Հայկ Մարության

Երևանի նախկին քաղաքապետ, դերասան, ռեժիսոր, հասարակական և քաղաքական գործիչ։

2021 թ․ դեկտեմբերի 15-ին Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց սկսեց։ Դեկտեմբերի 22-ին Հայկ Մարությանը հեռացվեց Երևանի քաղաքապետի պաշտոնից․ քաղաքապետարանում տեղի ունեցած փակ քվեարկության արդյունքում Երևանի նոր քաղաքապետ ընտրվեց Հրաչյա Սարգսյանը։

Ծնվել է 1976թ․ դեկտեմբերի 18-ին։ 

1996 - 2002 թվականներին աշխատել է «Շարմ» ընկերությունում՝ որպես սցենարիստ, ռեժիսոր, դերասան։ 2002 թվականին ընկերների հետ համատեղ հիմնել է «Կարգին ստուդիա» ընկերությունը, որտեղ և աշխատել է որպես դերասան, սցենարիստ, ռեժիսոր և պրոդյուսեր։ 2012 թվականից հանդիսացել է «Շանթ» հեռուստաընկերության «Կանխիկ հումոր» հեռուստանախագծի ժյուրիի անդամ։ 2018 թվականի սեպտեմբերին Քաղաքացիական պայմանագիր կուսակցության կողմից առաջադրվել է որպես Երևանի քաղաքապետի թեկնածու։

Օպերայի ստորգետնյա ավտոկայանատեղին կարող է հանձնվել հավատարմագրային կառավարման. ժամկետը՝ 10 տարի

Օպերայի ստորգետնյա ավտոկայանատեղին կարող է հանձնվել հավատարմագրային կառավարման. ժամկետը՝ 10 տարի

Երեւանի ավագանին այսօր արտահերթ նիստ է գումարել՝ օրակարգում ունենալով երկու հարց: Դրանցից մեկը վերաբերում է Ազատության հրապարակում գտնվող ստորգետնյա ավտոկայանատեղին հավատարմագրային կառավարման հանձնելուն: Համապատասխան որոշման նախագծով առաջարկվում է թույլատրել Երեւանի քաղաքապետին՝ օրենսդրությամբ սահմանված կարգով հայտարարել մրցույթ: Քաղաքապետարանի զարգացման եւ ներդրումային ծրագրերի վարչության պետ Տիգրան Սարգսյանը նշեց, որ որպես արդյունք ակնկալվում ու նախատեսվում է բարձրացնել կառավարման արդյունավետությունը, ավելացնել ավտոկայանատեղիից օգտվողների թիվը, բարձրացնել մատուցվող ծառայությունների որակը, մեծացնել ֆինանսական մուտքերը, բարձրացնել սպասարկման ծախսերի արդյունավետությունը, նպաստել երթեւեկության բարելավմանը եւ ինչու չէ նաեւ որոշակիորեն նպաստել փոքր կենտրոնում խցանումների նվազեցմանը: Երեւան քաղաքի փոքր կենտրոնը տրանսպորտային միջոցների կայանումից ազատելու եւ ստացիոնար կայանատեղեր ապահովելու նպատակով Ազատության հրապարակում կառուցված ստորգետնյա եռահարկ ավտոկայանատեղին նախատեսված է շուրջ 500 ավտոմեքենայի համար: Ավտոկայանատեղիի պաշտոնական բացումը կազմակերպվել է 2010 թվականին: 2011 թվականից դրա աշխատանքները գործակալության պայմանագրով սահմանված կարգով իրականացրել է «Երեւանտրանս» ՓԲԸ-ն: Բայց պայմանագրի ժամկետն արդեն լրացել է, եւ քաղաքապետարանը փաստորեն նպատակահարմար չի գտնում նոր պայմանագիր կնքելը: Ավելին՝ armtimes.com-ում
08:34 - 22 մարտի, 2019
Հայկ Մարությանը հորդորում է ղեկին ծխող վարորդ տեսնելու դեպքում զանգահարել քաղաքապետարանի թեժ գծին

