական կայունության միջոցներ»՝ հավելելով, որ «այդ միջոցները վերաբերում են բոլոր կողմերին՝ և՛ ՆԱՏՕ-ին, և՛ Ռուսաստանին»: Ըստ Բայդենի՝ Վաշինգտոնը պատրաստ է ձեռնարկել «գործնական, արդյունքին միտված քայլեր, որոնք կարող են առաջ մղել ընդհանուր անվտանգությունը»։ «Բայց մենք չենք զոհաբերի հիմնարար սկզբունքները։ Ազգերն ունեն ինքնիշխանության և տարածքային ամբողջականության իրավունք։ Նրանք ունեն ազատություն՝ որոշելու իրենց ուղին և ընտրելու, թե ում հետ կհամագործակցեն։ Այնուամենայնիվ, դա մեծ տեղ է թողնում դիվանագիտության և ապաէսկալացիայի համար։ Մեր կարծիքով՝ սա բոլոր կողմերի համար առաջընթացի լավագույն ճանապարհն է»,- վստահ է Սպիտակ տան ղեկավարը։ Թեև ԱՄՆ-ը «չի ձգտում ուղիղ առճակատման Ռուսաստանի հետ», նա «ուժով կպատասխանի», եթե Ուկրաինայում բնակվող ամերիկացիներին հարվածեն, զգուշացրել է ԱՄՆ ղեկավարը։ «Եթե Ռուսաստանը հարձակվի Միացյալ Նահանգների կամ նրա դաշնակիցների վրա ասիմետրիկ միջոցներով, ինչպիսիք են կործանարար կիբերհարձակումները մեր ընկերությունների կամ կարևոր ենթակառուցվածքների վրա, մենք պատրաստ ենք պատասխանել»,- ասել է Ջո Բայդենը։ Վաշինգտոնը պատրաստ է արձագանքել էներգակիրների գների աճին, հավելել է նա։
13:46 - 16 փետրվարի, 2022
Ես չեմ հավատում ռուս ժողովրդի՝ արյունալի պատերազմի մեջ ներքաշվելու ցանկությանը. Բայդեն |armtimes.com|

Ես չեմ հավատում ռուս ժողովրդի՝ արյունալի պատերազմի մեջ ներքաշվելու ցանկությանը. Բայդեն |armtimes.com|

armtimes.com: ԱՄՆ նախագահ Ջո Բայդենը երեքշաբթի օրը ելույթ ունենալով Սպիտակ տանը, դիմել է ռուս ժողովրդին հայտարարությամբ, թե չի հավատում Ուկրաինայի դեմ պատերազմ մղելու Ռուսաստանի ժողովրդի ցանկությանը։ Այս մասին հաղորդում է TACC-ը։ «Ես դիմում եմ ռուս ժողովրդին՝ դուք մեր թշնամին չեք: Եվ ես չեմ հավատում, որ դուք արյունահեղ, կործանարար պատերազմ եք ուզում Ուկրաինայի դեմ՝ մի երկրի և ժողովրդի, ում հետ դուք այդքան խոր կապեր ունեք»,- ասել է նա: Սպիտակ տան ղեկավարն իր ելույթում հիշել է նաև Երկրորդ համաշխարհային պատերազմը, որում երկու երկրները միասին կռվել են։ «Մեր ժողովուրդը 77 տարի առաջ ուս ուսի տված կռվել և զոհաբերվել է: Երկրորդ համաշխարհային պատերազմը պարտադրված է եղել: Այնուամենայնիվ, եթե Ռուսաստանը հարձակվի Ուկրաինայի վրա, դա կլինի ընտրության պատերազմ կամ պատերազմ առանց պատճառի»,- նշել է նա: Բայդենը նաև ասել է, որ ԱՄՆ-ն Ուկրաինայում հրթիռներ չունի և մտադիր չէ դրանք հետագայում տեղադրել այնտեղ։ «Ո՛չ ԱՄՆ-ը, ո՛չ ՆԱՏՕ-ն Ուկրաինայում հրթիռներ չունեն, մենք նույնպես այնտեղ տեղակայելու պլաններ չունենք»,- ասել է նա։ «Մենք թիրախ չենք ընտրում ռուս ժողովրդին, մենք չենք փորձում ապակայունացնել Ռուսաստանը»,- հավելել է Սպիտակ տան ղեկավարը։ Շարունակությունը՝ armtimes.com-ում
11:49 - 16 փետրվարի, 2022
Լավրովը Բլինքենի հետ զրույցում ընդգծել է համատեղ աշխատանքի շարունակման անհրաժեշտությունը |armenpress.am|

