Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Ուկրաինայի՝ ՆԱՏՕ-ին անդամակցումը կարմիր գիծ է. Պուտին |tert.am|

tert.amՌուսաստանի Դաշնության նախագահ Վլադիմիր Պուտինն ԱՄՆ նախագահ Ջո Բայդենի հետ հանդիպումից առաջ հարցազրույց է տվել ռուսական հեռուստաընկերություններին: Դրա մի ամբողջ հատվածը վերաբերել է Ուկրաինային և երկրի՝ Հյուսիսատլանտյան դաշինքին (ՆԱՏՕ) հնարավոր անդամակցմանը, գրում է korrespondent.net-ը:Պուտինն ասել է, որ Ուկրաինայի՝ դաշինքի կազմում չներառվելու երաշխիքներ չկան: Միևնույն ժամանակ, նա կասկածել է ԱՄՆ-ի հայտարարությունների անկեղծությանը, որոնց համաձայն՝ երկիրն Ուկրաինային անդամակցություն չի խոստացել: Բացի այդ, նա կարմիր գիծ է անվանել Ուկրաինայի՝ դաշինքի կազմի մեջ մտնելը:«Պատկերացրեք, որ Ուկրաինան դառնա ՆԱՏՕ-ի անդամ: Խարկովից կամ Դնեպրոպետրովսկից Մոսկվա հրթիռների արձակման ժամանակը կնվազի՝ հասնելով 7-10 րոպեի: Դա մեզ համար կարմիր գի՞ծ է, թե՞ ոչ», - ասել է Պուտինը:Միևնույն ժամանակ, Ռուսաստանի նախագահը շեշտել է, որ ուկրաինացիների կեսը չի ցանկանում, որ երկիրն անդամակցի ՆԱՏՕ-ին, և «նրանք խելացի մարդիկ են, քանի որ հասկանում են, որ չեն ցանկանում կրակի գծում լինել, չեն ուզում լինել սակարկությունների մանրադրամ կամ թնդանոթի միս»: ՌԴ առաջնորդը մեկնաբանել է նաև Ուկրաինայի հավաքականի համազգեստի հետ կապված սկանդալը: Այս առնչությամբ նա նշել է՝ «դրանում նորություն չկա, Կիևն անտեսում է Ղրիմի բնակիչների կամքի արտահայտումը»:Ռուսաստանի նախագահը խոսել է նաև Ուկրաինայի առաջնորդ Վլադիմիր Զելենսկիի հետ ձախողված հանդիպման մասին: Նրա խոսքով՝ նախագահական գրասենյակների մակարդակով երկխոսության ընթացքում Ուկրաինային հրավիրել են խոսելու միջազգային անվտանգության մասին: Շարունակությունը կարդացեք tert.am-ում

10:22 - 10 հունիսի, 2021

Ուկրաինան ՆԱՏՕ-ի զորավարժությունների քողի ներքո ժամանակակից զենքի մատակարարումներ կստանա. ՌԴ ՊՆ |tert.am|

tert.am: Ուկրաինայում ՆԱՏՕ-ի ուժերի ներգրավմամբ Sea Breeze խոշոր զորավարժությունների քողի ներքո պլանավորվում է այդ երկրի տարածք մտցնել ժամանակակից սպառազինության խմբաքանակ։ Այս մասին հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։ «Զորավարժությունների անցկացման քողի տակ ծրագրվում է ժամանակակից սպառազինություն, զինամթերք և նյութական գույք հասցնել ուկրաինական զորքերին։ Հետագայում, ինչպես և նախորդ տարիներին, այդ ամենը փոխանցվելու է Դոնեցկի և Լուգանսկի շրջանների հարևանությամբ տեղակայված ուկրաինական զորքերին և ազգայնական կազմավորումներին»,- ասել է Կոնաշենկովը։ Նրա խոսքով՝ Ռուսաստանի Պաշտպանության նախարարությունը «պլանավորում է ուշիուշով հետևել զորավարժությունների նախապատրաստման և անցկացման ընթացքին, ինչպես նաև անհրաժեշտության դեպքում արձագանքել՝ ի շահ ՌԴ-ի ռազմական անվտանգության ապահովման»:

16:36 - 02 հունիսի, 2021

Վլադիմիր Կարապետյանը նշանակվել է Ուկրաինայում ՀՀ դեսպան

ՀՀ նախագահի հրամանագրով՝ Վլադիմիր Կարապետյանը նշանակվել է Ուկրաինայում ՀՀ դեսպան: «Համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի. Վլադիմիր Կարապետյանին նշանակել Ուկրաինայում Հայաստանի Հանրապետության արտակարգ և լիազոր դեսպան` երեք տարի ժամկետով (նստավայրը՝ Կիև)»,- ասված է հրամանագրում: Նախագահի մեկ այլ հրամանագրով՝ Տիգրան Սեյրանյանն ազատվել է Ուկրաինայում ՀՀ դեսպանի պաշտոնից:

18:34 - 01 հունիսի, 2021

ԵԱՀԿ գլխավոր քարտուղարը ժամանել է Դոնբասի` Կիևի կողմից վերահսկվող տարածք |tert.am|

tert.am: ԵԱՀԿ գլխավոր քարտուղար Հելգա Շմիդը ուրբաթ ժամանել է Դոնեցկի մարզի` Կիևի կողմից վերահսկվող տարածք: Այս մասին հայտնում է մարզային պետական վարչակազմի մամուլի ծառայությունը, գրում է «ՌԻԱ Նովոստի» գործակալությունը: ԵԱՀԿ գլխավոր քարտուղարը այցով գտնվում է Ուկրաինայում, որտեղ հանդիպումներ է անցկացնում ուկրաինացի բարձրաստիճան պաշտոնյաների հետ: «ԵԱՀԿ գլխավոր քարտուղար Հելգա Մարիա Շմիդը և Ուկրաինայի արտաքին գործերի նախարարի առաջին տեղակալ Էմինե Ջափարովան երկօրյա աշխատանքային այցով ժամանել են Դոնեցկի մարզ», - ասված է հաղորդագրության մեջ:

17:15 - 28 մայիսի, 2021

Ուկրաինան դադարեցնում է ավիահաղորդակցությունը Բելառուսի հետ |tert.am|

tert.am: Ուկրաինան մայիսի 26-ին ժամը 00:00-ից դադարեցնում է ավիահաղորդակցությունը Բելառուսի հետ: Այս մասին հայտարարել է երկրի վարչապետ Դենիս Շմիգալը, գրում է «ՌԻԱ Նովոստի»-ն:«Ուկրաինան Ryanair ավիաընկերության չվերթի առնչությամբ միջադեպից հետո մայիսի 26-ից կարգելի իր ավիաընկերություններին և ինքնաթիռներին թռիչքներ իրականացնել Բելառուսի օդային տարածքում»,- մանրամասնել է պաշտոնյան:Նախօրեին Աթենք-Վիլնյուս երթուղով թռչող ինքնաթիռը, Բելառուսի տարածքի մեծ մասի վրայով անցնելուց և Լիտվայի հետ սահմանին մոտենալուց հետո, փոխել էր ընթացքը և շարժվել Մինսկի ուղղությամբ:Մինսկի օդանավակայանից հայտնել էին, որ օդաչուների փոխանցմամբ՝ օդանավն «ականապատված» է եղել, սակայն ստուգումների ընթացքում այդ տեղեկությունը հերքվել է:

11:26 - 25 մայիսի, 2021

Ռուսաստանը Ղրիմի հարցով նախազգուշացում է արել Թուրքիային |ermenihaber.am|

ermenihaber.am: Ռուսաստանի արտգործնախարար Սերգեյ Լավրովը «Аргументы и факты» թերթին տված հարցազրույցում Թուրքիային ուղղված նախազգուշական հայտարարություն է արել: Լավրովը հայտնել է, որ Ղրիմի հետ կապված ուկրաինական նախաձեռնությունների խրախուսումը հավասարազոր է Ռուսաստանի ամբողջականության դեմ կատարվող ոտնձգության: «Եթե խոսենք ուկրաինական գործերի մասին, ապա բոլոր մակարդակներում մենք խստիվ հորդորում ենք մեր թուրք գործընկերներին ուշադիր վերլուծել իրավիճակը և դադարեցնել Կիևի ռազմատենչ տրամադրությունների սնուցումը: Մենք շատ հստակ ենք, որ Ղրիմում ուկրաինական ագրեսիվ նախաձեռնությունները խրախուսելը հավասարազոր է ոտնձգության Ռուսաստանի տարածքային ամբողջականությանը», - ասել է Լավրովը: Լավրովը նաև նշել է, որ այս կապակցությամբ Ռուսաստանն ակնկալում է, որ Թուրքիայի գիծը «կշտկվի՝ հաշվի առնելով Մոսկվայի օրինական մտահոգությունները»։ Հիշեցնենք, որ ապրիլի 10-ին Թուրքիայի նախագահ Ռեջեփ Թայիփ Էրդողանը Ստամբուլում Ուկրաինայի նախագահ Վլադիմիր Զելենսկու հետ բանակցություններում վերահաստատել էր Անկարայի պաշտոնական այն դիրքորոշումը, որ Թուրքիան չի ճանաչում Ղրիմի անեքսիան։

19:58 - 24 մայիսի, 2021

Դոնբասում հայտարարել են 1 օրում ուկրաինական ԶՈւ-ի կողմից հրադադարի ռեժիմի 5 խախտման մասին |armenpress.am|

armenpress.am: Ինքնահռչակ Դոնբասի Ժողովրդական Հանրապետության ներկայացուցիչները հայտարարել են, որ անցած օրվա ընթացքում Ուկրաինայի ուժայինները 5 անգամ խախտել են հրադադարի ռեժիմը:Ինչպես հաղորդում է «ՌԻԱ Նովոստի»-ն, Դոնբասի հրադադարի ռեժիմի վերահսկման համակարգման համատեղ կենտրոնից լրագրողներին հայտնել են, որ ուրբաթ ուկրաինացի ուժայինները մեկ օրում 7 անգամ էին խախտել հրադադարի ռեժիմը:

14:14 - 22 մայիսի, 2021

Կանադայի արտգործնախարարը Լավրովի հետ քննարկել է Լեռնային Ղարաբաղի շուրջ զարգացումները |tert.am|

tert.am: Իսլանդիայի մայրաքաղաք Ռեյկյավիկում բանակցություններ են վարել Կանադայի արտգործնախարար Մարկ Գարնոն և Ռուսաստանի ԱԳ նախարար Սերգեյ Լավրովը: Ինչպես տեղեկանում ենք Կանադայի ԱԳՆ կայքում առկա հաղորդագրությունից, կողմերը քննարկել են Արկտիկայում, Վենեսուելայում առկա իրավիճակը, Ռուսաստան-Ուկրաինա հարաբերությունների լարվածությանն ու Ղրիմի խնդրին, ինչպես նաև՝ անդրադարձ է կատարվել Լեռնային Ղարաբաղի շուրջ զարգացումները: Մասնավորապես, ըստ հաղորդագրության, Կանադայի արտգործնախարարը վերահաստատել է, որ պաշտոնական Օտտավան կոչ է անում Հայաստանին և Ադրբեջանին նվազեցնել առկա լարվածությունը, հույս է հայտնել, որ կողմերը կարող են արդյունավետ ու կառուցողական քայլերի դիմել, այդ թվում՝ ձերբակալված անձանց վերադարձի աճյունների փոխանակման գործընթացների արագացումը, պատերազմական բոլոր հանցագործությունների հետաքննությունն ու դատապարտումը, համագործակցությունը ականազերծման աշխատանքների հարցում: Գարնոն Լավրովին ասել է նաև, որ Կանադան շարունակելու է աջակցել ԵԱՀԿ-ի առանցքային դերակատարմանը հակամարտության երկարատև կարգավորման հասնելու հարցում:

09:56 - 21 մայիսի, 2021

Ուկրաինան ամեն ինչ անում է Ղրիմը վերադարձնելու համար. Զելենսկի |tert.am|

tert.am: Ուկրաինայի նախագահ Վլադիմիր Զելենսկին հայտարարել է, որ երկիրն ամեն ինչ անում է Ղրիմը Կիևի վերահսկողության տակ վերադարձնելու համար:Հայրենական մեծ պատերազմի տարիներին Ղրիմի ժողովուրդների տեղահանության զոհերի հիշատակի օրը նշվում է մայիսի 18-ին: Այս օրը թերակղզում անցկացվում են հիշատակի միջոցառումներ:«77 տարի առաջ Ղրիմի ամբողջ թաթարական բնակչությունն արտաքսվեց Ղրիմից: Դրա պատճառով նրանք կորցրել են մարդկանց 50% -ը: 7 տարի առաջ Ղրիմը բռնազավթվել է Ռուսաստանի կողմից: Ուկրաինան ամեն ինչ անում է թերակղզին վերադարձնելու համար: Այդ պատճառով ենք մենք գործարկել Ղրիմի պլատֆորմը», - գրել է Զելենսկին իր թվիթերյան օգտահաշվում:

13:16 - 18 մայիսի, 2021

Վրաստանը, Մոլդովան և Ուկրաինան հուշագիր են ստորագրել ԵՄ-ին ինտեգրվելու ուղղությամբ աշխատանքների վերաբերյալ |1lurer.am|

1lurer.am: Վրաստանի և Մոլդովայի արտգործնախարարներ Դավիթ Զալկալիանին և Աուրելիու Չոկոյը, որոնք երկուշաբթի ժամանել էին Կիև, իրենց ուկրաինացի գործընկեր Դմիտրի Կուլեբայի հետ ստորագրել են համագործակցության հուշագիր ԵՄ-ին ինտեգրվելու վերաբերյալ, գրում է Eadaily-ն: Ուկրաինայի արտգործնախարար Կուլեբայի խոսքով՝ փաստաթղթում նշվում է, որ երեք երկրները «ԵՄ-ին ինտեգրվելու այլընտրանք չունեն»: Վրաստանի արտգործնախարարը նույնպես հաստատել է կողմերի մտադրությունը՝ «ընդլայնել քաղաքական երկխոսությունը ԵՄ-ին ինտեգրվելու համար և այդ հարցում առաջընթաց գրանցել»: Մոլդովայի ԱԳՆ ղեկավարն էլ վստահ է, որ հուշագիրը երեք երկրներին կօգնի հասնել հաջորդ տասնամյակում ԵՄ-ին անդամակցելու նպատակին: Հիշեցնենք, որ Վաշինգտոնը նախատեսում է ռազմական դաշինք կազմել Ուկրաինայի, Վրաստանի և Մոլդովայի միջև: Արդեն սկսվել են խորհրդակցությունները երեք պետությունների լիազոր ներկայացուցիչների միջև: Այս տեղեկությունը հաստատել է Ուկրաինայի արտաքին գործերի նախարար Դմիտրի Կուլեբան:

21:02 - 17 մայիսի, 2021

Զելենսկին Մեծ յոթնյակի և ԵՄ դեսպանների հետ այցելել է Լուգանսկի մարզ |1lurer.am|

1lurer.am: Ուկրաինայի նախագահ Վլադիմիր Զելենսկին Լուգանսկի մարզ է այցելել Մեծ յոթնյակի և Եվրամիության անդամ երկրների դեսպանների հետ: Այս մասին տեղեկացնում են Ուկրաինայի ղեկավարի մամուլի ծառայությունից: «Ուկրաինայի նախագահն աշխատանքային այցով մեկնել է Լուգանսկի մարզ: Վոլոդիմիր Զելենսկու հետ ժամանել են նաև Մեծ յոթնյակի և ԵՄ անդամ երկրների դեսպանները»,- նշվում է հաղորդագրության մեջ: Ուկրաինայի նախագահը մտադիր է մասնակցել Երկրորդ աշխարհամարտի զոհերի հիշատակին նվիրված արարողությանը:

18:59 - 08 մայիսի, 2021

Արցախում հայկական մշակութային ժառանգությունը սպառնալիքի տակ է. Ուկրաինայի հայերի միությունը դիմել է ՅՈՒՆԵՍԿՕ-ին |1lurer.am|

1lurer.am: ide class="content-wrapper__left fl"> Ուկրաինայի հայերի միությունը նամակ է հղել ՅՈՒՆԵՍԿՕ-ին՝ կապված Արցախում հայկական ժառանգության դեմ արձանագրված վանդալիզմի գործողությունների հետ՝ հայտնում է AnalitikaUA.net-ը: Կազմակերպությունը նամակում խնդրել է ՅՈՒՆԵՍԿՕ-ի ուշադրությունը հրավիրել Արցախում գտնվող հայկական մշակութային ժառանգության վրա, որն այժմ վտանգված է: Կարևոր է նշել, որ Արցախի Հանրապետությունում կա հայոց պատմության և մշակույթի ավելի քան 3000 հուշարձան, այդ թվում` ավելի քան 500 քրիստոնեական եկեղեցի, ինչպես նաև նախաքրիստոնեական դարաշրջանի տասնյակ հուշարձաններ: Այս հուշարձաններից ամենահինը ավելի քան 2 հազար տարվա վաղեմություն ունի (Տիգրանակերտի ամրոց): Հիշեցնենք, որ Ուկրաինայի հայերի միությունը դարձավ Ուկրաինայի առաջին հասարակական կազմակերպությունը, որն ընդգրկվեց Եվրամիության թափանցիկության ռեգիստրում: Բրյուսելում գործում է Ուկրաինայի հայերի միության ներկայացուցչությունը: ինչպես հայտնի է, Արցախյան պատերազմի առաջին իսկ օրերից Կիևում և Երևանում գործում են Ուկրաինայի հայերի միության օպերատիվ շտաբներ, որոնք օգնություն են տրամադրում հայրենակիցներին:

17:01 - 08 մայիսի, 2021

Լուգանսկում հայտարարել են Դոնբասի բնակելի շրջաններում Ուկրաինայի ԶՈՒ զրահատեխնիկայի տեղակայման մասին |armenpress.am|

armenpress.am: Ուկրաինայի զինված ուժերը կրկին զրահատեխնիկա և սպառազինություն են տեղակայում Կիևի վերահսկողության տակ անցած Դոնբասի բնակավայրերում: Ինչպես հաղորդում է «ՌԻԱ Նովոստի»-ն, այդ մասին լրագրողներին հայտնել է Լուգանսկի ժողովրդական միլիցիայի մամուլի ծառայությունը: ԼԺՀ Ժողովրդական միլիցիան բազմիցս մեղադրել է Կիևին Դոնբասի՝ Կիևի վերահսկողության տակ գտնվող բնակավայրերում զենք և տեխնիկա տեղակայելու մեջ: «Լրացուցիչ միջոցառումների երրորդ կետի խախտմամբ հակառակորդը շարունակում է սպառազինություն և ռազմական տեխնիկա տեղակայել Ուկրաինայի վերահսկողության տակ գտնվող բնակավայրերում»,- լրագրողներին հայտարարել է գերատեսչության մամուլի ծառայության ներկայացուցիչը: Նա ընդգծել է, որ Ուկրաինայի ԶՈւ զրահատեխնիկան տեղակայվել է Կիևի վերահսկողության տակ գտնվող Զոլոտոյե-2, Լուգանսկի, Մուրատովո և Գեևկի բնակավայրերում։