Հայկ Մարությանը հորդորում է ղեկին ծխող վարորդ տեսնելու դեպքում զանգահարել քաղաքապետարանի թեժ գծին

Երևանի քաղաքապետարանում գումարված հերթական նիստի ընթացքում ավագանու անդամները բարձրացրին տրանսպորտի ղեկին ծխող և երթևեկության ընթացքում հեռախոսով խոսող վարորդների հարցը: Երևանի քաղաքապետ Հայկ Մարությանը հորդորեց քաղաքացիներին նման դեպքերում ահազանգել քաղաքապետարանի թեժ գծին` 1-05 անվճար հեռախոսահամարին: «Եթե լինի լուսանկար` ավելի լավ: Այն վարորդները, ովքեր խախտում են օրենքը, առնվազն տույժ-տուգանքի կենթարկվեն»,- հավելեց Մարությանը: Երևանի քաղաքապետարանի տրանսպորտի վարչության պետ Հենրիկ Նավասարդյանը հավելեց, որ վարորդների նկատմամբ մշտական հսկողություն է սահմանված: «Ես ընդունում եմ, որ կան բողոքներ, ստուգումները շարունակվում են: Կարգազանց վարորդներին ենթարկում ենք վարչական տույժերի»,-նշեց նա: lragir.am
12:51 - 19 մարտի, 2019
Կառուցապատողը տուգանվել էլ մոտ 3 միլիոն ԱՄՆ դոլարին համարժեք դրամով. Հայկ Մարության |armtimes.com|

Կառուցապատողը տուգանվել էլ մոտ 3 միլիոն ԱՄՆ դոլարին համարժեք դրամով. Հայկ Մարության |armtimes.com|

Երեւանի զարգացման 2018 թվականի ծրագրով Արգավանդ-Շիրակ ճանապարհահատվածում նախատեսված աշխատանքները չեն իրականացվել: Ծրագրի իրականացման հաշվետվության նախագծում, որն ընդգրկված է ավագանու այսօրվա նիստի օրակարգում, նշվում է, որ պետք է հայտարարվի նոր մրցույթ: Ավագանու իրավական հարցերի մշտական հանձնաժողովի նախագահ Գայանե Մելքոմ-Մելքոմյանը հետաքրվեց, թե որն է պատճառը: «Կամրջի մասին է խոսքը: Այնտեղ խնդիր կար: Այսինքն՝ այն կառուցապատողը, որը հաղթել էր մրցույթը, չի կարողացել իրականացնել աշխատանքները: Ասեմ ավելին, մեր ԾԻԳ-ի ջանքերով մոտ 3 միլիոն ԱՄՆ դոլարին համարժեք տուգանք են վճարել, բայց, ցավոք սրտի, այդ տուգանքը գնացել է ոչ թե համայնքային, այլ պետական բյուջե: Լավ է, որ հանրապետության բյուջե է մտել, բայց մեր համայնքային բյուջեում չէ»,- պարզաբանելով ասաց քաղաքապետ Հայկ Մարությանը: Հետաքրքիր է, որ Երեւանի զարգացման 2018 թվականի ծրագրի իրականացման հաշվետվության նախածում, որպես Արգավանդ-Շիրակ ճանապարհահատվածում նախատեսված ծրագրերն իրականցնող կազմակերպություն, նշվում է «Երեւանի կառուցապատման ներդրումային ծրագրի իրականացման գրասենյակ» ՀՈԱԿ-ը: armtimes.com
09:14 - 19 մարտի, 2019
Հայկ Մարությանը հանդիպել է պոլիկլինիկաների և բժշկական կենտրոնների տնօրեններին