Լավրովը Բլինքենի հետ զրույցում ընդգծել է համատեղ աշխատանքի շարունակման անհրաժեշտությունը |armenpress.am|

armenpress.am: Փետրվարի 15-ին ամերիկյան կողմի նախաձեռնությամբ տեղի է ունեցել ԱՄՆ պետական քարտուղար Էնթոնի Բլինքենի և Ռուսաստանի Դաշնության արտաքին գործերի նախարար Սերգեյ Լավրովի հեռախոսազրույցը։ Այս մասին հայտնում է ՌԴ արտաքին գործերի նախարարությունը: Նշվում է, որ ռուսական կողմը զրույցի ընթացքում ընդգծել է համատեղ աշխատանքի շարունակման անհրաժեշտությունը, ինչպես այդ մասին պայմանավորվել էին նախագահներ Վլադիմիր Պուտինև և Ջո Բայդենը փետրվարի 12-ին տեղի ունեցած հեռախոսազրույցի արդյունքում, Մոսկվայի կողմից Միացյալ Նահանգներին և ՆԱՏՕ-ին փոխանցված անվտանգության երաշխիքների մասին առաջարկների համատեքստում: «Սերգեյ Լավրովը հատկապես ընդգծել է Վաշինգտոնի և իր դաշնակիցների կողմից հրահրվող ագրեսիվ հռետորաբանության անթույլատրելիությունը՝ կոչ անելով պրագմատիկ երկխոսություն վարել Ռուսաստանի կողմից բարձրացված հարցերի ողջ շրջանակի շուրջ՝ շեշտը դնելով անվտանգության անբաժանելիության սկզբունքի վրա։ Արտաքին գերատեսչությունների ղեկավարները քննարկել են տարբեր մակարդակներով առաջիկա շփումների ժամանակացույցը»,- հայտնում է ՌԴ ԱԳՆ-ը:
22:09 - 15 փետրվարի, 2022
Շոլցը կոչ է արել շտապ դեէսկալացիա սկսել Ուկրաինայի շուրջ |armenpress.am|

Շոլցը կոչ է արել շտապ դեէսկալացիա սկսել Ուկրաինայի շուրջ |armenpress.am|

armenpress.am: Ուկրաինայի շուրջ իրավիճակի դեէսկալացիան շտապ անհրաժեշտ է, պատերազմ չպետք է սկսվի։ Այս մասին, ինչպես փոխանցում է «Ռիա նովոստի»-ն հայտարարել է Գերմանիայի կանցլեր Օլաֆ Շոլցը։ «Իմ այցը տեղի է ունենում Եվրոպայում վերջին տասնամյակների ընթացքում ամենածանր և սպառնացող ճգնաժամի ֆոնին։ Ռուսաստանի ռազմական գործունեությունը և սահմանի երկայնքով ռուսական զորքերի կենտրոնացումը, Ռուսաստանի կողմից ձևակերպված անվտանգության երաշխիքների վերաբերյալ հարցերը մեր բանակցություններում շատ ժամանակ խլեցին։ Ես իմ գնահատականը հայտնեցի անվտանգության իրավիճակի վերաբերյալ, և քննարկեցինք՝ ինչպես ենք մենք և մեր եվրոպացի գործընկերները գնահատում այս իրավիճակը»,- ասել է Շոլցը ՌԴ նախագահ Վլադիմիր Պուտինի հետ բանակցություններից հետո: Շոլցը նշել է, որ իրենք անհանգստացած են, որ ուկրաինական շփման գծում զինվորականներ են կենտրոնացված, դրա համար ակնհայտ պատճառ չկա․ «Ուստի շտապ անհրաժեշտ է դեէսկալացիա: Այս լարված իրավիճակում շատ կարևոր է պատերազմ չսկսել»։
20:08 - 15 փետրվարի, 2022
ԱՄՆ-ն Ուկրաինային 1 միլիարդ դոլարի վարկի երաշխիք է առաջարկել |factor.am|