14:33 - 08 մայիսի, 2021

Լուգանսկը պատրաստ է բանակցել թե՛ Ուկրաինայի ընդդիմության, թե՛ իշխանության հետ` հանուն Դոնբասում խաղաղության հաստատման. ԼԺՀ ղեկավար |tert.am|

tert.am: Ինքնահռչակ Լուգանսկի Ժողովրդական Հանրապետությունը պատրաստ է բանակցություններ վարել ուկրաինական ընդդիմության հետ, եթե դա կօգնի լուծել Դոնբասում առկա հակամարտությունը: Այս մասին «ՌԻԱ Նովոստի»-ին տված հարցազրույցում հայտարարել է ԼԺՀ ղեկավար Լեոնիդ Պասեչնիկը:Սակայն, Պասեչնիկի խոսքերով, ինքը շփումներ չի ունեցել ընդդիմադիր քաղաքական գործիչների հետ` բացառությամբ «Ընդդիմադիր հարթակ հանուն կյանքի» կուսակցության քաղաքական խորհրդի ղեկավար Վիկտոր Մեդվեդչուկի հետ միակ հանդիպման:«Դա այն ժամանակ էր, երբ քննարկվում էր ռազմագերիների փոխանակման հարցը, որոնք պահվում էին ինչպես Ուկրաինայի տարածքում, այնպես էլ մեր տարածքում: Սա միակ շփումն էր: Ես այլևս շփումներ չեմ ունեցել ոչ մի ընդդիմադիր ուժի հետ, ո՛չ Վիկտոր Մեդվեդչուկի, ո՛չ էլ այլ ներկայացուցիչների հետ»,-բացատրել է Պասեչնիկը:Միևնույն ժամանակ նա նշել է, որ պատրաստ է «ցանկացածի հետ խոսել», եթե դա կօգնի հասնել խաղաղության:

10:31 - 07 մայիսի, 2021

ԱՄՆ պետքարտուղարը պատասխանել է Զելենսկիի` Բայդենին` Կիև այցելելու հրավերին |tert.am|

tert.am: Ուկրաինայի նախագահ Վլադիմիր Զելենսկին իր գրասենյակում բանակցություններ է վարել ԱՄՆ պետքարտուղար Էնթոնի Բլինկենի հետ, որից հետո կայացել է նրանց համատեղ ճեպազրույցը: Այս մասին գրում է EADaily լրատվականը: Ճեպազրույցից պարզ է դարձել, որ բացի Ուկրաինայում տիրող իրավիճակից, կողմերը քննարկել են նաև «Հյուսիսային հոսք-2» գազատարը, որի վերաբերյալ «միասնական դիրքորոշում» են հայտնել:Բացի այդ, Զելենսկին Սպիտակ տան ղեկավար Ջո Բայդենին հրավիրել է Ուկրաինա ՝ անկախության 30-ամյակի կապակցությամբ: Սակայն Բլինկենի հայտարարությունից պարզ է դարձել, որ ԱՄՆ նախագահը չի շտապում այցելել Կիև: Դրա պաշտոնական պատճառը հայտարարվել է կորոնավիրուսի համավարակը, ինչը «բարդացնում է ԱՄՆ նախագահի այցերի հետ կապված իրավիճակը»:

17:43 - 06 մայիսի, 2021

Բլինկենը հայտարարել է, որ ՌԴ-ն «օգտվում է Ուկրաինայում կոռուպցիայի հետ կապված իրավիճակից՝ սեփական շահերն առաջ մղելու համար» |tert.am|

tert.am: ԱՄՆ պետքարտուղար Էնթոնի Բլինկենը հայտարարել է, որ Ռուսաստանն «օգտվում է Ուկրաինայում կոռուպցիայի հետ կապված իրավիճակից՝ սեփական շահերն առաջ մղելու համար», փոխանցում է ria.ru-ն։ «Ուկրաինան մարտահրավերների է բախվում երկու ուղղություններով։ Արտաքին կողմից՝ Ռուսաստան, ներսից՝ կոռուպցիա, օլիգարխներ և այլ անձինք, որոնք իրենց շահերը վեր են դասում Ուկրաինայի ժողովրդի շահերից»,- ասել է Բլինկենը Ուկրաինայի նախագահ Վլադիմիր Զելենսկիի հետ համատեղ մամուլի ասուլիսի ժամանակ։ «Ռուսաստանը նաև օգտագործում է այս ներքին խնդիրը, որպեսզի առաջ մղի իր շահերը, որոնք հակասում են ուկրաինացի ժողովրդի շահերին»,- հայտարարել է նա։

17:07 - 06 մայիսի, 2021