Հայկ Մարությանը հանդիպել է պոլիկլինիկաների և բժշկական կենտրոնների տնօրեններին

Երևանի քաղաքապետ Հայկ Մարությանը հանդիպել է համայնքային ենթակայության պոլիկլինիկաների և բժշկական կենտրոնների տնօրենների հետ: Ինչպես տեղեկացնում են քաղաքապետարանի լրատվական ծառայությունից, քաղաքապետը առանձնակի կարևորել է պատշաճ բուժծառայության մատուցումն ու բնակիչների հանդեպ հոգատար վերաբերմունքը: «Պետք է բոլոր դրական կողմերը մենք մեզ համար հանենք, բացասականները հասկանանք և տեսնենք, թե ինչպես պետք է շտկենք այդ բացասական կողմերը, որպեսզի արդեն այդ շտկումների միջոցով ավելի լավ արդյունքներ ստանանք: Ես կցանկանայի, որ մենք եղած պայմաններում առավելագույն լավ արդյունք տանք և մեր բնակչության հանդեպ լավ վերաբերմունք ցուցաբերենք»,- ընդգծել է քաղաքապետը: 2019-ին կրկնապատկվել է բժշկական սարքավորումների ձեռքբերման համար համայնքային բուժհաստատություններին տրամադրվող բյուջեն, ինչն աննախադեպ ցուցանիշ է: 70 մլն դրամի փոխարեն, այս տարի 146 մլն դրամ է հատկացվել այդ նպատակին: Ընթացիկ տարում 150 մլն դրամ էլ նախատեսված է բուժհիմնարկների վերանորոգման համար: Արդեն իսկ կայացած մրցույթներում տնտեսած միջոցների հաշվի Երևանի քաղաքապետի հանձնարարությամբ շուրջ 90 մլն դրամ էլ հատկացվել է շտապբուժօգնության ենթակայանների վերանորոգմանը: «Ոլորտում համակարգային բարեփոխումներ իրականացնելու համար անհրաժեշտ է ունենալ իրատեսական ու իրագործելի միասնական ծրագիր»,- նկատել է քաղաքապետն ու հավելել, որ ծրագրի իրագործման համար պետք է ցուցաբերվի հետևողական մոտեցում: «Այստեղ մեկ հարց կա, որը մենք մեզ պետք է տանք. Պատրա՞ստ ենք ծանր աշխատելու, այսինքն՝ մենք մեզ զոհաբերելու, որ 5-10 տարի հետո լավ արդյունք ունենանք: Եթե պատրաստ ենք, մենք ունենալու ենք այդ արդյունքը, եթե աշխատենք այս նույն տեմպով՝ միգուցե և չստանանք: Ես ձեզանից ակնկալում եմ այս մոտեցումը, այլապես մենք չենք կայացնի մեր համայնքում այս համակարգը: Ես նաև կպահանջեմ, որ այն մարդիկ, որոնք չեն ցանկանալու այս ծանր աշխատանքը վերցնել իրենց վրա՝ շուտ հայտնեն դրա մասին»,- նշել է Հայկ Մարությանը:  Երևանի քաղաքապետարան
07:39 - 19 մարտի, 2019
Մարտի 23-ին միասին լծվենք գործի և մաքրենք մեր քաղաքը. Հայկ Մարության