ԱՄՆ-ն Ուկրաինային 1 միլիարդ դոլարի վարկի երաշխիք է առաջարկել |factor.am|

factor.am: ԱՄՆ կառավարությունը Ուկրաինային առաջարկել է մինչև 1 միլիարդ դոլարի սուվերեն վարկի երաշխիք՝ աջակցելու նրա տնտեսական բարեփոխումների օրակարգին և շարունակելու համագործակցությունը Արժույթի միջազգային հիմնադրամի (ԱՄՀ) հետ: Այս մասին ասվում է ԱՄՆ պետքարտուղար Էնթոնի Բլինքենի հայտարարության մեջ, որը հրապարակվել է Պետքարտուղարության կայքում։ «Այս առաջարկը, որը զուգորդվում է Ուկրաինայի, ԱՄՀ-ի, այլ միջազգային ֆինանսական հաստատությունների, G-7-ի և այլ երկկողմ դոնորների միջև ամուր գործընկերության հետ, կամրապնդի Ուկրաինայի կարողությունը՝ ապահովելու իր ժողովրդի տնտեսական կայունությունը, աճը և բարգավաճումը Ռուսաստանի ապակայունացման դեմ»,- ասել է Բլինքենը։ Նա հիշեցրել է, որ 2014-ից 2016 թվականներին Միացյալ Նահանգներն Ուկրաինային տրամադրել է երեք առանձին երաշխիք՝ յուրաքանչյուրը 1 միլիարդ դոլարի վարկի վերաբերյալ, ինչն օգնել է հաջողությամբ կայունացնել տնտեսությունը՝ ի դեմս ռուսական նախորդ ագրեսիայի, և իրականացնել տնտեսական բարեփոխումների ծրագիր, որն ամրապնդում է երկրի լայնածավալ համագործակցությունն ԱՄՀ-ի հետ։
17:49 - 15 փետրվարի, 2022
Պետդուման կողմ է քվեարկել ԴԺՀ-ն եւ ԼԺՀ-ն ճանաչելու վերաբերյալ որոշման նախագծին |armenpress.am|

Պետդուման կողմ է քվեարկել ԴԺՀ-ն եւ ԼԺՀ-ն ճանաչելու վերաբերյալ որոշման նախագծին |armenpress.am|

armenpress.am: Պետդուման լիագումար նիստի ժամանակ կողմ է քվեարկել Դոնեցկի եւ Լուգանսկի ժողովրդական հանրապետությունները ճանաչելու անհրաժեշտության վերաբերյալ ՌԴ նախագահին դիմելու որոշման նախագծին: Այս մասին հաղորդում է «Ռիա» նովոստին։ Հարցը Պետդուման քննարկել է ռեյտինգային քվեարկության հիման վրա, որի ժամանակ ընտրվում է այն տարբերակը, որն ամենամեծ քանակությամբ ձայներն է հավաքում: Քվեարկության են ներկայացվել ՌԴ կոմկուսի եւ «Միասնական Ռուսաստանի» (ՄՌ) որոշումների նախագծերը. երկրորդը մտադիր է եղել կոնսուլտացիա անցկացնել ԱԳՆ-ի հետ այն դեպքում, երբ կոմունիստների տարբերակն անմիջապես ուղարկվել է նախագահին: Կոմունիստների նախաձեռնության օգտին քվեարկել է 351 պատգամավոր, դեմ է հանդես եկել 16 հոգի, իսկ մեկը ձեռնպահ է մնացել: ՄՌ-ի օգտին քեարկել է 310 պատգամավոր: Այսպիսով ընտրվել է առաջին տարբերակը: Ինչպես ճշտել է խորհրդարանի ստորին պալատի խոսնակ Վյաչեսլավ Վոլոդինը, փաստաթուղթը պետության նախագահին կուղարկեն անհապաղ կերպով: «Պատգամավորները կարծում են, որ ԴԺՀ-ի եւ ԼԺՀ-ի ճանաչումը հիմքեր կստեղծի անվտանգության երաշխիքներն ապահովելու եւ արտաքին սպառնալիքներից հանրապետությունների բնակիչներին պաշտպանելության համար, ինչպես նաեւ միջազգային խաղաղության եւ տարածաշրջանային կայունությունն ամրապնդելու համար»,- ընդգծել է նա: ՌԴ կոմկուսից խորհրդարանականները հունվարի 19-ին Ռուսաստանի նախագահին ուղղված դիմումի նախագիծ են ներկայացրել Դոնբասի հանրապետությունները որպես անկախ պետություններ ճանաչելու եւ նրանց ղեկավարության հետ շուտափույթ բանակցություններ անցկացնելու մասին՝ իրավական հիման վրա միջպետական հարաբերություններ ստեղծելու եւ համագործակցության ու փոխօգնության բոլոր ասպեկտները կարգավորելու համար: Փետրվարի 14-ին «Միասնական Ռուսաստանից» պատգամավորները Պետդումա ներկայացրեցին ՌԴ կոմկուսի որոշման նախագծի շուրջ ԱԳ նախարարության հետ կոնսուլտացիաների մասին որոշման փաստաթուղթը: Վոլոդինի խոսքով՝ Վաշինգտոնն անտեսում է լարվածությունը, Եվրոպայի երկրների հետ միասին Ուկրաինային սպառազինություն է մատակարարում, Կիեւը չի կատարում Մինսկի համաձայնագրերը: Այդ ամենն սպառնալիքներ եւ ռիսկեր են պարունակում Ռուսաստանի եւ, համապատասխանաբար, ԴԺՀ-ում եւ ԼԺՀ-ում ապրող քաղաքացիների կյանքի համար: Ինչպես նախօրյակին ՌԻԱ Նովոստիին հայտնել է Պետդումայում ՌԴ կոմկուսի խմբակցության առաջնորդ Գենադի Զյուգանովը, իրադրությունն Ուկրաինայում տագնապալի է եւ Դումայի նիստում ԴԺՀ-ն եւ ԼԺՀ-ն ճանաչելու վերաբերյալ նախագահին դիմելու ցանկացած նախագիծի ընդունումը քայլ առաջ է լինելու:
17:12 - 15 փետրվարի, 2022
Լավրովը պահանջել է «Կիևի և Դոնբասի միջև ուղիղ երկխոսության միջոցով իրականացնել մինսկյան պայմանավորվածությունները» |factor.am|