Մարտի 23-ին միասին լծվենք գործի և մաքրենք մեր քաղաքը. Հայկ Մարության

Աշխատանքային հերթական խորհդակցության ժամանակ, մինչ օրակարգային հարցերին անցնելը, Երևանի քաղաքապետ Հայկ Մարությանը շնորհակալություն է հայտնել Օպերայի հարակից սրճարանների ապամոնտաժման և բարեկարգման աշխատանքներն իրականացրած անձնակազմին, ինչպես նաև ոստիկանության աշխատակիցներին ու մայրաքաղաքի բնակիչներին՝ հասարակական կարգի պահպանման և նախաձեռնությանն աջակցելու համար: Ծրագրի նպատակը համայնքին պատկանող տարածքի ճարտարապետական տեսքի և երբեմնի կանաչ գոտու վերականգնումն է: «Սա մեր քաղաքի սիրտն է, և մենք պետք է մեր քաղաքի սիրտը գեղեցկացնենք, պետք է բարեկարգենք, կանաչապատենք, որպեսզի և մեր համաքաղաքացիները, և մեր քաղաքի հյուրերը վայելեն մշակութային այդ մթնոլորտը»,- նշել է քաղաքապետը: «Մաքուր Հայաստան» ծրագրի շրջանակում մարտի 23-ին մայրաքաղաքում հայտարարված է համաքաղաքային շաբաթօրյակ: Քաղաքապետ Մարությանը կոչ է արել բոլորին միանալ Երևանի մաքրման ու կանաչապատման աշխատանքներին: «Ես իմ ընտանիքի անդամների հետ ամբողջ օրը դուրս եմ գալու՝ մեր քաղաքը մաքրելու համար: Ուզում եմ նաև դիմել և խնդրել մեր բնակիչներին, որպեսզի նրանք ևս միանան մեզ: Սա շատ լավ հնարավորություն է, որպեսզի միասին այդ մեկ օրվա ընթացքում բավականաչափ մեծ գործ անենք: Միասին լծվենք գործի և մաքրենք մեր քաղաքը: Ես հույս ունեմ՝ մի քանի անգամ այսպիսի շաբաթօրյակների կազմակերպումից հետո քաղաքը կմաքրվի, նաև հետո շատ մեծ հույսեր ունեմ, որ այնպես կպահենք մեզ ու մեր քաղաքը, որ այսպիսի շաբաթօրյակների կարիք այլևս չլինի»,- ընգծել է Հայկ Մարությանը: Համաքաղաքային շաբաթօրյակը քաղաքի տարբեր հատվածներում կուղեկցվի տոնական միջոցառումներով: Բոլոր վարչական շրջաններում կգործեն հատուկ հեռախոսահամարներ: Քաղաքի մաքրությանը միացած բնակիչները կոնկրետ հասցեներն իմանալու և գործիքների ձեռքբերման համար կարող են զանգահարել նշված հեռախոսահամարներով: Քաղաքապետին զեկուցվել է նաև, որ մարտի 13-ից Երևանում մեկնարկել է թափառող կենդանիների հավաքման, տեղափոխման, նախնական զննման, պատվաստման և ստերջացման ծրագիրը: Անցած երեք օրերի ընթացքում հավաքել են 9 շուն: Ընթացքում աշխատանքի ծավալները կավելանան: Քաղաքապետարանի «Թեժ գծով» ստացված բոլոր հասցեները տրամադրվում են ՀՈԱԿ-ին, և ըստ ռիսկայնության աստիճանի հերթագրվում ու կատարվում են աշխատանքները: «Ծանոթ մարդիկ ինձ արդեն ասել են, որ տեսել են այդ շներին, և ինչն է հետաքրքիր, որ անգամ երեխաներն առանց վախենալու կարողանում են մոտենալ և սիրել՝ հավատացած լինելով, որ իրենք վտանգ չեն ներկայացնում: Սա շատ լավ սկիզբ է, և հուսով եմ, որ ամեն ինչ շատ արագ տեմպերով առաջ կգնա»,- նշել է քաղաքապետը:
14:30 - 18 մարտի, 2019
Նախաձեռնում ենք ոչ թե մանսարդների քանդման, այլ կառուցման գործընթաց. Հայկ Մարության |aysor.am|

Նախաձեռնում ենք ոչ թե մանսարդների քանդման, այլ կառուցման գործընթաց. Հայկ Մարության |aysor.am|