Լավրովը պահանջել է «Կիևի և Դոնբասի միջև ուղիղ երկխոսության միջոցով իրականացնել մինսկյան պայմանավորվածությունները» |factor.am|

factor.am: Մինսկյան համաձայնագրերի իրականացումը, որոնք նախատեսում են ուղիղ երկխոսություն Կիևի և Դոնեցկի ու Լուգանսկի միջև, այլընտրանք չունի։ Այս մասին հայտարարել է ՌԴ արտգործնախարար Սերգեյ Լավրովը Լեհաստանի արտգործնախարար, ԵԱՀԿ գործող նախագահ Զբիգնև Ռաուի հետ բանակցություններից հետո, գրում է «Ինտերֆաքսը»։ «Մենք վերահաստատեցինք, որ Մինսկի միջոցառումների փաթեթի ամբողջական և հետևողական իրականացումն այլընտրանք չունի, և հուսով ենք, որ ներկայիս նախագահությունը (ԵԱՀԿ), այդ թվում՝ Ուկրաինայում և Կոնտակտային խմբում իր հատուկ ներկայացուցչի միջոցով կնպաստի այդ ուղղությամբ տեղաշարժին»,- ասել է ռուսաստանցի նախարարը։ Նրա խոսքով՝ կարևոր է ապահովել Կիևի, Դոնեցկի ու Լուգանսկի միջև ուղիղ երկխոսությունը։ «Անհրաժեշտ է նաև ապահովել ԵԱՀԿ հատուկ դիտորդական առաքելության կողմից իրավիճակի մշտադիտարկման անաչառությունը։ Մենք կառույցի ղեկավարությունից ակնկալում ենք Դոնեցկի և Լուգանսկի իշխանությունների հետ կառուցողական աշխատանքային համագործակցություն, ինչպես պահանջում է այդ առաքելության մանդատը, որը հաստատվել է ԵԱՀԿ Մշտական խորհրդի կողմից»,- ասել է նա:
17:02 - 15 փետրվարի, 2022
Թուրքիայի կառավարության առաջիկա նիստում անդրադարձ կկատարվի նաև Հայաստանի հետ հարաբերությունների կարգավորմանը |armenpress.am|