Երևանի քաղաքապետարանը նախաձեռնելու է ոչ թե մանսարդների քանդման, այլ կառուցման գործընթաց, այսօր լրագրողների հետ ճեպազրույցում ասաց Երևանի քաղաքապետ Հայկ Մարությանը։ «Մենք մանսարդների կառուցում ենք նախաձեռնում, բայց դրանց կառուցումը, այսպես ասած, քաղաքի հինգերորդ ճակատը, պետք է լինի համակարգված, կարգավորված, գլխավոր ճարտարապետի ու մեր ճարտարապետական բլոկի կողմից թույլ տրված», - ասաց Հայկ Մարությանը։ Նրա խոսքով՝ օրինակ Փարիզում տանիքների հարցը լուծվել է հենց մանսարդների կառուցմամբ։ «Դրանով գեղեցկանում է քաղաքը, շենքը և մարդիկ էլ նոր բնակարան են ստանում։ Կրկնում եմ՝ չկա քանդման գաղափար կա միայն կառուցման գաղափար։ Մենք սկսում մանսարդներ կառուցելու գործընթաց, բայց դա պետք է լինի բնակիչների ցանկությամբ։ Եթե ամբողջ շենքի բնակիչները համաձայն են, որ իրենց շենքի կտուրին ավելացվի մանսարդը, որը համապատասխանելու է բոլոր շինարարական նորմերին՝ մենք ընթացք ենք տալու գործընթացին մեր կողմից», - ասաց քաղաքապետը։ aysor.am
08:27 - 18 մարտի, 2019
Ապամոնտաժումների հետեւանքով աշխատանքը կորցրած մարդիկ անաշխատանք չեն մնա. Հայկ Մարության |armtimes.com|

Ապամոնտաժումների հետեւանքով աշխատանքը կորցրած մարդիկ անաշխատանք չեն մնա. Հայկ Մարության |armtimes.com|

Պետրոս Ղազարյանի հյուրն էր Երեւանի քաղաքապետ Հայկ Մարությանը: Զրույցը երեկ ու այսօր մամուլի ու համացանցի հրապարակումների թոփերը զբաղեցնող Օպերայի հարակից տարածքի սրճարանների ապամոնտաժման թեմայի շուրջ էր: Հայկ Մարությանը նշեց, որ ապամոնտաժումների հետեւանքով աշխատանքը կորցրած մարդիկ անաշխատանք չեն մնա: Հաղորդավարը դիտարկում արեց, որ դժվար չէ հաշվել, թե սեզոնին ինչ գումարներ են աշխատում այդ սրճարանների տերերը վարձակալական նման գումարների դիմաց, կան համապատասխան մարմինների աշխատանքի թերացումներ, հարկային մարմինների անգործություն: Արդյո՞ք բոլոր այդ մարդիկ պատասխանատվություն չեն կրելու հարցին Երեւանի քաղաքապետը պատասխանեց. «Իհարկե, այս ամենով զբաղվելու են ոստիկանությունը, քննչական մարմինները: Շատ է պատահում, երբ գալիս ու դիմում են որեւէ կանաչապատ տարածքի համար, մենք միանշանակ մերժում ենք: Շատ տնտեսվարող սուբյեկտներ հասկանում են, որ մեր թիմը իսկապես աշխատում է եւ առաջարկում են իրենց վիճահարույց տարածքը տրամադրել քաղաքին, փոխարենը՝ ստանալ նմանատիպ տարածք քաղաքի թույլատրելի հատվածներում: Արդար չէր լինի սահմանափակվել միայն օպերայի տարածքով, սա սկիզբն է, այսպես սկսվելու է գործընթացը: Սա էտապային աշխատանք է, կա ճանապարհ անել այնպես, որ վերականգնվի տարածքն ու չտուժեն բիզնեսատերերը: Օպերայի տարածքից ի վերջո մաքրվելու են բոլոր սրճարանները, հիմա ասեմ, որ չասեն չենք զգուշացրել: Բայց, եթե մի տեղից դուրս են գալիս բոլոր սրճարանները, չի նշանակում, որ մեկ այլ տեղում չի հիմնվելու նման օազիս»: armtimes.com
07:18 - 15 մարտի, 2019