Թուրքիայի կառավարության առաջիկա նիստում անդրադարձ կկատարվի նաև Հայաստանի հետ հարաբերությունների կարգավորմանը |armenpress.am|

armenpress.am: Թուրքիայի կառավարության փետրվարի 16-ին կայանալիք նիստի ժամանակ  անդրադարձ է կատարվելու նաև Հայաստանի հետ հարաբերությունների կարգավորման գործընթացին: Այս մասին հայտնում է թուրքական hurriyet-ը: Նիստի ժամանակ նախատեսվում է քննարկել Թուրքիայի տնտեսության մեջ տեղի ունեցող զարգացումները, մասնավորապես բարձր գնաճի հարցը, Ռուսաստան-Ուկրաինա հարաբերություններում առկա լարվածությունը և այդ հարցում Թուրքիայի կողմից կատարվող քայլերը, ՌԴ նախագահ Պուտինի` Թուրքիա այցի նախապատրաստական աշխատանքները,  Իսրայելի նախագահի` հաջորդ ամիս կայանալիք այցը Թուրքիա, գնահատվելու են նաև Արաբական Միացյալ Էմիրությունների հետ հարաբերությունները։ Նշվում է, որ քննարկվելու է նաև  Հայաստանի հետ հատուկ ներկայացուցիչների մակարդակով բանակցություններում առկա իրավիճակը։ Նիստի ավարտին Թուրքիայի նախագահը ուղերձով դիմելու է քաղաքացիներին:
13:55 - 15 փետրվարի, 2022
Պուտինը պատրաստ է Ուկրաինայի շուրջ ստեղծված իրավիճակի վերաբերյալ բանակցությունների. Պեսկով

Պուտինը պատրաստ է Ուկրաինայի շուրջ ստեղծված իրավիճակի վերաբերյալ բանակցությունների. Պեսկով

Կրեմլի խոսնակ Դմիտրի Պեսկովը հայտարարել է, որ Ռուսաստանի նախագահ Վլադիմիր Պուտինը «պատրաստ է բանակցել»՝ հավելելով, որ ուկրաինական ճգնաժամը Ռուսաստանի անվտանգության հետ կապված մտահոգությունների միայն մի մասն է։ «Առաջին հերթին նախագահ Պուտինը միշտ բանակցություններ և դիվանագիտություն է պահանջել։ Նա է նախաձեռնել Ռուսաստանի Դաշնության համար անվտանգության երաշխիքների շուրջ քննարկումները։ Ուկրաինան Ռուսաստանի անվտանգության երաշխիքների մեծ խնդրի մի մասն է, և, իհարկե, նախագահ Պուտինը պատրաստ է բանակցել»,- երկուշաբթի CNN-ին հայտնել է Դմիտրի Պեսկովը: Ավելի վաղ Ռուսաստանի արտգործնախարար Սերգեյ Լավրովը Պուտինին հայտնել էր, որ տեսնում է Արևմուտքի հետ դիվանագիտական երկխոսության «հնարավորություն»՝ կապված Ռուսաստանի անվտանգության հետ կապված խնդիրների հետ՝ հավելելով, որ խորհուրդ է տալիս շարունակել այդ ջանքերը:
12:45 - 15 փետրվարի, 2022
Կանադան գնդացիրներ, ատրճանակներ եւ դիպուկազարկ հրացաններ կմատակարարի Ուկրաինային |armenpress.am|

Կանադան գնդացիրներ, ատրճանակներ եւ դիպուկազարկ հրացաններ կմատակարարի Ուկրաինային |armenpress.am|

armenpress.am: Կանադան Ուկրաինա կուղարկի գնդացիրներ, ատրճանակներ, դիպուկազարկ հրացաններ,  կարաբիններ եւ փամփուշնտեր: Փետրվարի 14-ին այդ մասին ասված է Կանադայի պաշտպանության նախարարության հայտարարության մեջ, տեղեկացնում է tass.ru-ն: «Այդ սպառազինությունը ներառում է գնդացիրներ, ատրճանակներ, կարաբիններ, 1,5 միլիոն փամփուշտ, դիպուկազարկ հրացաններ»,- ասել են գերատեսչությունում: Փետրվարի 14-ին ավելի վաղ Կանադայի վարչապետ Ջասթին Թրյուդոն հայտնել է, որ Օտտավան որոշում է ընդունել Ուկրաինային տրամադրել 7,8 միլիոն կանադական դոլար (6,1 միլիոն դոլար) գումարի մահացու զինամթերք: Նրա խոսքով՝ այդ մասին որոշումն ընդունվել է ուկրաինական կողմի հետ կնսուլտացիաներից հետո: Ավելի վաղ Կանադայի իշխանությունները հայտարարում էին սոսկ համազգեստի եւ ուկրաինական բանակի համար այլ սարքավորանքի մատակարարումների մասին: Վերջին ժամանակներս Արեւմուտքի երկրներում, ինչպես նաեւ Կիեւում հնչում են հայտարարություններ Ուկրաինայի տարածք Ռուսաստանի հնարավոր ներխուժման մասին: Ռուսաստանի նախագահի մամուլի քարտուղար Դմիտրի Պեսկովն ավելի վաղ նման տեղեկատվությունը որակել է լարվածության սին եւ անպատասխանատու բորբոքում: Նա ընդգծել է, որ Ռուսաստանը ոչ մեկի համար սպառնալիք չի ներկայացնում: Ըստ որում նա չի բացառել սադրանքների հնարավորությունն՝ այդ հայտարարությունների արդարացման համար, եւ նախազգուշացրել է, որ Ուկրաինայի հարավ - արեւելքում ճգնաժամի ուժային լուծման փորձերը կունենան ամենալուրջ հետեւանքները:
11:35 - 15 փետրվարի, 2022
Զելենսկինն արտասահման մեկնած բոլոր պատգամավորներին կոչ է արել վերադառնալ Ուկրաինա |hetq.am|

Զելենսկինն արտասահման մեկնած բոլոր պատգամավորներին կոչ է արել վերադառնալ Ուկրաինա |hetq.am|

hetq.am: Ուկրաինայի նախագահ Վլադիմիր Զելենսկին Վերին ռադայի պատգամավորներին, որոնք մեկնել են արտասահման, տվել է մեկ օր, որպեսզի վերադառնան Ուկրաինա։ Նման հայտարարություն Զելենսկին արել է Գերմանիայի կանցլեր Օլաֆ Շոլցի հետ Կիևում կայացած հանդիպումից հետո տեղի ունեցած մամուլի ասուլիսի ժամանակ։ «Եվ ես իմ կողմից անձամբ կցանկանայի խնդրել, որ 24 ժամվա ընթացքում<...> նրանք ամեն դեպքում վերադառնան պետություն<...> Կարծում եմ, որ նրանք պետք է վերադառնան, հակառակ դեպքում մենք, որպես պետություն, որպես ղեկավարություն, պետք է լուրջ եզրահանգումներ անենք»,- ասել է Զելենսկին։ Ընդորում, նա չի մանրամասնել, թե որ կուսակցությունների պատգամավորներն են լքել երկիրը։ Զելենսկին նշել է, որ իշխանությունը, այդ թվում խորհրդարանը, պետք է իր օրինակով ժողովրդին միասնության ազդակներ տա։ Մասնավորապես, նա ընդգծել է, որ իր ընտանիքը մնում է Ուկրաինայում, իր հետ միասին։  Զելենսկին խոստովանել է, որ որևէ կերպ չի կարող ազդել գործարարների վրա, սակայն, իր կարծիքով, նրանք ևս չպետք է լքեն երկիրը։ «Մեծ խնդիր կա նաև օլիգարխների հետ։ Այստեղ պետությունը բիզնեսի վրա ազդեցություն չի կարող ունենալ և չի ունենա։ Ես կարծում եմ, որ որ իրենց դատավճիռը նրանք արդեն արել են, բայց կարծում եմ, որ պետք է վերադառնան իրենց ձեռնարկություններին, տասնյակ հազարավոր մարդկանց, որոնք աշխատում են նրանց և պետության համար։ Նրանք ընտրել են այդ ճանապարհը, դրանք արդեն սովորական մարդիկ չեն, ՏՏ մասնագետներ չեն, մենք խոսում ենք լուրջ արդյունաբերական բիզնեսից մարդկանց մասին։ Նրանք բոլորը եղել են մասնավորեցման մասնակիցներ, պետությունն էլ նրանց ինչ-որ բան է տվել։ Ես կարծում եմ, որ նրանց մեծ շանս է տվել»,- հայտարարել է Զելենսկին։  Նախօրեին, «Ուկրաինսկայա պրավդա» թերթը հայտնել էր, որ ուկրաինացի օլիգարխներն ու գործարարները չարթերային թռիչքներով լքում են Ուկրաինան։ Մեկ օրվա ընթացքում Կիևից մեկնել է մոտ 20 չարթերային և մասնավոր ինքնաթիռ։
11:27 - 15 փետրվարի, 2022